Ang online games ay isa sa tinatangkilik ng mga kabataan ngayon.
Ginagawang alternate reality ng mga
manlalaro ang mundo ng online games na kung saan maaari silang makagawa ng isang bertwal persona na sumasalamin sa kanilang sarili. Isang gaming community ang naitatag upang magkaisa ang lahat ng mga gamers at maibahagi ang kanilang mga karanasan patungkol sa online games. Maraming epekto ang online games sa aspeto ng pagkakilanlan ng isang tao. Karamihan sa mga gamers ay naapektohan ang kanilang personal na katangian. Napapabayan ng mga manlalaro ang kanilang mga kalusugan at kanilang pag-aaral dulot sa matinding pagkaadik sa paglalaro. Ang paglalaro ng online games ay kinakailangan ng gabay at patnubay ng mga magulang upang makontrol ang mga manlalaro sa pagkalulong sa paglalaro ng online games. Pananatilihin ang pakikipag halu-bilo sa labas ng online gaming community, maglaan ng sapat na oras para sa sarili at maging responsable sa paglalaro ng online games.