Драги Михајловски е роден на 16 октомври 1951 во Битола, каде го поминал
и своето детство. Основно и средно образование завршува во Битола, а
дипломирал англиски јазик и книжевност на Филолошкиот факултет „Блаже Конески“ во Скопје. Магистрирал на Филолошкиот факултет Драги Михајловски е член на Друштвото на писателите на Македонија од 1992 година, на ПЕН на Македонија од 1992 година, како и на Асоцијацијата на писателите за мир во Вашингтон, САД, од 1998 година. Бил уредник на книжевните списанија Lettre Internationale, Стожер, Стремеж, член на Сенатот на универзитетот „Св. Кирил и Методиј“ во Скопје, а две години (2007-2008) бил и претседател на Комисијата за издавачка дејност во Министерството за култура на РМ. Починал на 21 февруари 2022 во Скопје, а бил погребан на 23 февруари во Битола.
За книгата раскази ” Скок со стап ” во 1994 г., Драги Михајловски беше
добитник на Рациновото признание за најдобра прозна книга помеѓу две изданија на прозниот фестивал во Велес. Највпечатлив меѓу шесте раскази е расказот ” Скок со стап ” составен од три дела и претставува една извртена хагиографија на главниот јунак Христо Каруца кој е пародија на Исус и неговите наводни чуда. На мошне чуден начин раскажан е неговиот живот небаре е зграда од триесет и три катови преку која под точен агол и под одредени околности треба да скокне.