Taon 35 Blg.
36 Pagmimisa sa Araw ng Pasko ng Pagsilang (C) — Puti
Paskong may Galak
Lub. Kgg. Broderick S. Pabillo, DD
S a isang recollection, binigyan
ang mga participants ng tig-
iisang papel at sinabi sa kanila
na isulat ang isang salitang
pumapasok sa kanilang isip
kapag nababanggit ang salitang
“PASKO.” Halos lahat ay sumulat:
“MASAYA.” Totoo nga, we always
relate Christmas to joy or to
happiness. Pero noong tinanong
sila kung saan nanggagaling
ang saya sa panahon ng pasko,
iba-iba na ang mga sagot. May
nagsasabing sa pamilya, sa
pagkain, sa regalo, sa music,
sa Simbang Gabi, sa kaibigan,
sa pamamasyal, sa mall. Halos
walang nagsabi na sila ay masaya
dahil sa kaligtasan. Nauugnay ng
mga tao ang pasko sa maraming
bagay pero hindi sa kaligtasan.
Pero hindi ba ang pasko ay si
Hesus? At ang pangalang Hesus
ay nangangahulugan na “Diyos
na manliligtas?”
Sa ating unang pagbasa
hinihikayat ni propeta Isaias ang
mga tao na magsaya dahil nandito
na ang mabuting balita. Ito ang
mabuting balita: ang buong mundo
ay magsasaya dahil masasaksihan
na nila ang kaligtasang dala ng
ating Diyos. At ang pinadala
ng Diyos na magdadala ng
kaligtasang ito ay hindi lamang
isang magaling o banal na tao,
kun’di ang kanyang anak mismo.
Sinulat sa liham sa mga Hebreo
na noon, ang pinadala ng Diyos
ay mga propeta. Pero ngayon, ang
pinadala ay ang kanyang anak
mismo. Ang kaligtasan ay hindi
lang isang mensahe. Ito ay ang
Diyos mismo.
Ang Salita na siyang naging
dahilan ng lahat ng bagay, ang
Salita na nagbibigay kabuluhan
at liwanag sa lahat, itong Salitang
ito ay nagkaroon na ng laman.
Siya ay naging tao. Siya ay naging
tulad natin. Ang Diyos ay naging
kapwa natin. Hindi na iba ang
Diyos. Iyan ang pasko at iyan ang
pinakadahilan ng ating kasayahan.
At bakit ito ginawa ng Diyos?
Bakit naging tao siya? Upang
Disyembre 25, 2021
ibigay niya sa atin ang kanyang
pagka-Diyos. Nakibahagi siya
sa ating pagkatao upang tayo
ay makabahagi sa kanyang
pagka-Diyos. Ito ang exchange
gift natin sa Diyos. We gave him
our humanity and he gave us his
divinity. Ganoon kadakila ang
pagmamahal ng Diyos sa atin na
talagang mas lalong tumitingkad
tuwing Pasko. Talagang ang Diyos
ay lumalapit sa atin. Kaya wala
na tayo sa dilim. Ang tunay na
liwanag na sumisilay sa lahat ng
tao ay dumating na.
Ang mga nararanasan natin
na nagpapasaya sa atin sa Pasko
ay mga patikim lamang. Hindi
iyan ang tunay na kasiyahan na
gustong ibigay ng Diyos. Ang
nakalulungkot, kadalasan ang
mga patikim lang ang hinahanap
natin. Hanapin natin ang tunay
na regalo, ang tunay na pag-ibig,
ang tunay na magpapalaya sa
ating puso. Iyan ay walang iba
kun’di si Hesus, ang Diyos na
sumasaatin, ang Immanuel.
 PASIMULA
Antipona sa Pagpasok
(Is 9:6)
(Basahin kung walang pambungad na awit.)
Batang sa ati’y sumilang ay anak
na ibinigay upang magharing
lubusan taglay ang dakilang
ngalang Tagapayo ng Maykapal.
Pagbati
(Gawin dito ang tanda ng krus.)
P — Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B—At sumainyo rin.
Paunang Salita
(Maaaring gamitin ito o kahalintulad
na pahayag.)
P— Kahit saa’y namamalas
ang tagumpay ng nagliligtas!”
Sa araw na ito, ipinagkaloob
sa atin ng Ama ang kanyang
pinakadakilang regalo—si
Hesus, ang Diyos sa piling natin,
ang ating Tagapagligtas. Niyakap
ni Hesus ang ating pagkatao
nang tayo’y maihatid niya sa
piling ng Ama sa langit. Sa ating
pakikinig sa Salita ng Diyos,
pagtanggap ng Komunyon, at
sa pakikipagkapwa-tao, nawa’y
matagpuan din natin ang Sanggol
na Manunubos.
Pagsisisi
P—Mga kapatid, tinipon tayo
bilang mga kaanib ng angkan
ng Diyos kaya dumulog tayo
sa maawaing Panginoong
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P — Dumating na Tagapag-
anyayang mga makasalana’y
magsisi: Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami:
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok
sa kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo (Tumahimik)
Ama naming makapangya-
rihan, sa iyong kagandahang-
loob kami’y iyong nilikha,
at sa iyong pag­tatangkilik
kami’y iyong pinadakila. Sa
pagkakatawang-tao ng iyong
Anak, kami’y iyong itinuring
na hindi na iba sa iyo.
Makapamuhay nawa kami
bilang mga kapatid niya na
totoong maipagkakapuri mo
sa pama­magitan niya kasama ng
Espiritu Santo magpasawalang
hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Is 52:7–10)
(Umupo)
Makikita ng lahat ang pagliligtas ng
Diyos. Sa pamamagitan ni Hesus,
tutubusin niya ang Jerusalem.
Pagbasa mula sa Aklat ni Propeta
Isaias
MAGMULA sa bundok, O kay
gandang masdan ng sugong
dumarating upang ipahayag ang
magandang balita ng kapayapaan.
Ipapahayag niya ang tagumpay
at sasabihin: “Sion, ang Diyos
mo ay hari.” Narito! Sisigaw ang
nagbabantay, dahilan sa galak,
sama-sama silang aawit; makikita
nila ang Panginoon sa Sion ay
babalik. Magsiawit kayo, mga
guhong muog nitong Jerusalem;
pagkat ang hinirang ng Diyos na
Panginoon ay kanyang inaliw,
tinubos na niya itong Jerusalem.
Sa lahat ng bansa, ang kamay
ng Poon na tanda ng lakas ay
makikita ng mga nilalang, at ang
pagliligtas nitong ating Diyos
tiyak na mahahayag.
—Ang Salita ng Diyos.
B—Salamat sa Diyos.
Salmong Tugunan (Slm 97)
T — Kahit saa’y namamalas
tagumpay ng Nagliligtas.
E. C. Marfori
     
C C F
     
Ka hit sa a'y na ma ma las
Dm G C
     
4
  
 
ta gum pay ng Nag li lig tas.
1. Umawit ng bagong awit
at sa Poon ay ialay,/ pagkat
yaong ginawa n’ya ay kahanga-
hangang tunay!/ Sa sariling lakas
niya at taglay na kabanalan,/
walang hirap na natamo yaong
hangad na tagumpay. (T)
2. Ang tagumpay niyang ito’y
siya na rin ang naghayag,/ sa
harap ng mga bansa’y nahayag
ang pagliligtas./ Ang pangako sa
Israel lubos niyang tinutupad. (T)
3. Tapat siya sa kanila at ang pag-
ibig ay wagas./ Ang tagumpay
ng ating Diyos kahit saan ay
namalas!/ Magkaingay na may
galak, yaong lahat sa daigdig;/
ang Poon ay buong galak na
purihin sa pag-awit! (T)
4. Sa saliw ng mga lira iparinig
yaong tugtog,/ at ang Poon ay
puri­hin ng tugtuging maalindog./
Tug­tugin din ang trumpeta
na kasaliw ang tambuli,/
magkaingay sa harapan ng Poon
na ating hari. (T)
Ikalawang Pagbasa (Heb 1:1–6)
Nakipangusap ang Diyos sa
tao sa pamamagitan ng iba’t
ibang paraan at ng mga propeta
simula pa noong una. Ngayon,
nakikipangusap siya sa atin sa
pamamagitan ni Hesus.
Pagbasa mula sa Sulat sa Mga
Hebreo
NOONG una, nagsalita ang
Diyos sa ating mga ninuno sa
iba’t ibang panahon at sa iba’t
ibang paraan sa pamamagitan
ng mga propeta. Ngunit ngayon,
siya’y nagsalita sa atin sa
pamamagitan ng kanyang Anak.
Sa pamamagitan ng Anak ay
nilikha ng Diyos ang sansinukob
at siya ang itinalaga niyang
magmay-ari ng lahat ng bagay.
Ang Anak ang maningning na
sinag ng Diyos, sapagkat kung
ano ang Diyos ay gayun din
ang Anak. Siya ang nag-iingat
sa sansinukob sa pamamagitan
ng kanyang makapangyarihang
salita. Pagkatapos niyang linisin
tayo sa ating mga kasalanan,
siya’y lumuklok sa kanan ng
Diyos, ang makapangyarihan
sa lahat.
At kung paanong higit na di-
hamak ang pangalang ibinigay
ng Diyos sa Anak, gayun din,
siya’y higit na di-hamak sa
mga anghel. Sapagkat hindi
kailanman sinabi ng Diyos sa
sinumang anghel, “Ikaw ang
aking Anak! Ako ang iyong
Ama.” Ni hindi rin niya sinabi
sa kaninuman sa mga anghel,
“Ako’y magiging kanyang Ama,
at siya’y magiging Anak ko.”
At nang susuguin na ng Diyos
ang kanyang bugtong na Anak
sa sanlibutan ay sinabi niya,
“Dapat siyang sambahin ng
lahat ng anghel ng Diyos.”
—Ang Salita ng Diyos.
B—Salamat sa Diyos.
Aleluya (Tumayo)
B—Aleluya! Aleluya! Banal na
araw sumikat halina’t sumam­
bang lahat sa nanaog na liwanag.
Aleluya! Aleluya!
Mabuting Balita (Jn 1:1–18)
P — Ang Mabuting Balita ng
Panginoon ayon kay San Juan.
B—Papuri sa iyo, Panginoon.
SA PASIMULA pa’y naroon na
ang Salita. Kasama ng Diyos
ang Salita at ang Salita ay Diyos.
Kasama na siya ng Diyos sa
pasimula pa. Sa pamamagitan
niya nilikha ang lahat ng bagay,
at walang anumang nalikha nang
hindi sa pamamagitan niya. Mula
sa kanya ang buhay, at ang buhay
ay siyang ilaw ng sangkatauhan.
Nagliliwanag sa kadiliman ang
ilaw, at hindi ito kailanman
nagapi ng kadiliman.
Sinugo ng Diyos ang isang tao
na nagngangalang Juan. Naparito
siya upang magpatotoo tungkol
sa ilaw at manalig sa ilaw ang
lahat dahil sa patotoo niya. Hindi
siya ang ilaw kundi naparito
siya upang magpatotoo tungkol
sa ilaw. Ang tunay na ilaw na
tumatanglaw sa lahat ng tao ay
dumarating sa sanlibutan.
Nasa sanlibutan ang Salita.
Nilikha ang sanlibutan sa pama­
magitan niya ngunit hindi siya
nakilala ng sanlibutan. Naparito
siya sa kanyang bayan ngunit
hindi siya tinanggap ng kanyang
mga kababayan. Ngunit ang
lahat ng tumanggap at nanalig
sa kanya ay pinagkalooban niya
ng karapatang maging anak ng
Diyos. Sila nga’y naging anak ng
Diyos, hindi dahil sa isinilang
sila ayon sa kalikasan, ni sa pita
ng laman o sa kagagawan ng
tao. Ang pagiging anak nila ay
buhat sa Diyos.
Naging tao ang Salita at
siya’y nanirahan sa piling natin.
Nakita namin ang kanyang
kapangyarihan at kadakilaan,
puspos ng pag-ibig at katapatan.
Tinanggap niya mula sa Ama ang
kapangyarihan at kadakilaang ito
bilang bugtong na Anak.
Nagpatotoo si Juan tungkol
sa kanya. At ganito ang kanyang
sigaw, “Siya ang tinutukoy ko
nang aking sabihin, ‘Ang darating
na kasunod ko’y higit sa akin,
sapagkat siya’y siya na bago pa
ako ipanganak.’”
Dahil sa siya’y puspos ng pag-
ibig, tayong lahat ay tumanggap
mula sa kanya ng abot-abot na
kaloob. Sapagkat ibinigay ang
Kautusan sa pamamagitan ni
Moises ngunit ang pag-ibig at
ang katotohanan ay dumating
sa pamamagitan ni Hesukristo.
Kailanma’y walang nakakita sa
Diyos, subalit ipinakilala siya
ng bugtong na Anak—siya’y
Diyos—na lubos na minamahal
ng Ama.
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B—Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
NAGKATAWANG-TAO SIYA
(lumuhod hanggang “Santa
Mariang Birhen.”) LALANG NG
ESPIRITU SANTO, IPINANGANAK
NI SANTA MARIANG BIRHEN.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao, nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan sa
lahat. Doon magmumulang paririto
at huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Sa banal na araw na
ito isinilang ang aming
dakilang manunubos. Kami’y
dumadalangin sa iyo, Ama,
upang mapuspos kami ng galak
at kapayapaan. Buong tiwala
kaming dumadalangin:
T—Panginoon, pagpalain mo ang
iyong bayan.
L—Para sa iyong Sambayanan:
maging tagapaghatid nawa ang
lahat ng mananampalataya ng
Liwanag ni Kristo sa daigdig.
Manalangin tayo: (T)
L — Para sa mga pinuno ng
p a m aya n a n : g a b aya n m o
nawa ang kanilang mga
pinaglilingkurang kawan tungo
sa kapayapaan at katarungan.
Maging gabay nawa nila ang
sanggol na Hesus. Manalangin
tayo: (T)
L— Para sa mga nalulungkot,
nagugutom, at may karamdaman:
matulungan nawa sila ng mga
taong may tunay na malasakit
upang maibsan ang kanilang
matinding pinagdaraanan.
Manalangin tayo: (T)
L — Para sa pagwawakas ng
pandemyang hatid ng Covid-19:
supilin nawa ng liwanag ng
pagsilang ni Hesus ang mga nasa
gitna ng dilim at pighati hatid ng
salot na Covid-19. Manalangin
tayo: (T)
L—Para sa lahat ng natitipon
ngayon: ang batang Hesus nawa
ang aming maging matibay na
sandigan, pag-asa, at kalakasan
upang patuloy pa naming maharap
ang mga galak at pagsubok ng
kinabukasan. Manalangin tayo: (T)
L — Sa ilang sandali ng kata-
himikan itaas natin sa Diyos
ang ating personal na kahilingan
gayundin ang mga taong lubos
na nangangailangan ng ating
panalangin (Tumahimik).
Manalangin tayo: (T)
P — Amang mapagmahal, sa
pagsilang kay Hesus, niyakap mo
ang aming pagkatao. Ipagkaloob
mong kami’y maging daan ng
kagalakan at kapayapaang dulot
niya. Hinihiling namin ito sa
pamamagitan niya kasama ng
Espiritu Santo magpaswalang
hanggan.
B—Amen.
PAGDIRIWANG NG
HULING HAPUNAN
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P—Ama naming Lumikha, ang
paghahaing ito ngayong dakilang
kapistahan ng Pasko ng Pagsilang
ng iyong Anak ay iyong kalugdan
bilang ganap na pagsamba at
lubu­s ang pakikipagkasundo
namin sa iyo sa pamamagitan
niya kasama ng Espiritu Santo
magpasawalang hanggan.
B—Amen.
Prepasyo (Pagsilang I)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Panginoon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming maka-
pangyarihan, tunay ngang
marapat na ikaw ay aming
pasalamatan sa pama­magitan ni
Hesukristo na aming Panginoon.
Ang Anak mong di na naiiba
sa amin ay siyang pumawi sa
dilim kaya ngayo’y ikaw ang
aming nababanaagan. Ang Anak
mong di naiiba sa iyo ay siyang
iisang Salita mo. Sa katauhan
niya ang iyong sarili’y aming
nakikita. Sa pamamagitan niya
ang iyong pag-ibig ay kahali-
halina kahit ikaw ay lingid sa
aming mata.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo... (Lumuhod)
Pagbubunyi (Tumayo)
B — Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 98)
Nahayag sa sanlibutan at
namalas kahit saan dito sa lupang
ibabaw ang kaligtasa’t tagumpay
ng Panginoong Maykapal.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
ipagkaloob mong ang sumilang
ngayong Tagapagligtas na
nagdulot sa amin ng muling
pagsilang sa iyong angkan ay
siya rin nawang magkaloob
ng muling pagkabuhay kasama
mo at ng Espiritu Santo mag-
pasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin
ang pagpapala ng Diyos.
(Tumahimik)
Ama naming mapagpala,
isugo mo ang iyong liwanag
upang makamtam ang ibinibigay
ng iyong kagandahang-loob
at maitalaga ng tanan ang
sarili sa paggawa ng mabuti
sa pamamagitan ni Hesukristo
kasama ng Espiritu Santo
magpasawalang hanggan.
B—Amen.
P — Pa g p a l a i n k a y o n g
makapang­yarihang Diyos, Ama
at Anak (†) at Espiritu Santo.
B—Amen.
Pangwakas
P — Tapos na ang Banal na
misa. Humayo kayong taglay
ang kapayapaan upang ang
Panginoon ay mahalin at
paglingkuran.
B—Salamat sa Diyos.
Maligayang Pasko
sa inyong lahat!
Pagpalain po kayo ng
sanggol na si Hesus!
-Sambuhay Missalette Team-