AUGUST 14, 2022

PAMAGAT:

“ANG KAHANGA-HANGANG BUHAY ”

TEKSTO: JUAN 10:10 (MBB)

v.10 “Dumarating ang magnanakaw para lamang magnakaw, pumatay at

manira. Naparito ako upang ang mga tupa ay magkaroon ng buhay, buhay na
masaganang lubos.”
PANIMULA:
NAIS NG DIYOS NA MARANASAN NATIN ANG ISANG MASAGANA AT
TIYAK NA SAGANANG BUHAY AYON SA KANYANG MABUTING KALOOBAN.

VI. INTERROGATIVE STATEMENT (I.S):

PAPAANO NATIN MARARANASAN ANG BUHAY NA LUBOS AT KAHANGA-HANGA?

VII. MAIN POINT DESCRIPTIVE WORD (MPDW):

1. ANG NAGNANAKAW O NANG-UUMIT NG BUHAY.

2. ANG PINAGMULAN NG BUHAY.

3. ANG KAHALAGAHAN NG BUHAY.

4. ANG LUBOS NA MASAGANANG BUHAY.

1ST POINT:

ANG NAGNANAKAW O NANG-UUMIT NG BUHAY.

MASASASABI NATIN NA ANG KAHULUGAN NG BUHAY AY KUNG PAPAANO NATIN ITO

IPINAMUHAY O GINUGOL SA MGA PANAHON SA PAGITAN NG ATING BUHAY AT KAMATAYAN.

ILUSTRASYON NG MGA BAGAY NA NAGNANAKAW O NAG-UUMIT NG ATING BUHAY:

 ANG NAKAKAPAGOD NA BUHAY!

 ANG PAGKAINIP SA PAULIT-ULIT NA GAWAIN O GINAGAWA NATIN!
 ANG PAG-ASANG MERON TAYO HANGGANG SA WAKAS (SALAPI O KAYAMANAN)!
 ANG MGA BUHAY BA NATIN AY TILA INAGAW O KINUHA NA SA ATIN?

ISINASALARAWAN NG ATING PANGINOONG HESUS ANG ISANG PAMILYAR NA PANGYAYARI SA

ISANG PASTOL NA NAGBABANTAY SA KANYANG MGA TUPA SA GILID NG BUROL.
SINABI NI JESUS NA “DUMARATING LAMANG ANG MAGNAKAKAW PARA MAGNAKAW,
PUMATAY AT MANIRA (v.10a).”

ANG PANGUNAHAN, PANGALAGAAN AT PAKAININ ANG KANYANG MGA TUPA ANG TUNGKULIN
NG ISANG PASTOL. NGUNIT SA KASAMAANG PALAD, SA PANAHON NATIN NGAYON AY LAGANAP PA
DIN ANG MGA NANAMANTALA AT NAGNANAKAW.

MAS NINANAIS NILANG TANGGALAN NG KABUHAYAN ANG ATING MGA PASTOL SA PANAHON
NGAYON.

ANG KANILANG GAWAIN AY ISANG KAPARAANAN NG ATING KAAWAY NA ANG TANGING HANGARIN
AY SIRAIN ANG MAGANDANG HANGARIN NAISIN NG ATING PANGINOON SA ATING MGA BUHAY.

SAAN NGA PO BA TAYO HAHANTONG SA PAGHAHANAP NG TUNAY NA BUHAY KUNG ANG TANGING
MATATAGPUAN LAMANG NATIN AY KAWALAN NG PAG-ASA?

 HINDI NATIN MATATAGPUAN ANG BUHAY SA MGA BAGAY NA NAKAKALUGOD SA

ATING SARILI.
MADALAS PO NATIN MARINIG SA ATING KAPWA NA KUNG NAGAWA NILA ANG
MGA BAGAY NA NAIS NILA SA BUHAY TULAD NG PAGBIYAHE PAGPUNTA SA MGA
SIKAT NA MGA LUGAR LOCALLY O SA IBANG MGA BANSA AT MABIGYAN KATUPARAN
ANG KANILANG MGA PINAPANTASYA AY MASASABI NILA NA ITO ANG “BUHAY”!

NGUNIT MARAMI SA ATIN AY NAGAWA NA ANG MGA BAGAY NA KANILANG

NINAIS NGUNIT NANATILING WALANG SAYSAY ANG LAHAT NG MGA ITO.

SINABI NGA PO SA MANGANGARAL 1:8b (MBB):

“WALANG SAWA ANG PANINGIN NG TAO;

WALANG TIGIL ANG KANYANG PAKINIG.”

Kapatid wala pong saysay ang lahat ng bagay na

bumubusog lamang ng ating paningin!

 HINDI NATIN MATATAGPUAN ANG BUHAY SA ATING PAG-GANAP.

KALAUNAN SA ATING MGA KAPWA MASISIPAG NA MANGGAGAWA AY
NAPAGTATANTO AT MAIISIP NILA NA MAKAKAMIT LAMANG ANG KASIYAHAN KUNG
NAGAWA NILANG MAAYOS ANG KANILANG MGA TUNGKULIN AT GAWAIN SA KANI-
KANILANG PINAGLILINGKURANG KUMPANYA O OPISINA, NGUNIT MGA ITO AY
PANANDALIAN DIN LAMANG.

TULAD SA ISANG LIGA O LARONG BASKETBALL, ONCE A TEAM BECOMES A LEAGUE

CHAMPION, ANG THRILL O EXCITEMENT NG TAGUMPAY AY TUMATAGAL LAMANG
NG IILANG ARAW, IILANG SANDALI AT IILANG MINUTO LAMANG.
 GANUN DIN PO ANG PANINIWALA NG MARAMI SA ATIN NA NATAGPUAN NA NILA
ANG TUNAY NA BUHAY SA KATAGUMPAYAN NILA SA KANILANG MGA TRABAHO
NGUNIT TULAD NG KATOTOHANAN NA SINASABI SA AKLAT NG MANGANGARAL 4:8c
(MBB):
“WALANG KAIBIGAN NI KAMAG-ANAK NGUNIT WALANG TIGIL SA
PAGTATRABAHO. WALA SIYANG KASIYAHAN.”

Ang katotohanan ay tao ay walang tigil sa pagpapagal kahit makuha na

nila ang yaman, ngunit hindi pa din nila makuhang makontento.

 HINDI NATIN MATATAGPUAN ANG BUHAY SA MGA BAGAY NA ATING PAGMA-

MAY-ARI.
ANG SIYANG HIGIT NA NAGPAPAHALAGA SA SALAPI AT SA KANYANG KAYAMANAN
AY DI MAAARING MAKUNTENTO SA KUNG ANO ANG KANYANG TINATANGGAP O
KINIKITA. ITO AY HIGIT NA WALANG SAYSAY. SINABI NGA PO SA AKLAT NG
MANGANGARAL 5:10 (MBB):

“ANG GAHAMAN SA SALAPI AY WALANG KASIYAHAN AT ANG SAKIM

SA KAYAMANAN AY HINDI MASISISYAHAN SA KAUNTING
PAKINABANG. NGUNIT ITO MAN AY WALANG KABULUHAN.”

NARARAPAT LAMANG PO NA MAMUHAY TAYO NA MAY KAKONTENTUHAN!

 HINDI MO MATATAGPUAN ANG BUHAY SA ANTAS NG IYONG POSISYON.

MALIMIT ANG ISIP NG ISANG TAO KAPAG NAKATANGGAP NG PROMOSYON SA
TRABAHO O NAABOT NA YUNG ANTAS NG KANYANG KINALALAGYAN AY
NAKAKARAMDAM NG KALIGAYAHAN AT KASIYAHAN. NGUNIT ANG MGA TAONG
NARATING O NAABOT ANG MGA BAGAY NA ITO AY DI PA DIN NASUMPUNGAN ANG
SEKRETO SA ISANG BUHAY NA MAY KATUPARAN.

 HINDI MO MATATAGPUAN ANG BUHAY SA MADALIAN.

ILAN SA ATIN ANG DINADAYA NG KAISIPAN NA KAPAG NANANATILI SILANG ABALA
AT ANG KANILANG HAKBANGIN SA BUHAY AY NASA MATINDI O MATAAS NA ANTAS
NA AY MATATAGPUAN NILA ANG TUNAY NA BUHAY. NGUNIT ANG KANILANG
MATATAGPUAN AY KASAKITAN LAMANG NG KANILANG MGA PANGANGATAWAN.

ANG MGA MAGNANAKAW NA ITO AY NAGBABALAT-KAYO O NAGPAPANGGAP

LAMANG BILANG MGA NAGBIBIGAY BUHAY NGUNIT ANG HATID PALA AY
PAGKASIRA, SAKIT AT KAMATAYAN.
 NARARAPAT LAMANG NA TAYO AY MAMUHAY NA KONTENTO SA KUNG ANO ANG
MERON TAYO!

2ND POINT:

ANG PINAGMULAN NG BUHAY.

ANG KATOTOHANAN NA ANG BUHAY AY DI MATATAGPUAN SA NAKAKALUGOD NA

MGA BAGAY, SA PAG-GANAP, SA MGA PAGMA-MAY-ARI, SA POSISYON O SA HANGARIN
KUNDI ITO AY MATATAGPUAN LAMANG SA ATING PANGINOONG HESU CRISTO. PAULIT-ULIT
NA SINASABI NI JESUS NA SIYA ANG NAGBIBIGAY BUHAY AT MAY AKDA NG ATING MGA
BUHAY.

SINABI NI JESUS SA AKLAT NG JUAN 11:25a (MBB):

“SINABI SA KANYA NI JESUS.
AKO ANG MULING PAGKABUHAY AT ANG BUHAY.”

SINABI DIN NI JESUS SA JUAN 14:6a (MBB):

“SUMAGOT SI JESUS, AKO ANG DAAN,
ANG KATOTOHANAN AT ANG BUHAY”

SUBALIT ANG PINAKADAKILA AT PINAKAMAKAPANGYARIHANG KAPAHAYAGAN NG

PANGINOON PATUNGKOL SA BUHAY AY NG SINABI NIYA NA “Naparito “AKO” upang
ang mga tupa ay magkaroon ng buhay,” (JUAN v.10b)

ANG SALITANG “AKO” AY NAGBIBIGAY DIIN AT PATUNAY NA ANG IBIG SABIHIN NA

TANGING SA PANGINOONG JESU-CRISTO LAMANG NATIN MATATAGPUAN ANG BUHAY.

PAPAANO PO ITO NANGYARI? PARA MAUNAWAAN NATIN KUNG PAANO TAYO

MAKAKAPASOK SA BUHAY NA ITO AY KINAKAILANGAN NATING MAGKAROON NG ESPESYAL,
MALALIM NA RELASYON AT KAUGNAYAN SA ATING PANGINOON TULAD NG ESPESYAL AT
MALALIM NA KAUGNAYAN NG ISANG PASTOL NA MATAPAT, MAAASAHAN AT
MAPAGMAMAHAL SA KANYANG MGA TUPA.

SINABI NGA NI JESUS SA JUAN 10:7 (MBB):

“KAYA’T MULING SINABI NI JESUS, PAKATANDAAN NINYO;

AKO ANG PINTUANG DINARAANAN NG MGA TUPA”

NANG SABIHIN NI JESUS NA SIYA ANG PINTUAN NG MGA TUPA, IPINAPAHIWATIG NIYA
NA MERON LAMANG IISANG DAAN AT IISANG PINAGMUMULAN AT ANG IISANG
KAHULUGAN NITO NA SIYA ANG TANGING DAAN TUNGO SA KAILIGTASAN NG ATING MGA
BUHAY SA PAMAMAGITAN NG ATING MALALIM NA PAKIKIPAG-UGNAYAN AT
PANANAMPALATAYA SA KANYA.

3RD POINT:

ANG KAHALAGAHAN NG BUHAY.

NGAYON MAAARING SABIHIN NATIN, “TEKA LANG WALA PO BA AKONG BUHAY? HINDI
PO BA AKO HUMUHINGA? HINDI PO BA TUMITIBOK ANG AKING PUSO?

“TOTOO PO YAN, NGUNIT DI ANG BUHAY NA TINUTUKOY NI JESUS. ANG BUHAY NA

IBINIBIGAY NI JESUS AY ANG WALANG HANGGANG BUHAY AT IBA SA BUHAY NA MERON KA
SA NGAYON.

SA SALITANG GRIYEGO, ITO AY ANG BIOS ( βίος) AT ZOE ( ) NA MAY PAREHONG

KAHULUGAN AY BUHAY NGUNIT ITO AY MAY PAGKAKAIBA.

ANG “BIOS” AY TUMUTUKOY SA ATING PISIKAL NA BUHAY NA TUMUTUKOY SA HABA AT

PANAHON NG BUHAY NG ISANG TAO DITO SA MUNDO SA MGA ARAW AT PAGITAN NG
KANYANG PAGKABUHAY AT KAMATAYAN.

ANG “ZOE” AY TUMUTUKOY SA BUHAY NA WALANG HANGGAN NA NAGMUMULA AT

MASUSUMPUNGAN LAMANG SA ATING PANGINOON. ANG BUHAY NA TANGING
MAKUKUHA LAMANG NATIN KAPAG TAYO AY MAYROONG GANAP NA RELASYON SA ATING
PANGINOON JESUS. ITO AY WALANG KATAPUSAN, WALANG LIMITASYON AT HANGGANAN
SA LAHAT SAPAGKAT ANG PANGINOON ANG SIYANG NAGBIBIGAY AT NAGDUDULOT NITO
SA ATIN.

NOONG TAYO AY ISILANG TAYO AY BINIGYAN NG “BIOS” LIFE – ITO ANG PISIKAL AT
BUHAY NA MAY HANGGANAN O KATAPUSAN.

NOONG TAYO AY MAGING KRISTIYANO AT GANAP NA TUMANGGAP SA ATING

PANGINOON BILANG ATING DIYOS AT TAGAPAGLIGTAS AY GANAP NA PINAGKALOOBAN
NAMAN TAYO NG “ZOE’’ LIFE – ITO AY ANG KASIGURUHAN NG BUHAY NA WALANG
HANGGAN.

4TH POINT

ANG LUBOS NA MASAGANANG BUHAY.

SISIGURUHIN AT TITIYAKIN NI JESUS NA SASAGANA ANG BUHAY MO! ANG SABI NIYA SA
JUAN 10:10d: “BUHAY NA MASAGANANG LUBOS“ NA ANG IBIG SABIHIN AY
MARANASAN ANG MAGING MASAGANA SA LAHAT NG BAGAY.
BILANG TAGASUNOD NI JESUS, ANG MAKILALA KUNG SINO SIYA AT ANO ANG HALAGA
NITO AY ANG MARANASAN ANG KASAGANAHAN SA BUHAY. MAYROONG BAGONG SIGLA,
BAGONG PAG-ASA, BAGONG KAHULUGAN, BAGONG LAKAS, BAGONG PANANAW, BAGONG
LIGAYA AT BAGONG BUHAY!

ILUTRASYON:

TULAD NG ISANG TYPICAL NA PAMILYA SA ATING LIPUNAN, ANG AMING PAMILYA AT

KAMING MAGKAKAPATID AY LUMAKI SA HIRAP, NAPAG-ARAL AT NAPAGSIKAPANG
ITAGUYOD NG AMING MGA MAGULANG PARA GUMINHAWA ANG BUHAY SA HINAHARAP.
NANIRAHAN SA ISANG MALIIT NA TAHANAN NA PAGPASOK MO AY YUN NA LAHAT, ANG
SALA, ANG AMING TULUGAN, PAHINGAHAN AT HAPAG KAINAN SA ISANG MAGULO AT
WALANG KATIYAKANG LUGAR O ISKWATER AT ANG AMING TULUGAN AY SIMPLENG BANIG
LAMANG AT HANGIN NA NAGMUMULA SA ISANG DESK FAN NA AMING PINAGSASALUHAN.

NGAYON DAHIL SA AWA, HABAG AT KALOOBAN NG ATING PANGINOON AY NARITO KAMI

SA ISANG TAHANAN DITO SA MONTALBAN NA MAY KATIYAKAN (LEGAL HOUSE & LOT
TITLE), NAHIHIMBING SA MALAMBOT NA HIGAAN AT SA LAMIG NG HANGIN NA
NAGMUMULA SA STAND FAN AT AIRCON.

GANOON DIN PO ANG BUHAY NA NAIS IBIGAY NG PANGINOON SA ATING LAHAT, ANG
MARANASAN ANG MASAGANANG BUHAY. PUMARITO ANG PANGINOONG JESUS PARA
BAGUHIN AT ITAAS ANG ANTAS NG ATING PAMUMUHAY. MULA KAY JESUS ANG BUHAY NA
IBINIBIGAY SA ATIN, BUHAY NA HINDI LANG MABUTI KUNDI ANG MAS MABUTI. DI LANG
MASAGANA KUNDI LUBOS NA MASAGANANG BUHAY.

VIII. APLIKASYON:

TANGGAPIN NATIN ANG ALOK NA KAHANGA-HANGANG BUHAY NA MAY KATIYAKAN,

KALUGOD-LUGOD AT GANAP NA NAGMUMULA SA ATING PANGINOON JESU-CRISTO.

IX. KONKLUSYON:

1. ANG NAGNANAKAW O NANG-UUMIT NG BUHAY – ITINUTURO NG ATING PANGINOON

KUNG ANO ANG MGA DAPAT NATING IWASAN PARA TAYO AY MANATILI SA KANYA.

2. ANG PINAGMULAN NG BUHAY – IPINAPAALALA NG ATING DIYOS NA TANGING SIYA ANG

DAAN.

3. ANG KAHALAGAHAN NG BUHAY – IPINAPAHIWATIG NG ATING PANGINOON ANG

HALAGA NG BUHAY NA KANYANG IPINAGKAKALOOB SA ATIN.

4. ANG LUBOS NA MASAGANANG BUHAY – IBINIBIGAY NG ATING DIYOS ANG KATIYAKAN

NA MARANASAN NATIN ANG LUBOS AT MASAGANANG BUHAY.

X. CLOSING PRAYER.

END: