Isomo Ryo Kwigisha abana ijambo ry’Imana – Middle & Upper Class
Imana ikomeza isezerano ryayo – Itang 17: 1-8,
18:1-16, 21:1-7
‘1Aburamu amaze imyaka mirongo urwenda
n'icyenda avutse, Uhoraho aramubonekera
aramubwira ati: “Ni jye Mana Nyirububasha,
ujye unyoboka kandi ube indakemwa.
2Nzagirana nawe Isezerano kandi nzagwiza
cyane urubyaro rwawe.”’
Iyi nkuru twigaho itangira Imana yihishurira
umusaza w’imyaka 99; Aburahamu, nk’ Imana
ikomeye (nyirububasha)!
Nyuma y’imyaka 24 yo gutegereza isezerano
ry’Imana, igihe cyari kigeze ngo Aburahamu
w’imyaka 99 na Sara w’imyaka 90
basobanukirwe byuzuye ko Imana yabihishuriye
ari Imana ishoborabyose.
Gusa tubirebye nk’abantu, iyi ntiyari inkuru yo
kwizerwa n’abantu bashaje batyo, ndetse mu
gice cya 18 batubwira ko Sara yumvise Imana
ivuga igihe azaba akikiye umwana
w’umuhungu (mu mwaka utaha), asekera mu
mutima nk’umuntu utizeye ibyo yumvise mu
matwi ye! Mbega ugutakaza ikizere mu
masezerano yari yarahawe n’Imana!
Imana ishimwe ko isezerano ryayo ryari ukuri,
kandi ugusohozwa kwaryo kutari gushingiye ku
kuba Aburahamu na Sara bemera ko ibyo
babwiwe bizaba; kuko babona neza uburyo
bishoboka, ahubwo ibyavuzwe n’Imana
ishoborabyose ibisohoza kubw’ubuntu bwayo
kugira ngo duhindurwe n’ubwo buntu itugiriye,
mu buryo butuma twizera, bityo isano nshya
tugirana n’Imana ikaba ishingiye ku gikorwa
cy’ubuntu n’urukundo rwayo twakiriye mu
buzima bwacu.
Mu gice cya 21, banzura inkuru batubwira ivuka
rya Isaka, umwana w’umuhungu wari
warasezeranijwe Aburahamu na Sara. Umwana
wateye Sara guseka igitwenge cy’umunezero
no gushima Imana kuko noneho asobanukwiye
ugukomera n’ubuntu by’ Imana, umwana
Imana yagombaga gukomerezamo isezerano
yagiranye na Aburahamu – akaba sekuruza
w’amahanga menshi!
Nubwo byatwaye iyo myaka 24 yose ngo
Imana isohoze isezerano ryo guha Aburahamu
na Sara umwana w’umuhungu, birasobanutse
neza ko ugutinda gusohoza iryo sezerano bitari
ikimenyetso ko Imana yananiwe cyangwa se
idashaka kurisohoza, nk’uko benshi dushobora
kubitekereza, ahubwo ugutinda gusubiza
kwayo, bivanaho ugushidikanya kose
twashoboraga kugira ko ibibaye atari yo ibikoze
kuko twibwira ko byabaye mu buryo busanzwe.
Aburahamu na Sara basobanukiwe neza ko
Imana ariyo isohoje isezerano ryayo kuri bo,
kuko imibiri yabo yagereranywaga n’ipfuye ku
bijyanye no kubyara mu buryo busanzwe, kuko
bari muza bukuru (Abaheburayo 11:11)!
Bisa naho byoroha kwizera amasezerano
y’ibintu bitoya uyagereranije n’amasezerano
manini y’Imana, aliko iyi nkuru iratwigisha ko
Imana yihishuriye Aburahamu ari
Ishoborabyose, ni Imana yo kwizerwa kuko
ntakiyinanira. Ni Imana ibasha gusohoza
amasezerano Manini (akomeye) yatanze kuko
ikomeza isezerano ryayo kugeza igihe nyacyo
yagennye kigeze ngo irisohoze.
Isezerano riruta Isaka, umugisha w’amahanga
yose ni Yesu Kristo
“8 Kandi ibyanditswe byamenye bitaraba yuko
Imana izatsindishiriza abanyamahanga kuko
bizeye, bibwira Aburahamu ubutumwa bwiza
bw'ibitaraba biti “Muri wowe ni mo amahanga
yose azaherwa umugisha.” 9Nuko abīringira
kwizera bahānwa umugisha na Aburahamu
wizeraga…
29Ubwo muri aba Kristo muri urubyaro rwa
Aburahamu, muri n'abaragwa nk'uko
byasezeranijwe.” – Abagaratiya 3:8, 9, 29 BYSB
Nubwo kuvuka kwa Isaka kwabaye igitangaza
gikomeye mu mibereho ya Aburahamu na Sara
kandi icyo gitangaza kigakomeza ukwizera
kwabo mu Mana, umugambi w’Imana wo wari
munini cyane kuruta Isaka uvutse – agakiza
 Isomo Ryo Kwigisha abana ijambo ry’Imana – Middle & Upper Class
k’abizera Umwana w’Imana, Yesu Kristo! Imana
yarimo irema ishyanga ry’abizeye umwana
wayo bazitirirwa kuba urubyaro rwa
Aburahamu sekuruza w’Abizera.
Dukwiye kumenya kandi tukigisha abana bacu
ko, niba baremeye ubutumwa bwiza
bubiringiza Yesu Kristo, ari abaragwa
b’ibyasezeranijwe Aburahamu; aribyo:
umugisha, igihugu cyangwa gakondo; iyo Yesu
yabwiye abigishwa be ko agiye kubategurira,
n’ urubyaro; arirwo muryango w’abizera
babyarwa n’ubutumwa bwiza tubwiriza.
Dukwiye kwizera ko Imana ariyo kwizerwa
nubwo twaba tutabona neza uko bigenda ngo
ibyo yadusezeranije bisohore. Ni Imana
ikomeye, kandi ikomeza isezerano ryayo ngo
irisohoze.
Inseko y’ibyishimo, kubw’ishimwe ry’Imana
isohoza amasezerano
Hari igihe kwizera bifatwa nk’ikintu Imana ishaka
mu muntu ngo ibashe gusohoza ibyo
yasezeranye, nyamara inkuru ya Sara ivuga
ibitandukanye n’ibyo! Sara nta kizere cyo
gukikira umwana yari agifite muri we, ku buryo
Imana ubwayo yamushinje gusekera mu
mutima byo kutizera! Nyamara aliko,
nyirimpuhwe kandi ushoborabyose yasohoje
ibyo yasezeranye kuri Aburahamu na Sara,
kugira ngo ahindure inseko yo kutizera kwari mu
mutima wa Sara, ayihindure mo igitwenge
cy’umunezero n’ishimwe ku Mana ishobora
byose kandi yo kwizera.
“Kuko Imana ari yo ibatera gukunda no gukora
ibyo yishimira.” – Abafiripi 2: 13 BYSB
Mu gihe twigisha bana bato, dukwiye
kubikorana ukwizera ko n’ubwo nta kimenyetso
bagaragaza cy’ugukwizwa kwabo, aliko Imana
ariyo kwizera ngo isohoze ibyo yasezeranye –
niyo itera imitima y’abana kwakira umwami
Yesu kubw’ubutumwa bwiza, niyo iduha
urubyaro rw’abizera muri Kristo Yesu, niyo
izaduhera muri Kristo Yesu ibyo yasezeranije
abizera byose. Amen
Intego y’ isomo
Kwigisha abana ko babasha kwizera ko Imana
isohoza amasezerano yayo akomeye kuko
ishoborabyose.
Uko wakwigisha umwana iri somo.
Nyuma yo gusenga no kwakira abana,
turaririmba indirimbo imwe, maze twibukiranye
ibyo bize mu nkuru y’ubushize. Wabikora
ubabaza ibibazo bikurikira:
 Ni ikihe kibazo Sara yageragezaga
gukemura mu buryo bwe?
[Ikibazo cyo kutagira abana (Itangiriro
16: 1)]
 Ni ibihe bibazo umugambi wa Sara
wateje?
[Umubano wangiritse hagati ya Sara na
Hagari (Itangiriro 16: 4), no hagati ya
Aburahamu na Sara (Itangiriro 6: 5)]
 Ni iki Aburahamu na Sara bari bakeneye
kwibuka ku Mana?
[Imana yumva kandi ibona byose
(Itangiriro 16:11 na 16:13)]
Shimira abana ko bibuka ibyo twize ubushyize,
maze ukomeze n’imvumburamatsiko y’isomo
tugiye kwiga.
Babwire uti: tugiye gutangira isomo ndeba ko
hari umwana muri mwe ufite imbaraga zo
guterura iyi ntebe (intebe iremereye)
n’ukuboko kumwe?!
Baza abana uti: Ninde mwana ushaka
kugerageza, akatwereka ko yabishobora?
Ongera ubabwire uti: Birashoboka ko mbahaye
ikizamini gikomeye kandi nanjye ubanza
ntabishobora!
Komeza ubabwira uti: Hari ibintu byinshi
tudashobora gukora kuko ubushobozi bwacu
ari bukeya cyane, aliko mu nkuru ngiye
kubabwira, turabonamo ko nta kintu nakimwe
kinanira Imana!
 Isomo Ryo Kwigisha abana ijambo ry’Imana – Middle & Upper Class
Mukurikire inkuru mwitonze, muraza kumenya:
 Ni ukubera iki Aburahamu na Sara
batekerezaga ko batabyara umwana?
[bari bashaje cyane (Itangiriro 18: 11)]
 Sara yakoze iki yumvise amakuru ko
azabyara?
[Yarasetse (Itangiriro 18: 12)]
 Nyuma y’umwaka habaye iki?
[Imana yasohoje isezerano ryayo, Sara
abyara umwana w’umuhungu bise Isaka
(Itangiriro 21: 2)]
Wifashishije amafoto, bwira abana inkuru
ikurikira:
Inkuru yo Muri Bibiliya: Itangiriro 17: 1-8, 18:1-
16, 21:1-7
1Aburahamu amaze imyaka mirongo urwenda
n'icyenda avutse, Uhoraho aramubonekera
aramubwira ati: “Ni jye Mana Nyirububasha,
ujye unyoboka kandi ube indakemwa.
2Nzagirana nawe Isezerano kandi nzagwiza
cyane urubyaro rwawe.”
3Aburahamu yikubita hasi yubamye maze
Imana iramubwira iti: 4“Dore Isezerano ngiranye
nawe: uzakomokwaho n'amahanga menshi.
5Ntabwo uzongera kwitwa Aburamu, ahubwo
uzitwa Aburahamu kuko nzaguha
gukomokwaho n'amahanga menshi. 6Nzaguha
kororoka cyane ube sekuruza w'amahanga,
ndetse n'abami bazagukomokaho.
7Nzakomeza
Isezerano nagiranye nawe
n'urubyaro ruzagukomokaho, iryo Sezerano
rizahoraho uko ibihe bihaye ibindi. Nzaba
Imana yawe n'iy'abazagukomokaho. 8Wowe
n'abazagukomokaho nzabaha iki gihugu cyose
cya Kanāni wimukiyemo. Kizaba gakondo yabo
burundu kandi nzaba Imana yabo.”
18:1-16
1Uhoraho abonekera Aburahamu [na none]
hafi y'ibiti by'inganzamarumbu bya Mamure.
Aburahamu yari yicaye ku muryango w'ihema
rye kubera izuba ryinshi. 2Akebutse abona
abagabo batatu bahagaze hafi aho,
arahaguruka yiruka ajya kubasanganira,
abikubita imbere 3aravuga ati: “Nyakubahwa,
ndi umugaragu wawe, ndagusabye ngo we
gutambuka utageze iwanjye. 4Nibazane amazi
mwoge ibirenge, muruhukire munsi y'iki giti,
5nanjye ngiye kubazanira amazimano
mufungure mubone gukomeza urugendo,
ntimwanyura iwanjye ngo mugendere aho!”
Baramubwira bati: “Turabyemeye.”
6Aburahamu yihutira mu ihema rye, asanga
Sara aramubwira ati: “Gira vuba ufate ifu
nyinshi kandi nziza, ubakorere imigati.”
7Hanyuma Aburahamu yirukira mu nka,
atoranyamo ikimasa cyiza cy'umushishe agiha
umugaragu we, na we yihutira kukibaga.
8Inyama zimaze gushya Aburahamu azizanira
abashyitsi, hamwe n'amata y'ikivuguto
n'ay'inshyushyu, maze we ahagarara hafi yabo
munsi y'igiti igihe bafungura.
9Nuko baramubaza bati: “Umugore wawe Sara
ari he?”
Arasubiza ati: “Ari mu ihema.”
10Umwe muri bo aravuga ati: “Undi mwaka iki
gihe nzagaruka iwawe, kandi umugore wawe
Sara azaba yarabyaye umwana w'umuhungu.”
Ubwo Sara yarumvaga kuko yari inyuma ya
Aburahamu mu muryango w'ihema.
11Aburahamu na Sara bari bashaje bageze mu
zabukuru, kandi Sara yari yaracuze. 12Nuko
asekera mu mutima yibwira ati: “Ko maze
gukecura n'umutware wanjye akaba ashaje
cyane, uwo munezero nawukura he?”
13Uhoraho abaza Aburahamu ati: “Sara
ashekejwe n'iki? Kuki atemera ko azabyara
ashaje? 14Mbese hari ikintu cyananira? Undi
mwaka iki gihe nzagaruka iwawe, kandi Sara
azaba yarabyaye umwana w'umuhungu.”
15Sara agira ubwoba maze arahakana ati:
“Sinigeze nseka!”
Uhoraho ati: “Nyamara wasetse!”
 Isomo Ryo Kwigisha abana ijambo ry’Imana – Middle & Upper Class
16Nukoba bagabo barahaguruka bakomeza
urugendo berekeza i Sodoma, Aburahamu
arabaherekeza.
21:1-7
1Uhoraho yahaye Sara umugisha,
amugenzereza nk'uko yabisezeranye. 2Sara
asama inda, abyarira Aburahamu umuhungu
mu gihe Imana yari yaramubwiye, kandi
Aburahamu yari umusaza. 3Uwo muhungu
yabyaranye na Sara, Aburahamu amwita Izaki,
4amukeba amaze iminsi umunani avutse nk'uko
Imana yabimutegetse. 5Igihe Izaki yavukaga,
Aburahamu yari amaze imyaka ijana.
6Sara aravuga ati: “Imana inteye ibyishimo no
guseka, n'undi wese uzumva ko nabyaye
azishima aseke.” 7Arongera ati: “Ni nde
washoboraga kubwira Aburahamu ko nzonsa
abana? Nyamara dore mubyariye umuhungu
ageze mu za bukuru!”
Amen
Kuganira ku nkuru
Komeza wibutsa abana ko Aburahamu na Sara
bari bashaje cyane, ikizere cyo kubwaya
umwana cyararangiye. Maze Imana ibonekere
Aburahamu, imubwira ko ari Imana
ishoborabyose kandi ko izamuha umwana
nk’uko yabimusezeranije. Maze Aburahamu na
Sara baza gusurwa n’abagabo batatu.
Babaza abana uti:
1) Aburahamu yatekereje ko abo bagabo
bari bande?
2) Kubera iki Sara yasetse ibyo babwiye
Aburahamu?
Bwira abana ko, kubera ko Sara yari ashaje
cyane, kandi azi neza ko nta mukecuru ufite
imyaka 90 wabyara umwana, yatekerezaga ko
bidashoboka ko abyara umwana, yumva
n’Imana itabishobora!
Baza abana uti:
3) Sara amaze guseka kuko atizeye ibyo
Imana ivuze, Imana yamusubije ngo iki?
Bwira abana ko, Imana ishobora byose, niyo
yaremye ibibaho byose, niyo itanga
ubushobozi bwo kubyara umwana, ibasha no
guha ubwo bushobozi umukecuru utakibyara,
maze akabona umwana.
Baza abana uti:
4) Niba Imana shobora byose, hari
icyadutera ubwoba ko ibyo
yadusezeranije itazabikora kuko
bikomeye?
5) Haba hari ibintu mwibuka Imana
yasezeranije abayizera?
Ibutsa abana ko, hari amasezerano akomeye
Imana yasezeranije abemeye kuba inshuti
n’umwana wayo Yesu Kristo:
 bafite ubugingo buhoraho; bivuga ko
badakwiye gutinya urupfu kuko
azabazura ngo babane nawe iteka
ryose,
 Yabasezeranije umugisha, bivuga ko
nubwo banyura mu bibazo, Imana
ibana nabo muri byose kandi ko ibyo
bibazo izabikiza abizeye umwami Yesu
bose, igihe bazabana nawe mu
munezero w’iteka.
 Ibana nabo mu murimo bakora wo
kuvuga ubutumwa bwiza; bivuze ko
n’ubwo babwira abantu ntibahite
bizera, Imana ariyo ikomeza kwibutsa
abo bantu ubutumwa bwiza bumvise
kugeza babwizeye nabo bagakizwa.
Baza abana uti:
6) Sara amaze kubyara umwana
byamugendekeye gute?
Bwira abana ko, Imana ihora ari iyo kwizerwa,
ibyo yavuze irabisohoza – Sara amaze kubyara
Umwana yashoboye kwizera Imana noneho, ko
ishobora byose kandi imukunda.
Natwe ni uko byagenze ubwo twizeraga,
Imana niyo yadushoboje kwemera ko urupfu
Yesu yapfuye rutuma tubabarirwa ibyaha,
 Isomo Ryo Kwigisha abana ijambo ry’Imana – Middle & Upper Class

tugahinduka abana b’Imana GUSENGA

b’abanyamugisha.
Imana rero ihora ari iyo kwizerwa, amasezerano
yose yatanze, n’ubwo yaba akomeya cyane,
izayasohoza kuko ari Imana ishoborabyose.
Mana, tumenye ko uri ushoborabyose, duhe
guhora twizera ko uzasohoza ibyo wasezeranije
abizeye Umwami Yesu byose, uko byaba
bikomeye kose.

Ku bana bo muri Upper Class Amen

Babaze uti: Memory Verse

7) Haba hari ubwo mugera mu bibazo “Uhoraho asohoza ibyo yasezeranye, ni

bibagoye, mugatekereza ko indahemuka mu byo akora byose.”
bitagishoboka ko hari icyo Imana
Zaburi 145:13b BIRD
yakora?
8) Ni gute ibyabaye kuri Sara bigusubizamo
ibyiringiro?

Soza ubwira abana ko, bibaho ko ibyo

tunyuramo bidukomereye; nko gutsindwa mu
ishuri kandi wari wize neza, ababyeyi barwaye
kandi bivuza ntibakire, n’ibindi bitugora,
bibasha kuduca intege, aliko dukwiye
kuzirikana ko Imana ishoborabyose, izasohoza
ibyo yasezeranije abizeye Umwami Yesu bose.
Amen.