FAM10: Sexo (Parte 2)

Ñepyrümby: Mba´ére piko Ñanderuete oheja pe sexo. Pe sexopa ma´erä iporä hína Kirito
rayhupára ñemendapýpe. Bibliapepa mba´e he i. tapegauhëporäitéke Instituto Bíblico del
Aire-pe, ha ñanembo´epy ñemenda ha familia reheguápe, kóva Dr. Dick Woodward
ombosako´iva´ekue. Ro´aguyje ndéve reimére orendive ha jaikuaapyhy oñondive
Ñanderuete rembipota ñemendapýpegua ha ha ko´äga katu hesakuaitépe jahesa´ÿijóta
ñanembo´ehára oheróva, “joaju ñe´ërory” Roñembo´e ko´ä mbo´epy tanepytyvö nde
jerovia kakuaapýpe, ha upéicha ne ñemendapy avei ta´imbarete. Ñamoguahëvo ko mbo
´epy, ñahendúta Juan Cáceres ñe´ë guaranípe.

Cherembirekóndi romba´apo temimoïmby conferenciakuéra umíva omboguatávape heta

árajey. Tetäygua heta umi tapicha iñaranduvéva oï orendive upépe. Peteïva ha´e che
psicólogo Kirito rayhupára. Chéveguarä ha´e pe psicólogo iñaranduvéva Kiritorayhupára
apytépe. Ha´e Dr. Henry Brandt. Ha´e omyakä peteï ñemongeta jehesa´ÿijo upe pyhare
tapichakuéra omba´eporandukuaahápe. Heta umi iplátava ou upépe, ndacheresaravoínte ko
kuñakarai iviru heta ha oñemotenondéva. Opu´ä ha oporandu, “Dr. Brandt mba´épa
ndéveguarä pe sexo” ha ha´e ombohovái, “Py´apeteïetépe, nde kuñakarai, chéve guarä iporä
upéva”. ombohováipaporä mboyve umi ambuéva kakuaáma opuka ha upérö, upéi oipykúi
omyesakä katupyrypópe pe sexo iporäha. Oporandu chupe “Mba´ére piko pe puka.
Napepensái tiko ñandegutava´eräha, térä ja´e la ñandegutaha jahechaporäramo” ha omombe
´u tembiasakuéra mimi kóichagua pensamientorehegue ha oñe´ë ta´evepópe.

Péicha jahecha ko´ä cinco joajupy jagueromandu´áva peteïteï. Jahechapaite ko´ä ñe´ëmbyrä
rupive joajupy rehegua oñemyesakäháicha. Moköihápe, oï ñemongetarehegau joajupy. Ha
ja´e kuri pe ñemongeta omombaretéha joajupy. Ambue ñe´ëmbyrä pe jekupytykuaa. Ja´e
upéva ohechaukaha mba´éichapa ojejoaju. Joaju niko. Pe jeikoháre jojukue ombohekove
mborayhu, pe mborayhu mbá eve oha´arö´ÿva. Techapyrä ambue pe jejohechakuaa, ha
upévare reheae ha´e joajupy okakuaaha. Heta jey ñañemongeta jejohechakuaárehe tuichaite
mba´égui.

Äga pe ipahapeguápe mombaretepýpe jahero joajureko ñe´ë pukavy. Pe sexo ja´eha,

bibliape ojehechauka joajupýramo. Umi ohenóiva ñemendapy marangatu, péva hína
joajupy ñe´ë pukavy oje´eha. Jahecha niko jehaipýpe ipahávoma ñañepyrüvo ñañe´ë
kóvare, jehaipýpe he´iháicha, Ñanderuete ohejaha pe sexo yvypóra oñemuña haguä. Kóva
ojehechaporäiterei. Ojekupytyporäiterei Génesi aranduka omombe´úvare. Kóicha
omoyenda Ñanderuete heta yvypóra oiko haguä yuvy ape ári, ha pe sexo upeva´erä hína.
Kóichante avei oiko mymbakuérape. Oï katu hína peteï mba´e ko tete joajúpe, añetehápe
heta mba´e kuimba´e ha kuña rete joajurehegua oï, ñemendapy imarä´ÿva, upéva
tuichamba´eve hína ñeporeno ha mymba ñemoñemuñágui.

Jahecha kuri, jehaipyrupive pe sexo reheae Ñanderute oñe´ëha avei. Ñanderuete rembiota
upéa, ha´e ombojoajúramo kuña ha kuimba´e oï haguä oñondive, ha´e ombohekovéo kuña
ha kuimba´e, ha´ekuéra hetaiterei mba´e he´i ohupe sexu rupive. Ojehesa´ÿijoramo mba
´éichapa umi mymba, ojehecha umíva rovake yvypóra añoitéha hína pe oñemoïva
ojohováre sexo orekohaguä oñondive, ha oiméneko upéva rupive Ñanderuete omba
´erechaukase andéve hína, katuínte oiméne ñanemomaranduse. Ja´e kuri jaipykúivo ko´á
joajupy rupive, pe sexo ha´eva´eräha ñaneñemongeta py´arory pegua, jajekupytýha
oñondive, añetehápe ñanemborayhu, ha ñañontendéha, ha nde rehecháramo Ñanderuete
rembipotaha pe sexo eréta reína tuicha mba´éha ndejoajureko sexo reheae, rejekupytýramo
nderetépe upéicha jave nde reñe´ë reína. Kóva ndaha´éi mymba rembiapo. Ne ñemongetapy
hína, ha rehechaukavá erä opa mba´e peguerekóva guive oñondive pendejoaju ojeruréva.
Peë pehechauka peína pejoajúha ojuehe penderete pembojávo ojuehe. Iporäko oñentende
tetejoaju ndaha´eiha oñeiménteha oñondive, upéva omombe´u hína oñeimeha joajúpe.

Ja´e avei Ñanderuete ohejahape sexo ojevy´haguä. Chéveruguarä upéicha hína ñamañáramo
jehaipy jahesa´ÿijomava´ekuevoi, ko´äga jajesarekóta mbykymi pe sexo ndaha´éiha
ñañembohetahaguänte. Upéichamba´e rire ndojehaimo´ái kuri bibliape he´íva
Deuteronomio veinticuatro, cinco-pe, he´íva kuimbá e omendáramo oha´öva´eräha peteï ro
´yhove hembirekópe ombovy´a haguä, oïvo hikuái oñondive. Un año mboyvéko mitä ja
heñóima. Aipóramo hetave ára oï upe pa´ü oñemyenyhë haguä. Ñe´ë “jasýpe jeho” niko he
´ise jasy kunu´ürehegua, térä oikoha hikuái vy´apópe peteï ary pukukue. Upévako he´ise
Ñnderuete léi rupínte, ñanderuvicha oipotáva sexo reheae ndaha´éiha ñemuña añónte.
Jehaipýpe jahecha avei Hebreos trece ha cuatro he´íva omendáva rupa nda´ityaíriha. Upéva
he´ise niko he´ise ñemenda sagrádoha, ko´ýte jahesa´ÿijóramo capítulo ñemendarehegua
oïva Primera Corintios siete-pe, jahechátava ko´äga; remoñe´ëvo jehaipy, rehecha
Ñanderuete ohejahague {andéve pe sexo ndaha´éi ñandera´y haguä añónte. Ha´e ojeja péva
oñeñe´ë ha ojevy´a haguä.

Peteïjey, nañe´ëiko mbaretekuete amboguepa haguä umi kuimba´e oikóva kuimba´éndi ha

kuña kuñándi. Upéva ojehechakuaa peteï problémaha äga ta´ýra peteïva omombe´úramo
upeichaguáha. Upéva ne mbohovavai ha añetehápe nembopijojoha ko oje´eháicha. petEï
umi chera´y he´íramo chéve oïha hapicha kuimba´éndi ambyasyetereítaha añetehápe.
tenondetévoi nda´éi che upeva ombovy´áne haguä chupe. Upéicha ndojeikói vy´apavëme.
Ndaha´éi niko upéva Ñanderuete rembipota. Ndaha´éi upéva pe ha´e oha´aröva sexu
reheae. Ha´e oipota oñemboheta yvypóra. Kuimba´e kuimba´éndi ha kuña kuñándi ikatu
heta mba´e ohupyty ha katu araka´eve noñemuñamo´äi oñondive. Ha che ha´e upévare nde
tekotevëha rehecha pe sexo tuichaiterei mba´erä Ñanderuete ohejahague ha´éva hína
oñembohetávo yvypóra..

Heta jey ñaporandu peteï mba´érente ko mbo´epy pukukue javeve ha upe porandu kóicha
“Ndépa rehendu hína nderekoha he´íva ndéve, nde cultura térä jehaipy ñe´ë.” Ñaporandu
tembiaporänguérare, nemandu´ápa, mba épa hína ména ha túva rembiaporä, ha mba´épa
avei hína kuña ha tembireko ojapova´erä. Ndéko rejuhúta ko´äva ñemyesakämby arapýpe
térä katu jehaipýpe avei. Mamóguipa oñeñembohovái ndéve. Kóicha ñaporandu ñaína.
Aporanduse avei pe sexore.

Mamóguipa oguahë ndéve marnadu sexo rehegua.

Yvága tanepytyvö oiméramo nde cultura neisämbyhy kóvape, pe cultura ombohapéta pe

sexo nderängue. Nemomarandúta sexorehegua. Che apensahaháicha ndaha´éi hína marandu
térä ñeisämbyhy oñemoïva nemendapy ovy´a haguä ni peteï familia Kirito rayhupára
peguaräva. Aipóramo, mamáguipa rejapyhy va´erä sexo rehegua marandu ha ñeisämbyhy.

Upévapa ouva´erä mbo´ehárakueragui . oñembo´eva´eräpa ekuélape. Umi tapicha

oporombo´éva mbo´ehaópepa ñaneisämbyhyva´erä ñanderesape´ávo marandu sexo
reheguápe. Pohänohárapa umi ñanesämbyhyva´erä kóvape. Aporandu peteï pohänohárape
nda´areiete, “reñe´ëpa chupekuéra kóvare” ha ha´e ombohovái “Nda´éi chpekuéra. Ha
´ékuérando oporandu chéve. Ndojayhúi chehegui hikuái”, ha péicha, ha´ekuéra
ndojapyhýiramo mbo´ehára ni pohänohárakuéragui, upéicharöpa ojapyhy hikuái medio de
comunicaci´´on kuatiajehaipy térä ta´ängaryrýigui. Repensápa umíva he´iha añetegua,
ohechaukaha ndéve Ñandereute he´íva.

¡Nda´upéichaiete umíva! Mba´épa ñandegoviérno. Pe ndajaipotaihaichavoi ñanembo´e

religión rapére, ndajaecháiva´erä avei chupekuéra. Goviérno rembiaporäpa hína he´ívo ma
´eräpa pe sexo ñandéveguarä ha tomombe´upaite ñandéve upéva rehegua. heta tapichángo
he´ikuaa ñanderógape jahechakuaava´eräha ko´äva. Ogapýype ko áva oñemyesakäva´erä.
Hëe! Mávapa pe ogapýpe oñe´ëva hína tapicahkuérape. Kuimbá e ha kuñápa mamo ohendu
marandu sexorehegua.

Peteï ore ministro he´i oipykúi hague mbo´epy seminariope ha mbo´ehára oñe´ë
chupekuéra. He´i, “Umi moköi mba´e tuichavéva kuimba´e rekovépe niko hembiapo ha ha
iséxo reko , ha tupao katu ndorekói he´ia´erä moköivére. Ha´e oipyguaranteva´erä
ijeheguirei. Ko´äva umi mba´eguasuvéva hekovépe.” Hëe! Heta apensa añetehápe ko´ävare,
ha ajuhu kóicha. Tupao noñe´ëramo hese, ndaipóri pe Ñanderuete plan sexo rehegua
omombe´uva´erä. Añetehápe, moöpa oikuaa hesakuaitépe sexo rembipota, rembiaporä ha
hendaguä avei tupaópe noñemombe´úiramo chupe. Ja´éma haguéichavoi heta jey, ñemenda
niko Ñanderuete remimo´ä ha upéva oïmbaite jehaipýpe.

Upéichaiénte avei sexo rehegua. Äga pemoñe´ëramo jehaipy Cantares Salomón mba´éva
katu, pehechakuaava´erä ñanderuvicha ndoguerokirirïiha pe sexo. Ha upévare upévare che
ha´e la tupao nokirirïiva´eräha avei ni umi opredikáva avei. Judiokuéra jepokuaapy niko
umi karai arandu ndaikatúi omyesakävo umi Cantares Salomón mba´éva iñakärague
morotïmboyve. Ko´äga naha´éi la sa´imínte che akä´apatïva sa´imíntema katu che
akäraguehü, ahechaháicha ja ikatúma ahesa´ÿijo kóva 10 minuto pukukue. Jajesareko
mboyve umi jehaipy ja ñamoñe´ëmava´ekuérehe, pomokyre´ÿse peteï mba´épe.
Yma añemo´arandu árape, roguereko mbo´epy ministeriope temimbo´eháicha, mil
setecientos rupi ore, ha ou ko tujami ja iñakärague morotïmbámava oñe´ëva oréve
sexorehe. Ha oñe´ëmbarire katupyrypópe heta marandu ohejáva ñepytyvörä, ha´e
ombohovái oñeporandúva ha chemandu´a aporanduramoguare “Araka´épa kóva hesa´ipa
ohóvo. Araka´énepa ko tatarendy ogue ohóvo” ha ha´e ha ha´e inambikua guive opukavy
chéve hahe´i, “ndoúi niko che akäme mba´evete vera” ha apensa errekómaneha 82 añorupi.
He´iséva hína natekotevëiha katuete nemitärusu reguerovy´a haguä ndejoaju reko.

Ñanderuete ombo´ypýruguare pe sexo he i iporäha. Heta mba´égui voi he´i iporäha, ha che
apensa peë pehechakuaataha Ñanderuete he´ieva´ekue he´ívo iporäha. Ha´e
omohendahaguéicha opyta porä. Ñanderuete niko omohenda pe relación sexual kuimba´e
ha kuña ovy´a syry haguä oñondive.

Ha´ekuéra he´i marandureheae oïha heta kuña araka´eve ndohupytýiva vy´apavë sexo
rupive. Chéveruguarä péva kuimba´e kúlpareha. Kuimba´ére jahechava´erä ojehuha kóicha:
Kuimba´e ichentesereko ha ndoikuaái marandu. Upévare ajerue peëme kuimba´ekuéra. Che
ha´e Ñanderuete omyesakäporäitereíha pe relación sexual ména ha tembirekóndigua ovy
´asyry haguä oñondive, kuña ha kuimba´e, pe kuña ha kuimba´e oikuaapaiteva´erä
oikotevëva guive iñemendapy heko resäi haguä. He´ise hína péva añetehápe, hesakuaitépe,
Primera de Corintios trece. Umi ñe´ërysýi oïva jehaipy mbytépe omyesakä ñandéve
añetehápe mborayhúpa mba´épa he´ise. Rehecháramo umi 15 mba´ekuaa mborayhúre
rehegua, opavavé omaña ambue mba´ére, pe jahesa´ÿijóvo ja´eva´ekue. He´ise hína, Pablo
ha Jesús oje´akusa hague noïriha ijehevoi, ha Pablo he´i oïporäha oje´akusa hikuái. Ha´e
noïri ijehevoi. Péva he´ise hína ambue mba´éha hekove apytere. Maymavaite niko
ijeheguivoínte omoï pe mbytetépe hekove, ha oipykúivo Kirito rape katu iñambue pe
rehecháva apyteréramo ha ambue mba´éma remomba´eguasuvéva. Ja nerepensavéima
ndejehénte, Kiritóma hína pe tuichamba´evéva ndéve ha ja remotenondéma
nderapichakuérape. Ojevy´asyry haguä sexo rupive ha kóva tohasa kuña ha kuimba´e,
ménavoi tenondete osëva´erä ijehegui. Omotenondeva´erä ambuépe, upéicha´ÿrö
ndaikatumo´äi ovy´asyrývo araka´eve.

Ojeguenohëkuaava´erä ijehegui ja´e kuri. Umi tekove arandu oikuaáva tenda ha

cohetekuéra oñe´ë ñand´ve kóicha. Pe osëva hapégui ha oho ambue hendápe, p´+eva hína
pe osëva ijehegui, hesakuaitépevoi, Pablo he´i Segunda Corintios cinco-pe ha´e osëhague
ijehegui oguata rire Kirito rapérehe.

Che ahechaháicha umi tapicha osëva ijehegui añoite hína umi ovy´a syrýtava sexorupive
Ñandereute ombohape ahguéicha. Kuimba´e ha kuña kóva ohupyty haguä
oñemongetamanteva´erä. Kuimba´e opensakuaa pe ojapóva ombopy´arory ha ombovy
´asyrýha hembirekópe ha ikatunera´e kóva oiko ambueháicha. Tembireko oñe´éva´erä
ménandi, oñeñemongetava´erä. Peë añetehápe peñemongetava´erä oñondive. Ko´ëreíre
niko ñahendu heta pe abuso sexual. Ha´etevaicha maymavaiténtevoi ohasavai hague
imitäme. Ha nde reikuaaporä hetáha oï umi mitä oje´avusáva, ha péva ndoikói kuñáre
añónte. Ojejapo avei kuimba´ére. Heta oï tapicha ohasa asyva´ekue sexualmente hekovépe,
ha upéva rupi ijetu´ukue ovy´asyrývo sexo rupive Ñanderuete oipotaháicha, hekove
joajúpe. Ha´ekuéra ovy´a syry haguä hesaraipaiteva´erä umi mba´evai ohasava´ekuégui. Dr.
Jim Glennon, opobo´e oñeñembyesarái haguä umi mba´evai ojehasava´ekuégui ha omombe
´u ´mba´éichapa okueráta ha hesäi yvypóra retepy ovy´a syry haguä sexualmente.

Hesakäporä ko´äga, ñapensávo jaikuaaporäse sexo rehegua añetehápe jajesarekomanteva

´erÄ jehaipýre. Ja´emahaguéicha, Deuteronomio veinticuatro, he´i pe umi omendáva koty
nda´ityaíri va´erä. Koichagua jehaipýpe ohechauka hína pe sexo ojehejaha yvypóra
oñemboheta haguä. Ojehechava´erä kóva pa capítulo ñemendapy ohesa´ÿijóvape.
Cheveruguarä kóva peteïva umi jehaipy ijetu´uvéva oñe´ëva ñemendapy rekorehe, Pablo
oñe´ë hese mbohováivo crisitianokuéra Corintogua oporandúva kuaitañe´ëme. Nde
rehechávo jehaipy mendapýrehe oñe´ëva, Primera de Corintios siete, nde rejesarekoreína
jehaipy pyahu arandukapeguáre. Ojesarekóva guive Nuevo Testamentore oikuaapaitéta ko
´äva. Ha´e oñepyrü capítulo siete he´ívo: “Umi oñeporandúva guive chévere ñañe´ëvo”, ha
oñepyrü omyesakä ojehaiva´ekue guive chupe. Mendapýrehe ojehaíva niko ojajaipa. Resa
´ÿijóvo rehóo, rehecháta reína mba´éichapa Pablo ombohovái raa´e umi Corintogua
oporandúva chupe. Pablo ombohovái katupyrypópe Corintoguakuérape. Hetamba´e
oporandu hikuaí Pablo-pe ha Primera de Corintios siete-pe oïmbaite ombohovaiva´ekue.

Rehesa´ÿijopyko´ëvéramo oñembohovaiva´ekue, oñemañávo avei oñeporandúvare. Verso

veintiséis, jajesarekóramo vore mendapýre oñe´ëva, ha´e hína ñe´ërysyýi ohova´erä
capítulo peteïteïva ykére. Pablo he´i ñe´ërysýi veintiséis-pe. “Ko´ävare jajesareko
mbaretéramo ko´äga opa mba´e ojeuhuháicha hína che ha´e añetetéha.” Mba´eichagua
situación jejopy piko. Ha´eténgo ku ojepersegía. Kirito rayhupára ypykue hetajey oñe
´amenasa ojepersegío heta ára, 300 año rupi tupao oñemoñepyrü ypyramoguare, ha
ndahasýi ningo rehechakluaa haguä rejepersegíramo, oimérmo Leö rembi´urä, upéva
ndahasyietevemo´ä nanerembirekói térä nandera´ýiramo. Opa mba´e rembojovakekuaa
ndejehevereínte ha katu mba´épa ojehúne ndera´y ha nerembirekópe.

Upéva ipohýi añetehápe. Ha aipóramo ohai Pablope oporandúvo mba´e jejopy ohasáva ro
´ópe. Opa mba´ére oñasäingo ko capítulo-pe. Ha ha´ekuéra oporandu Pablo-pe , omendava
´eräpa ñane mitärusukuérako´ä árape ojeikoporäitereiruguáicha, ára porämeme. Ha Pablo
he´i chupekuéra hetajey “Nahäniri”, ombohovái, “Ko´äga rupi ojehechaháicha iporäve
japyta ñane´año”, ha péicha haé kuéra oporandúvo “Ha´ekuéra he´íramo ha´eñótanteha,
ojakuaápa hikuái hetépe oñondive” ha Pablo ombohovái, “Nahäniri, nomendáitaramo,
nomo´añetéitaramo ko hekojoaju sexualmente, upéicharö natekotevëi okáivo hikuái
hembipotápe”.

Ha´e katu he´i hína, jepersegi tesapeha guýpe, ipor¨ve nomendáinte; ha nomendáiramo,
anínte avei oïtei sexualmente. Hëe! Ha´ekuéra oporanduva´erä avei, ha ápe vaicha chéve ñe
´ëasapyko´ë rupive oheja ñandéve marandu tuichaitéva. Pablo he´i, “Umi rehaíva chéve
apytégui, iporävéne kuimba´épe ani opokótei kuñáre; ha ñeporeno ivai rupi katu, peteïteïva
ihporäve hembireko, ha kuña toreko iména. Pe kuimba´e tomo´añ{ete hembirekóndi
kuimba´eháicha, ha upéicha avei pe kuña tomo´añete iméndndi. Kuña nomandái hetére,
ýrö katu iména; ni pe kuimba´e nomandái hetére, ýrö hembireko. Ani peñonegátei
ojuehegui, ku nañemoïrimba´éramo py´apeteïme, peñembo´e haguä oñondive; ha
pejoajujey oñondive peteïetéramo, ani haguä pe mba´e aña pendepy´ara´ätei naipeimégui
oñondive. Kóva ha´e peñome´ëgui ojupe, ndaha´éi pemanda rupi ojuehe. Aipoánga´ura´e
opavavete kuimba´e chéicha avei; ha katu peteïteïva imba´ekuaa Ñanderuete rupive,
peteïva arapy ohechaukáva ha ambue katu ojoavýva.

” Kóva mbo´epy iporäitereíva ñemendapyrehegua consejería, oñe´ëva Kirito rayhupára

joajúre. Tuichamba´e ko ñe´ë, moköivéva oñondive. Pe ñe´ë oñondivereko sésope ména ha
tembireko Kiritópe ohayhúva ndaha´éi pe oïporä ni oïvaíva térä mbytépe opytáva térä ku
normálva oje´eha, ñe´ë joajureko niko moköivéva oñondive. Mba´épa moköivéva
oñondive. Porandu hetajey osëva oñeñe´ëramo mendapypegua ño´añoreko moköi tapicha
heta arýma omendahague oñondive kóciha, mba´épa pe ivaíva. Oïpa itie´ÿrekóva térä
oïvaíva. Vaicha chéve nahA¨niriha, ména ha tembirekóndi ndaipóri mba´eve ivaíva
moköive omoneïramo , moköivéva oñondive ojejapóramo ha kóva ombovy´a moköivépe.
Pe moköivéva oñondive niko tuichaiterei mba´e.

Tapichakuéra oporandu mba´éichapa ipy´ÿikue, omombyte, ko´ápe oï ko ñe´ë ñemungu

´ereko. Ndaha´éi pe omombytéva, oïporä térä oïvaíva, ha´e hína moköivéva oñondive.
Tuichamba´e chéveguarä. Ha´e he´i py´apteïha kóva. Ñemenda niko py´apeteïme ñemoï, ha
´e katu oñe´ë ko´ápe hína pe sexo ñemendapypeguáre. Oñeñemoï py´apeteïme oñeipytyvö
térä oñembovy´a haguä ambuépe, taha´e tupápe térä tembiapópe. Rehechamína pe tupápe
reikuaapyhýva, upéva remo´añete nderekove joaju renyhë. Ha pe mborayhúre katu
ñañemindu´u vai jepi. Nde reikuaa, ja´eháicha, ñane´akäraku.

Ha´etevaicha ku jaguatáva ku tape ijyvykuaguasúva hérava mborayhurehe ha re´a upépe.

Rehechakuaa hague re´aha mborayhu yvykuaa guasúpe, reñepyrü reñeha´ä, reikaräimba
resëse upévagui. Namombe´upakuaái mboy tapichándipa añe´ë ko´ä ary ohasava´ekuépe ha
ha´ekuéra oñepyrü he´i: “Ja ndahayhuvéima chupe” “Ja nañanduvéima hese mbá e”.
Pehechami, ¡Peë pene akäraku ha ndapeporohayhuvéi! Hëe! Nda´isegúroi añetehápe. pe
mborayhu añetegua katu ndaha´éi pe nde reñandúva ha upéi ojehasarei jeýva ndehegui;
upéva ha´e py´a¨peteïme ñeime ha ñe´ëme´ë. Nde reñembopy´apeteï, nde reñe´ëme´ë
reporohayhúvo ha añetehápe upéva remboaje nde rete joaju rupive avei.

Kóagui ndacheresaráivoi Pablo he´ihápe:“Ñemenda niko ndaha éi tenda reñembo´y haguä

ndederecho rehehápe”. Rehesa´ÿijomi ko capítulo ñemenda rehegua ñe´ërysýi 4 guive 8
peve Primera de Corintios trece pegua, ha remo´añete umi 15 mba´ekuaa
ñemendarehegua. Che ha´e nepytyvötaha ha ouporäta ndéve rejapóro kóicha, ikatueténte
remo´añete. “Mborayhu niko ndaha´éi ijupeguaränte” oñekompromete hína añetehápe
ambue tapicha jeiporärärehe. Chéve ruguarä péva pe ñemungu´epy omombarete térä
omokangýva sexo joajupy. Kuña ha kuimba´e oñe´ëme´ërmao añetehápe oñombovy´asyry
haguä moköive, upéva hína pe ombohekovétava joaju ha upéva´ÿre oïta heta problema. Ko
jehaipýpe oñemombe´uporäiterei péicha. Ha´e he´i, “Pe kuimba´e ohekáva ombovy´asyry
hembirekópe; ha pe kuñakarai oñeha´ä ombovy´asyry iménape” upéva pe oñeikotevëva
añetehápe. Che upévaha omungu´epaha ñemendapy.

Primera Corintios siete-pe, ko jehaipýpe jahecha oñemoñe´ëporäitereíha, ha´e oñe´ë hína pe

tete joajúre omombe´uháicha, äga katu peë peñemoïkuaa peteï ñe´ëme moköive pejei
ojuehegui ñemoneta rupive peñembo´e ha pe ajuna haguä, ha upéi pejoajujey, upéicha
peneñemendapy imbaretevereíta. Ahechaháicha he´i hína nde sexo rekove jepeve
iporävétaha.

Pedro ha Pablo kuatiahaipýpe omombe´u techapyrä ñemendarehegua, ñemenda niko Kirito

ha tupaovoi, ha tupao katu Kirito hína. Äga nde repensávo Kiritorehe tupao
angarekoháramo, ha pe tupaóre oñangarekoha Kirito katu upépe nde rehecha reína ména ha
túa rembiaporä ha upéichante avei tembireko ha sy peguarä. Ha ndépa mamo rehecha hína
pe sexo rehegua omyesakäva. Heta umi iñarandúva oñe´ë tupao ha Kiritópa mba´éicha
ojoaju oñondive, upépe ojehechauka hína tete joaju. Ha upéva ohechaukajey mba´eräpa
hína. Oipota hína moköi tapicha ojoaju mbaretekuete, ha upévata hína Kirito ha tupao joaju
ohechaukáva. Kóva katu hína peteï mba´e epíritu rehegua. ja´ekua uéicharö kóva ha´eha
peteï tete joaju ojeipotáguinte oikóva, oñondivegua, mba´eve oñecondisiona´ÿre ha
epirituigua va´erä oikoporä ahguä añetehápe.

Äga porandu heñoikuaáva nde akäpýpe, mba´éiko he´ise kóva ko joaju epírituigua. Mba
´éichapa ojoaju ijepíritupe kuña ha kuimba´e. ja´ehaguéicha heta jey kóva ndaha´éi katuete
pe ha´ekuéra ojapóva oñondive, umi moköi tapicha oñembo´éva oñondive, opyta oñondive.
Nde heta jey rehendu kóicha. Nda´éi che upévaneha pe he´iséva, nda´ivaíriramo jepe umi
ojoayhúva oñembo´e oñondive. Ha umi ojoayhúva oñembo´éva oñondive katueténte oiko
joajupópe. Ha che ahechaháicha katu ko´ápe ko epíritu joajupy peteïteïvapeguaräha. Pe
joaju ipyko´ëvéva ñanderekovépe niko ndaha´éi pe sexo ne iründi rehegua. Péva hína
ñandejoaju Ñanderueténdi.

Psiquiatra Jung he´i: “Tapichakuéra oñemongetavéta sexorehe mba´eve ojoko´ÿre

chupekuéra ha noñe´ëmo´äi upéichaite hekove omboguatávare irreligión-re” irreligión-pe
ohasáva iñongatupyvpegui chupeguarä. Ijepíritu rekove iñongatupyve chupeguarä. Ijepírut
joaju, ha´e che oño´añoguaha. Upéicharö nde reime ñemendapýpe, ha pe neñemenda ndaha
´éi e nde reha´aröhagueicha, térä katu rejejuhu mba´e jetu´úpe.

Ha nde ore rendu ro´évo ndaha´emo´äiha túva hekoitepegau Ñanderue naneipytyvöirö.

Ndéko reñeporandukuaa hína “Hëe, mba´éichapa ikatúne reñepytyvö. Mba´éichapa nde
rejoaju nde epíritupe” ambohovaise hekopete ikatúramo.
Nda aretéi akaru peteï kuimba´éndi. Ha he´i chéve itujaitepeve omba´apohague itupaópe,
oisämbyhy aty upépe. Ha he´i upépe, “Repensakuaa ¡Chéko naha´ei ni cristiano! Che
tupaópe nde ndaha´éiramo creyente ndereikomo´äi sämbyhyháraramo. Ha´e ombohovái,
tekotevë añemongetanendive upéicharö aikuaa haguä cristianopa mba´e he´ise. Upe tapicha
chemopensa chera´eveva´eräha amyesakä haguä ambuépe cristianopa mba´e he´ise.
Añembopy´a peteï ,“Oïramo pe oporandúva kóicha aikuaátama ambohováiva´erä”,
upémaramo aguapy ha ahai aranduka´i hérava, “umi siete maravillla epíritupegua arapýpe”.

Pya´ekuérehevoi aguerahauka ahaihaichaite. Ha´e oï kuri mombyry ha oguahëhague

cherenói. He´i, “Remoñe´ë rire aranduka´i, asë pe tapepo´ípe araka´eve nacheresaráivei
Kiritógui ha ha´e che cristianoha. Aipota reikuaa nderaëvete”

Hëe! Ápe cherembihaipy. Ahechaukáta ndéve. Ahero umi siete maravilla epiritual
mundopýpe. Ahero umi siete maravilla epiritual mundopype. Ja´eñaína maravilla espiritual
ja ehagua nañañe´ëiha ñaína umi maavilla maravilla natural-re, térä maravilla ymaguarére..

Tekove etepy tuichaitevéva che ahechaháicha hína pe ijepíritu. Upéicharamo añe´ë aína
umi siete maravilla epíriturehegua mundopypeguáre tenonderä, pe ñembosako´ipy
tuichavéva ko arapýpe.

Kóva rupive ha´ese hína, rejesarekóramo ko arapýrehe telescopio térä microscopio rupive,
ndaikatúi nandepy´ahóivo opa mba´e oïvarehe. Ha opa umi mba´e rehecháva guive
microcosmo térä macrocosmo rupive, ndaikatúi nandepy´araháivo opa mba´e rehecháva
guive. Ha katu opa umi oñembosako´íva microcosmo térä macrocosmo pe ojehecháva ko
arapýpe, pe iporävéva opa umi mba´e apytégui ha´e hína pe Ñanderuete ohejava´ekue, ha´e
hína peteïteïva umi mitä onaséva, Ñandereute voi he´i rupi ñandeve jehaipýpe ha´e
oguerekoha peteïteïva yvypóra oikomava´ekue, oikovéva ha oikovétava ko yvy ape ári
rembiaporä.

Ha ha´e he´i ñandéve osëha hína pe móldegui peteï yvypóra onase jave; ha´e py´ÿinte osë
uévagui. Hetajey tapcihakuéra he´i, ndaikatúi ojapóo upéicha. Aipóramo, mba´éichapa
ojapo Ñanderuete. Ndéko nerrasö. Nde ndaikatumo´äi rejapo ko´äicha, ndéko nandepokatúi
Ñanderuetéicha. Ha´e niko pe ñanderuvicha ha he´i ñandéve ojapoha. Aipóramo, yvypóra
peteïteïva heñóiva ipeteï ha ha´eñoháicha. Che ahenói upévape pe ñembosako´ipy
tuichavéva ko arapýpe.

Ndatuichaitemba´éipa ndéve guarä oïramo seis billones tapicharupi ko arapýpe ha ni

peteïva ñande apytepegua ikuä ra´änga peteïichaitéva. Repensamína upévare. Ko´äga nde
rejeikuaa neñe´ë rupive oñemoïro peteï equipo electrónico isofistikádoape, ndaipóri rupi pe
deichaite oñe´ëva. Nde rejekuaáta avei ne räi rupive. Nde rehejáramo peteï jaguápe tohetü
pe mba´e nde reipuruva´ekue, nde rejeikuaátante avei upéva rupive ndaipórigui pe
hyakuáva ndeichaiténte avei. Ha péicha ñambohysýita. Ñande ñanepeteïnte añetehápe.
upévare Ñanderuete ikatúgui ha ñandejapo ñandepeteï ha ñande añorekóre, ha omombe´u
rupi ñandéve orekoha ñanerembiaporä peteïteïvape ko arapýpe,´kóva hína peteïva umi
maravilla epíritu rehegua ko arapýpe.

Äga katu pe maravilla epiriturehegua moköiha ha´e hína pe aheróva divorcio tuichavéva ko
arapypegua. Hetajey ñahendu oñeñe´ë jejopoíre ko´ärupi. Pe jejopoi niko peteï mba´asy ko
´äga, ha katu , ndépa reikuaa pe jejopoi tuichavéva ko múndope. Péva hína yvypóra ha
Ñanderuete ojeíramo ojuehegui. Kóva avei peteï maravilla epírituregua. Ñanderueténgo
ombohekove pe yvypóra ha ojapo chupe ha´angáramo iporavopyre. Ha ha´e ome´é ko
hembiapokuépe pokatu ojoajúpa térä nahäniri pe ijapoharéndi he´ívo: “Ndaipotáiche pe
reme´ëséva chéve. Nde chejapo kóicha ha che katu che ndaguataséi upéva ryepýpe. Che
aguatáta cheháicha”. Ñanderuete oheja pe hembiapokuépe toiporavo, ha jehaipýpe he´i
ñande peteïteïva kuimba´e, kuña, mitä kuimba´e ha mitäkuña onasévape guive ko arapýpe
ha ha´ekuéra he´i péva Ñanderuetépe.

“Ndaipotái. Aikota cheháicha” ha´ekuéra ojopói Ñanderuetégui, ha Ñanderuete omoneï

chupekuéra upéva. hëe! Kóva ko divorcio ningo jejopoi tuichavéva arapypegua, ha´e hína
peteïva umi maravilla epíriturehegua arapýpe oïva. Ha ahechaháicha kóva rupi oijeiko hína
sarambikue tarovapópe ko arapýpe. Nde rehendúramo ko ñembosako´ipyrehegua,
ojejesarekoporäramo pe maravilla epíritu rehegua peteïhapeguáre ndaikatúi
nereporandúivo, “Oiméramo oï pe oisambyhypáva ko jesako´ipy piko mba´eichakue ojeiko
sarambikuépe. Hëe! Upéva oñembohovái hína pe maravilla epiritual moköihapegua. Kóva
hína jejopoi tuichaitevéva ko arapýpe.

Mbohapyhapegua maravilla epíriturehegua ahero hína dilema tuichavéva ko arapýpe.

Ñapensakuaáramo Ñanderuetére ku ha´e idilema kakuaávaramo, ha nde reñemindu
´ukuaava´erä ko´ápe; pe ñande ñandepy aköihaicha avei túvaramo Ñandereute ipy´aköi
avei. Túva háicha, jahayhu ñandera´ykuérape ha heta mba´e jahechase ñanderemimoñare
rekovérehe, ha umi mba´e ndajahechaséiva. Ha mba´evai tuichaitéva, ha´ekuéra py´ÿinte
ojapo umi ndajaipotáiva. Heta jey ñanekorasö ñopü hikuái ojapóva rupive. Peicha
oikóramopa mba´e rejapo. Nde rehechaukase ne morayhu, ha péichantepa rehejáta
ohasaparei opa ko´ä ojapóva guive ne ko¨rasö ñopüva.

Nde rema´ë justicia jehesapépe umi oïporä ha oïvaívare ha sapy´ánte oiko hikuái mba´eve
´ÿramo. Kóa hína py´aköi ohasáva opavave túa. Hëe, Ñandereute ohechauka ko py´aköi
oïva. Ha´e ohacháramo hemimoïngue ojei ojuehegui ha pe ijapoharégui avei, ha ojapo mba
´e oïporä´ÿva ñanderuvicha araka´eve oipota´ÿva ojejapo; ha´e omboheteramogaure
yvypórape ojapova´ekue ha´änga ha ijoguaháramo, ha katu yvypórango hetajey
hembiapovaive mymbakuéraguivoi, Ñanderuetépa mba´éicha omboguatava´erä kóva. Kóva
hína pe py´amoköi oïva. Kóva hína Ñandereute py´aköi tuichavéva ko arapýpe Ñanderuete
oguerekóva yvypóra rehegua.

Umi py´aköituichaichavéva niko oñemyesakä hekoitépe pe maravilla epiritual cutrhoha

rupive: marandu jekuaarä tuichavéva arapýpe niko ndaha´éivoi pe independencia ñemombe
´u. pe ñemombe´upy tuichavéva ko múndopengo jehaipy ñemomarandu. Upéva hína pe
Evangelio Marandu pyahu. Ha péicha omomarandu hína: Ñanderuete niko oity pe yvága
bancarrota-pe. Ombou ita´ýra peteïmi arapýpe omanóvo kurusúre nde rejoajujey haguä
hendive. Ha´e omohendase opa mba´e, ombojoajusejey umi ojopoíva´ekue. Nde
rehechakuaáove upe declaración tuichavéva ko arapýpe, tenondetevoi rehendúramo
añetehápe Ñandereute ñe´ë, ehecha Jesucristo kurusu ha´eha hína upe maravilla
epíriturehegua tuichavéva ko múndope, péicha oiko pe kurusu ári Jesucristo orresolvehague
upe py´aköingue ha upéicha ombojoajujey umi ojopoiva´ekue.

Ha kóva ñanemogauhë hína pemaravilla epíriturehegua 5hápe. Che ha´e chupe ha´eha
hína pe decisión tuichavevaha ko arapýpe. Jesús ooïramoguare ko´ápe, ha´e oñembo´y
pyharepukukue tekove arandúndi ha cheveruguarä upe pyharépe ha´e he´i Nicodemo, karai
arandúpe, “Che amanóta kurusúre, amanova´erä kurusúre chéniko hína Ñanderuete ra´y
peteïmi. Che solución peteïmi ha che añoite hína eperánsa aposalvahaguä. Äga añemopu
´ävo pe kurusúre katu, nde regueroviáramo upéva, ja ndereñekondenamo´ävéima, ha
nderegueroviáirö katu ja reimémavoi kondenádo”.

Che siempre apensáva Jesús he´iruguare Nicodemope he´íva´ekue chupe Juan capítulo tres-
pe, opytarugaure hikuái pyhare pukukue oñondive, péicha oiko ku ha´e he´íramoguáicha,
“Ahávo kurusúre añeha´ämbaitéta amueskä pe apañuäi ha ambojojujey oñondive
ojohejava´ekue. Ha katu ha´ete hína ku contratoruguáicha, ha kóva amo´añete
cheruguurehevoi, ha upépe katu oï tenda nde rehechakuaáva jeroviápe, remomba´évo ñe
´ëme´ë. Ha Äga rejapopeve upéva ndahe´iséi mba´eve ndéve guarä, rejerovia ha rerovia
haguä. Regueroviava´erä” che apensa péva opombopy´apeteïha ojeguerovia haguä Jesús he
´íva ijehevoi, pe decisión tuichaitevéva ko arapýpe, ha peteïva umi maravilla epiritu
rehegua arapýpe.

Tapichakuéra py´ÿinte oporandu añe´ëvo maravilla epíriturehegua cincohápe, “Hëe, mba

´éichapa rehechakuaáta reñemoïha py´apeteïme” Tuichamba´éngo jehaipýpe, nde
remañajeýramo ñe´ë ypykuére, griegoe hesakätevéntema he´íramo “jerovia”. Ojehechaporä
reikuaáramo pe griegope he´iséva. Ndaha´éi ku oñemo´añetéva arandupópe. Ndaha´éi
remoheñóinteva ne akäpýpe ha ere: “Arovia péva” térä rehupi ndepo térä ijoguaha. Ahecha
reñemomarnaduha kóicha. Peteï kuimba´éngo oñasäingo tymasärehe yvatégui ndo´aséi
rupi. Ha´e oku´e ohóvo tymasärupive peteï hendágui ambuépe.

Umi tapicha iojepopete ha osapukái chupe. Ojapoparire he´i, “Peëpa peje ajapojeýneha
kóicha, amboguatáramo petei karaípe karretílle” ha heta umi ohupíva ipo ha ohechauka
ikuäme peteï kuimba´ére ha he´i, “Rejupi katu karretíllape” ha pe kuimba´e he´i “che
ndajupimo´äi” ha ha´e ombohovái, “Upéicharöngo ndereroviái” peva he´ise hína jerovia
griego ñe´ëme. He´ise hína nde reguerovia añetéha pe karretíllape rejupihaguä jepeve. Nde
rejeroviapava´erä opa mba´ére pe añetehápe oje´évare jepeve, añetete hína ko marandu. Ha
reikuaareína remo´añeteha pepy´apeteï tuichavéva ko arapýpe, rembohováiramo hekoitépe
moköive Jesús ñe´ëme.

Jesúspe oje´e javénte Jesús “Che ajerovia nderehe” Ha´e oñe´ë ha upéi hetaiterei umíva
apytepegua ohechauka ndojeroviáiha añetehápe. Upéva pe ñe´ë niko “reju katu chendive”
Ha´e he´i “Reju katu chendive”. Oheduruguare pe ñe´ë, oipykúi haguä hape umi tapicha
ohejava´eräha opaite mba´e ojapóva guive, ha ha´ekuéra ndojaposéi upéva, ha péicha
hetaitereive umi ndohóiva hapykuéri. Ha´ekuéra, añetehápe ndogueroviái. Ha sa´imínte
opyta tapicha oroviáa iñe´ë ha oho hendive, ha umi ohóva guive ohechakuaa ohóramo
hapére, oho Jesucrito rapykuéri pévaha ambue maravilla epíritu rehegua ko arapýpe. Ha
´evoi omyesakä kóicha. Pejúke chendive, péva penerembiaporä.

Che ajapóta, upéva cherembiaporä. Peë peju chendive, péva penderehega. Che ajapóta,
upéva oï chepópe. Ha´ekuéra ome´ëruguare iñe´ë ohóvo hendive, ha´e omo´añete upéva.
omo´ambue hekovekuéra. Okambia pe ha´e omo´ambueseva´ekue hekovekuérape. Peju
chendive ha che ajapóta. Upéva peteï ñe´ëjerure. Ha´ekuéra ohechakuaa pe tape oipykúiva
´erä ha´e peteïva umi maravilla epíritu rehegua ko arapýpe, ombopyahúgui hekovekuéra. Pe
maravilla epiritua rehegua sieteha pegua ahero pe kyre´ÿreko tuichavéva ko arapýpe. Nda
´éi che ñantendéne haguä kóva. Nda´éiche ñaiméneha sako´ípe jahechakuaávo. Ha Jesús
katu ombo´e, ha ombo´e hína Nuevo Testamento-pe, nde reñembopy´apeteïramo rehóvo
Jesús rapykuéri, ha eñepyrü reho Jesús renda gotyo, reñemoïvo péicha, peteï pokatu
avavetéva ñandekuéra ontende´ÿva rupive, ha katu Jesús ohenói ñenase pyahu, peteï pokatu
ha´e omoingéva hetepýpe reheae. Ha Kiritoo ojapyhýguive nderete, upéicharö rehasareína
pe kyre´ÿreko tuichavéva ko arapýpe ha peteïva umi maravilla epíritu rehegua ko múndope.

Kóva chemomandu´a ku tembihasa ahenduva´ekue. Peteï mitärusu oho ahasa haguä

arahaku Bermudape ha ha´e oguerahauka ikamiö tenonderävoi aamoite. Ha oguahëvo upe
tetäme ipy´a ho´a yvýre ohechágui upépe treintaicinco kilómetros por hora´nte rehokuaa ne
kamiöpe upépe. Tapichakuéra oipuru umi moto´ínte upe tetä ryepýre. Upéva mboyve, ha e
omboguata hína kuri ko kamiö imbarete añetéva ha pe hapykuépe katu moto´ípe tujami
ohóva hi´ári. Ha peteï árape ja ndohoseveietema mbeguemi. Ha´e oho pe tujami rapykuéri
ha ojopy tata ohopya´e haguä, ohasa pya´e ijipýrupi. Ha upe karai ohopya´e avei. Upépe
ohóma ochéntape ha pe tujami katu ijykére. Ohupytýma cien ha pe karai katu ijykereténte
avei. Ha upépe ohechakuaa mba´épa upe ojapóva, ohupi ipy aseleradórgui ha oñemboyke.
Osë pe kamiögui ha pe karai osë avei hapykuerieténtevoi. Ojere oma´ë ko karaimíre
hovamorotï ñemondýiguasúvare. He´i chupe “Maitei, karai, mba´éichagua mákina mba
´éiko pe reipurúva nde moto´í-re” ha pe tujami ombohovái “Ndaha´éingo mba´evéichagua
mákina, chera´y.

Mba´e pe chemortiguador niko opa´ä nebumper´re”. Nde reimeva´ekue mbo´esyrýpe nda

´areiete bilbia universida´ípe rehendu katueténera´e amombe´úramo ko ojehuva´ekue.
Heta tapichakuéra hekove Kirito rayhupára háichape, oñeha´äjávo oipykúi hape, oiko py
´amirï ha jejavypópe oñasäingorupi ambue tapicha imbareteve ha ipokatúvarehe. Ha
ndoguerekói mba´eve imba´eteéva. Rehechakuaáramo umi siete maravilla epíritu
rehegua, rentendéta reína pe ñenasepya ombohekovéva, Kirito nderekovépe, upéva
nemokyre´ÿ reikove haguä hayhupáraramo. Äga, péichaite nde remongakuaareína epíritu
joajupy ndepytyvötava nemendapy oiko haguä hekoitépe Ñanderuete ombosako
´ihagueichaite. Kóva oï jehaipy aranduka´e umi maravilla epíritu reheguápe.

Amombe´u niko peë umi siete mba´e ojajaipáva aikuaáva guive: pe ñembosako´i
tuichavéva ko arappýpe, pe jejopoi tuichavéva ko mundopýpe, pe dilema kakuaavéva ko
múndope, pe marandupy ipopenovéva ko arapýpe, py´apeteï tuichavéva yvy apére, pe
ñemboguatapy kakuaavéva arapýpe ha pe mokyre´ÿhára tuichaitevéva ko múndope. Ko´äva
hína umi mba´e ojajaitiníva che aikuaáva. Ambohéra umi siete maravilla epíritu rehegua.

Hi´änteko chéve reñemoï peteï tuichavévape nderekovépe. Rejapyhy Jesucristo jopói

tuchaitevéva: Jopói salvación rehegua. Ja´emahaguéicha ko mbo´epyrupive, NDAIKATÚI
ñamo´añetévo peteï ñemendapy Kirito rayhupáraháicha pe Ñanderuete ombosako
´ihaguéicha ha´evoi ndajajapyhýiramo iñepytyvö marangatu. Oiméramo araka´eve
neremogauhëi nderekovépe Ñandereute ñe´ë, remoguahëna ko´ägaite. Upeicharö añoite
niko omyasäita nde ári ijehovasa marangatu ha nemendapýpe avei. Mohu´ä: Temimbo´e
cherakate´ÿha, Ñanderetue o´invita opavave tapichápe ha nde ikatúnte avei ko´äga reñepyrü
reipykúi Kirito rape ha Ñanderuete tomyasäi ijehovasa ndereko ha nemendapy ári. Ndépa
reikovepyahusejey.

Reimépa py´apeteïme regueroviávo Jesucristo marandupy. Reimépa remoïhaguäicha nde

jerovia ha reme´ëvo Jesucristope nderekove mba´eve reha´arö´ÿre. Reñemoïmapa py
´apeteïme ko´äga reñekompromete reipykúitaha tape ndeguerahäva Kirito rendápe.
Rejapokuaa Ko´ägaitévoi kóva. Reñepyrüséramo nde ára jeroviárehe nde epíritupe ha
reñemoï ñe´ëpeteïme Jeúsni, añetehápe ne korasö mbytete guive, reñemo´ë kóicha.

“Ore Ru yvágapegua orerayhuetéva, ahechakuaa añemombyry ahgue ndehegui ha ne

rembipota chéveguarägui avei. Amombe´u cherembiapovaíha ha ajerovia ndera´y,
Jesucristo-re chesalvátaha. Arovia añetehápe omanohague kurusúre omboguepa haguä
ñandéve peteïteïva ñanerembiapovai ha ñane angaipa. Che ko´äga aheja cherembiapovaikue
ha añembyesarái chugui. Rohejarire ko´äga aimesejey nendive joaju mbaretépe. Ko´ápe ha
ko´ägaitevoi, ajerovia Jescristore, chesalvátaha, ha ha´e chupe cheruvicha. Cherekove
peichaite amoï ipópe toisämbyhy ha tomboguata. Chepytyvöna ko´ëreíre aha haguä nde ra
´y, Jesucristo, rapére. Reñemomba´eguasúvo, rembou cherekove pe nderape imarä´ÿva
ndevoi rembosako´iva´ekuére cherekovépegaurä. Jesucristo rérape.

Ta´upéicha.
Mohu´ä: Äga ñañemongetajey peve, nde rehechakuaáta nderekovépe imbarayhu ijapyra
´ÿva. Rojerure ndéve terehaimi mba´éichaitépa ko mbo´epy ohovasa nderekove.
Ñandereute tanderovasa ha ambue mbo´epýpe ñañohendujeýta.

www.tuinstitutobiblico.com térä rehai correo electrónico

paraguay@tuinstitutobiblico.com Teléfono y Whatsapp: +595-981317755 Calle Waldino
Lovera nº 5649 en Asuncion Ñanderuete tapenderovasa ha tajajojuhupaitejey ambue mbo
´epy jaguerekótavape.