jayadevakRitaM gItagovindaM (aShTapadI)

ஜயதே³வக்ரு’தம் கீ³தகோ³விந்த³ம் (அஷ்டபதீ³)

Document Information

Text title : jayadevakRita gItagovindaM aShTapadI

File name : giitagovindaM.itx

Category : vishhnu, krishna, vishnu, kRitI, gItam, aShTaka

Location : doc_vishhnu

Transliterated by : P. P. Narayanaswami at swami at math.mun.ca

Proofread by : P. P. Narayanaswami at swami at math.mun.ca, PSA Easwaran

Latest update : October 1, 2010, May 10, 2015

Send corrections to : sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

July 9, 2023

sanskritdocuments.org
 jayadevakRitaM gItagovindaM (aShTapadI)

ஜயதே³வக்ரு’தம் கீ³தகோ³விந்த³ம் (அஷ்டபதீ³)

1
 jayadevakRitaM gItagovindaM (aShTapadI)

ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ கீ³தகோ³விந்த³ம் ॥

॥ ஶ்ரீகோ³பாலகத்⁴யாநம் ॥
யத்³கோ³பீவத³நேந்து³மண்ட³நமபூ⁴த்கஸ்தூரிகாபத்ரகம்
யல்லக்ஷ்மீகுசஶாதகும்ப⁴கலஶே வ்யாகோ³சமிந்தீ³வரம் ।
யந்நிர்வாணவிதா⁴நஸாத⁴நவிதௌ⁴ ஸித்³தா⁴ஞ்ஜநம் யோகி³நாம்
தந்ந: ஶ்யாமளமாவிரஸ்து ஹ்ரு’த³யே க்ரு’ஷ்ணாபி⁴தா⁴நம் மஹ: ॥ 1॥

॥ ஶ்ரீஜயதே³வத்⁴யாநம் ॥
ராதா⁴மநோரமரமாவரராஸலீலா-
கா³நாம்ரு’தைகப⁴ணிதம் கவிராஜராஜம் ।
ஶ்ரீமாத⁴வார்ச்சநவிதா⁴வநுராக³ஸத்³ம-
பத்³மாவதீப்ரியதமம் ப்ரணதோऽஸ்மி நித்யம் ॥ 2॥

ஶ்ரீகோ³பாலவிலாஸிநீ வலயஸத்³ரத்நாதி³முக்³தா⁴க்ரு’தி
ஶ்ரீராதா⁴பதிபாத³பத்³மப⁴ஜநாநந்தா³ப்³தி⁴மக்³நோऽநிஶம் ।
லோகே ஸத்கவிராஜராஜ இதி ய: க்²யாதோ த³யாம்போ⁴நிதி:⁴
தம் வந்தே³ ஜயதே³வஸத்³கு³ருமஹம் பத்³மாவதீவல்லப⁴ம் ॥ 3॥

॥ ப்ரத²ம: ஸர்க:³ ॥

॥ ஸாமோத³தா³மோத³ர: ॥
மேகை⁴ர்மேது³ரமம்ப³ரம் வநபு⁴வ: ஶ்யாமாஸ்தமாலத்³ருமை-
ர்நக்தம் பீ⁴ருரயம் த்வமேவ ததி³மம் ராதே⁴ க்³ரு’ஹம் ப்ராபய ।
இத்த²ம் நந்த³நிதே³ஶிதஶ்சலிதயோ: ப்ரத்யத்⁴வகுஞ்ஜத்³ருமம்
ராதா⁴மாத⁴வயோர்ஜயந்தி யமுநாகூலே ரஹ:கேலய: ॥ 1॥

2
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

வாக்³தே³வதாசரிதசித்ரிதசித்தஸத்³மா
பத்³மாவதீசரணசாரணசக்ரவர்தீ ।
ஶ்ரீவாஸுதே³வரதிகேலிகதா²ஸமேத-
மேதம் கரோதி ஜயதே³வகவி: ப்ரப³ந்த⁴ம் ॥ 2॥

வாச: பல்லவயத்யுமாபதித⁴ர: ஸந்த³ர்ப⁴ஶுத்³தி⁴ம் கி³ராம்

ஜாநீதே ஜயதே³வ ஏவ ஶரண: ஶ்லாக்⁴யோ து³ரூஹத்³ருதே ।
ஶ‍்ரு’ங்கா³ரோத்தரஸத்ப்ரமேயரசநைராசார்யகோ³வர்த⁴ந-
ஸ்பர்தீ⁴ கோऽபி ந விஶ்ருத: ஶ்ருதித⁴ரோ தோ⁴யீ கவிக்ஷ்மாபதி: ॥ 3॥

யதி³ ஹரிஸ்மரணே ஸரஸம் மநோ

யதி³ விலாஸகலாஸு குதூஹலம் ।
மது⁴ரகோமலகாந்தபதா³வலீம்
ஶ‍்ரு’ணு ததா³ ஜயதே³வஸரஸ்வதீம் ॥ 4॥

॥ கீ³தம் 1 ॥
ப்ரலயபயோதி⁴ஜலே த்⁴ரு’தவாநஸி வேத³ம் ।
விஹிதவஹித்ரசரித்ரமகே²த³ம் ॥

கேஶவ த்⁴ரு’தமீநஶரீர ஜய ஜக³தீ³ஶ ஹரே ॥ 1॥

க்ஷிதிரதிவிபுலதரே தவ திஷ்ட²தி ப்ரு’ஷ்டே² ।

த⁴ரணித⁴ரணகிணசக்ரக³ரிஷ்டே² ॥

கேஶவ த்⁴ரு’தகச்ச²பரூப ஜய ஜக³தீ³ஶ ஹரே ॥ 2॥

வஸதி த³ஶநஶிக²ரே த⁴ரணீ தவ லக்³நா ।

ஶஶிநி கலங்ககலேவ நிமக்³நா ॥

கேஶவ த்⁴ரு’தஸூகரரூப ஜய ஜக³தீ³ஶ ஹரே ॥ 3॥

தவ கரகமலவரே நக²மத்³பு⁴தஶ‍்ரு’ங்க³ம் ।
த³லிதஹிரண்யகஶிபுதநுப்⁴ரு’ங்க³ம் ॥

கேஶவ த்⁴ரு’தநரஹரிரூப ஜய ஜக³தீ³ஶ ஹரே ॥ 4॥

ச²லயஸி விக்ரமணே ப³லிமத்³பு⁴தவாமந ।

பத³நக²நீரஜநிதஜநபாவந ॥

giitagovindaM.pdf 3
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

கேஶவ த்⁴ரு’தவாமநரூப ஜய ஜக³தீ³ஶ ஹரே ॥ 5॥

க்ஷத்ரியருதி⁴ரமயே ஜக³த³பக³தபாபம் ।
ஸ்நபயஸி பயஸி ஶமிதப⁴வதாபம் ॥

கேஶவ த்⁴ரு’தப்⁴ரு’கு³பதிரூப ஜய ஜக³தீ³ஶ ஹரே ॥ 6॥

விதரஸி தி³க்ஷு ரணே தி³க்பதிகமநீயம் ।

த³ஶமுக²மௌலிப³லிம் ரமணீயம் ॥

கேஶவ த்⁴ரு’தராமஶரீர ஜய ஜக³தீ³ஶ ஹரே ॥ 7॥

வஹஸி வபுஷி விஶதே³ வஸநம் ஜலதா³ப⁴ம் ।

ஹலஹதிபீ⁴திமிலிதயமுநாப⁴ம் ॥

கேஶவ த்⁴ரு’தஹலத⁴ரரூப ஜய ஜக³தீ³ஶ ஹரே ॥ 8॥

நிந்த³ஸி யஜ்ஞவிதே⁴ரஹஹ ஶ்ருதிஜாதம் ।

ஸத³யஹ்ரு’த³யத³ர்ஶிதபஶுகா⁴தம் ॥

கேஶவ த்⁴ரு’தபு³த்³த⁴ஶரீர ஜய ஜக³தீ³ஶ ஹரே ॥ 9॥

ம்லேச்ச²நிவஹநித⁴நே கலயஸி கரவாலம் ।

தூ⁴மகேதுமிவ கிமபி கராலம் ॥

கேஶவ த்⁴ரு’தகல்கிஶரீர ஜய ஜக³தீ³ஶ ஹரே ॥ 10॥

ஶ்ரீஜயதே³வகவேரித³முதி³தமுதா³ரம் ।
ஶ‍்ரு’ணு ஸுக²த³ம் ஶுப⁴த³ம் ப⁴வஸாரம் ॥

கேஶவ த்⁴ரு’தத³ஶவித⁴ரூப ஜய ஜக³தீ³ஶ ஹரே ॥ 11॥

வேதா³நுத்³த⁴ரதே ஜக³ந்நிவஹதே பூ⁴கோ³லமுத்³பி³ப்⁴ரதே

தை³த்யாந்தா³ரயதே ப³லிம் ச²லயதே க்ஷத்ரக்ஷயம் குர்வதே ।
பௌலஸ்த்யம் ஜயதே ஹலம் கலயதே காருண்யமாதந்வதே
ம்லேச்சா²ந்மூர்ச்ச²யதே த³ஶாக்ரு’திக்ரு’தே க்ரு’ஷ்ணாய துப்⁴யம் நம: ॥ 5॥

॥ கீ³தம் 2 ॥
ஶ்ரிதகமலாகுசமண்ட³ல த்⁴ரு’தகுண்ட³ல ஏ ।
கலிதலலிதவநமால ஜய ஜயதே³வ ஹரே ॥ 1॥

4 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

தி³நமணிமண்ட³லமண்ட³ந ப⁴வக²ண்ட³ந ஏ ।
முநிஜநமாநஸஹம்ஸ ஜய ஜயதே³வ ஹரே ॥ 2॥

காலியவிஷத⁴ரப⁴ஞ்ஜந ஜநரஞ்ஜந ஏ ।
யது³குலநலிநதி³நேஶ ஜய ஜயதே³வ ஹரே ॥ 3॥

மது⁴முரநரகவிநாஶந க³ருடா³ஸந ஏ ।
ஸுரகுலகேலிநிதா³ந ஜய ஜயதே³வ ஹரே ॥ 4॥

அமலகமலத³லலோசந ப⁴வமோசந ஏ ।
த்ரிபு⁴வநப⁴வநநிதா⁴ந ஜய ஜயதே³வ ஹரே ॥ 5॥

ஜநகஸுதாக்ரு’தபூ⁴ஷண ஜிததூ³ஷண ஏ ।
ஸமரஶமிதத³ஶகண்ட² ஜய ஜயதே³வ ஹரே ॥ 6॥

அபி⁴நவஜலத⁴ரஸுந்த³ர த்⁴ரு’தமந்த³ர ஏ ।
ஶ்ரீமுக²சந்த்³ரசகோர ஜய ஜயதே³வ ஹரே ॥ 7॥

தவ சரணே ப்ரணதா வயம் இதி பா⁴வய ஏ ।

குரு குஶலம் ப்ரணதேஷு ஜய ஜயதே³வ ஹரே ॥ 8॥

ஶ்ரீஜயதே³வகவேரித³ம் குருதே முத³ம் ஏ ।

மங்க³ளமுஜ்ஜ்வலகீ³தம் ஜய ஜயதே³வ ஹரே ॥ 9॥

பத்³மாபயோத⁴ரதடீபரிரம்ப⁴லக்³ந-
காஶ்மீரமுத்³ரிதமுரோ மது⁴ஸூத³நஸ்ய ।
வ்யக்தாநுராக³மிவ கே²லத³நங்க³கே²த³-
ஸ்வேதா³ம்பு³பூரமநுபூரயது ப்ரியம் வ: ॥ 6॥

வஸந்தே வாஸந்தீகுஸுமஸுகுமாரைரவயவை-
ர்ப்⁴ரமந்தீம் காந்தாரே ப³ஹுவிஹிதக்ரு’ஷ்ணாநுஸரணாம் ।
அமந்த³ம் கந்த³ர்பஜ்வரஜநிதசிந்தாகுலதயா
வலத்³பா³தா⁴ம் ராதா⁴ம் ஸரஸமித³முசே ஸஹசரீ ॥ 7॥

॥ கீ³தம் 3 ॥
லலிதலவங்க³லதாபரிஶீலநகோமலமலயஸமீரே ।
மது⁴கரநிகரகரம்பி³தகோகிலகூஜிதகுஞ்ஜகுடீரே ॥

giitagovindaM.pdf 5
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

விஹரதி ஹரிரிஹ ஸரஸவஸந்தே

ந்ரு’த்யதி யுவதிஜநேந ஸமம் ஸகி² விரஹிஜநஸ்ய து³ரந்தே ॥ 1॥ விஹரதி
உந்மத³மத³நமநோரத²பதி²கவதூ⁴ஜநஜநிதவிலாபே ।
அலிகுலஸங்குலகுஸுமஸமூஹநிராகுலப³குலகலாபே ॥ 2॥ விஹரதி
ம்ரு’க³மத³ஸௌரப⁴ரப⁴ஸவஶம்வத³நவத³லமாலதமாலே ।
யுவஜநஹ்ரு’த³யவிதா³ரணமநஸிஜநக²ருசிகிம்ஶுகஜாலே ॥ 3॥ விஹரதி
மத³நமஹீபதிகநகத³ண்ட³ருசிகேஸரகுஸுமவிகாஸே ।
மிலிதஶிலீமுக²பாடலிபடலக்ரு’தஸ்மரதூணவிலாஸே ॥ 4॥ விஹரதி
விக³லிதலஜ்ஜிதஜக³த³வலோகநதருணகருணக்ரு’தஹாஸே ।
விரஹிநிக்ரு’ந்தநகுந்தமுகா²க்ரு’திகேதகத³ந்துரிதாஶே ॥ 5॥ விஹரதி
மாத⁴விகாபரிமலலலிதே நவமாலிகஜாதிஸுக³ந்தௌ⁴ ।
முநிமநஸாமபி மோஹநகாரிணி தருணாகாரணப³ந்தௌ⁴ ॥ 6॥ விஹரதி
ஸ்பு²ரத³திமுக்தலதாபரிரம்ப⁴ணமுகுலிதபுலகிதசூதே ।
வ்ரு’ந்தா³வநவிபிநே பரிஸரபரிக³தயமுநாஜலபூதே ॥ 7॥ விஹரதி
ஶ்ரீஜயதே³வப⁴ணிதமித³முத³யதி ஹரிசரணஸ்ம்ரு’திஸாரம் ।
ஸரஸவஸந்தஸமயவநவர்ணநமநுக³தமத³நவிகாரம் ॥ 8॥ விஹரதி
த³ரவித³லிதமல்லீவல்லிசஞ்சத்பராக³-
ப்ரகடிதபடவாஸைர்வாஸயந் காநநாநி ।
இஹ ஹி த³ஹதி சேத: கேதகீக³ந்த⁴ப³ந்து:⁴
ப்ரஸரத³ஸமபா³ணப்ராணவத்³க³ந்த⁴வாஹ: ॥ 8॥

உந்மீலந்மது⁴க³ந்த⁴லுப்³த⁴மது⁴பவ்யாதூ⁴தசூதாங்குர-
க்ரீட³த்கோகிலகாகலீகலரவைருத்³கீ³ர்ணகர்ணஜ்வரா: । var - கலை:
நீயந்தே பதி²கை: கத²ம் கத²மபி த்⁴யாநாவதா⁴நக்ஷண-
ப்ராப்தப்ராணஸமாஸமாக³மரஸோல்லாஸைரமீ வாஸரா: ॥ 9॥

அநேகநாரீபரிரம்ப⁴ஸம்ப்⁴ரம-
ஸ்பு²ரந்மநோஹாரிவிலாஸலாலஸம் ।
முராரிமாராது³பத³ர்ஶயந்த்யஸௌ
ஸகீ²ஸமக்ஷம் புநராஹ ராதி⁴காம் ॥ 10॥

6 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ கீ³தம் 4 ॥
சந்த³நசர்சிதநீலகலேவரபீதவஸநவநமாலீ ।
கேலிசலந்மணிகுண்ட³லமண்டி³தக³ண்ட³யுக³ஸ்மிதஶாலீ ॥

ஹரிரிஹமுக்³த⁴வதூ⁴நிகரே
விலாஸிநி விலஸதி கேலிபரே ॥ 1॥

பீநபயோத⁴ரபா⁴ரப⁴ரேண ஹரிம் பரிரம்ய ஸராக³ம் ।

கோ³பவதூ⁴ரநுகா³யதி காசிது³த³ஞ்சிதபஞ்சமராக³ம் ॥ 2॥ ஹரிரிஹ
காபி விலாஸவிலோலவிலோசநகே²லநஜநிதமநோஜம் ।
த்⁴யாயதி முக்³த⁴வதூ⁴ரதி⁴கம் மது⁴ஸூத³நவத³நஸரோஜம் ॥ 3॥ ஹரிரிஹ
காபி கபோலதலே மிலிதா லபிதும் கிமபி ஶ்ருதிமூலே ।
சாரு சுசும்ப³ நிதம்ப³வதீ த³யிதம் புலகைரநுகூலே ॥ 4॥ ஹரிரிஹ
கேலிகலாகுதுகேந ச காசித³மும் யமுநாஜலகூலே ।
மஞ்ஜுளவஞ்ஜுலகுஞ்ஜக³தம் விசகர்ஷ கரேண து³கூலே ॥ 5॥ ஹரிரிஹ
கரதலதாலதரலவலயாவலிகலிதகலஸ்வநவம்ஶே ।
ராஸரஸே ஸஹ ந்ரு’த்யபரா ஹரிணா யுவதி: ப்ரஶஶம்ஸே ॥ 6॥ ஹரிரிஹ
ஶ்லிஷ்யதி காமபி சும்ப³தி காமபி காமபி ரமயதி ராமாம் ।
பஶ்யதி ஸஸ்மிதசாருதராமபராமநுக³ச்ச²தி வாமாம் ॥ 7॥ ஹரிரிஹ var - பராம்
ஶ்ரீஜயதே³வகவேரித³மத்³பு⁴தகேஶவகேலிரஹஸ்யம் ।
வ்ரு’ந்தா³வநவிபிநே லலிதம் விதநோது ஶுபா⁴நி யஶஸ்யம் ॥ 8॥ ஹரிரிஹ
விஶ்வேஷாமநுரஞ்ஜநே ஜநயந்நாநந்த³மிந்தீ³வர-
ஶ்ரேணீஶ்யாமலகோமலைருபநயந்நங்கை³ரநங்கோ³த்ஸவம் ।
ஸ்வச்ச²ந்த³ம் வ்ரஜஸுந்த³ரீபி⁴ரபி⁴த: ப்ரத்யங்க³மாலிங்கித:
ஶ‍்ரு’ங்கா³ர: ஸகி² மூர்திமாநிவ மதௌ⁴ முக்³தோ⁴ ஹரி: க்ரீட³தி ॥ 11॥

அத்³யோத்ஸங்க³வஸத்³பு⁴ஜங்க³கவலக்லேஶாதி³வேஶாசலம் var - நித்யோஸங்க³

ப்ராலேயப்லவநேச்ச²யாநுஸரதி ஶ்ரீக²ண்ட³ஶைலாநில: ।
கிம் ச ஸ்நிக்³த⁴ரஸாலமௌலிமுகுலாந்யாலோக்ய ஹர்ஷோத³யா-
து³ந்மீலந்தி குஹூ: குஹூரிதி கலோத்தலா: பிகாநாம் கி³ர: ॥ 12॥

ராஸோல்லாஸப⁴ரேணவிப்⁴ரமப்⁴ரு’தாமாபீ⁴ரவாமப்⁴ருவா-
மப்⁴யர்ணே பரிரப்⁴ய நிர்ப⁴ரமுர: ப்ரேமாந்த⁴யா ராத⁴யா ।
ஸாது⁴ த்வத்³வத³நம் ஸுதா⁴மயமிதி வ்யாஹ்ரு’த்ய கீ³தஸ்துதி-

giitagovindaM.pdf 7
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

வ்யாஜாது³த்³ப⁴டசும்பி³தஸ்மிதமநோஹரீ ஹரி: பாது வ: ॥ 13॥

॥ இதி ஶ்ரீகீ³தகோ³விந்தே³ ஸாமோத³தா³மோத³ரோ நாம ப்ரத²ம: ஸர்க:³ ॥

॥ த்³விதீய: ஸர்க:³ ॥

॥ அக்லேஶகேஶவ: ॥
விஹரதி வநே ராதா⁴ ஸாதா⁴ரணப்ரணயே ஹரௌ
விக³லிதநிஜோத்கர்ஷாதீ³ர்ஷ்யாவஶேந க³தாந்யத: ।
க்வசித³பி லதாகுஞ்ஜே கு³ஞ்ஜந்மது⁴வ்ரதமண்ட³லீ-
முக²ரஶிக²ரே லீநா தீ³நாப்யுவாச ரஹ: ஸகீ²ம் ॥ 14॥

॥ கீ³தம் 5 ॥
ஸஞ்சரத³த⁴ரஸுதா⁴மது⁴ரத்⁴வநிமுக²ரிதமோஹநவம்ஶம் ।
சலிதத்³ரு’க³ஞ்சலசஞ்சலமௌலிகபோலவிலோலவதம்ஸம் ॥

ராஸே ஹரிமிஹ விஹிதவிலாஸம்

ஸ்மரதி மநோ மம க்ரு’தபரிஹாஸம் ॥ 1॥

சந்த்³ரகசாருமயூரஶிக²ண்ட³கமண்ட³லவலயிதகேஶம் ।
ப்ரசுரபுரந்த³ரத⁴நுரநுரஞ்ஜிதமேது³ரமுதி³ரஸுவேஶம் ॥ 2॥ ராஸே ஹரிமிஹ
கோ³பகத³ம்ப³நிதம்ப³வதீமுக²சும்ப³நலம்பி⁴தலோப⁴ம் ।
ப³ந்து⁴ஜீவமது⁴ராத⁴ரபல்லவமுல்லஸிதஸ்மிதஶோப⁴ம் ॥ 3॥ ராஸே ஹரிமிஹ
விபுலபுலகபு⁴ஜபல்லவவலயிதவல்லவயுவதிஸஹஸ்ரம் ।
கரசரணோரஸி மணிக³ணபூ⁴ஷணகிரணவிபி⁴ந்நதமிஸ்ரம் ॥ 4॥ ராஸே ஹரிமிஹ
ஜலத³படலசலதி³ந்து³விநந்த³கசந்த³நதிலகலலாடம் ।
பீநக⁴நஸ்தநமண்ட³லமர்த³நநிர்த³யஹ்ரு’த³யகபாடம் ॥ 5॥ ராஸே ஹரிமிஹ var -
பீநபயோத⁴ரபரிஸர
மணிமயமகரமநோஹரகுண்ட³லமண்டி³தக³ண்ட³முதா³ரம் ।
பீதவஸநமநுக³தமுநிமநுஜஸுராஸுரவரபரிவாரம் ॥ 6॥ ராஸே ஹரிமிஹ
விஶத³கத³ம்ப³தலே மிலிதம் கலிகலுஷப⁴யம் ஶமயந்தம் ।
மாமபி கிமபி தரங்க³த³நங்க³த்³ரு’ஶா மநஸா ரமயந்தம் ॥ 7॥ ராஸே ஹரிமிஹ var -
வபுஷா

8 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஶ்ரீஜயதே³வப⁴ணிதமதிஸுந்த³ரமோஹநமது⁴ரிபுரூபம் ।
ஹரிசரணஸ்மரணம் ப்ரதி ஸம்ப்ரதி புண்யவதாமநுரூபம் ॥ 8॥ ராஸே ஹரிமிஹ
க³ணயதி கு³ணக்³ராமம் ப்⁴ராமம் ப்⁴ரமாத³பி நேஹதே
வஹதி ச பரிதோஷம் தோ³ஷம் விமுஞ்சதி தூ³ரத: ।
யுவதிஷு வலஸ்த்ரு’ஷ்ணே க்ரு’ஷ்ணே விஹாரிணி மாம் விநா
புநரபி மநோ வாமம் காமம் கரோதி கரோமி கிம் ॥ 15॥

॥ கீ³தம் 6 ॥
நிப்⁴ரு’தநிகுஞ்ஜக்³ரு’ஹம் க³தயா நிஶி ரஹஸி நிலீய வஸந்தம் ।
சகிதவிலோகிதஸகலதி³ஶா ரதிரப⁴ஸரஸேந ஹஸந்தம் ॥

ஸகி² ஹே கேஶிமத²நமுதா³ரம்
ரமய மயா ஸஹ மத³நமநோரத²பா⁴விதயா ஸவிகாரம் ॥ 1॥

ப்ரத²மஸமாக³மலஜ்ஜிதயா படுசாடுஶதைரநுகூலம் ।
ம்ரு’து³மது⁴ரஸ்மிதபா⁴ஷிதயா ஶிதி²லீக்ரு’தஜத⁴நது³கூலம் ॥ 2॥ ஸகி² ஹே
கிஸலயஶயநநிவேஶிதயா சிரமுரஸி மமைவ ஶயாநம் ।
க்ரு’தபரிரம்ப⁴ணசும்ப³நயா பரிரப்⁴ய க்ரு’தாத⁴ரபாநம் ॥ 3॥ ஸகி² ஹே
அலஸநிமீலிதலோசநயா புலகாவலிலலிதகபோலம் ।
ஶ்ரமஜலஸகலகலேவரயா வரமத³நமதா³த³திலோலம் ॥ 4॥ ஸகி² ஹே
கோகிலகலரவகூஜிதயா ஜிதமநஸிஜதந்த்ரவிசாரம் ।
ஶ்லத²குஸுமாகுலகுந்தலயா நக²லிகி²தக⁴நஸ்தநபா⁴ரம் ॥ 5॥ ஸகி² ஹே
சரணரணிதமணிநூபுரயா பரிபூரிதஸுரதவிதாநம் ।
முக²ரவிஶ‍்ரு’ங்க²லமேக²லயா ஸகசக்³ரஹசும்ப³நதா³நம் ॥ 6॥ ஸகி² ஹே
ரதிஸுக²ஸமயரஸாலஸயா த³ரமுகுலிதநயநஸரோஜம் ।
நி:ஸஹநிபதிததநுலதயா மது⁴ஸூத³நமுதி³தமநோஜம் ॥ 7॥ ஸகி² ஹே
ஶ்ரீஜயதே³வப⁴ணிதமித³மதிஶயமது⁴ரிபுநிது⁴வநஶீலம் ।
ஸுக²முத்கண்டி²தகோ³பவதூ⁴கதி²தம் விதநோது ஸலீலம் ॥ 8॥ ஸகி² ஹே var -
ராதி⁴கயா
ஹஸ்தஸ்ரஸ்தவிலாஸவம்ஶமந்ரு’ஜுப்⁴ரூவல்லிமத்³ப³ல்லவீ-
வ்ரு’ந்தோ³த்ஸாரித்³ரு’க³ந்தவீக்ஷிதமதிஸ்வேதா³ர்த்³ரக³ண்ட³ஸ்த²லம் ।
மாமுத்³வீக்ஷ்ய விலக்ஷிதம் ஸ்மிதஸுதா⁴முக்³தா⁴நநம் காநநே
கோ³விந்த³ம் வ்ரஜஸுந்த³ரீக³ணவ்ரு’தம் பஶ்யாமி ஹ்ரு’ஷ்யாமி ச ॥ 16॥

giitagovindaM.pdf 9
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

து³ராலோகஸ்தோகஸ்தப³கநவகாஶோகலதிகா-
விகாஸ: காஸாரோபவநபவநோऽபி வ்யத²யதி ।
அபி ப்⁴ராம்யத்³ப்⁴ரு’ங்கீ³ரணிதரமணீயா ந முகுல-
ப்ரஸூதிஶ்சூதாநாம் ஸகி² ஶிக²ரிணீயம் ஸுக²யதி ॥ 17॥

ஸாகூதஸ்மிதமாகுலாகுலக³லத்³த⁴ம்மில்லமுல்லாஸித-
ப்⁴ரூவல்லீகமலீகத³ர்ஶிதபு⁴ஜாமூலார்த்³த⁴ப்ரு’ஷ்ட²ஸ்தநம் ।
கோ³பீநாம் நிப்⁴ரு’தம் நிரீக்ஷ்ய க³மிதாகாங்க்ஷஶ்சிரம் சிந்தய-
ந்நந்தர்முக்³த்³த⁴மநோஹரோ ஹரது வ: க்லேஶம் ந வ: கேஶவ: ॥ 18॥

॥ இதி கீ³தகோ³விந்தே³ அக்லேஶகேஶவோ நாம த்³விதீய: ஸர்க:³ ॥

॥ த்ரு’தீய: ஸர்க:³ ॥

॥ முக்³த⁴மது⁴ஸூத³ந: ॥
கம்ஸாரிரபி ஸம்ஸாரவாஸநாப³ந்த⁴ஶ‍்ரு’ங்க²லாம் ।
ராதா⁴மாதா⁴ய ஹ்ரு’த³யே தத்யாஜ வ்ரஜஸுந்த³ரீ: ॥ 19॥

இதஸ்ததஸ்தாமநுஸ்ரு’த்ய ராதி⁴கா-
மநங்க³பா³ணவ்ரணகி²ந்நமாநஸ: ।
க்ரு’தாநுதாப: ஸ கலிந்த³நந்தி³நீ-
தடாந்தகுஞ்ஜே நிஷஸாத³ மாத⁴வ: ॥ 20॥

॥ கீ³தம் 7 ॥
மாமியம் சலிதா விலோக்ய வ்ரு’தம் வதூ⁴நிசயேந ।
ஸாபராத⁴தயா மயாபி ந வாரிதாதிப⁴யேந ।
ஹரிஹரி ஹதாத³ரதயா ஸா க³தா குபிதேவ ॥ 1॥

கிம் கரிஷ்யதி கிம் வதி³ஷ்யதி ஸா சிரம் விரஹேண ।

கிம் த⁴நேந ஜநேந கிம் மம ஜீவநேந க்³ரு’ஹேண ॥ 2॥ ஹரிஹரி
சிந்தயாமி ததா³நநம் குடிலப்⁴ரு கோபப⁴ரேண ।
ஶோணபத்³மமிவோபரி ப்⁴ரமதாகுலப்⁴ரமரேண ॥ 3॥ ஹரிஹரி

10 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

தாமஹம் ஹ்ரு’தி³ ஸங்க³தாமநிஶம் ப்⁴ரு’ஶம் ரமயாமி ।

கிம் வநேऽநுஸராமி தாமிஹ கிம் வ்ரு’தா² விலபாமி ॥ 4॥ ஹரிஹரி
தந்வி கி²ந்நமஸூயயா ஹ்ரு’த³யம் தவாகலயாமி ।
தந்ந வேத்³மி குதோ க³தாஸி ந தேந தேऽநுநயாமி ॥ 5॥ ஹரிஹரி
த்³ரு’ஶ்யஸே புரதோ க³தாக³தமேவ தே வித³தா⁴ஸி ।
கிம் புரேவ ஸஸம்ப்⁴ரமம் பரிரம்ப⁴ணம் ந த³தா³ஸி ॥ 6॥ ஹரிஹரி
க்ஷம்யதாமபரம் கதா³பி தவேத்³ரு’ஶம் ந கரோமி ।
தே³ஹி ஸுந்த³ரி த³ர்ஶநம் மம மந்மதே²ந து³நோமி ॥ 7॥ ஹரிஹரி
வர்ணிதம் ஜயதே³வகேந ஹரேரித³ம் ப்ரவணேந ।
கிந்து³பி³ல்வஸமுத்³ரஸம்ப⁴வரோஹிணீரமணேந ॥ 8॥ ஹரிஹரி
குவலயத³லஶ்ரேணீ கண்டே² ந ஸா க³ரலத்³யுதி:
ஹ்ரு’தி³ பி³ஸலதாஹாரோ நாயம் பு⁴ஜங்க³மநாயக: ।
மலயஜரஜோ நேத³ம் ப⁴ஸ்ம ப்ரியாரஹிதே மயி
ப்ரஹர ந ஹரப்⁴ராந்த்யாநங்க³ க்ருதா⁴ கிமு தா⁴வஸி ॥ 21॥

பாணௌ மா குரு சூதஸாயகமமும் மா சாபமாரோபய

க்ரீடா³நிர்ஜிதவிஶ்வமூர்சி²தஜநாகா⁴தேந கிம் பௌருஷம் ।
தஸ்யா ஏவ ம்ரு’கீ³த்³ரு’ஶோ மநஸிஜப்ரேங்க²த்கடாக்ஷாஶுக³-
ஶ்ரேணீஜர்ஜரிதம் மநாக³பி மநோ நாத்³யாபி ஸந்து⁴க்ஷதே ॥ 22॥

ப்⁴ரூசாபே நிஹித: கடாக்ஷவிஶிகோ² நிர்மாது மர்மவ்யதா²ம்

ஶ்யாமாத்மா குடில: கரோது கப³ரீபா⁴ரோऽபி மாரோத்³யமம் ।
மோஹம் தாவத³யம் ச தந்வி தநுதாம் பி³ம்பா³த⁴ரோ ராக³வாந்
ஸத்³வ்ரு’த்தஸ்தநமண்ட³லஸ்தவ கத²ம் ப்ராணைர்மம க்ரீட³தி ॥ 23॥

தாநி ஸ்பர்ஶஸுகா²நி தே ச தரலஸ்நிக்³தா⁴ த்³ரு’ஶோர்விப்⁴ரமா-

ஸ்தத்³வக்த்ராம்பு³ஜஸௌரப⁴ம் ஸ ச ஸுதா⁴ஸ்யந்தி³ர்கி³ராம் வக்ரிமா ।
ஸா பி³ம்பா³த⁴ரமாது⁴ரீதி விஷயாஸங்கே³ऽபி சேந்மாநஸம்
தஸ்யாம் லக்³நஸமாதி⁴ ஹந்த விரஹவ்யாதி:⁴ கத²ம் வர்த⁴தே ॥ 24॥

ப்⁴ரூபல்லவம் த⁴நுரபாங்க³தரங்கி³தநி var - ப்⁴ரூவல்லரிர்த⁴நு

பா³ணா கு³ண: ஶ்ரவணபாலிரிதி ஸ்மரேண ।
அஸ்யாமநங்க³ஜயஜங்க³மதே³வதாயாம்
அஸ்த்ராணி நிர்ஜிதஜக³ந்தி கிமர்பிதாநி ॥ 25॥

giitagovindaM.pdf 11
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

திர்யக்கண்ட²விலோலமௌலிதரலோத்தம்ஸஸ்ய வம்ஶோச்சலத்³-
கீ³திஸ்தா²நக்ரு’தாவதா⁴நலலநாலக்ஷைர்ந ஸம்லக்ஷிதா: ।
ஸம்முக்³த்³தே⁴ மது⁴ஸூத³நஸ்ய மது⁴ரே ராதா⁴முகே²ந்தௌ³ ம்ரு’து³-
ஸ்பந்த³ம் கந்த³லிதாஶ்சிரம் த³த³து வ: க்ஷேமம் கடாக்ஷோர்மய: ॥ 26 ॥

॥ இதி ஶ்ரீகி³தகோ³விந்தே³ முக்³த⁴மது⁴ஸூத³நோ நாம த்ரு’தீய: ஸர்க:³ ॥

॥ சதுர்த:² ஸர்க:³ ॥

॥ ஸ்நிக்³த⁴மது⁴ஸூத³ந: ॥
யமுநாதீரவாநீரநிகுஞ்ஜே மந்த³மாஸ்தி²தம் ।
ப்ராஹ ப்ரேமப⁴ரோத்³ப்⁴ராந்தம் மாத⁴வம் ராதி⁴காஸகீ² ॥ 27॥

॥ கீ³தம் 8 ॥
நிந்த³தி சந்த³நமிந்து³கிரணமநு விந்த³தி கே²த³மதீ⁴ரம் ।
வ்யாலநிலயமிலநேந க³ரலமிவ கலயதி மலயஸமீரம் ॥

மாத⁴வ மநஸிஜவிஶிக²ப⁴யாதி³வ பா⁴வநயா த்வயி லீநா

ஸா விரஹே தவ தீ³நா ॥ 1॥

அவிரலநிபதிதமத³நஶராதி³வ ப⁴வத³வநாய விஶாலம் ।

ஸ்வஹ்ரு’த³யமர்மணீ வர்ம கரோதி ஸஜலநலிநீத³லஜாலம் ॥ 2॥ ஸா விரஹே தவ
தீ³நா
குஸுமவிஶிக²ஶரதல்பமநல்பவிலாஸகலாகமநீயம் ।
வ்ரதமிவ தவ பரிரம்ப⁴ஸுகா²ய கரோதி குஸுமஶயநீயம் ॥ 3॥ ஸா விரஹே தவ தீ³நா
வஹதி ச க³லிதவிலோசநஜலப⁴ரமாநநகமலமுதா³ரம் । var - விக³லிதலோசந
விது⁴மிவ விகடவிது⁴ந்துத³த³ந்தத³லநக³லிதாம்ரு’ததா⁴ரம் ॥ 4॥ ஸா விரஹே தவ
தீ³நா
விலிக²தி ரஹஸி குரங்க³மதே³ந ப⁴வந்தமஸமஶரபூ⁴தம் ।
ப்ரணமதி மகரமதோ⁴ விநிதா⁴ய கரே ச ஶரம் நவசூதம் ॥ 5॥ ஸா விரஹே தவ தீ³நா
ப்ரதிபத³மித³மபி நிக³த³தி மாத⁴வ தவ சரணே பதிதாஹம் ।
த்வயி விமுகே² மயி ஸபதி³ ஸுதா⁴நிதி⁴ரபி தநுதே தநுதா³ஹம் ॥ 6॥ ஸா விரஹே
தவ தீ³நா

12 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

த்⁴யாநலயேந புர: பரிகல்ப்ய ப⁴வந்தமதீவ து³ராபம் ।

விலபதி ஹஸதி விஷீத³தி ரோதி³தி சஞ்சதி முஞ்சதி தாபம் ॥ 7॥ ஸா விரஹே தவ
தீ³நா
ஶ்ரீஜயதே³வப⁴ணிதமித³மதி⁴கம் யதி³ மநஸா நடநீயம் ।
ஹரிவிரஹாகுலப³ல்லவயுவதிஸகீ²வசநம் பட²நீயம் ॥ 8॥ ஸா விரஹே தவ தீ³நா
ஆவாஸோ விபிநாயதே ப்ரியஸகீ²மாலாபி ஜாலாயதே
தாபோऽபி ஶ்வஸிதேந தா³வத³ஹநஜ்வாலாகலாபாயதே ।
ஸாபி த்வத்³விரஹேண ஹந்த ஹரிணீரூபாயதே ஹா கத²ம்
கந்த³ர்போऽபி யமாயதே விரசயஞ்ஶார்தூ³லவிக்ரீடி³தம் ॥ 28॥

॥ கீ³தம் 9 ॥
ஸ்தநவிநிஹிதமபி ஹாரமுதா³ரம் ।
ஸா மநுதே க்ரு’ஶதநுரதிபா⁴ரம் ॥

ராதி⁴கா விரஹே தவ கேஶவ ॥ 1॥

ஸரஸமஸ்ரு’ணமபி மலயஜபங்கம் ।
பஶ்யதி விஷமிவ வபுஷி ஸஶங்கம் ॥ 2॥ ராதி⁴கா
ஶ்வஸிதபவநமநுபமபரிணாஹம் ।
மத³நத³ஹநமிவ வஹதி ஸதா³ஹம் ॥ 3॥ ராதி⁴கா
தி³ஶி தி³ஶி கிரதி ஸஜலகணஜாலம் ।
நயநநலிநமிவ விக³லிதநாலம் ॥ 4॥ ராதி⁴கா
நயநவிஷயமபி கிஸலயதல்பம் ।
கலயதி விஹிதஹுதாஶவிகல்பம் ॥ 5॥ ராதி⁴கா
த்யஜதி ந பாணிதலேந கபோலம் ।
பா³லஶஶிநமிவ ஸாயமலோலம் ॥ 6॥ ராதி⁴கா
ஹரிரிதி ஹரிரிதி ஜபதி ஸகாமம் ।
விரஹவிஹிதமரணேந நிகாமம் ॥ 7॥ ராதி⁴கா
ஶ்ரீஜயதே³வப⁴ணிதமிதி கீ³தம் ।
ஸுக²யது கேஶவபத³முபநீதம் ॥ 8॥ ராதி⁴கா
ஸா ரோமாஞ்சதி ஸீத்கரோதி விலபத்யுத்கம்பதே தாம்யதி
த்⁴யாயத்யுத்³ப்⁴ரமதி ப்ரமீலதி பதத்யுத்³யாதி மூர்ச்ச²த்யபி ।
ஏதாவத்யதநுஜ்வரே வரதநுர்ஜீவேந்ந கிம் தே ரஸாத்

giitagovindaM.pdf 13
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஸ்வர்வைத்³யப்ரதிம ப்ரஸீத³ஸி யதி³ த்யக்தோऽந்யதா² நாந்தக: ॥ 29॥ var -

த்யக்தாந்யதா²ந்யத்பரம்
ஸ்மராதுராம் தை³வதவைத்³யஹ்ரு’த்³ய
த்வத³ங்க³ஸங்கா³ம்ரு’தமாத்ரஸாத்⁴யாம் ।
விமுக்தபா³தா⁴ம் குருஷே ந ராதா⁴-
முபேந்த்³ரவஜ்ராத³பி தா³ருணோऽஸி ॥ 31॥

கந்த³ர்பஜ்வரஸஞ்ஜ்வரஸ்துரதநோராஶ்சர்யமஸ்யாஶ்சிரம் var - ஸஜ்ஜ்வராதுரதநோரத்யர்த²மஸ்யாஶ்சிரம்

சேதஶ்சந்த³நசந்த்³ரம:கமலிநீசிந்தாஸு ஸந்தாம்யதி ।
கிந்து க்லாந்திவஶேந ஶீதலதநும் த்வாமேகமேவ ப்ரியம்
த்⁴யாயந்தீ ரஹஸி ஸ்தி²தா கத²மபி க்ஷீணா க்ஷணம் ப்ராணிதி ॥ 29॥

க்ஷணமபி விரஹ: புரா ந ஸேஹே

நயநநிமீலநகி²ந்நயா யயா தே ।
ஶ்வஸிதி கத²மஸௌ ரஸாலஶாகா²ம்
சிரவிரஹேண விலோக்ய புஷ்பிதாக்³ராம் ॥ 32॥ var - விரஹேऽபி
வ்ரு’ஷ்டிவ்யாகுலகோ³குலாவநரஸாது³த்³த்⁴ரு’த்ய கோ³வர்த⁴நம்
பி³ப்⁴ரத்³வல்லவவல்லபா⁴பி⁴ரதி⁴காநந்தா³ச்சிரம் சும்பி³த: ।
த³ர்பேணேவ தத³ர்பிதாத⁴ரதடீஸிந்தூ³ரமுத்³ராங்கி³தோ var கந்த³ர்பேண
பா³ஹுர்கோ³பபதேஸ்தநோது ப⁴வதாம் ஶ்ரேயாம்ஸி கம்ஸத்³விஷ: ॥ 33 ॥

॥ இதி கீ³தகோ³விந்தே³ ஸ்நிக்³த⁴மாத⁴வோ நாம சதுர்த:² ஸர்க:³ ॥

॥ பஞ்சம: ஸர்க:³ ॥

॥ ஸாகாங்க்ஷபுண்ட³ரீகாக்ஷ: ॥
அஹமிஹ நிவஸாமி யாஹி ராதா⁴மநுநய மத்³வசநேந சாநயேதா:² ।
இதி மது⁴ரிபுணா ஸகீ² நியுக்தா ஸ்வயமித³மேத்ய புநர்ஜகா³த³ ராதா⁴ம் ॥ 34॥

॥ கீ³தம் 10 ॥
வஹதி மலயஸமீரே மத³நமுபநிதா⁴ய ।
ஸ்பு²டதி குஸுமநிகரே விரஹிஹ்ரு’த³யத³லநாய ॥

14 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

தவ விரஹே வநமாலீ ஸகி² ஸீத³தி ॥ 1॥

த³ஹதி ஶிஶிரமயூகே² மரணமநுகரோதி ।

பததி மத³நவிஶிகே² விலபதி விகலதரோऽதி ॥ 2॥ தவ விரஹே
த்⁴வநதி மது⁴பஸமூஹே ஶ்ரவணமபி த³தா⁴தி ।
மநஸி வலிதவிரஹே நிஶி நிஶி ருஜமுபயாதி ॥ 3॥ தவ விரஹே
வஸதி விபிநவிதாநே த்யஜதி லலிததா⁴ம ।
லுட²தி த⁴ரணிஶயநே ப³ஹு விலபதி தவ நாம ॥ 4॥ தவ விரஹே
ரணதி பிகஸமுதா³யே ப்ரதிதி³ஶமநுயாதி ।
ஹஸதி மநுஜநிசயே விரஹமபலபதி நேதி ॥ 5॥ தவ விரஹே
ஸ்பு²ரதி கலரவராவே ஸ்மரதி ப⁴ணிதமேவ ।
தவ ரதிஸுக²விப⁴வே ப³ஹுக³ணயதி கு³ணமதீவ ॥ 6॥ தவ விரஹே
த்வத³பி⁴த³ஶுப⁴த³மாஸம் வத³து நரி ஶ‍்ரு’ணோதி ।
தமபி ஜபதி ஸரஸம் பரயுவதிஷு ந ரதிமுபைதி ॥ 7॥ தவ விரஹே
ப⁴ணதி கவிஜயதே³வே விரஹிவிலஸிதேந ।
மநஸி ரப⁴ஸவிப⁴வே ஹரிருத³யது ஸுக்ரு’தேந ॥ 8॥ தவ விரஹே
பூர்வம் யத்ர ஸமம் த்வயா ரதிபதேராஸாதி³தா: ஸித்³த⁴ய-
ஸ்தஸ்மிந்நேவ நிகுஞ்ஜமந்மத²மஹாதீர்தே² புநர்மாத⁴வ: ।
த்⁴யாயம்ஸ்த்வாமநிஶம் ஜபந்நபி தவைவாலாபமந்த்ராவலீம்
பூ⁴யஸ்த்வத்குசகும்ப⁴நிர்ப⁴ரபரீரம்பா⁴ம்ரு’தம் வாஞ்ச²தி ॥ 35॥

॥ கீ³தம் 11 ॥
ரதிஸுக²ஸாரே க³தமபி⁴ஸாரே மத³நமநோஹரவேஶம் ।
ந குரு நிதம்பி³நி க³மநவிலம்ப³நமநுஸர தம் ஹ்ரு’த³யேஶம் ॥

தீ⁴ரஸமீரே யமுநாதீரே வஸதி வநே வநமாலீ

கோ³பீபீநபயோத⁴ரமர்த³நசஞ்சலகரயுக³ஶாலீ ॥ 1॥

நாம ஸமேதம் க்ரு’தஸங்கேதம் வாத³யதே ம்ரு’து³வேணும் ।

ப³ஹு மநுதே நநு தே தநுஸங்க³தபவநசலிதமபி ரேணும் ॥ 2॥ தீ⁴ரஸமீரே var - தநு
பததி பதத்ரே விசலதி பத்ரே ஶங்கிதப⁴வது³பயாநம் ।
ரசயதி ஶயநம் ஸசகிதநயநம் பஶ்யதி தவ பந்தா²நம் ॥ 3॥ தீ⁴ரஸமீரே
முக²ரமதீ⁴ரம் த்யஜ மஞ்ஜீரம் ரிபுமிவ கேலிஸுலோலம் ।

giitagovindaM.pdf 15
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

சல ஸகி² குஞ்ஜம் ஸதிமிரபுஞ்ஜம் ஶீலய நீலநிசோலம் ॥ 4॥ தீ⁴ரஸமீரே

உரஸி முராரேருபஹிதஹாரே க⁴ந இவ தரலப³லாகே ।
தடி³தி³வ பீதே ரதிவிபரீதே ராஜஸி ஸுக்ரு’தவிபாகே ॥ 5॥ தீ⁴ரஸமீரே
விக³லிதவஸநம் பரிஹ்ரு’தரஸநம் க⁴டய ஜக⁴நமபிதா⁴நம் ।
கிஸலயஶயநே பங்கஜநயநே நிதி⁴மிவ ஹர்ஷநிதா³நம் ॥ 6॥ தீ⁴ரஸமீரே
ஹரிரபி⁴மாநீ ரஜநிரிதா³நீமியமபி யாதி விராமம் ।
குரு மம வசநம் ஸத்வரரசநம் பூரய மது⁴ரிபுகாமம் ॥ 7॥ தீ⁴ரஸமீரே
ஶ்ரீஜயதே³வே க்ரு’தஹரிஸேவே ப⁴ணதி பரமரமணீயம் ।
ப்ரமுதி³தஹ்ரு’த³யம் ஹரிமதிஸத³யம் நமத ஸுக்ரு’தகமநீயம் ॥ 8॥ தீ⁴ரஸமீரே
விகிரதி முஹு: ஶ்வாஸாநாஶா: புரோ முஹுரீக்ஷதே
ப்ரவிஶதி முஹு: குஞ்ஜம் கு³ஞ்ஜந்முஹுர்ப³ஹு தாம்யதி ।
ரசயதி முஹு: ஶய்யாம் பர்யாகுலம் முஹுரீக்ஷதே
மத³நகத³நக்லாந்த: காந்தே ப்ரியஸ்தவ வர்ததே ॥ 36॥

த்வத்³வாம்யேந ஸமம் ஸமக்³ரமது⁴நா திக்³மாம்ஶுரஸ்தம் க³தோ

கோ³விந்த³ஸ்ய மநோரதே²ந ச ஸமம் ப்ராப்தம் தம: ஸாந்த்³ரதாம் ।
கோகாநாம் கருணஸ்வநேந ஸத்³ரு’ஶீ தீ³ர்கா⁴ மத³ப்⁴யர்த²நா
தந்முக்³தே⁴ விப²லம் விலம்ப³நமஸௌ ரம்யோऽபி⁴ஸாரக்ஷண: ॥ 37॥

ஆஶ்லேஷாத³நு சும்ப³நாத³நு நகோ²ல்லேகா²த³நு ஸ்வாந்தஜ-

ப்ரோத்³போ³தா⁴த³நு ஸம்ப்⁴ரமாத³நு ரதாரம்பா⁴த³நு ப்ரீதயோ: ।
அந்யார்த²ம் க³தயோர்ப்⁴ரமாந்மிலிதயோ: ஸம்பா⁴ஷணைர்ஜாநதோ-
ர்த³ம்பத்யோரிஹ கோ ந கோ ந தமஸி வ்ரீடா³விமிஶ்ரோ ரஸ: ॥ 38।
ஸப⁴யசகிதம் விந்யஸ்யந்தீம் த்³ரு’ஶௌ திமிரே பதி²
ப்ரதிதரு முஹு: ஸ்தி²த்வா மந்த³ம் பதா³நி விதந்வதீம் ।
கத²மபி ரஹ: ப்ராப்தாமங்கை³ரநங்க³தரங்கி³பி:⁴
ஸுமுகி² ஸுப⁴க:³ பஶ்யந்ஸ த்வாமுபைது க்ரு’தார்த²தாம் ॥ 39॥

ராதா⁴முக்³த்³த⁴முகா²ரவிந்த³மது⁴பஸ்த்ரைலோக்யமௌலிஸ்த²லீ
நேபத்²யோசிதநீலரத்நமவநீபா⁴ராவதாரக்ஷம: ।
ஸ்வச்ச²ந்த³ம் வ்ரஜஸுந்த³ரீஜநமநஸ்தோஷப்ரதோ³ஷஶ்சிரம்
கம்ஸத்⁴வம்ஸநதூ⁴மகேதுரவது த்வாம் தே³வகீநந்த³ந: ॥ 40॥

॥ இதி ஶ்ரீகீ³தகோ³விந்தே³ऽபி⁴ஸாரிகவர்ணநே ஸாகாங்க்ஷபுண்ட³ரீகாக்ஷோ நாம

பஞ்சம: ஸர்க:³ ॥

16 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ ஷஷ்ட:² ஸர்க:³ ॥

॥ குண்ட²வைகுண்ட:² ॥
அத² தாம் க³ந்துமஶக்தாம் சிரமநுரக்தாம் லதாக்³ரு’ஹே த்³ரு’ஷ்ட்வா ।
தச்சரிதம் கோ³விந்தே³ மநஸிஜமந்தே³ ஸகீ² ப்ராஹ ॥ 41॥

॥ கீ³தம் 12 ॥
பஶ்யதி தி³ஶி தி³ஶி ரஹஸி ப⁴வந்தம் ।
தத³த⁴ரமது⁴ரமதூ⁴நி பிப³ந்தம் ॥ var - த்வத³த⁴ர
நாத² ஹரே (ஜய நாத² ஹரே) ஸீத³தி ராதா⁴ வாஸக்³ரு’ஹே ॥ 1॥

த்வத³பி⁴ஸரணரப⁴ஸேந வலந்தீ ।
பததி பதா³நி கியந்தி சலந்தீ ॥ 2॥ நாத² ஹரே
விஹிதவிஶத³பி³ஸகிஸலயவலயா ।
ஜீவதி பரமிஹ தவ ரதிகலயா ॥ 3॥ நாத² ஹரே
முஹுரவலோகிதமண்ட³நலீலா ।
மது⁴ரிபுரஹமிதி பா⁴வநஶீலா ॥ 4॥ நாத² ஹரே
த்வரிதமுபைதி ந கத²மபி⁴ஸாரம் ।
ஹரிரிதி வத³தி ஸகீ²மநுவாரம் ॥ 5॥ நாத² ஹரே
ஶ்லிஷ்யதி சும்ப³தி ஜலத⁴ரகல்பம் ।
ஹரிருபக³த இதி திமிரமநல்பம் ॥ 6॥ நாத² ஹரே
ப⁴வதி விலம்பி³நி விக³லிதலஜ்ஜா ।
விலபதி ரோதி³தி வாஸகஸஜ்ஜா ॥ 7॥ நாத² ஹரே
ஶ்ரீஜயதே³வகவேரித³முதி³தம் ।
ரஸிகஜநம் தநுதாமதிமுதி³தம் ॥ 8॥ நாத² ஹரே
விபுலபுலகபாலி: ஸ்பீ²தஸீத்காரமந்த-
ர்ஜநிதஜடி³மகாகுவ்யாகுலம் வ்யாஹரந்தீ ।
தவ கிதவ விதா⁴யாமந்த³கந்த³ர்பசிந்தாம் var - வித⁴த்தே மந்த³
ரஸஜலதி⁴நிமக்³நா த்⁴யாநலக்³நா ம்ரு’கா³க்ஷீ ॥ 42॥

giitagovindaM.pdf 17
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

அங்கே³ஷ்வாப⁴ரணம் கரோதி ப³ஹுஶ: பத்ரேऽபி ஸஞ்சாரிணி

ப்ராப்தம் த்வாம் பரிஶங்கதே விதநுதே ஶய்யாம் சிரம் த்⁴யாயதி ।
இத்யாகல்பவிகல்பதல்பரசநாஸங்கல்பலீலாஶத-
வ்யாஸக்தாபி விநா த்வயா வரதநுர்நைஷா நிஶாம் நேஷ்யதி ॥ 43॥

கிம் விஶ்ராம்யஸி க்ரு’ஷ்ணபோ⁴கி³ப⁴வநே பா⁴ண்டீ³ரபூ⁴மீருஹி

ப்⁴ராதர்யாஹி ந த்³ரு’ஷ்டிகோ³சரமித: ஸாநந்த³நந்தா³ஸ்பத³ம் ।
ராதா⁴யா வசநம் தத³த்⁴வக³முகா²ந்நந்தா³ந்திகே கோ³பதோ
கோ³விந்த³ஸ்ய ஜயந்தி ஸாயமதிதி²ப்ராஶஸ்த்யக³ர்பா⁴ கி³ர: ॥ 44 ॥

॥ இதி கீ³தகோ³விந்தே³ வாஸகஸஜ்ஜாவர்ணநே குண்ட²வைகுண்டோ² நாம ஷஷ்ட:

ஸர்க:³ ॥

॥ ஸப்தம: ஸர்க:³ ॥

॥ நாக³ரநாராயண: ॥
அத்ராந்தரே ச குலடாகுலவர்த்மபாத-
ஸஞ்ஜாதபாதக இவ ஸ்பு²டலாஞ்ச²நஶ்ரீ: ।
வ்ரு’ந்தா³வநாந்தரமதீ³பயத³ம்ஶுஜாலை-
ர்தி³க்ஸுந்த³ரீவத³நசந்த³நபி³ந்து³ரிந்து:³ ॥ 45॥

ப்ரஸரதி ஶஶத⁴ரபி³ம்பே³ விஹிதவிலம்பே³ ச மாத⁴வே விது⁴ரா ।

விரசிதவிவித⁴விலாபம் ஸா பரிதாபம் சகாரோச்சை: ॥ 46॥

॥ கீ³தம் 13 ॥
கதி²தஸமயேऽபி ஹரிரஹஹ ந யயௌ வநம் ।
மம விப²லமித³மமலரூபமபி யௌவநம் ॥

யாமி ஹே கமிஹ ஶரணம் ஸகீ²ஜநவசநவஞ்சிதா ॥ 1॥

யத³நுக³மநாய நிஶி க³ஹநமபி ஶீலிதம் ।

தேந மம ஹ்ரு’த³யமித³மஸமஶரகீலிதம் ॥ 2॥ யாமி ஹே
மம மரணமேவ வரமதிவிதத²கேதநா ।
கிமிஹ விஷஹாமி விரஹாநலமசேதநா ॥ 3॥ யாமி ஹே

18 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

மாமஹஹ விது⁴ரயதி மது⁴ரமது⁴யாமிநீ ।

காபி ஹரிமநுப⁴வதி க்ரு’தஸுக்ரு’தகாமிநீ ॥ 4॥ யாமி ஹே
அஹஹ கலயாமி வலயாதி³மணீபூ⁴ஷணம் ।
ஹரிவிரஹத³ஹநவஹநேந ப³ஹுதூ³ஷணம் ॥ 5॥ யாமி ஹே
குஸுமஸுகுமாரதநுமதநுஶரலீலயா ।
ஸ்ரக³பி ஹ்ரு’தி³ ஹந்தி மாமதிவிஷமஶீலயா ॥ 6॥ யாமி ஹே
அஹமிஹ நிவஸாமி ந க³ணிதவநவேதஸா ।
ஸ்மரதி மது⁴ஸூத³நோ மாமபி ந சேதஸா ॥ 7॥ யாமி ஹே
ஹரிசரணஶரணஜயதே³வகவிபா⁴ரதீ ।
வஸது ஹ்ரு’தி³ யுவதிரிவ கோமலகலாவதீ ॥ 8॥ யாமி ஹே
தத்கிம் காமபி காமிநீமபி⁴ஸ்ரு’த: கிம் வா கலாகேலிபி⁴-
ர்ப³த்³தோ⁴ ப³ந்து⁴பி⁴ரந்த⁴காரிணி வநோபாந்தே கிமு ப்⁴ராம்யதி ।
காந்த: க்லாந்தமநா மநாக³பி பதி² ப்ரஸ்தா²துமேவாக்ஷம:
ஸங்கேதீக்ரு’தமஞ்ஜுவஞ்ஜுலலதாகுஞ்ஜேऽபி யந்நாக³த: ॥ 47॥

அதா²க³தம் மாத⁴வமந்தரேண
ஸகீ²மியம் வீக்ஷ்ய விஷாத³மூகாம் ।
விஶங்கமநா ரமிதம் கயாபி
ஜநார்த³நம் த்³ரு’ஷ்டவதே³ததா³ஹ ॥ 48॥

॥ கீ³தம் 14 ॥
ஸ்மரஸமரோசிதவிரசிதவேஶா ।
க³லிதகுஸுமத³ரவிலுலிதகேஶா ॥

காபி மது⁴ரிபுணா விலஸதி யுவதிரதி⁴ககு³ணா ॥ 1॥

ஹரிபரிரம்ப⁴ணவலிதவிகாரா ।
குசகலஶோபரி தரலிதஹாரா ॥ 2॥ காபி மது⁴ரிபுணா
விசலத³லகலலிதாநநசந்த்³ரா ।
தத³த⁴ரபாநரப⁴ஸக்ரு’ததந்த்³ரா ॥ 3॥ காபி மது⁴ரிபுணா
சஞ்சலகுண்ட³லத³லிதகபோலா ।
முக²ரிதரஶநஜக⁴நக³திலோலா ॥ 4॥ காபி மது⁴ரிபுணா
த³யிதவிலோகிதலஜ்ஜிதஹஸிதா ।

giitagovindaM.pdf 19
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ப³ஹுவித⁴கூஜிதரதிரஸரஸிதா ॥ 5॥ காபி மது⁴ரிபுணா

விபுலபுலகப்ரு’து²வேபது²ப⁴ங்கா³ ।
ஶ்வஸிதநிமீலிதவிகஸத³நங்கா³ ॥ 6॥ காபி மது⁴ரிபுணா
ஶ்ரமஜலகணப⁴ரஸுப⁴க³ஶரீரா ।
பரிபதிதோரஸி ரதிரணதீ⁴ரா ॥ 7॥ காபி மது⁴ரிபுணா
ஶ்ரீஜயதே³வப⁴ணிதஹரிரமிதம் ।
கலிகலுஷம் ஜநயது பரிஶமிதம் ॥ 8॥ காபி மது⁴ரிபுணா
விரஹபாண்டு³முராரிமுகா²ம்பு³ஜ-
த்³யுதிரியம் திரயந்நபி வேத³நாம் । var சேதநாம்
விது⁴ரதீவ தநோதி மநோபு⁴வ:
ஸுஹ்ரு’த³யே ஹ்ரு’த³யே மத³நவ்யதா²ம் ॥ 49।

॥ கீ³தம் 15 ॥
ஸமுதி³தமத³நே ரமணீவத³நே சும்ப³நவலிதாத⁴ரே ।
ம்ரு’க³மத³திலகம் லிக²தி ஸபுலகம் ம்ரு’க³மிவ ரஜநீகரே ॥

ரமதே யமுநாபுலிநவநே விஜயீ முராரிரது⁴நா ॥ 1॥

க⁴நசயருசிரே ரசயதி சிகுரே தரலிததருணாநநே ।

குரப³ககுஸுமம் சபலாஸுஷமம் ரதிபதிம்ரு’க³காநநே ॥ 2॥ ரமதே
க⁴டயதி ஸுக⁴நே குசயுக³க³க³நே ம்ரு’க³மத³ருசிரூஷிதே ।
மணிஸரமமலம் தாரகபடலம் நக²பத³ஶஶிபூ⁴ஷிதே ॥ 3॥ ரமதே
ஜிதபி³ஸஶகலே ம்ரு’து³பு⁴ஜயுக³ளே கரதலநலிநீத³லே ।
மரகதவலயம் மது⁴கரநிசயம் விதரதி ஹிமஶீதலே ॥ 4॥ ரமதே
ரதிக்³ரு’ஹஜக⁴நே விபுலாபக⁴நே மநஸிஜகநகாஸநே ।
மணிமயரஸநம் தோரணஹஸநம் விகிரதி க்ரு’தவாஸநே ॥ 5॥ ரமதே
சரணகிஸலயே கமலாநிலயே நக²மணிக³ணபூஜிதே ।
ப³ஹிரபவரணம் யாவகப⁴ரணம் ஜநயதி ஹ்ரு’தி³ யோஜிதே ॥ 6॥ ரமதே
ரமயதி ஸுத்³ரு’ஶம் காமபி ஸுப்⁴ரு’ஶம் க²லஹலத⁴ரஸோத³ரே ।
கிமப²லமவஸம் சிரமிஹ விரஸம் வத³ ஸகி² விடபோத³ரே ॥ 7॥ ரமதே
இஹ ரஸப⁴ணநே க்ரு’தஹரிகு³ணநே மது⁴ரிபுபத³ஸேவகே ।
கலியுக³சரிதம் ந வஸது து³ரிதம் கவிந்ரு’பஜயதே³வகே ॥ 8॥ ரமதே
நாயாத: ஸகி² நிர்த³யோ யதி³ ஶட²ஸ்த்வம் தூ³தி கிம் தூ³யஸே

20 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஸ்வச்ச²ந்த³ம் ப³ஹுவல்லப:⁴ ஸ ரமதே கிம் தத்ர தே தூ³ஷணம் ।

பஶ்யாத்³ய ப்ரியஸங்க³மாய த³யிதஸ்யாக்ரு’ஷ்யமாணம் கு³ணை-
ருத்கண்டா²ர்திப⁴ராதி³வ ஸ்பு²டதி³த³ம் சேத: ஸ்வயம் யாஸ்யதி ॥ 50॥

॥ கீ³தம் 16 ॥
அநிலதரலகுவலயநயநேந ।
தபதி ந ஸா கிஸலயஶயநேந ॥

ஸகி² யா ரமிதா வநமாலிநா ॥ 1॥

விகஸிதஸரஸிஜலலிதமுகே²ந ।
ஸ்பு²டதி ந ஸா மநஸிஜவிஶிகே²ந ॥ 2॥ ஸகி² யா
அம்ரு’தமது⁴ரம்ரு’து³தரவசநேந ।
ஜ்வலதி ந ஸா மலயஜபவநேந ॥ 3॥ ஸகி² யா
ஸ்த²லஜலருஹருசிகரசரணேந ।
லுட²தி ந ஸா ஹிமகரகிரணேந ॥ 4॥ ஸகி² யா
ஸஜலஜலத³ஸமுத³யருசிரேண ।
த³லதி ந ஸா ஹ்ரு’தி³ விஹரப⁴ரேண ॥ 5॥ ஸகி² யா var - சிரவிரஹேண
கநகநிகஷருசிஶுசிவஸநேந ।
ஶ்வஸிதி ந ஸா பரிஜநஹஸநேந ॥ 6॥ ஸகி² யா
ஸகலபு⁴வநஜநவரதருணேந ।
வஹதி ந ஸா ருஜமதிகருணேந ॥ 7॥ ஸகி² யா
ஶ்ரீஜயதே³வப⁴ணிதவசநேந ।
ப்ரவிஶது ஹரிரபி ஹ்ரு’த³யமநேந ॥ 8॥ ஸகி² யா
மநோப⁴வாநந்த³ந சந்த³நாநில
ப்ரஸீத³ ரே த³க்ஷிண முஞ்ச வாமதாம் ।
க்ஷணம் ஜக³த்ப்ராண விதா⁴ய மாத⁴வம்
புரோ மம ப்ராணஹரோ ப⁴விஷ்யஸி ॥ 51॥

ரிபுரிவ ஸகீ²ஸம்வாஸோऽயம் ஶிகீ²வ ஹிமாநிலோ

விஷமிவ ஸுதா⁴ரஶ்மிர்யஸ்மிந்து³நோதி மநோக³தே ।
ஹ்ரு’த³யமத³யே தஸ்மிந்நேவம் புநர்வலதே ப³லாத்
குவலயத்³ரு’ஶாம் வாம: காமோ நிகாமநிரங்குஶ: ॥ 52॥

giitagovindaM.pdf 21
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

பா³தா⁴ம் விதே⁴ஹி மலயாநில பஞ்சபா³ண

ப்ராணாந்க்³ரு’ஹாண ந க்³ரு’ஹம் புநராஶ்ரயிஷ்யே ।
கிம் தே க்ரு’தாந்தப⁴கி³நி க்ஷமயா தரங்கை³-
ரங்கா³நி ஸிஞ்ச மம ஶாம்யது தே³ஹதா³ஹ: ॥ 53॥

ப்ராதர்நீலநிசோலமச்யுதமுரஸ்ஸம்வீதபீதாம்ப³ரம்
ராதா⁴யாஶ்சகிதம் விலோக்ய ஹஸதி ஸ்வைரம் ஸகீ²மண்ட³லே ।
வ்ரீலாசஞ்சலமஞ்சலம் நயநயோராதா⁴ய ராதா⁴நநே
கூ³ட⁴ம் ஸ்மேரமுகோ²ऽயமஸ்து ஜக³தா³நந்தா³ய நந்தா³த்மஜ: ॥ 54॥

॥ இதி கீ³தகோ³விந்தே³ விப்ரலப்³தா⁴வர்ணநே நாக³நாராயணோ நாம ஸப்தம: ஸர்க:³

॥

॥ அஷ்டம: ஸர்க:³ ॥

॥ விலக்ஷ்யலக்ஷ்மீபதி: ॥
அத² கத²மபி யாமிநீம் விநீய
ஸ்மரஶரஜர்ஜரிதாபி ஸா ப்ரபா⁴தே ।
அநுநயவசநம் வத³ந்தமக்³ரே
ப்ரணதமபி ப்ரியமாஹ ஸாப்⁴யஸூயம் ॥ 55॥

॥ கீ³தம் 17 ॥
ரஜநிஜநிதகு³ருஜாக³ரராக³கஷாயிதமலஸநிவேஶம் ।
வஹதி நயநமநுராக³மிவ ஸ்பு²டமுதி³தரஸாபி⁴நிவேஶம் ॥

ஹரிஹரி யாஹி மாத⁴வ யாஹி கேஶவ மா வத³ கைதவவாத³ம்

தாமநுஸர ஸரஸீருஹலோசந யா தவ ஹரதி விஷாத³ம் ॥ 1॥

கஜ்ஜலமலிநவிலோசநசும்ப³நவிரசிதநீலிமரூபம் ।
த³ஶநவஸநமருணம் தவ க்ரு’ஷ்ண தநோதி தநோரநுரூபம் ॥ 2॥ யாஹி மாத⁴வ
வபுரநுஹரதி தவ ஸ்மரஸங்க³ரக²ரநக²ரக்ஷதரேக²ம் ।
மரகதஶகலகலிதகலதௌ⁴தலிபிரேவ ரதிஜயலேக²ம் ॥ 3॥ யாஹி மாத⁴வ
சரணகமலக³லத³லக்தகஸிக்தமித³ம் தவ ஹ்ரு’த³யமுதா³ரம் ।

22 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

த³ர்ஶயதீவ ப³ஹிர்மத³நத்³ருமநவகிஸலயபரிவாரம் ॥ 4॥ யாஹி மாத⁴வ

த³ஶநபத³ம் ப⁴வத³த⁴ரக³தம் மம ஜநயதி சேதஸி கே²த³ம் ।
கத²யதி கத²மது⁴நாபி மயா ஸஹ தவ வபுரேதத³பே⁴த³ம் ॥ 5॥ யாஹி மாத⁴வ
ப³ஹிரிவ மலிநதரம் தவ க்ரு’ஷ்ண மநோऽபி ப⁴விஷ்யதி நூநம் ।
கத²மத² வஞ்சயஸே ஜநமநுக³தமஸமஶரஜ்வரதூ³நம் ॥ 6॥ யாஹி மாத⁴வ
ப்⁴ரமதி ப⁴வாநப³லாகவலாய வநேஷு கிமத்ர விசித்ரம் ।
ப்ரத²யதி பூதநிகைவ வதூ⁴வத⁴நிர்த³யபா³லசரித்ரம் ॥ 7॥ யாஹி மாத⁴வ
ஶ்ரீஜயதே³வப⁴ணிதரதிவஞ்சிதக²ண்டி³தயுவதிவிலாபம் ।
ஶ‍்ரு’ணுத ஸுதா⁴மது⁴ரம் விபு³தா⁴ விபு³தா⁴லயதோऽபி து³ராபம் ॥ 8॥ யாஹி மாத⁴வ
ததே³வம் பஶ்யந்த்யா: ப்ரஸரத³நுராக³ம் ப³ஹிரிவ
ப்ரியாபாதா³லக்தச்சு²ரிதமருணச்சா²யஹ்ரு’த³யம் ।
மமாத்³ய ப்ரக்²யாதப்ரணயப⁴ரப⁴ங்கே³ந கிதவ
த்வதா³லோக: ஶோகாத³பி கிமபி லஜ்ஜாம் ஜநயதி ॥ 56॥

அந்தர்மோஹநமௌலிகூ⁴ர்ணநசலந்மந்தா³ரவிஸ்ரம்ஸந:
ஸ்தப்³தா⁴கர்ஷணலோசநோத்ஸவமஹாமந்த்ர: குரங்கீ³த்³ரு’ஶாம் ।
த்³ரு’ப்யத்³தா³நவதூ³யமாநதி³விஷத்³தூ³ர்வாரது³ர்வேத³நா-
த்³த்⁴வம்ஸ: கம்ஸரிபோ: ப்ரரோபயது வ: ஶ்ரேயாம்ஸி வம்ஶீரவ: ॥ 57॥

இதி கீ³தகோ³விந்தே³ க²ண்டி³தாவர்ணநே விலக்ஷ்யலக்ஷ்மீபதிர்நாம அஷ்ட²ம:

ஸர்க:³ ॥

॥ நவம: ஸர்க:³ ॥

॥ மந்த³முகுந்த:³ ॥
தாமத² மந்மத²கி²ந்நாம்
ரதிரஸபி⁴ந்நாம் விஷாத³ஸம்பந்நாம் ।
var - அத² தாம் மந்மத²கி²ந்நாம் ரதிரஸபி⁴ந்நாம் விவாத³ஸம்பந்நாம்
அநுசிந்திதஹரிசரிதாம்
கலஹாந்தரிதாமுவாச ஸகீ² ॥ 58॥

giitagovindaM.pdf 23
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ கீ³தம் 18 ॥
ஹரிரபி⁴ஸரதி வஹதி மது⁴பவநே ।
கிமபரமதி⁴கஸுக²ம் ஸகி² பு⁴வநே ॥

மாத⁴வே மா குரு மாநிநி மாநமயே ॥ 1॥

தாலப²லாத³பி கு³ருமதிஸரஸம் ।
கிம் விப²லீகுருஷே குசகலஶம் ॥ 2॥ மாத⁴வே
கதி ந கதி²தமித³மநுபத³மசிரம் ।
மா பரிஹர ஹரிமதிஶயருசிரம் ॥ 3॥ மாத⁴வே
கிமிதி விஷீத³ஸி ரோதி³ஷி விகலா ।
விஹஸதி யுவதிஸபா⁴ தவ ஸகலா ॥ 4॥ மாத⁴வே
ம்ரு’து³நலிநீத³லஶீதலஶயநே ।
ஹரிமவலோகய ஸப²லய நயநே ॥ 5॥ மாத⁴வே
ஜநயஸி மநஸி கிமிதி கு³ருகே²த³ம் ।
ஶ‍்ரு’ணு மம வசநமநீஹிதபே⁴த³ம் ॥ 6॥ மாத⁴வே
ஹரிருபயாது வத³து ப³ஹுமது⁴ரம் ।
கிமிதி கரோஷி ஹ்ரு’த³யமதிவிது⁴ரம் ॥ 7॥ மாத⁴வே
ஶ்ரீஜயதே³வப⁴ணிதமதிலலிதம் ।
ஸுக²யது ரஸிகஜநம் ஹரிசரிதம் ॥ 8॥ மாத⁴வே
ஸ்நிக்³தே⁴ யத்பருஷாஸி யத்ப்ரணமதி ஸ்தப்³தா⁴ஸி யத்³ராகி³ணி
த்³வேஷஸ்தா²ஸி யது³ந்முகே² விமுக²தாம் யாதாஸி தஸ்மிந்ப்ரியே ।
தத்³யுக்தம் விபரீதகாரிணி தவ ஶ்ரீக²ண்ட³சர்சா விஷம் var - யுக்தம் தத்³
ஶீதாம்ஶுஸ்தபநோ ஹிமம் ஹுதவஹ: க்ரீடா³முதோ³ யாதநா: ॥ 59॥

ஸாந்த்³ராநந்த³புரந்த³ராதி³தி³விஷத்³வ்ரு’ந்தை³ரமந்தா³த³ரா-
தா³நம்ரைர்மகுடேந்த்³ரநீலமணிபி:⁴ ஸந்த³ர்ஶிதேந்தி³ந்தி³ரம் ।
ஸ்வச்ச²ந்த³ம் மகரந்த³ஸுந்த³ரக³லந்மந்தா³கிநீமேது³ரம்
ஶ்ரீகோ³விந்த³பதா³ரவிந்த³மஶுப⁴ஸ்கந்தா³ய வந்தா³மஹே ॥ 60॥

॥ இதி கீ³தகோ³விந்தே³ கலஹாந்தரிதாவர்ணநே மந்த³முகுந்தோ³ நாம நவம: ஸர்க:³

॥

24 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ த³ஶம: ஸர்க:³ ॥

॥ சதுரசதுர்பு⁴ஜ: ॥
அத்ராந்தரே மஸ்ரு’ணரோஷவஶாமஸீம-
நி:ஶ்வாஸநி:ஸஹமுகீ²ம் ஸுமுகீ²முபேத்ய । var - ஸமுபேத்ய ராதா⁴ம்
ஸவ்ரீட³மீக்ஷிதஸகீ²வத³நாம் தி³நாந்தே
ஸாநந்த³க³த்³க³த³பத³ம் ஹரிரித்யுவாச ॥ 61॥ var - வித³ம்

॥ கீ³தம் 19 ॥
வத³ஸி யதி³ கிஞ்சித³பி த³ந்தருசிகௌமுதீ³
ஹரதி த³ரதிமிரமதிகோ⁴ரம் ।
ஸ்பு²ரத³த⁴ரஸீத⁴வே தவ வத³நசந்த்³ரமா
ரோசயதி லோசநசகோரம் ॥

ப்ரியே சாருஶீலே முஞ்ச மயி மாநமநிதா³நம்

ஸபதி³ மத³நாநலோ த³ஹதி மம மாநஸம்
தே³ஹி முக²கமலமது⁴பாநம் ॥ 1॥

ஸத்யமேவாஸி யதி³ ஸுத³தி மயி கோபிநீ

தே³ஹி க²ரநக²ரஶரகா⁴தம் ।
க⁴டய பு⁴ஜப³ந்த⁴நம் ஜநய ரத³க²ண்ட³நம்
யேந வா ப⁴வதி ஸுக²ஜாதம் ॥ 2॥ ப்ரியே சாருஶீலே
த்வமஸி மம பூ⁴ஷணம் த்வமஸி மம ஜீவநம்
த்வமஸி மம ப⁴வஜலதி⁴ரத்நம் ।
ப⁴வது ப⁴வதீஹ மயி ஸததமநுரோதி⁴நீ
தத்ர மம ஹ்ரு’த³யமதியத்நம் ॥ 3॥ ப்ரியே சாருஶீலே
நீலநலிநாப⁴மபி தந்வி தவ லோசநம்
தா⁴ரயதி கோகநத³ரூபம் ।
குஸுமஶரபா³ணபா⁴வேந யதி³ ரஞ்ஜயஸி
க்ரு’ஷ்ணமித³மேதத³நுரூபம் ॥ 4॥ ப்ரியே சாருஶீலே
ஸ்பு²ரது குசகும்ப⁴யோருபரி மணிமஞ்ஜரீ
ரஞ்ஜயது தவ ஹ்ரு’த³யதே³ஶம் ।

giitagovindaM.pdf 25
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ரஸது ரஶநாபி தவ க⁴நஜக⁴நமண்ட³லே

கோ⁴ஷயது மந்மத²நிதே³ஶம் ॥ 5॥ ப்ரியே சாருஶீலே
ஸ்த²லகமலக³ஞ்ஜநம் மம ஹ்ரு’த³யரஞ்ஜநம்
ஜநிதரதிரங்க³பரபா⁴க³ம் ।
ப⁴ண மஸ்ரு’ணவாணி கரவாணி பத³பங்கஜம் var - சரணத்³வயம்
ஸரஸலஸத³லக்தகராக³ம் ॥ 6॥ ப்ரியே சாருஶீலே
ஸ்மரக³ரலக²ண்ட³நம் மம ஶிரஸி மண்ட³நம்
தே³ஹி பத³பல்லவமுதா³ரம் ।
ஜ்வலதி மயி தா³ருணோ மத³நகத³நாருணோ var - நாநலோ
ஹரது தது³பாஹிதவிகாரம் ॥ 7॥ ப்ரியே சாருஶீலே
இதி சடுலசாடுபடுசாரு முரவைரிணோ
ராதி⁴காமதி⁴ வசநஜாதம் ।
ஜயதி பத்³மாவதீரமணஜயதே³வகவி-
பா⁴ரதீப⁴ணிதமிதிகீ³தம் ॥ 8॥ ப்ரியே சாருஶீலே
பரிஹர க்ரு’தாதங்கே ஶங்காம் த்வயா ஸததம் க⁴ந-
ஸ்தநஜக⁴நயாக்ராந்தே ஸ்வாந்தே பராநவகாஶிநி ।
விஶதி விதநோரந்யோ த⁴ந்யோ ந கோऽபி மமாந்தரம்
ஸ்தநப⁴ரபரீரம்பா⁴ரம்பே⁴ விதே⁴ஹி விதே⁴யதாம் ॥ 62॥

முக்³தே⁴ விதே⁴ஹி மயி நிர்த³யத³ந்தத³ம்ஶ-

தோ³ர்வல்லிப³ந்த⁴நிபி³ட³ஸ்தநபீட³நாநி ।
சண்டி³ த்வமேவ முத³மஞ்ச ந பஞ்சபா³ண-
சண்டா³லகாண்ட³த³லநாத³ஸவ: ப்ரயாந்து ॥ 63॥

வ்யத²யதி வ்ரு’தா² மௌநம் தந்வி ப்ரபஞ்சய பஞ்சமம்

தருணி மது⁴ராலாபைஸ்தாபம் விநோத³ய த்³ரு’ஷ்டிபி:⁴ ।
ஸுமுகி² விமுகீ²பா⁴வம் தாவத்³விமுஞ்ச ந முஞ்ச மாம் var - வஞ்சய
ஸ்வயமதிஶயஸ்நிக்³தோ⁴ முக்³தே⁴ ப்ரியோऽஹமுபஸ்தி²த: ॥ 64॥

ப³ந்தூ⁴கத்³யுதிபா³ந்த⁴வோऽயமத⁴ர: ஸ்நிக்³தா⁴ மதூ⁴கச்ச²வி-

ர்க³ண்ட³ஶ்சண்டி³ சகாஸ்தி நீலநலிநஶ்ரீமோசநம் லோசநம் ।
நாஸாப்⁴யேதி திலப்ரஸூநபத³வீம் குந்தா³ப⁴தா³ந்தி ப்ரியே
ப்ராயஸ்த்வந்முக²ஸேவயா விஜயதே விஶ்வம் ஸ புஷ்பாயுத:⁴ ॥ 65॥

த்³ரு’ஶௌ தவ மதா³லஸே வத³நமிந்து³ஸந்தீ³பகம் var - மத்யாந்விதம்

26 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

க³திர்ஜநமநோரமா விது⁴தரம்ப⁴மூருத்³வயம் ।
ரதிஸ்தவ கலாவதீ ருசிரசித்ரலேகே² ப்⁴ருவா-
வஹோ விபு³த⁴யௌவநம் வஹஸி தந்வீ ப்ரு’த்²வீக³தா ॥ 66॥

ஶஶிமுகி² தவ பா⁴தி ப⁴ங்கு³ரப்⁴ரூர்யுவஜநமோஹநகராலகாலஸர்பீ ।

தது³தி³தவிஷபே⁴ஷஜம் த்விஹைகா த்வத³த⁴ரஶீது²ஸுதை⁴வ பா⁴க்³யபோ⁴க்³யா ॥
67॥

ப்ரீதிம் வஸ்தநுதாம் ஹரி: குவலயாபீடே³ந ஸார்த⁴ம் ரணே var - ஸா ப்ரீதிம் தநுதாம்

ராதா⁴பீநபயோத⁴ரஸ்மரணக்ரு’த்கும்பே⁴ந ஸம்பே⁴த³வாந் ।
யத்ர ஸ்வித்³யதி மீலதி க்ஷணமபூ⁴த்க்ஷிப்தத்³விபேऽபி க்ஷணாத்
கம்ஸஸ்யாத² ப³லே ஜிதம் ஜிதமிதி வ்யாமோஹகோலாஹல: ॥ 68॥

var -: last 2 lines

பத்ரே பி³ப்⁴யதி மீலதி க்ஷணமபி க்ஷிப்ரம் ததா³லோகநாத்³-
வ்யாமோஹேந ஜிதம் ஜிதம் ஜிதமிதி வ்யாலோலகோலாஹல: ॥

॥ இதி ஶ்ரீகீ³தகோ³விந்தே³ மாநிநீவர்ணநே சதுரசதுர்பு⁴ஜோ நாம த³ஶம: ஸர்க:³ ॥

॥ ஏகாத³ஶ: ஸர்க:³ ॥

॥ ஸாநந்த³தா³மோத³ர: ॥
ஸுசிரமநுநயேந ப்ரீணயித்வா ம்ரு’கா³க்ஷீம்
க³தவதி க்ரு’தவேஶே கேஶவே குஞ்ஜஶய்யாம் ।
ரசிதருசிரபூ⁴ஷாம் த்³ரு’ஷ்டிமோஷே ப்ரதோ³ஷே
ஸ்பு²ரதி நிரவஸாதா³ம் காபி ராதா⁴ம் ஜகா³த³ ॥ 69॥

॥ கீ³தம் 20 ॥
விரசிதசாடுவசநரசநம் சரணே ரசிதப்ரணிபாதம் ।
var - : விரசிதசாடுவசநேந சரணரசிதப்ரணிபாதம்
ஸம்ப்ரதி மஞ்ஜுளவஞ்ஜுலஸீமநி கேலிஶயநமநுயாதம் ॥

முக்³தே⁴ மது⁴மத²நமநுக³தமநுஸர ராதி⁴கே ॥ 1॥

க⁴நஜக⁴நஸ்தநபா⁴ரப⁴ரே த³ரமந்த²ரசரணவிஹாரம் ।

giitagovindaM.pdf 27
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

முக²ரிதமணீமஞ்ஜீரமுபைஹி விதே⁴ஹி மராலவிகாரம் ॥ 2॥ முக்³தே⁴

ஶ‍்ரு’ணு ரமணீயதரம் தருணீஜநமோஹநமது⁴ரிபுராவம் ।
குஸுமஶராஸநஶாஸநவந்தி³நி பிகநிகரே ப⁴ஜ பா⁴வம் ॥ 3॥ முக்³தே⁴ var -
ப³ந்தி³நி
அநிலதரலகிஸலயநிகரேண கரேண லதாநிகுரம்ப³ம் ।
ப்ரேரணமிவ கரபோ⁴ரு கரோதி க³திம் ப்ரதிமுஞ்ச விலம்ப³ம் ॥ 4॥ முக்³தே⁴
ஸ்பு²ரிதமநங்க³தரங்க³வஶாதி³வ ஸூசிதஹரிபரிரம்ப⁴ம் ।
ப்ரு’ச்ச² மநோஹரஹாரவிமலஜலதா⁴ரமமும் குசகும்ப⁴ம் ॥ 5॥ முக்³தே⁴
அதி⁴க³தமகி²லஸகீ²பி⁴ரித³ம் தவ வபுரபி ரதிரணஸஜ்ஜம் ।
சண்டி³ ரணிதரஶநாரவடி³ண்டி³மமபி⁴ஸர ஸரஸமலஜ்ஜம் ॥ 6॥ முக்³தே⁴
ஸ்மரஶரஸுப⁴க³நகே²ந கரேண ஸகீ²மவலம்ப்³ய ஸலீலம் । var - ஸகீ²மவலம்ப்³ய
கரேண
சல வலயக்வணீதைரவபோ³த⁴ய ஹரமபி நிஜக³திஶீலம் ॥ 7॥ முக்³தே⁴
ஶ்ரீஜயதே³வப⁴ணிதமத⁴ரீக்ரு’தஹாரமுதா³ஸிதவாமம் ।
ஹரிவிநிஹிதமநஸாமதி⁴திஷ்ட²து கண்ட²தடீமவிராமம் ॥ 8॥ முக்³தே⁴
ஸா மாம் த்³ரக்ஷ்யதி வக்ஷ்யதி ஸ்மரகதா²ம் ப்ரத்யங்க³மாலிங்க³நை:
ப்ரீதிம் யாஸ்யதி ரம்ஸ்யதே ஸகி² ஸமாக³த்யேதி சிந்தாகுல: ।
ஸ த்வாம் பஶ்யதி வேபதே புலகயத்யாநந்த³தி ஸ்வித்³யதி
ப்ரத்யுத்³க³ச்ச²தி மூர்ச்ச²தி ஸ்தி²ரதம:புஞ்ஜே நிகுஞ்ஜே ப்ரிய: ॥ 70॥

அக்ஷ்ணோர்நிக்ஷிபத³ஞ்ஜநம் ஶ்ரவணயோஸ்தாபிச்ச²கு³ச்சா²வலீம்
மூர்த்⁴நி ஶ்யாமஸரோஜதா³ம குசயோ: கஸ்தூரிகாபத்ரகம் ।
தூ⁴ர்தாநாமபி⁴ஸாரஸத்வரஹ்ரு’தா³ம் விஷ்வங்நிகுஞ்ஜே ஸகி²
த்⁴வாந்தம் நீலநிசோலசாரு ஸுத்³ரு’ஶாம் ப்ரத்யங்க³மாலிங்க³தி ॥ 71॥

காஶ்மீரகௌ³ரவபுஷாமபி⁴ஸாரிகாணாம்
ஆப³த்³த⁴ரேக²மபி⁴தோ ருசிமஞ்ஜரீபி:⁴ ।
ஏதத்தமாலத³லநீலதமம் தமிஸ்ரம்
தத்ப்ரேமஹேமநிகஷோபலதாம் தநோதி ॥ 72॥

ஹாராவலீதரலகாஞ்சநகாஞ்சிதா³ம-
கேயூரகங்கணமணித்³யுதிதீ³பிதஸ்ய ।
த்³வாரே நிகுஞ்ஜநிலயஸ்ய ஹரிம் நிரீக்ஷ்ய
வ்ரீடா³வதீமத² ஸகீ² நிஜகா³ஹ ராதா⁴ம் ॥ 73॥

28 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

॥ கீ³தம் 21 ॥
மஞ்ஜுதரகுஞ்ஜதலகேலிஸத³நே ।
விலஸ ரதிரப⁴ஸஹஸிதவத³நே ॥

ப்ரவிஶ ராதே⁴ மாத⁴வஸமீபமிஹ ॥ 1॥

நவப⁴வத³ஶோகத³லஶயநஸாரே ।
விலஸ குசகலஶதரலஹாரே ॥ 2॥ ப்ரவிஶ
குஸுமசயரசிதஶுசிவாஸகே³ஹே ।
விலஸ குஸுமஸுகுமாரதே³ஹே ॥ 3॥ ப்ரவிஶ
சலமலயவநபவநஸுரபி⁴ஶீதே । var ம்ரு’து³சலமலயபவநஸுரபி⁴ஶீதே
விலஸ ரஸவலிதலலிதகீ³தே ॥ 4॥ ப்ரவிஶ
மது⁴முதி³தமது⁴பகுலகலிதராவே ।
விலஸ மத³நரஸஸரஸபா⁴வே ॥ 5॥ ப்ரவிஶ var - ரப⁴ஸ
மது⁴ரதரபிகநிகரநிநத³முக²ரே ।
விலஸ த³ஶநருசிருசிரஶிக²ரே ॥ 6॥ ப்ரவிஶ
விததப³ஹுவல்லிநவபல்லவக⁴நே ।
விலஸ சிரமலஸபீநஜக⁴நே ॥ 7॥ ப்ரவிஶ
விஹிதபத்³மாவதீஸுக²ஸமாஜே ।
ப⁴ணதி ஜயதே³வகவிராஜே ।
குரு முராரே மங்க³ளஶதாநி ॥ 8॥ ப்ரவிஶ
த்வாம் சித்தேந சிரம் வஹந்நயமதிஶ்ராந்தோ ப்⁴ரு’ஶம் தாபித:
கந்த³ர்பேண து பாதுமிச்ச²தி ஸுதா⁴ஸம்பா³த⁴பி³ம்பா³த⁴ரம் ।
அஸ்யாங்க³ம் தத³லங்குரு க்ஷணமிஹ ப்⁴ரூக்ஷேபலக்ஷ்மீலவ-
க்ரீதே தா³ஸ இவோபஸேவிதபதா³ம்போ⁴ஜே குத: ஸம்ப்⁴ரம: ॥ 74॥

ஸா ஸஸாத்⁴வஸஸாநந்த³ம் கோ³விந்தே³ லோலலோசநா ।

ஸிஞ்ஜாநா மஞ்ஜுமஞ்ஜீரம் ப்ரவிவேஶ நிவேஶநம் ॥ 75॥

॥ கீ³தம் 22 ॥
ராதா⁴வத³நவிலோகநவிகஸிதவிவித⁴விகாரவிப⁴ங்க³ம் ।
ஜலநிதி⁴மிவ விது⁴மண்ட³லத³ர்ஶநதரலிததுங்க³தரங்க³ம் ॥

giitagovindaM.pdf 29
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஹரிமேகரஸம் சிரமபி⁴லஷிதவிலாஸம்
ஸா த³தா³ர்ஶ கு³ருஹர்ஷவஶம்வத³வத³நமநங்க³நிவாஸம் ॥ 1॥

ஹாரமமலதரதாரமுரஸி த³த⁴தம் பரிரப்⁴ய விதூ³ரம் ।

ஸ்பு²டதரபே²நகத³ம்ப³கரம்பி³தமிவ யமுநாஜலபூரம் ॥ 2॥ ஹரிமேகரஸம்
ஶ்யாமலம்ரு’து³லகலேவரமண்ட³லமதி⁴க³தகௌ³ரது³கூலம் ।
நீலநலிநமிவ பீதபராக³படலப⁴ரவலயிதமூலம் ॥ 3॥ ஹரிமேகரஸம்
தரலத்³ரு’க³ஞ்சலசலநமநோஹரவத³நஜநிதரதிராக³ம் ।
ஸ்பு²டகமலோத³ரகே²லிதக²ஞ்ஜநயுக³மிவ ஶரதி³ தடா³க³ம் ॥ 4॥ ஹரிமேகரஸம்
வத³நகமலபரிஶீலநமிலிதமிஹிரஸமகுண்ட³லஶோப⁴ம் ।
ஸ்மிதருசிருசிரஸமுல்லஸிதாத⁴ரபல்லவக்ரு’தரதிலோப⁴ம் ॥ 5॥ ஹரிமேகரஸம்
ஶஶிகிரணச்சு²ரிதோத³ரஜலத⁴ரஸுந்த³ரஸகுஸுமகேஶம் ।
திமிரோதி³தவிது⁴மண்ட³லநிர்மலமலயஜதிலகநிவேஶம் ॥ 6॥ ஹரிமேகரஸம்
விபுலபுலகப⁴ரத³ந்துரிதம் ரதிகேலிகலாபி⁴ரதீ⁴ரம் ।
மணிக³ணகிரணஸமூஹஸமுஜ்ஜ்வலபூ⁴ஷணஸுப⁴க³ஶரீரம் ॥ 7॥ ஹரிமேகரஸம்
ஶ்ரீஜயதே³வப⁴ணிதவிப⁴வத்³விகு³ணீக்ரு’தபூ⁴ஷணபா⁴ரம் ।
ப்ரணமத ஹ்ரு’தி³ ஸுசிரம் விநிதா⁴ய ஹரிம் ஸுக்ரு’தோத³யஸாரம் ॥ 8॥
ஹரிமேகரஸம்
var - ஹ்ரு’தி³ ஸுசிரம் விநிதா⁴ய ஹரிம்
அதிக்ரம்யாபாங்க³ம் ஶ்ரவணபத²பர்யந்தக³மந-
ப்ரயாஸேநேவாக்ஷ்ணோஸ்தரலதரதாரம் பதிதயோ: ।
இதா³நீம் ராதா⁴யா: ப்ரியதமஸமாலோகஸமயே
பபாத ஸ்வேதா³ம்பு³ப்ரஸர இவ ஹர்ஷாஶ்ருநிகர: ॥ 76॥

ப⁴வந்த்யாஸ்தல்பாந்தம் க்ரு’தகபடகண்டூ³திபிஹித- var - ப⁴ஜந்த்யாஸ்தல்பாந்தம்

ஸ்மிதம் யாதே கே³ஹாத்³ப³ஹிரவஹிதாலீபரிஜநே ।
ப்ரியாஸ்யம் பஶ்யந்த்யா: ஸ்மரஶரஸமாகூலஸுப⁴க³ம் var - ஸ்மரபரவஶாகூதஸுப⁴க³ம்
ஸலஜ்ஜா லஜ்ஜாபி வ்யக³மதி³வ தூ³ரம் ம்ரு’க³த்³ரு’ஶ: ॥ 77॥

ஜயஶ்ரீவிந்யஸ்தைர்மஹித இவ மந்தா³ரகுஸுமை:
ஸ்வயம் ஸிந்தூ³ரேண த்³விபரணமுதா³ முத்³ரித இவ ।
பு⁴ஜாபீட³க்ரீடா³ஹதகுவலயாபீட³கரிண:
ப்ரகீர்ணாஸ்ரு’க்³பி³ந்து³ர்ஜயதி பு⁴ஜத³ண்டோ³ முரஜித: ॥ 78॥

ஸௌந்த³ர்யைகநிதே⁴ரநங்க³லலநாலாவண்யலீலாஜுஷோ

30 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ராதா⁴யா ஹ்ரு’தி³ பல்வலே மநஸிஜகீடை³கரங்க³ஸ்த²லே ।

ரம்யோரோஜஸரோஜகே²லநரஸித்வாதா³த்மந: க்²யாபயந்
த்⁴யாதுர்மாநஸராஜஹம்ஸநிப⁴தாம் தே³யாந்முகுந்தோ³ முத³ம் ॥ 79॥

॥ இதி ஶ்ரீகீ³தகோ³விந்தே³ ராதி⁴காமிலநே ஸாநந்த³தா³மோத³ரோ நாமைகாத³ஶ:

ஸர்க:³ ॥

॥ த்³வாத³ஶ: ஸர்க:³ ॥

॥ ஸுப்ரீதபீதாம்ப³ர: ॥
க³தவதி ஸகீ²வ்ரு’ந்தே³ऽமந்த³த்ரபாப⁴ரநிர்ப⁴ர-
ஸ்மரபரவஶாகூதஸ்பீ²தஸ்மிதஸ்நபிதாத⁴ராம் ।
ஸரஸமநஸம் த்³ரு’ஷ்ட்வா ராதா⁴ம் முஹுர்நவபல்லவ-
ப்ரஸவஶயநே நிக்ஷிப்தாக்ஷீமுவாச ஹரி: ப்ரியாம் ॥ 80॥

॥ கீ³தம் 23 ॥
கிஸலயஶயநதலே குரு காமிநி சரணநலிநவிநிவேஶம் ।
தவ பத³பல்லவவைரிபராப⁴வமித³மநுப⁴வது ஸுவேஶம் ॥

க்ஷணமது⁴நா நாராயணமநுக³தமநுஸர ராதி⁴கே ॥ 1॥

கரகமலேந கரோமி சரணமஹமாக³மிதாஸி விதூ³ரம் ।

க்ஷணமுபகுரு ஶயநோபரி மாமிவ நூபுரமநுக³திஶூரம் ॥ 2॥ க்ஷணமது⁴நா
வத³நஸுதா⁴நிதி⁴க³லிதமம்ரு’தமிவ ரசய வசநமநுகூலம் ।
விரஹமிவாபநயாமி பயோத⁴ரரோத⁴கமுரஸி து³கூலம் ॥ 3॥ க்ஷணமது⁴நா
ப்ரியபரிரம்ப⁴ணரப⁴ஸவலிதமிவ புலகிதமதிது³ரவாபம் ।
மது³ரஸி குசகலஶம் விநிவேஶய ஶோஷய மநஸிஜதாபம் ॥ 4॥ க்ஷணமது⁴நா
அத⁴ரஸுதா⁴ரஸமுபநய பா⁴விநி ஜீவய ம்ரு’தமிவ தா³ஸம் ।
த்வயி விநிஹிதமநஸம் விரஹாநலத³க்³த⁴வபுஷமவிலாஸம் ॥ 5॥ க்ஷணமது⁴நா
ஶஶிமுகி² முக²ரய மணிரஶநாகு³ணமநுகு³ணகண்ட²நிநாத³ம் ।
ஶ்ருதியுக³ளே பிகருதவிகலே மம ஶமய சிராத³வஸாத³ம் ॥ 6॥ க்ஷணமது⁴நா
மாமதிவிப²லருஷா விகலீக்ரு’தமவலோகிதமது⁴நேத³ம் ।
மீலிதலஜ்ஜிதமிவ நயநம் தவ விரம விஸ்ரு’ஜ ரதிகே²த³ம் ॥ 7॥க்ஷணமது⁴நா

giitagovindaM.pdf 31
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஶ்ரீஜயதே³வப⁴ணிதமித³மநுபத³நிக³தி³தமது⁴ரிபுமோத³ம் ।
ஜநயது ரஸிகஜநேஷு மநோரமரதிரஸபா⁴வவிநோத³ம் ॥ 8॥ க்ஷணமது⁴நா
ப்ரத்யூஹ:புலகாங்குரேண நிபி³டா³ஶ்லேஷே நிமேஷேண ச
க்ரீடா³கூதவிலோகிதேऽத⁴ரஸுதா⁴பாநே கதா²நர்மபி:⁴ ।
ஆநந்தா³தி⁴க³மேந மந்மத²கலாயுத்³தோ⁴ऽபி யஸ்மிந்நபூ⁴-
து³த்³பூ⁴தஸ்ஸ தயோர்ப³பூ⁴வ ஸுரதாரம்ப:⁴ ப்ரியம் பா⁴வுக: ॥ 81॥

தோ³ர்ப்⁴யாம் ஸம்யமித:பயோத⁴ரப⁴ரேணாபீடி³த: பாணிஜை-

ராவித்³தோ⁴ த³ஶநை: க்ஷதாத⁴ரபுட: ஶ்ரோணீதடேநாஹத: ।
ஹஸ்தேநாநமித: கசேऽத⁴ரஸுதா⁴பாநேந ஸம்மோஹித:
காந்த: காமபி த்ரு’ப்திமாப தத³ஹோ காமஸ்ய வாமா க³தி: ॥ 82॥

மாராங்கே ரதிகேலிஸங்குலரணாரம்பே⁴ தயா ஸாஹஸ-

ப்ராயம் காந்தஜயாய கிஞ்சிது³பரி ப்ராரம்பி⁴ யத்ஸம்ப்⁴ரமாத் ।
நிஷ்பந்தா³ ஜக⁴நஸ்த²லீ ஶிதி²லதா தோ³ர்வல்லிருத்கம்பிதம்
வக்ஷோ மீலிதமக்ஷி பௌருஷரஸ: ஸ்த்ரீணாம் குத: ஸித்⁴யதி ॥ 83॥

தஸ்யா: பாடலபாணிஜாங்கிதமுரோ நித்³ராகஷாயே த்³ரு’ஶௌ

நிர்தூ⁴தாதா⁴ரஶோணிமா விலுலிதஸ்ரஸ்தஸ்ரஜோ மூர்த⁴ஜா: ।
காஞ்சீதா³மத³ரஶ்லதா²ஞ்சலமிதி ப்ராதர்நிகா²தைர்த்³ரு’ஶோ-
ரேபி:⁴ காமஶரைஸ்தத³த்³பு⁴தமபூ⁴த்பத்யுர்மந: கீலிதம் ॥ 84॥

த்வாமப்ராப்ய மயி ஸ்வயம்வரபராம் க்ஷீரோத³தீரோத³ரே

ஶங்கே ஸுந்த³ரி காலகூடமபிப³ந்மூடோ⁴ ம்ரு’டா³நீபதி: ।
இத்த²ம் பூர்வகதா²பி⁴ரந்யமநஸா விக்ஷிப்ய வாமாஞ்சலம்
ராதா⁴யா: ஸ்தநகோரகோபரி சலந்நேத்ரே ஹரி: பாது வ: ॥ 85॥

வ்யாலோல: கேஶபாஶாஸ்தரலிதமலகை: ஸ்வேத³லோலௌ கபோலௌ

ஸ்பஷ்டா த³ஷ்டாத⁴ரஶ்ரீ: குசகலஶருசா ஹாரிதா ஹாரயஷ்டி: ।
காஞ்சீகாஞ்ச்யுத்³க³தாஶாம் ஸ்தநஜக⁴நபத³ம் பாணிநாऽऽச்சா²த்³ய ஸத்³ய:
பஶ்யந்தீ சாத்மரூபம் தத³பி விலுலிதம் ஸ்ரக்³த⁴ரேயம் து⁴நோதி ॥ 86॥

ஈஷந்மீலிதத்³ரு’ஷ்டிமுக்³த⁴ஹஸிதம் ஸீத்காரதா⁴ராவஶா-
த³வ்யக்தாகுலகேலிகாகுவிகஸத்³த³ந்தாம்ஶுதௌ⁴தாத⁴ரம் ।
ஶ்வாஸோத்கம்பிபயோத⁴ரோபரி பரிஷ்வங்கா³த்குரங்கீ³த்³ரு’ஶோ
var - : ஶாந்தஸ்தப்³த⁴பயோத⁴ரம் ப்⁴ரு’ஶபரி

32 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

ஹர்ஷோத்கர்ஷவிமுக்தநி:ஸ்ஸஹதநோர்த⁴ந்யோ த⁴யத்யாநநம் ॥ 87 ॥

அத² காந்தம் ரதிக்லாந்தமபி மண்ட³நவாஞ்ச²யா ।

நிஜகா³த³ நிராபா³தா⁴ ராதா⁴ ஸ்வாதீ⁴நப⁴ர்த்ரு’கா ॥ 88॥

var -
அத² ஸா நிர்க³தாபா³தா⁴ ராதா⁴ ஸ்வாதீ⁴நப⁴ர்த்ரு’கா ।
நிஜகா³த³ ரதிக்லாந்தாம் காந்தாம் மண்ட³நவாஞ்ச²யா ॥

இதி ஸஹஸா ஸுப்ரீதம் ஸுரதாந்தே ஸா நிதாந்தகி²ந்நாங்கீ³ ।

ராதா⁴ ஜகா³த³ ஸாத³ரமித³மாநந்தே³ந கோ³விந்த³ம் ॥ 89॥

॥ கீ³தம் 24 ॥
குரு யது³நந்த³ந சந்த³நஶிஶிரதரேண கரேண பயோத⁴ரே ।
ம்ரு’க³மத³பத்ரகமத்ர மநோப⁴வமங்க³ளகலஶஸஹோத³ரே ।
நிஜகா³த³ ஸா யது³நந்த³நே க்ரீட³தி ஹ்ரு’த³யாநந்த³நே ॥ 1॥

அலிகுலக³ஞ்ஜநமஞ்ஜநகம் ரதிநாயகஸாயகமோசநே ।
த்வத³த⁴ரசும்ப³நலம்பி³தகஜ்ஜலமுஜ்ஜ்வலய ப்ரிய லோசநே ॥ 2॥ நிஜகா³த³
நயநகுரங்க³தரங்க³விலாஸநிராஸகரே ஶ்ருதிமண்ட³லே ।
மநஸிஜபாஶவிலாஸத⁴ரே ஶுப⁴வேஶ நிவேஶய குண்ட³லே ॥ 3॥ நிஜகா³த³
ப்⁴ரமரசயம் ரசயந்தமுபரி ருசிரம் ஸுசிரம் மம ஸம்முகே² ।
ஜிதகமலே விமலே பரிகர்மய நர்மஜநகமலகம் முகே² ॥ 4॥ நிஜகா³த³
ம்ரு’க³மத³ரஸவலிதம் லலிதம் குரு திலகமலிகரஜநீகரே ।
விஹிதகலங்ககலம் கமலாநந விஶ்ரமிதஶ்ரமஶீகரே ॥ 5॥ நிஜகா³த³
மம ருசிரே சிகுரே குரு மாநத³ மநஸிஜத்⁴வஜசாமரே ।
ரதிக³லிதே லலிதே குஸுமாநி ஶிக²ண்டி³ஶிக²ண்ட³கடா³மரே ॥ 6॥ நிஜகா³த³
ஸரஸக⁴நே ஜக⁴நே மம ஶம்ப³ரதா³ரணவாரணகந்த³ரே ।
மணிரஶநாவஸநாப⁴ரணாநி ஶுபா⁴ஶய வாஸய ஸுந்த³ரே ॥ 7॥ நிஜகா³த³
ஶ்ரீஜயதே³வவசஸி ருசிரே ஹ்ரு’த³யம் ஸத³யம் குரு மண்ட³நே । var ஶுப⁴தே³
ஹ்ரு’த³யம்
ஹரிசரணஸ்மரணாம்ரு’தநிர்மிதகலிகலுஷஜ்வரக²ண்ட³நே ॥ 8॥ நிஜகா³த³
ரசய குசயோ: பத்ரம் சித்ரம் குருஷ்வ கபோலயோ-
ர்க⁴டய ஜக⁴நே காஞ்சீமஞ்ச ஸ்ரஜா கப³ரீப⁴ரம் ।

giitagovindaM.pdf 33
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

கலய வலயஶ்ரேணீம் பாணௌ பதே³ குரு நூபுரா-

விதி நிக³தித: ப்ரீத: பீதாம்ப³ரோऽபி ததா²கரோத் ॥ 90॥

பர்யங்கீ³க்ரு’தநாக³நாயகப²ணஶ்ரேணீமணீநாம் க³ணே
ஸங்க்ராந்தப்ரதிபி³ம்ப³ஸங்கலநயா பி³ப்⁴ரத்³வபுர்விக்ரியாம் ।
பாதா³ம்போ⁴ருஹதா⁴ரிவாரிதி⁴ஸுதாமக்ஷ்ணாம் தி³த்³ரு’க்ஷு: ஶதை:
காயவ்யூஹவிசாரயந்நுபசிதாகூதோ ஹரி: பாது வ: ॥ 91॥

யந்நித்யைர்வசநைர்விரிஞ்சகி³ரிஜாப்ராணேஶமுக்²யைர்முஹு:
நாநாகாரவிசாரஸாரசதுரைர்நாத்³யாபி நிஶ்சீயதே ।
தத்ஸர்வைர்ஜயதே³வகாவ்யக⁴டிதைஸ்ஸத்ஸூரிஸம்ஶோதி⁴தை-
ராத்³யம் வஸ்து சகாஸ்து சேதஸி பரம் ஸாரஸ்யஸீமாஜுஷாம் ॥ 92॥

யத்³கா³ந்த⁴ர்வகலாஸு கௌஶலமநுத்⁴யாநம் ச யத்³வைஷ்ணவம்

யச்ச்²ரு’ங்கா³ரவிவேகதத்த்வரசநாகாவ்யேஷு லீலாயிதம் ।
தத்ஸர்வம் ஜயதே³வபண்டி³தகவே: க்ரு’ஷ்ணைகதாநாத்மந:
ஸாநந்தா:³ பரிஶோத⁴யந்து ஸுதி⁴ய: ஶ்ரீகீ³தகோ³விந்த³த: ॥ 93॥

ஸாத்⁴வீ மாத்⁴வீகசிந்தா ந ப⁴வதி ப⁴வத: ஶர்கரே கர்கஶாஸி

த்³ராக்ஷே த்³ரக்ஷ்யந்தி கே த்வாமம்ரு’த ம்ரு’தமஸி க்ஷீரநீரம் ரஸஸ்தே ।
க்ரந்த³ காந்தாத⁴ர த⁴ரணிதலம் க³ச்ச² யச்சா²ந்திபா⁴வம்
யாவச்ச்²ரு’ங்கா³ரஸாரஸ்வதமிஹ ஜயதே³வஸ்ய விஷ்வக்³வசாம்ஸி ॥ 94॥

ஶ்ரீபோ⁴ஜதே³வப்ரப⁴வஸ்ய ராதா⁴தே³வீஸுதஶ்ரீஜயதே³வகஸ்ய । var - ராமாதே³வீ

பராஶராதி³ப்ரியவர்க³கண்டே² ஶ்ரீகீ³தகோ³விந்த³கவித்வமஸ்து ॥ 95॥

॥ இதி ஶ்ரீஜயதே³வக்ரு’தௌ கீ³தகோ³விந்தே³ ஸுப்ரீதபீதாம்ப³ரோ நாம த்³வாத³ஶ:

ஸர்க:³ ॥

॥ இதி கீ³தகோ³விந்த³ம் ஸமாப்தம் ॥

The following additional verses are found in some editions:

at the end of Sarga 11, after gItaM 22

ஸாநந்த³ம் நந்த³ஸூநுர்தி³ஶது மிதபத³ம் ஸம்மத³ம் மந்த³மந்த³ம்

ராதா⁴மாதா⁴ய பா³ஹ்வோர்விவரமநுத்³ரு’ட⁴ம் பீட³யந் ப்ரீதியோகா³த் ।
துங்கௌ³ தஸ்யா உரோஜாவதநுரவதநோர்நிர்க³தௌ மாஸ்ம பூ⁴தாம்
ப்ரு’ஷ்ட²ம் நிர்பி⁴த்³ய தஸ்மாத்³ப³லிரிதி வலிதக்³ரீவமாலோகயந் வ: ॥

34 sanskritdocuments.org
 ஜயதே³வக்ரு’தம் கீ³தகோ³விந்த³ம் (அஷ்டபதீ³)

at the end of Sarga 12

ஸாதூ⁴நாம் ஸ்வத ஏவ ஸம்மதிரிஹ ஸ்யாதே³வ ப⁴க்த்யார்தி²நாம்

ஆலோச்ய க்³ரத²நஶ்ரமம் ச விது³ஷாமஸ்மிந்ப⁴வேதா³த³ர: ।
யே கேசித் பரக்ரு’த்யுபஶ்ருதிபராஸ்தாநர்த²யே மத்க்ரு’திம்
பூ⁴யோ வீக்ஷ்ய வத³ந்த்வவத்³யமிதி சேத்ஸா வாஸநா ஸ்தா²ஸ்யதி ॥

இத்த²ம் கேலிதலைர்விஹ்ரு’த்ய யமுநாகூலே ஸமம் ராத⁴யா

தத்³ரோமாவலிமௌக்திகாவலியுகே³ வேணீப்⁴ரமம் பி³ப்⁴ரதி ।
தத்ராஹ்லாதி³குசப்ரயோக³ப²லயோர்லிப்ஸாவதோர்ஹஸ்தயோ-
ர்வ்யாபாரா: புருஷோத்தமஸ்ய த³த³து ஸ்பீ²தாம் முத³ம் ஸம்பத³ம் ॥

Encoded and proofread by P. P. Narayanaswami swami at mun.ca

Proofread by PSA Easwaran

jayadevakRitaM gItagovindaM (aShTapadI)

pdf was typeset on July 9, 2023

Please send corrections to sanskrit@cheerful.com

giitagovindaM.pdf 35