Описно оценување по предметот македонски јазик за VI одделение :
Оценка 2 (четврто ниво) –ЈАЗИК: Покажува интерес за историјата на
македонскиот јазик; Ги именува старословенските азбуки; Знае за дејноста на браќата Кирил и Методиј. ФОНЕТИКА: Работи со помош на наставникот; Набројува согласки и самогласки; Разликува слоготворно и неслоготворно Р; Препознава точно акцентирани зборови; Групира видови зборови во реченица; Знае за зборовните групи. ЛИТЕРАТУРА: Ги препознава литературните родови; Знае да ги наброи елементите на расказот. ИЗРАЗУВАЊЕ И ТВОРЕЊЕ: Усно тешко се изразува; Прераскажува со помош на наставникот; Воочува главен и спореден лик; Пишува состав за лични доживувања во кој нема логична поврзаност на настаните, деловите се лабаво поврзани, стилот на изразување е конфузен, нема богати реченици воопшто, па дури и се тешко разбирливи. Оценка 3 (трето ниво) ЈАЗИК: Ги определува јазиците во трите словенски групи. Разбира за ширењето на словенската писменост; Ги знае за чуваните ракописи на старословенски јазик. ФОНЕТИКА: Поврзува звучни и безвучни парници; Образува двојки од зборови; Ги разбира правилата за акцентирање на зборовите и дава точни примери; Бележи примери со слоготворно Р и за двете ситуации; Ги разбира видовите зборови и ги открива во дадена реченица определувајќи им ја зборовната група. ЛИТЕРАТУРА: Дискутира за белезите на трите литературни рода; Знае за потеклото на зборовите лирика, епика и драма; Дискутира за елементите на расказот. ИЗРАЗУВАЊЕ И ТВОРЕЊЕ: Усно се изразува со сиромашен речник; Прераскажува по хронолошки редослед; Ги објаснува постапките на главниот и споредните ликови; Одговара со кратки одговори на поставени прашања; Пишува состав за лични доживувања во кој мислите неследат една по друга, тешко се следи логичноста во раскажаното, стилот е сиромашен, односно нема постојаност во збогатувањето на речениците. Оценка 4 (второ ниво ) ЈАЗИК: Со помош на наставникот ги објаснува разликите во буквите од двете старословенски азбуки преку фотоснимките дадени во учебникот. ФОНЕТИКА: Објаснува за значењето на фонемата; Образува двојки од зборови со различни фонеми; Ги применува правилата за акцентирање на зборовите; Објаснува за белезите на акцентот во македонскиот јазик (определеноста и динамичноста); Образува реченици богати со видови зборови кои ги определува. ЛИТЕРАТУРА: Демонстрира примери на текстови од трите литературни рода; Го објаснува значењето и потеклото на зборовите лирика, епика и драма; Самостојно прави анализа на текст со извлекување на идејата. ИЗРАЗУВАЊЕ И ТВОРЕЊЕ: Трансформира дијалози од раскажувачки во драмски; Усно се изразува без тешкотии, пришто се служи со задоволителен фонд на зборови и има правилна интонација; Пишува состав за лични доживувања во кој мислите следат една по друга, има добри премини меѓу деловите, стилот на изразување на моменти е добар, но не е постојано таков. Оценка 5 (прво ниво) 5 - ЈАЗИК: Изработува повеќе проекти за историјата на македонскиот јазик; Ги споредува и објаснува разликите во буквите од двете старословенски азбуки преку фотоснимките дадени во учебникот; Носи примери од зачувани ракописи извадени од интернет; размислува за развојот на старословенските азбуки и прави разлика во етапите од развојот. ФОНЕТИКА: Објаснува за значењето на фонемата и образува повеќе зборови со различни фонеми; Ги применува правилата за акцентирање на зборовите, особено повеќесложните зборови кои самостојно ги конструира; Објаснува за белезите на акцентот во македонскиот јазик (определеноста и динамичноста); Ги споредува видовите зборови и зборовните групи, ги објаснува поединечно видовите зборови со примери; Образува реченици богати со видови зборови кои ги определува. ЛИТЕРАТУРА: Демонстрира примери на текстови од трите литературни рода; Умее да твори во трите литературни рода; Го објаснува значењето и потеклото на зборовите лирика, епика и драма; Самостојно прави анализа на текст со извлекување на идејата; Ги објаснува постапките на ликовите во расказот; Укажува на грешките кај негативните ликови и ги оправдува постапките на ликовите јунаци. ИЗРАЗУВАЊЕ И ТВОРЕЊЕ: Трансформира дијалози од раскажувачки во драмски и обратно; Усно се изразува течно, пришто се служи со богат фонд на зборови и има правилна интонација и акцент; Пишува состав за лични доживувања во кој мислите логично следат една по друга, со складно претставување на содржината, стилот на изразување е богат, со стилски средени реченици.