Date – 17/10/2021 Time - 7:30 -7:40Hrs

REGIONAL NEWS BULLETIN

HEADLINES (MORNING)

1. Darkar 24 kalta chhung khan Mizoramah Covid-19 hrikai 249

hmuhchhuah a ni.

2. State chhunga pawn chhuak thei lote hri danna pek beihpui thlak
chhunzawm mek a ni.

3. Kerala-a ruah sur kaihhnawih chhiatnaah mi 23 an thi tawh.

4. Ram chhunga ni 220 kalta chhunga hrikai lai tlem ber tum a thleng.

<><><>
COVID ADVISORY

India chuan COVID-19 vaccine dose vaibelchhe 100 a pe tling lek lek tawh a.
Vaccine chak taka pek anih theih nana thawktu doctor, nurse leh midangte All India
Radio chuan zahna chibai a buk che u a. Hetih rual hian ngaithlatute hrileng a la reh
loh avangin fimkhur chhunzawm zel turin kan ngen che u a, Vaccine la kim lo
tepawh la thuai turin kan ngen che u a, midang pawh la ve tura sawm turin kan ngen
a che u.
Sakhaw hunpui lo thleng turah hian hmaituamna vuah, midang hnaih loh, kut
leh hmai tihfaite lo ngaipawimawh zel ang che u.
Covid-19 kaihhnawiha hriatduh nei chuan rampum huap helpline number -
01123978046 leh 1075 bakah, Mizoram tan 102 te hi biakpawh theih reng a ni e.

(Desk)
<><><>

COVID UPDATE

Tukina Covid19 dinhmun hriat thar berah mi 249 in an kai tih hmuhchhuah a
ni a, Sample test zawng zawng 2464 zinga zaa 10.11 an positive a ni.
Tun dinhmunah hri kai tawh zawng zawng zat hi 112848 an ni a, 1000829
enkawl dam an ni tawh a, enkawl lai hi 11633 tling in, mi 386 in an thihpui tawh a
ni.
Nimin khan ZMC RT-PCR laboratory-a sample test a awm lova a, TrueNAT
laboratory-a sample test zingah 18 an positive a, Rapid Antigen Test hmanga
COVID-19 positive hmuhchhuah thar hi 231 an ni. FIA sample test an awm lo bawk
a ni.
Mihring 1000 zela positive hmuhchhuah tawh zat hi 103 an ni a, mi nuai 1
zela COVID-19 vanga nunna chan tawh zat hi 35 anga chhut a ni.
(DIPR)
<><><>

PARTIAL LOCKDOWN

Mizoram sorkarin a kalpui mek inthlahdul deuh chunga inkharkhip chu nimin
aţanga October ni 30 zanlai thleng pawhsei leh a ni.
Mizoram chhunga COVID-I9 darh dan leh mipui zinga hri kai tharawm dan
thlirin inkaihhruaina kalpui mek leh hri kaite enkawl kawnga hma laknachhunzawm
zel chu State Disaster Marragement Authority chuan ţha ni-a a hriat avangin
inkaihhruaina hman lai mek angin October ni 30 thlenga kal turin thupek a chhuah a.
Hetih rual hian Aizawl district bawrhsap chuan zantin zan dar 8 leh zinglam dar 4
inkarah pawn chhuah a khap zui zel bawk a. Lirthei intlanchhawk dan tur chu Senior
SP (Traffic) thupek tihchhuah anga kalpui zel tur a ni.

(DIPR)
<><><>

MAMIT TRAFFIC

Mamit khawpuia Traffic Police-te chuan kumtlinglo, helmet khum lova lirthei
kehnih nei khalh an tam avangin mobile checking neiin an duty ngawrh hle.
Mamit khawpuiah hian lirthei ke hnih nei chi a pung nasa hle a, heng lirthei ke
hnih nei chi te hi naupang kum tlinglote’n an khalh nasat bakah helmet pawh khum
lova khalh an tam hle niin Mamit-a kan Corr chuan a sawi a. Dan phal loh anih piah
lamah chetsual palhna thleng thei anih avangin Mamit traffic police te chu an OC
hovin hmun hran hranah an duty thin a ni.
Mamit traffic police te hian Pathianni tlaia lirthei ke hnih nei hmanga Mamit
khawdai National Highway 44A a leng ţhin leh dan phal loh a intlansiak an awm
thin avangin an duty ţhin bawk a ni.

(RD Darthanzauva PTC Mamit)

<><><>

VACCINATION

Pawn chhuak thei lote hnenah hri danna pek mek a ni a, kokim taka pek tum a
ni.
State Immunization Officer, Dr. Lalzawmi chuan pawn chhuak thei lote an
chenna inah kalchilhin hri danna pek ţan an nih thu a sawi a, Mizoram pum tuam
chhuak tura hma an lak thu a sawi bawk. District zawng zawnga an la kalpui loh thu
sawiin district panga aţanga report an dawn tawh chinah hetiang mi hi mi 761 an
awmthu a sawi. District dang atangin chanchin nghah mek a ni a ti. Hri danna pekna
hmun pan thei lo, pawnchhuak thei lote pek tan an nih lai hian chutiang mite zawn
chhuah hna kalpui nghal a ni a, kokim taka zawn chhuaha hridanna pek vek tum a
nih thu a sawi.
Dr. Lalzawmi chuan hri danna la duh lote finchhuaha, an lak duh theihna tura
puitu tur ‘mobiliser’-te ţhahnem tak an laktawh thu a sawi a, chung mite chu zirirna
pawh pek an nih tawh thu a sawi. Hridanna hi sakhuana leh thil dang vanga la duh lo
an awm niin a sawi a, dose khatna pawh la duh miah lo an awm rualin, dose khatna
la tawh, a bikima la leh duh lo a, hel leh ta te pawh an awm tih a sawi. Chutianga
hridanna la duh lote chu VLTF/LLTF kaltlanga zawng chhuakin, ‘mobiliser’-te
hmalaknain hridanna dawntir ngei an tum thu a sawi a ni
Covid-19 hridanna hi inrinni thleng khan dose nuai 11, sing 8, sang 1 leh 005
pek chhuah a ni tawh a. Hri danna dose hmasa dawng tawh hi mi nuai 6, sing 9, leh
197 an ni. Kum 2011 chhiarpui-ah khan Mizoramah hian kum 18 chin chunglam mi
nuai 7, sing 7, sang 5 leh 106 awm anga chhutin za zela point 89 .05 chuan hri danna
dose hmasa hi an la tawh tihna a ni. Hri danna la kim tawh hi mi nuai 4, sing 9, leh
808 an awm tawh a, hri danna la kim tawh hi za zela 63 point 32 an tling tawh a ni.

(Desk)
<><><>

BY-POLL

Party hrang hrang ten Tuirial assembly bial by-election a campaign an kal pui
danah Election Commission of India (ECI) inkaihhruaina siambawhchhiatna awm ni
a an sawi chu MPF chuan ECI hnena thlen a tum.
MPF hian inrinni khan thuchhuah siamin TV Special Report leh Video Clip
hrang hrang atanga a lan danin sum leh therhlo hmanga vote zawn te, buh
inphurhsak te, a thlawna Ration buhfai sem te leh lei laihna khawl hmanga lei laih
sakte leh ruaithehte a awm niin an hria tih an tarlang a. An hmalakna bul tan na'n
Mizoram election department-ah inthlan danphung bawhchhiatna hi ziakin an thlen
phawt dawn niin an sawi a. Hetiang hi ECI Model Code of Conduct in a phalloh
(corrupt practice) leh party te nena thawhhona thuthlung kalh a nih avangin MPF
Gen.Hqrs chuan thuneitute hnenah hma la turin an thlen tawh a ni. MPF Gen. Hqrs
chuan hetiang hmanga vote zawng lo tur leh thianghlim taka campaign kal pui turin
Candidate te leh party worker te an ngen thu an thuchhuahah hian an tarlang bawk.
MPF chuan mipuite pawh Candidate te tihautak lo zawng leh Thawhhona
thuthlung pel zawnga beisei neilo turin an ngen a. Bial chhung khawtina MPF Local
Forum leh Constituency Forum te pawh theihtawp chhuaha Thawhhona thuthlung
hre renga vil tur leh mitmei reng turin an ngen thu an thuchhuah-ah hian an tarlang a
ni.
MPF hruaitute chuan Social media mai bakah khaw hrang hrang atangin (ECI)
in Model Code of Conduct a siam bawhchhe zawnga hmalakna thlalakte pawh an
dawng tih a sawi a, party tin te chuan thawhhona thuthlung an bawh chhe deuh vek
tawh niin a sawi bawk. BJP chu hetiang lamah sawi la kai lo leh complain an la
dawn loh awmchhun a ni.
Hetihlai hian Tuirial by-election lo awm tura helai biala Bru vote nei mi 663,
Tripura a inbengbel tawhte chungchanga political party hrang hrang leh pawl hrang
hrangte ngenna chungchangah Election Commission chuan thu leh hla a la rawn nei
lova. Election department hotute chuan tunkar chhung hian ECI hian an thutlukna an
rawn hriattir tawh ngei a an rin thu an sawi. Pawl hrang hrangte hian Tuirial biala
Bru vote nei la awmte hming hi electoral roll aţanga paih an duh thu hi election
department kaltlangin ECI-ah an thlen a. YMA lam chuan vote an thlak dawn a nih
pawhin an pem thlak hma a an vote neihna khua a vote thlak an remtih laiin Tripura
a an awmna hmun aţanga vote an thlak an remti lo a ni.

(Desk)
 <><><>

PM MODI TALKS TO KERALA CM FOLLOWING HEAVY RAIN AND LANDSLIDE IN STATE/

DEATH TOLL IN RAIN-RELATED INCIDENTS IN KERALA REACHES 23

Prime Minister Narendra Modi-a chuan nimin khan Kerala Chief Minister
Pinarayi Vijayan a bia a, state chhunga ruahpui sur leh leimin chungchang a sawipui.

Prime Minister chuan Kerala-a ruah sur leh leimin vanga mi engngemaw zatin
nunna an chan chu pawi a tih thu tweeter-ah a sawi a. Vanduaina tawk chhungkuate
a tawrhpui thu a sawi. Prime Minister chuan thuneitute chu hliam tuar leh chhiatnain
a tihbuai mipuite an tanpui mek thu a sawi a. Mitin himna tura a tawngtai thu a sawi
bawk.

Kerala-a ruahsur leh a khaihhnawih chhiatnaah hian mi 23 an thi tawh a.

Kottayam district-ah mi 13 an thi a, Idukki district-ah mi 9 an thi a
Thiruvananthapuram kianga Nellikunnu-ah mi 1 a thi bawk.

Kerala hmun engngemaw zata ruah a la sur avangin state chhunga tuikhuah 10
hnaivaia chengte chu fimkhur tura hrilh an ni.

(NewsOnAIR)
<><><>

OVER 97.65 CRORE DOSES OF COVID VACCINE ADMINISTERED IN THE COUNTRY SO

FAR

Ram pum huapa beihpui thlak mekah Covid-19 hridanna dose Vbch 97 leh
nuaih 65 chuang pek a ni tawh.

Health Ministry sawi danin darkar 24 kalta chhung khan ram pumah hridanna
dose nuaih 41 leh sing 2 chuang pek a ni.

Darkar 24 kalta chhung vek khan hrikai sing 1 sang 4 leh 146 hmuhchhuah a
ni a, ni 229 kalta chhunga nikhata hrikai hmuhchhuah tlem ber tum a la ni.

Tunah hian India ramah Covid-19 hrikai lai nuaih 1 sing 9 sang 5 leh 846 an
awm a, ni 220 kalta chhunga hrikai lai tlem ber tum a ni a, hrikai mek zat hi a kai
tawh zat atanga chhuta za-a 0.57 an ni mek a, kum 2020 March thla hnu lama a tlem
ber tum a la ni a, hrikai enkawl dam hi za-a 98.10 a ni a, hei pawh hi nikum March
thla hnu lama a la tam ber tum a ni.

Darkar 24 kalta chhung khan hrikai sing 1 sang 9 leh 700 enkawl dam an ni a.
A zavaia hrikai enkawl dam tawh chu mi Vbch 3 leh nuaih 34 chuang an ni tawh a
ni.

(NewsOnAIR)
<><><>
MUMBAI REPORTS ZERO COVID DEATH FOR FIRST TIME SINCE MARCH 26 LAST YEAR

Ram pum huap chawhruala Covid-19 dinhmunin ziaawm lam a pan mek laiin
nimin Pathianni khan Mumbai-ah chuan Covid-19 kaihhnawiha thi an awm ta lova,
hei hi nikum March ni 26 hnu lama Mumbai-a Covid-19 vanga thi an awm loh ni
hmasa ber a ni.

Brihan Mumbai Municipal Corporation (BMC) leh Maharashtra Sawrkara

Public Health Department sawi danin, darkar 24 kalta chhung khan Mumbai-ah hian
hrikai 367 hmuhchhuah an ni a, hrikai 418 enkawl dam an ni thung.

BMC Additional Commissioner Suresh Kakani chuan Mumbai-a Covid-19

hrikai enkawl dam chu za-a 97 a nih tawh thu a sawi a, hrikai mek zat pawh a kai
tawh zat atanga za-a 1.27 an nih thu a sawi. Tunah hian Mumbai khawpuiah chuan
hrikai mek sang 5 leh 30 chauh an awm tawh a, khawpui chhungah Containment
zone a awm tawh lo tih a sawi bawk.

Hetihlai hian Maharashtra pumpuiah chuan nimin khan Covid-19 thihpui mi

29 an awm a, hrikai thar 1715 hmuhchhuah a ni bawk.

(NewsOnAIR)
<><><>