Professional Documents
Culture Documents
Κανονάριον εις Κεκοιμημένους-1
Κανονάριον εις Κεκοιμημένους-1
(Crypt. gr. Γ. β. V- Γ. α. XXV ἔτ. 1019, φφ. Ιδ΄ β-ιζ΄ β ἤ 1β, Vat. gr. 1836 XI- XII
αἰ., φφ. 133α-139α., Messin. Bibl. Univ. S. Salvat. gr. 153 XL αἰ.)
Τῆς ἀπειλῆς * λύτρωσαι τοῦ αἰωνίου πυρὸς * τὸν μεταστάντα δοῦλόν σου * καὶ
καταξίωσον * τῆς ἀῤῥήτου σου δόξης * γενέσθαι κληρονόμον * εὔσπλαγχνε Κύριε.
Θεοτοκίον.
Ζῶσα πηγὴ * πέφυκας, Παρθενομῆτορ ἁγνὴ * τὸν ἀρχηγὸν γεννήσασα πάσης τῆς
κτίσεως * τὴν ζωὴν τῶν ἁπάντων, δροσίζουσα τοὺς πίστει θεολογοῦντάς σε.
Θεοτοκίον.
Συναυλίζεσθαι Κύριε * τοῖς δεξιοῖς * ἀξίωσον προβάτοις * τὸν πιστόν ἱκέτην σου
ὡς φιλάνθρωπος.
Νυμφευθέντα σοι πνεύματι * καὶ τῇ σαρκὶ Χριστὲ λαμπαδηφόρον * ἀδελφὸν
εὐδόκησον ὡς φιλάνθρωπος.
Θεοτοκίον.
Ὑπὲρ χρυσίον πολύ * καὶ ὑπὲρ μέλι καὶ κηρὸν Δέσποτα * ταῖς ἐντολαῖς * ταῖς
σαῖς ἐνετρύφα * ἐν πίστει ἀκλινῇ * ὁ δοῦλός σου ἔνθεν * τῆς δόξης σου ἔτυχεν.
Θεοτοκίον.
Θεοτοκίον.
Ἰδοὺ ἀδελφοὶ πάντα κόνις καὶ σκιὰ τὰ ἐν τῷ βίῳ τερπνά * ὥσπερ γὰρ ὄναρ *
εὐληθάργητον * οὕτως ἐστὶν ἡ ζωὴ ἡμῶν * δάκρυσιν οὖν τῆς συμπαθείας * τὸν Θεὸν
ἱκετεύσατε * ἡμῖν βοᾷ ὁ μεταστὰς τοῦ ἀναπαῦσαί με.
Θεοτοκίον.
Μετὰ δικαίων ὡς Θεὸς τὴν ψυχὴν τοῦ μεταστάντος ἐκ τοῦ βίου * κατατάξας
παράσχου ἀγαλλόμενος δι’ ἀγγέλοις ἀεὶ συγχορεύειν σοι * αἶνον προσφέρειν εἰς
πάντας τοὺς αἰῶνας.
Νεκρῶν καὶ ζώντων ὁ Θεὸς * ὁ δεσπόζων πᾶσαν πνοὴν * καὶ σώζει τῶν βασάνων
οὓς θέλει * καὶ μάλιστα τοὺς πόθῳ * τὴν αὐτοῦ προσκυνοῦντας * μόρφωσιν ἐν τύποις
* μεθ᾿ οὓς ἀνυμνοῦμεν.
Τριαδικόν.
Ἄναρχε ἀκτιστε Τριάς * ἡ ἀκήρατος φύσις * ἡ ἐν Πᾳτρί τε καὶ Υἱῷ καὶ Πνεύματι
ὁμοῦ * προσκυνουμένη σεπτῶς * καὶ αἰνουμένη πιστῶς * τὸν ἐν πίστει σωτήριον
οἶκον * δομήσαντα ἐν γῆ οὐρανίοις σκηναῖς σου * τοῦτον ἀναπαῦσον.
Θεοτοκίον.
Χαῖρε ἁγία ἁγίων * χαῖρε ἄνασσα αὔθις * χαῖρε πασῶν τιμιωτέρα τῶν δυνάμεων
ἁγνή * χαῖρε τῶν δογμάτων * ὄντως κεφάλαιον * δι’ ἧς ἔγνωμεν πάντες * φανέντα
ὑμνεῖν * ἐν τρισὶν τοῖς προσώποις μίαν θεότητα.
Τὸν πίστει μονάσαντα ὁ Θεὸς * καὶ βίον λιπόντα * συναφείας τῆς κοσμικῆς * τὸν
πόθῳ σου Λόγε μεταστάντα * τῆς βασιλείας σου τούτου ἀξίωσον.
Τοῦ κόσμου τὴν ἄρνησιν ὁ Θεός * θυσίαν ἐν πίστει * σοὶ προσήνεγκεν ὁ Θεός *
ὁ δοῦλός σου Λόγε ὃν καὶ σῶσον * καὶ εἵ τι ἥμαρτε οὗτος συγχώρησον.
Θεοτοκίον.
Καὶ τίκτεις Παρθένε ὑπερφυῶς * καὶ μένεις παρθένος * ὡς πρὸ τόκου θεοπρεπῶς
* ζωὴν γὰρ ἐγέννησας τὴν πάντων * νεκρῶν καὶ ζώντων ἀεὶ κυριεύουσαν.
Ἔθυσεν * ὡς θυσίαν ἁγίαν * σοι τῷ Θεῷ καὶ Πατρί * τοὺς καρποὺς τῆς ὀσφῦος *
ὁ δοῦλός σου ὃν ἀνάπαυσον.
Κύριε * ἐν χορῷ τῶν ἁγίων * καὶ μοναστῶν ἱερῶν * τὸν ἱκέτην σου δεῖξον *
μονάσαντα ἐν τῷ τέλει πιστῶς.
Θεοτοκίον.
Ἄνοιξον τῷ δούλῳ σου * τὴν τοῦ ἐλέους σου εὔσπλαγχνε * πύλην Χριστὲ * καὶ
τῆς βασιλείας * κληρονόμον ἀνάδειξον.
Θεοτοκίον.
Θεοτοκίον.
Μαρτυρεῖ σου ἡ γέννησις * ἄχραντε Μαρία * τὴν θείαν κύησιν * καὶ τεκοῦσα
γὰρ παρθένος ὡς πρίν * καὶ θανοῦσα ὤφθης * πάλιν ζῶσα ἁγνή.
Θεοτοκίον.
Ἐν οἴκῳ τῆς Μητρός σου εὐσεβῶς * μονάσαντα Κύριε * τὸν δοῦλόν σου
πρόσδεξαι * μεταστάντα ἐν αὐτῇ ὡς φιλάνθρωπος.
Προσῆλθεν σοι ἐκ πόθου ὁλικῶς * ὁ δοῦλός σου Κύριε * πάντα προθύσας σοι *
ὡς θυσίαν λογικήν * ἥν * καὶ πρόσδεξαι.
Θεοτοκίον.
Ὡς φυγόντα τοῦ κόσμου * ματαιότητος πᾶσαν * τὸν σὸν ἱκέτην Σωτήρ * καὶ βίον
ἁγνοσύνης * ἀράμενον παράσχου τοῦ φυγεῖν ἐκ τῆς κρίσεως * καὶ μεταστάντα αὐτόν
* Χριστὲ ἐλέησον.
Τῇ ῥοπῇ τοῦ ἐλέους * τῆς σῆς φιλανθρωπίας Δέσποτα Κύριε * τὸ πῦρ τὸ τῆς
γεέννης * κατάσβεσον καὶ σῶσον * τὸν ἱκέτην σου Λόγε Θεοῦ * μνησθεὶς ἐλέους
αὐτοῦ * τῆς μεταδόσεως.
Θεοτοκίον. *
Δεδοικότες * τὴν ὥραν τοῦ θανάτου * καὶ τὴν κρίσιν * τὴν ἄστεκτον ἐκείνην *
τῷ κοιμηθέντι πίστει ἐξαιτήσωμεν * ἱλασμὸν πταισμάτων * καὶ τῆς βασιλείας *
τυχεῖν εἰς τοὺς αἰῶνας.
Θεοτοκίον.
Ὁ καρπός σου * ζωὴ ἐδείχθη πᾶσιν * καὶ θανάτῳ * εἰκότως σου χειροῦσαι * διὸ
παρθένος ἔμεινας γεννήσασα * καὶ θανοῦσα πάλιν * ζῶσα διαμένεις * ἁγνὴ
Θεοκυῆτορ.
Θεοτοκίον.
Σὺ καὶ μετὰ γέννησιν * παρθένος ὤφθης ὡς πρὸ τόκου * καὶ θανοῦσα πέφυκας *
ἐν ζωῇ ἀθανάτῳ ἁγνή * εἰς τὸν σὸν ἱκέτην καταξίωσον Δέσποινα Θεοτόκε * τὴν
ἱκεσίαν ἐκπληρῶσαι ἡμῶν.
Βίου τὴν ἀπάτην φυγὼν ὁ πιστός σου ἱκέτης Δέσποτα * σοι ἠκολούθησεν *
ἀναλαβὼν ἐπ᾿ ὤμων * τὸν Σταυρὸν αὐτοῦ ὡς ἔφησας * τοῦτον οὖν ὡς εὔσπλαγχνος *
δικαίοις συναρίθμησον.
Ποῦ ἡ ματαιότης * τοῦ κόσμου καὶ πᾶσα ἡ περιφάνεια * τῶν γηγενῶν ἀδελφοὶ *
οὐκ ἰδοὺ πάντα τὰ τῄδε * διαδέχεται ὁ θάνατος * ματαιότης πάντα γὰρ * ματαιοτήτων
ὄντως * ἐστίν.
Θεοτοκίον.
Ὅνπερ ἐκ τῶν προσκαίρων * ἐχώρισας πιστόν σου δοῦλόν Σῶτερ * ἐν χώρᾳ τῶν
Δικαίων * συναριθμήσας κατάταξον * εἰς τὸ ὑμνεῖν τὴν δόξαν σου * οὐκ ἐστὶν Ἅγιος
πλήν σου Κύριε κραυγάζοντα.
Τοῦ τὸν Σταυρὸν ἐπ᾿ ὤμων * ἀράμενος * ὁ σὸς πιστὸς θεράπων * ἐν μετανοίᾳ
Σῶτερ * τὸν αὐτοῦ δρόμον τετέλεκεν * ὃν σὺν χοροῖς ἀξίωσον * τοῖς τῶν ἀγγέλων
σου * μόνε Κύριε δοξάζειν σε.
Θεοτοκίον.
Ὅτι ἡ κρίσις ἀνυπόστατος * τῆς φρικτῆς ἀπειλῆς ὑπάρχει σοὶ οἰκτίρμων * διὸ δὴ
τὸν ἱκέτην σου * δεῖξον ἀγαθὲ * δεξιὸν παραστάτην τῆς βασιλείας σου.
Θεοτοκίον.
Θαῦμα φρικτὸν ὅτι γεγέννηκας * τὸν τῶν ὅλων Θεὸν * ἁγνὴ * καὶ βασιλέα *
ὅθεν μακαριοῦμέν σε * πᾶσαι γενεαί * καὶ πιστῶς προσκυνοῦμεν τὸν θεῖον τόκον
σου.
Ὁ πᾶσι βρύων τὴν ζωὴν * Λόγε Θεοῦ * τοῦ Πατρὸς ἀπαύγασμα * τὸν τοῦ βίου
δρόμον διανύσαντα * καὶ πρός σὲ χωρήσαντα Δέσποτα * δι᾿ ὅ ἀναπαῦσον ὡς Θεὸς *
καὶ δεῖξον μέτοχον τῆς σῆς βασιλείας * ἐν χώρα τῶν ἐκλεκτῶν * συναριθμῶν αὐτόν.
Ὁ μόνος φύσει ἀγαθὸς * καὶ συμπαθὴς ἐλεῆμον Κύριε * τὸν ἐν πίστει καὶ ἐλπίδι
ζήσαντα * καὶ πρός σὲ θερμῶς ἐκδημήσαντα * μετανοίᾳ ἐν ἀληθεῖ * καὶ
ὑπακούσαντα προσταγῆς σου θείας * εἰσάγαγε εἰς χαρὰν τὴν τοῦ νυμφῶνός σου.
Θεοτοκίον.
Ὥσπερ τῆς ποίμνης σου ἁγνὴ * τὸν σὸν Υἱὸν ἱκετεύειν πάντοτε * μὴ ἐλλείπῃς ἐκ
φθορᾶς λυτρώσασθαι * τοῦ θανάτου μόνη Θεόνυμφε * σὺ γὰρ εἶ τῶν πιστῶν ἐλπὶς
καὶ στήριγμα * καὶ βεβαία σκέπη * καὶ τεῖχος καὶ ἱλασμὸς * τῶν προσφευγόντων σοι.
Ζωηφόρον * νέκρωσιν ὑπέστης * Λόγε τοῦ Θεοῦ δι’ ἡμᾶς * τοὺς ὑπαχθέντας
πρῴην * τῇ τοῦ δράκοντος κακοβουλία * τοῦ βροτοκτόνου * Ἰησοῦ φιλάνθρωπε * διὸ
δὴ τὸν σὸν πιστόν ἱκέτην * ὡς ὑπεράγαθος * σκήνωσον ἐν χοροῖς * τῶν σῶν
ἐκλεκτῶν ὃν νῦν μετέστησας.
Ἐπακούσας * ὁ πιστός σου δοῦλός * θείας ἐντολῆς σου θερμῶς * ἐπὶ τῶν ὤμων
ᾖρεν * τὸν Σταυρὸν αὐτοῦ ἐν μετανοίᾳ * καταφρονήσας βίου τὴν εὐπάθειαν * τοῦτον
σὸν ἀνάδειξον Σωτήρ μου * τῆς βασιλείας σου * μέτοχον καὶ Υἱὸν * πάντα
συγχωρῶν αὐτοῦ τὰ πταίσματα.
Ἀναπλᾶσαι * σου τὸ κατ’ εἰκόνα * Λόγε τοῦ Θεοῦ βουληθείς * δι᾿ ἄκραν
εὐσπλαγχνίαν * σαρκοφόρος ὤφθης ἐκ Παρθένου * ἁγνῆς καὶ διὰ ἐγέρσεως τοὺς
βροτοὺς ἐξ ᾍδου κατωτάτου * ὅθεν τὸν δοῦλόν σου * σύνταξον ἐν σκηναῖς * ζώντων
ὡς Θεὸς * ὃν νῦν μετέστησας.
Θεοτοκίον.
Σύνταξον Λόγε * τὸν μεταστάντα ἱκέτην σου * ταῖς χορείαις * τῶν σῶν ἐκλεκτῶν
* ἐφ᾿ ὕδωρ τὸ ζῶν * ἔνθα ἦχος ἐνεστὶν ἐορταζόντων * ἔνθα τὸ φῶς σου λάμπει * τοῦ
προσώπου Χριστὲ ὡς ἐλεήμων.
Τὸν ἐκ τοῦ βίου * διαπεράσαντα δοῦλόν σου * μετάνοια καὶ ὑπακοὴ * μετάγαγε
πρός ζωὴν * Σῶτερ τὴν αἰώνιον καὶ εὐφροσύνην ὡς οἰκτίρμων * ἵνα ψάλλη
εὐλογητὸς εἶ.
Βρυγμοῦ ὀδόντος * καὶ τῆς φρικτῆς ἀποφάσεως * τὸν σὸν δοῦλόν ῥῦσαι ὡς Θεὸς
* καὶ πάσης ἄλλης ὀργῆς δικαίας σου Κύριε ὡς εὐεργέτης * καὶ μόνος ἐλεήμων * ἵνα
κράζη ὁ Θεὸς εὐλογητὸς εἶ.
Θεοτοκίον.
Ἵνα τὸν κόσμον * τῆς καταδίκης λυτρώσηται * τοῦ θανάτου πάναγνε σεμνὴ *
Ὁσία Παρθένε Υἱός * ἐξ ἁγνῶν αἱμάτων σου δι᾿ εὐσπλαγχνίαν * προῆλθε
σαρκοφόρος * Ὃν δυσώπει ἀεὶ ὑπὲρ τῶν δούλων σου.
Ἐν τῇ δευτέρᾳ καὶ φρικτῇ * Σωτὴρ ἐλεύσει σου * ὅταν ἔλθῃς ἐπὶ γῆς τοῦ κρῖναι ὁ
Θεὸς τὰ σύμπαντα * δικαίς σου τότε Χριστὲ * προβάτοις συναρίθμησον δεῖξον * τοῖς
δεξιοῖς σου Λόγε * καὶ τῆς σῆς βασιλείας μέτοχον γενέσθαι * ἀξίων τὸν σὸν δοῦλόν.
Θεοτοκίον.
Ὄρος κατάσκιον ἁγνὴ * καὶ πύλη ἔμψυχος * καὶ νεφέλη φωτεινή * καὶ κλῖμαξ
ἀπὸ γῆς ἀνάγουσα * πρός οὐρανὸν τοὺς βροτούς * σὺ μόνη ἐξ αἰῶνος ἐφάνης * καὶ
βάτος τε καὶ στάμνος * καὶ παστὰς καὶ λυχνία * καὶ ναὸς καὶ θρόνος * καὶ ῥάβδος καὶ
πυρίον.
Ἔνθα ἀνέκφραστος αἴγλη * καὶ τρυφῆς ὁ χειμάῤῥους * ἔνθα πηγὴ ἀένναος καὶ
δῆμος ἐκλεκτῶν * ἔνθα ὕδωρ ἐστὶν τὸ τῆς ἀφέσεως * ὅπου τάξεις ἀγγέλων * δικαίων
ἐν σκηναῖς * κατασκήνωσον Λόγε * νῦν τὸν ἱκέτην σου.
Θεοτοκίον.
Ὑψηλότερα ὑπάρχεις τῶν ἁγίων ἀγγέλων * καὶ ὑπέρτερα τῶν ἐνδόξων Κόρη
Σεραφεὶμ * τὸν γὰρ θεῖον Λόγον * ἐκυοφόρησας * ἐξ ἁγίου Παρθένε * Πνεύματος
Μαριάμ * ὃν δυσώπει ἀπαύστως * σωθῆναι τὰς ψυχὰς ἡμῶν.
Τῆς ἄνω λαμπρότητος Χριστὲ * τῆς τῶν ἁγίων χαρᾶς καταξίωσον * ὡς καὶ πρὸ
θανάτου σοι * ἀσκητικῶς καὶ ἡσύχως δουλεύσαντα * μέτοχον γενέσθαι * ὃν ἐκ τοῦ
βίου μετέστησας.
Θεοτοκίον.
Κυρίως γεννήσασα Θεὸν * ἐν γενεαῖς γενεῶν Θεονύμφευτε * μόνη κεχαρίτωσαι
* τὸν τὰς ἡμῶν * ἁμαρτίας ἀράμενον * καὶ διὰ θανάτου * νενικηκότα τὸν θάνατον.
Ἴχνεσι * τὸν σταυρόν σου ἐπ’ ὤμων * ἀναλαβόμενος τοῖς σοῖς * θερμῶς
ἠκολούθησεν * ὁ μεταστὰς δοῦλός σου Χριστὲ * τὸ θεῖόν σου θέλημα * ἐπιπόθων
ἐκτελέσαι * δι᾿ ἀσκήσεως.
Θεοτοκίον.
Ἐν σοὶ τὰς ἐλπίδας ἀποδούς * ἠσύχως ὁ ἱκέτης σου * τὸ τῶν ἀγώνων ἥνυσεν
στάδιον * μονήρη βίον ἀμφιασάμενος * πρὸ τῆς ἐκδημήσεως τῆς πρός σὲ φιλάνθρωπε
* διὰ τοῦτο αὐτὸν κατοικτείρισον.
Θεοτοκίον.
Ἰσχύει τῆς σῆς ἀκαταλήπτου θεότητος * ὁ τοῦ θανάτου τὴν ἰσχὺν * καὶ τῷ
σταυρῷ σου καθελὼν * αὐτὸς καὶ τὸν δοῦλόν σου * τῆς παρὰ σοῦ κατηξίωσας
λαμπρότητος * τὸν ἐξ ἡμῶν μεταστάντα ἀναπαῦσον.
Θεοτοκίον.
Προσλήψει * σαρκὸς τὸ τοῦ θανάτου ποτήριον * ὃν ἐσωμάτωσας ἁγνὴ *
ἀνερμηνεύτως Πλαστουργόν * γευσάμενος ἅπασιν * τῆς ἐν αὐτῷ * ἀθανασίας
μετέδωκε * τοῖς ἐπ᾿ αὐτῷ πεποιθόσι τὴν ἄβυσσον.
Ὁλοτρόπως * ἐπὶ σοὶ τὰς ἐλπίδας προθέμενος * ἐν ἀσκήσει * καὶ στεῤῥᾷ ἡσυχίᾳ
φιλάνθρωπε * καὶ ἐν ἐγκρατείᾳ σοι * δεδουλευκὼς ἐπιτεύξαιτο * τῶν ἀγαθῶν σου ὁ
δοῦλός σου.
Θεοτοκίον.
Ἁπάσης τῶν τερπνῶν τοῦ βίου Κύριε * νυκτὶ καὶ ἐν ἡμέρᾳ σοι *
προσκολλώμενος ῥεούσης ἡδονῆς * ἀπεδοκιμάσθη ὁ ἱκέτης σου * ἀλλ᾿ οὖν τῆς σῆς *
ἐπιτεύξοιτο * νῦν παρακλήσεως.
Θεοτοκίον.
Ἡ τὸν Θεὸν* ἐξ ἁγνῶν αἱμάτων σου* σάρκα δανείσασα ἁγνὴ* τὸ τῆς Εὔας
χρεωστικῶς* ὄφλημα ἀπῄτησας* μόνη ἐξ αἰῶνος γάρ* εἰς κατοικίαν τοῦ κτίστου
σου* καὶ πλαστουργοῦ* ἐξελέχθης διό σε μακαρίζομεν.
Θεοτοκίον.
Σῶσον ὁ Θεὸς τὸν δοῦλόν σου* ὃν προσελάβου ἐξ ἡμῶν τῇ προστάξει σου* τῆς
εἰλικρινοῦς αὐτοῦ πρός σὲ διαθέσεως* μεμνημένος ἐν σοὶ γὰρ ἐφήλπισε* τῷ σῴζειν
δυναμένῳ* καὶ ἐν ἀσκήσει σοι ἐδούλευσεν.
Τύπον τῶν παθῶν σου Κύριε* ὁ ἐκλεκτός σου δοῦλός καὶ τοῦ θανάτου σου* δι’
ἀσκήσεως καὶ ἐγκρατείας ἐσταύρωται * τῇ σᾳρκὶ καὶ τῷ κόσμῳ ἡσύχως ζητῶν*
ποιεῖν τὸ θέλημά σου* ὃν καταξίωσον ἀμείνονος ζωῆς.
Θεοτοκίον.
Ἵλεως ἔσω Λόγε τῇ σῇ ἱκέτιδι* καὶ πταισμάτων παράσχου* τὴν ἄφεσιν αὐτῇ ὡς
Θεὸς* καὶ δόξης ἀξίωσον βασιλείας* σὲ γὰρ ὁμολογοῦσα ἐν σοὶ κεκοίμηται.
Θεοτοκίον.
Δέησιν πρόσδεξαι * νῦν ἐπιτάφιον Σωτήρ * καὶ ῥῦσαι τῆς κολάσεως Σωτήρ μου
τῆς φρικτῆς σου * τὴν ἱκέτην σου Χριστὲ * παρορῶν ἁμαρτίας * καὶ τῶν πταισμάτων
παρέχων ἄφεσιν.
Πίστιν ὀρθόδοξον * βίον ἀσκήσεως Χριστὲ * ὡς δῶρα * πενιχρὰ τὴν σὴν ἱκέτην
κεκτημένην * προσδεξάμενος Σωτήρ * τῶν πταισμάτων παράσχου * ἐλευθερίαν * ὡς
μόνος εὔσπλαγχνος.
Θεοτοκίον.
Λέλυται πέπαυται * πᾶσα ἡ λύπη διὰ σοῦ * Παρθένε * τὴν χαρὰν γὰρ ἀπεκύησας
τῷ κόσμῳ * τὸν Θεὸν τοῦ Ἰσραὴλ * τὴν ζωὴν ἀφθαρσίας * νεκροῖς καὶ ζῶσιν πᾶσι
διδόντα πιστοῖς.
Χορείαις * μοναζουσῶν παρθένων ἁγίων Σωτήρ * τὴν πιστήν σου δούλην Χριστὲ
συμμέτοχον * δεῖξον ὡς μονάζουσαν πιστῶς * τοῦ βίου τὰς εὐθύνας * φιλανθρωπίᾳ
παρορῶν αὐτῆς * μόνε ἀναμάρτητε Κύριε.
Ὁ τάξεις* ἐπὶ τῆς γῆς προνοίᾳ τῇ σῇ ἀγαθὲ* εἰς χορὸν ψαλλόντων ἡμέρας τε καὶ
νυκτός* Σῶτερ τὴν ἱκέτην σου πιστῶς* ταύτην καὶ μεταστᾶσαν* ἐν οὐρανῶν χοροῖς
ἀρίθμησον* τῶν δοξολογούντων σε Κύριε.
Ἐν ἔργοις* διανοίας καὶ λόγοις σφαλεῖσαν πολλοῖς* ἐν τῷ βίῳ τούτῳ * τὴν σὴν
ἱκέτην Χριστὲ * δώρησαι τὴν ἄφεσιν αὐτὸς * τῶν ἐγκλημάτων πάντων * ὁ τῶν
ἀνθρώπων ἐπιστάμενος * τὸ πολυαμάρτητον Κύριε.
Θεοτοκίον.
Στενὴν καὶ τεθλιμμένην ὁδὸν ἐπὶ γῆς* ἡ σὴ ἱκέτης ἀγαθὲ* διῆλθεν πίστει
ἀσκήσασα* ἀλλ᾿ εἶ τι ἥμαρτε Λόγε* ὡς ἄνθρωπος ἐν βίῳ συγχώρησον.
Θεοτοκίον.
Μεμύηται Παρθένε ὁ τόκος σου* τὸν γὰρ ἀόρατον Θεὸν* βροτὸν ἐκύησας
ἄχραντε* ἐν ὀρατῇ ὑποστάσει* δι’ ἧς περιγραπτῶς ἐγνωρίσθη ἡμῖν.
Τῆς ἀγαλλιάσεως* τῶν σῳζομένων Χριστὲ* τὴν σὴν ἱκέτην* ὡς ἐλεήμων* μετὰ
τῶν ὑμνούντων σε* ἀξίωσον ᾄδειν* ὡς ψάλλουσαν ἐν βίῳ σοι.
Θεοτοκίον.
Ἐπὶ γῆς φορέσασαν * μετανοίας ἔνδυμα Σωτὴρ * τὴν πιστὴν ἱκέτην σου *
ἀξίωσον ἀφθαρσίας * στολὴν αὐτόθι ἐνδύσασθαι.
Ἥν πιστῶς ἐκάλεσας * εἰς δουλείαν Δέσποτα Χριστὲ * τοῦ αἰνεῖν καὶ ψάλλειν
σου τὸ ὄνομα μεταστᾶσαν * χοροῖς αἰνούντων σὲ σύναψον.
Φοβερὸν τὸ βῆμά σου * καὶ ἡ κρίσις ὄντως χαλεπῆ * διὸ φεῖσαι Κύριε τῆς
δούλης σου ἐν τῇ ὥρᾳ * τῆς ἀδεκάστου στάσεως.
Θεοτοκίον.
Νέον σοὶ ἐγκώμιον* καὶ ἀρχαῖον ἄδομεν ἁγνὴ* οὐ γὰρ κρεῖττον ἔχομεν πρός
ἔπαινον πλὴν τὸ χαῖρε* τοῦ Γαβριήλ σοι προσφθέγξασθαι.
Σοι πιστῶς κεκλήρωτο * ἐπὶ γῆς ἡ δούλη σου * διὰ τῆς ἀσκήσεως * Σῶτερ
ὑπεράγαθε * τῆς σῆς καὶ μεταστᾶσα * ἀπολαύσει κληρουχίας.
Οἷα ἡ ζωὴ ἡμῶν καὶ ἡ δόξα ἅπασα * ἀτμίδος σαθρότερα * σκιᾶς ἀδρανεστέρα *
μάτην ἐν τῷ βίῳ * φρυαττόμεθα ἀφρόνως.
Θεοτοκίον.
Τίμιον τὸ κάλλος σου * καὶ Θεῷ ἐράσμιον * τοῦτο γὰρ θελγόμενος Υἱός σου
ἐγένετο παρθένον σὲ φυλάξας * ὡς πρὸ τόκου μετὰ τόκον.
Σοῦ ὡς τὸν σταυρὸν ἀναλαβοῦσαν ὤμοις * καὶ πίστει μονάσασαν τὴν σὴν ἱκέτην
Χριστὲ * δέξαι εἰς κλῆρον τῶν σὲ δοξολογούντων * ἵνα σοι τὸν ὕμνον * σὺν τούτοις
ἀναμέλπει.
Πίστει ἀκλινεῖ * ἡ σὴ ἱκέτις Λόγε * ὀπίσω σου ἔδραμε * διὰ τοῦ σχήματος * ἥπερ
παράσχου συγχώρησιν πταισμάτων * καὶ σὺν τοῖς ὁσίοις ἀξίωσον ὑμνεῖν σε.
Θεοτοκίον.
Ὅλη καθαρά * καὶ πλήρης θείας δόξης * ἁγνὴ ἡ πλησίον μου * φησὶ τὸ πνεῦμα
Θεοῦ * σὲ προαγγέλλων τοῖς ἀσμασιν ἐβόα * σὺ γὰρ πρέπει χαῖρε * Θεὸν βροτοῖς
τεκοῦσα.
Ἐκ πιστῆς προθέσεως * βιοτικὴς μέριμναν ζωῆς * φοροῦσα ἐπὶ τῆς γῆς Δέσποτα
Χριστὲ * ἡ δούλη σου ἤρατο ἀσκητικὸν βίον καὶ σεμνόν * ἥνπερ ἀναπαῦσον *
μεταστᾶσαν ὡς φιλάνθρωπος.
Θεοτοκίον.
Ἔστησας τοῦ θανάτου τὴν ῥύμην Κύριε * τῷ θανάτῳ σου Λόγε * ζωὴν δὲ πάλιν
ἔβλυσας * διό σου δεόμεθα * τὴν σὴν δούλην * τάξον σὺν ταῖς φρονίμοις * Χριστὲ
παρθένοις.
Θεοτοκίον.
Σὲ Κεχαριτωμένη * Θεοχαρίτωτε * ἡ πιστῶς μεταστᾶσα * γνησίως ἐπεπόθησεν *
Χριστὸν οὖν δυσώπησον * οὐρανίου * μέτοχον ταύτην δείξαι δόξης δεόμεθα.
Ἀκοῦσαί σου τῆς φωνῆς ἐκείνης ἀξίωσον * τὴν πιστήν σου δούλην * Δέσποτα
Κύριε * τὴν πρός τὸν νυμφῶνα τῆς ζωῆς * καὶ δόξαν τὴν ἀγήρω * προσκαλουμένης
τοῦτο θέλημα * σου ἐπὶ τῆς γῆς ἐκπληρώσαντες.
Θεοτοκίον.
Θεοτοκίον.
Χειρὶ τῶν ἀπὸ γῆς διαπλάσαντα πάλαι τὸν ἄνθρωπον ἁγνὴ * χερσὶ πανάγνοις
ἐβάστασας * αὐτὸν δυσώπει Παρθένε * ὁσίοις ἀριθμήσαι τὴν δούλην σου.
Θεοτοκίον.
Ἐπὶ σὲ τὸν εὔσπλαγχνον * τὰς ἐλπίδας * ἐθετο πιστῶς * ἡ πιστὴ ἱκέτις σου *
βιώσασα πανευσεβῶς * ἥν ὡς οἰκτίρμων ἀναπαῦσον.
Τῆς φλογὸς τὸ ἔμμονον * ἐννοοῦσα Λόγε τὸ ἐκεῖ * τὰς καμίνους ἔσβεσε τοῦ
σώματος * ἡ ὁσία * τὴν μεταστᾶσαν ἀναπαῦσον.
Θεοτοκίον.
Τέλος βίου ἔλαβεν * ἡ δούλη σου Κύριε * τὴν πρός ἀτελεύτητον * ζωὴν ἥν
κατάταξον * βοᾶν σοι ἀνενδότως ὁ Θεὸς εὐλογητὸς εἶ.
Θεοτοκίον.
Σὺ ταῖς καλλοναῖς * ἐνηδομένη Λόγε * τοῦ βίου τὸν τάραχον * ὄναρ λελόγισται
* αὕτη ἡ πιστή * τῶν ὧδε μεταστᾶσα * ἥν * ταῖς τῶν ὁσίων * κατάταξον ἀγέλαις.
Θεοτοκίον.
Ἡ τοῦ Κτίστου ἔλευσις ἐπὶ θύραις * πρόσεχε ψυχὴ * ἐτοίμασον ἑαυτὴν * πρός
τὸν φοβερόν * Κριτὴν ὧνπερ ἥμαρτες * ἀποδώσεις * λόγον ἐτασμόν * πάντας
ἐτάζοντι τοὺς κακία ὑποκύψαντας.
Θεοτοκίον.
(Crypt. gr. Γ. β. ΧΧΙV, XI αἱ., Messin. Bibl. Univ. S. Salv. gr. 172 ἐτ. 1179.)
ἦχος πλ. β´. ᾨδὴ α´. Βοηθὸς καὶ σκεπαστής.
Θρηνῳδίας ὁ καιρὸς * πρός γῆν ἐν ὅπερ διὰ θανάτου * στρέφεις ἡ γῆ τῶν βροτῶν
ἀδελφοὶ * καὶ μόνα τὰ ἔργα * τῇ ψυχὴ μετὰ φρικτῆς ἀκολουθεῖ τῆς κρίσεως.
Τριαδικόν.
Θεοτοκίον.
Τάφος ἐμφέρεια * τῆς ἀποφάσεως τῆς σῆς ὁρᾶται μοι προδήλως * Χριστὲ
δικαιοκρίτα * οὑ διαφεύξεται πᾶς τις τὴν ὀργήν σου * ἐν ὥρᾳ φοβερᾷ * ἐξ ἧς με
ῥῦσαι ὁ Θεός.
ᾌδης ἀπώλεια * παρὰ Θεῷ σοι φανερά * καὶ ὑετοῦ σταγόνες ἐν σοὶ ἠριθμημέναι
* καὶ πῶς ἐγὼ σοι διαλάθω ἐν τῷ κράζειν * βοᾶ ὁ μεταστὰς * ἐλέησόν με ὁ Θεός.
Φόβῳ τοῦ κράτους σου * καὶ τοῦ θανάτου ἀπειλῇ * ἀσκητικῶς ἐν βίῳ * βοᾶ
ἐπολιτεύθην * τῶν αἰωνίων ἀγαθῶν σου ἐπ᾿ ἐλπίδι * ὁ πίστει μεταστάς * διὸ με
οἴκτειρον Χριστέ.
Τριαδικόν.
Θεοτοκίον.
ᾨδὴ γ´. Στερέωσον Κύριε * ἐπὶ τὴν πέτραν τῶν ἐντολῶν σου.
Συνέστησας Κύριε * κλεῖθρα καὶ πύλας ποτὲ τοῦ ᾍδου * καὶ νεκροῖς ζωὴν
ἐκήρυξας * ἀπολύσας * τούτους τῶν δεσμῶν τῷ θανάτῳ σου.
Τριαδικόν.
Θεοτοκίον.
Ζοφώδης μὲν μοι ὁ τάφος * ἀλλὰ φωτὸς ἐπ᾿ ἐλπίδι τοῦ αἰωνίου * τὰ τερπνὰ τοῦ
βίου παρωσάμενος * ἐν ἀσκήσει σοι ὁ μεταστὰς ἐκβοᾷ * ἐδούλευσεν * ἀνεπιστρόφως
* διὸ θανέντα * οἰκτείρησόν με Κύριε.
Ὁ τάφος μου εἰς μνημεῖον* τῆς μεθ᾿ ὑμῶν συναφείας * ὦ συνεσχέθην * ἔστω
ἀδελφοὶ παρακαλῶ ὑμᾶς * ἐκ τῶν κενεώνων τοῦ θανάτου ἐν ᾧ ἑκάστοτε *
συνειλεγμένοι ἐξιλεοῦσθαι ὑπὲρ ἐμοῦ τὸν Κύριον.
Τριαδικόν.
Θεοτοκίον.
Ἀπὸ τοῦ αἰῶνος τὰ ἐλέη σου * Κύριε Κύριε * ἐπὶ πάντας τοὺς βροτούς *
ὑπάρχουσιν δι᾿ ὅπερ * ἀναπαῦσον ὁ Θεὸς * καὶ τὸν πιστόν σου δοῦλόν.
Τριαδικόν.
Ῥῦσαι ἀπὸ πάσης περιστάσεως Πάτερ ἀγέννητε * Υἱὲ μονογενές * καὶ τὸ Ἅγιον
Πνεῦμα * τὸν εὐσεβῶς σε λαόν * ὡς Θεὸν προσκυνοῦντα.
Θεοτοκίον.
Τῷ πόθῳ σου * τηρωμένος Κύριε * καὶ πρὸ θανάτου σοι πιστῶς * ἐν μονήρει βίῳ
* ἐδούλευσα δι᾿ ὅπερ * μὴ παρίδῃς ὁ θανὼν Χριστὲ βοᾶ σοι.
Ἐξέλιπον * ἐκ τῆς συγγενείας μου * καὶ προσηνέχθην σοι πιστῶς * μὴ μὲν κατ᾿
ἀξίαν * τῶν πράξεών μου κρίνεις * ἀλλὰ σῶσόν με ὁ θανὼν Χριστὲ βοᾶ σοι.
Τριαδικόν.
Ἀμέριστε* τῇ οὐσίᾳ δόξα σοι* Τριὰς ἁγία καὶ μονάς* ἡ ὑπὸ ἀγγέλων * οἷα
ἀπαύστως ὑμνουμένη * καὶ τὰ σύμπαντα ὡς Θεὸς περιστοιχοῦσα.
Θεοτοκίον.
Τῆς μὲν φθορᾶς * καὶ τοῦ σώματος ἀποσχόμενος διὰ θανάτου * πάντα τὰ
ἀκόλουθα σὺν τούτοις ἐπιλέλησται * οἰκείων καὶ φίλων αὐτοῦ * ἀλλ᾿ ἡμεῖς ἀδελφοὶ
αἰτησώμεθα * ὑπὲρ αὐτοῦ τῷ Θεῷ.
Ἄρα καὶ πῶς * εἰ μὴ μέμνηται * τῶν ἐν βίῳ ὁ λυθεὶς τοῦ βίου * πάντων τῆς
δεήσεως αἰτεῖται τῆς πρός Κύριον * καὶ πᾶσιν προΐσταται, τῶν ἐνταῦθα αὐτῷ
μεμνημένων * καταλλαγεὶς τῷ Θεῷ.
Τριαδικόν.
Οἷς ἑαυτοὺς * γεγονότες λάβωμεν συναίσθησιν ἀδελφοὶ * καὶ τὰ ἑαυτῶν νῦν ἐπὶ
τῷ πλησίον * γνωσόμεθα βοῶντες * σὲ ὑπερυψοῦμεν.
Νόμῳ φησίν * εἰ γὰρ καὶ τῆς φύσεως * πεπέδημαι τῆς φωνῆς κράζει ὁ θανῶν *
ἅπασιν ἀλαλήτως εἰ βούλεσθε διδάξω * ἅπερ ἐμνήσθην * πρὸ ἁρπαγεὶς ὑμῶν τοῦ
βίου.
Χάσμα ἰδοὺ * διακρίνων πρόκειται θανάτου καὶ τῆς ζωῆς * μέγα ἀδελφοὶ * τοῦτο
οἱ διαβάντες οὐκ ἔτι τῶν ἐν βίῳ πρόνοιαν ποιοῦνται * ληψόμενοό καρπῶν τῶν ἔργων.
Τριαδικόν.
Θεοτοκίον.
Τῆς σῆς ἀγαθότητος * μνησθεὶς καὶ τοῦ ἐλέους σου * Θεὲ τῶν ὅλων *
ἐπάκουσον Κύριε * φωνῆς τῶν βοώντων σοι * ἐν κλαυθμῷ καὶ παράσχου * τοὺς
οἰκτειρμούς σου τῷ ἐξ ἡμῶν μεταστάντι ὡς πρὸ τέλους * ἐν ἀσκήσει σοι
δουλεύσαντι.
Τριαδικόν.
Θεοτοκίον.
Νῦν ἔφθασε Δέσποινα* ἡμέρα ἀπαραίτητος* τῆς βοηθείας* τῆς πρὸ σοῦ τῷ
πίστει σοι* ἐν βίῳ δουλεύσαντι* ὡς Μητρὶ τοῦ Ὑψίστου* ὃν μεταστάντα τῷ σῷ
Υἱῷ* καταλλάξασα ἀξίου* εἰς αἰῶνας μεγαλύνειν σε.
(Crypt. gr. Γ. β. α. XXV ἔτ. 1019., Messin. Bibl. Univ. S. Salv. gr. 153 XI αἱ., Messin.
Bibl. Univ. S. Salv. gr. 172 ἔτ. 1179., Vat. gr. 1836 ΧΙ-ΧΙΙ αἱ.)
Θεοτοκίον.
Θεοτοκίον.
Θεοτοκίον.
Ἡ χάρις σου ἡμᾶς* φρουρεῖ Πανύμνητε* ἐν πᾶσι* καὶ πάντοτε πάσης* βλάβης,
ἀλλὰ δεῖξον καὶ τὸν νοῦν εὐφημεῖν* ἐναργέστερον ἄρτι τὴν ἀντίληψιν.
Ὃν πίστει καὶ ἐλπίδι Κύριε * καὶ ἀγάπης τῆς σῆς σπουδαῖος * τὸν ἐκλεκτὸν
δοῦλόν σου * βιώσαντα ἐνταῦθα Σῶτερ τῆς σῆς καταξίωσον παστάδος Χριστὲ
λαμπαδηφόρον τοῦτον προσεχόμενος.
Ποιμένα * τῆς ἐνθέου ποίμνης σου * ἠρετήσω τὸν σὸν ἱκέτην * διὸ Σωτὴρ
εὔσπλαγχνε * κατάταξον αὐτόθι τοῦτον τοῖς σοῖς * ἱερεῦσι καὶ ποιμέσι πιστοῖς * καὶ
τὰ τοῦ βίου πταίσματα συγχώρησον.
Θεοτοκίον.
Ἔνθα ὁ ἦχος ἐστί* τῶν δοξαζόντων σε Χριστὲ σύναψον* ὃν* ἐξ ἡμῶν* Σωτὴρ
προσελάβου* ἐντεῦθεν ἀγαθέ* ὡς μεσονυκτίων πιστῶς ὀρθρίζοντα.
Ἀσκητικῶς τὴν στενὴν καὶ τεθλιμμένην νῦν ὁδὸν Κύριε * τὸν σὸν πιστόν ἱκέτην
δραμόντα * παράσχου ἀγαθὲ * τῆς σῆς βασιλείας τὴν τρῖβον εὐρύχωρον.
Φιλοξενίας πλοῦτον ὡς μιμητῆς τοῦ Ἀβραὰμ τίμιε ὤφθης αὐτοῦ* καὶ τῆς
εὐλογίας* συμμέτοχος αὐτὸς καὶ γὰρ ἀναπαύσοι* σὺν τούτῳ σε Κύριος.
Θεοτοκίον.
Εἰσάκουσόν μου ἁγνὴ τὸν τῆς καρδίας ὀδυνῶν δέομαι ἁμαρτωλῶν * προστάτις
γὰρ μόνη * ἐδείχθης ἐκ Θεοῦ * διὸ μοι πταισμάτων συγχώρησιν αἴτησαι.
Ἰησοῦ Θεὲ τῶν πατέρων ἡμῶν* πρόσδεξαι τὴν δέησιν τῶν ἱκετῶν σου ἡμῶν* καὶ
ἐν σκηναῖς δικαίων σου* τὸν πρός σὲ μεταστάντα ἐλεησον.
Θεοτοκίον.
Ἀγῶνας ψυχῆς* καὶ καμάτους σαρκικούς* πολλοὺς προσήξας Θεῷ* ἐν οἷς* τὴν
μνήμην σου κατεκόσμησας* ὡς ἀμφοτέρωθεν ἄριστος* εἰ καὶ ἐκβοᾶ σου τοὺς πόνους
* ἐπιτάφια μέλπουσα * ἀναπαῦσον ὡς ἀγαθὸς * Σωτὴρ τὸν δοῦλόν σου.
Τὴν θείαν ζωήν * τὴν φθαρτὴν καὶ χαμερποῦς * πιστῶς προκρίναντα * ἱεραρχία *
μετὰ πίστεως * βεβιωκότα τὸν δοῦλόν σου * σῶσον προσλαβόμενος Λόγε * παρορῶν
ὡς φιλάνθρωπος * εἴτε ὡς ἄνθρωπος αὐτὸς * ἥμαρτε τῶν ἐπὶ γῆς.
Θεοτοκίον.
Τὴν σκέπην τὴν σὴν * μὴ ἀφελεῖς ἀφ᾿ ἡμῶν * ἁγία Δέσποινα * ἀλλὰ καὶ ζῶντας
* καταπλούτησον * καὶ μεταστάντος ἐνέπλησον * ὅπως δι᾿ αὐτῆς καὶ ἐνταῦθα * τῆς
ἁμαρτίας φευξόμεθα * καὶ μετὰ τέλους τῆς φρικτῆς * ῥυσθῶμεν κρίσεως.
Τὸν ἐπὶ γῆς θεοπρεπῶς * ὑμνωδοῦσάς σοι ψυχὰς * προσαγαγότας * καὶ χοροὺς
δοξαζόντων * τὰ μεγαλεία τὰ σὰ * ὡς φύσει φιλάνθρωπος Κύριε τάξον ἐν χορείαις *
αὐτὸν τῶν σὲ ὑμνούντων.
Θεοτοκίον.
Οὐδεὶς ἀπώλετο ἁγνὴ * τὰς ἐλπίδας ἐπὶ σὲ νῦν κεκτημένος * ἐπὶ σοὶ ὀρθοδόξως *
παρθένε Μήτηρ Θεοῦ * οἱ μόνοι * οἱ φθόνῳ ἀρνούμενοι * σοῦ μὴ προσκυνεῖν * τῆς
μορφῆς τὴν ἐμφέρειαν.
Πίστει καὶ ἐλπίδι * ἀγάπῃ καὶ εἰρήνῃ διαπρεψαντα * τὸν σὸν ἱκέτην Κύριε
ἀναπαῦσον * καὶ ποιμένα ὥσπερ ἐντεῦθεν * ἔδειξας τῇ ποίμνῃ σου * τοῖς ἐκλεκτοῖς
ποιμέσιν σου, τοῦτον αὐτόθι συναρίθμησον.
Μνήσθητι οἰκτίρμον ὡς φύσει ἀγαθὸς * καὶ πολυέλεος τοῦ ἐκλεκτοῦ σου δούλου
καὶ θεράποντος * καὶ τῆς ἄνω χοροστασίας * τοῦτον καταξίωσον * ταῖς τῶν πατέρων
εὐχαῖς Κύριε τὴν τῶν πταισμάτων δίδου ἄφεσιν.
Φόβῳ τε καὶ πόθῳ ὀπίσω σου Χριστὲ ὡς ἐπηγγείλω αὐτός, νῦν σταυροφόρος
ἔδραμεν ὁ δοῦλός σου * οὐ τὴν πίστιν ὡς ἀγαθὸς * Δεσπότης δεχόμενος * πάντα τοῦ
βίου πάριδε ἄμφω τὰ σκύλα καὶ προσκόμματα.
Θεοτοκίον.
Στόματι δοξάζω * καὶ γλώσσῃ ἀνυμνῶ * καὶ τῇ ἐννοίᾳ ὑμνῶ τὰ μεγαλεῖα πάντα
τὰ σὰ Δέσποινα * ὁρατὸς μὲν τὰ τῆς σαρκός * σου εἶδος ἀσπαζόμενος * καὶ νοητῶς
γεραίρομέν σου τὴν θείαν χάριν τὴν ᾠδὴν ἐκπληρῶ.
Ἱλασμὸς ὑπάρχων τῶν βροτῶν Σῶτερ * καὶ τῷ μώλωπί σου τὰς ἡμῶν ἀσθενείας
ἰατρεύσας * ὅθεν τῆς συνηθείας σου * πρός ἡμᾶς εὐσπλαγχνία καμπτόμενος * ἄνεσιν
παράσχου * καὶ τὸν μεταστάντα νῦν ἱκέτην σου.
Θεοτοκίον.
Ἐν τόπῳ ἀναψύξεως* ἐν θαλάμοις Κύριε ἐπ’ οὐρανίοις πίστει σε* τοῦ δοξάζειν
νῦν καταφύτευσον* τὸν πιστόν σου ἱκέτην* ὃν μετέστησας.
Ἀρίστην ἐνδειξάμενος * ἐπὶ πᾶσιν Κύριε * τοῖς ὑπηκόοις εὔνοιαν * ὁ ἱκέτης σου
φιλοστόργῳ ῥοπῇ καὶ τῆς σῆς βασιλείας * ἐπιτεύξοιτο.
Θεοτοκίον.
Σφραγῖδας μὲν οὐκ ἔλυσε * τῆς ἄχραντου μήτρας σου * ἀλλὰ θανάτου ὤλεσεν *
ὁ Υἱός σου * τὴν τυραννίδα ἁγνὴ * ἐκ φθορᾶς τοὺς ἀνθρώπους * λυτρωσάμενος.
Τοῦ κάλλους σου * θεωρῶν ὡς οἰκτίρμων ἀπέργασαι * τὸν τὴν ὡραιότητα * τῶν
ἐπικήρων ἱκέτην σου * Σῶτερ βδελυξάμενον * νῦν ἐξ ἡμῶν μεταστάντα * τῇ
προστάξει σου.
Νενέκρωται * καὶ σαρκὸς πρὸ θανάτου θελήμασιν * καὶ σοῦ πρός τὸ θέλημα *
τοῖς ὑπηκόοις προσώρμηται * Σῶτερ ὁ ἱκέτης σου * ὃν ἐξ ἡμῶν μεταστάντα * δι᾿
ἀναπαῦσον.
Θεοτοκίον.
Τῷ τόκῳ σου * τοῦ θανάτου τὸ κέντρον ἠμαύρωσας * καὶ νῦν τῇ πρεσβείᾳ σου
τὸν ἐξ ἡμῶν ἐκδημήσαντα * Μήτηρ ἀπειρόγαμε * τοῦ σοῦ Υἱοῦ παραστάτην θεῖον
ἔργασαι.
Ποιμὴν ὁ καλὸς * Ὅπερ τῶν προβάτων ὁ τιθεὶς τὴν ψυχὴν * πιστῶς σου τὸ
ποίμνιον * Σῶτερ τὸν ποιμάντα κατάταξον * ἐν τῇ θείᾳ σου μάνδρᾳ * τὸν ἐκλεκτὸν
ἱκέτην σου.
Θεοτοκίον.
Ἰδοὺ σὲ ἁγνὴ * γενεαὶ ἀνθρώπων μακαρίζομεν * διὰ σοῦ γὰρ λύτρωσις * γέγονε
βροτοῖς ὅτι ἐκύησας * δι᾿ ἀθανάτου λύσαντα.
Ἐπὶ σοι τὰς ἐλπίδας ἀνέθετο * Σῶτερ ὃν μετέστησας ἀποδυσάμενος * καὶ πρὸ
θανάτου δοῦλός σου * τὰ τοῦ βίου τερπνὰ δι᾿ ἀσκήσεως.
Θεοτοκίον.
Θεοτοκίον.
Οἶδας τὴν ἡμῶν* ἀσθένειαν οἰκτίρμων* κατὰ τὸ πλῆθος τοῦ ἐλέους σου*
γενόμενος ἄνθρωπος* διὰ τοῦτο δυσωπούμενος * ὑπὸ τῆς εὐσπλαγχνίας σου*
δώρησαι* νῦν πταισμάτων* τῷ μεταστάντι συγχώρησιν.
Ὕπνος μὲν πιστοῖς* ὁ θάνατος ὑπάρχει* τοῖς εὐαρέστως σοι δουλεύουσιν * καὶ
διαβατήριον * πρός ζωὴν τὴν ἀτελεύτητον * ἐντεῦθεν ὁ ἱκέτης σου * εὕροιτο
Ζωοδότα * τὴν μετ᾿ ἀγγέλων κατοίκησιν.
Σοὶ παρατιθεὶς * Χριστὲ καὶ πρὸ τοῦ τέλους * τὰς ἑαυτοῦ ἐλπίδας νεύματι * τῷ
παντοδυνάμῳ σου ὀρθοδόξως ὁ ἱκέτης σου * προέστη τοῦ ποιμνίου σου * ὅνπερ καὶ
μεταστάντα * μετὰ ἁγίων κατάταξον.
Θεοτοκίον.
Ἐν σοὶ τῷ Θεῷ ἡμῶν* ἀνατεθεὶς ὁ δοῦλός σου* καὶ πρὸ τέλους ἀσκήσει* στεῤῥᾷ
νενέκρωται* κόσμου καὶ σαρκὸς ἀφειδήσας* καὶ τὸν σταυρὸν λαβών σου ἐπ᾿ ὤμων*
ὃν νῦν καταξίωσον* μεταστάντα αἰωνίου ζωῆς.
Λαοῦ προηγούμενον* τῆς ποίμνης σου φιλάνθρωπε* τὸν πιστόν σου ἱκέτην
ὅνπερ μετέστησας* ἄμοιρον εὐθυνῶν σου ποιήσας* τῶν κατ᾿ αὐτὸν*
ἐπιγραφομένων* αὐτῷ καταξίωσον* ἀνεγκλήτως παραστῆναί σοι.
Συνήθως ἐφάπλωσον* Παρθένε τὰ ἐλέη σου* ἐπὶ τοῖς πεποιθόσιν ὑπὸ τὴν
σκέπην σου * καὶ τὸν ἐξ ἡμῶν μεταστάντα * τῷ σῷ Υἱῷ καὶ κτίστῃ τῶν ὅλων *
ἀνέγκλητον ποίησον * παραστῆναι ταῖς πρεσβείαις σου.
{Barb. gr. 593 ΧΙ- ΧII αἱ) (ἐλλειπὴς κατὰ τὴν α΄, β΄, & γ΄ ᾠδὴ)
ᾨδὴ δ´.
Ὑπόδεξαι Κύριε* τὸν δοῦλόν σου τοῦτον τὸν μεταστάντα ἐπ᾿ ἐλπίδι* τῆς
ἀναστάσεως* ἔνθα τὸ φῶς σου πέλει χαρὰ* καὶ ἀίδιος δόξα* ἔνθα τῶν Ὁσίων οἱ
δῆμοι* μύστην τε καὶ λάτρην σου ἵνα φωναῖς ἀσματικαῖς ἀνυμνήσῃ σοι.
Ἱστάμενος Κύριε* τῇ θείᾳ τραπέζῃ* ὁ μεταστὰς καὶ ἱερεύς σου* φόβῳ ἠτένιζεν*
τῇ ἄνῳ καὶ φρικτῇ σου Χριστέ* παρουσία ἡνίκα* ἔλθῃς μετ᾿ ἀγγέλων χορείαις τοῦ
κρῖναι τὴν ὑφήλιον * ὅθεν βοᾶ τότε μου φεῖσαι ὡς εὔσπλαγχνος.
Θεοτοκίον.
Ἁγία Παντάνασσα* Παρθένε Μαρία* τὸν σὸν Υἱὸν νῦν ἐκδυσώπει* ἵνα τὸν
δοῦλόν σου* ὡς ἱερέα ὄντα πιστόν* μεταστάντα ἐν φωτὶ* τάξῃ σὺν ἁγίοις προφήταις
* καὶ ἀποστόλοις ἅπασιν * σὲ γὰρ καὶ ζῶν * πιστῶς ἐν πόθῳ ἐδόξαζεν.
Πυρὸς γεέννης * καὶ κολάσεως * καὶ φρικτῆς ἀπειλῆς * ἐκείνης τῆς ἡμέρας *
βορᾶς σκωλήκων Κύριε * σκότους τοῦ δεινοῦ * καὶ βρυγμοῦ τῶν ὀδόντων * ῥῦσαι
τὸν δοῦλόν σου.
Εἰ καὶ πολλά σοι* ἐπλημμέλησε* ταῖς ἀτόποις ὁρμαῖς* ἀνατραπεὶς ἀλλ᾿ ὅμως *
πολλάκις σοι προσηύξατο * εὔσπλαγχνε Σωτὴρ * ὁ πιστός σου ἱκέτης * τοῦτον
ἀναπαῦσον.
Δόξα.
Καὶ νῦν.
Ῥυπτικὴν ὡς ἔχων ἰσχὺν * Κύριε φιλάνθρωπε δέξαι * ἡμῶν τὰς ἱκεσίας * τῶν
ἀναξίων ἱκετῶν τε καὶ δούλων σου * πάσης σμῆξον σκαιότητος * καὶ πάσης κηλῖδος
* τὸν νῦν προμεταστάντα * ἱερέα καὶ δόξης * μέτοχον ἀξίωσον.
Ἐπί σοι ἀνέθετο Χριστὲ* ἅπασαν οἰκτίρμον ἐλπίδα* ὁ πιστὸς Ἱερεύς σου * οὗ
τὴν κηδείαν νῦν ἡμεῖς οἱ ἀνάξιοι * ἐκτελοῦμεν ὡς γέγραπται * εὔχεσθε ἀλλήλοις *
διὸ ὡς ἔφης δέξαι * καὶ ἡμῶν τὰ αἰτήματα * καὶ τοῦτον ἀναπαῦσον.
Ὁ παρέχων πᾶσι τὴν πνοὴν * καὶ τοῖς κινουμένοις ὀρέγων * ζωὴν καὶ τοῖς
θανοῦσι * ἐν χερσί τε τὴν ἐξουσίαν φιλάνθρωπε * ἔχων μόνε ἀθάνατε * τὸν
προμεταστάντα * ἐξ ἡμῶν τῶν προσκαίρων * ἐν φωτὶ ζώντων Κύριε * Ἱερέα
σύνταξον.
Σὺν ἁγίοις μόνε ἀγαθὲ * Κύριε φιλάνθρωπε τάξον * ἡμῶν προμεταστάντα ἱερέα
τε καὶ στολαῖς κατακόσμησον * τῆς ἁγίας λαμπρότητος * τῆς ἐπουρανίου * ἵνα σὺν
τούτοις πᾶσι * συγχορεύει δοξάζων σε * εἰς αἰῶνας ἄληκτα.
Θεοτοκίον. *
Σωτηρίας τέξασα ἡμῖν * Κύριον ἐν δύο οὐσίαις * ἑνὶ δὲ τῷ προσώπῳ * Θεὸν
τέλειον καί βροτὸν ὑπὲρ τέλειον * ὅν πανάμωμε Δέσποινα * τοῦτον καθικέτευε * ἵνα
τὸν μεταστάντα * καὶ ἡμᾶς τοὺς ἱκέτας σου * σώσῃ ὡς φιλάνθρωπος.
Τὸν μεταστάντα ἐξ ἡμῶν* τοῖς δεξιοῖς* προβάτοις σου σύνταξον* καὶ πυρὸς
ἀσβέστου ἐλευθέρωσον* τῶν δεινῶν σφαλμάτων λυτρούμενος * ὅτι πέποιθεν ἐπὶ
σοὶ* ὁ λειτουργός σου Χριστέ* καὶ τοῦτον τῆς βασιλείας
Ὁ τῶν γηίνων μεταστὰς * καὶ πρός ζωὴν * τὴν ἀγείρω χωρήσας * ἱερεὺς τῷ
πνεύματι βοᾶ πρός ἡμᾶς * ἀδελφοὶ καὶ τέκνα καὶ φίλοι μου * μή μου λάθεσθε
δυσωπῶ * πρός τὸν Οἰκτιρμονα * πρεσβείαν ποιοῦντες * ἵνα εὕροιμι τῶν δεινῶν τὴν
ἀπολύτρωσιν.
Τῆς ἀπροσίτου σου χαρᾶς * καὶ τῆς τρυφῆς * τοῦ χειμάῤῥου Κύριε * ὃν ἐν πίστει
ἐξ ἡμῶν μετέστησας * κοινωνὸν ἀπέργασαι Δέσποτα * παραβλεπῶν τὰ ἐν κρυφῇ *
καὶ ἐν ἀγνοίᾳ κακὰ * πραχθέντα καὶ γνώσει * καὶ τοῦτον τῆς βασιλείας σου ἀξίωσον.
Δόξα.
Ἡ φωνὴ τοῦ Λόγου* ὁ λύχνος τοῦ φωτὸς* ὁ ἑωσφόρος* ὁ τοῦ ἡλίου πρόδρομος*
ἐν τῇ ἐρήμῳ* μετανοεῖτε πᾶσι* βοᾶ* τοῖς λαοῖς* καὶ προκαθαίρεσθαι* ἰδοὺ γὰρ
πάρεστι Χριστὸς* ἐκ φθορᾶς τὸν κόσμον λυτρούμενος.
Ἱερεὺς ὑπάρχων* καὶ στολὴν ἱερὰν* ἠμφιεσμένος* ὁ σὸς ἱκέτης Δέσποτα* τοῦ
βίου τούτου* πρός σὲ μεταχωρήσας* βοᾶ δι᾿ ἡμῶν* σῶσόν με οἴκτειρον* ἐν ὥρᾳ
ἐτάσεως Σωτὴρ* ὅταν μέλλῃς κρῖναι τὰ σύμπαντα.
Τυπωθέντα πᾶσι* τοῖς τοῦ βίου κακοῖς* ἀναβοᾶ σοι* ὁ ἱερεὺς καὶ λάτρης σου*
Χριστὲ οἰκτίρμον* κάθαρον σῶσον τάξον* θανόνα με πρός φῶς* σου τὸ ἀίδιον* ὡς
ἄνθρωπος ἥμαρτον πολλὰ* ὡς Θεὸς δὲ σὺ με ἐλέησον.
Σῶμα ἅπαν Λόγε* καὶ ψυχὴν ἡδοναῖς* κατεσπιλώθην* δι᾿ ἡμῶν ἀνακράζει σοι*
ὁ ἱερεύς σου* τὰς ἐντολάς σου πάσας* παρέβλεψα Χριστὲ* τῇ εὐσπλαγχνίᾳ σου* ἐκ
γῆς μεταστάντα ἀγαθὲ* δέξαι σῶσον νῦν ἀνάστησον.
Ἱκεσίαις πάντων* τῶν ἁγίων Χριστὲ* τὸν σὸν ἱκέτην* καὶ Ἱερέα σύνταξον*
προμεταστάντα* τοῦ βίου τοῦ προσκαίρου* ὡς πέλων ἀγαθὸς * ὅπου ἀένναος* τρυφὴ
καὶ ζωὴ ἀληθινή* καὶ χαρὰ καὶ φῶς ἀνεκλάλητον.
Τῆς ἀφράστου δόξης * ὁ Θεός με τῆς σῆς * καταξίωσον * δι᾿ ἡμῶν ἀνακράζει
σοι* ὁ Ἱερεύς σου* προμεταστὰς ἐκ τούτου* τοῦ βίου τοῦ φθαρτοῦ* καὶ ὥσπερ
ζῶντά με* κατῴκτειρας μόνε ἀγαθέ* οὕτως καὶ θανόντα ἀναπαῦσον.
Θεοτοκίον.
Τὴν ἁγνὴν Παρθένον* εὐσεβῇ λογισμῷ* δοξάσας πάλαι* ὅτε ἔζων ἐν σώματι*
δι᾿ ἡμῶν κράζει* ὁ ἱερεὺς σὸς δοῦλός* Χριστὲ καὶ μεταστὰς* ταύτην προσάγω σοι*
πρεσβεύειν ῥυσθῆναί με φλογὸς* καὶ τῶν αἰωνίων κολάσεων.
Ἄβυσσος* ἐσχάτη ἁμαρτημάτων ἐκύκλωσέ με* καὶ τὸν κλύδωνα μηκέτι φέρων*
ὡς Ἰωνᾶς τῷ Δεσπότῃ* βοῶ σοι ἐκ φθορᾶς με ἀναπαῦσον.
Ἅπας σου * τὴν ἔλευσιν τότε βλέψει Χριστὲ ὁ Θεὸς* ὀφθαλμὸς ὡς φοβεράν τε
οὖσαν* ἐκ τῶν ὑψίστων εἰς κρίσιν* πρακτέων μὴ εἰσέλθῃς τοῦ δούλου σου.
Σχέσεως* τοῦ βίου ἀπολυθέντα τὸν δοῦλόν σου* ὡς τὸ τάλαντον Χριστέ μου
Λόγε * προσεπαυξήσαντα τάξον * τοῖς θείοις σου ποιμέσιν ὡς εὔσπλαγχνος.
Δόξα.
Ἥκιστα γὰρ ζῶν * ὡς δεῖ σοι Χριστέ ποτε ἐδούλευσα * ὁ μεταστάς σοι
ἀνακράζει * δι᾿ ἡμῶν ἀλλὰ φείσαι μου ὅτε τῆς φρικτῆς ἀνταποδόσεώς τε φανερῶς *
ἐξετάσεις καὶ ἐλέγξεις πάντα τὰ κρύφια * τότε Δέσποτα * ἐν δεξιοῖς σου στῆσόν με *
ἐν χαρᾷ * καὶ φαιδρότητι.
Κράζει δι᾿ ἡμῶν * ὁ σὸς ἱερεὺς θανὼν φιλάνθρωπε * τὰς ἐντολάς σου Χριστὲ *
πάσας παριδὼν ἀλλὰ φείσας μου * καὶ μὴ καταισχύνῃς με τὸν δοῦλόν σου * ὅτε τῷ
φρικτῷ * στήσεις με τότε θείῳ σου βήματι * στῆσον Δέσποτα * ἐν δεξιοῖς σε Κύριε *
τὸν πολλὰ ἁμαρτήσαντα.
Ἔχων οἰκτίρμων * σῶσαι κόσμον καὶ ἀνάπαυσον * τὸν μεταστάντα Ἱερέα * ἔνθα
πέλει ἡ δόξα σου καὶ πᾶσα δικαίων * ἡ ὁμήγυρις * ἵνα σὺν αὐτοῖς * τὴν ἀένναον
δοξολογίαν μέλψη σοι * ὑπερύμνητε.
Ἀπὸ τῆς φθορᾶς * ἡ φύσις ἡμῶν καταδεδούλωται τὸν θεῖον νόμον παραβὰς * δι᾿
ἧς χώραν ὁ θάνατος ἔλαβεν βροτοὺς καὶ ἐλυμήνατο * ὅθεν καὶ πιστόν * ὃν
μετέστησας τῇ κρίσει τῇ δικαίᾳ σου * ἐν σκηνώμασιν * τῶν ἐκλεκτῶν σου σύνταξον
* ἱερέα καὶ λάτρην σου.
Ὅτε ὡς Θεὸς * καθήσεις τοῦ κρῖναι πνοὴν ἅπασαν * τότε μου φεῖσαι ὡς
οἰκτίρμων * ὧν ἐν βίῳ διήμαρτον ἀγνοἰᾳ καὶ γνώσει πλημμελήματα * ὄντως γὰρ
οὐδεὶς * ἐν ἀνθρώποις ἁμαρτίας ἀνεύθυνος * διὸ Δέσποτα * τῆς δεξιᾶς σου στάσεως
* κοινωνόν με ἀξίωσον.
Νεῦσον ὁ Θεὸς * ἡμῶν τῶν σῶν δούλων παρακλήσεσιν * καὶ τὸν θανόντα ἐπ᾿
ἐλπίδι * ζωῆς μέτοχον ποίησον * τῆς ἄνω λαμπρότητος καὶ δόξης σου * πάντα
παρορῶν ἃ ὡς ἄνθρωπος ἐν τῷ βίῳ διήμαρτεν * καὶ τραπέζης σου * τῆς οὐρανίου
σύνταξον * τὸν καλῶς λατρεύσαντά σοι.
Θεοτοκίον.
Ὑπὲρ ἱκετῶν * Παρθένε πιστῶν πάντων δεήθητι * τὸν σὸν Υἱόν τε καὶ Δεσπότην
* ὃν ἀφθόρως γεγέννηκας * μία ὑποστάσει δυσὶ φύσεσι * ὅπως εὐμενὴς * πᾶσι
γένοιτο ἐξαιρέτως τῷ δούλῳ σου * καὶ ἀνάπαυσιν * εὑρεῖν ἐν ὥρᾳ κρίσεως * ἵνα
πίστει δοξάσῃ σε.
Ζωή μου ἔδυ * καθάπερ ἥλιος κράζει σοι * ὁ σὸς δοῦλός * Σῶτερ δι᾿ ἡμῶν *
ἀλλ᾿ ὡς εὐμενὴς * τοῦτον κατοικτείρησον * καὶ σὺν Δικαίοις ἀνάστησόν με ψάλλειν
* λυτρωτά.
Ὅταν καθήσης * εἰς τὴν κοιλάδα φιλάνθρωπε * τοῦ κλαυθμῶνος * κρῖναι τοὺς
βροτοὺς * τότε ὡς Θεὸς * συγγνώμην ἀξίωσον * τὸν μεταστάντα ἐξ ἡμῶν τοῦ βοᾶν
σοι * λυτρωτὰ ὁ Θεὸς εὐλογητός εἶ.
Δόξα.
Ἐν σοὶ σκηνώσας * ὁ τοῦ Θεοῦ συναίδιος * Θεοτόκε * Λόγος τοῖς βροτοῖς * δι᾿
οἶκτον βροτὸς * ὤφθη παναμώμητε * ἵνα θεώσῃ τοὺς πίστει μελωδοῦντας * λυτρωτὰ
ὁ Θεὸς εὐλογητὸς εἶ.
Σῶσον καὶ ἐπαναπαῦσον * ἐν τῇ ἀγήρῳ τρυφῇ σου * Κύριε * τὸν σὸν ἱερέα * ὃν
ἐκ τῶν προσκαίρων νῦν * καὶ τῶν φθαρτῶν μετέστησας * διὰ θανάτου οἰκτίρμων *
τοῦ βίου μεταστάντος ἁγίων * ἵνα συνὼν μετ᾿ αὐτῶν ἄληκτα χορεύει * ὑμνῶν σε εἰς
αἰῶνας.
Τὰ πλήθη μου ἐξάλειψον * τῶν ἐσφαλμένων βοᾶ σοι * Κύριε * ὁ ἱερουργός σου
* δι᾿ ἡμῶν καὶ λύτρωσαι * πάντων μου τῶν κολάσεων * ὅτε προστάξῃς χωρῆσαι *
Δικαίους ἐξ ἀδίκων με τότε * τῆς δεξιᾶς σου φαιδρὸν * δεῖξον κληρονόμον * σὺν
ὁσίοις σου πᾶσιν.
Ὁρᾶν σου καταξίωσον * τὴν αἴγλην μόνε οἰκτίρμον * κράζει σοι * ὁ ἱερουργός
σου * δι᾿ ἡμῶν τοῦ θείου σου * βήματος δεῖξον ἄμεμπτον * ὅτε τὰ κρύφια πάντων *
ὡς μόνος κριτὴς ἀποκαλύψεις * καὶ μετ᾿ ὁσίων χαρᾶς * τῶν σὲ λατρευσάντων *
ποίησον κληρονόμον.
Ῥήματα * καὶ νοήματα * ἃ ἐν ἀγνοίᾳ καὶ γνώσει * ἥμαρτον * καὶ πάσας τὰς
πράξεις * καὶ τὰς ἐνθυμήσεις μου * τὰς πονηρὰς ἐξάλειψον * ὁ ἱερεὺς ἐκβοᾶ σοι *
Χριστὲ δι᾿ ἡμῶν ὁ μεταστὰς νῦν * ὡς ὀρθοφρόνως ἀεὶ * σὲ ὁμολογήσας * ἐν σαρκὶ
ὅτε ἔζη.
Θεοτοκίον.
Πάντα κατέλιπεν ὁ σὸς * καὶ πρός μετάρσιον * δοῦλος ἐπὶ ἀγωγὴν * κελεύσει *
τῇ σῇ ἀναμάρτητε * ὁ κρίνων πᾶσαν πνοὴν * ἀλλ᾿ οἶδας * τὸ τερπνὸν τῶν ἀνθρώπων
* ὅθεν τὰ ἐν ἀγνοίᾳ * καὶ ἐν γνώσει πραχθέντα * ἄνες ὡς οἰκτίρμων * Θεὸς καὶ
ἐλεήμων.
Δόξα.
Καὶ νῦν.
Ἡ τοῦ ἀφράστου τοκετοῦ * ὦ τῆς ἁγνείας σου * μητρὸς Παρθένε ἁγνὴ * Θεὸν
γὰρ * ἐν νηδύϊ φέρουσα * ὃν οὐρανὸς οὐ χωρεῖ * βαστάζεις καὶ γαλουχεὶς ὡς βρέφος
* καὶ τρέφεις τὸν τροφέα * τῶν ἁπάντων διό σε * ἀνυμνολογοῦμεν * ὡς μόνην
Θεοτόκον.
Ἀπορεῖ πᾶσα * γλῶσσα εὐφημεῖν πρός ἀξίαν * ἰλιγγια δὲ νοῦς καὶ ὑπερκόσμιος *
ὑμνεῖν σε Θεοτόκε * ὅμως ἀγαθὴ ὑπάρχουσα * τὴν πίστιν δέχου * καὶ γὰρ τὸν πόθον
οἶδας τὸν ἔνθεον ἡμῶν * σὺ γὰρ χριστιανῶν ἡ προστάτις * σὲ μεγαλύνομεν.
Τριαδικόν.
Σοῦ τὸν Πατέρα* Λόγε καὶ τὸ Ἅγιον Πνεῦμα* ὁ ἱερεύς σου * ἕνα τρισυπόστατον
καὶ φύσει καὶ οὐσίᾳ * μίαν ἐν τρισὶ προσώποις τε * Θεὸν ἀνυμνεῖ * σεσαρκωμένον
ὄντα ταῖς φύσεσι διπλοῦν * ἕνα * ὅνπερ καὶ νῦν μεταστάντα * Χριστὲ ἀναπαῦσον.
Θεοτοκίον.
Ἔνθα χορὸς τῶν Δικαίων* ἀποστόλων ὁσίων* καὶ προφητῶν καὶ ποιμένων*
τάξον ἀγαθὲ* ὃν ἐδόξασας νῦν* ἐν τῇ προσκαίρῳ ζωῇ* ἱερέα πιστόν σου* καὶ
ποίησον αὐτὸν* ἐκλεκτὸν παραστάτην* τῆς βασιλείας σου.
Ὡς τῆς ζωῆς σε ταμεῖον καὶ θανάτου οἰκτίρμον* καὶ τῆς φθορᾶς τὸν καθαιρέτην
ἴσμεν οἱ πιστοί* δυσωποῦμεν Χριστὲ ὑπὲρ τοῦ δούλου σου* ἐν μεθέξει γενέσθαι* τῆς
θείας σου ζωῆς* καὶ τυχεῖν τῆς ἐκεῖθεν μακαριότητος.
Δόξα.
Νεκάδων χορὸς ὑπάρχει * ἀμειδὴς καὶ γνοφώδης * ἔνθα οὐκ ἐστὶν φέγγος οὔτε
φῶς * ἔνθα ζόφος δεινὸς * ἔνθα ὁμίχλη πικρὰ * ἔνθα σκότος ὑπάρχει * ὃν λύτρωσαι
Χριστὲ * τὴν ψυχὴν τοῦ σοῦ δούλου * καὶ λατρευτοῦ σου πιστοῦ.
Νέον ἐκύησας βρέφος * τὸν πρὸ πάντων αἰώνων * ὑπερφυῶς ἄνευ σπορᾶς * ὡς
οἶδεν ὁ τεχθεὶς * ἐκ λαγόνων τῶν σῶν * Θεογεννήτρια * ὃν δυσώπει ῥυσθῆναι *
παντοίας προσβολῆς * τοὺς ἐν πίστει καὶ πόθῳ * σὲ μεγαλύνοντας.
Θεοτοκίον.
Θεοτοκίον.
Ἀθανάτου σύμβολον * τοῦ σου φιλάνθρωπε * τὸν σταυρὸν σου ἐπ᾿ ὤμων *
ἀναλαβὼν ὁ πιστὸς ἱκέτης σου * ὁ μεταστὰς νῦν ἐξ ἡμῶν * εὐσεβῶς σοι
ἐλειτούργησε.
Νεκρῶν καὶ ζώντων σε* ὡς κυριεύοντα* καὶ ζωῆς καὶ θανάτου* ἐπεγνωκὼς * ὁ
πιστὸς ἱκέτης σου * σοι τῷ δεσπότῃ καὶ Θεῷ * ἀνετέθη δι᾿ ἀσκήσεως.
Θεοτοκίον.
Τῷ θείῳ τόκῳ σου* ἐλύθη Δέσποινα* ὁ δεσμὸς τοῦ θανάτου* ἐκ τῶν βροτῶν*
καὶ ζωὴν εὑρήκαμεν* οἱ ἐν τῇ σκέπῃ σου ἁγνὴ* πεποιθότες Μητροπάρθενε.
Τίς πέρας βίου περιτυχὼν * πάσης προσδοκίας τῆς πρός σὲ ὁ λειτουργός σου
διήμαρτεν * μόνε Ζωοδότα ἐξευμενίσεως * ἀλλ᾿ οὖν μὴ ἐκβληθείη τῆς βασιλείας
σου.
Θεοτοκίον. *
Ἰσχὺν ὁ μόνος θεουργικὴν * περιβεβλημένος τὴν ἰσχὺν * διὰ σταυροῦ
καταβέβληκεν * ᾅδου τοῦ παμφάγου * Παρθενομῆτορ ἁγνὴ * ὁ σὲ μετὰ τὸν τόκον *
διαφυλάξας ἁγνήν.
Τοῦ βίου τὸν τάραχον * τῷ σταυρῷ θωρακισθεὶς * καὶ πρὸ ταφῆς διέφυγεν * ἐν
ἀσκήσεις δουλεύσας τῷ Θεῷ * πιστῶς ὁ ἱκέτης σου * ὃν καὶ νῦν μεταστάντα * σὺ
ἀναπαῦσον.
Θεοτοκίον. *
Νεκρωθέντα ὡς γινώσκων δι᾿ ἀσκήσεως * καὶ πρὸ θανάτου Λόγε Θεοῦ * τὸν
ἱκέτην σου * τοῖς θελήμασιν τοῖς ἑαυτοῦ * ζωῆς ἀϊδίου νῦν πρός σὲ * μεταχωρήσαντα
ποίησον * κληρονόμον Χριστέ.
Θεοτοκίον.
Θελητὴς τοῦ ἐλέους ὑπάρχων Κύριε * τὸν ἐν πίστει καὶ πόθῳ * σοι
λειτουργήσαντα * καὶ ἀσκητικῶς * ἐπὶ γῆς σοι δουλεύσαντα * οἴκτειρον μετάρας *
πρός σὲ νῦν ἐκ τοῦ βίου.
Θεοτοκίον.
Ἰσχὺν* ὁ μόνος περιζωσάμενος* Λόγε Θεοῦ * τὴν κατὰ τοῦ θανάτου καθεῖλες
γὰρ * τὴν αὐτοῦ τυραννίδα θανάτῳ σου * καὶ τὴν ἀθανασίαν * πᾶσιν ἐπήγασας * νῦν
τὸν μεταστάντα ἐξ ἡμῶν * ἐν σοὶ ἀναπαῦσον.
Θεοτοκίον.
Σκηνὴν* ἁγίαν σε καὶ παλάτιον* καὶ κιβωτὸν* καὶ θρόνον τοῦ ὑψίστου
πυρίμορφον* Θεοτόκε πιστοὶ ὀνομάζομεν* μόνη γὰρ ἐξ αἰῶνος* τὸν καταλύσαντα*
ἔτεκες τοῦ ᾍδου τὴν ἰσχὺν* διὰ Σταυροῦ καὶ ταφῆς.
Τοῖς πολλοῖς σου κρίμασιν Χριστέ, πίστει μετέστησας* ἀπὸ τῆς γῆς καί* τοῖς
νεκροῖς συνέταξας * ζωῆς δεῖξον μέτοχον* ἀϊδίου τε καὶ λαμπρῶς ὡς ποθήσασαν *
σε ὁλοκαρδίως, τὸν ἀγαθοδότην καὶ φιλάνθρωπον.
Παρθενίαν φέρουσα ψυχῆς* πάνσεμνε καὶ σώματος * ἀπὸ τῆς γῆς μετέστης θείῳ
πνεύματι * Χριστὸς οὖν ὥς εύσπλαγχνος * ὃν ἠγάπησας εἰς νυμφῶνα οὐράνιον * σὲ
κατασκηνώσοι, πάντα συγχωρήσας σου τὰ πταίσματα.
Θεοτοκίον.·
Συνέσεως ἐπλήσθης καὶ τὸν συνέσει τείναντα * τοὺς οὐρανοὺς ἠγάπησας * ἀλλ᾿
αὐτὸς πύλας τῆς ἄνω Σιὼν * διανοίξοι ἐν δόξῃ * ὢ φιλόχριστε.
Ἠγάπησας τὸν Κυριον καὶ πρός τοῦτον* ἔσπευσας* ὥσπερ στρουθίον ἄμωμον*
ἀναπτῆναι ἀλλὰ σκηνώσοι σε* πρός μονὰς ἀκηράτους* ὡς φιλάνθρωπος.
Θεοτοκίον. *
Θεοτοκίον.
Τὴν χάριν σου ἐφαπλώσας πλουσίως πανάχραντε * εἰς πάντα τὰ πέρατα * ταύτης
μετόχους ἀνάδειξον * πίστει τῷ τεμένει σου * τοὺς συνελεύσεσιν θείαις ἀνυμνοῦντάς
σε.
Πύλας Χριστὲ * τῆς αὐτοῦ βασιλείας * σοι ὑπανοίξοι μέτοχον δεικνύων σε θείας
δόξης τῶν ἑπταισμένων * πάντων δώῃ συγγνώμην * ἀϊδίου φωτὸς ἐμπλήσοι σε *
τοῦτο γὰρ μόνον σεμνὴ ἐπόθησας.
Ἔνθα πάντων ἁγίων τὰ πνεύματα * ὅπου καταλάμπει τὸ φῶς τοῦ προσώπου σου
* Χριστὲ Σωτὴρ τὴν δούλην σου * κατατάξας ὑμνεῖν σὲ ἀξίωσον.
Θεοτοκίον.
Θεοτοκίον.
Ναὲ Θεοχωρῆτε * τῆς θείας δόξης * ναὲ ἐπουράνιε Παρθένε ἀπειρόγαμε * ναοὺς
σου εὐπρέπειαν * τοὺς ἀγαπῶντας τὴν σὴν φώτισον ἁγίασον φωτὶ τοῦ τεχθέντος * ἐκ
σοῦ πανάμωμε ἱκέτιδα.
ᾨδὴ η´.
Σου ταῖς καλλοναῖς * ἡ σὴ δούλη * σοῦ τὴν λαμπρότητα ἐπόθησεν * σοῦ ταῖς
ἀναβάσεσιν ἔτασον * τὴν ψυχὴν ἕλκυσιν ἐδίψησεν * τοῖς δήμοις ταύτης σύνταξον *
Δέσποτα τῶν δικαίων * διὰ πολλὴν ἀγαθότητα.
Πίστις καὶ ἐλπὶς * ἀγάπη δὲ τελεία * τὴν σὴν καρδίαν κατεκόσμησεν * καὶ τὸν
νοῦν ἐλάμπρυνεν * διὰ τοῦτο ἱκετεύομεν * τὸν ἀγαθὸν Θεὸν ἡμῶν * τάξεις ὡς
παρθένον * ταῖς τῶν ἁγίων λαμπρότησι.
Θεοτοκίον.
Φώτισον ἁγνὴ * τῆς σκοτίας τῆς ψυχῆς μου * φῶς ἡ τεκοῦσα τὸ ἀπρόσιτον * καὶ
τῶν παθῶν τῆς καρδίας Σὺ σβέσον μου τὴν κάμινον δέομαι Παναγία * τῆς ἁμαρτίας
Θεονυμφε.
Θεοτοκίον.
Ἁγία Πανάμωμε ἁγίασον τοὺς δούλους σου * ὑπεράγιον Λόγον * σαρκὶ κυήσασα
* λύτρωσαι ἡμᾶς τῶν παγίδων * τοῦ πονηροῦ σῶσον ἡμᾶς πάντας * τούς σε
Θεομήτορα * ὀρθοδόξως καταγγέλοντας.
Ἰδοὺ κεῖμαι νεκρὰ * ἡ χθὲς ἡμῖν συμμελωδοῦσα * συνοδεία μου καλὴ * καὶ
συμπαρθένοι ἄπνους σιγῶσα * φρίττουσα τὸ μέγα μυστήριον.
Θεοτοκίον.
Ἄπιθι * τέκνον μου χαίρουσα * ἐν τῇ γῇ τῶν πραέων * καὶ ἐν αὐλαῖς ταῖς ἁγίαις *
κατασκηνώσει Θεὸς * καὶ στολὴν ἀφθαρσίας * ἐνδύσασθαι φαιδρῶς * εἰς τὸν
νυμφῶνα ἑαυτοῦ * διατάσθαι ποιήσει * καὶ μέλπειν αὐτῷ ἀεὶ * ᾆσμα τὸ τρισάγιον.
Δέχου τὰ δάκρυα * δέχου τὴν δέησιν * δέχου καὶ ταύτην ἡμῶν * τὴν προσφορὰν
καὶ θυσίαν * ἅγιε Δέσποτα * καὶ ὀσφράνθητι ταύτην * καὶ σύνταξον Σῶτερ *
ἑορταζόντων τῷ χορῷ * καὶ ἀεί σε ὑμνούντων * οἴκτειρον ὡς ἀγαθὸς * φιλάνθρωπε
Κύριε.
Θεοτοκίον.
Οἴμοι τάλαινα ψυχὴ * πῶς διέλθῃς τὰς ἀρχὰς * τὰς ἐξουσίας * καιρὸς τανῦν *
πῶς κατοικτηρίσης τὸν κριτὴν * ἐπὶ τοῦ βήματος.
Ὅπου λάμπει ὁ Θεὸς * τοῦ προσώπου σου τὸ φῶς * ἐν χώρα ζώντων * τὴν σὴν
δούλην Χριστὲ * κατασκήνωσον φαιδρῶς * ἵνα γεραίρεις ἄν.
Θεοτοκίον.
Ἡ τεκοῦσα τὸν Θεὸν * τὸν ποιμένα καὶ ἀμνὸν * Παρθενομῆτορ * βοηθός μου
γενοῦ * ἐν τῷ ὥρα τῇ φρικτῇ * τῆς διαγνώσεως.
Ἰδοὺ τὸ τέλος σου ἠγγικεν * καὶ κατέλαβεν ἄμφω * ἡ ἐμπρόθεσμος τομὴ * καὶ
ὑφοροῦμαι καὶ φρίττω σου Χριστὲ τὴν κρίσιν * μὴ οὖν με ἀγαθὲ * τῷ θυμῷ σου
ἐλέγξῃς * κραυγάζει σοι * ἡ σὴ δούλη ὁ Θεός.
Ἅ τῷ βίῳ σοι ἥμαρτον εἴτε ἔργῳ ἤ λόγῳ * ἤ ἔννοια πταίσματος ἥν προσελάβου
ἀναπαῦσον Ἐλεῆμον * ἐνωσον δὲ αὐτὴν χορῷ τῶν δικαίων * ὅπου λάμπει * τοῦ
προσώπου σου τὸ φῶς.
Θεοτοκίον.
Οἴμοι ψυχή μου ἀθλία * πῶς τοῦ ἀέρος διέλῃς τὰς ἀρχὰς καὶ ἐξουσίας τοῦ
κοσμοκράτορος μόνη βοηθοῦντος οὐδενός.
Θεοτοκίον.
Ἀροῦσα τὸν Σταυρόν σου ἐπ᾿ ὤμοις ὁ Θεὸς * κατακολουθήσασα πόθῳ ὀπίσω μὴ
σὺν μὲ ἀπώσῃ ὁ Σωτὴρ * μὴ εἴπῃς κἀμοὶ * οὐκ οἶδά σε * ἡ σὴ δούλη ἐκβοᾶ.
Τὸ σῶμά μου ἐν τάφῳ ἐσάπη ὥσπερ χοῦς * τὴν δὲ ψυχήν μου ἔθεμην εἰς χεῖράς
σου Χριστέ μου * σὺ οὖν ὁδήγησον αὐτὴν ἐν τόποις ἁγίοις σου φαιδροῖς * ὅπου
λάμπει * τοῦ προσώπου σου τὸ φῶς.
Θεοτοκίον.
Ὑμνοῦμέν σε Παρθένε δοξάζομεν πιστῶς * τὴν φωτοφόρον νεφέλην ἐξ ἧς, οἱ
βροτοὶ * ἀντλοῦμεν τὴν ἀφθαρσίαν καὶ τὸ φῶς * Μαρία ἡ ἐλπὶς τῶν γηγενῶν χαῖρέ
σοι * ἀνακράζομεν.
Τῆς πίστεως τὸ τάλαντον καὶ τῆς ἁγνείας δρόμον κατέχουσα Χριστέ μου * ταῖς
τῶν παθῶν μου ἡδονὰς * καὶ γὰρ ἐν ἀμελείᾳ * παρῆλθεν ὁ χρόνος μου * ἴδε σύν με
Σῶτερ * ἱλέῳ ὄμματί σου * καὶ ἄφεσίν μοι δὸς * ὡς Θεὸς ἐλέους * κατατάσσων
ἁγίοις.
Τὴν φλόγα τὴν τῶν παθῶν μου * τῇ δρόσῳ τῆς σῆς ἀγάπης * οὐκ ἔσπευσα τοῦ
σβέσαι * οὐδὲ τῷ φόβῳ σου Χριστὲ * ἀλλὰ τῇ λοιδορίᾳ * τὴν φλόγα ἐξέκαυσα * ἴδε
οὖν με Σῶτερ * ἱλέῳ ὄμματί σου * καὶ ἄφεσίν μοι δὸς * ὡς Θεὸς ἐλέους *
κατατάσσων ἁγίοις.
Θεοτοκίον.
Σὺ τοὺς τελώνας Χριστὲ * καὶ τὰς πόρνας ἐδέξω * καὶ παράλυτον ἔσφιγξας
ἐθεράπευσας τυφλοῦ δαιμόνια ἐκβάλλων * σὺ καὶ ψυχὴν τὴν ἐμὴν * ἀναπαῦσον
Σωτήρ μου.
Υἱὲ Δαυΐδ σοι κάγω * ἐκ τοῦ τάφου κραυγάζω * ὥσπερ πάλαι ἐβόα * ἡ πιστὴ
Χαναναία ἐλέησον οἰκτίρμον * καὶ ἄφες μοι ἅπερ ἡμάρτηκά σοι.
Ἐν ᾧ ἱστάμην ποτὲ * καὶ συνέψαλλον τόπῳ * μόνον νῦν καθορῶσα * συνοδιά
μου καλὴ * ἱκέτευε ὑμνοῦσα * τοῦ ἀναπαῦσαι με * Χριστὸς σὺν τοῖς ἁγίοις.
Θεοτοκίον.
Οἴμοι τάλαινα ψυχὴ * πῶς διέλθεις τὰς ἀρχὰς * πῶς τὴν ὁδὸν ὀδεύσεις * ἥν
οὐδέπω διῆλθες * πῶς τὰς μονὰς καὶ παρέλθῃς * τὰς τοῦ ἀδύτου τὰ φρικτά.
Θεοτοκίον.
(Crypt. gr. Γ. β. XXLII, ΧI αἱ., Messin. Bibl. Univ. S. Salv. gr. 153 XI αἱ, Messin.
Bibl. Univ. S. Salv. gr. 172 ἔτ. 1179).
Σοῦ τὸν Σταυρὸν ἐπὶ τῆς γῆς ἀράμενον* τὸν μεταστάντα Χριστὲ* καὶ ἐν μονήρει
βίῳ * ἕως τέλους ζήσαντα * ἐν θλίψεσι εὐφραινόμενον * τῆς ἀλήκτου χαρᾶς σου*
ἐπαπολαύσαι ἀξίωσον* ᾆσμα εὐφροσύνης σοι ψάλλοντα.
Τῆς ἀψευδοῦς ἐπαγγελίας τεύξοιτο * Σῶτερ ὁ δοῦλός σου * καταλιπὼν πᾶσαν ἐπὶ
γῆς προσπάθειαν * καὶ σοῦ κατόπιν Κύριε * πορευθεὶς εὐθυβόλως ἀνάδειξον τοῦτον
ὡς εὔσπλαγχνος * ἐλεύθερον πάσης κολάσεως.
Τῆς εὐκλεοῦς σου νῦν ζωῆς τὸν σύνδεσμον* καὶ τὴν συνάφειαν* καὶ τοῦ σεμνοῦ
ἤθους* μεμνημένοι ἅπαντες* ὦ ἀδελφὲ ἀείμνηστε* ἐν θερμῇ κατανύξει* Χριστῷ
συμφώνως κραυγάζομεν* Κύριε τὸν δοῦλόν σου πρόσδεξαι.
Θεοτοκίον.
Κεκαθαρμένη τῷ Ἁγίῳ Πνεύματι * ψυχὴν καὶ σῶμα καὶ νοῦν * τῆς ἀπροσίτου
δόξης * ἀπροσίτως πέφυκας * δοχεῖον τιμαλφέστατον * Θεοτόκε Παρθένε * τὸ μέγα
θαῦμα τῆς κτίσεως. * Ὅθεν σε ἀπαύστως δοξάζομεν.
Κύριε, Κύριε * μόνε ἀθάνατε Σωτὴρ * τὸν πίστει εἰλικρινεῖ * ἐπὶ τῆς γῆς
λατρεύσαντά σοι θερμῶς * ἐν βίῳ μονήρει * ἀναπαῦσον ὡς Θεὸς * ἐν Παραδείσῳ τῆς
τρυφῆς.
Βίον τελέσαντα * ζωὴν ἀμείψαντα Χριστὲ * τὸν δοῦλόν σου ὁ Θεὸς * τῆς
παροικίας πρόσδεξαι ἀγαθὲ * παρέχων ἀφθόνως * τῆς κατοικίας αὐτὸν * τὴν
κληρουχίαν τῆς ἐν σοί.
Πάντα κατέλιπεν * πάντα ἠρνήσατο Χριστὲ * ὁ δοῦλός σου τὰ τῆς γῆς * καὶ τὸν
Σταυρόν σου ἤρατο ἐπ᾿ ὤμων * ζητῶν σου ἐν πίστει * τὸ πρόσωπον ὁ Θεὸς * διὸ
ἀναπαῦσον αὐτόν.
Θεοτοκίον.
Λόγῳ ἀνεκφράστως * ἔργα ἀνείκακος σεμνὴ * ὁ θεῖός σου τοκετὸς * τοῖς ἐπὶ γῆς
ἐδείχθη θεοπρεπῶς * ὁ ὧν γὰρ ἐν κόλποις * τοῦ ἀοράτου Πατρὸς * ἐκ σοῦ προῆλθεν
σαρκωθείς.
Τῆς ἀπροσίτου σου χαρᾶς * καὶ δόξης τῆς ἀκηράτου * τὸν ἐν πίστει μεταστάντα
πρός σὲ οἰκτίρμον * σὺ καταξίωσον Σωτὴρ * ὅτι ἐν σοὶ ἀνέθετο * τὰς ἑαυτοῦ ἐλπίδας
βίον μονήρη ἀράμενος.
Τῆς ἀειζώου σου τρυφῆς * καὶ τοῦ νυμφῶνος τοῦ θείου τὸν πρός σὲ
μεταφοιτήσαντα δεῖξον * ἐν μετοχῇ ὡς ἀγαθὸς * καὶ αὔγασον τὸ φῶς σου αὐτῷ * τοῦ
ἀχλυώδους σκότους * τοῦτον Σωτὴρ ἀφαιρούμενος.
Θεοτοκίον.
Ἔνθα τρυφὴ * Κύριε ἔνθα τὸ ἄδυτον φῶς * ἔνθα ἦχος * τῶν ἑορταζόντων
τερπνῶς * τὸν ἐπὶ γῆς πάντα τὰ τερπνὰ * καταλελοιπότα * καὶ σοῦ κατόπιν
βαδίσαντα * εἰσάγαγε οἰκτίρμων * ὡς ἐν βίῳ μονήρει * εὐσεβῶς καὶ πιστῶς σοι
λατρεύσαντα.
Θεοτοκίον.
Τῆς ἀχλύος τοῦ βίου * τὸν πιστόν ἱκέτην σου * ἀπολυθέντα Σωτὴρ * ἀπροσίτῳ
φάει * καταυγάζεσθαι τοῦτον ἀξίωσον * νοητὲ Ἥλιε * ὅτι πρός σὲ μεσονυκτίῳ
διεγείρετο ψάλλων σοι Κύριε.
Ἐγκρατείας τὸν κόπον* καὶ δακρύων καμάτους* μνήσθητι Κύριε* τοῦ πιστοῦ
σου δούλου* καὶ συγγνώμην παράσχου ὡς εὔσπλαγχνος* τῶν πολλῶν Δέσποτα * καὶ
χαλεπῶν * νῦν ἐγκλημάτων * ὅτι πίστει πρός σε ἐπεδήμησε.
Θεοτοκίον.
Ἐπὶ γῆς νέον βρέφος * ὁ ὑπερτελὴς Θεὸς * ὦπται Παρθένου μητρὸς * καὶ τὸν
κόσμον πάντα * τῆς ἀγνοίας τοῦ σκότους ἐῤῥύσατο * ὅτι φῶς γνώσεως * αὐτός ἐστίν
* καὶ ἀληθείας * ὃν ὑμνοῦντες πιστῶς φωτιζόμεθα.
Τοῦ κλύδωνος ἀγαθὲ * παντὸς τοῦ βίου τὸν δοῦλόν σου * λυθέντα σωματικὼς *
λιμένι προσόρμησον * τῷ τῆς βασιλείας σου * ὅτι ἐπὶ ὤμων * τὸν σταυρόν σου
ἀνελάβετο.
Καὶ πρὸ θανάτου Σωτὴρ * τῷ σῷ ὑπείξας προστάγματι * ὁ δοῦλός σου Ἰησοῦ *
τῷ κόσμῳ νενέκρωται * ἀγῶσιν ἀσκήσεως * ὃν καὶ μεταστάντα * καταξίωσον ἀμείνω
ζωῆς.
Τὸν βίῳ μοναδικῷ * τῷ σῷ σχολάσαντα ἔρωτι * καὶ οὕτω νῦν εὐσεβῶς * τὸν
κόσμον ἀφέμενον * δουλεύσαντα Κύριε * καὶ πρὸ μεταστάντα * τῆς τρυφῆς σου
καταξίωσον.
Θεοτοκίον.
Τὸν ἐν βίῳ μονήρει * ἐπὶ γῆς σοι τῷ κτίστῃ * πιστῶς δουλεύσαντα * σκηναῖς
ἑορταζόντων * ἀρίθμησον, οἰκτίρμον * τοὺς ἀπαύστως κραυγάζειν σοι * ὁ τῶν
Πατέρων ἡμῶν Θεὸς εὐλογητὸς εἶ.
Τὴν στενὴν ἐν τῷ βίῳ * διανύσαντας τρῖβον * τοὺς σοὺς ἱκέτας Χριστὲ * τοῦ
κόσμου μεταστάντας * πλατεῖαν τῆς τρυφῆς σου * τὴν κατάσχεσιν δώρησαι * ὁ τῶν
Πατέρων ἡμῶν Θεὸς εὐλογητὸς εἶ.
Θεοτοκίον.
Τὸν ἐπὶ γῆς φορέσαντα * μετανοίας ἐπάγγελμα * ἔνδυσον χιτῶνα ἀγαθὲ ἀφέσεως
* τὸ θεῖον καὶ ἅγιον * τῶν ἀποστόλων σχῆμα γὰρ * περιβεβλημένος ἐπὶ γῆς σοι ἐβόα
* οἱ παῖδες εὐλογεῖτε * ἱερεῖς ἀνυμνεῖτε, λαὸς ὑπερυψοῦτε εἰς πάντας τοὺς αἰῶνας.
Τὸν τὸν χρηστόν σου ἄραντα * ἐπὶ ὤμων ζυγὸν ἀγαθὲ * καὶ ὑποταγῆς ὑπακοὴν
ἀσκήσαντα * τοῦ ἄχθους φιλάνθρωπε * τῆς ἁμαρτίας κούφισον * καὶ τῶν
ἐγκλημάτων τὸ φορτίον ἐξάρας * συγχώρησιν παράσχου * ἵνα ψάλλῃ σοι πίστει *
ἐντεῦθεν ἐκδημήσας * μετὰ τῶν ἐκλεκτῶν σου.
Θεοτοκίον.
Οὐχ ἁρπαγμὸν ἡγήσατο * ὁ ὑπερθεὸς Κύριος * ἴσα τῷ Θεῷ τε καὶ Πατρὶ ὑπάρχει
σαφῶς * κενοῦται σαρκούμενος * ἐξ ἀπειράνδρου κόρης γὰρ * καὶ τῆς πατρικῆς οὐ
χωρισθεὶς θεότητος * προτρέπει τοὺς ἀνθρώπους * ἀναμέλπειν συμφώνως * λαὸς
ὑπερυψοῦτε εἰς πάντας τοὺς αἰῶνας.
Θεοτοκίον.
(Crypt. gr. Γ. β. ΧΧLIΙ, ΧI αἱ., Messin. Bibl. S. Salvat. gr. 172 ἔτ. 1179)
Ὁ πόῤῥωθεν ὅρους τῆς ζωῆς ἡμῶν * ὡς ἀρχηγὸς τῆς ζωῆς * πρός τὸ συμφέρον
θέμενος Χριστὲ * δεσποτικῷ προστάγματι * τὸν μεταστάντα νῦν ἀναπαῦσον.
Τὸν πόθῳ ἐνταῦθα προελόμενον * τὴν τεθλιμμένην Χριστὲ * καὶ τὴν στενὴν
ὁδὸν ἀσκητικῶς * ὡς εὐγνώμονα δοῦλόν σου * πλατεῖαν τὴν κατάσχεσιν * τῆς
αἰωνίου Σῶτερ δώρησαι.
Τὸν γνώμη καὶ πίστει σε ποθησαντα * καὶ σοῦ κατόπιν Χριστὲ * ἀσκητικῷ
βαδίσαντα θεσμῷ * ὡς ὑπήκοον δοῦλόν σου * καὶ μεταστάντα σύναψον * ταῖς Ἱεραῖς
τῶν μοναζόντων σκηναῖς.
Βραχεῖα ἡ μοῖρα τῆς ζωῆς ἡμῶν * καὶ συντελείας ἐγγὺς * τὸ ἀσφαλὲς οὐκ ἔχει
γὰρ ἐν γῇ * οὐ νεότης οὐ γῆρας βαθὺ * διὸ μὴ βλέπε ἄνθρωπε * μάκρους πρός
χρόνους τῇ ταφῇ παρεστώς.
Θεοτοκίον.
Εἶδον πάντες ἐν τῷ τάφῳ * τίς ὡραῖός ἐστιν * ἤ τίς δυσειδὴς τῇ μορφῇ * τίς
γηραλαῖος * ἤ πρέσβυς * ἤ νεάζων ἀκμῇ * οὐχ ἰδοὺ πάντα κόνις * πάντα τέφρα καὶ
σκώληξ * μάτην ὄντως * πάντες ταραττόμεθα.
Θεοτοκίον.
Θεοτοκίον.
Ἡ ζῶσα ὄντως πηγὴ * ζωῆς ἀξίωσον τυχεῖν ἄχραντε * τὸν τὴν ζωὴν τὴν
πρόσκαιρον * ὄρῳ τοῦ θανάτου λιπόντα πιστῶς.
ᾨδὴ δ´. Ἐπαρθέντα σε ἰδοῦσα ἡ Ἐκκλησία.
Θεοτοκίον.
Θεοτοκίον.
Ἐλέησον ἁγνὴ * τοὺς θερμῶς σε δοξάζοντας * καὶ λύτρωσαι τῆς γεένης* τὸν
θανόντα ἐν πίστει * ταῖς θείαις ἱκεσίαις σου.
Νηστείαν* προσευχὴν καὶ ταπείνωσιν Κύριε* τὸν πιστόν σου* ἱκέτην *καὶ
ὑπακοὴν ἐξασκήσαντα* ἀναπαῦσαι* ὡς υῖόν σου ὑπήκοον κέλευσον
Ἐν κόπῳ * καὶ ἁγνείᾳ καὶ μόχθῳ δουλεύσαντά σοι * τὸν πιστόν σου ἱκέτην* ἐν
τῇ ἀναπαύσει τῶν σῶν ἐκλεκτῶν * κατατάξαι * σοῦ δεόμεθα Σῶτερ εὐδόκησον.
Θεοτοκίον.
Νεκρῶν τε * καὶ τῶν ζώντων Θεὸν σὲ γινώσκομεν * ἐκ Παρθένου τεχθέντα * καὶ
πιστῶς αἰτοῦμεν φιλάνθρωπε * ἀναπαῦσαι * τὴν ψυχὴν τοῦ πρὸς σὲ μεταστάντος
Χριστέ.
Τῆς ἀειζώου σου τρυφῆς * καὶ τοῦ νυμφῶνος τοῦ θείου τὸν πρός σε
μεταφοιτήσαντα δεῖξον * ἐν μετοχῇ ὡς ἀγαθὸς * καὶ αὔγασον τὸ φῶς σου αὐτῷ * τοῦ
ἀχλυώδους σκότους * τοῦτον Σωτὴρ ἀφαιρούμενος.
Θεοτοκίον.
Τῆς σῆς παστάδος λειτουργὸν * ἄχραντε Παρθένε Μαρία * ἀναδειχθέντα ἐπὶ γῆς
* τὸν πιστῶς μεταστάντα ἱκέτην σου * ταῖς πρεσβείαις σου Δέσποινα * ὡς πιστόν σου
ὑπηρέτην ἀναπαῦσον.
Κριτήριον μένει φοβερὸν* καὶ ἀσυγχώρητον* πᾶσιν ἡμῖν ἀδελφοὶ* ἐκεῖ γὰρ
ἅπαντα κρίνεται* καὶ ἐλέγχεται καὶ δείκνυται* ἃ ἐν τῷ βίῳ σκοτεινὰ ἕκαστος
ἔπραξεν* ἀλλὰ φεῖσαι τὸν μεταστάντα Χριστέ* ὡς φιλάνθρωπος.
Ὁ τάφος προκείμενος ἡμῖν * τοῦ σου σκηνώματος * ἀγαπητὲ ἀδελφὲ * σιγῶν βοᾶ
ἡμῖν ἅπαντα * τὰ ἐξαίσια τῶν ἔργων σου * τῆς προσευχῆς σου τὴν σπουδὴν καὶ τὴν
κατάνυξιν * ἀλλὰ εὕροις * νῦν ἐν Χριστῷ τῷ Θεῷ * τὴν ἀνάπαυσιν.
Θεοτοκίον.
Δακρύων τὸν κάματον Χριστέ* τοῦ δούλου σου* καὶ νηστείας Σῶτερ μνήσθητι*
πάντες ἐν πίστει σου δεόμεθα* καὶ μέτοχον αὐτὸν καταξίωσον * γενέσθαι τῆς τρυφῆς
τοῦ νυμφῶνός σου * ὅπως ἐν πίστει μεγαλύνει σε.
Τῆς στάσεως ἄξιον Σωτὴρ * τὸν δοῦλόν σου * τῶν δικαίων * δεῖξον εὔσπλαγχνε
* τῆς εὐωνύμου τῶν ἐρίφων * λυπούμενος αὐτὸν ὑπεράγαθε * καὶ στῆσον δεξιὰ τῶν
θρεμμάτων σου * ὅπως σὺν τούτοις μεγαλύνῃ σε.
Ὁσίως μονάσαντα Χριστὲ * τὸν δοῦλόν σου * καὶ δικαίως * τάξον σκηναῖς
ἑορταζόντων * καὶ πλήρωσον χαρᾶς αἰωνίου σου * στενὴν καὶ τεθλιμμένην
βαδίσαντα ὁδὸν * ἵνα χορεύη ἀγαλλόμενος.
Θεοτοκίον.
Συγχαίρει τῷ τόκῳ ἁγνὴ * τὰ πέρατα * καὶ δοξάζει * καὶ ἀγάλλεται * οὗτος Θεὸς
γὰρ προαιώνων * καὶ πρόσφατος Θεὸς ἀναλλοίωτος * ὑπάρχει ἀληθῶς καὶ γνωρίζεται
* ὃν μεγαλύνων * τὴν ᾠδὴν ἐκπληρῶ.
Ὕψος καὶ βάθος τὶς ἐκφρᾶσαι δύναται* τῆς σῆς σοφίας Χριστὲ* καὶ τῆς
δυνάμεώς σου* τὸ ἄπειρον πέλαγος* πῶς ἐκ μὴ ὄντων ἅπαντα* τῇ βουλῇ καὶ τῷ
λόγῳ* τῷ σῷ παρήγαγες Δέσποτα* ὅθεν σε ἀπαύστως δοξάζομεν.
Πέπονθεν πρὶν ἐπιβουλὴν τὸ πλάσμα σου* ἐν τῇ Ἐδὲμ λυτρωτά* καὶ τὸ εἰς γῆν
αὔθις* ἀπελεύσαι ἤκουσεν* ὡς ἐκ τῆς γῆς γενόμενον* οὐκ ἐνέγκας πλὴν τοῦτο* ὑπὸ
τοῦ ᾍδου κρατούμενον* ἦλθες ὁ Σωτήρ μου καὶ ἔσωσας.
Ἐπὶ τῆς γῆς ὁ ἐν ὑψίστοις γέγονας* σαρκὸς θνητῆς μετασχὼν* ἵνα θνητοὺς
πάντας* ἀφθαρσίας Δέσποτα* καὶ εἰς τὴν πρὶν ἀπάθειαν * μεταστήσας ζωώσῃς * διὸ
καὶ νῦν ὃν μετέστησας * τάξον ἐν σκηναῖς τῶν δικαίων σου.
Θεοτοκίον.
Ὅταν ἐλευση ὁ Θεὸς * ἐπὶ τῆς γῆς μετὰ δόξης * καὶ ὡς μέλλῃς * τὰ πρακταῖα
ἑκάστου * μέχρι λόγου παριστᾶν * ἀργοῦ τε καὶ ἐννοίας ψιλῆς * τὸν μεταστάντα
φεῖσαι * καὶ ῥῦσαι τοῦτον τῆς κρίσεως.
Θεοτοκίον.
Τῶν Χερουβὶμ καὶ Σεραφὶμ * ἐδείχθης ὑψηλότερα * Θεοτόκε σὺ γὰρ μόνη ἐδέξω
* τὸν ἀχώρητον Θεὸν * ἐν σῇ γαστρὶ χωρήσασα * διὸ αὐτὸν δυσώπει * κρίσεως
ῥῦσαι τοὺς δούλους σου.
Ὁ τῆς ζωῆς * Κύριος καὶ τοῦ θανάτου Χριστὲ * ὁ σωμάτων * καὶ ψυχῶν ταμίας
τε * ὅταν φρικτῆς * μέλλῃς ἐπὶ γῆς * μετὰ ἀγγέλων τῶν σῶν ἐν δόξῃ ἐλεύσεσθαι *
καὶ κρῖναι πᾶσαν κτίσιν * τὸν πρός σε μεταστάντα * δεξιοῖς σου προβάτοις
κατάταξον.
Νεῦσον Χριστὲ * Κύριε πρός ἱκεσίαν ἡμῶν * καὶ τῆς ἄνω * θείας κληρουχίας
σου * τὸν ἐξ ἡμῶν πίστει εἰς σὲ * προκεκοιμημένον * ἀξίωσον ὡς φιλάνθρωπος *
φωνῆς τε σοῦ ἀκοῦσαι * τῆς γλυκείας καλούσης * εἰς ἀνάπαυσιν τοῦτον δεόμεθα.
Ἅπας βροτὸς * οἴχεται γῆ γάρ ἐστίν, καὶ σποδός * σοὶ δὲ μόνος * μένεις εἰς
αἰῶνας Χριστὲ * ἀνελλειπὴς * μένεις γὰρ Θεὸς * διό σοι βοῶμεν * τῆς σῆς ἀλήκτου
ἀξίωσον * χαρᾶς τὸν σὸν ἱκέτην * τοῦ βοᾶν εὐχαρίστως * τῇ δυνάμει σου δόξᾳ
φιλάνθρωπε.
Θεοτοκίον.
Χαρᾶς τῆς ἀπεράντου* καὶ ἀδιαφθόρου τρυφῆς σου Χριστὲ Σωτὴρ ἡμῶν* τὸν
προκοιμηθέντα* καταξίωσον ὡς εὐδιάλλακτος, τῶν ἐν βίῳ πάντων* ἀμνημόνων*
ἁμαρτημάτων* οὐ γὰρ ἔσχεν ἐκτός σου Θεὸν ἀγαθέ.
Θεοτοκίον.
Ἰλάσθητι ὁ Θεὸς * τῷ δούλῳ σου ἐν ἡμέρᾳ ὀργῆς * ὅταν γυμνοὶ ἐπὶ σοῦ
παραστῆναι μέλλωσιν * τούτου Σῶτερ λύτρωσαι * τῆς φωνῆς ἐκείνης * τῆς σκότος
προπεμπούσης Σωτήρ.
Συγκλείσης ὅτε Χριστὲ * ἐνταῦθα βίον καὶ πρᾶξιν ἡμῶν * καὶ στήσεις πάντων
ἡμῶν * τῶν ἔργων μὴ ἐλέγξῃς Κύριε * ὅνπερ προσελάβου * ἀναμάρτητε τὰ
πταίσματα.
Θεοτοκίον.
Ῥυσθείημεν τῶν δεινῶν πταισμάτων ταῖς ἱκεσίαις σου * Θεογεννῆτορ ἁγνὴ * καὶ
τύχοιμεν πάναγνε * τῆς θείας ἐλλάμψεως τοῦ ἐκ σοῦ ἀφράστως, σαρκωθέντος Υἱοῦ
τοῦ Θεοῦ.
Θεοτοκίον.
Θαυμάτων ἐπέκειμαι * τὸ μέγα θαῦμα * τῆς σῆς ἀσκήσεως * διὰ τοῦτο βοῶμεν *
ἁγνὴ παρθένε * Θεογεννήτρια τὰ σὰ ἐλέη * ἐπ᾿ ἐμοὶ θαυμάστωσον * καὶ τῆς
μελλούσης ὀργῆς * ῥῦσαι καὶ σῶσόν με.
Ἀπαγωγῆς φιλάνθρωπε* τοῦ προσώπου σου λύτρωσαι* καὶ τῆς φοβερᾶς σου
ἀπειλῆς τὸν δοῦλόν σου* καὶ τοῦτον ἀξίωσον* τοῦ φωτισμοῦ τῆς γνώσεως* καὶ τῆς
συνουσίας τοῦ βοᾶν σοι ἀπαύστως* οἱ παῖδες εὐλογεῖτε* ἱερεῖς ἀνυμνεῖτε* λαὸς
ὑπερυψοῦτε εἰς πάντας τοὺς αἰῶνας.
Θεοτοκίον.
Ἱκετικῶς βοῶμέν σοι Θεοτόκε πανύμνητε * μετὰ τῶν ἀπείρων νοερῶν δυνάμεων
* μαρτύρων ὁσίων τε * καὶ ἀποστόλων καὶ προφητῶν * ποίησον πρεσβείαν * ὑπὲρ
τῶν μεταστάντων * χορεύειν σὺν ἀγγέλοις * ψάλλειν δὲ τῷ Υἱῷ σου * λαὸς
ὑπερυψοῦτε, εἰς πάντας τοὺς αἰῶνας.
Ἀείμνηστοι πατέρες καὶ ἀδελφοὶ * συγγενεῖς τε καὶ φίλοι καὶ σύμψυχοι τὴν ὁδὸν
* προκαταλαβόντες τὴν φοβερὰν * ἀντὶ μερίδος δέξασθαι * δῶρον τὸ ἐφύμνιον παρ᾿
ἐμοῦ * καὶ ὅσοι παῤῥησίας ἐτύχετε τὸν κτίστιν * ὑπὲρ νοῦν καθικετεύσατε.
Σωτὴρ ἀπελπισμένων σου τὴν φρικτὴν * ὥσπερ εἶπας θυσίαν τελοῦντες φρικτῶς
* καὶ τὴν φρικτὴν * ἑκουσίως ἀγγέλοντες τὴν σφαγὴν * εἰς ἱκεσίαν ἅπαντες * ταύτην
σοι προσφέρομεν ἐκτενῶς * ὑπὲρ τοῦ μεταστάντος πρός σε τὸν Ζωοδότην * ὃν * σὺν
ἁγίοις σου ἀναπαῦσον.
Θεοτοκίον.
Υἱὲ Θεοῦ καὶ Λόγε μονογενῆ* τὸν πιστὸν βασιλέα στεφάνωσον* τῇ πανσθενῇ*
Δέσποτα χειρί σου ὡς ἀγαθός* καὶ δυσμενῶν τὸ κράτος νῦν* ὄλεσον τῷ ὅπλῳ τοῦ
Σταυροῦ* διὰ τῆς Θεοτόκου* καὶ σῶσον τὸν λαόν σου* ἐν τῇ ἀγήρῳ βασιλείᾳ σου.
Θεοτοκίον.
Στερεώσασα τὴν κλονουμένην φρέναν μου * Μήτηρ Θεοῦ με καὶ σῶσον θείοις
προστάγμασιν* τοῦ τεχθέντος εκ τῆς σῆς καθηγιασμένης γαστρὸς Υἱοῦ καὶ
καταλύσαντος* τοῦ σοῦ Δέσποινα* τὸ ζοφερὸν βασίλειον.
Θανάτῳ τὸν θάνατον τοῦ Χριστοῦ* καὶ πάθεσι πάθος* μιμησάμενοι τὸ σεπτὸν*
οἱ μάρτυρες πάντες * τῆς ἐνθέου * καὶ μακαρίας ζωῆς ἔτυχον.
Δόξα.
Συνέλαβες Λόγον τὸν τοῦ Πατρὸς* σαρκὶ ἑνωθέντα * καθ᾿ ὑπόστασιν τὴν ἐκ
σοῦ* πανάμωμε κόρη τὸν τὸν ᾅδην* θείᾳ δυνάμει καταργήσαντα.
ᾨδὴ γ´. Ἐν πέτρα με τῆς πίστεως.
Θεοτοκίον.
Καθαρθέντες τῆς πάλαι * προγονικῆς πτώσεως * διὰ τοῦ βαπτίσματος * καὶ τῆς
ἀναγεννήσεως * ῥείθροις αἱμάτων τε * τοῖς ἑαυτοῦ ῥαντισθέντες * τῷ Χριστῷ
μακάριοι * συμβασιλεύετε.
Δόξα.
Ἀπὸ τῆς εὐσπλαγχνίας * τῆς θεϊκῆς Δέσποτα * καὶ τῆς συμφυῶς νοουμένης *
σοῦ ἀγαθότητος * παρακαλούμενος * ἁμαρτημάτων τὴν λύσιν * παρασχὼν τοῦ
δούλου σου * ἐν σοὶ ἀνάπαυσιν.
Καὶ νῦν.
Ἐλπίδι * καὶ ἀγάπη ζήσαντες * καὶ φρονήματι ὀρθοδόξῳ * τῆς ὑπὲρ νοῦν δόξης
σου * ἀξίωσον τὸν σὸν ἱκέτην Χριστὲ * τῇ πολλῇ φιλανθρωπίᾳ σου * τῶν εὐκλεῶν
μαρτύρων ταῖς δεήσεσιν.
Ὡς ἔχων * τῆς τρυφῆς ἀένναον * τὸν χειμάῤῥουν ἀεὶ ποτίζης * τοὺς ἐκλεκτοὺς
Κύριε * μεθ᾿ ὧν καὶ νῦν τὸν μεταστάντα * Χριστὲ * τῇ ἀφάτῳ εὐσπλαγχνία σου *
παρὰ τὸ ὕδωρ δρεῦσον τῆς ἀφέσεως.
Θεοτοκίον.
Ἰάσω * τῷ τῆς Εὔας σύντριμμα * καὶ τὴν πάλαι ταλαιπωρίαν * τὸν κτίστην γὰρ
τέτοκας * τοὺς πτώματι καταῤῥαγέντας ἡμᾶς * ἀνορθῶσαι τὸν δυνάμενον *
Θεογεννῆτορ μόνη * ἀειπάρθενε.
Ἵνα τὴν σὴν * Δέσποτα δόξαν θεάσωνται * καὶ τῆς αἴγλης * σοῦ τῆς
φωτωδότιδος * ἐν οὐρανοῖς * τύχωσι φαιδρῶς * ἅπασαν βασάνων * ἰδέαν φέρειν
ὑπέμειναν * οἱ μάρτυρες οἱ θεῖοι σοὶ Χριστὲ μελωδοῦντες * τῇ δυνάμει σου δόξᾳ
φιλάνθρωπε.
Πολλαὶ μοναὶ * παρὰ σοὶ Σῶτερ πεφύκασι * κατ᾿ ἀξίαν * πᾶσι μεριζόμεναι *
κατὰ τὸ μέτρον τῆς ἀρετῆς * ταύτας οὖν οἰκτίρμον πληρῶσαι τοῦτον ἀξίωσον * τὸν
πίστει μεταστάντα * τῇ δυνάμει σου δόξᾳ φιλάνθρωπε.
Δόξα.
Ἴσος ἡμῖν * ἄνθρωπος ὤφθης ἀθάνατε * πᾶσιν ἴσος * θάνατον ὑπέμεινας * καὶ
τῆς ζωῆς * ἔδειξας ὁδοὺς * ἧς τὸν μεταστάντα * ἀξίωσον ὡς φιλάνθρωπος *
συγχώρησιν πταισμάτων * ὡς Δεσπότης παρέχων * καὶ φωτὸς μετουσίαν
δωρούμενος.
Διὰ τοῦ σῶσαι ἡμᾶς * ὡς παραγέγονας Χριστὲ * δέξαι νῦν * τὸν εὐσεβῶς * πρός
σὲ μεταστάντα * ἐν κόλποις Ἀβραὰμ * καὶ μετὰ Λαζάρου * αὐτὸν κατασκήνωσον.
Θεοτοκίον.
Ὑπὸ τὴν σκέπην σου * οἱ πεποιθότες ἐκ ψυχῆς ζήσονται * Μήτηρ Θεοῦ * τὸν
γὰρ ζωοδότην * ἐκύησας ἡμῖν * τὸν διακρατοῦντα * τὰ πάντα βουλήματι.
Δόξα.
Ἱλασμὸς ἡμῖν ὤφθης * καὶ δικαιοσύνη τε καὶ ἀπολύτρωσις * καὶ τῷ μώλωπί σου
τὰς ἡμᾶς ἀσθενείας ἰάτρευσας * αὐτὸς οὖν οἰκτίρμων * ὡς ἀγαθὸς * τὸν μεταστάντα
* ἐν τρυφῇ παραδείσου κατάταξον.
Ἑλλαμφθῆναι τῷ κάλλει τῆς δόξης σου * τὸν καταλειπόντα τὸν βίον ἀξίωσον *
καὶ πρός τὸ φῶς σου Δέσποτα * μετακεχωρηκότα τὸ ἄχρονον.
Θεοτοκίον.
Γαστέρα τοῦ δυμενοῦς * θανάτου Σῶτερ διέῤῥηξας * καὶ πάντας τοὺς ἐν αὐτῇ *
δεσμώτας ἀνέστησας * ζωὴν χαρισάμενος * ἧς τὸν μεταστάντα * εὐεργέτα
καταξίωσον.
Δόξα.
Δακρύων καὶ στεναγμῶν * τῶν ἐν τῷ ᾅδῃ τὸν δοῦλόν σου * ἐλευθέρωσον Σωτήρ
* ὡς μόνος γὰρ εὔσπλαγχνος * ἀφεῖλες πᾶν δάκρυον * ἐκ παντὸς προσώπου * τῶν
πιστῶς θεολογοῦντων σε.
Θεοτοκίον. *
Ὅλος ὁ πόθος τῶν Μαρτύρων * ἀνατέταλκε πρός μόνον τὸν Δεσπότην * δι᾿
ἀγάπης αὐτοῦ * ἑνούμενος καὶ μέλπων * εὐλογητὸς εἶ Κύριε * ὁ Θεὸς εἰς τοὺς
αἰῶνας.
Δόξα.
Λύων τῆς Εὔας τὴν κατάραν * τὴν πανάμωμον κατῴκησας γαστέρα * εὐλογίας
πηγὴν * βλυστάνων τοῖς βοῶσιν * εὐλογημένος Πάναγνε * ὁ * καρπὸς τῆς σῆς
κοιλίας.
ᾨδὴ η´. Κάμινός ποτε * πυρός.
Θεοτοκίον.
Μέγα καὶ φρικτὸν * ὑπάρχει Θεομῆτορ * τῆς σῆς λοχείας * τὸ μυστήριον * Θεὸν
γὰρ συνέλαβες * Ὃν ὁ θάνατος οὐκ ἔστερξεν * καὶ τάφος οὐ διέλυσεν * Ὅθεν σὲ
σωτηρίαν * πάντων ἡμῶν ἐπιστάμεθα.
Δόξα.
Ὡς πηγὴ ζωῆς τῆς ἀϊδίου * ὡς τρυφῆς ὑπάρχων ὁ χειμάῤῥους * τὸν δοῦλόν σου
τὸν ἐξ ἡμῶν * πρός σὲ μεταθέμενον * ἀξίωσον ὑμνεῖν σε καὶ δοξολογεῖν σε * Σωτὴρ
εἰς τοὺς αἰῶνας.
Ἔχων ἐξουσίαν * καὶ ζώντων καὶ νεκρῶν θεαρχικώτατε * τὸν ἀπὸ γῆς πρός σε
μεταφοιτήσαντα * κληρουχίαν ἐν οὐρανοῖς * παράσχου καὶ λαμπρότητα * τὴν τῶν
ἁγίων Κύριε * καὶ πανενδόξων ἀθλοφόρων σου.
Δόξα.
Σῶσόν με * Μήτηρ τοῦ Θεοῦ * ἡ γεννήσασα Χριστὸν τὸν Σωτῆρά μου * Θεὸν
καὶ ἄνθρωπον * διπλοῦν τῇ φύσει * οὐ τὴν ὑπόστασιν * μονογενῆ μὲν ἐκ Πατρὸς * ἐκ
σοῦ δὲ πρωτότοκον * πάσης τῆς κτίσεως * ὃν ἐν φύσεσι διτταῖς μεγαλύνομεν.
(Crypt. gr. Γ.β. V-Γ. α. XXV ἔτ. 1019., Messin. Bibl. S. Salvat. gr. 153 XI αἱ.).
Τὸν πηλὸν ὁ κεραμεὺς ζωοπλαστήσας ἐνέθηκέν μοι * σάρκα καὶ ὀστᾶ καὶ πνοὴν
καὶ ζωὴν * ἀλλὰ ποιητά μου * λυτρωτά μου καὶ κριτὰ * ἀναπαῦσον τὸν δοῦλόν σου.
Κἂν ἐχώρησέν με νῦν ἡ ὀλιγότης τῶν ἡμερῶν μου * ἄφνω τῶν ἐμῶν συγγενῶν
καὶ γνωστῶν * ἀλλ᾿ ἄνες μοι ἄφες * καὶ ἀξίωσον Σωτὴρ τῆς δεξιᾶς σου στάσεως.
Τὰ ἑκούσια Σωτὴρ * καὶ τὰ ἀκούσια πταίσματά μου * καὶ τὰ φανερὰ καὶ κρυπτὰ
καὶ γνωστὰ * καὶ τὰ ἄγνωστα πάντα * συγχωρήσας ἀγαθὲ ἀναπαῦσον τὸν δοῦλόν
σου.
Κἂν μέλλῃς ἀπὸ γῆς Σωτὴρ ἐγειραι τὸ ποίημά σου * τότε δίδου φοβερὲ δυνατὲ *
συγχώρησιν πᾶσιν * τοῖς πιστεύσασιν εἰς σὲ * Χριστὲ τὰ πλημμελήματα.
Πάτερ ἄναρχε ἀρχὴ * τοῦ συνανάρχου Υἱοῦ καὶ λόγου * σύνθρονον Υἱὲ * τοῦ
συνθρόνου Πατρὸς ὁμότιμον πνεῦμα * τοῦ Πατρὸς καὶ τοῦ Υἱοῦ * Τριὰς τὸν κόσμον
οἴκτειρον.
Θεοτοκίον.
Τίς ἐγέννησεν Υἱὸν * τὸν μὴ σπαρέντα πατρῷον νόμον * τοῦτον οὖν γενναίως ὁ
πατὴρ πλὴν μητρὸς παράδοξον τέρας * σὺ γὰρ ἔτεκες ἁγνὴ * Θεὸν ὁμοῦ καὶ
ἄνθρωπον.
Κύριε ὁ Θεὸς τῶν πνευμάτων * καὶ πάσης κτίσεως * ἀναπαῦσον τὴν ψυχὴν τοῦ
δούλου σου.
Ἀθάνατε ἡ ζωὴ τῶν ἁπάντων * ἄνες τῷ δούλῳ σου * καὶ ἄφες πάντα αὐτῷ τὰ
πλημμελήματα.
Εὐξώμεθα ὑπὲρ τοῦ τεθνεῶτος τῷ μόνῳ ὄντι Θεῷ * ἵνα ἀναπαύσῃ αὐτὸν * ἐν
παραδείσῳ τρυφῆς.
Ὢ ἄνθρωπε * γῆ καὶ τέφρα καὶ κόνις * γνῶθι τὴν ἔξοδόν σου * καὶ κράξε πρὸ
τελευτῆς * Σωτὴρ ἱλάσθητί μοι.
Θεοτοκίον.
Ἐξομολογοῦμέν σοι Σωτὴρ * ἥμαρτον ἥμαρτόν σοι * ἀλλ᾿ ἄνες ἄφες μοι ὡς
εὔσπλαγχνος.
Σὺ ὁ ποιμὴν ὁ καλὸς * σὺ εἰς τὰς ἄνω μάνδρας * κατάταξόν με ὡς φιλάνθρωπος.
Φύει ὁ γλυκὺς Ἰησοῦς σὺ τὴν ψυχήν μου ἦρας ἐν σοὶ Χριστὲ Σωτὴρ οἱ κλῆροί
μου.
Ὅταν παριστάμεθα γυμνοὶ * τρόμῳ τῷ βήματί σου * τότε Σωτὴρ φεῖσαι τοῦ
δούλου σου.
Τριαδικόν.
Τριὰς μονὰς ὁ Θεὸς * σῶσον ἡμᾶς ἐκ πλάνης * καὶ πειρασμῶν καὶ περιστάσεων.
Θεοτοκίον.
Πύργος ἀσφαλὴς τῶν πιστῶν * γέγονας Θεοτόκε * σῷζε τοὺς πίστει ἀνυμνοῦντάς
σε.
Ὑστέρημαι Κύριε * τῆς συνουσίας τῶν συγγενῶν μου * καὶ τοῦ χρόνου μου
ἐξέλιπον * αἱ ἡμέραι ἄνες μοι κραυγάζει ὁ δοῦλός σου.
Εἰκών εἰμι Δέσποτα τῆς θείας δόξης καὶ συνεχώσθην * τῷ βυθῷ τῆς ἁμαρτίας
μου * διὸ κράζω· ἄνες μοι Σωτὴρ ἐν τῷ κρίνεσθαι.
Τὸ πήλινον ἔνδυμα * τὸ τῆς σαρκός μου ἐξεδυσάμην * ἀλλ᾿ αὐτὸς τῆς ἀφθαρσίας
σου * ἔνδυσόν με * ὅταν ἀναστήσῃς με εὔσπλαγχνε.
Νεκρὸς γυμνὸς ἄφωνος * εἶδος οὐκ ἔχων ἀλλ᾿ οὐδὲ κάλλος * ἐν μνήματί μου
κείμενος ἐκβοᾶ, ἀλλ᾿ ἄνες μοι Σωτὴρ ὅταν κρίνῃς.
Τριαδικόν.
Θεοτοκίον.
Τὸ τοῦ βίου ἄδηλόν μοι τέλος Σωτὴρ* εὔσπλαγχνε Κύριε ἐννοῶν διαπαντὸς* καὶ
τρέμω ἀνακράζων* μὴ συγκαλύψῃ με γῆ* ταῖς ἐν ἁμαρτίαις.
Ἁμαρτίας Κύριε νεότητάς μου* ᾄδω σοι ψάλλω σοι* καὶ ἀγνοίας μου Σωτὴρ* μὴ
μνησθῇς ἐν τῇ κρίσει* ἀλλ᾿ ἐπελάθου ἐκεῖ* τῶν προημαρτημένων.
Τριαδικόν.
Τῇ Τριάδι ἅπαντες βοήσωμεν * Ἅγιος Ἅγιος * Ἅγιος εἰ ὁ Θεὸς * Πάτερ Υἱὲ καὶ
Πνεῦμα * ἡ ἐν μονάδι Τριὰς * σῷζε τούς σε ὑμνοῦντας.
Θεοτοκίον.
Ὑπὲρ νοῦν τὸν ἄχρονον* ἐν χρόνῳ Θεὸν κύουσα τίκτουσα* ἀρχὴν γνόντα
χρονικὴν * ἐκ σου τὴν κατασάρκα * Θεογεννῆτορ ἁγνὴ * παρθένος πάλιν μένεις.
Οἱ φίλοι μου* Σωτὴρ ἕως μνήματος συνηκολούθησάν μοι* καὶ ἀφέντες πάντες*
νεκρὸν ἐβδελυγμένον* ὑπεχώρησαν μόνον με καταλιπόντες.
Οἱ Ἄγγελοι* Σωτὴρ οὓς* ἐκέλευσας* παραλαβείν μου τὴν ψυχήν* τῆς πικρᾶς
τοῦ ᾍδου* λυθείσης καταδίκης* ἐν φωτὶ προσάξουσιν εἰς προσκύνησίν σου.
Τριαδικόν.
Θεοτοκίον. *
Ἐκύησας* ἐν χρόνῳ τὸν ἄχρονον Χριστὸν* καὶ Λόγον τοῦ Πατρὸς ἐκ σοῦ
σαρκωθέντα ἐκ Πνεύματος ἁγίου* καὶ διέμεινας ἀφθορος ἡ Θεοτόκος * ἡμᾶς
οἴκτειρον.
Ἐξελιπὸν* αἱ ἡμέραι μου* καὶ ὁ χρόνος μου μικρὸς ἐν βίῳ* ἄφνω γὰρ τοῦ
θανάτου τὸ κέντρον* ἄνες πάρειμι * καὶ πάντων ἐστέρημαι * τῆς ἐν γῇ παροικίας μου
* καὶ πάντων ἡμῶν * φίλοι γνωστοὶ συγγενεῖς τε.
Τριαδικόν.
Τριὰς ἁπλὴ * ἀδιαίρετε * ὁμοούσιε Τριὰς ἁγία * φῶτα καὶ φῶς * καὶ ἅγια τρία *
καὶ ἕν ἅγιον * ὑμνείται Θεὸς γὰρ ἡ Τριὰς * ἀλλ᾿ ὑμνήσωμεν ὕμνοις ζωὴν καὶ ζωῆς *
καὶ ψυχὴν τῶν πάντων Θεόν.
Θεοτοκίον.
Ὑμνοῦμέν σε * εὐλογοῦμέν σε * προσκυνοῦμέν σε Θεογεννῆτορ * ὅτι τῆς
ἀχώριστου Τριάδος * ἀπεκύησας * τὸν ἕνα Χριστὸν καὶ Θεὸν * καὶ αὐτὴ προανέῳξας
* ἡμῖν τοῖς ἐν γῇ τὰ ἐπουράνια.
Ὁ τὸν Ἀδὰμ * ἐκ φθορᾶς ῥυσάμενος καὶ πᾶσιν τοῖς ἐξ Ἀδὰμ βλύσας τὴν ζωὴν *
ἄνες μοι ἄνες ἄφες * ὅτι ἡμάρτηκά σοι * πλάσμα σου ὑπάρχω * βοᾶ Σωτὴρ ὁ ἐν
μνημείῳ.
Φεῖσαι ἡμῶν * Ἰησοῦ Σωτὴρ ἡμῶν * καὶ λύτρωσαι τοῦ πυρὸς * πάντας ὡς Θεὸς
* ἔργα χειρῶν σου πάντες * καὶ πρόβατα νομῆς σου * τύχωμεν ἐκείνης τῆς μακαρίας
σου ἐλπίδος.
Ὁ τὴν ταφὴν * ὡς θνητὸν δεξάμενος καὶ πᾶσιν λάμψας Σωτήρ * φῶς καὶ τὴν
ζωὴν * ἄνες μοι ἄνες ἄφες * συγχώρησιν παράσχου * ὧν * ἡμάρτηκά σοι * ἐν τῇ ζωῇ
μου τῇ προσκαίρῳ.
Ὁ τεθνεὼς * καὶ σιγῶν βοᾶ ἡμῖν * μὴ κλαίετε ἐπ᾿ ἐμὲ * φίλοι ἀδελφοὶ * ἄφετε
ἀναψύξω * μικρὸν ἐκ τῶν κακῶν μου * θάνατός με ᾖρεν * ὁ συγκλεισμὸς τῆς
ἁμαρτίας.
Εἰ καὶ νεκρὸς * ἐν μνημείῳ πρόκειμαι * ἀλλ᾿ ἔχων μετὰ Κριτοῦ * φύσειν ἀγαθοῦ
* τοῦτο προανέθεμην * ἐκ βρέφους τὴν ἐλπίδα * μὴ οὖν κλαίετέ με * αὐτὸς γὰρ
μέλλει φείσασθαί μου.
Ὅταν καθίσῃς * κριτὴς ὡς εὔσπλαγχνος * καὶ δείξῃς τὴν φοβερὰν δόξαν σου
Σωτὴρ * ὢ ποῖος τότε φόβος * καμίνου καιομένης * πάντων δειλιώντων * τὸ
ἄστεκτον τοῦ βήματός σου.
Τριαδικὸν
Δόξα Πατρὶ* καὶ Υἱῷ καὶ Πνεύματι* τῷ μόνῳ ζῶντι Θεῷ* καὶ δημιουργῶ* δόξα
σοι Θεοτόκε* ὅτι τὸν τῆς Τριάδος* ἕνα συλλαβοῦσα * κοινὴν εἰργάσω σωτηρίαν.
Θεοτοκίον.
Ἰσχύς μου καὶ ὕμνησις* αὐτὸς ὑπάρχεις Δέσποτα καὶ τὰς ἐλπίδας* εἰς σὲ
ἀναθέμεθα* τὴν πίστιν μου ἄσυλον* φυλάξας μέχρι τέλους* ἀλλ᾿ εἰτι ἥμαρτον
Σωτὴρ* ἐν τῷ βίῳ τῷ προσκαίρῳ* ἄνες ἄφες ὡς φιλάνθρωπος.
Θεοτοκίον.
Τὴν πόλιν σου φυλάττε* Θεογεννῆτορ ἄχραντε* ἐν σοὶ γὰρ αὕτη* πιστῶς
βασιλεύουσα* ἐν σοὶ καὶ κρατύνεται * καὶ διὰ σοῦ νικῶσα * τροποῦται πάντα
πειρασμὸν* καὶ σκυλεύει πολεμίους * καὶ διέπει τὸν ὑπήκοον.
Ὁ σάρκα πτωχεύσας Λόγε Θεοῦ* καὶ βρέφος γενέσθαι* εὐδοκήσας δίχα τροπῆς
* Ἀβραὰμ ἐν τοῖς κόλποις δυσωποῦμεν * ὁ προσελάβου κατάταξον νήπιον.
Παιδίον ὡράθης ὁ πρὸ παντὸς* αἰῶνος ὑπάρχων* καὶ παιδίον ὡς ἀγαθὸς* τὴν
σὴν ἐπὶ γῆς βασιλείαν* ἧς* τὸ παρὸν συναρίθμησον νήπιον.
Πρὸ τοῦ τῶν ἡδέων τῶν ἐπὶ γῆς* ἐν πείρᾳ γενέσθαι* προσελάβου Χριστὲ σωτὴρ
τὸ ἄμεμπτον βρέφος αἰωνίων* καταξίωσας αὐτὸ θείας χάριτος.
Θεοτοκίον.
Σοφίαν καὶ Λόγον ἡ τοῦ Πατρὸς* ἀφράστως τεκοῦσα* τῆς ψυχῆς μου τὸ
χαλεπὸν* θεράπευσον τραύματα καὶ καρδίας τὴν ἀλγηδόνα καταπραῦνον.
Ὁ πρὸ τέλειος Λόγος * βρέφος ὤφθης τέλειος * βρέφος ἀτελὲς ἡλικίας * πρός σε
μετέστησας * Ὅπερ ἀνάπαυσον * μετὰ δικαίων ἁπάντων * εὐαρεστησάντων σοι *
μόνε φιλάνθρωπε.
Θεοτοκίον.
Ἀπορήσας ἐκ πάντων * ἐπὶ τὴν σὴν ἄχραντε * Δέσποινα καὶ μόνην προσφεύγω
σκέπην βοήθει μοι * πολλὴν συνῆξα γὰρ * τῆς ἁμαρτίας τὸν πλοῦτον * ἀρετῶν
πτώχειας δὲ * ὅλος πεπλήρωμαι.
Θεοτοκίον.
Ἐπ᾿ ἐμὲ μὴ θρηνεῖτε * θρήνου γὰρ οὐδὲν ἐπετήδευσα ἄξιον * ἑαυτοὺς δὲ μᾶλλον
ἁμαρτόντας πενθήσατε πάντοτε * συγγενεῖς καὶ φίλοι τὸ τεθνηκὸς * κραυγάζει
βρέφος * ὅπως πεῖραν μὴ σχῂ τῆς κολάσεως.
Θεοτοκίον. *
Ἐμαυτὸν ἀπελπίζω * ὅταν πρὸς τὸ πάθος ἀπίδω τῶν ἔργων μου * ὅταν δὲ εἰς
νοῦν σε ὑπὲρ νοῦν τὴν τεκούσαν τὸν Κύριον * Θεομῆτορ λάβω ἐπάνω ψυχῷ τῇ ἐλπίδι
* προστασίαν γὰρ μόνην σε πέκτημαι.
Ἐστέρησας * ἀγαθῶν ἐπιγείων * τὸ γὰρ βρέφος * ἵνα τῶν οὐρανίων σου ἀγαθῶν
* τούτων μέτοχον δείξῃς * μὴ παραβὰν τὸ θεῖόν σου πρόσταγμα * δοξάζομέν σε
ἀγαθὲ * τῶν κριμάτων τὸ βάθος τὸ ἄπειρον.
Ἐβόας τοῖς Ἀποστόλοις ἀφέτε * τὰ παιδία πρός με ἔρχεσθαι Λόγε * ἡ γὰρ ἐμὴ
βασιλεία τοιούτοις * γεγενημένοις ὑπάρχει τὸ φρόνημα * τὸ νήπιον αὐτῶν πρός σε *
μεταστὰν φωτός σου ἀξίωσον.
Θεοτοκίον.
Θλίψεως αἴτιος ἐδείχθης* τοῖς ποθούσιν σε ὁ χωρισμός σου* ἀλλὰ σοὶ ἀληθῶς*
χαρᾶς καὶ εὐφροσύνης* κληρονομεῖς γὰρ νήπιε * τὴν ζωὴν εἰς τοὺς αἰῶνας.
Θεοτοκίον.
Ἴδε τὴν θλῖψίν μου Παρθένε * ἥν * ἐπήγασε τὸ πλῆθος τῶν κακῶν μου καὶ πρὸ
τοῦ ἀπελθεῖν * ἀνάψυξίν μοι γὰρ * δίδου * ταῖς μητρικαῖς δεήσεσιν * ἰλέους ἄνοι τὸ
θεῖον.
Θεοτοκίον.
Εἰς τὴν ἐμὴν βοήθειαν * Θεοτόκε ἀνάστηθι * πρόσχες τῇ δεήσει τῇ ἐμῇ καὶ
ῥῦσαί με * δεινῆς κατακρίσεως * τῆς χαλεπῆς ἐτάσεως * σκότους τε πυρὸς * καὶ τοῦ
βρυγμοῦ τῶν ὀδόντων * δαιμόνων ἐπηρείαις * ἀπὸ πάσης ἀνάγκης * ἐλπὶς
ἀπελπισμένων * ζωὴ ἀπεγνωσμένων.
Χριστὲ ὁ νηπιάσας δίχα τροπῆς * καὶ σταυρῷ ὁμιλήσας θελήματι * καὶ μητρικῶν
πόνων τῆς τεκούσης σε κατιδῶν * τὴν ἀθυμίαν κούφισον * καὶ τὴν ἀχθηδόνα τὴν
χαλεπὴν * νηπίου τοῦ θανέντος * πιστῶς τῶν γεννητόρων * ἵνα δοξάζωμεν τὸ κράτος
σου.
Θεοτοκίον.
(Messin. Bibl. S. Salvat. gr. 153 XI αἱ., Messin. Bibl. S. Salvat. gr. 172 ἔτ. 1179).
Ἄσωμεν ᾠδὴν τῷ Θεῷ* τῷ ἐπὶ γῆς ὀφθέντι* καὶ νηπιάσαντι φύσει δι᾿ ἡμᾶς* καὶ
σταυρωθέντι σαρκί* καὶ βουλήσει Λόγε* καθυπομείνας ταφὴν * ὅτι δεδόξασται.
Δεῦτε γηγενεῖς καὶ βροτοὶ * τὴν ἡμετέραν φύσιν * νῦν καθορῶντες ὡς χλόην καὶ
σκιὰν * παρερχομένη φόβῳ * πρὸ τοῦ τέλους πάντες * Χριστῷ συνδράμωμεν * τοῦ
ἐλεῆσαι ἡμᾶς.
Θεοτοκίον.
Μήτηρ μὲν ἐγνώσθης Θεοῦ * καὶ μετὰ τόκον ὤφθης * ὡς πρὸ τοῦ τόκους
παρθένε Μαριὰμ * ὁ κυηθεὶς γὰρ Θεὸς * καὶ τὸ θαῦμα ξένον * καὶ ἀνερμήνευτον *
τῆς σῆς λοχείας ἐστίν.
ᾨδὴ γ´. Στερέωσον ἡμῶν * τὸν νοῦν καὶ τὰς καρδίας * ὁ τούς.
Ὄναρ καὶ σκιά* ὑπάρχεις πᾶς ὁ βίος* ἄνθος καὶ ἀτμὶς* καὶ δρόσος τὰ παρόντα*
ἰδοὺ γὰρ κεῖται νεκρὸς θρηνούμενος ἄπνους* ὁ χθὲς ἡμῖν διαλεγόμενος.
Θεοτοκίον. *
Ἄνω τῷ Πατρὶ ἀχώριστος ὑπάρχων* κάτω ἐκ μητρὸς σαρκοῦται ἀπειράνδρου* ὦ
παραδόξων πραγμάτων τίς ἑρμηνεύσει * τὰ μεγαλεία τῆς Θεόπαιδος.
Θεοτοκίον.
Εἰς τόπον φωτεινότατον Κύριε * καὶ ἐν χώρᾳ τῶν ἐκλεκτῶν σου * ὁ πίστει
μετέστησας * συγκαταρίθμησον νήπιον.
Τοῖς ῥήμασιν ὡς ἄνθραξι φλέγομαι τοῦ νηπίου * ἡ μήτηρ ὀδύρεται * οἷς χθὲς
ἡμῖν διελέγετο.
Θεοτοκίον.
Τὸν ἕνα τῆς Τριάδος ἐν μήτρᾳ σου * δεξαμένη * διπλοῦν ὄντα τέτοκας * Θεὸν
καὶ ἄνθρωπον Δέσποινα.
Ὁρῶντες τὸν προκείμενον νεκρὸν * τύπον ἀναλάβατε * πρὸ τέλους καὶ φρίξατε *
ὅτι πάντες τῷ αὐτῷ * πόμα πίωμεν.
Τοῦ βίου τῶν κυμάτων λυτρωθὲν * τὸ ἄκακον νήπιον * ἐῤῥύσθη τοῦ κλύδωνος *
καὶ χορεύει ἐν γαλήνῃ σὺν ἀγγέλοις Θεοῦ.
Θεοτοκίον. *
Σοῦ τῶν βροτῶν ἡ δόξα * ποῦ τὸ κάλλος ὁρᾶται * ποῦ ἡ μορφὴ τοῦ σώματος *
καὶ ποῦ ἡ ὡραιότης * ἰδοὺ πάντα ὡς σκιὰ * νῦν παρέρχεται.
Θεοτοκίον.
Σεσαρκωμένον Λόγον τὸν ἀμήτορα ἄνω * ἐπὶ τῆς γῆς ἀπάτορα * ἔτεκες Θεοτόκε
* διὸ ἱκέτευε αὐτὸν * ὑπὲρ πάντων ἡμῶν.
Τὸ τῆς νεότητος ἄνθος ἐμαράνθη * καὶ ἡ μορφὴ τοῦ προσώπου * καὶ τῶν μελῶν
ἡ εὐπρέπεια * ὥσπερ χόρτος ἐτμήθη * ταχέως ἀρθεὶς ἀπὸ γῆς.
Θεοτοκίον.
Ἅπαντες βροτοὶ πρὸ τοῦ τέλους δεῦτε καὶ γνῶμεν τὴν ἡμῶν εὐτέλειαν * ἐν τῷ
τάφῳ κειμένην * ποῖος πένης ἤ βασιλεὺς ἤ δυνάστης * καὶ μὴ τοῖς προσκαίροις
ἀπατώμεθα.
Ποῦ ἡ τῶν προσκαίρων ἰσχὺς* ποῦ ἡ τυραννία* ἰδοῦ πάντα μάταια τὰ τοῦ βίου
ὑπάρχει* τί πλανᾶσθε ὦ βασιλεῖς καὶ δυνάσται * πάντες γὰρ ἐν ἄδη μαρανθήσεσθε.
Μέγα τὸ μυστήριον τοῦ θανάτου ὑπάρχει ποῖος φόβος ἔσται ἐκεῖ * τῆς ψυχῆς
ἐκδημούσης ἐκ τοῦ σώματος πρὸς αἰῶνιον. Νῦν ὄντως ματαιότης τὰ ἀνθρώπινα.
Θεοτοκίον.