2021 Via CRUCIS Sa Mga Parokya 1.1

VIA CRUCIS
(Taon 2021)
Miercoles de Ceniza
Pebrero 17, 2021
Commentator: Dios marhay na hapon saindo gabos mga tugang.

Ngonian na aldaw satong pinuponan an panahon nin Cuaresma sa
paagi kan pag-imponer kan abo na minapahayag na kita hale sa
abo asin mabalik sa abo. Siring man maninigong gayo na ponan
niato an panahon nin Cuaresma sa paagi kan pagpamibi asin
paghorop-horop kan mga pagsakit asin pagkagadan ni Cristo sa
paagi kan pag via crucis kaiba an satong namomotan na Reverendo
Padre______________________
Sa pagcelebrar niato kan “Taon ni San Jose”, ngonian satuyang

paghorophoropan an tema: “Dálan kan Krús: Dalan kan Misyon ki
Kristo sa Pangataman ni San Jose”
Idolot niato an satong gigibohon na pag via crucis para sa mga

minasunod na intenciones.
Especial na Intenciones:
a.) Tanganing makapagpamibi kita nin may paghorophorop sa mga
kasakitan ni Cristo sa dalan pasiring sa Calvario, an dalan kan
totoong Kristianong pagkabuhay, dalan nin pagkamoot asin
kabanalan.
b.) Tanganing orog na maipamate niato an pakisumaro, pag-antabay asin
pagtabang sa mga dukha niatong tugang asin maitanom para sa
sainda an pisog nin paglaom, pagkamoot asin pagkaherak nin Dios.
c.) Tanganing orog kitang magtalubo asin magsarig sa pangataman nin
Dios para sa padagus niatong pagbaklay sa dalan nin kabanalan.
d.) Tanganing an satuyang mga lideres, nacional man o local lugod sinda
maguiyahan kan Banal na Espiritu Santo na gibuhon ang mga uyon
sa kabu’tan kan satuyang mahal na Dios.
RITO SA PAGPOON
2021 Via Crusis 1

Awit sa Pagpoon
Sa may Pintoan kan Simbahan
Ceriales
Mga Mabasa
Padi
PATARATARA
Padi: Sa ngáran kan Amâ, asin kan Ákì,

asín kan  Espirítu Sánto.
Gabos: Amen.
Padi: An Kagurangnan mapa-saindó.

Gabos: Asin sa saimong espiritu.
Patara-tara
Padi: Kita nagkatirípon digdí bílang
banwáan nin Dios na nagsasárig
sa saíyang mamómòton na pagkahérak
asin man kan diosnón na
pag-atáman ni Jesu-Cristo, satúyang
Kagurangnán.
Ngonián nagmámàwot kita na

pakusugón an satúyang pagtubód,
pagláom, asin pagkámoot
2021 Via Crusis 2

mantáng padágos kitáng
nagpápasalámat sa mga baláog na
iwináras satúya kan Dios.
Magkásararo kita sa pagpamìbî

tangáning kaherákan kita
nin húli sa satúyang mga pagkakasálà,
asin makapagbakláy kita sa dálan kan
krús ni Kristo, an Burabod nin
Kristianong Pagkabuhay.
Maontok nin halipot na panahon.......
PAMIBI SA PAGPOON
Padi: Mamìbî kitá…
Jesús na Kagurangnán,
boót niámo na makapagpamìbî
mantáng samúyang
pinaghóhorop-horópan an
manónongod sa saímong pagsákit,
pagkagadán asin pagkabúhay-liwát.
Sa samúyang paghingówa na
magpakúmbaba, idinodólot nyámò
2021 Via Crusis 3

ining “Dálan nin Krus” tangáning
padágos kamíng magtalúbò
sa kabanálan sa táhaw kan mga
pagsákit asin sa paági kan baláog nin
kaligtásan huli kan Saimong
pagkámoot asin pagkaherak.
Maihirás lugód niámo an baláog na ini
pára sa pagbábagong-búhay
asin man para sa kaomawán mo.
Ini hinahágad mi sa ngáran ni Crísto
na samóng Kagurangnán.
Gabos: Amen.
VIA CRUCIS: 15 ESTACION

Padi: Maglakáw kita na bukás an púso sa
pagsúnod kan “Dálan kan Krús: Dalan
kan Misyon ki Kristo sa Pangataman ni
San Jose”
Commentator: Ngonian satong puponan an pagprocession pasiring sa mga
estacionan. An pasunod-sunod po kan procesion iyo an
minasunod: An nagdadara kan incenso, an Ciriales, mga mabasa,
Asin si Padi.
An mga ministro, an Padi asin mga tawo maprocesion pasiring sa mga estacionan.
2021 Via Crusis 4

Awit: Sa krus hinatolan na ipagadan, an samong kasalan iyo an dahilan.
ENOT NA ESTACION:
SI JESUS HINATULAN NA MAGADAN SA KRUS
Padi: Sinasamba asin inoomaw mi ika, Kagurangnan.

Banwaan: Nin huli sa Mahal mong Krus tinubos mo an kinaban.
Lector: TATARAMON NIN DIOS: Marcos 15:15

Si Pilato, tanganing mapaontok an kurahaw kan mga tawo, pinaluwas
si Barabas asin si Jesus pinahampak asin itinao tanganing ipako sa krus.
(Maontok nin dikit na panahon.)
Lider: Paghorop-horop:
Sa dakulang pagkamoot ni Jesus sa mga parakasala, minawot niya na kita
iligtas sa kasalan. Sa pag-ako kan hatol, dawa ngani mayo siya nin
kasalan, ipinahayag niya sato an Diosnon na pagkamoot asin pagkaherak.
Lugod mas lalong mamatean niamo an Saiyang pagkaherak sa tahaw kan
samong mga kasalan asin kahorasaan.
Pamibi:
Lider: Idolot niato an satuyang mga pamibi…
O Dios na Makakamhan, Ipinahiling ni Jesus an maimbod na pagkuyog sa
saimong kabotan. Kaya inako niya nin tudok sa puso an hatol nin
pagsakit. Namimibi man kami na an gabos mapano man nin pagkamooot
asin hararom na pagtubod tanganing akoon asin isabuhay an kabotan nin
Dios. Warasan samuya an balaog na makakapapusog kan samong
pagmawot na akoon an mga kadificilan sa pag-otob kan kabotan nin Dios.
Padi: Kamurawayan sa Ama asin sa Aki, asin sa Espiritu Santo
Banwaan: Siring sa kapinonan asin ngonian, magdanay man asin sa kapanahonan
kan mga panahon. Amen.
2021 Via Crusis 5

Awit: Sa simong abaga, krus na matagom, sa pagpagiromdom, sala mi simo.
IKA-DUWANG ESTACION:
SI JESUS NAGPASAN KAN KRUS

Lector: TATARAMON NIN DIOS: Juan 19:16-17

Sa katapusan, si Jesus itinao ni Pilato sa sainda tanganing ipako sa krus,
paluwas pasiring sa lugar na inaapod Calvario (sa Arameo, Golgota).
(Maontok…)
Pinasan ni Jesus an krus tanda kan saiyang daing sukol na pagkamoot
asin pagkaherak sa bilog na katawohan. Sinasadol kita ni Jesus na
isabuhay ta an saiyang pagkamoot asin magka-igwa kita nin tunay na
pagmangno sa katawohan lalo na sa mga may makuring kahelangan asin
kapansanan tanganing sinda mapakusog asin maomayan sa tabang kan
grasya nin Dios.
Pamibi
Lider: Idolot niato an satong mga pamibi.
O Dios na Makakamhan, idinodolot niamo an samong mga pamibi para sa
samong mga tugang na may kahelangan asin kapansanan. Pakusuga
sinda sa tahaw nin kadificilan asin tawan sainda an paglaom na
maomayan kan saindang kahelangan. Papagdanaya sinda sa pagtubod sa
Saimong daing sukol na pagkamoot tanganing padagos sindang mabuhay
na may tunay na pagsarig Saimo.
Banwaan: Siring sa kapinonan asin ngonian, magdanay man asin sa kapanahonan
2021 Via Crusis 6

Awit: Enot mong paglakaw napadungkal ka huli kan samuyang mga kasalan.
IKA-TOLONG ESTACION:
AN ENOT NA PAGKAPADUNGKAL NI JESUS
Banwaan: Nin huli sa Mahal mong Krus, tinubos mo an kinaban.
Lector: TATARAMON NIN DIOS: Lucas 22:37
Huli ta sinabi ko saindo; kaipuhan na maotob sa sakuya an nasusurat:
“Ibinilang na sarong tulisan” (Isaias 53:12). Manonongod sakuya,
matatapos na.
(Maontok…)
Si Jesus napadungkal nin huli sa gabat kan krus nin kasalan. Tunay
nanggad na Siya Dios alagad siya man nagin tawo, arog niato.
Napadungkal Siya nin huli ta nakamate man siya nin kaluyahan sa hawak
sa hawalig na pagpasan kan matagom na krus. Siya nagin biktima nin
pang-aabuso kan mga tawo. Lugod sa samong pagbaklay sa kinaban,
makanood kaming magbuhat kun kami man mapadungkal huli kan pang-
aabuso nin samong kapwa.
Pamibi:
Lider: Idolot niato an satuyang mga pamibi.
O Dios na Makakamhan, ika an samong kusog asin samuyang
sinasarigan. An mga pang-aabusong pisikal asin moral iyo an mga
nakakapadungkal samuya sa buhay nin katoninongan. Tabangi kami na
padagos na magpasan kan samuyang krus tanganing makaabot kami sa
Saimong kahadean. Lugod magdanay kaming dayupot na magsarig sa
Saimong pagkamoot asin pagkamaogayon tanganing kami makatindog sa
samong pagkapadungkal.

Banwaan: Siring sa kapinonan asin ngonian, magdanay man, asin sa kapanahonan
2021 Via Crusis 7

Awit: Nagtatangis sa dalan, Ina Mong Mahal. Simong kasakitan, sakrus na pasan.
IKA-APAT NA ESTACION:
NASABATAN NI JESUSAN SAIYANG INA

Lector: TATARAMON NIN DIOS: Lucas 2:34-35

Benendicionan sinda ni Simeon, asin si Maria na saiyang Ina sinabihan:
“Hilnga, an aking ini gigikanan nin pagkapadungkal asin pagbangon
nin dakul sa Israel: siya sarong tanda na pag-iiriwalan, mantang sarong
garod an malagbas man sa saimong puso: huli kaini maiisihan kun ano
an nasa isip nin gabos.”
(Maontok...)
Yaon an pagdamay asin pag-antabay ni Virgen Maria sa mga pagsakit ni
Jesus. Ipinahiling ni Virgen Maria an saiyang danay na pagkamoot. Arog
ki Virgen Maria may mga tawo man na handang makisumaro asin
magsuporta tanganing an tabang maipaabot sa mga dukha.
Pamibi:
O Jesus na parasurog, panoa kami nin pagkamoot asin pagkaherak arog ki
Virgen Maria. Siya nagtalubo sa pagtubod na pano man nin kasakitan asin
kadificilan sa pagsaksi kan saimong pagpasan kan krus. Himatea man an
samuyang pamibi para sa mga tawo na handang makisumaro sa mga
proyekto kan Simbahan para sa mga nagangaipo. Lugod padagos sindang
maging bukas sa pagheras kan mga biyayang saindang nakamtan asin
danay na maging ehemplo sa pagsaksi kan Saimong pagkamoot asin
pagkamatinao.
2021 Via Crusis 8

Awit: Dalan pa-Calvario, naherakan ka, kaming makasalan, kaherakan man.
IKA-LIMANG ESTACION:
TINABANGAN SI JESUS NI SIMON CIRENEO
SA PAGPASAN KAN KRUS
Kan si Jesus saindang ilinuwas, dinakop ninda si Simon Cireneo na
nagpupuli hale sa oma asin ipinapasan ninda saiya an krus sa hudyan
ni Jesus.
(Maontok…)
Sa pagpasan ni Simon kan krus ipinahayag an sarong tunay na gawe nin
Cristiano na dapat bukas an puso sa pagtabang asin pagkaherak sa
kapwa. An pagtabang sa pagpasan kan krus nin kagabatan, kahorasaan
asin mga kadificilan sa buhay nagpapasabot nin hararom na gawe nin
pagkamoot para sa kapwa. Kita lugod magin handa sa pagtao kan
satuyang mga kamot, panahon asin rogaring sa pagpasan kan krus kan
satong kapwa.
Pamibi
O Dios na makakamhan, ipinapamibi niamo an mga lideres kan samong
nacion asin kan manlaen-laen na comunidad na sinda magin mahigos sa
pagtabang sa mga nagtitios asin naapi. Sinda lugod magin mga Simon
Cireneo na andam sa paglingkod asin sa pagsakripisyo na mayong
hinahagad nin anuman na balos. Mabuhay man lugod sindang na mga
tanda kan pagkamoot asin pagkaherak sa mga nangangaipo.
2021 Via Crusis 9

Awit: Kaming tampalasan, kami an dahilan kan simong pagtios sa Mahal na Krus.
IKA-ANOM NA ESTACION:
PINAHIDAN NI VERONICA AN LALAWGON NI JESUS
Padi: Sinasamba asin inoomaw mi ika Kagurangnan.
Lector: TATARAMON NIN DIOS: Isaias 53:2-3
Siya matalubo siring sa supang sa satuyang atubang, siring sa gamot na
yaon sa daga na alang: nahiling ta na siya daing lawog na makawiwili,
daing kamahalan, daing kagayonan: ikinaongis asin isinikwal nin
katawohan: tagob nin kamundoan, pano nin kasakitan; sa atubang niya
tinatakpan ta an satong lalawgon. Siya pinaghaboan asin dai ta
ginalangan.
(Maontok…)
Si Veronica naghingoa na magdolok saimo asin pahidan an saimong
lalawgon sa tahaw kan saimong pagsakit. Namatean ni Veronica an
saimong pagtios asin pagkamoot na nagbabanaag sa saimong lawog.
Gabos kita sinasadol man na magdolok ki Jesus nin tudok sa puso
tanganing matingrawan niato an saiyang lawog, na iyo an mamurawayon
na pagkamoot asin pagkaherak kan Dios.
Pamibi
O Kagurangnan niamong Jesus, sa Saimong makuring pagsakit yaon si
Veronica na nagpahid kan Saimong lalawgon. Ipinapamibi niamo an mga
tawo na nagbubulong sa mga naghehelang. Dai man lugod sinda
magsawa sa pagtao kan saindang buhay sa mga nasa makuring pagsakit.
Magin arog lugod sinda ki Veronica na nagtao kan saiyang sadiri sa
paglingkod bakong huli sa yaman o onra kundi kan saiyang puso na may
pagkamoot asin dayaday na pagkaherak.
Awit: Sa saimong pagpasan, napadungkal ka nin si kagabatan, krus nin kasalan.
2021 Via Crusis 10

IKA-PITONG ESTACION:
AN IKA-DUWANGPAGKAPADUNGKAL NI JESUS

Lector: TATARAMON NIN DIOS: 1 Corinto 1:24-25
Para sa mga inapod, Judio asin Griego, si Cristo iyo an kapangyarihan asin
kadunungan nin Dios. Huli ta an karungawan nin Dios orog na madunong ki
sa kadunungan nin mga tawo, asin an kaluyahan nin Dios orog na makusog
ki sa kusog nin tawo.
(Maontok…)
Sa ikaduwang beses si Jesus napadungkal giraray huli sa kagabatan kan
krus. Alagad padagos na minabangon asin tinitios an gabat kan krus
tanganing makamtan niato an panugang kaligtasan. An pagsunod kan
kabotan nin Dios katakod an pagpasan kan krus ni Jesus. Lugod kita man
magdanay sa pag-otob kan mga kabotan nin Dios dawa na may
kadificilan huli kan katikapuhan, o kalamidad asin iba pang mga
kasakitan na satong inaatubang.
Pamibi:
O Dios na burabud nin buhay, ika lugod an magin kusog kan mga tawo
na biktima nin mga kalamidad asin pakabasuga an mga pamilyang
kinakapus asin nasa kagutuman. Danay mong warasan kan biyaya nin
paglaom an gabos na mga dukha, napapadungkal sa mga karatan,
kalamidad asin nagluluya sa pagtubod tanganing sinda magin dayupot sa
Saimo. Ipanapamibi niamo na tawan mo man nin maninigong balos na
magsimbag an mga maluya asin nagluluya sa pagtubod.

Awit: Kami nagtatangis, pinagbabakho ngani ming makamtan, kapatawaran.
2021 Via Crusis 11

IKA-WALONG ESTACION:
NASABATAN NI JESUS
AN MGA BABAENG NAGTATANGIS SA JERUSALEM
Dakul na tawo an nagsunod saiya asin dakul na babae an nagtangis asin
nanambitan huli saiya.
(Maontok…)
Dakula an paggalang asin pagmidbid kan satuyang Kagurangnan sa mga

kababaehan orog nang gayo sa mga ilo, balo asin mga inabandona kan
sociedad. Kun kaya man an mga babae sa Jerusalem makuri an pagtangis
sa pagsakit ni Jesus. Lugod kita man gabos makanood na balosan an
pagkamoot na iwinaras sa sato kan satong Kagurangnan sa paagi kan
pagsolsol asin pagmundo sa mga kasalan na satong naginibo.
Pamibi:
Lider: Idolot niato an satuyang mga pamibi…
O Jesus na pararanga, inoomaw Mo an mga babae na nagtatangis sa
Jerusalem. Pinagmawot Mo na mahiling ninda an saindang dakulang
kahalagahan sa kahadean nin Dios. Kagurangnan, ipinapamibi man
niamo an mga ilo, balo asin inabandona kan saindang pamilya na lugod
mamatean ninda an danay Mong pangataman. Warasan man sainda an
grasya na padagos mag-arang sa Saimong mamomoton na puso.

Awit: Magbago nin buhay, sala talikdan, satong pagtangisan, pinagsolsolan.
2021 Via Crusis 12

IKA-SIYAM NA ESTACION:
AN IKA-TOLONG PAGKAPADUNGKAL NI JESUS

Igwa ako nin sarong bonyag na aakoon: asin kanigoan na gayo an
sakuyang kamawotan na iyan mautob na.
(Maontok…)
Napadungkal giraray si Jesus sa ikatolong beses dahil sa kagabatan kan
krus asin pagsakit. Maski ngani grabe an namamatean na pagsakit asin
kapagalan, padagos pa an pagpasan ni Jesus kan krus tanganing iligtas
kita sa gabos niatong kasalan. Binuksan ni Jesus an satong mga puso
tanganing padagos niatong mahiling an pangangaipo kan satong kapwa.
Pamibi:
O Dios na Makakamhan, ipinadara mo an saimong Aki para sa kaligtasan
kan kagabsan. Sararo kaming nagpapamibi para sa mga tugang naimo na
may makuring pangangaipo. Lugod si Jesus an magbangraw sa saindang
inaagihan, an saindang mahinanyog na tataramon asin an manambitan sa
oras kan saindang mga pangangaipo. Buksan man Kagurangnan an
samong mga mata, talinga asin nguso. Danay lugod niamong mahiling
asin madangog an mga pangangaipo kansamong kapwa.
Awit: Gubing hinalean, hawak mong mahal. Lugad mo nabuksan, pagtios naman.
2021 Via Crusis 13

IKA-SAMPOLONG ESTACION:
SI JESUS HINALEAN NIN GUBING
Banwaan: Nin huli sa Mahal mong Krus , tinubos mo an kinaban.
Lector: TATARAMON NIN DIOS: Juan 19:23-24
Pagkapakoan ki Jesus sa krus, pinag-apat kan mga soldados an saiyang
gubing, tigsaro lambang soldados, dai hiniro an tunica: sarong tunica na dai
tinahi kundi bilog na hinabol. An mga soldados nagsabi: Dai niato
pagbarangaon, kundi pagripahan kun mapakiisay. Digdi naotob an
kasuratan: “Pinagbaranga ninda an sakuyang gubing, asin an sakuyang
tunica pinagripahan” (Salmo 22:19). Ini an ginibo kan mga soldados.
(Maontok…)
Hinalean si Jesus nin gubing asin an saiyang tunica pinagripahan. Siya
pinag-olog-olog kan mga soldados. Mayo nin paggalang sa dignidad nin
saiyang pagkatao. Sinupog siya sa tahaw kan kadaklan na garo criminal.
Alagad, inako niya ini gabos tanganing mahimo an kabotan kan Ama na
háwasôn kita sa kagadanan. Lugod siring ki Jesus makayanan man niato
na akoon an mga kasakitan sa buhay.
Pamibi:
Lider: Idolot niato an satuyang mga pamibi...
O Dios na Makakamhan, ipinapamibi niamo an samong mga tugang na
nawaran nin pagrorogaring, trabaho o mahal sa buhay, dai lugod sinda
mawaran nin paglaom sa buhay. Sa Saimong pagkamoot asin
pagkaherak, padagos lugod sindang maghingowa na mabuhay na may
respeto asin pinapahalagahan an dignidad bilang sarong tawo. Ika lugod
an saindang midbidon bilang kayamanan sa buhay asin paorogon an mga
espiritwal na pagkabuhay.

Awit: Sa krus ka ipinako, pagtubos samo. Kami nangangako mamoot simo.
2021 Via Crusis 14

IKAKAG-SARONG ESTACION:
SI JESUS IPINAKO SA KRUS
Padi: : Sinasamba asin inoomaw mi ika, Kagurangnan.

Banwaan: Nin huli sa Mahal mong Krus , tinubos mo an kinaban.
Lector: TATARAMON NIN DIOS: Lucas 23:33-35
Pag-abot ninda sa lugar na inaapod “Calvario”, ipinako ninda si Jesus sa
krus asin man an mga tulisan: saro sa wala asin saro sa too. Si Jesus nagsabi:
“Ama, patawada sinda: dai ninda aram an saindang ginigibo.”
(Maontok…)
Pinako si Jesus sa krus tanganing maotob an kaligtasan kan katawohan.
Nagtadom sa saiyang mga kamot asin bitis an mga pako nin
kasombikalan asin kasalan nin mga tawo. Dawa namatean niya an
sobrang kulog asin sakit, saiyang ipinahayag an kamawotan na an gabos
magkamit kan diosnon na pagpatawad. Lugod magin bukas man an
satong puso, orog na an mga lideres kan satong Simbahan asin padagos
logod na mawoton an karahayan asin kaligtasan kan gabos na may
pagtubod.
Pamibi:
O Jesus na Kagurangnan, itinalaga Mo an Saimong mga Apostoles na
magpadagos kan Saimong misyon nin pagkamoot asin pagkaherak.
Papagdanaya sa karahayan asin katanosan an mga lideres nin Simbahan
tanganing padagos nindang maipahayag an Saimong pagkamoot asin
pagkaherak sa gabos. Lugod an saiyang krus danay na maging burabod
kan saindang pagkabuhay tanganing padagos sindang buhay na tistigo
kan pagkamarahayon Mo.
Awit: Sa krus ka nagdusa, sa krus nagadan. Kami kaherakan ta makasalan.
2021 Via Crusis 15

IKAKAG-DUWANG ESTACION:
SI JESUS NAGADAN SA KRUS

Lector: TATARAMON NIN DIOS: Juan 19: 30
Pakanamiti kan suka, si Jesus nagsabi: “Natapos na.” Dangan idinuko
an payo asin nautsan.
(Maontok…)
Idinolot ni Jesus an saiyang buhay bilang pinakaorog na gawe nin
pagsacrificio asin nin pagkamoot sa mga tawo. An pagkagadan ni Jesus
nagbunga nin sarong regalo, na iyo an pagtubos kan satong mga kasalan.
Siring man ini nagtao nin bagong buhay sa mga nagtutubod. Lugod kita
man magsarig sa Kagurangnan na may pusog na boot tanganing
makapagsaksi kan satong pagtubod sa tahaw kan mga pagduhagi asin
persecusion.
Pamibi:
O Jesus na Paratubos, an pagdusay Mo kan saimong buhay duman sa
krus nagtao samo kan regalo nin diosnon na buhay asin bagong relacion
saimo. Warasan sa samuya orog na itong mga pinapasakitan huli kan
pagtubod an isog nin boot na manindugan asin andam na magadan huli
Saimo. Itao Mo lugod sa sainda an regalong buhay na pano nin
kaogmahan asin kamurawayan. Himatea man an samuyang pamibi na
lugod kami gabos magdanay sa pagharubay kan diosnon na pagkamoot
na ipinahiling sa pagkagadan ni Jesus.

Awit: O Inang mamundo, puso mo tagob dahil sa pagtios, Aking si Jesus.
2021 Via Crusis 16

IKAKAG-TOLONG ESTACION:
SI JESUS IBINABA SA KRUS
Sarong lalaki na an ngaran Jose, kaayon sa Sanggunian asin taga-Arimatea,
nagduman ki Pilato asin hinagad an bangkay ni Jesus.
(Maontok…)
Ibinaba an hawak ni Jesus sa krus na mayo na nin buhay. Sa pagkagadan

ni Jesus ipinahayag an katotoohan na sa ikatolong aldaw an saiyang
hawak mapapanó giraray nin buhay na diosnon. Inako ni Jesus an
kagadanan tanganing kita gabos makisumaro sa bagong diosnon na
buhay.Lugod an gabos na mga pamilya danay na mag-ako ki Jesus sa
tahaw nin pagprobar tanganing kaibahan ninda an buhay na diosnon.
Pamibi:
O Makakamhan na Dios, bagong buhay itinao mo samuya sa bagsik kan
mamurawayon na pagkagadan ni Jesus. Bendisyoni an mga pamilya
tanganing danay sindang magkaborongyog asin magkaminorootan.
Sangkuban Mo man sinda kan Saimong pangataman. An anuman na
iriwal masanglean nin kapatawadan, an karibokan magin katoninongan
asin an pagkasuruhay magin kaboronyogan. An Saimong pagkamoot asin
pagkaherak magin sandigan ninda tanganing malabanan an anuman na
minaraot sa dignidad asin kahalagahan kan pamilya.
Awit: Samong Paratubos, kami ligtasan. Sa mga kasalan, kami rayoan.
IKAKAG-APAT NA ESTACION
2021 Via Crusis 17

AN HAWAK NI JESUS ILINUBONG

Lector: TATARAMON NIN DIOS: Lucas 23: 52
An hawak ni Jesus tinanggal, pinatos sa tamong, asin ibinugtak sa lulubngan
na tinuki sa gapo. Dai pa nin ilinubong duman.
(Maontok…)
An hawak ni Jesus ilinubong. May paggalang na dinara an hawak ni Jesus
sa lulobngan. An kagadan bakong katapusan nin buhay, kundi kapinunan
nin buhay sa kaibahan nin Dios. Kun kita magadan sa katanosan,
makikisumaro man kita sa buhay na daing kasagkoran asin katoninongan
na kaibahan an Kagurangnan. Lugod kita gabos maghingowa asin
magmawot na makua an katoninongan asin makisumaro sa buhay na
daing kasagkoran sa kaibahan nin Dios
Pamibi
O Jesus, Prinsipe nin katoninongan, an pagsacrificio Mo kan saimong
buhay buminulos an kapatawaran, kabanalan asin katoninongan laban sa
purisaw kan demonyo asin kasalan. Ilikay Mo kami asin an gabos na
katawohan na nasa peligro nin gyera asin kariribokan. Namimibi kami
para sa katoninongan nin kinaban orog na sa samong nacion, para sa mga
biktima nin kariribokan asin gyera, asin sa mga soldados na nakikilaban
para makamtan an katoninongan. Huli kan samong pagsarig sa Saimong
pagkamoot, itao Mo sa kinaban an katoninongan.
Awit: Satong ipagrokyaw asin omawon satong Paratubos, Si Cristo Jesus.
IKAKAG-LIMANG ESTACION:
2021 Via Crusis 18

NABUHAY LIWAT SI CRISTO
Padi: Sinasamba asin inoomaw mi ika,

Lector: TATARAMON NIN DIOS: Mateo 28:5-6
An anghel nagsabi sa mga babae: “Dai kamo matakot. Aram ko na
hinahanap nindo si Jesus na ipinako sa krus. Dai na digdi. Nabuhay liwat,
siring sa saiyang sinabi.”
(Maontok…)
Si Cristo nabuhay-liwat! Dakulang kaogmahan an namatean kan mga
disipulo kan maaraman an Saiyang Diosnon na pagkabuhay- liwat. Kun
kita magadan sa kaibahan ni Cristo, kita man mabubuhay sa kaibahan
niya sa langitnon na kahadean nin satuyang Ama. Lugod kita magdusay
kan satong sadiri sa Kagurangnan tanganing magin buhay na instrumento
sa pagpapalakop kan pagkamoot asin pagkaherak nin Dios na iyo an
burabod nin Kristianong pagkabuhay.
Pamibi:
O Dios na Mamomoton, ipinapamibi niamo an mga mga tugang nimo na
an buhay kinonsagrar sa paglingkod sa Saimo asin sa Simbahan. Padagos
lugod nindang idusay an saindang sadiri sa paglingkod sa kapwa. Sinda
lugod maging pusog sa pagkamoot asin pagkaherak tanganing
makapaghatod nin buhay, ranga asin kaogmahan sa gabos.

Awit: Bagong puso, bagong buhay lalanga samo, Kagurangnan.
MENSAJE KAN PADI SA PANAHON NIN CUARESMA

RITO SA PAGTAPUS
HURING PAMIBI:
Padi: Mamìbî kitá…
O Kagurangnán niámong Jesús,
iká an samúyang kaibáhan sa pagbakláy
2021 Via Crusis 19
sa dálan nin pagsákit, pagsolsól,
dálan nin pagkamoot.
Sa samúyang paghoróp-hórop
kan sáimong pagsákit, pagkagadán,
asin pagkabúhay-liwát,
ipinapamìbî man niámong
pinaghoróp-horópan an pakikipaghirás
sa sáimong sacrifício nin pagkámoot.
An giníbo niámong pag-estación,
idinodólot niámo bílang gáwe
nin pagpeniténcia.
Sa samúyang pagpasalámat namímìbi man
kami na maihirás man niámo ini
tangáning an gabós magkásararo
sa pakisumáro sa sacrifício,
na iyo an mádara samúya
sa saímong Kahadêan.
Ini hinahágad mi sa ngáran ni Crísto
na samóng Kagurangnán.
Gabos: Amen.
ORATIO IMPERATA
Pamibi tumang sa paglakop kan COVID 19
Amang maheherakon asin mapagmakulog,

minadulok kami saimo sa samong pangangaipo.
Hinahagad mi saimo an pagligtas samo tumang sa
2021 Via Crusis 20

pandemia kan COVID-19 na naglalakop ngonian
asin nagdadara nin kagadanan.
Hinahagad mi saimo ngonian na lilingya kami nin
may pagkamoot, asin huli kan saimong
nakakaomay na kamot, maparà samo an takot na
dara kan helang asin kagadanan, maibalik an
samong paglaom, asin mapakusog an samong
pagtubod.
Ipinapamibi niamo na giyahan mo an mga tawong
naghihingowa sa paghanap nin bulong asin sa
pag-adal kan paglakop kaining helang.
Nagpapasalamat kami huli kan mga bakunang
napagkanigong mahimo huli kan saimong mapag-
antabay na mga kamot.
Bendicioni an samong mga paghingowa na
gamiton ining mga bakuna tanganing mapundo an
pandemia sa samuyang nacion.
Ipinapamibi niamo an mga eksperto sa salud,
tangani na sinda man makatabang nin may
maninigong kakayahan asin pagmakulog sa mga
may helang.
2021 Via Crusis 21

Warasan sainda an karahayan sa isip asin sa
hawak, kusog sa pagdusay kan saindang sadiri,
asin kaligtasan tumang sa kahelangan.
Ipinapamibi mi man an mga tinamaan na kan
helang. Sinda man lugod maomayan tulos.
Ligtasan idtong mga nangangataman sainda.
Warasan sa mga nagadan an kapahingaloan na
daing kasagkoran.
Itao mo samo an biyaya na maghingowa para sa
karahayan kan gabos asin sa mga nangangaipo.
Lugod an samong pagmangno asin pagmakulog sa
lambang saro maghawas samo ngonian na
panahon nin kasakitan asin magdara samo sa
pagbabagong-buhay asin kabanalan.
Ini hinahagad mi huli ki Jesu Cristong
Kagurangnan niamo, saimong Aki, na kaiba mong
nabubuhay asin naghahade, kasaro kan Espiritu
Santo, Dios, sa gabos na kapanahonan kan mga
panahon. Amen.
O Banal na Lalawgon ni Jesus, kaheraki kami.
San Jose, Mabinion na Esposo ni Maria, ipamibi mo kami.
Nuestra Señora de Peñafrancia, ipamibi mo kami.
2021 Via Crusis 22

PAGHUMALE ASIN PAGBENDICION:
Padi: An Kagurangnán mápasaindo.

Banwaan: Asin sa saimong espiritu.
Padi: An Amâ nin pagkahérak na

nagtaó satúya nin halimbáwa
nin pagkámoot na bakóng makasadíri
sa mga pagtíos nin saíyang bogtóng na
Ákì. Húli kan saindóng paglingkód sa
Dios asin kápwa mákamtan man lugód
nindó an mga dai mabiláng na bendicíon.
Gabos: Amen
Padi: Nagtútubod kamó

na húli kan saíyang pagkagadán
dinàóg ni Crísto an kagadánan sagkód pa
mán. Tàwán niya lugod kamó nin búhay
na daíng kasagkóran.
Gabos: Amen.
Padi: Nagpakúmbaba siya húli sa satô.

Arógon lugód nindó an saíyang
halimbáwa asin makisumáro kamó
sa saíyang pagkabúhay liwát.
Gabos: Amen.
2021 Via Crusis 23

Padi: Bendicionán man lugód kamó
kan Díos na makákamhan:
kan Amâ, asin kan Ákì,
asin kan Espíritu Sánto.
Gabos: Amen.
Padi: Tapos na an satuyang celebracion,

lakaw kamo asin mabuhay sosog sa
ipinahiling ni Cristo sa dalan pa Calvario.
Gabos: Salamat sa Dios.
HURING AWIT
2021 Via Crusis 24

2021 Via CRUCIS Sa Mga Parokya 1.1

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

2021 Via CRUCIS Sa Mga Parokya 1.1

Uploaded by

Copyright:

Available Formats

VIA CRUCIS

Commentator: Dios marhay na hapon saindo gabos mga tugang.

Sa pagcelebrar niato kan “Taon ni San Jose”, ngonian satuyang

Idolot niato an satong gigibohon na pag via crucis para sa mga

2021 Via Crusis 1

Padi: Sa ngáran kan Amâ, asin kan Ákì,

Padi: An Kagurangnan mapa-saindó.

Ngonián nagmámàwot kita na

2021 Via Crusis 2

Magkásararo kita sa pagpamìbî

Maontok nin halipot na panahon.......

Padi: Mamìbî kitá…

2021 Via Crusis 3

VIA CRUCIS: 15 ESTACION

2021 Via Crusis 4

Padi: Sinasamba asin inoomaw mi ika, Kagurangnan.

Lector: TATARAMON NIN DIOS: Marcos 15:15

2021 Via Crusis 5

Padi: Sinasamba asin inoomaw mi ika, Kagurangnan.

Lector: TATARAMON NIN DIOS: Juan 19:16-17

2021 Via Crusis 6

Padi: Kamurawayan sa Ama asin sa Aki, asin sa Espiritu Santo

2021 Via Crusis 7

Padi: Sinasamba asin inoomaw mi ika, Kagurangnan.

Lector: TATARAMON NIN DIOS: Lucas 2:34-35

2021 Via Crusis 8

2021 Via Crusis 9

Awit: Sa saimong pagpasan, napadungkal ka nin si kagabatan, krus nin kasalan.

2021 Via Crusis 10

Padi: Sinasamba asin inoomaw mi ika, Kagurangnan.

Padi: Kamurawayan sa Ama asin sa Aki, asin sa Espiritu Santo

Awit: Kami nagtatangis, pinagbabakho ngani ming makamtan, kapatawaran.

2021 Via Crusis 11

Dakula an paggalang asin pagmidbid kan satuyang Kagurangnan sa mga

Padi: Kamurawayan sa Ama asin sa Aki, asin sa Espiritu Santo

Awit: Magbago nin buhay, sala talikdan, satong pagtangisan, pinagsolsolan.

2021 Via Crusis 12

Padi: Sinasamba asin inoomaw mi ika, Kagurangnan.

2021 Via Crusis 13

Padi: Kamurawayan sa Ama asin sa Aki, asin sa Espiritu Santo

Awit: Sa krus ka ipinako, pagtubos samo. Kami nangangako mamoot simo.

2021 Via Crusis 14

Padi: : Sinasamba asin inoomaw mi ika, Kagurangnan.

Awit: Sa krus ka nagdusa, sa krus nagadan. Kami kaherakan ta makasalan.

2021 Via Crusis 15

Padi: Sinasamba asin inoomaw mi ika, Kagurangnan.

Banwaan: Nin huli sa Mahal mong Krus, tinubos mo an kinaban.

Padi: Kamurawayan sa Ama asin sa Aki, asin sa Espiritu Santo

Awit: O Inang mamundo, puso mo tagob dahil sa pagtios, Aking si Jesus.

2021 Via Crusis 16

Ibinaba an hawak ni Jesus sa krus na mayo na nin buhay. Sa pagkagadan

Awit: Samong Paratubos, kami ligtasan. Sa mga kasalan, kami rayoan.

2021 Via Crusis 17

Padi: Sinasamba asin inoomaw mi ika, Kagurangnan.

Awit: Satong ipagrokyaw asin omawon satong Paratubos, Si Cristo Jesus.

2021 Via Crusis 18

Padi: Sinasamba asin inoomaw mi ika,

Padi: Kamurawayan sa Ama asin sa Aki, asin sa Espiritu Santo

Awit: Bagong puso, bagong buhay lalanga samo, Kagurangnan.

MENSAJE KAN PADI SA PANAHON NIN CUARESMA

Amang maheherakon asin mapagmakulog,

2021 Via Crusis 20

2021 Via Crusis 21