KINABUHI MO, KINABUHI KO
Official Theme Song for “PAGSANGYAW 2021”
I
HALAD MO KANAKO LAWAS MO UG DUGO
KALAWATON KO IKAW O AKONG DIOS UG
MANUNUBOS
II
HALAD KO KANIMO KINABUHI KO
ALAGARAN KO IKAW O HARI KO UG
MANLULUWAS KO
KORO:
KINABUHI MO, KINABUHI KO
LAKTON KO ANG IMONG DALAN
SUNDON KO ANG IMONG SUGO
PUY-AN KO ANG KINABUHI MO
KAY IMO NA AKO
III
MUGNA MO ANG TAWO SA PANAGWAY MO
BUHI KA KANUNAY KANUNAY
SA DUGHAN KO, SA KASINGKASING KO
IV
GUGMA MO ANG MAGHARI NING KINABUHI
SA TANANG KATAWHAN ISANGYAW KO NING
KALIBUTAN
(REPEAT KORO 2X)
PAGSANGYAW
Composer/ Lyricist: Emmanuel L. Abellana
I
Paglipay ug pagmaya! saulogon ta
Ang grasya’ng gihatag sa Dios pagahandumon ta
Gasa gihatag N’ya sa unang mga Kristiyano
Ang Batang Hesus, Santo Niño, tinubdan sa pagtoo
Koro:
Atong isangyaw ang pagtoo ni Cristo
Ang gugma’g kalinaw,
Ang kaluwasan ipaambit sa tanan
Atong isangyaw ang Ebanghelyo ni Cristo
Ang Diosnong kaluoy, pagkamaayo Niya
Kanatong mga Cebuano
II
Gitawag ta sa pag-alagad, tiunay nga paghalad
Sa kinabuhi nga balaan gikan sa Amahan
Maria, among Inahan sa pagtoo, Ikaw sumbanan
Kami giyahan mo, pagsangyaw sa pagtoo
(Repeat Koro, then bridge)
Bridge:
Taliwala sa mga pagtamay ug mga pagsulay
Pagapuy-an ko, lig-onon ko akong pagtoo
(Repeat Koro except last line)
Coda:
Kanatong mga Pilipino
Atong isangyaw ang pagtoo