2 Nolu Varak

Sayfanın üst kısmında yazılı olanlar:

Yeniçeriler 20, Beyler 10, …………..(?) , Sakalar 15, İç kapucılar 20, İşrah Kapucılar 20, Çavuşlar 20,
Solaklar 30,

1-A
1. Galata kazasına tabi Ortaköy’de Ahmed Beğ ibni Mehmed’in Ali Çelebi ibni Mehmed’e mülkünü
satmasına dair hüccet

Galata kazâsına tabî’ Ortaköy nâm karyede Yeni Mahalle sakinlerinden Ahmed Beğ ibni Mehmed mahfil-i
kazâda iş bu bâ’isü-l küttâb Ali Çelebi ibni Mehmed mahzarında ikrâr-ı tâm ve takrir-i kelâm idüb mahalle-i
mezbûrede vakı’ bir tarafdan Fazlı Beşe mülki ve bir tarafdan Mustafa Ağa mülki ve bir tarafdan dere ve
bir tarafdan tarîki hass ile mahdûd olub iki bab fevkani ve iki bab tahtani odaları ve dehlizi ve kiları
müştemil mülkü menzilimi  mezbûr Ali Çelebi’ye on bin fıddî raic fil vakt akçe tarik’ül-istiglal–i bey’ ve
teslim idüb ol dahi kendi malıyla minval-i muharrer üzere iştira’ ve teslim eyleyüb semen-i mezbûrı
tamamen bundan ahz ü kabz eylediğimden sonra mezbûr Ali Çelebi yedine ol menzili târih-I küttâb şehr-i
rebi’ü-l âhiresinin gurresinden bir sene tamamına değin bin beş yüz akçe ücreti müeccel ile yine bana icâr
idüb ben dahi isticar eyledim didikde gıbbe’t-tasdik mu’teber ma hüve’l-vâki‘bi’t-taleb ketb olundı fil yevmil
hamis min Rebi’ü-l âhir sene isneteyn ve seb’în ve elf.
Şuhûdü’l-hâl: Mehmet Çelebi bin Mehmed, Halil bin Lütfullah, Muharrem bin Abdullah, Hasan bin Osman.
 
2. Mustafa Beşe ibni Mehmed’in Hacı veled-i Ehem’den borcunu talep etmesine dair ilam

Zümre-i râcilinden Mustafa Beşe ibni  Mehmed nâm kimesne mahfil-i kazâda devr-i kıtâl Hâcı veled-i
Avrahim nâm Yahudi muvâcehesinde  üzerine davayı kelâm idüb  mezbûr Hâcı zimmetinde hüccet-i
deyni  şer’ide elli riyali guruş hakkım vardır halâ taleb iderim suâl olunsun didikte gıbbe’s suâl mezbûr
Hacı cevâbında fil hakika müdda’î mezbûr yine cihet-i merkûmeden olan elli kıt’a riyali guruş ve zimmetleri
.......... deynim vardır deyû bi-tav‘â ikrâr itmeğin 'ala mûceb-i i’tirâ mezbûrun edasıyla merkum Hacı ilzâm
olunub mâ vakî’ ketb olundı  fil yevmis sâni aşere min şehr-i  Rebi’ü-l âhir li sene isneyn ve seb’in ve elf.
Şuhûdü’l-hâl:Halil bin Ali, Muharrem bin Abdullah, Ahmed bin Mehmed, Hüseyin bin Osman, Mustafa bin
Ali.
 
3. Galata Ekmekyemez mahallesinde Mustafa Beşe ibni Musa’nın Mehmed bin Mustafa’dan 4500 akçe
borcunu istemesine dair ilam
Mahrusa-i  Galata'da Ekmekyemez Mahallesinde sakin işbu bâisü’l-küttâb Mustafa ibn Musa mahfil-i
kazâda Mehmed bin Mustafa mahzarında üzerine idüb mezbûr Mehmed zımnında yedinden müşterî ve
mefyuz olub yanımızda ilmü şer’ ile mâ’lum ilk bahasından bin sekiz yüz gayib-i ani’l meclis Musa nâm
kimesnenin zımnında kezalik ilk baha olan iki bin yedi yüz akçe hakkımın cem’ine emr-i kabûl ehâvine(?)
ile kefil olmağla cihet-i kefaletden meblâğ-I mezbûr iki bin yedi yüz akçeki cem’an dört bin beş   yüz akçe
hakkım vardır halâ taleb iderim su’âl olunsun didikde gıbbe’s-suâl merkum Mehmed cevabında  fi’l-vâki‘
şer’i mezbûrı minval-i muharrer üzere kendinden iştirâ eylediğim ilk bahâsından bin sekiz yüz akçe ile
cihet-i kefâletden daha iki bin yedi yüz akçeki cem’an dört bin altı yüz akçe zimmetimde lazım’ü-l edâ ve
vacib’ü-l kazâ deynim vardır deyû ma bi’t-tav‘i’s-sâf ikrâr itmeğin mucebince meblağ-ı mezbûr dört bin beş
yüz akçeyi müdde’î mezbûra eda ve teslim itmek üzere merkum Mehmed’e tenbih olunub ma vaki’ bi’t-
taleb ketb olundu fil yevmil hadi vel işrin min  rebi’ü-l evvel  sene isneyn ve seb’in ve elf.
Şuhûdü’l-hâl: Mehmed Çelebi bin İbrahim,  Mahmud Çelebi İsmail, Halil bin Lütfullah, Muharrem bin
Abdullah.
 
1B
4. Sumoku kazasından Mehmed bin Ali’nin Tophane’de Çavuşbaşı mahallesinde sakin Mustafa bin
Hasan’a tarlalarını sekiz bin akçe karşılığında satmasına dair hüccet
            Vilâyet-i Anadolu’da Sumoku Kazâsına tabi’ Kurtiliz nâm karye ahalisinden Mehmed bin Ali nâm
kimesne meclis-i şer’i şerifde fil asıl karye-i mezbûreden olub halâ mahruse-i Galata muzâfâtından
Kasaba-i Tophanede Çavuş Başı Mahallesinde sakin işbu sahib’ü-l küttâb Mustafa Bin Hasan nâm
kimesne mahzarında ikrar-ı kelâm idüb karye-i mezkûre arâzisi sınurunda vaki’ bir tarafı Halil Kethüda
tarlası ve bir tarafı Kuyutaşı Pınarı dimekle ma’rûf  pınar ve bir tarafı Göçgün dağı ve bir tarafı tarîk-i ‘âm
ile mahdûd tahminen otuz beş keyl tohum isti’ab ider üç kıt’a tasarrufumda olan tarlalarımın hakk-ı 
tasarrufunı sahib-i arazi ma’rifetiyle  sekiz bin fıddî rayic fi’l-vakt akçe bedel-i mukabelesinde mezbûr
Mustafa’ya ferağ ve tefvîz idüb ol dahi vech-i muharrer olub tefvîz eyledikden sonra bedel-I fera’ olan
meblağ-ı mezbûr sekiz bin akçeyi mezbûr Mustafa’ya hüccet-i karz-ı şer’iden zimmetimde olan sekiz bin
akçe deynime takas idüb ol dahi mukâs ve kabûl eyleyüb hudud-ı mezkure ile mahdûd olan mâruzzikr üç
kıt’a tarlaları mahallinde kabza mezbur Mustafa’yı  teslît eyledim didikte gıbbe’t-tasdik’ül mu’teber ma
hüvel vakı’ bit-taleb ketb olundu fil yevm’il âşir min şehr-i rebi’ü-l ahir sene isneyn ve seb’in ve elf.
            Şühûdü’l-hâl: Halil Efendi  bin Receb’ü-l âsi, Şaban Efendi bin Osman........, Musa Efendi bin
Mültezim, Ahmed Beşe İbrahim.
 
5. Ali bin İsa’nın Kiryako veled-i Dimitri veled-i Kiryako’dan alacağına dair ilam
Keserci tâifesinden Ali bin İsa nâm kimesne mahfil-i kazâda Mahmiyye-i İstanbul hısn-ı ebvâbından odun
kapusu dahilinde vakı’sakin boyacı taifesinden işbu Hâmilü’r-rakîm Kiryako veled-i Fakon ve Dimitri veled-i
Kiryako nâm zımmiler muvacehelerinde üzerine da‘vâ ve takrir-i kelam idüb mezbûr tarih-il küttâb
gicesinden sekiz gice mukaddem kendülerinin boyacı dükkanına muttasıl olan eğerçi dükkanım içinden
seksen kıt’a riyâli guruşumı hakikate ahz itmişlerdir su’al olunub alıverilmesi matlubumdur didikte gıbbe’s
su’al mezbûrân  Kiryako ve Dimitri husûsı mezbûrı .... inkâr itmeleriyla müdde’î mezbûr Ali'den
müddeâsına beyyinine …..taleb olundukda ikâmet-i beyyineden izhâr-ı amme ile istihlâf müüdeî
mezbûrân Kiryako ve Dimitri mezbûrûn zikr-I şeyyin iden kâfi içinden seksen kıt'a riyali guruşın hakkına
ahz idüb an üzerlerine edây-I vâcib müdde‘î mezbûrın hakkı olmadığına âyin-I teklîf olundukda anlar dahi
alâ vakt-ilmesûl yemin billâh ellezî ünzilel incîl İsâ Aleyhisselâm idicek mucebiyle mezbûr Ali ilel intisâr
taarruzundan olunub mâ vaki’ bi’t-taleb sebt olundı fil yevmil samin  mineşşehri rebi’ü-l âhir  sene isneyn  
ve seb’in ve elf.
Şuhûdü’l-hâl: Beşe ibn-i Mehmed Lütfullah, Mahmud Çelebi ibn-i İsmail, Mustafa Beşe Çukadar, Hüseyin
bin Mehmed, Muharrem bin Abdullah

 
2A
6. Mirohor mahallesinden Altun veled-i  Miroz’un verasetine dair tereke
Mahmiye-i İstanbul surı ebvabında Yedikule kapusu dahilinde Mirohor mahallesinde sakin iken işbu
sâhibü’l-küttâb Altun veled-i  Miroz nâm Ermeni meclis-i şer’de mahalle-i mezbure sükkânında iken
mukaddema halik olan Kurt veled-i  Doni nam zımmînin sulbi sağir oğlu Dimitri’nin tesviye-i umurıyçün
kıbel’i şer-i ...... mansure vas’î olmakla halik-i mezburun terekesine vazı’ül yed’ olan müddeâya sabit olan
Lenko veled-i  Yevan nâm zımmî muvacehesinde üzerine da’va ve takrir’i kelâm idüb tarih-i küttâbdan bir
ay müddetle halik-i mezbur kurda mal-ı sıhhatinde emlakımın ba çift kara sığır öküzleri bi-saffâ dahil iken
iki bin yedi yüz kırk akçeye bâ tabi’ ve teslîm idüb ol dahi vech-i muharrer üzere iştira ve teslim ve kabz
eyledükten sonra mahalle-i mezburdan iki bin akçesini yed’ine ahz ve kabz idüb bakîsi olan yedi yüz kırk
akçesini istifa itmezden mukaddem mezbur fevt ve halik olub zimmetimde kalmağın hala terekesine vazı-
ul yed’ olan dahi mezburdan halik-i mezburun terekesinden eda itmek üzere taleb iderim sual olunsun
didikte gıbbe’s su’al ve akibül inkâr müdde‘î mezbûrdan müddeâsına mutabakat-ı beyyine taleb olundukda
ındel …… milleti Nassarîden olub mahalle-i mezburdan Setil veled-i  Redeyi’den Dehretoz veled-i  Kereni
nâm zımmîler li eclin nihâde meclis-i şer’a hazırân olub inneşşehâdet-i şer’i müdde‘î mezbûr altuna tarih-i
fehhabına ve berây-ı mukaddem halîk-i mezbura .......... hal-i sıhhatinde emlâkında bir çift kara sığır
öküzlerini bi saf’ha’tün vahidün bezmi kasr-ı yedinde ikibin yedi yüz kırk akçeye bâ tâbi ve teslim idüb
mezbur Kurt dahi vech-i mukarrer üzere iştirâ ve teslim ve kabz eyledi bu hususa bu dahi olan şahitler
şehadet dahi iderüz deyu her biri eda dahi mezbur muvacehesinde eda-i şehadet-i şer’a eylediklerinde
gıbbe riayet-i şerâyite makbul-u şehâdetleri hayr-ı kabulden vakî’ olmağın ba’de’t tahlif’ül adî mucibiyle zikr
olunan meblağ-ı baki yedi yüz kırk akçeyi halik-i mezburun terekesinden müdde‘î mezbûrdan eda ve
teslim itmek üzere vech-i merkum deftere beyyine olunub mâ vaki’ bittaleb ketb olundı. Fil yevmi rabi’ min
şehr-I rabi’ul âhir li sene isneyn   ve seb’in ve elf.
Şuhûdü’l-hâl: Ahmed Çelebi bin Ali, Mehmed bin İsmail, Mustafa Beşe bin Osman, Şaban bin Abdullah,
Hacı Beşe bin Abdullah
 
7. Şah Ferhad mahallesinde Sadet veled-i Tador isimli Ermeninin arsasını Asvador veled-i Nora’ya
satmasına dair hüccet
Mahmiye-i İstanbul’da Şah Ferhad Mahallesinde sakin Sadet veled-i Tador nâm Ermeni meclis-i şer’i
hâtır-i lazımü’t tevkîrde iş bu ba’is’ü-s sefer Asvador veled-i Nora nâm Ermeni muvâcehesinde ikrar-ü tâm
ve takrîr-i kelâm idüb silk-i mülkümde münselik olub Mahalle-i mezbûrede vakî’ bir tarafdan mezbûr
Asvador'un zevcesi Meyrem nâm Ermeniye  mülki ve bir tarafdan Sinan nâm Ermeni mülki ve bir tarafdan
Miyaset nâm Ermeni mülki ve bir tarafdan tarik-i ‘am ile mahdûd tûlen arzan behâb-ı Şatrancı yüz seksen
zirâ' muhterik mülk-ü menzil arsamı on üç bin beşyüz kaza(?) nakd-i raic  fi’l vakt’ akçe mezbûr Asvador’a
tarafımdan icâb ve kabulü havi bey‘-i bât sahîh-i şer‘î  ile bey’ ve teslim idüb ol dahi minval-i muharrer
üzere iştirâ ve teslim eyledikten sonra semen-i olan meblağ-ı mezbûr on üç bin beş yüz akçeyi mezbûr
Asvador yedinden bit-tamam vel kemâl ahz ü kabz eyledim ba’del yevm zikr olunan arsa-i merkûm
Asvador’un mülk-ü müşterası olmuşdur keyfema yeşâ ve bahtiyâr-I mutasarrıf olsun didikte gıbbe’t-
tasdîkü’ş-şer’i mâ hüve’l-vâki’ gıbbe’t-taleb ketb olundu fi rebi’ü-l ahir sene 1072.
Şuhûdü’l-hâl: Abdurrahman Efendi  bin Mehmed el-İmam, Mehmed bin Turmuş el-Mezbûr, Mehmed
Efendi bin Mahmud, Mustafa bin Hüseyin.
 
2B
8. Hac yolunda vefat eden Hüseyin ibn Mehmed’in mallarının eşi Safiye, oğlu Mehmed ve kızları Fatma ile
Aişe arasında paylaşılmasına dair tereke
Mahmiye-i İstanbul’da Çukur Mahallesi ahalisinden olub mukaddeman tarîk-i Hâcc-ı Şerifte fevt olan el-
Hâcc Hüseyin ibn Mehmed’in veraseti zevce-i metrûkesi Safiye Hâtun ibnet-i Şaban ile sulb-i kebîr oğlu
Mehmed’e ve sulbiye-i kebire kızları Fatıma ve Âişe’ye münhasıra oldığı şer’an zâhir ve mütebeyyin ve
müteveffây-ı mezbûrun terekesinden olub zikr-i ca’iz mülk-ü menzili otuz iki sehm itibar olunub siham-ı
mezbûreden dört siham mezbûr Safiye Hâtun ve on dört sihamı merkûm Mehmed ve yedişer sihamı
mezbûrân Fatıma ve Aişe’den her birine isabet iden iki mütehakkık olduktan sonra mezbûrun Mehmed ve
Fatıma ve Aişe  meclis-i şer’i şerifde işbu sâhibü’l-küttâb merkume Safiye Hâtun mahzarında her biri bi’t-
tav‘i’s-sâf  ikrâr ve takrîr-i kelâm idüb müteveffâ-yı mezbûrun terekesinden olub Medine-i Hazret-i Ebâ
Eyyûb Ensarî  mahallatından Ağa Mahallesinde vakî’ bir tarafı Medîne-i Münevvere vakfı bir tarafdan
Hazret-i Eyyûb vakfı ve bir tarafı Musli Beşe ibni Hasan mülkü ve bir tarafı tarik-i ‘âm ile mahdud iki bab
tahtani oda yeri ve bir sofayı ve cünbiye’yi ve kenif-i müştemil olan mülk-ü menzil-i mezbûr dan bi’l-irsü’ş-
şer’i bize isabet mâruz-zikr yirmi sekiz siham şayiamızı cümle tevâbi’ veled-i Ahfa ile mezbûr Safiye Hâtun
on bin beş yüz kadı rayici fi’l vakti akçeye tarafeynden icâb ve kabul  havi bey‘-i bâd-ı sahîh-i şer‘î ile bey’
ve teslim idüb ol dahi muharrer üzere iştira’ ve teslim ve kabz eyledikten sonra semeni olan meblağ-ı
mezbûr olan bin beş yüz akçemi yedinden bit-tamâm vel kemal olub kabz eyledik ba’del yevm menzil-i
mahdûd mezkurun otuz iki sehimden yirmi sekiz sehm-i mülkü müşterası ve dört sehimi mülkü
mezburudur keyfema yeşâ  mutasarrıf olsun didiklerinde gıbbe’t-tasdîk mâ vakt bit-taleb ketb olundu fil
yevmis sani aşere min şehri rabiu’l âhir li sene isneyn ve sittin ve elf.
Şuhûdü’l-hâl: El Hâc Mehmed  bin Şaban, Musa Beşe bin Mahmud, Musli  bin Hasan, El Hâc Ali bin
Abdullah, Küçük Mustafa Abdülkerim.
 
            9. Hasan bin Ali’nin Rus asıllı cariyesini Hızır Beşe bin Kenan’a satması ve alacağını talep
etmesine dair ilam
            Esirci taifesinden iş bu sâhibü’l-küttâb Hasan bin Ali nâm kimesne mahfil-i kazâda Hızır Beşe bin
Ken’an mahzarında üzerine da’va ve takrîr-i kelâm idüb gayib-i ‘anil meclis’i el-Hâcc Abdiye evsâf-ı
beynimizde ma’lum bir re’s-i Rusiyyetü’l-asl cariyemi on bin sekiz akçaye bey’ ve teslim idüb ol dahi iştira’
ve kabz eyledikden sonra mezbure Hızır Beşe semen olan meblağ-ı mezbûr on bin sekiz yüz akçeye emr
ve kabûlü hâviye kefalet-i sahiha şer’iyye ile kefil olduktan sonra meblağ-ı mezbûrdan beş bin iki yüz
akçesini yedinden ahz ü kabz idüb bakî’ kalan beş bin altı yüz akçe hakkımu dahi kefaleti hasebiyle taleb
iderim su’al olunsun didikte gıbbe’s-su’al mezbûr Hızır Beşe cevabında fi’l vaki’ müdde’i mezbûrun gayb’ül
merkum el-Hâc Abdi zimmetinde cariye bahâsından olan on bin sekiz yüz akçe hakkına ben emr-i kabülü
haviye kefalet-i sahiha şer’iyye ile kefil olmuşdum deyû bit tev’a ikrâr ve i’tirâf itmeğin ikrâr-ı mucebince
meblağ-ı bakî beş bin altı yüz akçenin edasıyla merkum Hıızır Beşe ilzâm olub mâ hüve’l-vâki‘ bittaleb
ketb olundu fi’l yevmis sani aşere min rebi’ül ahir sene isneyen ve seb’in ve elf.
            Şuhûdü’l-hâl: Mustafa Beşe bin Osman, Hasan bin Osman, Halil bin Lütfullah, Ramazan bin
Abdullah.
 
3A
            10. Receb Beşe ibn-i Turmuş’un Küçük Pazar Mahallesinde fevt olan Hacı İsa bin Halil'in kardeşi
Ramazan’dan alacağını talep etmesine dair ilam
            Dergah-ı Âlî Dâme mahfûfen bi-l-me’âli yeniçerilerininn on üçüncü ağa bölüğü yoldaşlarından işbu
sâhibü’l-kitâb Receb Beşe ibn-i Turmuş nâm kimesne mahfil-i kazada fil-asl Vilayet-i Anadolu'da
Göremedir kazasına tabi Dergüney dimekle ma'ruf olan karye ahalisinden olub Mahmiye-i İstanbul'da
Küçük Pazar Mahallesi sükkânından iken mukaddema fevt olan merkumân Hacı İsa bin Halil'in li-ebeveyn
karındaşı Ramazan nam kimesne mahzarında üzerine da'va ve takrîr-i kelam idüb bundan akdem mezbûr
İsa yedine hal-i sıhhatinde yüz elli kıt'a riyali guruşı kebir ibra’ ve teslim idüb ol dahi iştirâ’ ve kabz
eyledikden sonra meblağ-ı mezbûrı târih-i kitâbdan on dört ay mukaddem mezbûr İsa'dan sıhhati halinde
taleb eylediğimde ol dahi yedinden iştira ve kabz itdiğim meblağ-ı mezbûr ile izni yoğiken ben bakır iştira
itmekle ta’addî eyleyüb meblâğ-ı mezbûrı itlâf eylediğim ecilden meblağ-ı mezbûr zimmetime edâsı lazım
ve deynim olmuşdur deyû Mahmiye-i mezbûrede Ayazma Kapusu dâhilinden vak'î kazgancılar sûkûnda
huzur-u Müsliminde ikrâr idüb ba’de meblağ-i mezbûr yüz elli guruşun cemiyyet-i mezbûr Ramazan’a emr
ve kabülü hâviyei kefâlet-i sahihâ-i şer'iyye ile kefîl oldukdan sonra mezbûr İsa kabl-el-edâ fevt olub
meblağ-ı mezbûr zimmetinde kalmağın halâ meblağ-i mezbûrı bî-hükm’ül kefâlete mezbûr Ramazan'dan
taleb iderim su'âl olunsun didikde gıbbe’s-suâl mezbûr Ramazan husus-ı mezbûrı bil külliye inkâr idecek
müdde'î mezbûr Receb Beşe'den müdde'asını mübeyyine taleb olundukda fil asl karye-i mezkûr
ahâlisinden olub halâ Mahmiye-i mezbûrede merhûm ve mâfurunleh Sultân Bayezîd Hân'a tâbe serâhu
tabhânesi sükkânından ve abdûl-i müsliminden olan Mehmed bin Murad ve Süleyman bin Yunus nâm
kimesneler li-ecli’ş-şehâde meclis-i şer‘a hâzırân olub eseru’l-istişhâdü’ş-şer‘ fi’l-vâki‘  müdde‘î mezbûr
Receb Beşe bundan akdem mezbûr İsa yedine ibrâ’ ve teslim eylediği meblağ-ı mezbûr yüz elli guruş
târih-i kitâbdan on dört ay mukaddem mezbûr İsa’dan sıhhati halinde taleb eyledikde mezbûr İsa dahi
müdde’î mezbûr yedinden istidâ’ ve kabz eylediğim meblağ-i merkûm yüz elli kıt'a riyali guruş ile müdde’î
mezbûrun izni yoğiken ben bakır iştirâ itmekle ta’addî eyleyüb meblağ-i mezbûrı itlâf eylediğim ecilden
meblağ-i mezbûr zimmetimi edâsı lâzım deynim olmuşdur deyû Mahmiye-i mezbûrede Ayazma Kapusu
dâhilinden vak'î kazgancılar sûkunda bizim huzurumuzda ikrâr idüb ba’de  mezbûr Ramazan meblağ-i
mezbûr yüz elli kıt'a riyali guruşun cemiyyete beyyine huzurumuzda emr ve kabûlü haviye kefâlet-i sahîhâ-
i şer‘îyye ile kefil olundı biz bu husus bu vecih üzere şahidleriz şehadet dahi ideriz deyû münkir-i mezbûr
Ramazan muvâcehesinden  her biri edâ-i ve şehadet-i şeriyye eylediklerinde ba’de’t-ta’dîl ve’t-tezkiye
şehâdetleri hayr-I kabûlde vâkıa olmağın mucebiyle ba’de’l hükm oluna ma vaka’ bil istiâ ketb olundı fi’l
yevmis sani aşere min şehri Rebi’ül ahir li sene isneteyn ve seb’in ve elf.
            Şuhûdü’l-hâl: Ali Beşe bin Mehmed Sabunî, Mustafa beşe bin Mehmed, Ebuzeyd bin
Abdülmü’min, Mehmed Çelebi, İbrahim el-Müezzin
 
            11. Üsküdar’dan Hoşbuka hatunun alacağını talep etmesine dair ilam
            Medine-i Üsküdar'da hamiyyet-i 'anil ikrâr kazasına tâbi’ İstavroz nâm karye sakinlerinden
Hoşbuka Hâtun ibnet-I Abdullah’ın zevci ve tarafından husus-u ca'lüz-zikre vekîl olub mezbûrenin zat-ı
marifeti şer'iyye ile Arifan Memmed Çelebi ibni Receb ve Hasan Beğ ibni Muslî nam kimesneler
şehâdetleri  ile şer’an vekâleti sabite olan fahrül emâsil Mehmed Ağa bin Mulî asâleten ve vekâleten
meclis-i şer’a hatîr lâzımü’t-tevkîrde  hadika-i hassada hâce odası mühimmâtına mevkûfe nükûda bil-fiil
mütevelli olan umdet’ül muhakkıyin zide el müdekkıkîyn Zeynel Abid Efendi ibn-i Abdülhalim tarafından
ikrâr ilel bâkî tasdîk vekîl olub vekîl olub bima hüve nehcâd ........ gayrı vekâleti sabite olan Mustafa Beğ
ibn-i Derviş nâm bostanî mahzarında ikrâr ve takrir-i kelâm idüb zevcem müvekkile-i mezbûre ile alel
iştiraküs sev’i silk-i mülkümüzde münselik olub karye-i mezbûrede vakî’ bir tarafdan İlyas Çorbacı veresesi
mülkleri ve bir tarafdan Ahmed Ağa bağı ve bir tarafdan ba’zen Hasan Efendi ve ba’zen yad Sabâ Hatun
bağları ve bir tarafdan tarafeyn-i âm ile mahdûd buyut-ı âdidemi virgünün ve bir kıt’a bağı müştemil olan
mülkü menzilimizi cümle tevâbi’ ve bu dahi ilâ ve kâffe hukûk ve mürâfi-i ile mütevelli müşâr’ül
Zeynelâbidîn bin Üzeyir ben ve müvekkilem mezbûre Hoşneva hâne yigirmi bin fızzî nakdi rayic-i fîl vakt
akçe bir tarik’ül istiğlal bey’ ve teslim idüb ol dahi mâlı vakf-ı mezbûr ile vech-i mübeyyin üzere iştirâ ve
kabz eyleyüb yine mezbûr yigirmi bin akçemi minval-i müşârün ileyh yed’inden tamamen ahz-ü kabz
eylediğimizden sonra ……..müşârün ileyh menzil-i mezkûrı ba’det tahliyetüş şer’iyye vet takabüz’ül mer’i
târih-i kitâbdan bir sene tamamına değin üçbin mezbûr’ül vasf akçeye bana ve müvekkilem mezbûreye
icâr ve tesim idüb biz dahi a’lel iştirâk-üs sevi isticâr ve kabz eyledik didikde makarrı mezbûr Mehmed
Ağa’nın bir asale ve bil vekâle vech-i muharrer üzere cari olan ikrârını vekil-i mezbûr Mustafa Beğ vivâhen
tasdik ve şifâhen tahkîk idecek mâ hüve’l-vâki‘ bi’t-taleb ketb olundu fi’l-yevm el hamis min şehri Rebiü’l-
âhir sene isneteyn ve seb‘în ve elf.
            Şuhûdü’l-hâl: Umdet’ül meşayih’ül kiram eş-Şeyh Ömer Efendi, Fahr’ül kütâb Ömer Efendi bin
Mehmed, Mahmud bin İsmail, Mehmed Halebi bin Receb
 
3B
            12. Üsküdar’dan haccı şerifte fevt olan el-Hâc Ali bin Mehmed’in verasetine dair tereke
            Medine-i Üsküdar hamiyyet-i 'anil ikrar mahalllâtından Mahmed Paşa Mahallesi ahâlisinden olub
mukaddemâ tarîk-i haccı şerifde fevt olan el-Hâc Ali bin Mehmed nâm kimesnenin verâseti zevce-i
metrûkesi Âyşe bint-i Receb nâm Hâtun ile li-ebeveyn karındaşı Ebu Zeyd nam kimesneye münhasır
oldığu şer'an zayir ve mütebeyyin oldukdan sanra mezbûre Âyşe Hâtun meclis-i şer‘-i hatîr-i lâzimü’t-
tevkîrde  müteveffayı mezbûrın terekesine vazıül yed olan iş bu sâhibül kitab mezbûr Ebu Zeyd
mahzarında tâbîine ikrâr ve takrir-i kelam idüb zevcem müteveffayı muzbûr zimmetinde mütekarrir ve
ma‘kûd-ı aleyh olan iki bin fîzzı râyiç fil vakt akçe mihr-i müeccelimi ve müteveffâ-yı mezbûrun nukud ve
'akar ve menkul vel hâsıl ismi mâl-ı ıtlak olunur bi-mecmû’ terekesinden bil irs-üs şer'i bana isabet iden on
dört bin mezbûr el vasf akçe rubu’ hisse şâyiamı mezbur ebu zeyd yedinden bit tamam vel kemal alub
kabz eyledim ba’del yevm müteveffây-ı mezbûrun mecmu' terekesine müteallik mezbûr Ebu Zeyd ile
vechen minel vücûh ve sebeben minel esbâb da'va ve nizâım va alakam ve medhalim kalmadı didikde
gıbbe’t-tasdîkü’ş-şer‘ mâ hüve’l-vâki‘ bi’t-taleb ketb olundu fi’l-yevmi’s-selâs  'aşere  min şehri Recebü’l-
âhir sene isneteyn ve seb‘în ve elf.
            Şuhûdü’l-hâl: Bayezid bin Mehmed, el-Hâc Salim bin Süleyman, Muhanni bin Ali, el-Hâc Ali bin
Mehmed,  el-Hâc Abdurrahman bin Ali.
 
            13. On üçüncü ağa bölüğü yoldaşlarından Receb Beşe bin Turmuş’un Ramazan bin Halil’e olan
borcuna dair ilam
            Mahmiye-i İstanbul'da Kazgancı ta'ifesinin kethüdası el-Hâcc İbrahim bin Musa ve Yiğitbaşısı
Mehmed Beğ bin Hüseyin ve kazgancı Mustafa Beşe bin Ömer nâm kimesneler meclis-i şer‘-i hatîr-i
lâzimü’t-tevkîrde Dergâh-ı Âli mahfufan bil me'âli yeniçerilerin on üçüncü ağa bölüğü yoldaşlarından  işbu
bâ‘isü’l-kitâb Receb Beşe bin Turmuş nâm kimesne mahzarında her biri ikrâr-ı tâm ve takrîr-i kelâm idüb
mezbûr Receb Beşe'nin işbu hâzır bi'l mecâlis kazgancı Ramazan bin Halil nâm kimesne zimmetinde
cihet-i kefaletden olub târih-i kitâbdan otuz gün tamamına değin mü'eccel ve mu'avved olan yüz elli kıt'a
riyali guruşı kebir hakkının cem'isine biz emr ve kabüli haviye kefâleti sahiha-i şer'iyye ile kefil olduk
didiklerinde makrun-ı mezbûrunun vech-i meşruh üzere câri ve sâdır olan ikrârlarını el-mukırla el mezbûr
Receb Beşe vicâhen tasdîk ve şefâttahkîk idecek mâ hüve’l-vâki‘ bi’t-taleb ketb olundu fi’l-yevmi’s-selâse  
'aşere  min şehri Rabiü’l-âhir lisene isneteyn ve seb‘în ve elf.
            Şuhûdü’l-hâl: Ebu Zeyd bin Abdülmü'min, Mustafa Beşe bin Mehmed, Mehmed Çelebi ibni
İbrahim, el-Hâc Mehmed bin Şaban.
 
            14. Samanviren Mahallesinden fevt olan  Ahmed bin İsa’nın verasetine dair tereke
            Mahmiye-i İstanbul'da Samanviren Mahallesinde Samanviren Mahallesinde sakin iken bundan
akdem fevt olan  Ahmed bin İsa nâm kimesnenin ve rafiî zevce-i metrûkesi Fâtıma Hâtun ibnet-i Ömer ile
sulbi sagîr oğlu Ahmed'e münhasıra olduğu şer'ân zâhir ve mütebeyyin oldukdan sonra sagîr-i mezbûran
tesviye-i umûr içün kıble-i şer’î kadimden mensube vasîsi vâlidesi olan Fâtıma Hâtun   meclis-i şer‘-i hatîr-i
lâzimü’t-tevkîrde Mahmiye-i mezbûre hısn-ı ebvâbından Haliç Kapusu dahilinde Surkoz Mahallesi
sükkânından işbu sâhibü'l-kitâb Mustafa bin Muslî nâm kimesne mahzarında bi'l-asale ve bi'l-vesâye ikrâr
ve takrîr-i kelâm idüb mukaddema müteveffayı mezbûrun muhallefâtından merkum Mustafa Beşe'nin
emaneti nakd-i üçbin akçe ve bir sim hançer makbuzını olmağın mâlü’z-zikr ednâsı hançeri ve meblâğı
mezbûr üç bin akçede asâlet ve vesâyetim hasebiyle tamâmen mezbûr Mustafa Beşe yedinden alub kabz
eyledim ba’de’l-yevm müteveffâ-yı mezbûrun muhallefâtından  Mustafa Beşe yedinde bir akçe ve bir
hâbbe hakkım kalmadı didikte mukarreri mezbûrenin minvâl-i muharrer üzere carî ve sâdır olan akrabını el
maker lehül mezbûr Mustafa Beşe vücehen tasdik ve şifâhen tahkîk idilecek mâ hüve’l vâki bi’t-taleb ketb
olundu fil yevmil hamis min şehri Rebi’ül ahir sene 1071.
            Şuhûdü’l-hâl: Ahmed Çelebi bin Ali Serbölük, Ahmed Beşe bin Çukadar, Ramazan bin Yusuf,
Hüseyin bin Osman, Ahmed bin Mehmed, Mehmed bin Mustafa, ta’yin ve gayruhum.
 
4A
15. Arapça Hüküm

 
            16. Firuz Ağa mahallesinden Mehmed Beşe bin Turmuş’un Mahmud bin Abdullah’dan alacağına
dair ilam
            Mahrûse-i Galata muzâfâtından Kasaba-i Tophanede Firuz Ağa mahallesi sükkânından işbu
sâhibü'l-kitâb Mehmed Beşe bin Turmuş nâm kimesne mahfil-i kazada Mahmud bin Abdullah nâm
kimesne mahzarında üzerine takrîr-i da'va idüb mezbûr Mahmud zimmetinde yedinden müşteri ve makbuz
beynimizde cins ve zirâ-i ma'lum boğası bahasından ba'de külli hesâb altıyüz beş akçe hakkım kalmışdır
halâ taleb iderim su'âl olunsun didikde gıbbe's-su'âl mezbûr Mahmud cevâbında  fil vaki' müdda'i mezbûr
Mehmed Beşe'ye yedinden iştira ve kabz eylediğim beynimizde ma'lum boğası bahâsından ba'de külli
hesâb zimmetimde altı yüz beş akçe lazım’ül edâ ve vacibü'l-kaza deynim vardır deyû bit tav'a ikrâr
ideceğin alâ mucib-i ikrâra meblağ-ı mezbûrun edâsıyla merkûm Mahmud ilzâm olunub  mâ vâk‘ bi’t-taleb
ketb olundu fi’l-yevm et-tasî 'aşere  min şehri  Reb‘îü’l-âhir sene 1072.
Şuhûdü’l-hâl: Ahmed Çelebi bin Ali  Serbölük, Mustafa Beşe bin Osman Çukadar, Mahmud bin İsmail,
Mehmed bin Hüseyin.
 
            17. Elvanzâde Mahallesinden Abdüsselam Çelebi ibni Ahmed Efendi’nin Abdurrahman Çelebi ibn-i
Mehmed’den alacağına dair ilam
            Mahmiye-i İstanbul'da Unkapanı kurbunda Elvanzâde Mahallesi sakinlerinden Abdüsselam Çelebi
ibn-i Ahmed Efendi nâm kimesne meclis-i şer‘-i hatîr-i lâzimü’t-tevkîrde işbu râfü'l-kitâb 'ammisi
Abdurrahman Çelebi ibn-i Mehmed nâm kimesne mahzarında takrir-i kelam ve ta'bir-i 'anil meram idüb
halâ medine-i ve deyni beği olan umdetü'-l umerâi-l kirâm Hasan Bey ve karındaşı Hüseyin Çelebi
zimmetlerinde kefaletden olan dört yüz yedi kıt'a riyali guruş hakkımı târih-i kitâbdan yüz seksen gün
tamamına değin sekiz bin akçe ücret ile mezbûrân Hasan Beğ ve Hüseyin Çelebi'den da'va ve taleb ve
ahz-u kabza ve bana isâle ve iktiza iderse sulha ve ahz ve îsâl mütevakkıf olduğı umurun cümlesine
'ammim mezbûr Abdurrahman Çelebi'yi tarafımdan vekil ve nâib ü menâb nasb ta'yin eyledim didikde ol
dahi vekâleti mezbûreyi ücret-i merkûme ile kabul ve merasimini edaya müteahhid olmağın  mâ hüve’l-
vâki‘ bi’t-taleb ketb olundu fi’l-yevmi 'aşir min şehri min rab‘îü’l-âhir  sene isneteyn ve seb‘în ve elf.
Şuhûdü’l-hâl: Ahmed Efendi ibn Mustafa el-Hâtib, el-Hâcc İbrahim bin Abdullah, Mehmed Çelebi ibni
Receb, Bektaş Beşe ibni İbrahim.
 
4B
            18. Hasan Beşe bin Yusuf’un zevcesi Ümmehanı binti Abdullah hatuna mihr-i müeccel borcuna
dair ilam
            Zümre-i râcilinden işbu sâhibü'l-kitâb Hasan Beşe bin Yusuf nâm kimesne  meclis-i şer‘i hatîr-i
lâzimü’t-tevkîrde  zevce-i mutallakası olub Mahmiye-i İstanbul'da el-Hâc İsa Mahallesinde sakine
Ümmehanı bint-i Abdullah nâm Hâtun mahzarında  takrir-i kelâm ve ta'bir-i 'anil merâm idüb târih-i
kitâbdan yigirmi gün mukaddem zevcem mezbûre Ümmühani Hâtun benim ile zimmetimde mütekarrer ve
ma'kudu aleyh olan altı yüz akçe mihr-i celî üzerine münhalika-i sahîha-i şer'iyye ile mütehalik
eylediğinden ma'ada mezbûreye cihet-i karz-ı şer'iyyeden zimmetimde dört yüz elli akçe değnim olmağla
târih-i kitâb günü meblağ-ı mezbûrı kendüye tamamen edâ ve teslim eyledim su'âl olunub tâkrir-i tahrîr ve
yedime def' olunması matlubumdur didikde gıbbe's-su'âl mezbûre Ümmehanı Hâtun cevâbında fil hakîka
târih-i kitâbdan yirmi gün mukaddem zevcim mezbûr Hasan Beşe ile zikr olunan altı yüz akçe mihr-i
müeccelim üzerine muhâla’a-i sahiha ile ben muhâla’a eylediğimden ma'ada cihet-i mezbûre mezbûrede
zimmetinde olan meblağ-i mezbûr dört yüz elli akçe hakkımı târih-i kitâb günü mezbûr Hasan Beşe
yedinden tamamen alub kabz eyledim deyücek mâ hüve’l-vâki‘ bi’l-istifâ ketb olundı fi’ssâbi’ ‘aşere  min
şehri rab‘îü’l-âhir  sene isneteyn ve seb‘în ve elf.
Şuhûdü’l-hâl: Bektaş Beşe bin Mustafa, Veli Beşe bin Hüseyin, Abdi Beşe ibni İsmail, Mehmed Bey bin
Sami.
 
            19. Hasan Beşe ibni Mahmud’un Yorgi veled-i Yani’den alacağına dair ilam
            Tüccâr ta'ifesinden Hasan Beşe ibni Mahmud nâm kimesne mahfil-i kazada işbu hâmil’üs Sefer
Yorgi veled-i Yani nâm zımmî  muvâcehesinde üzerine da'va ve takrîr-i kelâm idüb mezbûr Yani
zimmetinde mukaddema yedinden müşteri ve makbuz olub beynimizde vukuyyesi ma'lum yer bahâsından
iki bin iki yüz doksan beş akçe hakkım olub meblağ-ı mezbûrdan bin iki yüz doksan beş akçesini yedinden
ahz ve istifa itmekle  hala bakîsi olan bin akçeyi tâleb iderim su'al olunsun didikde gıbbe's su'âl mezbûr
Yorgi cevâbında fil hakika müdda'-i mezbûr Hasan Beşe yedinden iştirâ ve kabz eyledim ba inhâ iştirâ ve
zimmetinde iki bin iki yüz doksan beş akçe deynim varidi deyû ikrâr idüb lâkin meblağ-ı mezbûru tamamen
kendüye def' ve teslim eyledüm deyû defa’la mukâbele idecek gıbbe'l istintak ve inkâr mezbûr Yorgi'den
def'-i mezbûru mübeyyini beyyine taleb olundukda ikâmet-i beyyineden izhâr-ı acz ile istihlâk itmeğin
mezbûr  Hasan Beşe'ye zikr olunan iki bin iki yüz doksan beş akçemi mezbûr Yorgi yedinden tamamen
ahz ve istifa itmedüğüne yemîn teklif olundukda yeminden nukûl itmeğin mucebiyle mezbûr Hasan Beşe
taarruzdan men’i birle mâ vâki‘ bi’t-taleb ketb olundu fi’l-yevm-i sâbi’ 'aşere  min şehri min rab‘îü’l-âhir 
sene 1072.
Şuhûdü’l-hâl: Mahmud Çelebi bin İsmail, Mehmed bin Abdullah, Muharrem bin Abdullah, Hüseyin bin
Osman.
 
            20. Yesar minnet Turuş’un mülkünü Ömer Efendi ibni Mehmed’e satmasına dair hüccet
            Husus-u atıyül beyanın mahalinde tahrîr olunması iltimâs olunmağın savb-i şer'i kadimden
Mevlâna Ali Efendi irsal olunub ol dahi zeyl-i kitâba ve isimleri mastûr olan müslimîn ile Mahmiye-i
İstanbul'da odun kapusu haricinde vakî yerim .............haneye varub akd-i meclis-i şer'i şerîf eyledikde
Galata Kazası muzâfatından Kuruçeşme nam karye sakinlerinden Yaşar bint Todoros? nâm münhasıra
meclis-i ma’kûd-ı mezbûrde mahmiye-i İstanbul’da merhum Ahmed Paşa vakfına bil fiil mütevelli olan
ba’is’ül kitâb umdet’ül erbab-u tâhrir velkalem zide ashâb-ı takrîr ver-rakam beynimiz ve hâne kâtibi Ömer
Efendi ibni Mehmed ikrâr-ı tâm ve takrîr-i kelâm idüb karye-i mezbûrede vaki’ bir tarafdan Ali Ağalar
Abdülmüttakîn bağı ve bir tarafdan argı ve Şaban dimekle ma’rûf Yahudi bağı ve bir tarafdan Korniş veled-
i Nikola nam zımmî bağı ve bir tarafdan Kostantin veled-i Dimitri nâm zımmî bağı ile mahdûd mülkü
bağımı müşârün ileyh Ömer Efendi’ye târih-i küttâbdan iki ay tamamına değin üç bin fızzî râyic fil vaki’
akçeye bey’i bil vefa ile teslim idüb ol dahi mal-ı vakf-ı mezbûr ile minvâl-i muharrer üzere iştira ve
tesellüm eyledikden sonra semen-i mezbûr yed’inden tamamen alub kabz eyledim eğer müddet-i mezbûr
ile minvâl-i üzere iştirâ e teslîm eyledikden sonar semen-i mezbûr yedinden tamâmen alub kabz eyledim.
Eğer müddet-i mezbûre tamamına değin meblağ-ı mezbûr canib-i vakfa edaya iktidarım olan serbağ-ı
mahdud-u mezbûru suk-ı sultanîde ba’del müzayede ve inkıta’-ı ra’batinnâs semen-i misli ile bey’a ve
semeninden meblağ-ı mezbûru istifaya ve bakisini benim içün hıfza müşârun ileyh Ömer Efendi tarafından
vekil ve münâbıma naib-i nasb ve ta’yin eyledim didikde ol dahi vekâlet-i mezbûrumu ve merasimini edâya
taahhüd itmeğin vak-ı hali mevlanây-ı mezbûr mahalinde tahrir ve ba’de canib-i şer’den ma’an irsâl olunan
Hızır bin Abdullah nam kimesne ile gelüb meclis-i şer’de vuku’u üzere her biri inha ve tâkrir idecek ma
hüve’l vâki gıbbe’t taleb ketb ve sebt olundu, fil yevmil hamis aşere min şehr-i Rebi’ül ahir sene isneyn ve
seb’in ve elf.
            Şuhûdü’l-hâl: Muharrer’ül oknan Mehmed Beğ bin Mustafa Bereket, Mehmed Usta bin Bayram,
Hasan Beğ ibn-i Abdullah el bevab-ı Sultanî, Hasan Beğ bin Şakir sefirihane
5A
            21. Mahmiye-i İstanbul'da Elvanzâde Mahallesinde sakin iken fevt olan mü’ezzin Yusuf Halife’nin
verâseti sulbi kebîr oğlı Mustafa Beğ ile sulbiye-i kebire kızı Rabia nâm Hâtuna münhâsır olduğı şer‘an
zâhir ve mütebeyyin oldukdan sonra mezbûr Mustafa Beğ tarafından ikrâr-ı atiyü-l beyâna ve bedel-i
ferağ-ı kabza vekîl olub Muharrem Beğ ibn-i Abdullah Secendî ve Musa bin İbrahim nâm kimesneler
şehâdetleri ile alâ vechi’l-hasm şer‘an vekâleti sâbit olan Ken’an Beğ bin Abdullah nâm cündî meclis-i şer’i
şerîfde işbu râfi’ü’l-kitâb el-Hâcc Bayezid bin Ahmed mahzarında bi’l-vekâle ikrâr ve takrîr-i kelâm  idüb
merkûm uncı Hasan nâm sâhibi... vakf ve gallesini mahalle-i mezbûre mü’ezzini şart eylediği  mahalle-i
mezbûrede vâki‘ bir tarafdan mezbûr Hacı Bayezid mülkü ve bir tarafdan el-Hâcc ibrahim bin Abdullah
mülkü ve bir tarafdan Mehmed Çelebi bin Ahmed mülkü ve bir tarafdan tarîk-i hâs ile mahdûd behersinde
iki yüz on akçe mukâta’a ile müteveffâ-yı mezbûr Yusuf Halife’nin tasdîkinde olub tulen ve arzan bihesâb
Şatrancı iki yüz kırk zira’ muhterik menzîl-i arsası mezbûr Yusuf Halife’nin vefâtından sonra müvekkil-i
mezbûr Mustafa Beğ ile kız karındaşı merkûm Rabia Hâtun’a.... olmadan münâsafate intikâl itmeğin halâ
arsa-i mezkûrede müvekkil-i mezbûr Mustafa Beğ’in tasarrufunda olan nısf hisse-i şâyi‘anın hakk-ı
tasarrufunu vakf-ı mezbûr mütevellîsi ma’rifeti ve vekâlet-i muhkiyem hasebi ile mezbûr el-Hacc Bayezid’e
on bin akçe bedel-i mukâbelesinde ferağ ve tefevvüz idüb ol dahi vech-i muharrer üzere tefevvüz ve kabz
eyledikden sonra bedel-i ferağ olan meblağ-ı mezbûrı yedinden vekâleti yedinden bi’t-tamâm ve’l-kemâl
olup kabz eyledim ba’de’l-yevm arsa-i mahdûde-i mezkûrenin nısf-ı şâyi‘I dahil taht-ı tefvîz olmuşdır
didikde gıbbettasdîk el-vicâhi mâ hüvel vaki’ bittaleb ketb olundu fil yevmil aşere min Rebi’ül ahir sene
1072
            Şuhûdü’l-hâl: Seyyid Çelebi bin ibni el-Kasım, Abdullah Çelebi bin ebu el-Murad, el-Hacc Yusuf bin
Mehmed, el-Hacc Salih bin Seyyid.
 
            22. Dergâh-ı Âli sipahilerinden işbu bâisü’l-kitâb Mehmed Beğ bin Receb nâm kimesneler mahfil-i
kazâda mahmiye-i İstanbul’da Lütfi Paşa mahallesinde sakine Fatımâ bint Abdullah nâm Hatuna münhasır
olan tâkrir-i kelâm idüb mezbûre Fatımâ Hatuna mukaddema zevce-i menkûkesi olub tatlîk eylediğimde
zimmetimde mütekarrir ma‘kûd-ı aleyh olan yedi yüz akçe mihr-i müeccel ve nafaka-i iddetimi zimmetimde
kalmış idi hâle zikrolunan yedi yüz akçe mihr-i müeccelimi ve nafaka-i iddetimi ........... mezbûre Fatıma’ya
def’ ve teslim ol dahi kabz ve tesellüm idüb zevce-i müteallik da’vaî mezbûre Fatıma’ya zimmetimi ibrâ
eyledim didikde gıbbe’l tasdîk ma vak’ bi’t-taleb ketb olundu fil yevmil hadi vel ışrin min şehr-i Rebi’ül ahir li
sene isneyn ve seb’in ve elf.
            Şuhûdü’l-hâl: Fazlı Beşe bin Osman Çukadar, Muharrem Çelebi bin Abdullah, Halil bin Osman,
Halil bin Ali
 
5B
            23 Mahruse-i Galata muzâfâtından İstinye nahiyesine tâbi Göçiköy dimekle ma’rûf karye
sükkânından olub mukaddema cezire-i Midilli’de hâlik olan Yorgi veled-i Kostantin nâm zımmînin validesi
ve bilistihsâr vâresesi olduğı şer’an zahir ve mütebeyyin olan Esmine binti Sami nam nasraniyye meclis-i
şer’i hâtır-i lazımü’t tevkirde işbu sahib’ü-l kitâb Kadızâde dimekle meşhur Karamürselli Mehmed Reis ibni
İbrahim nam kimesne mahzarında taife-i ikrâr ve tâkrir-i kelâm idüb oğlum mezbûr Yorgi mezbûr
Mehmed .......... sefinesi olmağla mukaddema cezire-I mezbûrede halik oldıkdan muhallefâtından mezbûr
Mehmed Reis otuz iki buçuk kıt’a riyâli guruşı emanate kabz itmeğin hâlâ meblâğ-I mezbûr otuz iki buçuk
guruşı Mehmed Reis yedinden verâsetim hesâbıyla bittamâm vel kemâl olub kabz eyledim. Ba’del yevm
hâlikı mezbûrın muhallefâtından müteallık mezbûr Mehmed Reis ile vech-i fil vücûh da’vâ ve nizâım ve
alâka ve medhalim kalmadı didikde gıbbettasdîk mâ vaki’ bittaleb ketb olundıfil yevm es-sâni vel ış’rîn min
şehr-i rabi’ul âhir li sene isneyn ve seb’în ve elf
Şuhudül hâl:
Mehmed Yazıcı ibn-I Mehmed, Mehmed Çelebi ibn-I İbrahim, el-Hac …..bin Abdullah, Mustafa Beşe
Çukadar
 
            24. Arapça Hüküm
 
            25. Mahmiye-i İstanbul’da Hoşkadem mahallesinde sakin iken mukaddeman fevt olan Ali bin
Yusuf’un verâseti vâlidesi Cenâne bint Abdullah nâm Hatun ile li-ebeveyn ammisi Ömer bin Ahmed’e
münhasır olduğu şer’an zahir ve mütebeyyin olan müteveffa-yı mezbûrun terekesinden olub zikr-i âti
menzil üç sehim i’tibar olunub sihham-ı mezbûr İbrahim sehim-i merkûm Cenâne Hatun’a ve iki el-Hacc
Ömer’e isâbet eylediği müteayyin oldıkdan sonar mezbûre Cenâne Hatun tarafından ……kabz-I vekîl olub
mezbûrenin verâseti ma’kûd-I şer’ ile ârifân olan el-Hacc Ebu Bekir bin Ali ve Mehmed bin Abdullah nâm
kimesneler şehâdetiyle alâ vech-ilhasm-I şer’i vekâleti sâbite olan zevcesi mezbûr el-Hacc Ömer asâlet-I
vekâlete meclis-i şer’I hâtırıllâzım olundukda iş bu sâhibul vekâlet Ahmed Bey bin el-Hacc Receb nâm
kimesne mahzarında ikrâr ve takrîr-i kelâm idüb müteveffây-I mezbûrı ….olub mahrûse-I Galata
muzâfâtından