Alejandro Fernández-Osorio

Magaya

(Impronta, 2014)

[…]
Toi equí pol instante eternu que ye forzar la memoria y retener el frío entrando pela
puerta abierta que defende’l pirru coles oreyes tieses.
[…]

[…]
Nun soi yo’l que va mudar esta historia, non d’esta manera.

[…] Hai qu’andar con cuida opa nun machucales, por eso val más llevanar tapinos (la
yerba equí da gustu vela medrar), que perder una mazana por tar pensando nel orixe del
home, nel paqué de la lliteratura.
[…]

[…] l’agua y esi cayer constante cumpliendo’l propósito de bendecinos, ella sola ensin
dios, a fuerza de deprender a querela, cadún cola so manera d’entendelo, colos sos
cantares; que, por unu o por otru, ponse a orbayar y equí nun ye como per allá, equí nun
para.

[…] como si fora necesariu tenese ente les manes pa conocese dende dientro.

[…]
Asina tien la nuesa tierra a traviés del so sangre, ensin priesa, baxo’l filu llentu, ensin
aprietar casí, namás del pesu del so frutu.

[…] pensé n’afogame dientro, morrer onde se naz, calláu, ensin neguna fala que me
confunda les coses y les esconda nun orde que nun existe, como’l tiempo, o l’espaciu, o
la patria.
[…] Cada cosa termina por tornar al su orixe; otra llei, supongo.

LA MAGAYA tirá como un teta vieya al cielu, enbocarriba enfrentando l’augua y

dexándose calar, cuerpo ensin valor, ta emburriada contra la tierra y escosada yá.
Volvamos pa en casa, a la de mentira, a la otra onde nun hai mitu nin memoria, la que
acovece pero nun alimenta.