Modyul 1 – AngPagtataguyod ng Wikang Pambansa sa Mas

MataasnaAntas ng Edukasyon at Lagpas pa

Panimula

Magandang araw sa iyo mag-aaral. Welcome sa Asignaturang Kontektwalisadong

Komunikasyong sa Filipino. Ang Modyul 1 ay naglalaman ng aralin sa pagtataguyod ng Wikang
Pambansa mas mataas na antas ng edukasyon. Matutunan mo ang kasaysayang pinagdaanan ng
pagkakatadhana ng ating Wikang Pambansa at ang kahalagahan nito sa pagkamakabansa
mo.Tatalakayin din ang mga serye ng lektura tungkol sa pagtatanggol sa wikang Filipino. Nakapaloob
din sa modyul na ito ang posisyong papel ng mga organisasyon, unibersidad at institusyon hinggil sa
kanilang tindig sa kalagayan ng wikang Filipino sa kolehiyo. Nakapaloob din ang mga gawain
nahahasa sa iyong kaalaman at kakayahan.

Handa ka na ba sa ating tatalakayin ? Simula natin.

Aralin 1 - Kasaysayan ng Pag-unlad ng Pambansang Wika

___________________________________________________________

Inaasahan ka
Sa aralin ito ang mag-aaral ay inaaasahan na:
 Naipaliwanag ang kabuluhan ng wikang Filipino bilang mabisang wika sa
kontekstwalisadong komunikasyon sa mga komunidad at sa buong bansa.
 Nakasusulat ng isang lagom tungkol sa kasaysayan ng Wikang Pambansa
 Nakapagpapahayag ng makabuluhang kaisipan sa kahalagahan ng Wikang
Pambansa

Subukan Mo
Sagutin ang mga tanong sa bawat bilang tungkol sa Wikang Pambansa. Piliin ang titik ng
tamang sagot.
____ 1. Sa anong taon naitadhana na ang wikang pambansa ay tatawaging Filipino?
a. 1936 b. 1959 c. 1973 d. 1987
_____ 2. Sino ang nagpasimula ng mga hakbang ng pagkakaroon ng wikang pambansa?
a. Jaime C. De Veyra c. Wenceslao Vinzon
b. Manuel E. Quezon d. Ferdinand Marcos
_____ 3. Saang wika ibinatay ang pagkakaroon ng wikang pambansa noong 1935?
a. Ilokano b. Cebuano c.Tagalog d. Bisaya
______ 4. Sa kasalukuyan ano ang tawag sa lupon na nagtataguyod at nangangalaga sa
pagpapaunlad ng wikang pambansa?

a.Suriin ng Wikang Pambansa c. Komisyon ng Wikang Filipino

b.Linangan ng Wikang Pambansa d. Komisyon ng Wikang Pambansa

______ 5. Ano ang nakatulong sa pagpapaunlad ng wikang pambansa?

a. Pagpapalimbag ng Balarilang Tagalog
b. Pagpapalit ng mga pangalan ng mga Establisyimento
c. Paggamit nito bilang wikang panturo
d. Pagsasalita nito sa larangan ng kalakalan
 BasahinNatin

Kasaysayan ng Wikang Filipino

(mula sa GMA News Online)

Napakahalaga ng isang wika. Ito’y nag-uugnay ng sambayanan. May sariling

kasaysayan ang ating wikang Pambansa, tulad din ng ibang wika. Ang kahalagahan ng
wika ang naging patnubay sa pagtalunton sa masalimuot na landas tungo sa
pagkakaroon ng wikang pambansa.
Mahalagang maintindihan ang kasaysayan ng Wikang Pambansa – kung paano
ito nagsimula bilang Tagalog (kung saan umalma ang mga Bisaya), naging Pilipino, at
ngayon nga ay Filipino na. Isang archipelago ang Filipinas kung kaya nagkaroon ito ng
maraming katutubong wika. Ang maganda sa penomenong ito ay nagkaroon din ng
kaniya-kaniyang literatura ang bawat etnolingguwistikong grupo. Dahil dito, maraming
mulat na mga kritiko katulad ni Isagani R. Cruz ang nagsasabing “isa sa
pinakamayamang literatura sa mundo ay ang literatura ng Filipinas.”
Saligang Batas
1935 – Sa ilalim ng pamamahala ni Pangulong Quezon
1973 – Sa ilalim ng Pamahalaan ni Pangulong Marcos
1987 – Sa ilalim ng Pamamahala ni Pangulong Corazon Aquino
Noon pa mang sinulat ang 1935 Konstitusyon, nabanggit na ang pagkakaroon ng
wikang pambansa. Nakasaad sa Artikulo 14 Seksyon 3 na, “Ang konggreso ay gagawa
ng mga hakbang tungo sa pagpapaunlad pagpapatibay ng isang wikang pambansa na
batay sa isa sa mga umiiral na katutubong wika sa Pilipinas.”( Art.14,Sek.3). Noong
1936, itinatag ni Pangulong Manuel Quezon ang Surian upang mamumo sapag-aaral
at pagpili sa wikang pambansa. Tungkulin ng Surian na magsagawa ng pananaliksik
gabay at alituntunin sa pagpili ng wikang pambansa sa Filipinas. Si Jayme C. De Veyra
na naging tagapangulo ng komite na nagsagawa ng pag-aaral at napili nito ang Tagalog
bilang batayan ng “Wikang Pambansa “, ipinalabas ni Pangulong Quezonnoong 1937
ang Kautusang Tagapagpaganap Blg. 134 na nag-aatas na Tagalog ang batayan ng
wikang gagamitin sa pagbubuo ng wikang pambansa. Dahil sa pagsusumikap ni
Pangulong Quezon na magkaroon tayo ng wikang pagkakakilanlan, hinirang siyang
“Ama ng Wikang Pambansa.” Noong 1940 ipinalabas ni Pangulong Quezon ang
Kautusang Tagapagpaganap Blg.203 na nagpapahintulot sa pagpapalimbag ng
Talatinigang Tagalog- Ingles at Balarila sa Wikang Pambansa. Pinasimulan din nito ang
pagtuturo ng Wikang Pambansa sa lahat ng mga paaralan sa buong bansa. Noong
1959 nagpalabas ang Kagawaran ng Edukasyon Kalihim Jose Romero ng Kautusang
Blg. 7 na nagsasaad na Pilipino ang opisyal na tawag sa wikang pambansa.Sa 1973
konstitusyon noong kapanahunan ng diktador na si Pangulong Ferdinand Marcos,
nakasaad sa Artikulo 15 Seksyon 2 at 3 na “ang Batasang Pambansa ay magsasagawa
ng mga hakbang tungo sa pagpapaunlad at pormal na paggamit ng pambansang
wikang Pilipino.
Hangga’t hindi binabago ang batas, ang Ingles at Pilipino ang mananatiling mga wikang
opisyal ng Pilipinas.” Noong panahon naman ng rebolusyong Gobyerno sa ilalim ni
Pangulong Corazon C. Aquino muling binago ang konstitusyon noong 1987 kung saan
nakasaad sa Artikulo 14 Seksiyon 6 na , “ Ang wikang pambansa ng Pilipinas ay
Filipino. Samantalang nililinang ito ay dapat payabungin at pagyamanin pa salig sa
umiiral na wika sa Pilipinas at sa iba pang mga wika.” Mahalaga ang papel ng mga
wikang katutubo sa pagpapayaman ng Filipino, na sa ngayon ay nagbabago ang anyo.
Idinagdag sa alfabetong galing sa Tagalog ang mga letra na f,j,q,v at z. dahil dito, ang
dapat maging baybay ng pangalan ng ating bansa ay Filipinas at ang pambansang wika
ay Filipino, gay ng pinanukala ng Pambansang Alagad ng Sining para sa Literatura na
si Virgilio Almario sa kanyang librong Filipino ng mga Filipino: Mga problema sa
Ispeling, Retorika at Pagpapayaman ng Wikang Pambansa.

UnawainNatin

Batay sa iyong binasang artikulo, gumawa ng flowchat na nagpapakita ng

hakbang sa pagsasagawa ng pagkakaroon natin ng pambansang wika. Tignan ang
halimbawang dayagram sa ibaba. ( Maaari mag-isip pa ng ibang ilustrasyon upang
maipakita ang proseso. )

Hakbang sa Pagkakaroon ng Pambansang Wika

 Gawin Natin!

Panoorin sa YouTube ang vidyo“ Sa Madaling Salita: Kasaysayan at Pag-

unlad ng Wikang Pambansa”. Tukuyin ang mga pananaw ng mga edukador,
manunulat at mga iskolar tungkol sa kahalagahan ng paggamit ng wikang pambansa sa
iba’t ibang larangan. Gamitin ang dayagram sa ibaba.

Mga Edukador, Pananaw kaugnay sa kahalagahan ng paggamit ng

Iskolar at Manunulat Wikang Pambansa sa lipunan

Pagkatapos mong mapanood angvidyo , ano ang iyong naging saloobin o

reaksyon dito? Isulat sa isang talata.

_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
 BuuinNatin !

Basahin ang kotasyon sa ibaba. Ipakita sa pamamagitan ng pagpopost sa

facebook ninyo tungkol sa kaisipang nakapaloob sa kotasyon. Maging malikhain sa
pagbuo ng post. Pagkatapos, ipasa ito sa paraang screen -shot.

“Ako’yPilipinong may sarilingwika

WikangFilipinongbigay ng Bathala::
Sa puso’ypanatangakingitatakda
Laginggagamiti’t di-ikahihiya.”

Pamantayan ng Pagmamarka

Pamantayan Puntos

 Makabuluhang kaisipan ( 10)

 Pagkamalikhain (10)

 Wastong gamit ng salita (10)

Kabuuang puntos ( 30)

 Sagutin Mo

Panuto: A. Piliin ang titik ng tamang sagot

1. Saang Konstitusyon itinadhana na ang wikang pambansa ay tatawaging

Pilipino?
a. Kontitusyon 1935 c. Konstitusyon 1987
b. Kontitusyon 1973 d. Konstitusyon 1995

2. Alin sa mga sumusunod ang HINDI dahilan bakit Tagalog ang naging batayan
ng paglikha ng wikang pambansa?
a. Maraming Pilipino ang nakapagsasalita ng Tagalog
b. Karamihan na kabilang sa lupon ng Suriin ng Wikang Pamnbansa ay may
tagalog
c. Tagalog ang pangunahing gamit sa pakikipagkalakalan
d. Mayaman sa nakasulat na panitikan ang mga Tagalog

3. Anong hakbang ang masasabing lubos na nakatulong sa pagpapaunlad ng

wikang pambansa?
a. Pagpapalimbag ng Talatinigang Tagalog-Ingles at Balarilang Tagalog
b. Pananaliksik ng mga literaturang Filipino
c. Pagtuturo ng wikang pambansa sa paaralan
d. Pagpili sa tagalog bilang batayan ng wikang pambansa

4. Kaninong rehimen ipinatupad ang Patakarang Billinggwal sa pagtuturo sa

paaralan?
a. Rehimeng Aquino c. Rehimeng Ramos
b. Rehimeng Marcos d. Rehimeng Quezon

5. Saan nagmula o ibinatay ang wikang Filipino?

a. sa tagalog c. sa hiram na salita
b. sa Pilipino d. sa katutubong wika at hiram na salita

Panuto: B. Piliin sa Kolum B ang sinasaad sa Kolum A. Titik lamang ang isulat.

1. Paggawa ng hakbang tungo sa pagpapatibay A.Artikulo.14 Sek. 6-7 s. 1987

At pagpapaunlad ng wikang pambansa
2. Pagtatadhana na ang tagalog ang batayan ng B. Kautusang Pangkagawaran
wikang pambansa Blg. 7
 3. Pagpapahintulot sa pagpapalimbag ng
Talatinigang Tagalog at Ingles at Balarilang
Tagalog
4. Pagtatadhana na Pilipino ang opisyal na tawag
Sa wikang pambansa.
5. Pagtatadhana na ang wikang pambansa ng
Pilipinas ay Filipino
C. Kautusang Tagapagpaganap
Blg. 203
D. Kautusang Tagapagpaganap
Blg. 134
E. Artikulo 14 Sek. 3 s. 1936

Panuto: C. Ipaliwanag ang kaibahan ng Tagalog, Pilipino, at Filipino sa usaping

pangwika.

1. Tagalog

2. Pilipino

3. Filipino