Bahan Sermon PJJ Tanggal 06-12 Maret 2022

“Sinasa Lit Ijadiken Arah Kristus Guna Kristus”

(Kolose 1:15-20)

a. Penjelasen Tambahen

- Situasi Ibas konteks penulisen Kitab Kolose ituriken maka lit tantangen ibas guru-guru perguak nari si nuriken
kerna pengajaren si papak man perpulungen I Kolose. Si nuriken maka tiap jelma si ersura-sura guna ndatken
keselamaten, ia harus nembah man kesah-kesah si lit I awing-awang janah harus patuh nandangi adat-istiadat si
menekanken aturen kerna adat sunat bagepe peraturen-peraturen si sifatna lebih mengarah ku bas seremonial
saja.

- Erkiteken penyebaren ajaren-ajaren palsu enda, erbahanca turah perdebaten, bahken erbahanca timbul
perpecahen pemahamen kiniteken secara dogma, si erbahanca turah keraguan kerna ke-Tuhanen Jesus Kristus,
janah turah pengangkaan maka Jesus e labo Dibata (di anggap tidak punya kemampuan guna mereken
keselamaten).

- Emaka isi kitab Kolose enda nehken pengajaren man perpulungen alu penekanen maka Jesus Kristus me si
ngasup mereken keselamaten man manusia, sebab Dibata kap si njadiken doni ras kerina isina termasuk pe
manusia. Janah pendahin Dibata e tuhu-tuhu luar biasa janah erkiteken keleng ate Dibata doni enda ras kerina
isina (Joh. 3:16) emaka Dibata menyataken Diri-Na arah rupa Jesus Kristus si teridah I doni enda, guna
ncidahken bukti Kuasa-Na nandangi doni enda (erkiteken Ia simada) dingen ipakeken guna ncidahken keleng
ate man manusia ras kerina tinepa si tujunna pelin-pelin eme kemulian Dibata.

- Dibatanta rusur ipake istilah alu “alpha dan omega” si ngatakenca Ia lit ope denga sinasa lit, janah tetap
dingen la mengalami akhir (kekal). Ayat 16 ituriken “Sabab arah Ia Dibata njadiken kerina si nasa lit subuk I
Surga bagepe I doni, barang si teridah bagepe barang si la teridah, ” tangkas nuriken maka Dibata erkuasa I doni
ras I surga (la terbatas ruang/waktu) e kap tandana Dibata e Maha Kuasa/Imanen, em si ibelasken kita ibas
pertoton Tuhan (“reh min KinirajanNdu; sehlah min peratenNdu, I bas doni enda bagi ni surga”) nuriken maka
Tuhanta tetap berkuasa dingen ngkuasai kerina ingan, sebab kerinana reh ibas Dibata nari dingen harus
ipakeken kerina guna kemulian Dibata.

- Ayat 17 pe jadi penekanen maka Kristus e leben lit asangken kerinana, emaka jelas enda menentang kerna
pengajaren palsu si jadi tantangen ibas paksa e, sebab adi Kristus e leben lit asangken kerinana, jadi sada alasen
penting maka e “bersumber ibas Ia nari”, janah labo lit gegeh-gegeh si deban si gegehen asangken Ia guna I
sembah, sebab kerina si lit e terjeng “Ciptaan/tinepa” janah Tuhan e kap “Pencipta/Tuan”, janah tinepa harus
tunduk man Pencipta, sebab pencipta berkuasa sepenuhnya nandangi bekas tinepaNa.

- Ayat 18, menekanken “penyerahen diri” sepenuhnya man Dibata, e jadi ulu gegeh manusia, sebab la cukup
manusia enda terjeng “tek” saja tapi harus “erkiniteken” dingen terjadi proses pengendesen diri man Dibata
janah tuhu-tuhu mengimani kerina pengaturen Dibata tuhu-tuhu luar biasa dingen tepat guna ialoken kita. Jesus
harus menghadapi kematen, janah mate guna doni si enggo itepaNa ndube, sebab Dibata e kap ngenca
ngasup/beluh guna mpekena doni si Ia kin ndube nepasa (la lit kuasa-kuasa/gegeh-gegeh si deban si ngasup
mpekena doni si enggo ceda). Enda jadi sada bukti mutlak maka Tuhanta Jesus Kristus me ulu sinasa, Ia si
erkuasa, janah Ia ka ngenca ngasup mpekenasa. Jesus keke ibas si mate nari jadi bukti nyata maka “kematen”
enggo itaklukken, janah lanai e jadi sada kebiaren man manusia, justru e jadi sada dalin tunggal, guna manusia
banci mpelimbarui diri (tubuh kembali ke tanah, roh kembali kepada Pencipta), e kap dalanna maka manusia
banci jumpa dingen hidup bersama-sama dengan Tuhan.

- Ayat 19-20, arah pelayanen si ilakoken Jesus Kristus, ialoken doni enda (manusia) sada ketetapen
perdamen/keselamaten, sebab Dibata hendak mengembaliken porsi penciptaan semula (tujuan awal penciptaan)
eme kaiten temata “si nasa lit ijadiken arah Kristus, janah kerina ka guna Kristus”. Emaka enda sada
keteladanen man jelma, selaku ciptaan si enggo iperdameken, emaka Tuhan enggo mbukakaken dalan
keselamaten guna hidup bersama/bersekutu dengan Tuhan, emaka arah kerina dampar kegeluhen jelma pe harus
ipakeken guna kemulian man Dibata, sebab kegeluhenta enggo itukur Dibata, janah wujud pengabdianta harus
sepenuhna man bana, sebab adi enggo itukur harusna kita enggo jadi “budakNa”, tapi ipetunggungNa perbahan
keleng ate, iatankenNa kita jadi anak-Na.