ZOUHIR DEHBI

7
ⵅⴼ ⵜⵎⴰⴳⵉⵜ
 7
ⵅⴼ ⵜⵎⴰⴳⵉⵜ xf tmagit

ⵉⴳⴰ ⵓⵙⵏⴼⵍⵓⵍ ⴰⴷ ⴷ ⵙⴰⵜ ⵏ ⵜⵎⴷⵢⴰⵣⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵙⵙⴰⵡⴰⵍⵏⵜ ⵅⴼ ⵡⴰⵡⴰⵍ ⴷ

ⵜⵎⴰⴳⵉⵜ ⴷ ⵓⵥⵓⵕ ⴰⵎⴰⵣⵉⵖ, ⵢⵓⵔⵉ ⵜⵏⵜ ⵓⵎⴷⵢⴰⵣ ⵣⵓⵀⵉⵔ ⴷⴷⵀⴱⵉ, ⴷⵖⵉ ⵙ ⵜⵣⵎⵎⴰⵔ ⵏ
ⵉⵎⵙⵏⴼⵍⵓⵍⵏ ⴷ ⴰⵢⵜ ⵜⵙⴽⵍⴰ ⴷ ⵜⴷⵍⵙⴰ, ⵏⵣⵎⵔ ⴰⴷ ⵏⵉⵏⵉ ⵎⴰⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵎⵥ
ⴰⵏⵙⴰ ⵏⵏⵙ ⴳ ⵡⴰⵎⵎⴰⵙ ⵏ ⵜⵓⵜⵍⴰⵢⵉⵏ ⵏ ⵓⵎⴰⴹⴰⵍ ⵙ ⵎⴰ ⵉⵣⴷⵉⵏ ⵙ ⵜⵙⴽⵍⴰ ⴷ ⵜⴷⵍⵙⴰ, ⵡⴰⵅⵅⴰ
ⴰⵎⵎⵏ ⵜⵙⵓⵍ ⵜⵎⴰⵣⵉⵖⵜ ⴳ ⵜⵙⵓⵔⵉⴼⵉⵏ ⵏⵏⵙ ⵜⵉⵎⵣⵡⵓⵔⴰ ⵉⵅⵚⵚⴰ ⴰⵅ ⵇⴰⵃ ⴰⵅ ⴰⴷ ⵏⵙⵙⵏⴼⵍⵓⵍ
ⵙ ⵜⵓⵜⵍⴰⵢⵜ ⵏⵏⵅ ⴷ ⴰⴷ ⵏⵙⵙⵎⵖⵔ ⵙ ⵡⴰⴷⴷⵓⵔ ⵏⵏⵙ ⴳ ⵡⴰⵎⵎⴰⵙ ⵏ ⵜⵓⵜⵍⴰⵢⵉⵏ ⵏ ⵓⵎⴰⴹⴰⵍ.

ⵜⴰⵏⵎⵎⵉⵔⵜ

Iga usnflul ad d sat n tmdyazin s tutlayt tamazight, ssawalnt xf wawal d tmagit d uZuR amazigh,
yuri tnt umdyaz zouhir dehbi, dghi s tzmmar n imsnfluln d ayt tskla d tdlsa, nzmr ad nini mas
tutlayt tamazight tumZ ansa nns g wammas n tutlayin n umadal s ma izdin s tskla d tdlsa, waxxa
ammn tsul tmazight g tsurifin nns timzwura ixssa ax qah ad nssnflul s tutlayt nnx d ad nssmghr s
waddur nns g wammas n tutlayin n umadal.

tanmmirt
ⵜⴰⴱⵔⴰⵜ ⵉⵖⵓⴷⴰⵢ ⴰ ⵉⵙⵙⵓⵜⵓⵔⵅ ⴰⴷ ⵜⴰⵡⴹ

ⵢⵓⵄⵕ ⵍⵅⵉⵔ ⵓ ⵜ ⵖⴰ ⵉⴳⵏ ⵜⵙⵓⵍ ⵓⵔ ⴰⵙ ⵜⵉⵡⴹ

ⴰ ⵜⴰⴱⵔⴰⵜ ⵉⵏⵉ ⵉⵢⵉ ⵎⴰⵅ ⵓⵔ ⵜⵉⵡⴹ

ⵉⵙ ⵓⵔ ⵜⵓⴼⵉⴷ ⵓ ⵛⵎ ⵖⴰ ⵢⴰⵙⵉⵏ

ⴰⴷ ⵢⵉⵥⵉⵕ ⵎⴰ ⴷⵉⴳⵎ ⵢⵓⵔⵉⵏ ⴷ ⵎⴰ ⵜⵜⴰⵙⵉⴷ ⴳ ⵉⵙⵉ

ⵜⵓⴷ ⵉⴷⴷⵅ ⵎⵉⴷⴷⵏ ⵜⵜⵓⵏ ⴰⵥⵓⵕ ⵏⵏⵙⵏ ⵀⴰ ⴹⴼⴰⵕⵏ ⴰⴱⵔⵉⴷ ⵡⵉⵙ ⵙⵉⵏ

ⵓⵏⵏⴰ ⵉⵜⵜⵓⵏ ⴰⵥⵓⵕ ⵉⵙⵉⴷⴷⵏ ⵏ ⵡⵓⵍ ⵏⵏⵙ ⴷⴰ ⴰⵙ ⵅⵙⵉⵏ

ⵛⴱⴱⵔ ⴳ ⵉⵥⵓⵕⴰⵏ ⵀⴰ ⵖⵔ ⴷⴰⵜ ⵙⵙⵓⵔⴼ ⵜⵉⵙⵓⵔⵉⴼⵉⵏ

ⴹⴼⴰⵕ ⴰⴱⵔⵉⴷ ⵉⵛⵏⵉⵏ ⵀⴰ ⵅⴰⵔ ⴰⵛ ⵜⵉⵙⵔⴰⴼⵉⵏ

ⵀⴰⵏ ⵉⵎⵃⵙⴰⴷⵏ ⵍⴰ ⵜⵜⵕⴰⵊⴰⵏ ⵎⵍⵎⵉ ⴷⵉⵙⵏⵜ ⵖⴰ ⵜⵓⴹⵉⴷ

ⵀⴰ ⴰⴷ ⵅⴼⵛ ⴳⵔⵏ ⵜⵉⴱⵍⴰⴹⵉⵏ

ⵙⵙⵉⵎⴰⵍ ⴰⴷⵉⵏ ⵉⵖⵓⴷⴰⵏ ⵀⴰ ⵉⴳ ⵜ ⴰⵎ ⵉⵄⵓⴷⴰⵢⵏ

ⵙⵙⵉⴷⴷⵔ ⵓⵏⵏⴰ ⵅⴼⵙ ⵢⵓⵍⵉⵏ ⵢⵉⵖⴷ ⴷ ⵓⵏⵏⴰ ⵜ ⵉⵜⵛⵛⵉⵏ ⵉⵛⵍⴰⵢⵏ

ⵜⴰⴱⵔⴰⵜ ⵉⵏⵓ ⴰⴷ ⵜ ⵉⵔⵎⵙ ⵅⴰⵙ ⴱⴰⴱ ⵏ ⵡⴰⵍⵍⵉ ⴰⵎⵇⵇⵔⴰⵏ ⴷ ⵡⵓⵍ ⴰⵣⵉⵔⴰⵔ

ⵙⵙⵏⵖ ⵉⵙ ⴰⴷ ⵜⴰⵡⴹ ⵖⵔ ⴰⵢⵜ ⵓⵖⵍⵍⵓⵢ ⴷ ⵓⵏⵇⵇⵔ

ⴰⵢⴰ ⴰⵢ ⵙⵙⵓⵜⵓⵔⵖ ⴰⴷ ⵢⵉⵍⵉ ⵀⴰ ⴰⴷ ⵉⴼⴼⵖ ⵣⴳ ⵜⵉⵍⵉ

ⵖⵔ ⵓⵙⵉⴷⴷ ⴰⴷ ⵜ ⵏⵙⵙⵉⴷⵉⴷ ⴷ ⴰⴷ ⵜ ⵏⵙⵙⴰⵍⵉⵢ ⵏⵏⵉⴳ ⵏ ⵡⴰⵍⵍⵉ

ⴰ ⵜⴰⴱⵔⴰⵜ ⵔⵉⵅ ⵛⵎ ⴰⴷ ⵜⴰⵡⴹ ⵀⴰ ⴰⴷ ⵜⵔⵔⴷ ⵖⵔ ⵡⵓⵍ ⵜⵉⵎⵍⵍⵉ

ⵙ ⵡⴰⵡⴰⵍ ⵉⵏⵓ ⴰⵎⴰⵣⵉⵖ ⵙ ⵢⵉⵍⵙ ⵉⵏⵓ ⴰⴷ ⵉⵏⵉⵅ

ⴰⵥⵓⵕ ⴰⵎⴰⵣⵉⵖ ⴷ ⴰⵛⴱⴱⵕ ⵏ ⵓⴼⴳⴰⵏ ⴳ ⵓⵎⴰⵣⵉⵔ

ⵃⴹⴰⵏ ⵉⵎⴰⵣⵉⵖⵏ ⵜⴰⵎⴰⵣⵉⵖⵜ ⴰⵎ ⵓⴳⴰⴷⵉⵔ

ⵣⵔⵉⵏ ⵅⴼⵙ ⵉⵣⵎⴰⵣ ⵉⵙⵓⵍ ⵉⴷⴷⵔ ⵉⵙⵙⵉⴷⵉⴷ

ⴼⴽⵉⵅ ⴰⵎ ⴰⴷⴷⵓⵔ ⵙⵓⵍⵅ ⵙⵙⴰⵡⴰⵍⵅ ⵜⵜⵉⵏⵉⵅ

ⴰⵥⵓⵕ ⴷ ⴰⵥⵓⵕ ⵎⵖⴰⵔ ⵉⴱⴱⵉ ⵉⵙⵓⵍ ⴰⴷ ⴷ ⵢⴰⵖⵓⵍ

ⵜⴳⴰ ⵜⵎⴰⵣⵉⵖⵜ ⴰⵎ ⵜⴰⵔⴳⴰⵏⵜ ⴰⵎ ⵢⵉⴷⵉⵍ ⵉⵜⵜⴰⵍⵉⵏ

ⴳ ⵓⵊⵏⵏⴰ ⴷ ⴰⵍ ⵜⵙⵙⴼⴰⵡ ⴰⴽⴰⵍ ⴰⵎ ⵉⵜⵔⴰⵏ ⵏⵏⵉⴳ ⵏ ⵓⴷⵔⴰⵔ

ⵓⵙⵉⵅ ⴰⵎ ⴰⵏⵣⴳⵓⵎ ⴳⵉⵖ ⵖⵉⴼⵎ ⵜⴰⵎⵙⵙⵓⵎⴰⵏⵜ

ⴷⴷⵔ ⴰ ⵜⴰⵎⴰⵣⵉⵖⵜ ⵜⴰⵎⴰⵣⵉⵔⵜ ⵏⵏⵎ ⴰⵢⴰⴷ

ⵀⴰⵏⵏ ⵜⴰⵎⴰⵣⵉⵖⵜ ⴷ ⵜⵎⴰⵣⵉⵔⵜ ⵙⵏⴰⵜ ⴳⴰⵏⵜ ⴰⵎ ⵓⵖⴰⵏⵉⵎ

ⴰⵖⴰⵏⵉⵎ ⵉⴽⵏⴰⵏ ⵉⵏⵏⴰⵏ ⵙⵓⵍⵅ ⴷⴷⵔⵅ ⵙⵙⵉⵖⵎⵉⵅ

ⵉⵥⵓⵕⴰⵏ ⵉⵏⵓ ⴷⴷⴰⵡ ⵏ ⵡⴰⴽⴰⵍ ⵙⵙⵓⴼⵓⵖⵅ ⴰⴼⵔⵉⵡⵏ ⵣⴳ ⵡⵓⵍ

ⴱⴱⵉⵏ ⵉⵢⵉ ⵎⴰⵛⴰ ⴳ ⵡⴰⵡⴰⵍ ⵉⵏⵓ ⵓⵔ ⵜⵜⴰⵖⵓⵍⵅ

ⴰⵥⵓⵕ ⴷ ⴰⵥⵓⵕ ⵎⵖⴰⵔ ⵉⴱⴱⵉ ⵉⵙⵓⵍ ⴰⴷ ⴷ ⵢⴰⵖⵓⵍ

ⵓⴳⴰⵔ ⵅⴼ ⵓⵎⵣⵡⴰⵔⵓ ⴰⵡⴰⵍ ⵏⵏⵅ ⵉⴳⴰ ⵢⴰⵏ

ⵎⵖⴰⵔ ⵏⵙⵙⵏ ⵉⵍⵙⴰⵏ ⵉⵍⵙ ⴰⵎⴰⵣⵉⵖ ⴷ ⴰⵎⵣⵡⴰⵔⵓ

ⵉⴼⴹⴹⴰ ⵡⴰⵡⴰⵍ ⵉⵏⵓ ⵉⴳⴰ ⴰⵢⴰⴷ ⴷ ⴰⵏⴳⴳⴰⵔⵓ

ⵏⵊⵍⵉⵅ ⴷⵉ ⵛⴰ ⵓⵎⵛⴰⵏ ⵍⵍⴰⵏ ⴷⵉⵙ ⵅⴰⵙ ⵉⴱⵔⴷⴰⵏ

ⵍⴰ ⴳⴳⵓⵔⵅ ⴰⵍ ⴳⴳⵓⵔⵅ ⴰⵍ ⵣⵉ ⵎⴰ ⵣⵕⵉⵅ ⵉⵙⵔⴷⴰⵏ

ⵉⴱⵕⴱⴰⵛⵏ, ⵉⵣⴳⴳⵯⴰⵖⵏ, ⵉⵛⵎⵍⴰⵍⵏ ⵀⴰ ⴷ ⵉⵎⵍⵍⴰⵍⵏ

ⴰⵍ ⵙⵙⵏ ⵣⴳ ⵉⵖⵣⵔⴰⵏ

ⵣⵕⵉⵅ ⵉⵊⵊ ⵓⵙⵉⴷⴷ ⴰⵍ ⴷ ⵉⴳⴳⵓⵔ ⵣⴳ ⵉⵥⵓⵕⴰⵏ

ⵍⴰ ⵉⵙⵙⵔⵓ ⵜⵉⵟⵟⴰⵡⵏ ⴷ ⴰⵍ ⵜⵜⴰⴼⵔⵓⵏ ⵉⵎⵟⵟⴰⵡⵏ

ⵍⴰ ⵔⴳⴳⵯⵍⵏ ⴰⵎ ⵉⴼⵉⵖⵔⴰⵡⵏ ⵣⴳ ⵜⵉⵡⵟⵟⴰⵡⵏ ⴰⵍ ⵉⵖⵉⵔⵏ

ⵍⴰ ⵙⵙⵓⵜⵓⵔⵅ ⴰⴷ ⵉⵎⵇⵇⵔ ⵡⴰⴷⴷⵓⵔ

ⵣⴳ ⴰⵢⵜ ⵄⴱⴱⵓ ⴰⵍ ⴰⵏⵙⴰ ⵏ ⵎⴷⴷⵓⵔ

ⵉⵎⵓⵛⴰⵏ ⵉⵖⵓⴷⴰⵏ ⵙⵙⵉⵎⴰⵏ ⵉⵢⵉ ⵉⴷⵓⵔⴰⵔ

ⵜⴰⵎⵓⵔⵜ ⵜⵣⵉⵣⵓ ⴷ ⵓⵍⴰⵡⵏ ⵎⵎⵓⵜⴰⵏ

ⵔⵡⵍ ⵉⵎⵣⴷⴰⵖⵏ ⵙⵙⵓⵙⵎⵏ ⵉⴷⵓⵔⴰⵔ ⵙⵙⵓⵙⵎⵏ ⵉⴼⵔⴰⵏ ⴷ ⵉⵜⵔⴰⵏ

ⵃⵓⵢⵣⵅ ⴰⵡⴰⵍ ⵏ ⵜⵎⵓⵔⵜ ⴷ ⵉⵣⵍⴰⵏ ⵏ ⵡⴰⵛⴰⵍ

ⵉⵃⵓⵢⵣ ⵡⵓⵍ ⵓⵏⵏⴰ ⵉⵣⵔⵉⵏ ⴰⵎⵙⴰⵡⴰⴹ ⴰⵎⵙⴰⵡⴰⵍ ⵊⴰⵔ ⵎⵉⴷⴷⵏ ⴷ ⵓⵎⵄⴰⵡⴰⵏ

ⵍⴰ ⵙⵙⵓⵜⵓⵔⵅ ⴰⴷ ⴷ ⵉⵄⴰⵢⴷ ⴰⴷ ⵛⴹⵓⵅ ⴰⵛⴰⵍ ⴷ ⴰⴷ ⵙⵙⵍⵅ ⵉ ⵡⴰⵎⴰⵏ

ⵓⵔ ⵛⵎ ⵜⵜⵓⵅ ⵓⵔ ⵛⵎ ⵜⴻⵜⵜⵓⵅ ⴰ ⵜⴰⵎⵓⵔⵜ

ⵡⴰⵅⵅⴰ ⴰⴷ ⵣⵔⵉⵏ ⵉⵙⴳⴳⵯⴰⴰⵙⵏ ⴷ ⵓⵙⵙⴰⵏ

ⴰ ⵜⴰⵎⵓⵔⵜ ⵍⴰ ⵜⵍⵍⵉⴷ ⵓⵍⴰⵡⵏ ⴳ ⵡⴰⵏⵙⴰ ⵉⵖⵓⴷⴰⵏ

ⴰⴷ ⴳⴳⴰⵍⵍⵅ ⵓⵔ ⵖⵉⴼⵎ ⴱⵟⵟⵓⵅ ⵙⴳⴳⵯⵉⵙ ⵉⵙⵓⵍ ⵉⵎⴰⵏ ⵊⴰⵊ ⵉⵏⵓ

ⵙⴳⴳⵯⵉⵙ ⵙⵓⵍⵏ ⵉⴷⴰⵎⵎⵏ ⵜⵜⴰⵣⵍⵏ ⴳ ⵓⵥⵓⵕ ⵉⵏⵓ

ⵙⴳⴳⵯⵉⵙ ⵙⵓⵍⵏⵜ ⵜⵓⵔⵉⵏ ⵙⵙⵓⴼⵓⵖⵏⵜ ⵓⵏⴼⵓⵙ ⴷ ⵙⵙⴰⴷⴰⴼⵏⵜ ⵡⴰⵢⵢⴰⴹ

ⵎⵇⵇⴰⵔ ⵍⵍⴰⵏⵜ ⵜⴼⵉⵛⴰⵢ ⵓⵙⴰⵔ ⵉⵢⵉ ⴱⴹⵓⵏⵜ ⵅⴼ ⵓⵏⴰⵔⵓⵣ ⵉⵏⵓ

ⵛⵎ ⴰⵢ ⵉⴳⴰⵏ ⴰⵏⴰⵔⵓⵣ ⵉⵏⵓ ⵛⵎ ⴰⵢ ⵉⴳⴰⵏ ⴰⴱⵓⵔⵣ ⵉⵏⵓ

ⵏⴽⴽ ⵓⵔ ⵙⵙⴰⵡⴰⵍⵅ ⵓⴼⴳⴰⵏ ⵏⴽⴽ ⵙⵙⴰⵡⴰⵍⵅ ⵅⴼ ⵓⵥⵓⵕ ⵉⵏⵓ

ⴰⵥⵓⵕ ⵉⵏⵓ ⴰ ⵙ ⴷⴰ ⵜⵜⴱⵓⵔⵓⵣⵅ ⵉⴳⴳⴰ ⵉⵢⵉ ⵡⴰⴷⴷⵓⵔ ⴰⴷ ⵉⵍⵉⵅ ⵣⵉⴳⵙ

ⵜⴰⵎⴰⵣⵉⵖⵜ ⵜⴰⵎⴰⵣⵉⵖⵜ, ⴰⵄⵔⵉ ⵓⵏⵏⴰ ⴷⵉⴳⵙ ⵉⵟⵟⴼⵏ ⵓⵔ ⵣⵉⴳⵙ ⵉⴱⴹⵓ

ⵙⴳⴳⵯⵉⵙ ⵍⵓⵍⵅ ⴷ ⵏⵜⵛ ⵜⵜⵉⵔⵉⵅ ⴰⵛⴰⵍ ⴰⵎ ⵡⴰⴷⴷⴰⴳ

ⵙⵙⵏⵅ ⵉⵙ ⴷⴰ ⴰⵢ ⵖⵎⵉⵏ ⵉⵎⵣⵡⵓⵔⴰ ⵉⵏⵓ ⴷ ⵏⵜⵛ ⵣⵉⴳⵙⵏ ⴰⵢ ⵍⵍⵉⵅ

ⴳⵉⵅ ⴰⵎ ⵓⵙⴽⵍⵓ ⵎⵛ ⴱⴱⵉⵏ ⵉⵢⵉ ⵉⵥⵓⵕⴰⵏ ⵓⵙⴰⵔ ⴷⴷⵔⵅ

ⵎⵛ ⵉⵢⵉ ⴽⴽⵙⵏ ⴰⵛⴰⵍ ⵓⵙⴰⵔ ⵙⵙⵉⴷⴷⵅ

ⵎⵛ ⵉⵢⵉ ⴽⴽⵙⵏ ⴰⵎⴰⵏ ⵎⵎⵓⵔⵅ ⵓⵙⴰⵔ ⴷ ⴰⵖⵓⵍⵅ

ⴰⵥⵓⵕ ⴷ ⴰⵥⵓⵕ ⵎⵖⴰⵔ ⵉⴱⴱⵉ ⵉⵙⵓⵍ ⴰⴷ ⴷ ⵢⴰⵖⵓⵍ

ⴰⵥⵓⵕ ⴷ ⴰⵥⵓⵕ ⵎⵖⴰⵔ ⵉⴱⴱⵉ ⵉⵙⵓⵍ ⴰⴷ ⴷ ⵢⴰⵖⵓⵍ

ⵙ ⵡⴰⵡⴰⵍ ⵉⵏⵓ ⴰⵎⴰⵣⵉⵖ ⵙ ⵢⵉⵍⵙ ⵉⵏⵓ ⴰⴷ ⵉⵏⵉⵅ

ⴰⵥⵓⵕ ⵉⵏⵓ ⴰ ⵉⴳⴰ ⴰⴱⵔⵉⴷ ⵖⵔ ⵉⵎⴰⵍ ⵉⵏⵓ ⴰ ⵉⴳⴰ

ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵓⴷⵔⵜ ⵏ ⵓⴼⴳⴰⵏ ⵉⵛⴱⴱⵔⵏ ⴳ ⵡⴰⵛⴰⵍ

ⵓⴷⵎⴰⵡⵏ ⵉⵎⴰⵣⵉⵖⵏ ⵙⵙⵉⵖⵏ ⴰⵎⵣⵔⵓⵢ ⵏ ⵓⵎⴰⴹⴰⵍ

ⵜⵍⵖⵏⵊⴰ ⴰⵏⵥⴰⵕ ⴰⵢ ⵎⵓⵎⵉ ⵏⵇⵇⴰⵔ ⴷ ⴰⵙⵙⵓⵜⵔ ⵉⵎⴰⵣⵉⵖⵏ ⴰⵏⵥⴰⵕ

ⴳⴳⵯⴷⵅ ⴰⴷ ⵜⵜⵡⴰⵜⵜⵓ ⵓⵔ ⵜⵜⵖⵉⵎⴰ ⴳ ⵓⴷⵔⴰⵔ ⵡⴰⵍⴰ ⴰⵣⴰⵖⴰⵔ

ⴰⵃⵡⴰⵛ ⴷ ⵓⵃⵉⴷⵓⵙ ⵔⵔⴳⴰⴷⴰ ⴷ ⵓⴱⵔⵏⵓⵙ ⴰⵙ ⵉⵖⵓⴷⴰ ⵓⵎⵣⵔⵓⵢ

ⵓⵔ ⵇⵇⵉⵎⵏ ⵉⵣⵎⴰⵡⵏ ⵎⴰⵛⴰ ⵇⵓⵍⵏ ⴳ ⵓⵍⴰⵡⵏ

ⵓⵃⵍⵏ ⵜⵜⵎⵏⵖⴰⵏ ⵀⴰ ⴷⵊⵉⵏ ⴷⴼⴼⵉⵔ ⴰⵙⵏ ⵉⴼⵉⵖⵔⴰⵡⵏ

ⵓⵔ ⵃⵎⵉⵍⵏ ⴰⴷ ⵙⵍⵍⵏ ⵜⴰⵎⴰⵣⵉⵖⵜ ⵀⴰ ⴰⴷ ⵓⵛⵏ ⵉⵙⵎⴰⵡⵏ

ⵓⵔ ⵜⵣⵎⵎⴰⵔⵏ ⵉⵙⵔⴷⴰⵏ ⴰⴷ ⴷⵡⵍⵏ ⴰⵎ ⵉⵙⴰⵏ

ⵓⵔ ⵜⵣⵎⵎⴰⵔⵏ ⴰⴷ ⵇⵇⵍⵏ ⵖⵔ ⵓⵊⵏⵏⴰ ⴰⵎ ⵉⵍⴼⴰⵏ

ⴰⴷ ⵏⴹⴼⴰⵕ ⵉⵖⴱⵓⵍⴰ ⴷ ⴰⴷ ⵏⵙⵙ ⵣⴳ ⵉⵖⵣⵔⴰⵏ ⵏ ⵉⵎⵣⵡⵓⵔⴰ

ⴰⴷ ⵏⴰⵔⵉ ⵙ ⵜⴼⵉⵏⴰⵖ ⴷ ⴰⴷ ⵏⵟⵟⴼ ⵉⴼⵙⴰⵏ ⵏ ⵜⵎⵓⵔⴰ

ⴱⵓⵔⵣⵅ ⵙ ⵢⵉⵍⵙ ⵉⵏⵓ ⴰⵎⴰⵣⵉⵖ ⵓⵔ ⵉⵍⵍⵉ ⵓ ⵜ ⵖⴰ ⵢⴰⴼⵏ

ⴱⵓⵔⵣⵅ ⵙ ⵢⵉⵍⵙ ⵉⵏⵓ ⴰⵎⴰⵣⵉⵖ ⵓⵔ ⵉⵍⵍⵉ ⵓ ⵜ ⵖⴰ ⵢⴰⴼⵏ

ⵏⵜⵛ ⵍⵓⵍⵖ ⴷⴰ

ⵎⴰⵏⵉ ⵖⵔ ⵖⴰ ⴷⴷⵓⵅ ⵎⴰⵏⵉ ⵖⵔ ⵖⴰ ⵔⵓⵃⵅ

ⴷⴰ ⴳ ⵉⵍⵍⴰ ⵡⴰⴹⵓ ⵏ ⵉⵎⵣⵡⵓⵔⴰ ⵉⵏⵓ ⵎⴰⵏⵉ ⵖⵔ ⵖⴰ ⴷⴷⵓⵅ

ⵜⴳⴳⵓⵜ ⵜⵎⵓⵔⵜ ⵎⴰⵛⴰ ⵎⴰⵏⵉ ⵖⵔ ⵖⴰ ⵔⵓⵃⵅ

ⵜⴰⵎⵓⵔⵜ ⵉⵏⵓ ⴰⵢⴰ ⵎⴰⵏⵉ ⵖⵔ ⵖⴰ ⴷⴷⵓⵅ

ⵙⴳⴳⵯⵉⵙ ⵕⵥⵎⵅ ⴰⵍⵍⵏ ⵉⵏⵓ ⴷ ⵏⵜⵛ ⴷⴰ ⴰⵢ ⵍⵍⵉⵅ

ⵎⴰⵏⵉ ⵖⵔ ⵖⴰ ⴷⴷⵓⵅ ⵎⴰⵏⵉ ⵖⵔ ⵖⴰ ⵔⵓⵃⵅ

ⵏⵏⴰⵏ ⵉⵢⵉ ⴷⴷⵓ ⵏⵏⵉⵅ ⴰⵙⵏ ⴷⴷⵓⵎ ⴽⵏⵏⵉ

ⵜⴰⵎⵓⵔⵜ ⵉⵏⵓ ⴰⵢⴰ ⵎⴰⵏⵉ ⵖⵔ ⵖⴰ ⴷⴷⵓⵅ

ⵏⵏⴰⵏ ⵉⵢⵉ ⵜⵜⵓ ⴰⵡⴰⵍ ⵏⵏⵛ ⵏⵏⵉⵅ ⴰⵙⵏ ⵓⵙⴰⵔ ⵜ ⵜⵜⵓⵅ

ⴰⵡⴰⵍ ⵉⵏⵓ ⴰⵎⴰⵣⵉⵖ ⴷ ⴰⵍⵍⵏ ⵉⵏⵓ ⵏⵏⴰ ⵙⵏ ⵙⵙⵉⴷⵉⴷⵅ

ⵏⵏⴰⵏ ⵉⵢⵉ ⵙⵙⵓⵙⵎ ⵏⵏⵉⵅ ⴰⵙⵏ ⴰⵣⵔⴼ ⵓⵔ ⴷⴰ ⵅⴼⵙ ⵉⵙⵙⵓⵙⵓⵎ ⵓⵍⴰ ⴷ ⵉⵊⵊ

ⴰⵣⵔⴼ ⴷ ⴰⵣⵔⴼ ⵎⵛ ⵓⵔ ⵉⵍⵍⵉ ⴰⴷ ⵜⵏ ⵏⵙⵙⵉⵍⵉ

ⵏⵏⴰⵏ ⵉⵢⵉ ⴹⴼⴰⵕ ⴰⵅ ⵏⵏⵉⵅ ⴰⵙⵏ ⵓⵔ ⴳⵉⵅ ⴰⵎⵓⴷⵔ

ⵏⵜⵛ ⴷ ⴰⴼⴳⴰⵏ ⴱⴰⴱ ⵏ ⵡⴰⵏⵍⵍⵉ ⴷ ⵓⵡⵏⴳⵉⵎ

ⵏⵜⵛ ⴷ ⴰⵎⴰⵣⵉⵖ ⴱⴰⴱ ⵏ ⵜⵎⵓⵔⵜ ⵓ ⵓⵔ ⵅⴼⵙ

ⴰⵡⴰⵍ ⴰⴼⴳⴰⵏ ⴰⴽⴰⵍ ⴷ ⵜⴰⵎⴰⵜⴰⵔⵜ ⵏ ⵜⵎⴰⴳⵉⵜ ⵉⵏⵓ

ⵜⴰⵎⵓⵔⵜ ⵉⵏⵓ ⴰⵢⴰ ⵎⴰⵏⵉ ⵖⵔ ⵖⴰ ⴷⴷⵓⵅ

ⵜⴰⵎⵓⵔⵜ ⵉⵏⵓ ⴰⵢⴰ ⵎⴰⵏⵉ ⵖⵔ ⵖⴰ ⴷⴷⵓⵅ

ⵓⵀⵓ !!

ⵓⵀⵓ ⵉⵀⵉ ⵓⵔ ⵛⵎ ⵜⴻⵜⵜⵓⵅ

ⵉⵙ ⵉⵍⵍⴰ ⵓ ⵉⵜⴻⵜⵜⵓⵏ ⵜⴰⵎⴰⴳⵉⵜ ⵏⵏⵙ

ⵢⴰⵀ ⵉⵍⵍⴰ !!

ⵎⴰ ⵉⵎⵙ ⵓⵏⵏⴰ ⵉⵜⴻⵜⵜⵓⵏ ⴰⵥⵓⵕ ⵏⵏⵙ ?

ⵓⵏⵏⴰ ⵉⵜⵜⵓⵏ ⴰⵥⵓⵕ ⵏⵏⵙ ⴰⵢ ⵉⴳⴰⵏ ⴰⵃⵢⵓⴹ

ⵓⵏⵏⴰ ⵉⵜⵜⵓⵏ ⴰⵥⵓⵕ ⵏⵏⵙ ⴰⵢ ⵉⴳⴰⵏ ⴰⵃⵃⵔⴰⵎ

ⵓⵏⵏⴰ ⵉⵜⵜⵓⵏ ⴰⵥⵓⵕ ⵏⵏⵙ ⴰⵢ ⵉⴳⴰⵏ ⴰⵏⴰⴼⴰⵍ

ⵓⵀⵓ !!

ⵓⵔ ⵜⴻⵜⵜⵓⵅ ⴰⵥⵓⵕ ⵉⵏⵓ ⵙⴳⴳⵯⵉⵙ ⵙⵓⵍⵅ ⴷⴷⵔⵅ

ⴰⵥⵓⵕ ⵎⵛ ⵉⴷⴷⴰ ⵏⵜⵜⴰ ⵏⴷⴷⴰ ⵏⴽⴽⵏⵉ

ⴰⵡⴰⵍ ⵎⵛ ⵉⴷⴷⴰ ⵏⵜⵜⴰ ⵏⴷⴷⴰ ⵏⴽⴽⵏⵉ

ⴰ ⴰⵎⴰⵣⵉⵖ ⴰ ⵜⴰⵎⴰⵣⵉⵖⵜ ⴱⵓⵔⵣ ⵙ ⵓⵥⵓⵕ ⵏⵏⵓⵏ

ⵍⵎⴷⵎ ⴷ ⵙⵙⵍⵎⴷⵎ ⴰⵡⴰⵍ ⵏⵏⵓⵏ

ⵓⵔ ⵜⵜⴱⵓⵖⵍⵓ ⵜⵓⵜⵍⴰⵢⵜ ⵏⵏⵅ ⵎⵛ ⵓⵔ ⵏⴳⵉ ⵜⵉⵣⵎⵎⴰⵔ ⵏⵏⵅ

ⴰⴼⵓⵙ ⴳ ⵓⴼⵓⵙ ⴰⴷ ⵏⵙⵙⵉⵍⵉⵢ ⵜⴰⵎⴰⵣⵉⵖⵜ ⵙ ⴰⴼⵍⵍⴰ

ⴰⴷ ⴰⵙ ⵏⵔⴰⵔ ⴰⴷⴷⵓⵔ ⵏⵏⵙ ⵉⵀⵢⵢⴰⵏ

ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
Tutlayt tamazight
‫اللغة األمازيغية‬
Amazigh Language
神奇语言
Amazigh-Sprache
የበርበር ቋንቋ
Amazight Dili

बबबर भाषा