1-21

Devletlü inâyetlü merhâmetlü efendim sultânım hazretleri devlet ve ikbâl idele sağ olsun Arzuhâl-i
çâkırane şakirü’l-ihsânları budur ki bu çâkirlerinin bîtarafılığına (batrikliğine?) dâhil metropolitlerin
kullarının yedine ihsân buyrulan berâdât-ı âlişân şurûtunda ayinlerinde muhâlif ve mugâyir hareket ….
zuhûrunda te’dib ve gûşmâl olunması husûsu musarrah iken selefim bitarîk kullarının gününde Rum
re’âyâ tâ’ifesinden ba’zıları hilâf-ı şürût ve ayinlerinde mugâyir harekete ibtidâr edenlerini iktizâsına
göre falaka ve değnek ile te’dib ve terbiye olunmak içün Amasiye ve Nevâbi metropolidi deyü Tesbos
nâm râlibe ile mahrûsa-i Selanik metropolidi Milenyos nâm râlibe bir tadrîb birer kıt’a fermân hâli ısdâr
ve … mâne irsâl olunmuş ilede Herkomân taraflarından evâmir-i aliyyeleri hilâf idüb re’âyâ-yı
merkûmatı tazyîk eyledikleri tahkîk-i çâkırî olunduğuna binaên merâhim-i aliyyelerinden mercûdur ki
husûs-ı mezkûr içün Amasiye ve Selanik metropolitlerine verilen evâmir-i aliyyelerin kaydı Nakbos
kaleminden derkenâr ve manzûr-ı âliyyeleri buyruldukta evâmir-i aliyye-i mezkûrâtın kaydları
kaleminden ..... ile Amasiyye ve Selanik kazâlarında icrâ olunmâmak bâbında hâkimlerine amrir ve kıt’a
fermân-ı âli sadâka ve ihsânıyçün emr ü fermân devletlü inâyetlü efendim sultânım hazretlerinnidir.
Amasiyye ve Sinob ve Bafra ve Ceharşanba ve … kazâlarının kuddât ve nüvvâblarına hükm ki İstanbul
ve tevâbi’-i Rûm patriği ve asitâne-i sâ’adetimde mukîm cem’iyyet metropolâtın divân-ı hümâyunum
takdîm eyledikleri bir kıt’a memhûr arzuhâlleri mefhûmunda patrikliğine dâhil ise ve tevâbi’-i
metropolidi Deyüsyos nâm râhibin yedîne virilecek berât-ı âlişân şürûtunda ayinlerine muvâfık hareket
iden zuhûrunda te’dib ve gûşmâl olunması husûsu musarrah iken iltizâmı dâhilinde vâki’ ise ve Sinob
ve Bafra ve Çuharşanba ve Samsun kazâlarında sâkin Rûm re’âyâ tâifâtından bazıları hilâf-ı şürût ve
ayinlerinin mugâyiri harekete ibtidâr edenleri iktizâsına göre falaka değnek ile te’dib ve terbiye
olunmak lâzıme …. itdürüb o makûle hilâf-ı ayn-ı hareket idene layığı üzere terbiye olunmak içün emsâli
misillü bir kıt’a berât-ı âlişânım itâsını istid’â-yı inâyet eyledikleri eclden hazine-i âmiremde mahfûz
Botubos (?) mukâta’ası defterlerine nazar olundukta İstanbul ve tevâbi’i Eritânım batriği Sütyan nâm
rahibin takdîm eylediği bir kıt’a memhûr arzuhâl mefhûmunda batrikliğine dâhil yerlerin taayyün (?)
…. yedlerinde mahfûz fermân-ı âlişân mucebince ayinlerine … hareket edene zuhûrda iktizâsına göre
falaka değnek ile te’dib ve terbiye olamkta isen …. Ankara ve tevâbi’-i Merhâsinin yedinde fermân-ı
âlişân olduğundan o makûle ayinlerine muhâlif hareket iden zuhûrunda lâyığı üzere te’dib ve terbiye
olunması lâzım hâl …. o makûle ayinlerine mugâyir hareket iden olur ise lâyığı üzere te’dib olundukta
Zıbayıfan ve sâire taraflarından muhâlefet olmamak bâbında emsâli mucebince bir kıt’a emr-i şerîfim
südûrunu lede’l-istid’â’ oldukta kuyûda mürâcaat oldukta batrik-i Mersun mukaddemen takdîm
eylediği arzuhalinde batrikliğine dâhil yerlerin …. ta’yin olunan murahhasalar bulundukları mahallerin
yedlerinde olan emr ü âli mucebince ayinlerine muhâlif hareket iden iktizâsına göre falaka değnekler
ile te’dib ve terbiye olunmakta olub lakin Yüzgâr ve tevâbi-i … o misillü ayinlerine mugâyir hareket iden
lâyığı üzere te’dib ve terbiye olunması lâzım …. hilâf-ı şürût ve mugâyir-i ayin-i hareket iden olub
te’dibât lâyıkalarını icrâsı …. ve zâyıfât taraflarında müdâhale ve ta’aruz olunmamak üzere emsâli
mucebince emr-i şerif südurunu recâ itmeğin İstanbul ve tevâbi’i Ermeniyâtın batriğinin takdim
eylediği arzuhalinde der-i aliyye ve taşranın Rumilleri ve … câniblerinde tarafında bâ-fermân-ı âli tâ’yin
olunan murahhâsalar bulundukları mahallerin yerlerinde olan li emr-i âliye mugâyir hareket ü hasâret
edenleri bi’t-tahkik ahz ü girift ve der-i aliyyeye irsâliyle iktizâsına göre bazısını falaka değnek ile te’dib
olunmakda ve gerek (?) asitâne-i aliyyede şürûta mugâyir hidmeti tecâvüz ve ayinlerine mugâyir
hareket iden dahi der-i akb ü celb ile terbiye olundukta … ancak gerek Anadolu ve gerek Rumili
câniblerinde olan murahassalar …. şürûta mugâyir ve ayinlerine muhâlif hareket edenleri bi’t-tahkik
ahz ve asitâne-i sâ’adetime irsâl emr-i asîr …. Lâyığı üzere terbiye olunduğundan