Vanadurga Mantra VidhAnam

వనదుర్గామన్త్రవిధానమ్

Document Information

Text title : vanadurgAmantravidhAnam

File name : vanadurgAmantravidhAnam.itx

Category : devii, pUjA, durgA, devI, mantra

Location : doc_devii

Transliterated by : Parameshwar Puttanmane poornapathi at gmail.com

Proofread by : Parameshwar Puttanmane poornapathi at gmail.com

Latest update : January 8, 2021

Send corrections to : sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

November 30, 2022

sanskritdocuments.org
 Vanadurga Mantra VidhAnam

వనదుర్గామన్త్రవిధానమ్

అథ సఙ్కల్పః ।
మమ సకుటుమ్బస్య సపరివారస్య చ సకలదురితోపశమనార్థం
సమస్తక్షుద్రాద్యాభిచార-దోషనిరాసార్థం దుష్టగ్రహబాధా
నివృత్యర్థం సర్వోపద్రవశాన్త్యర్థం దేహరక్షార్థం స్థలరక్షార్థం
గృహరక్షార్థం విశేషేణ-ఆత్మకలత్రపుత్రపుత్రీభ్రాతౄణాం
విద్యా-ఉద్యోగవివాహసన్తతి-అభ్యుదయప్రతిబన్ధకదోషాణాం నివృత్త్యర్థం
క్షేమస్థైర్యవీర్యవిజయాభ్యుదయాయురారోగ్యానన్ద -ఐశ్వర్యాభివృద్‍ధ్యర్థం
ధర్మార్థకామమోక్షచతుర్విధపురుషార్థసిద్ధ్యర్థం
సర్వదేవతాత్మికా భగవతీ శ్రీవనదుర్గా ప్రీతిద్వారా
సర్వాపచ్ఛాన్తి-పూర్వకదీర్ఘాయుర్విపులధనధాన్యపుత్ర -
పౌత్రాద్యవిచ్ఛిన్నసన్తతివృద్ధిస్థిరలక్ష్మీకీర్తిలాభశత్రుపరాజయా-
ద్యభీష్టఫలసిద్ధ్యర్థం
రాజామాత్యాదిసర్వజనవశీకరణార్థం గోభూగృహధనధాన్యకనకవస్తు
వాహనాదిసకల-సమ్పదభివృద్ధ్యర్థం శ్రీవనదుర్గాప్రీత్యర్థం
వనదుర్గామన్త్రహోమాఖ్యం కర్మ కరిష్యే ॥ ఇతి ॥
అథ జపవిధానమ్ ।
అస్య శ్రీవనదుర్గామన్త్రస్య ఆరణ్యకఋషిః । See End Footnote 1
అనుష్టుప్ఛన్దః । శ్రీవనదుర్గాదేవతా । దుఁ బీజమ్ । స్వాహా శక్తిః ।
శ్రీవనదుర్గాప్రీత్యర్థే జపే వినియోగః ॥
ఉత్తిష్ఠ పురుషి హృదయాయ నమః ।
కిం స్వపిషి శిరసే స్వాహా ।
భయం మే సముపస్థితం శిఖాయై వషట్ ।
యది శక్యమశక్యం వా కవచాయ హుమ్ ।
తన్మే భగవతి నేత్రత్రయాయ వౌషట్ ।
శమయ స్వాహా అస్త్రాయ ఫట్ । ఇతి షడఙ్గన్యాసాః ॥

1
 వనదుర్గామన్త్రవిధానమ్

ఓం భూర్భువస్సువరోమితి దిగ్బన్ధః ॥
అథ ధ్యానమ్ ।
హేమప్రఖ్యామిన్దుఖణ్డాత్తమౌలిం శఙ్ఖారీష్టాం అభీతిహస్తాం త్రిణేత్రామ్ ।
హేమాబ్జస్థాం పీతవస్త్రాం ప్రసన్నాం దేవీం దుర్గాం దివ్యరూపాం నమామి ॥ ఇతి ॥
ఓం ఉత్తిష్ఠ పురుషి కిం స్వపిషి భయం మే సముపస్థితమ్ ।
యది శక్యమశక్యం వా తన్మే భగవతి శమయ స్వాహా ॥
ఇత్యుపద్రవశాన్తిరక్షాప్రధానోఽయం మన్త్రః ॥
అథ మన్త్రోద్ధారః ॥
ఉత్తిష్ఠ పదమాభాష్య పురుషి స్యాత్పదం తతః ।
పితామహః స నేత్రే నః స్వపిషి స్యాద్భయం చ మే ॥
సముపస్థితముచ్చార్య యదిశక్యమనన్తరమ్ ।
అశక్యం వా పునస్తన్మే వదేద్భగవతీం తతః ॥
శమయాగ్నివధూః సప్తత్రింశద్వర్ణాత్మకో మనుః ।
ఋఉషిరాణ్యకశ్ఛన్దోప్యనుష్టుబుదాహృతమ్ ॥
దేవతా వనదుర్గా స్యాత్ సర్వదుర్గవిమఁచనీ ।
షడ్భిశ్చతుర్భిరష్టాభిః షడ్భిరిన్ద్రియైః ॥
మన్త్రార్ణైరఙ్గక్లృప్తిః స్యాజ్జాతియుక్తైర్యథాక్రమమ్ ॥ ఇతి ॥
అథ మన్త్రాన్తరమ్ ॥
సహస్రమన్త్రసారసఙ్గ్రహే, ఆరణ్యక ఈశ్వరఋషిః । అనుష్టుప్ఛన్దః ।
అన్తర్యామీ నారాయణ కిరాతరూపధర ఈశ్వరో వనదుర్గా దేవతా । దుం బీజమ్ ।
హ్రీం శక్తిః । క్లీం కీలకమ్ । సర్వదుఃఖవిమోచనార్థే జపే వినియోగః ॥
ఓం హ్రీం శ్రీం క్లీం దుం ఐం హ్రీం శ్రీం దుం ఉత్తిష్ఠ పురుషి రుద్రతేజో
జ్వలజ్వాలామాలిని హంసిని హ్రాం, హృదయాయ నమః ।
ఓం హ్రీం శ్రీం క్లీం దుం ఐం హ్రీం శ్రీం దుం కిం స్వపిషి బ్రహ్మతేజో
జ్వలజ్వాలామాలిని పద్మిని హ్రీం, శిరసే స్వాహా ।
ఓం హ్రీం శ్రీం క్లీం దుం ఐం హ్రీం శ్రీం దుం భయం మే సముపస్థితం విష్ణుతేజో
జ్వలజ్వాలామాలిని చక్రిణి హ్రూం, శిఖాయై వషట్ ।

2 sanskritdocuments.org
 వనదుర్గామన్త్రవిధానమ్

ఓం హ్రీం శ్రీం క్లీం దుం ఐం హ్రీం శ్రీం దుం యది శక్యమశక్యం వా సూర్యతేజో
జ్వలజ్వాలామాలిని గదిని హ్రైం, కవచాయ హుమ్ ।
ఓం హ్రీం శ్రీం క్లీం దుం ఐం హ్రీం శ్రీం దుం తన్మే భగవతి అగ్నితేజో
జ్వలజ్వాలామాలిని త్రిశూలిని హ్రౌం, నేత్రత్రయాయ వౌషట్ ।
ఓం హ్రీం శ్రీం క్లీం దుం ఐం హ్రీం శ్రీం దుం శమయ స్వాహా
సర్వతేజో జ్వలజ్వాలామాలిని త్రిశూలధారిణి హ్రః, అస్త్రాయ ఫట్ ॥
ఇతి కరషడఙ్గహృదయాదిన్యాసాః ॥
ఓం క్లీం పశు హుం ఫట్ స్వాహా ఇతి దిగ్బన్ధః ॥
అథ ధ్యానమ్ ॥
మహావిద్యాం హృద్యాం సకలదురితధ్వంసనకరీ
పిశాచవ్యాలోగ్రగ్రహరిపుగ్రహోచ్ఛేదన కరీమ్ ।
మహామన్త్రజ్వాలా పఠులపఠు దిగ్బన్ధనకరీం
పఠేద్యః సమ్ప్రాప్తో న్యదఖిలమిహాముష్మికఫలమ్ ॥ ఇతి ॥
ఓం హ్రీం శ్రీం క్లీం దుం ఐం హ్రీం శ్రీం దుం ఉత్తిష్ఠ పురుషి కిం స్వపిషి భయం
మే సముపస్థితం యది శక్యమశక్యం వా తన్మే భగవతి శమయ స్వాహా ॥ ఇతి ॥
సర్వదుఃఖోపద్రవశాన్తి రక్షాప్రధానోఽయం మన్త్రః ॥
అథ వనదుర్గాయన్త్రమ్ ॥
షట్కోణాష్టదలద్వాదశదలచతుర్వింశతి దలాన్విలిఖ్య
తద్బహిర్ద్వివృత్తం చతుర్ద్వారమితి వనదుర్గాపూజాయన్త్రమ్ ।
భూపురద్వయసహితం పద్మం విలిఖ్య సర్వసమృద్‍ధ్యర్థం
పూజయేదితి సహస్రమన్త్ర సారసఙ్గ్రహే ॥
అథ ద్వారపాలపూజా ।
ఓం పూర్వద్వారే ద్వారశ్రియై నమః । ఓం ధాత్రే నమః । ఓం విధాత్రే నమః । ఓం
దక్షిణద్వారే ద్వారశ్రియై నమః । ఓం చణ్డాయ నమః । ఓం ప్రచణ్డాయ నమః ।
ఓం పశ్చిమద్వారే ద్వారశ్రియై నమః । ఓం జయాయ నమః । ఓం విజయాయ నమః ।
ఓం ఉత్తరద్వారే ద్వారశ్రియై నమః । ఓం శఙ్ఖనిధయే నమః । ఓం పుష్పనిధయే
నమః ॥ ఇతి ॥
అథ పీఠ పూజా ।

vanadurgAmantravidhAnam.pdf 3
 వనదుర్గామన్త్రవిధానమ్

ఓం గుం గురుభ్యో నమః । ఓం గం గణపతయే నమః । ఓం ఆధారశక్త్యై నమః ।

ఓం మూలప్రకృత్యై నమః । ఓం ఆదికూర్మాయ నమః । ఓం అనన్తాయ నమః । ఓం
పృథివ్యై నమః । ఓం క్షీరసముద్రాయ నమః । ఓం శ్వేతద్వీపాయ నమః । ఓం
రత్నమణ్డపాయ నమః । ఓం కల్పవృక్షాయ నమః । ఓం శ్వేతచ్ఛత్రాయ నమః ।
ఓం సితచామరాభ్యాం నమః । ఓం రత్నసింహాసనాయ నమః । ఓం ధర్మాయ నమః ।
ఓం జ్ఞానాయ నమః । ఓం వైరాగ్యాయ నమః । ఓం ఐశ్వర్యాయ నమః । ఓం అధర్మాయ
నమః । ఓం అజ్ఞానాయ నమః । ఓం అవైరాగ్యాయ నమః । ఓం ఆనైశ్వర్యాయ నమః ।
ఓం సం సత్వాయ నమః । ఓం రం రజసే నమః । ఓం తం తమసే నమః । ఓం
మం మాయాయై నమః । ఓం విం విద్యాయై నమః । ఓం అం అనన్తాయ నమః । ఓం పం
పద్మాయ నమః । ఓం అం సూర్యమణ్డలాయ నమః । ఓం ఉం సోమమణ్డలాయ నమః ।
ఓం మం వహ్నిమణ్డలాయ నమః । ఓం అం ఆత్మనే నమః । ఓం ఉం అన్తరాత్మనే నమః
।
ఓం మం పరమాత్మనే నమః । ఓం హ్రీం జ్ఞానాత్మనే నమః ॥
ఇతి పీఠం సమ్పూజ్య నవశక్తిపూజాం కుర్యాత్ ॥
ఓం ఆం ప్రభాయై నమః । ఓం ఈం మాయాయై నమః ।
ఓం ఊం జయాయై నమః । ఓం ఏం సూక్ష్మాయై నమః । ఓం ఐం విశుద్ధాయై నమః ।
ఓం ఓం నన్దిన్యై నమః । ఓం ఔం సుప్రభాయై నమః । ఓం అం విజయాయై నమః ।
ఓం అః సర్వసిద్ధిదాయై నమః ॥ ఓం వజ్రనఖదంష్ట్రాయుధాయ మహాసింహాయ
హుం ఫణ్ణమః ॥ ఇతి ॥
అథ షోడశోపచార పూజా ।
అథ ధ్యానమ్ ।
దుర్గాం భగవతీం ధ్యాయేన్మూలమన్త్రాధిదేవతామ్ ।
వాణీం లక్ష్మీం మహాదేవీం మహామాయాం విచిన్తయేత్ ॥
మాహిషఘ్నీం దశభుజాం కుమారీం సింహవాహినీమ్ ।
దానవాంస్తర్జయన్తీం చ సర్వకామదుఘాం శివామ్ ॥
శ్రీ వనదుర్గాయై నమః । ధ్యాయామి ధ్యానం సమర్పయామి ॥
అథావాహనమ్ ।
శ్రీదుర్గాదిరూపేణ విశ్వమావృత్య తిష్ఠతి ।
ఆవాహయామి త్వాం దేవి సమ్యక్ సన్నిహితా భవ ॥

4 sanskritdocuments.org
 వనదుర్గామన్త్రవిధానమ్

శ్రీ వనదుర్గాయై నమః । ఆవాహయామి ఆవాహనం సమర్పయామి ॥

అథాసనమ్ ।
భద్రకాలి నమస్తేఽస్తు భక్తానామీప్సితార్థదే ।
స్వర్ణసింహాసనం చారు ప్రీత్యర్థం ప్రతిగృహ్యతామ్ ॥
శ్రీ వనదుర్గాయై నమః । ఆసనం సమర్పయామి ॥
అథ స్వాగతమ్ ।
సర్వస్వరూపే సర్వేశే సర్వశక్తిసమన్వితే ।
కృతాఞ్జలిపుటో భక్త్యా స్వాగతం కల్పయామ్యహమ్ ॥
శ్రీ వనదుర్గాయై నమః । స్వాగతం సమర్పయామి ॥
అథార్ఘ్యమ్ ।
మహాలక్ష్మి మహామయే మహావిద్యాస్వరూపిణి ।
అర్ఘ్యపాద్యాచమాన్ దేవి గృహాణ పరమేశ్వరి ॥
శ్రీ వనదుర్గాయై నమః । అర్ఘ్య-పాద్య-ఆచమనాని సమర్పయామి ॥
అథ మధుపర్కమ్ ।
దూర్వాఙ్కురసమాయుక్తం గన్ధాదిసుమనోహరమ్ ।
మధుపర్కం మయా దత్తం నారాయణి నమోఽస్తు తే ॥
శ్రీ వనదుర్గాయై నమః । మధుపర్కం సమర్పయామి ॥
అథ పఞ్చామృతస్నానమ్ ।
స్నానం పఞ్చామృతం దేవి భద్రకాలి జగన్మయి ।
భక్త్యా నివేదితం తుభ్యం విశ్వేశ్వరి నమోఽస్తు తే ॥
శ్రీ వనదుర్గాయై నమః । పఞ్చామృతస్నానం సమర్పయామి ॥
అథ శుద్ధోదకస్నానమ్ ।
శుద్ధోదకసమాయుక్తం గఙ్గాసలిలముత్తమమ్ ।
స్నానం గృహాణ దేవేశి భద్రకాలి నమోఽస్తు తే ॥
శ్రీ వనదుర్గాయై నమః । శుద్ధోదకస్నానం సమర్పయామి ॥
అథ వస్త్రమ్ ।
వస్త్రం గృహాణ దేవేశి దేవాఙ్గసదృశం నవమ్ ।

vanadurgAmantravidhAnam.pdf 5
 వనదుర్గామన్త్రవిధానమ్

విశ్వేశ్వరి మహామాయే నారాయణి నమోఽస్తు తే ॥

శ్రీ వనదుర్గాయై నమః । రత్నదుకూలవస్త్రం సమర్పయామి ॥
అథ కఞ్చుకమ్ ।
గోదావరి నమస్తుభ్యం సర్వాభీష్టప్రదాయిని ।
సర్వలక్షణసమ్భూతే దుర్గే దేవి నమోఽస్తు తే ॥
శ్రీ వనదుర్గాయై నమః । రత్నకఞ్చుకం సమర్పయామి ॥
అథ యజ్ఞోపవీతమ్ ।
తక్షకానన్తకర్కోట నాగయజ్ఞోపవీతినే ।
సౌవర్ణం యజ్ఞసూత్రం తే దదామి హరిసేవితే ॥
శ్రీ వనదుర్గాయై నమః । స్వర్ణయజ్ఞోపవీతం సమర్పయామి ॥
అథాభరణమ్ ।
నానారత్నవిచిత్రాఢ్యాన్ వలయాన్ సుమనోహరాన్ ।
అలఙ్కారాన్ గృహాణ త్వం మమాభీష్టప్రదా భవ ॥
శ్రీ వనదుర్గాయై నమః । ఆభరణాని సమర్పయామి ॥
అథ గన్ధః ।
గన్ధం చన్దనసంయుక్తం కుఙ్కుమాదివిమిశ్రితమ్ ।
గృహ్ణీష్వ దేవి లోకేశి జగన్మాతర్నమోఽస్తు తే ॥
శ్రీ వనదుర్గాయై నమః । గన్ధం సమర్పయామి ॥
అథ బిల్వగన్ధః ।
బిల్వవృక్షకృతావాసే బిల్వపత్రప్రియే శుభే ।
బిల్వవృక్షసముద్భూతో గన్ధశ్చ ప్రతిగృహ్యతామ్ ॥
శ్రీ వనదుర్గాయై నమః । బిల్వగన్ధం సమర్పయామి ॥
అథాక్షతాః ।
అక్షతాన్ శుభదాన్ దేవి హరిద్రాచూర్ణమిశ్రితాన్ ।
ప్రతిగృహ్ణీష్వ కౌమారి దుర్గాదేవి నమోఽస్తుతే ॥
శ్రీ వనదుర్గాయై నమః । అక్షతాన్ సమర్పయామి ॥
అథ పుష్పాణి ।

6 sanskritdocuments.org
 వనదుర్గామన్త్రవిధానమ్

మాలతీబిల్వమన్దారకున్దజాతివిమిశ్రితమ్ ।
పుష్పం గృహాణ దేవేశి సర్వమఙ్గలదా భవ ॥
శివపత్ని శివే దేవి శివభక్తభయాపహే ।
ద్రోణపుష్పం మయా దత్తం గృహాణ శివదా భవ ॥
శ్రీ వనదుర్గాయై నమః । నానావిధ పరిమళ పత్రపుష్పాణి సమర్పయామి ॥
అథ అఙ్గపూజా ।
ఓం వారాహ్యై నమః పాదౌ పూజయామి ।
ఓం చాముణ్డాయై నమః జఙ్ఘే పూజయామి ।
ఓం మాహేన్ద్ర్యై నమః జానునీ పూజయామి ।
ఓం వాగీశ్వర్యై నమః ఊరూ పూజయామి ।
ఓం బ్రహ్మాణ్యై నమః గుహ్యం పూజయామి ।
ఓం కాలరాత్ర్యై నమః కటిం పూజయామి ।
ఓం జగన్మాయాయై నమః నాభిం పూజయామి ।
ఓం మాహేశ్వర్యై నమః కుక్షిం పూజయామి ।
ఓం సరస్వత్యై నమః హృదయం పూజయామి ।
ఓం కాత్యాయన్యై నమః కణ్ఠం పూజయామి ।
ఓం శివదూత్యై నమః హస్తాన్ పూజయామి ।
ఓం నారసింహ్యై నమః బాహూన్ పూజయామి ।
ఓం ఇన్ద్రాణ్యై నమః ముఖం పూజయామి ।
ఓం శివాయై నమః నాసికాం పూజయామి ।
ఓం శతాక్ష్యై నమః కర్ణౌ పూజయామి ।
ఓం త్రిపురహన్త్ర్యై నమః నేత్రత్రయం పూజయామి ।
ఓం పరమేశ్వర్యై నమః లలాటం పూజయామి ।
ఓం శాకమ్భర్యై నమః శిరః పూజయామి ।
ఓం కౌశిక్యై నమః సర్వాణి అఙ్గాని పూజయామి ॥
అథ బిల్వపత్రమ్ ।
శ్రీవృక్షమమృతోద్భూతం మహాదేవీ ప్రియం సదా ।
బిల్వపత్రం ప్రయచ్ఛామి పవిత్రం తే సురేశ్వరీ ॥
శ్రీ వనదుర్గాయై నమః । బిల్వపత్రం సమర్పయామి ॥
అథ పుష్పపూజా ।

vanadurgAmantravidhAnam.pdf 7
 వనదుర్గామన్త్రవిధానమ్

ఓం దుర్గాయై నమః తులసీ పుష్పం సమర్పయామి ।

ఓం కాత్యాయన్యై నమః చమ్పకపుష్పం సమర్పయామి ।
ఓం కౌమార్యై నమః జాతీ పుష్పం సమర్పయామి ।
ఓం కాల్యై నమః కేతకీ పుష్పం సమర్పయామి ।
ఓం గౌర్యై నమః కరవీరపుష్పం సమర్పయామి ।
ఓం లక్ష్మ్యై నమః ఉత్పలపుష్పం సమర్పయామి ।
ఓం సర్వమఙ్గలాయై నమః మల్లికాపుష్పం సమర్పయామి ।
ఓం ఇన్ద్రాణ్యై నమః యూథికాపుష్పం సమర్పయామి ।
ఓం సరస్వత్యై నమః కమలపుష్పం సమర్పయామి ।
ఓం శ్రీ భగవత్యై నమః సర్వాణి పుష్పాణి సమర్పయామి ॥
అథావరణదేవతాః ।
ప్రథమావరణదేవతాః ॥
ఓం ఉత్తిష్ఠ పురుషి హృదయాయ నమః ।
ఓం కిం స్వపిషి శిరసే స్వాహా నమః ।
ఓం భయం మే సముపస్థితం శిఖాయై వషణ్ణమః ।
ఓం యది శక్యమశక్యం వా కవచాయ హుం నమః ।
ఓం తన్మే భగవతి నేత్రత్రయాయ వౌషణ్ణమః ।
ఓం శమయ స్వాహా అస్త్రాయ ఫణ్ణమః ॥ ౦౧॥
ద్వితీయావరణ దేవతాః ॥
ఓం ఆర్యాయై నమః । ఓం దుర్గాయై నమః । ఓం భద్రాయై నమః ।
ఓం భద్రకాళ్యై నమః । ఓం అమ్బికాయై నమః । ఓం క్షేమ్యాయై నమః ।
ఓం వేదగర్భాయై నమః । ఓం క్షేమకార్యై నమః ॥ ౦౨॥
తృతీయావరణ దేవతాః ॥ ఓం అరయే నమః । ఓం దరాయ నమః ।
ఓం కృపాణాయ నమః । ఓం ఖేటాయ నమః । ఓం బాణాయ నమః । ఓం ధనుషే నమః
।
ఓం శూలాయ నమః । ఓం కపాలాయ నమః ॥ ౦౩॥
చతుర్థావరణదేవతాః ॥ ఓం బ్రాహ్మ్యై నమః । ఓం మాహేశ్వర్యై నమః । ఓం
కౌమార్యై నమః । ఓం వైష్ణవ్యై నమః । ఓం వారాహ్యై నమః । ఓం ఇన్ద్రాణ్యై
నమః । ఓం చాముణ్డాయై నమః । ఓం మహాలక్ష్మ్యై నమః ॥ ౦౪॥
పఞ్చమావరణ దేవతాః ॥ ఓం ఇన్ద్రాయ నమః । ఓం అగ్నయే నమః ।

8 sanskritdocuments.org
 వనదుర్గామన్త్రవిధానమ్

ఓం యమాయ నమః । ఓం నిరృతయే నమః । ఓం వరుణాయ నమః । ఓం వాయవే

నమః ।
ఓం సోమాయ నమః । ఓం ఈశానాయ నమః । ఓం బ్రహ్మణే నమః ।
ఓం అనన్తాయ నమః ॥ ౦౫॥ ఇతి ॥

॥ శ్రీ దుర్గాష్టోత్తరశతనామావలిః ॥
ఓం సత్యై నమః ।
ఓం సాధ్వ్యై నమః ।
ఓం భవప్రీతాయై నమః ।
ఓం భవాన్యై నమః ।
ఓం భవమోచన్యై నమః ।
ఓం ఆర్యాయై నమః ।
ఓం దుర్గాయై నమః ।
ఓం జయాయై నమః ।
ఓం ఆద్యాయై నమః ।
ఓం త్రినేత్రాయై నమః ।
ఓం శూలధారిణ్యై నమః ।
ఓం పినాకధారిణ్యై నమః ।
ఓం చిత్రాయై నమః ।
ఓం చణ్డఘణ్టాయై నమః ।
ఓం మహాతపాయై నమః ।
ఓం మనరూపాయై నమః ।
ఓం బుద్ధ్యై నమః ।
ఓం అహఙ్కారాయై నమః ।
ఓం చిత్తరూపాయై నమః ।
ఓం చితాయై నమః । ౨౦
ఓం చిత్యై నమః ।
ఓం సర్వమన్త్రమయ్యై నమః ।
ఓం సత్తాయై నమః ।
ఓం సత్యానన్దస్వరూపిణ్యై నమః ।
ఓం అనన్తాయై నమః ।

vanadurgAmantravidhAnam.pdf 9
 వనదుర్గామన్త్రవిధానమ్

ఓం భావిన్యై నమః ।
ఓం భావ్యాయై నమః ।
ఓం భవ్యాయై నమః ।
ఓం అభవ్యాయై నమః ।
ఓం సదాగత్యై నమః ।
ఓం శామ్భవ్యై నమః ।
ఓం దేవమాత్రే నమః ।
ఓం చిన్తాయై నమః ।
ఓం రత్నప్రియాయైసదాయై ? నమః ।
ఓం సర్వవిద్యాయై నమః ।
ఓం దక్షకన్యాయై నమః ।
ఓం దక్షయజ్ఞవినాశిన్యై నమః ।
ఓం అపర్ణాయై నమః ।
ఓం అనేకవర్ణాయై నమః ।
ఓం పాటలాయై నమః । ౪౦
ఓం పాటలావత్యై నమః ।
ఓం పట్టామ్బరపరీధానాయై నమః ।
ఓం కలమఞ్జీరరఞ్జిన్యై నమః ।
ఓం అమేయవిక్రమాయై నమః ।
ఓం క్రూరాయై నమః ।
ఓం సున్దర్యై నమః ।
ఓం సురసున్దర్యై నమః ।
ఓం వనదుర్గాయై నమః ।
ఓం మాతఙ్గ్యై నమః ।
ఓం మతఙ్గమునిపూజితాయై నమః ।
ఓం బ్రాహ్మ్యై నమః ।
ఓం మాహేశ్వర్యై నమః ।
ఓం ఐన్ద్ర్యై నమః ।
ఓం కౌమార్యై నమః ।
ఓం వైష్ణవ్యై నమః ।
ఓం చాముణ్డాయై నమః ।
ఓం వారాహ్యై నమః ।

10 sanskritdocuments.org
 వనదుర్గామన్త్రవిధానమ్

ఓం లక్ష్మ్యై నమః ।
ఓం పురుషాకృత్యై నమః ।
ఓం విమలాయై నమః । ౬౦
ఓం ఉత్కర్షిణ్యై నమః ।
ఓం జ్ఞానాయై నమః ।
ఓం క్రియాయై నమః ।
ఓం నిత్యాయై నమః ।
ఓం బుద్ధిదాయై నమః ।
ఓం బహులాయై నమః ।
ఓం బహులప్రేమాయై నమః ।
ఓం సర్వవాహనవాహనాయై నమః ।
ఓం నిశుమ్భశుమ్భహనన్యై నమః ।
ఓం మహిషాసురమర్దిన్యై నమః ।
ఓం మధుకైటభహన్త్ర్యై నమః ।
ఓం చణ్డముణ్డవినాశిన్యై నమః ।
ఓం సర్వాసురవినాశాయై నమః ।
ఓం సర్వదానవఘాతిన్యై నమః ।
ఓం సర్వశాస్త్రమయ్యై నమః ।
ఓం సత్యాయై నమః ।
ఓం సర్వాస్త్రధారిణ్యై నమః ।
ఓం అనేకశస్త్రహస్తాయై నమః ।
ఓం అనేకాస్త్రధారిణ్యై నమః ।
ఓం కుమార్యై నమః । ౮౦
ఓం ఏకకన్యాయై నమః ।
ఓం కైశోర్యై నమః ।
ఓం యువత్యై నమః ।
ఓం యత్యై నమః ।
ఓం అప్రౌఢాయై నమః ।
ఓం ప్రౌఢాయై నమః ।
ఓం వృద్ధమాత్రే నమః ।
ఓం బలప్రదాయై నమః ।
ఓం మహోదర్యై నమః ।

vanadurgAmantravidhAnam.pdf 11
 వనదుర్గామన్త్రవిధానమ్

ఓం ముక్తకేశ్యై నమః ।
ఓం ఘోరరూపాయై నమః ।
ఓం మహాబలాయై నమః ।
ఓం అగ్నిజ్వాలాయై నమః ।
ఓం రౌద్రముఖ్యై నమః ।
ఓం కాలరాత్ర్యై నమః ।
ఓం తపస్విన్యై నమః ।
ఓం నారాయణ్యై నమః ।
ఓం భద్రకాల్యై నమః ।
ఓం విష్ణుమాయాయై నమః ।
ఓం జలోదర్యై నమః । ౧౦౦
ఓం శివదూత్యై నమః ।
ఓం కరాల్యై నమః ।
ఓం అనన్తాయై నమః ।
ఓం పరమేశ్వర్యై నమః ।
ఓం కాత్యాయన్యై నమః ।
ఓం సావిత్ర్యై నమః ।
ఓం ప్రత్యక్షాయై నమః ।
ఓం బ్రహ్మవాదిన్యై నమః । ౧౦౮
॥ ఇతి శ్రీదుర్గాష్టోత్తరశతనామావలిః సమాప్తా ॥
అథ ధూపః ।
సగుగ్గుల్వగరూశీరగన్ధాదిసుమనోహరమ్ ।
ధూపం గృహాణ దేవేశి దుర్గే దేవి నమోఽస్తు తే ॥
శ్రీ వనదుర్గాయై నమః । ధూపమాఘ్రాపయామి ॥
అథ దీపః ।
పట్టసూత్రోల్లసద్వర్తి గోఘృతేన సమన్వితమ్ ।
దీపం జ్ఞానప్రదం దేవి గృహాణ పరమేశ్వరీ ॥
శ్రీ వనదుర్గాయై నమః । దీపం దర్శయామి ॥
అథ నైవేద్యమ్ ।
జుషాణ దేవి నైవేద్యం నానాభక్ష్యైః సమన్వితమ్ ।

12 sanskritdocuments.org
 వనదుర్గామన్త్రవిధానమ్

పరమాన్నం మయా దత్తం సర్వాభీష్టం ప్రయచ్ఛ మే ॥

శ్రీ వనదుర్గాయై నమః । మహానైవేద్యం సమర్పయామి ॥
అథ పానీయమ్ ।
గఙ్గాదిసలిలోద్భూతం పానీయం పావనం శుభమ్ ।
స్వాదూదకం మయా దత్తం గృహాణ పరమేశ్వరీ ॥
శ్రీ వనదుర్గాయై నమః । అమృతపానీయం సమర్పయామి ॥
అథ తామ్బూలమ్ ।
పూగీఫలసమాయుక్తం నాగవల్లీదలైర్యుతమ్ ।
కర్పూరచూర్ణసంయుక్తం తామ్బూలం ప్రతిగృహ్యతామ్ ॥
శ్రీ వనదుర్గాయై నమః । తామ్బూలం సమర్పయామి ॥
అథ నీరాజనమ్ ।
పట్టిసూత్రవిచిత్రాఢ్యైః ప్రభామణ్డలమణ్డితైః ।
దీపైర్నీరాజయే దేవీం ప్రణవాద్యైశ్చ నామభిః ॥
శ్రీ వనదుర్గాయై నమః । దివ్యమఙ్గలనీరాజనం సమర్పయామి ॥
అథ మన్త్రపుష్పమ్ ।
గన్ధపుష్పాక్షతైర్యుక్తమఞ్జలీకరపూరకైః ।
మహాలక్ష్మి నమస్తేఽస్తు మన్త్రపుష్పం గృహాణ భో ॥
శ్రీ వనదుర్గాయై నమః । వేదోక్త మన్త్రపుష్పం సమర్పయామి ॥
అథ ప్రదక్షిణనమస్కారః ।
మహాదుర్గే నమస్తేఽస్తు సర్వేష్టఫలదాయిని ।
ప్రదక్షిణాం కరోమి త్వాం ప్రీయతాం శివవల్లభే ॥
శ్రీ వనదుర్గాయై నమః । ప్రదక్షిణనమస్కారాన్ సమర్పయామి ॥
అథ ప్రసన్నార్ఘ్యమ్ ।
సర్వస్వరూపే సర్వేశే సర్వశక్తిసమన్వితే ।
బిల్వార్ఘ్యం చ మయా దత్తం దేవేశి ప్రతిగృహ్యతామ్ ॥ ౧॥
జ్ఞానేశ్వరి గృహాణేదం సర్వసౌఖ్యవివర్ధిని ।
గృహాణార్ఘ్యం మయా దత్తం దేవేశి వరదా భవ ॥ ౨॥

vanadurgAmantravidhAnam.pdf 13
 వనదుర్గామన్త్రవిధానమ్

శ్రీ వనదుర్గాయై నమః । బిల్వపత్రార్ఘ్యం సమర్పయామి ॥

అథ ప్రార్థనా ।
న ధ్యాతం తవ చాస్యమమ్బ రుచిరం చేతస్సమాకర్షణం,
నో మన్త్రస్తవ దేవి నిర్జనవనే స్థిత్వా ప్రజప్తో మయా ।
నో పూజా హ్యపి వేదశాస్త్రవిహితా పఞ్చామృతాద్యైః కృతా,
లోకే కేవలమేవ దేవి శరణం మాతస్త్వమేకాస్తి మే ॥
దేవి దేహి పరం రూపం దేవి దేహి పరం సుఖమ్ ।
ధర్మం దేహి ధనం దేహి సర్వకామాంశ్చ దేహి మే ॥
సుపుత్రాంశ్చ పశూన్ కోశాన్ సుక్షేత్రాణి సుఖాని చ ।
దేవి దేహి పరం జ్ఞానమిహ ముక్తి సుఖం కురు ॥
అపరాధ సహస్రాణి క్రియన్తేఽహర్నిశం మయా ।
దాసోఽయమితి మాం మత్వా క్షమస్వ పరమేశ్వరి ॥
ఆవాహనం న జానామి న జానామి విసర్జనమ్ ।
పూజావిధిం న జానామి క్షమస్వ పరమేశ్వరి ॥
అపరాధశతం కృత్వా జగదమ్బేతి చోచ్చరేత్ ।
యాం గతిం సమవాప్నోతి నతాం బ్రహ్మాదయః సురాః ॥
సాపరాధోఽస్మి శరణం ప్రాప్తస్త్వాం జగదమ్బికే ।
ఇదానీమనుకమ్ప్యోఽహం యథేచ్ఛసి తథా కురు ॥
అజ్ఞానాద్విస్మృతేర్భ్రాన్త్యా యన్న్యూనమధికం కృతమ్ ।
తత్సర్వం క్షమ్యతాం దేవి ప్రసీద పరమేశ్వరి ॥
కామేశ్వరి జగన్మాతః సచ్చిదానన్దవిగ్రహే ।
గృహాణార్చామిమాం ప్రీత్యా ప్రసీద పరమేశ్వరి ॥
ప్రసీదతాం జాతవేదా దుర్గా చ వరదా మమ ।
తయోః ప్రసాదాత్సర్వత్ర వాఞ్ఛితం మమ సిద్‍ధ్యతాత్ ॥
ప్రీయతాం జాతవేదోఽగ్నిః సఫలం చాస్తు మే వ్రతమ్ ।
మన్త్రోఽయం ఫలతాం శీఘ్రం సిద్ధిశ్చైవాస్తు శాశ్వతీ ॥ ఇతి ॥
శ్రీ వనదుర్గాయై నమః । ప్రార్థనాం సమర్పయామి ॥

14 sanskritdocuments.org
 వనదుర్గామన్త్రవిధానమ్

అథ పురశ్చరణమ్ ।
సౌవర్ణామ్బుజమధ్యగాం త్రిణయనాం సౌదామినీ సన్నిభాం
చక్రం శఙ్ఖవరాభయాని దధతీమిన్దోః కలాం బిభ్రతీమ్ ।
గ్రైవేయాఙ్గదహారకుణ్డలధరామాఖణ్డలాద్యైస్తుతాం
ధ్యాయॅద్విన్ధ్యనివాసినీం శశిముఖీం పార్శ్వస్థపఞ్చాననామ్ ॥
ఏవం ధ్యాత్వా జపేల్లక్షం చతుష్కం తద్దశాంశతః ।
జుహుయాద్ధవిషా మన్త్రీ శాలీభిః సర్పిషా తిలైః ॥ ఇతి ॥
తత్ర ప్రయోగాః ॥
౧ చతుర్లక్షం జపః వ్రీహితిలాజ్యహవిర్భిర్దశాంశం పురశ్చరణహోమః ।
౨ స్నాత్వార్కాభిముఖస్సన్నాభిద్వయసేఽమ్భసి స్థితో మన్త్రీ అష్టోర్ధ్వశతం
ప్రజపేన్నిజ-వాఞ్ఛితసిద్ధయే చ లక్ష్మ్యై ।
౩ అయుతం తిలవనోత్థైః రాజీభిర్వా హునేత్సమిద్భిర్వా
మాయూరికీభిరచిరాత్సోఽపస్మారాదికాంశ్చ నాశయతి ।
౪ జుహుయాద్రోహిణసమిధామయుతం మన్త్రీ పునస్సశుఙ్గానాం సర్వాపదాం విముక్త్యై
సర్వసమృద్‍ధ్యై గ్రహాదిశాన్త్యై చ ।
౫ జపేల్లక్షచతుష్కం జుహుయాద్ధవిషా మన్త్రీ గాలిభిస్సర్పిషా తిలైః ॥ ఇతి ॥

అథ శ్రీరుద్రచణ్డీ కవచమ్ ॥
శ్రీకార్తికేయ ఉవాచ ।
కవచం చణ్డికాదేవ్యాః శ్రోతుమిచ్ఛామి తే శివ! ।
యది తేఽస్తి కృపా నాథ! కథయస్వ జగత్ప్రభో ! ॥ ౧॥
శ్రీశివ ఉవాచ ।
శ‍ృణు వత్స ! ప్రవక్ష్యామి చణ్డికాకవచం శుభమ్ ।
భుక్తిముక్తిప్రదాతారమాయుష్యం సర్వకామదమ్ ॥ ౨॥
దుర్లభం సర్వదేవానాం సర్వపాపనివారణమ్ ।
మన్త్రసిద్ధికరం పుంసాం జ్ఞానసిద్ధికరం పరమ్ ॥ ౩॥
శ్రీరుద్ర చణ్డికాకవచస్య శ్రీభైరవ ఋషిః, అనుష్టుప్ఛన్దః,
శ్రీచణ్డికా దేవతా, చతుర్వర్గఫలప్రాప్త్యర్థం పాఠే వినియోగః ॥

vanadurgAmantravidhAnam.pdf 15
 వనదుర్గామన్త్రవిధానమ్

అథ కవచస్తోత్రమ్ ।
చణ్డికా మేఽగ్రతః పాతు ఆగ్నేయ్యాం భవసున్దరీ ।
యామ్యాం పాతు మహాదేవీ నైరృత్యాం పాతు పార్వతీ ॥ ౧॥
వారుణే చణ్డికా పాతు చాముణ్డా పాతు వాయవే ।
ఉత్తరే భైరవీ పాతు ఈశానే పాతు శఙ్కరీ ॥ ౨॥
పూర్వే పాతు శివా దేవీ ఊర్ధ్వే పాతు మహేశ్వరీ ।
అధః పాతు సదాఽనన్తా మూలాధార నివాసినీ ॥ ౩॥
మూర్ధ్ని పాతు మహాదేవీ లలాటే చ మహేశ్వరీ ।
కణ్ఠే కోటీశ్వరీ పాతు హృదయే నలకూబరీ ॥ ౪॥
నాభౌ కటిప్రదేశే చ పాయాల్లమ్బోదరీ సదా ।
ఊర్వోర్జాన్వోః సదా పాయాత్ త్వచం మే మదలాలసా ॥ ౫॥
ఊర్ధ్వే పార్శ్వే సదా పాతు భవానీ భక్తవత్సలా ।
పాదయోః పాతు మామీశా సర్వాఙ్గే విజయా సదా ॥ ౬॥
రక్త మాంసే మహామాయా త్వచి మాం పాతు లాలసా ।
శుక్రమజ్జాస్థిసఙ్ఘేషు గుహ్యం మే భువనేశ్వరీ ॥ ౭॥
ఊర్ధ్వకేశీ సదా పాయాన్ నాడీ సర్వాఙ్గసన్ధిషు ।
ఓం ఐం ఐం హ్రీం హ్రీం చాముణ్డే స్వాహామన్త్రస్వరూపిణీ ॥ ౮॥
ఆత్మానం మే సదా పాయాత్ సిద్ధవిద్యా దశాక్షరీ ।
ఇత్యేతత్ కవచం దేవ్యాశ్చణ్డికాయాః శుభావహమ్ ॥ ౯॥
అథఫలశ్రుతిః ।
గోపనీయం ప్రయత్నేన కవచం సర్వసిద్ధిదమ్ ।
సర్వరక్షాకరం ధన్యం న దేయం యస్య కస్యచిత్ ॥ ౧౦॥
అజ్ఞాత్వా కవచం దేవ్యా యః పఠేత్ స్తవముత్తమమ్ ।
న తస్య జాయతే సిద్ధిర్బహుధా పఠనేన చ ॥ ౧౧॥
ధృత్వైతత్ కవచం దేవ్యా దివ్యదేహధరో భవేత్ ।
అధికారీ భవేదేతచ్చణ్డీపాఠేన సాధకః ॥ ౧౨॥
ఇతి శ్రీరుద్రయామలతన్త్రే శ్రీశివకార్తికేయసంవాదే రుద్రచణ్డీకవచం సమ్పూర్ణమ్ ॥

16 sanskritdocuments.org
 వనదుర్గామన్త్రవిధానమ్

అథ వనదుర్గాష్టోత్తరశతనామ స్తోత్రమ్ ॥
అస్యశ్రీ దుర్గాష్టోత్తరశతనామాస్తోత్రమాలామన్త్రస్య,
బ్రహ్మావిష్ణుమహేశ్వరాః ఋషయః, అనుష్టుప్ఛన్దః,
శ్రీదుర్గాపరమేశ్వరీ దేవతా । హ్రాం బీజం, హ్రీం శక్తిః, హ్రూం కీలకమ్ ।
సర్వాభీష్టసిధ్యర్థే జపే వినియోగః ॥
ఓం సత్యా సాధ్యా భవప్రీతా భవానీ భవమోచనీ ।
ఆర్యా దుర్గా జయా చాధ్యా త్రిణేత్రాశూలధారిణీ ॥
పినాకధారిణీ చిత్రా చణ్డఘణ్టా మహాతపాః ।
మనో బుద్ధి రహఙ్కారా చిద్రూపా చ చిదాకృతిః ॥
అనన్తా భావినీ భవ్యా హ్యభవ్యా చ సదాగతిః ।
శామ్భవీ దేవమాతా చ చిన్తా రత్నప్రియా తథా ॥
సర్వవిద్యా దక్షకన్యా దక్షయజ్ఞవినాశినీ ।
అపర్ణాఽనేకవర్ణా చ పాటలా పాటలావతీ ॥
పట్టామ్బరపరీధానా కలమఞ్జీరరఞ్జినీ ।
ఈశానీ చ మహారాజ్ఞీ హ్యప్రమేయపరాక్రమా ।
రుద్రాణీ క్రూరరూపా చ సున్దరీ సురసున్దరీ ॥
వనదుర్గా చ మాతఙ్గీ మతఙ్గమునికన్యకా ।
బ్రాహ్మీ మాహేశ్వరీ చైన్ద్రీ కౌమారీ వైష్ణవీ తథా ॥
చాముణ్డా చైవ వారాహీ లక్ష్మీశ్చ పురుషాకృతిః ।
విమలా జ్ఞానరూపా చ క్రియా నిత్యా చ బుద్ధిదా ॥
బహులా బహులప్రేమా మహిషాసురమర్దినీ ।
మధుకైఠభ హన్త్రీ చ చణ్డముణ్డవినాశినీ ॥
సర్వశాస్త్రమయీ చైవ సర్వధానవఘాతినీ ।
అనేకశస్త్రహస్తా చ సర్వశస్త్రాస్త్రధారిణీ ॥
భద్రకాలీ సదాకన్యా కైశోరీ యువతిర్యతిః ।
ప్రౌఢాఽప్రౌఢా వృద్ధమాతా ఘోరరూపా మహోదరీ ॥
బలప్రదా ఘోరరూపా మహోత్సాహా మహాబలా ।

vanadurgAmantravidhAnam.pdf 17
 వనదుర్గామన్త్రవిధానమ్

అగ్నిజ్వాలా రౌద్రముఖీ కాలారాత్రీ తపస్వినీ ॥

నారాయణీ మహాదేవీ విష్ణుమాయా శివాత్మికా ।
శివదూతీ కరాలీ చ హ్యనన్తా పరమేశ్వరీ ॥
కాత్యాయనీ మహావిద్యా మహామేధాస్వరూపిణీ ।
గౌరీ సరస్వతీ చైవ సావిత్రీ బ్రహ్మవాదినీ ।
సర్వతత్త్వైకనిలయా వేదమన్త్రస్వరూపిణీ ॥
ఇదం స్తోత్రం మహాదేవ్యాః నామ్నాం అష్టోత్తరం శతమ్ ।
యః పఠేత్ ప్రయతో నిత్యం భక్తిభావేన చేతసా ।
శత్రుభ్యో న భయం తస్య తస్య శత్రుక్షయం భవేత్ ।
సర్వదుఃఖదరిద్రాచ్చ సుసుఖం ముచ్యతే ధ్రువమ్ ॥
విద్యార్థీ లభతే విద్యాం ధనార్థీ లభతే ధనమ్ ।
కన్యార్థీ లభతే కన్యాం కన్యా చ లభతే వరమ్ ॥
ఋణీ ఋణాత్ విముచ్యేత హ్యపుత్రో లభతే సుతమ్ ।
రోగాద్విముచ్యతే రోగీ సుఖమత్యన్తమశ్నుతే ॥
భూమిలాభో భవేత్తస్య సర్వత్ర విజయీ భవేత్ ।
సర్వాన్కామానవాప్నోతి మహాదేవీప్రసాదతః ॥
కుఙ్కుమైః బిల్వపత్రైశ్చ సుగన్ధైః రక్తపుష్పకైః ।
రక్తపత్రైర్విశేషేణ పూజయన్భద్రమశ్నుతే ॥ ఇతి ॥

॥ దుర్గా ఆపదుద్ధారాష్టకమ్ ॥
నమస్తే శరణ్యే శివే సానుకమ్పే నమస్తే జగద్వ్యాపికే విశ్వరూపే ।
నమస్తే జగద్వన్ద్యపాదారవిన్దే నమస్తే జగత్తారిణి త్రాహి దుర్గే ॥ ౧॥
నమస్తే జగచ్చిన్త్యమానస్వరూపే నమస్తే మహాయోగివిజ్ఞానరూపే ।
నమస్తే నమస్తే సదానన్ద రూపే నమస్తే జగత్తారిణి త్రాహి దుర్గే ॥ ౨॥
అనాథస్య దీనస్య తృష్ణాతురస్య భయార్తస్య భీతస్య బద్ధస్య జన్తోః ।
త్వమేకా గతిర్దేవి నిస్తారకర్త్రీ నమస్తే జగత్తారిణి త్రాహి దుర్గే ॥ ౩॥
అరణ్యే రణే దారుణే శుత్రుమధ్యే జలే సఙ్కటే రాజగ్రేహే ప్రవాతే ।
త్వమేకా గతిర్దేవి నిస్తార హేతుర్నమస్తే జగత్తారిణి త్రాహి దుర్గే ॥ ౪॥

18 sanskritdocuments.org
 వనదుర్గామన్త్రవిధానమ్

అపారే మహదుస్తరేఽత్యన్తఘోరే విపత్ సాగరే మజ్జతాం దేహభాజామ్ ।

త్వమేకా గతిర్దేవి నిస్తారనౌకా నమస్తే జగత్తారిణి త్రాహి దుర్గే ॥ ౫॥
నమశ్చణ్డికే చణ్డోర్దణ్డలీలాసముత్ఖణ్డితా ఖణ్డలాశేషశత్రోః ।
త్వమేకా గతిర్విఘ్నసన్దోహహర్త్రీ నమస్తే జగత్తారిణి త్రాహి దుర్గే ॥ ౬॥
త్వమేకా సదారాధితా సత్యవాదిన్యనేకాఖిలా క్రోధనా క్రోధనిష్ఠా ।
ఇడా పిఙ్గలా త్వం సుషుమ్నా చ నాడీ నమస్తే జగత్తారిణి త్రాహి దుర్గే ॥ ౭॥
నమో దేవి దుర్గే శివే భీమనాదే సదాసర్వసిద్ధిప్రదాతృస్వరూపే ।
విభూతిః సతాం కాలరాత్రిస్వరూపే నమస్తే జగత్తారిణి త్రాహి దుర్గే ॥ ౮॥
శరణమసి సురాణాం సిద్ధవిద్యాధరాణాం మునిదనుజవరాణాం వ్యాధిభిః పీడితానామ్ ।
నృపతిగృహగతానాం దస్యుభిస్త్రాసితానాం త్వమసి శరణమేకా దేవి దుర్గే ప్రసీద ॥ ౯॥
॥ ఇతి సిద్ధేశ్వరతన్త్రే హరగౌరీసంవాదే ఆపదుద్ధారాష్టకస్తోత్రం సమ్పూర్ణమ్ ॥
సఙ్గ్రాహకః
విద్వాన్ పరమేశ్వర భట్టః
పుట్టనమనే

Encoded and proofread by Parameshwar Puttanmane poornapathi at gmail.com

Vanadurga Mantra VidhAnam

pdf was typeset on November 30, 2022

Please send corrections to sanskrit@cheerful.com

vanadurgAmantravidhAnam.pdf 19