AN DALAN

KAN CRUZ
SA NGARAN KAN AMA,
ASIN KAN AKI, ASIN
KAN ESPIRITU SANTO.
AMEN
Kita nagkatiripon bilang banwaan nin Dios na nagsasarig
sa saiyang mamomoton na pagkaherak. Nagmamawot
kitang makamtan an balaog nin tunay na pagkasararo,
paglaom, asin katoninongan orog na sa mga familia.
Idolot niato ining Dalan kan Cruz (Via Crucis) tanganing
pagsolsolan an satuyang mga kasalan asin man an mga
kakulangan sa pag-otob kan katongdan sa familia.
PAMIBI SA
PAGPOON
 Mamibi kita.
Jesus na Kagurangnan, boot niamo
na makaibahan ka sa saimong
paglakaw mantang pinapasan mo an
cruz pasiring sa Golgota.
Logod an pag-estacion na ini, na samuyang
gigibohon orog na makapaghiro kan
samuyang isip asin puso sa paghorop-horop
kan saimong makuring pagsakit asin
pagkagadan
 An pag-estacion na ini magin logod
sarong paagi tanganing danay kaming
maghingowa na talikdan an samuyang
pagkakasala, asin makaheras sa saimong
pagsakit, pagkagadan asin pagkabuhay-liwat.
 Warasi man kan saimong kapatawaran
idtong mga nakagibo nin pagpabaya,
pagpaluya, o pagpakaraot kan integridad asin
dignidad kan familia asin buhay nin tawo.
 Tabangi man kami, na pano nin paglaom,
maagihan niamo an dalan nin pagkamoot,
makarayo sa pagkakasala asin makamtan an
saimong katoninongan sagkod na makaabot
kami sa saimong mamurawayon na kahadean.
AMEN.
HIMNO SA
PAGPOON
 AWIT
Bagong Puso, bagong buhay.
Lalanga samuya, O
Kagurangnan
HURING
PAMIBI
 Mamibi kita.
Mamomoton na Dios, Ika an samuyang kaibahan sa
pagbaklay sa dalan nin pagkasararo, paglaom, asin
katoninongan. An ginibo niamong pag-estacion
idinodolot niamo bilang gawe nin pagpenitencia.
Logod malinigan an samuyang mga puso tanganing
maninigo niamong maabot an saimong mamurawayon
na Kahadean. AMEN
 ORATIO
IMPERATA
Tumang sa paglakop kan Corona
Virus Disease 2019
 Dios na samong Ama, Minadolok kami
Saimo sa samong pangangaipo.
Hinahagad mi saimo an pagligtas samo
tumang sa epidemya kan Corona Virus na
naglalakop ngonyan asin nagdadara nin
kagadanan.
Minahagad kami kan Saimong
tabang para sa mga tawong
naghihingowa sa pag-adal kan
hinalean, kan hiro asin
paglakop kaining epidemya.
Giyahan mo an mga kamot asin
isip kan mga eksperto sa salud
tangani na sinda man
makatabang nin may
maninigong kakayahan asin
pagmakulog sa mga may
helang.
Ipinapamibi man niamo an mga
naglilingkod sa banwaan, sa
gobyerno asin pribadong
ahensiya, tangani na makahanap
sinda nin bulong sa helang na
dara kaining epidemya.
 Ipinapamibi mi man an mga
tinamaan na kan helang. Sinda man
lugod maomayan tulos. Tawan mo
kami nin biyaya na maghingowa
para sa karahayan kan gabos asin sa
mga nagsasakit.
 Ini hinahagad mi huli ki
Jesucristong Kagurangnan niamo,
Saimong Aki na kaiba mong
nabubuhay asin naghahade, kasaro
kan Espiritu Santo, Dios sa
kapanahonan kan mga panahon.
AMEN.
 O Banal na Lalawgon ni
Jesus (Divino Rostro)
Kaheraki Kami !

Nuestra Señora de
Peñafrancia,
Ipamibi Mo Kami !
 Iba pang Pamibi
tumang sa huma na
dara kan epidemya
 PAMIBI KI

SR. SAN VICENTE

FERRER
 Maugayon na gayong Dios asin Ama nin mga
pagkaherak dara an pusong nagsosolsol asin siring
kaidtong aking masamwang, minadolok ako saimo
asin nagkukurahaw, “O Ama nagkasala ako sa
langit asin sa Saimong atubang dai na ako
magkakanigo na ngaranan pang saimong aki. “Pira
daw asin guru-gurano kagabat an mga kasalan na
sakuyang ginibo? Dai ko ika namotan asin dai
pinaglingkodan.
 Sa makumbabang boot, dara an pusong
nagsosolsol, minadolok ako sa saimong Diosnon
na atubang. Uya namomotan na Ama, uya nabalik
sa saimong mga mata an saimong aking
masamwang na nagbabasangbasang kan Saimong
mahal na grasya. Natatalastas ko na dai ako sukat
magkamit nin kapatawadan, alagad giromdoma, O
Kagurangnan an kamahalmahaleng dugo na
pinabulos huli sakuya kan Saimong Aking
Diosnon.
An mga kaogdan ni Maria Santisima,
an mga kaogdan kan sakong pintakasi
na si San Vicente Ferrer, an saindang
mga kaogdan idinodolot ko Saimo
magin lugod kabayadan kan sakong
mga kasalan. Awot pa.
SR. SAN VICENTE
FERRER, Samong
Patron
Danay na ipamibi mo po
kami
 PAMIBI KI

SR. SAN ROQUE

Pintakasi laban sa mga damat asin
kasalan
 O Paladan na San Roque,
Patron kan mga may helang,
kaheraki man idtong mga
nakahigda huli sa pagsakit.
 An saimong kapangyarihan
orog kadakula kan ika yaon
pa digdi sa kinaban, na huli
kan tanda kan Cruz, dakul an
naomayan kan saindang mga
helang.
Ngonian na ika yaon na
sa kalangitan, dai
nagbabago an saimong
kapangyarihan
 Idolot mo sa Dios an
samong mga hinangos
asin luha, asin i-abot para
samuya an pagbolong na
samong hinahanap.
Huli ki Cristo na samong
Kagurangnan.
AMEN.
SR. SAN ROQUE,
Danay na ipamibi mo po
kami
 PAMIBI KI

SAN RAFAEL
ARCANGEL
 Mamuraway na
Arcangel San Rafael,
orog na principe kan
langitnon na eerokan.
 Bantog ka huli kan
saimong mga balaog
nin kadonongan asin
gracia.
 Giya ka kaidtong mga
naglalakbay, para-ranga
kan mga nahohorasa, asin
pailihan kan mga
parakasala.
 Nakikimaherak kami
saimo, tabangi kami sa
gabos niamong mga
pangangaipo asin sa gabos
na mga kasakitan kaining
buhay
Siring na tinabangan
mong makasaro an
joven na si Tobias sa
saiyang pagbaklay.
Huli ta Ika an bolong nin
Dios, mapakumbaba
kaming namimibi
tanganing saimong
bolongon
An kadakul na kahelangan
kan samuyang kalag asin
an dakul na kahelangan na
nagpapasakit kan samong
hawak.
 Sa especial na paagi,
inaarang niamo saimo na
matapos na ining
epidemya kan CORONA
VIRUS DISEASE
Asin tawan samo an orog
kadakulang gracia nin
kabinian tanganing i-
andam kami na magin
mga templo kan Espiritu
Santo. Amen.
 SAN RAFAEL
ARCANGEL,
Danay na ipamibi mo po
kami
Mamibi nin TOLONG
KAMURAWAYAN SA
SANTISIMA
 Maontok nin kadikit na panahon sa
pagtaong dalan sa mga pamibi nin
personal na kahagadan asin pagsolsol
kan mga naginibong kasalan.
 JESUS
NAZARENO,
Kaherakan Mo Kami
Pag-omawon an
Dios Sagkod pa
man !!!
 HIMNO SA
PAGTATAPO
 SA NGARAN KAN AMA,
ASIN KAN AKI, ASIN KAN
ESPIRITU SANTO.
AMEN
AN DALAN
KAN CRUZ
PARA SA
FAMILIA
VIA CRUCIS 2020