LOCAL NEWS NOV 3, 2022/ THURSDAY MAGIE

=============================================================

NAGLAB-OT NA SA 25 KA BARANGAY SA OTON, ILOILO ANG MAY KASO SANG AFRICAN SWINE
FEVER (ASF).
GINPAHAYAG NI ILOILO PROVINCIAL VETERINARIAN DR. DAREL TABUADA NGA NAGDUGANG SA
LISTAHAN ANG BARANGAY POBLACION EAST KAG TRAPICHE SA OTON, ILOILO.
SAMTANG, SA BAHIN SANG SAN MIGUEL, ILOILO, DUHA NA KA BARANGAY ANG MAY KASO
SANG ASF NGA AMO ANG BARANGAY SAN JOSE KAG BARANGAY 15.
SUNO KAY DR. TABUADA, PADAYON ANG ILA MONITORING SA DUHA KA BANWA NGA
GINAKABIG RED ZONES. ///…. VC DR. TABUADA NOV 3, 2022…///
DUGANG PA SINI NGA MAY DUHA MAN KA BANWA NGA YARA SA PINK ZONE ANG
PADULUNGAN SANG ILA TEAM AGUD MAKUMPIRMAR KON MAY KASO NA SANG ASF SA AMO NGA
LUGAR.
WALA NAMAN GINHINGADLAN NI DR. TABUADA KON DIIN ANG GINATUMOD NGA BANWA NGA
YARA SA PINK ZONE. ///… VC TABUADA 2 NOV 3, 2022…//// SI DR. DAREL TABUADA.
ANG BANWA GINAPAIDALUM SA PINK ZONE KON KATUPAD INI SANG BANWA NGA YARA SA RED
ZONE UKON MAY KUMPIRMADO NA NGA KASO SANG ASF.

LOCAL NEWS NOV 3, 2022/ THURSDAY MAGIE

=============================================================

NAGSAKA SA 737 ANG NUMERO SANG GINPANGPAPAS NGA BABOY SA BANWA SANG OTON
KAG SAN MIGUEL SA PROBINSYA SANG ILOILO, ANG DUHA KA BANWA NGA YARA SA RED ZONE UKON
MAY KUMPIRMADO NGA KASO SANG AFRICAN SWINE FEVER (ASF).
GINPAHAYAG NI ILOILO PROVINCIAL VETERINARIAN DR. DAREL TABUADA NGA NAGDUGANG SA
LISTAHAN ANG GINPANGLUBONG NGA BABOY GIKAN SA BARANGAY 15, SAN MIGUEL, ILOILO.
///…. VC DR. TABUADA 3 NOV 3, 2022…///
AMINADO SI DR. TABUADA NGA DAKO NGA PAGPANGHANGKAT PARA SA ILA ANG MALAIN NGA
PANAHON SANG NAGLIGAD NGA MGA INADLAW BANGOD NABUDLAYAN SILA NGA MAGKUTKOT KAG
MAGLUBONG SA BABOY KON NAGA-ULAN.
///…. VC DR. TABUADA 4 NOV 3, 2022…/// SI ILOILO PROVINCIAL VETERINARIAN DR. DAREL
TABUADA.
LOCAL NEWS NOV 3, 2022/ THURSDAY MAGIE
=============================================================

NAGSUGOD NA ANG FULL IMPLEMENTATION SANG FACE-TO-FACE CLASSES KAHAPON,

NOBYEMBRE 2, 2022 SA MGA PAMPUBLIKO NGA ESKWELAHAN SA PUNGSOD.
GINPAHAYAG NI DEPARTMENT OF EDUCATION (DEPED) REGION 6 INFORMATION OFFICER
HERNANI ESCULLAR JR. NGA DAPAT WALA NA SANG IBAN PA NGA LEARNING MODALITY NGA
GINAHATAG SA MGA ESTUDYANTE MAGLUWAS SA LIMA KA ADLAW NGA IN-PERSON CLASSES SA
TANAN NGA KINDER TUBTOB GRADE-12 STUDENTS SA MGA PAMPUBLIKO NGA ESKWELAHAN.
//… VC ESCULLAR NOV 3, 202…///
SUBONG MAN, AMINADO ANG DEPED 6 NGA MAY MGA ESKWELAHAN SA MGA LUGAR NGA
LUBOS NGA NA-APEKTUHAN SANG BAGYO PAENG NGA INDI PA MAKABALIK SA ILA FACE-TO-FACE
CLASSES.
SUNO KAY ESCULLAR, MAGAHATAG ANG MGA EDUCATION SUPERINTRENDENT SANG
NAGAKAIGO NGA LEARNING MODALITIES SA MGA BUMULUTHO SA MGA LUGAR NGA LUBOS NGA NA-
APEKTUHAN SANG BAGYO AGUD INDI MA-UNTAT ANG PAGTUON SANG MGA ESTUDYANTE.
//… VC ESCULLAR 2 NOV 3, 202…/// ANG KABAHIN SANG PAHAYAG NI DEPED 6 INFORMATION
OFFICER MR. HERNANI ESCULLAR JR.

LOCAL NEWS NOV 3, 2022/ THURSDAY MAGIE

=============================================================

GINALAUMAN ANG PAGGUTOK SANG TRAPIKO SA SYUDAD SANG ILOILO SA PAGBALIK SANG
FULL FACE-TO-FACE CLASSES SA MGA ESKWELAHAN SA SYUDAD SANG ILOILO.
GINPAHAYAG NI PUBLIC SAFETY TRANSPORTATION AND MANGEMENT OFFICE (PSTMO) HEAD
JECK CONLU NGA BASE SA ILA PAGPAMANGKOT, MAY PILA KA MGA ESKWELAHAN SA SYUDAD NGA SA
LUNES PA MABALIK ANG KLASE GANI GINALAUMAN NA ANG PAGGUTOK SANG TRAPIKO SA MGA
DALANON SA SYUDAD SANG ILOILO.
//… VC CONLU NOV 3, 2022…///// ANG PAHAYAG SANG PSTMO HEAD.
GINPAHAYAG MAN NI CONLU NGA BISAN MAY NAGSULOD NA NGA MODERNIZED JEEPNEYS SA
SYUDAD SANG ILOILO, WALA PA SILA NAGBUHIN SANG NAGABIYAHE NGA TRADITIONAL JEEPNEYS
AGUD MASIGURO NGA MAY BASTANTE NGA MASAKYAN ANG MGA PASAHERO PADULONG SA
ESKWELAHAN UKON TRABAHO.
//… VC CONLU 2 NOV 3, 2022…///// ANG DUGANG NGA PAHAYAG NI PSTMO HEAD JECK
CONLU.
STP MAGIE NOV 3, 2022:

DSWD 6 NAKAPANAGTAG SANG MASOBRA P22.1 MILLION NGA BULIG SA MGA PAMILYA
NGA NA-APEKTUHAN SANG BAGYO PAENG

Masobra P22.1 million nga balor sang financial aid ang napanagtag sang Department of Social
Welfare and Development (DSWD) Region 6 sa mga pamilya nga na-apektuhan sang Severe Tropical
Strom Paeng sa Western Visayas.
Ang kantidad ginabug-usan sang family food packs, non-food items, kag Assistance to Individuals
in Crisis Situations (AICS).
Suno sa DSWD 6, yara sa 37,678 family food packs na ang napanagtag sa bug-os nga rehiyon nga
nagabalor sang P9.9 million samtang ang non-food items kaangay sang hygiene, sleeping, family, kag
kitchen kits nagabalor sang P678,525.
Ginpahayag man ni Disaster Risk Reduction Management (DRRM) Section Head Lisa Camacho
nga ang napanagtag nga financial assistance paagi sa AICs naglab-ot naman sa P1.5 million.
Samtang, ginpahayag man ni DSWD-6 Assistant Regional Director for Operations Arwin Razo nga
nagapadayon ang assessment sa mga lugar nga na-apektuhan sang bagyo Paeng.
Ginpasiguro man sini nga may bastante nga resources ang ahensya agud malab-ot ang demands
sang nagarequest nga local government units.
Sa karun, may 17,772 available family food packs pa ang dswd 6 nga nagabalor sang P9.2 million.
Sa report sang DSWD 6, may 298,708 ka pamilya sa 116 ka banwa sa anum ka probinsya sa
Western Visayas ang lubos nga na-apektuhan sang bagyo paeng.

#DYRIRMNIloilo
#RMNIloilo774
#TatakRMN
#RMNIloiloPublicService

By: MEM