Rundown-AB Broadcasting III On Air

October 2,2015

2:00 PM-4:00 PM

Material Duration Time

TOH 19s 2:00 :00PM-2:00:19

PM

OBB 29s 2:00:19 PM-2:00:48

PM

Intro of Anchors & 1m 2:00:48 PM-2:01:48

Headlining PM

Newscast 12m 12s 2:01:48 PM-2:15:00

PM

Stinger 7s 2:15:00 PM-2:15:07

PM

News 1 38s 2:15:07 PM-2:15:37

PM

News 2 38s 2:15:37 PM-2:16:07

 PM

News 3 1m 2:16:07 PM-2:17:07

PM

AND SO ON……. 29m 2:17:07 PM-2:46:07

Pm

CBB 24m 2s 3:35:28 PM-4:00:00

PM
NEWS PROGRAM

Time Check

Stinger

Fraux: Marhay na hapon Bicol University! Marhay na hapon College

Of Arts and Letters! Uya an katiripunan kan mga bareta ngunyan na

pagkahapon aldaw ki Biyernes Oktubre dos taong dos mil kinse. Ako

si Francine Arroyo.

Raf: Asin Raffy Sadia Para sa…

Both: Bicol Daily News!

Raf: Para sa pamayo kan mga bareta...

-SPEECH CHOIR COMPETITION,SUSPENDIDO!

 -IKAPITONG PASUC CULTURE AND ARTS FESTIVAL,GAGANAPUN SA BICOL

UNIVERSITY!

-MAABOT 100 RESIDENTE SA CAMSUR,TINAMAAN KI DIARRHEA!

-MAABOT 5 MILYONES NA PONDO PARA SA PAGPAKARAY KI MGA TINAMPO SA

SORSOGON,APRUBADO NA!!

-BINAY MAWOT KUWAON SI ALDEN KUN ISASAPELIKULA AN BUHAY!

-LENI ROBREDO,DAE PA SIGURADO PARA SA 2016 ELEKSIYON

-ELIZABETH II, IGWANG PINAKA HALABANG PAGSIRBI SA MONARKIYA KAN

SAINDANG BANSA!

-MEXICO, NAG ANAP KI BAGONG DNA TESTS SA KASO KAN MGA NAWAWARANG

ESTUDYANTE!

- GILAS PILIPINAS WARANG PUWANG PARA SA PAGKAPAGAL

- DATING COACH KAN TEAM GILAS PILIPINAS MAY PAYO PARA SA LABAN

KAINI KONTRA LEBANON

 NGAYON SA DETALYE NG MGA BALITA

ANCHOR 1: Speech Choir Competition nasuspinde! Ihahatid yan ni

Cassandra Sicad para sa bareta!

NAME OF REPORTER: Sinuspende an taonang speech choir

competition na dapat gaganapun ngunyan na ika Octubre uno antos

tres dos mil kinse//.

Ini huli sa pagsuspinde man kan klase sa gabos na lebel kan

eskwelahan huli sa pagkaigwa ki Low Pressure Area na makusog na

namatian sa kabikolan//. Huli kaini gaganapun na ang competition

sa maabot na Oktubre sais antos siyete sa Cal Amphitheater//.

-Cassandra Sicad,nagbabareta!

ANCHOR 2: -Ikapitong PASUC Culture and Arts festival gaganapun sa

Bicol University. Carlo Aliston para sa detalye!

NAME OF REPORTER:: Mangyayari na ngani digdi sa satuyang

university an ikapitong PASUC culture and arts festival sa maabot

na nobyembre 24, 25, 26 2015 aldaw ning martes, miyurkules asin

huwebes na pinanginginutan syempre kan satuyang natatanging

presidente na si DR. ARNULFO M. MASCARINAS asin man an satuyang

mga bise presidente na sina DR.HELEN M. LLENARESAS-VPAA DR.

AMELIA A. DOROSAN-VPA PROF.JERRY S.BIGORNIA-VPRGAM asin pa an

coordinator kaining convention na ini na si DR.BABY BOY BENJAMIN

NERBES III //. Inaabangan pa digdi an saru sa mga highlights

kaining convention na ini an mister and miss PASUC 2015 na kun

sain kaintra an satuyang mister asin miss bicol university 2015

na sina MR. PSALM DAVID PRENA na hale sa (CBEM) asin

MS.CHRISTINE ARNEDO na hale sa (CN) kaya kapwa ko mga kabueno

satuyang abangan ining convention na ini ngunyan na maabot na

bulan kang nobyembre//.

-ini an saindong lingkod Carlo Aliston

F: College of Education, Kampeon sa Bicol University Week,

Cassandra Sicad para sa detalye

Cas: Pigpoklamar na kampeon ngunyan na taon ang College of

Education matapos makakua ki puntos na sais syentos bente syete

sa nakaaging Bicol University Week//. Nakua kang kolehiyo ang

kampyonado sa dating kampeon na CBEM na nagpanduwa na sana

ngunyang taon na may 413.9 puntos na pigsundan man kan IPESR na

may 391.5 puntos//. Lubos ang kaogmahan kan kolehiyo sa nakuang

titulo//.

-Cassandra Sicad nagbabareta

R: Buena,kinoronahan bilang Miss Governor's Cup 2015.Jessica

Bacunawa para sa bilog na istorya.

Jec: Kinoronahan bilang Miss Governor’s Cup an kasalukuyang Miss

College of Arts and Letters 2015 asin Miss Bicol University 2nd

runner up na si Evince Claire Pielago//.

Ginibo an pagselebrar kan petsa trenta kan Setyembre taong dos

mil kinse sa Albay Astrodome//.

Sampulo na kolehiyo an nagbale sa kumpetisyon arog kan Divine

World College of Legazpi, Computer System Institute, Bicol

University asin iba pa//. Sa udyan nangenotan an gayon asin tali

kan Bueña na si Evince na sarong estudyante man kan AB-English.//

-Jessica Bacunawa nagbabareta.

R: Bicol University Sumairarom sa Accreditation Jessica Bacuawa

para sa bareta.

Jec: An Accrediting Agency of Chartered Colleges and

Universities of the Philippines o AACCUP ay nagkondisar nin

accreditation surveys sa dise nuebeng (19) programa kan Bicol

University kan Setyembre 28 hasta Oktubre 2, 2015 asin an BS

Nursing program man sa maabot na Oktubre 7 hasta 8, 2015//.

An programa maasister sa sampulong area na katakod an Mission

goals asin objectives, faculty curriculum asin instruction, mga

estudyantes, extension and community na involvement library,

physical facilities, laboratoryo asin administrasyon//.

An programang ini nagtatao man nin benepisyo programa na

magpapahalangkaw kan kalidad na standard na pwedeng maging

rational basis para sa mga budgetary request asin para sa

normative financing//.

An mga aplikante para sa pagtukdo sa departamento kan edukasyon

na nagtapos kan accreditation programs arog kan BU’s BEED asin

BSED programs ay matatawan man nin pontos//.

-Jessica Bacunawa nagbabareta.

F: Para sa Lado Lokal, Maabot 5 milyones na pondo para sa

pagpakaray ki mga tinampo sa Sorsogon, Aprubado na! Pamela Balde

para sa detalye.

Pam: Inaprubaran na kan Sangguniang panlalawigan kan Sorsogon ang

Memorandum of Agreement na inilatag kan Department of Public

Works and Highways asin Local na gobyerno kan Sorsogon//.

Huli kaini pwede ng magamit nin probinsya an maabot 4.6 milyones

na pondo para sa pagpakaray kan mga agihan partikular na sa mga

agihan sa Pilar asin Bulan,Sorsogon//.

Pigpromisar man kan authoridad na an pondo magagamit sa marhay

asin tama//.

-Pamela Balde nagbabareta

R: Maabot 100 residente sa CamSur tinamaan ki diarrhea. Jessa

Baldon nagbabareta//

Jes: Maabot sa poko mas o menus sanggatos na mga residente

an tinmaan kan helang na diarrhea sa banwaan nin Bato, Camarines

Sur//.
 Sigun ki Municipal Health Officer Dr.Annalyn Mendoza na pag

araman na puon pa kan naka aging semana nagpuon na makamati ki

pagsusuka an mga residente hale sa mga baranggay kan Camarines,

Sur//.

Pigtutubudan na an kontaminadong tubig na hale sa bukid an

kawsa kan helang//. Sa ngunyan kadaklan su boot nakaluwas na nin

Ospital//. Sa ngunyan nagibo pa ki imbestigasyon an health office

para maaraman an possibleng iba pang rason kan helang//.

-Jessa Baldon nagbabareta

F: LGU Legazpi dae pa nin planong obligaron an gabos na mga

establishimento na magbugtak nin breast feeding station/

Cassandra Sicad para sa bareta.

Cass:

Dae pa nin planong obligaron kan local na gobyerno kan

Legazpi partikular kan City Health Office an mga ofisina asin mga

establishimento sa siyudad na magbugtak nin mga breast feeding

stations.//

Sigun ki Nutririon Officer Natividad Cardel makalihis na

maipasar an Breast Feeding ordinance sa Legazpi tulos na pig

inguwa na makapag mukna nin lactating stations kun sain duwa sa

mga ini an pig inaguraran kan nakalihis na aldaw.// Pig tutukan

nguna kan saindang grupo ang darakulang establishimento para

makatao ki serbisyo sa mga magurang na kaipuhan kaini.//

-Cassandra Sicad nag babareta.

R: Mga nanonotaran na paninigarilyo sa laug kan mga public

utility vehicle(PUV) ma isolated case na sana sigun sa LTFRB

Carlo Aliston para sa detalye.

Carlo: Ipigsuhestiyon kan Land Transportation Franchising and

Regulatory Board (LTFRB) na tulos na irani sa mga otoridad

siring kan PNP enkaso na makahiling nin naninigarilyo sa laog kan

pampublikong lunadan.//

Sigun ki Asisstant Regional Director Lee Solano mas marikas

an aksiyon kun irarani tulos ini sa mga pulis na nakadeploy man

sa mga tinampo asin saka na sana isunod an ibang proseso kan

pagsasangat nin reklamo.//

Napag araman kaya sa ibong kan mga numerong nakasurat sa mga

sakayan na pwedeng apudan pag igwa reklamo/ may mga pagkakataon

na dae man tulos nakokontak an otoridad.//

-Carlo Aliston nagbabareta

F: Comelec, Nagparumdom tungkol sa Maabot na Filing of Candidacy.

Jessica Bacunawa para sa bilog na detalye.

Jec: Pinarumdum giraray kan Commision on Election Naga an mga

kaipuhan para sa pagpasar ki Certificate of candidacy kasunod

kang mangyayaring nasyonal min local na eleksyon sa bulan kan

Mayo taon dos mil diyes y sais//.

Segun sa komisyon mapuon an pagpakasar ki kanditura sa

oktubre 12 antos 16 ngunyan na taon sana.// Mapuon ini alas 8 sa

aga antos alas 5 kan hapon.//

Para man sa mga opisyal o empleyado kan gobyerno na gusto

magkandidato kaipuhan nindang humali sa posisyon o trabaho sa

oras na makua na ninda ang Certificate of Nomination and

Acceptance//.

Personal dapat an pagpasa kan kandidatura kan makandidato o

saro na authorisadong representante kan makandidato.//

Sa petsa 30 kan oktubre iluluwas na kan Comelec Naga an

listahan ki mga opisyal na kandidato.//

-Jessica Bacunawa, Nagbabareta

R: Sa Lado Nasyonal Binay mawot kuwaon si Alden kun isasapelikula

an buhay! Pamela Balde mabareta!

Pam: Dae na mapugulan an kasikatan ni Alden Richards sa

tindi kan saindang split-screen love team ni Maine Mendoza alyas

“Yaya Dub” mawot na siyang kuwaon ni bise- presidente Jejomar

Binay ta nganing gumanap sa saiyang buhay kun sakali man na

isasapelikula ini.//

Mientrastanto, sina Alden asin Maine man an mawot niyang

kuwaon bilang endorsers niya para sa saiyang kampanya.//

Garu magigin malabo ini huli ta naenot nang sinabi ni Tito

Sotto na warang ieendorsong politiko an kalyeseryeng love team//.

Saro man na mawot na maiambag ni Binay sa showbiz an pag

apruba kay Nora Aunor bilang national artist asin magin possible

lamang ini kun siya manggana sa paabot na eleksiyon.//

-Pamela Balde Nagbabareta

F: Leni Robredo dae pa sigurado para sa 2016 eleksiyon Judde

Arcilla Para sa detalye.

Judde: Dae pa sigurado an desisyon ni Camarines Sur

Representative Leni Robredo sa pag dalagan bilang bise presidente

ni liberal party(LP) standard bearer Mar Roxas II para sa maabot

na eleksiyon.//

Tigsabi ni Robredo na bilang sarong ina kaipuhan niyang

isaalang- alang an desisyon kan saiyang mga aki.//

Naenot na naibareta na abo kan saiyang duwang babaeng aki na

magdalagan an saindang ina sa mas halangkaw na posisyon.//

Ngunyang mga nakalihis na semana nakipagpulong si Pangulong

Benigno Aquino II sa buong pamilya ni Robredo kabale an duwa

niyang aki//.

-Judde Arcilla, Nagbabareta.

R: Papa Francisco, Tugot Sa Mas Madali Asin Marikas Na Proseso

Kan Annulment. Jessa Baldon para sa bareta.

Jes: Matapos baguhon ni Pope Francis an sistema kan annulment pig

aasahan na kadakol na mag-agom na katoliko an mapaparikas an

proseso kan saindang pagbubulag//. Nakabatay an desisyon kan

Santo Papa sa paagi kan tig apod na “Motu Propio” documents.//

Ini kasurog kan programa ni Pope Francis tanganing maibusol an

mga reporma sa simbahang katolika.// Nakapalaog sa bagong sistema

ini na dae na kaipuhan an pangaduwang pagbasa kan cleric

tanganing mapawarang bisa an kasal.// Tigtataram sa bagong

prosesong ini na libre an pagsangat nin annulment alagad may mga

kasabay man giraray ining administrative fees.// An bagong

proseso na ini magiging parte kan canon law kan simbahan mapuon

sa ika otso kan Disyembre.// Sinabi kan Santo Papa na haloy asin

magastos an paglakaw kan annulment kaya saiyang tigeenganyo an

publiko na magtaram asin magtao nin saindang mga opinyon.//

Alagad mawot iparumdum kan simbahan na dae ninda tigbibisto an

isyu sa civil na diborsyo.//

-Jessa Baldon nagbabareta.

F: Pangulong Aquino namundo sa pagluya kan kaaraman kan jovenes

tungkol sa mga bayani. Maybelle Omaga para sa detalye.

Maybs: Naaraman ni Presidente Noynoy Aquino ang kakulangan sa

kaaraman kan mga estudyante sa kolehiyo pagabot sa satuyang mga

bayani.// Ini huli sa kang may naghapot sa facebook account kang

aktor na si Epy Quizon kung nata pirmi lang siya nakatukaw sa

pelikulang Heneral Luna kung sain siya guminanap bilang

Apolinario Mabini na sarong bayaning dae nakakalakaw.// Namundo

ang Presidente ta aram niyang elementarya pa sana pigtutukdo na

ang tungkol kay Apolinario Mabini pati iba pang mga bayani.//

Huli kaini piglalaoman na seseryosohon ngunyan kan Department of

Education ang problemang ini tanganing matawan ki solusyon.//

-Maybelle Omaga nagbabareta.

R: Libreng serbisyo legal para sa satong nga kababayang Overseas

Filipino Workers ikukundisar kada bulan sa Sockssargen. Judde

Arcilla para sa bareta.

Judde: Makundisar nin libreng legal na konsultasyon ang

Philippine Overseas Employment Administration asin sarong grupo

ning mga abugado sa ciudad nin Koronadal South Cotabato para sa

mga Overseas Filipino workers sa nasabing rehiyon.// Sigun ki Leo

Erimita Geronimo an programang access to justice forum gigibuhon

sa saindang opisina kada inot asin ikatolong bulan.// Saindang

kasurog sa nasabing adbokasiya an Lawyers Beyond Boarders

Philippines Incorporation.// Sa paagi kaini matatawan nin

pagkakataon ang mga Overseas Filipino Workers lalo na an mga

warang kapasidad na magkuha nin sadiring abogado na makunsulta o

mahagad nin legal opinyon tungkol sa saindang kinakahampang na

mga isyu.//
-Judde Arcilla, nagbabareta.

F: Sa Lado Internasyunal, Elizabeth II igwang pinaka halabang

pagsirbi sa Monarkiya kan saindang bansa. Carlo Aliston mabareta.

Carlo: Nagselebrar an bansang Britanya huli ta sa pagkaigwang

pinakahalabang pagsirbi ni Elizabeth kan saindang Monarkiya.//

An reyna mismo an nagbukas kan railway line sa Scotland asin

nag enot kan sarong pribadong pamanggihan sa Balmoral Castle para

markahan an aldaw kan paglampas niya sa rekord kan saiyang lola

na si Queen Victoria.//

Ang otsenta'y uno anyos na monarkiya nagsirbi ki bente tres

mil, dosiyentos bente- sais na aldaw diyes na sais na oras asin

trenta minutos sa trono o maabot sisenta'y tres na taon.//

-Carlo Aliston nagbabareta.

R: Mexico, nag anap ki bagong DNA tests sa kaso kan mga

nawawarang estudyante. Jomari Alejandre para sa bilog na istorya.

Jo: Tig examine kan mga mexican authorities an maabot sisenta

mil na bone fragments na nahiling kan otoridad sa laog kan sarong

bag sa tapukan ki basura para mahiling kun igwang matugma sa

kwarenta'y tres na estudyanteng nawara kan nakalipas na taon kan

ika bente singko, kan setyembre dos mil katorse.//

Tinatabangan kan mga independent forensic experts hale sa

Argentina an mga imbestigador kan gobyerno ta nganing makaanap ki

remains na pedesir ipadara sa insbruck University kan australia

para sa lab tests.//

Sinasabing kwarenta'y tres na estudyante an pinadara kan

police municipal sa Southern State kan Guerrero, Mexico kan ika-

bente- sais kan Setyembre dos mil katorse asin ipinadara sa

sarong drug gang na kun sain ginadan an mga estudyante asin

sinulo an saindang mga hawak sa sarong basurahan.//

F: Sa baretang sports/ Gilas Pilipinas warang puwang para sa

pagkapagal! Maybelle Omaga, Mabareta.

Maybelle: Warang puwang para sa Team Gilas Pilipinas ang

pagkapagal sa maabot na laban kaini kontra sa Lebanon.//

 Sigun sa Coach kan Gilas Pilipinas na si Tab Baldwin dae

pwede maging rason ang kapagalan sa mga masunod na kawat ninda.//

Pigsigurado man kan coach na pigtataohan ki pantay na oras

an kada sarong player kan team.//

Aram kan Coach na dipisil ang mga masunod na kawat kaya ngunyan

pa lang ay todo ensayo na sinda.// Ang bansang Lebanon ang sunod

nindang makakahampang.//

-Maybelle Omaga,nagbabareta.

R: Dating Coach kan team Gilas Pilipinas may payo para sa laban

kaini kontra Lebanon. Cassandra Sicad para sa Istorya.

Cass: Pigtaraman kang dating coach kan Gilas Pilipinas na si

Rajko Toroman ang grupo na dae maray pakasigurado sa magiging

kawat ninda atiyan kontra sa Lebanon.// Segun kay Toroman makusog

na grupo ang Lebanon.//

Bagaman igwang dakulang tiyansa ang Pilipinas na madaog ang

Lebanon arog kan pagdaog kaini sa Iran asin India. Aram ni

Toroman na dae ini magiging madali.//

Sinabi ni Toroman na mapipiritan ang Pilipinas na Mag adjust

kan depensa ninda.//

Si toroman ang coach ngunyan kan team Jordan na Duminaog sa team

Lebanon.//

-Cassandra Sicad,Nagbabareta.

F: Trivia ukol sa College of Industrial Technology, Aramon ta,

hale kay Jo Mari Alejandre.

Jo: Aram nindo na an dating ngaran kan College of Industrial

Technology ay School of Trades?

Binalyuan an ngaran kaini kan mil nuwebe siyentos nubentay nuwebe

ni Dr.Lylia Corporal Sena.

Rafael: Uya an mga katiripunan ke bareta ngunyan na aldaw. Sa

giraray ako si Raffy Sadia

Fraux: Asin Francine Arroyo

BOTH: Maray na aldaw!

(Stinger)
CLOSING BILLBOARD