O Birhen De Los Desamparados

Composer/ Lyricist: Emmanuel L. Abellana

I
Adlaw’ng tanan ikaw ang kadangpan
Sa tanan nga kalisdanan
Milagrosa mo nga larawan
Giduaw, gipasidunggan
II
Mga kabus ug mga biniyaan
Sinalikway ug way kapaingnan
Gisapnay mo, gialimahan
Sa dautan gipanalipdan
Koro:
O Birhen de los desamparados
I-ampo mo kami, inahan sa Dios
Sa kanunay agaka, hatagi sa imong grasya
Patrona ka, mahal nga Señora
III
Imong kasanag, among kahayag
Sa tanang nahisalaag
Sa Panabang mo, kami nangilaba
Kaloy-an mo kami Señora

Bridge:
Bulahan ka, pinili sa tanan
Dalan sa kaluwasan

Coda:
Patrona ka, Birhen Maria

Salmo 23
By: Msgr. R. Villanueva

Ang Ginoo akong Magbalantay

Wala nay magmakulang pa kanako
Sa lunhaw’ng sibsibanan Iya kong gidala
Sa tubig nga malinaw gihupay king kalag
Sa matarong nga dalan Iya kong gipalakat
Matinud-anon Siya sa Iyang saad
Ug bisan motabon ang landong sa kamatayon
Wa akoy kahadlokan kay anaa Siya

Sa kanunay Iya kong gibusog

Taliwala sa akong mga kaaway
Buhong sa panalangin sa adlaw nga tanan
Magpuyo ako sa balay sa Ginoo sa kahangturan
Magpuyo ako sa balay sa Ginoo sa kahangturan