RMN EVENING NEWS | MYERKULES, NOBYEMBRE 2, 2022

HEADLINES:

1. WESTERN VISAYAS, NALAKIP SA GINPAIDALUM NI PRESIDENTE MARCOS SA

STATE OF CALAMITY

2. 25 NA KA BARANGAY SA OTON ANG MAY ASF; 2 KA BARANGAY SA SAN

MIGUEL, MAY ASF CASES NAMAN

INTERNATIONAL NEWS:

NORTH KOREA, NAGPALUPAD SANG 3 KA SHORT-RANGE BALLISTIC MISSILES,

1 NAGLUPAD SA NORTHERN LIMIT LINE SUNO SA SOUTH KOREAN MILITARY

ENTERTAINMENT NEWS:

DANNY JAVIER SANG APO HIKING SOCIETY, NAKARECORD SANG IYA

‘SENDOFF’ SONG NATUHOY SA KAMATAYON ANTES INI NAPATAY

DETAILS:

NEWS ITEM 1
LOCAL NEWS NOVEMBER 3, 2022//THURSDAY JOYLYN
=====================================================
GINPIRMAHAN NI PRESIDENT FERDINAND MARCOS JR. ANG PROCLAMATION
NO. 84 NGA NAGADEKLARAR SANG STATE OF CALAMITY SA REGION IV-A
(CALABARZON), V (BICOL), VI (WESTERN VISAYAS), KAG SANG BANGSAMORO
AUTONOMOUS REGION IN MUSLIM MINDANAO (BARMM) MERKULES, NOVEMBER 2,
2022.
ANG MGA NASAMBIT NGA REHIYON ANG PINAKANAAPEKTUHAN NI SEVERE TROPICAL
STORM PAENG SANG NAGLIGAD NGA SEMANA.

SA PINAKAULIHI NGA DATA SANG NATIONAL DISASTER RISK REDUCTION AND

MANAGEMENT COUNCIL (NDRRMC) YARA NA SA 121 ANG GINREPORT NGA NAPATAY
BANGUD SA BAGYO PAENG SA DIIN 92 ANG KUMPIRMADO.

SAMTANG INDI MAGNUBO SA 103 KA TAWO ANG NAPILASAN, KAG 36 ANG

GINREPORT NGA MISSING.

SA KABUG-USAN, MASOBRA 3.1 MIILION KA MGA INDIBIDWAL UKON HALOS 1

MILLION KA MGA PAMILYA SA MGA REHIYON SA PILIPINAS ANG APEKTADO SANG
NASAMBIT NGA BAGYO.

NEWS ITEM 2
LOCAL NEWS NOV 3, 2022/ THURSDAY MAGIE
=====================================================

NAGLAB-OT NA SA 25 KA BARANGAY SA OTON, ILOILO ANG MAY KASO SANG

AFRICAN SWINE FEVER (ASF).

GINPAHAYAG NI ILOILO PROVINCIAL VETERINARIAN DR. DAREL TABUADA NGA

NAGDUGANG SA LISTAHAN ANG BARANGAY POBLACION EAST KAG TRAPICHE SA
OTON, ILOILO.

SAMTANG, SA BAHIN SANG SAN MIGUEL, ILOILO, DUHA NA KA BARANGAY ANG

MAY KASO SANG ASF NGA AMO ANG BARANGAY SAN JOSE KAG BARANGAY 15.

SUNO KAY DR. TABUADA, PADAYON ANG ILA MONITORING SA DUHA KA

BANWA NGA GINAKABIG RED ZONES.

///…. VC DR. TABUADA NOV 3, 2022…///

 DUGANG PA SINI NGA MAY DUHA MAN KA BANWA NGA YARA SA PINK ZONE
ANG PADULUNGAN SANG ILA TEAM BWAS NGA ADLAW, OKTUBRE 3, 2022 AGUD
MAKUMPIRMAR KON MAY KASO NA SANG ASF SA AMO NGA LUGAR.

WALA NAMAN GINHINGADLAN NI DR. TABUADA KON DIIN ANG GINATUMOD

NGA BANWA NGA YARA SA PINK ZONE.

///… VC TABUADA 2 NOV 3, 2022…////

SI DR. DAREL TABUADA.

ANG BANWA GINAPAIDALUM SA PINK ZONE KON KATUPAD INI SANG BANWA
NGA YARA SA RED ZONE UKON MAY KUMPIRMADO NA NGA KASO SANG ASF.

NEWS ITEM 3
LOCAL NEWS NOV 3, 2022/ THURSDAY MAGIE
===================================================

NAGSAKA SA 737 ANG NUMERO SANG GINPANGPAPAS NGA BABOY SA BANWA

SANG OTON KAG SAN MIGUEL SA PROBINSYA SANG ILOILO, ANG DUHA KA BANWA
NGA YARA SA RED ZONE UKON MAY KUMPIRMADO NGA KASO SANG AFRICAN SWINE
FEVER (ASF).

GINPAHAYAG NI ILOILO PROVINCIAL VETERINARIAN DR. DAREL TABUADA NGA

NAGDUGANG SA LISTAHAN ANG GINPANGLUBONG NGA BABOY GIKAN SA BARANGAY
15, SAN MIGUEL, ILOILO.

///…. VC DR. TABUADA 3 NOV 3, 2022…///

 AMINADO SI DR. TABUADA NGA DAKO NGA PAGPANGHANGKAT PARA SA ILA
ANG MALAIN NGA PANAHON SANG NAGLIGAD NGA MGA INADLAW BANGOD
NABUDLAYAN SILA NGA MAGKUTKOT KAG MAGLUBONG SA BABOY KON NAGA-ULAN.

///…. VC DR. TABUADA 4 NOV 3, 2022…/// SI ILOILO PROVINCIAL

VETERINARIAN DR. DAREL TABUADA.

NEWS ITEM 4
LOCAL NEWS NOV 3, 2022/ THURSDAY MAGIE
=====================================================

NAGSUGOD NA ANG FULL IMPLEMENTATION SANG FACE-TO-FACE CLASSES

SUBONG NGA ADLAW, NOBYEMBRE 2, 2022 SA MGA PAMPUBLIKO NGA ESKWELAHAN
SA PUNGSOD.

GINPAHAYAG NI DEPARTMENT OF EDUCATION (DEPED) REGION 6

INFORMATION OFFICER HERNANI ESCULLAR JR. NGA DAPAT WALA NA SANG IBAN PA
NGA LEARNING MODALITY NGA GINAHATAG SA MGA ESTUDYANTE MAGLUWAS SA
LIMA KA ADLAW NGA IN-PERSON CLASSES SA TANAN NGA KINDER TUBTOB GRADE-
12 STUDENTS SA MGA PAMPUBLIKO NGA ESKWELAHAN.

//… VC ESCULLAR NOV 3, 202…///

SUBONG MAN, AMINADO ANG DEPED 6 NGA MAY MGA ESKWELAHAN SA MGA
LUGAR NGA LUBOS NGA NA-APEKTUHAN SANG BAGYO PAENG NGA INDI PA
MAKABALIK SA ILA FACE-TO-FACE CLASSES.

SUNO KAY ESCULLAR, MAGAHATAG ANG MGA EDUCATION SUPERINTRENDENT

SANG NAGAKAIGO NGA LEARNING MODALITIES SA MGA BUMULUTHO SA MGA LUGAR
NGA LUBOS NGA NA-APEKTUHAN SANG BAGYO AGUD INDI MA-UNTAT ANG PAGTUON
SANG MGA ESTUDYANTE.
 //… VC ESCULLAR 2 NOV 3, 202…/// ANG KABAHIN SANG PAHAYAG NI
DEPED 6 INFORMATION OFFICER MR. HERNANI ESCULLAR JR.

NEWS ITEM 5
LOCAL NEWS NOV 3, 2022/ THURSDAY MAGIE
=====================================================

GINALAUMAN ANG PAGGUTOK SANG TRAPIKO SA SYUDAD SANG ILOILO SA

PAGBALIK SANG FULL FACE-TO-FACE CLASSES SA MGA ESKWELAHAN SA SYUDAD
SANG ILOILO.

GINPAHAYAG NI PUBLIC SAFETY TRANSPORTATION AND MANGEMENT OFFICE

(PSTMO) HEAD JECK CONLU NGA BASE SA ILA PAGPAMANGKOT, MAY PILA KA MGA
ESKWELAHAN SA SYUDAD NGA SA LUNES PA MABALIK ANG KLASE GANI GINALAUMAN
NA ANG PAGGUTOK SANG TRAPIKO SA MGA DALANON SA SYUDAD SANG ILOILO.

//… VC CONLU NOV 3, 2022…///// ANG PAHAYAG SANG PSTMO HEAD.

GINPAHAYAG MAN NI CONLU NGA BISAN MAY NAGSULOD NA NGA

MODERNIZED JEEPNEYS SA SYUDAD SANG ILOILO, WALA PA SILA NAGBUHIN SANG
NAGABIYAHE NGA TRADITIONAL JEEPNEYS AGUD MASIGURO NGA MAY BASTANTE
NGA MASAKYAN ANG MGA PASAHERO PADULONG SA ESKWELAHAN UKON TRABAHO.

//… VC CONLU 2 NOV 3, 2022…///// ANG DUGANG NGA PAHAYAG NI

PSTMO HEAD JECK CONLU.
NEWS ITEM 6
LOCAL NEWS NOV 3, 2022/ THURSDAY MAGIE
=====================================================

GINPASALAMATAN NI MAYOR JERRY TREÑAS SI PRESIDENTE FERDINAND

MARCOS SA PAGDEKLARAR SANG STATE OF CALAMITY SA MGA REHIYON LAKIP NA
ANG WESTERN VISAYAS

SUNO SA ALKALDE, PADASIGON SANG AMO NGA DEKLARASYON ANG

PAGHATAG SANG BULIG SA MGA APEKTADO NGA PAMILYA KAG ANG
REHABILITASYON SANG MGA IMPRASTRAKTURA NGA GINGUBA NI BAGYO PAENG.

NAHIBALUAN NGA GINPIRMAHAN NI MARCOS JR. ANG PROCLAMATION NO. 84

NGA NAGADEKLARAR SANG STATE OF CALAMITY SA REGION IV-A (CALABARZON),
REGION V (BICOL), REGION VI (WESTERN VISAYAS), KAG SANG BANGSAMORO
AUTONOMOUS REGION IN MUSLIM MINDANAO (BARMM) MERKULES, NOVEMBER 2,
2022.

INTERNATIONAL NEWS:

NORTH KOREA, NAGPALUPAD SANG 3 KA SHORT-RANGE BALLISTIC

MISSILES, 1 NAGLUPAD SA NORTHERN LIMIT LINE SUNO SA SOUTH
KOREAN MILITARY – EMANUEL PINASAS

NAGPALUPAD SANG 3 KA SHORT-RANGE BALLISTIC MISSILES (SRBMS) ANG

NORTH KOREA SA EAST SEA SA DIIN ISA ANG NAGLUPAD SA IBABAW SANG DE
FACTO MARITIME BORDER NILA SANG SOUTH KOREA SA UNA NGA TION HALIN SANG
NAGTAPOS ANG 1950-53 KOREAN WAR SUNO SA SOUTH KOREAN MILITARY.

ISA SA SRBMS ANG NAGTUPA SA HIGH SEAS 26 KILOMETERS SOUTH SANG

NORTHERN LIMIT LINE (NLL). NAGPAKADTO INI SA ISLA ANTES NAHULOG SA
INTERNATIONAL SEA NGA NAGDUSO SA LOCAL AUTHORITIES AGUD MAG-ISSUE
SANG AIR RAID ALERT.

GINPAHAYAG SANG JOINT CHIEFS OF STAFF (JCS) NGA ANG MISSILE

NADETECT NGA NAGALUPAD HALIN SA SITE SA SULOD UKON SA PALIBOT SANG
NORTH'S EASTERN COASTAL CITY SA WONSAN TAKNA LAS 8:51 SANG AGA,
MERKULES, NOBYEMBRE 2, 2022.

ANG PINAKAULIHI NGA PROVOCATION SANG NORTH KOREA NAGLUNTAD SA

PROTEST SANG 5 KA ADLAW NGA COMBINED AIR DRILLS SANG SOUTH KOREA KAG
UNITED STATES NGA NAGSUGOD SANG LUNES.

UNA NA NGA NAGPAHAYAG SI PAK JONG-CHON, SECRETARY OF THE CENTRAL

COMMITTEE SANG NORTH'S RULING WORKERS' PARTY NGA MAGABAYAD ANG SOUTH
KOREA KAG U.S. SANG "TERRIBLE" PRICE KON MAG-ATAKE INI SA NORTH.

ENTERTAINMENT NEWS:

NAGSULAT KAG NAGRECORD SANG IYA ULIHI NGA KANTA NATUHOY SA

KAMATAYON ANG SINGER-SONGWRITER NGA SI DANNY JAVIER SANG ICONIC OPM
TRIO APO HIKING SOCIETY ANTES INI NAPATAY.

GINPAKITA SANG MUSIC PRODUCER KAG LONG-TIME COLLABORATOR NI

JAVIER NGA SI LORRIE ILUSTRE ANG RECORDING NI JAVIER NGA NAGAKANTA
NATUHOY SA KAMATAYON KAG KABUHI NGA SANG ULIHI GINPRODUCE NI ILUSTRE
BILANG KANTA NGA “LAHAT TAYO,” KAANGAY SANG NAKIT-AN SA FACEBOOK PAGE
SINI KAHAPON NOV. 1, 2022.

ANG TRACK GIN-RELEASE MAN SA HOMEWORKZ MUSIC’S YOUTUBE CHANNEL

KAHAPON.
 SUNO KAY ILUSTRE, UNA NGA GINPOST NI JAVIER ANG VIDEO SA IYA
PERSONAL FACEBOOK PAGE.

GINENGGANYO MAN SINI ANG PUBLIKO NGA ISELEBRAR ANG KABUHI NI

JAVIER BILANG ISA KA SINGER NGA LUYAG MANGIN MASADYA ANG IYA NGA
“SENDOFF”.

NAGTALIWAN SI JAVIER SA EDAD NGA 75 BANGUD SA SAKIT NGA

GINKUMPIRMA SANG IYA MALAPIT NGA MGA ABYAN SA SHOWBIZ SANG LUNES,
OKTUBRE 31, 2022.