PANALANGIN PARA SA 9TH, 40TH DAYS AT

ANIBERSARYO NG MAHAL SA BUHAY

Awitin natin ang:

BUKSAN ANG AMING PUSO
Buksan ang aming puso, turuan mong mag-alab
Sa bawat pagkukuro, lahat ay makayakap.
Buksan ang aming isip, sikatan ng liwanag,
Nang kusang matangkilik, tungkuling mabanaag.
Buksan ang aming palad, sarili’y maialay,
Tulungan mong ihanap, kami ng bagong malay.

[†] Ang Tanda ng Sta Kruz ang ipag-adya mo po kami, Panginoon naming Diyos, sa
mga kaaway.
Sa Pangalan ng Ama, ng Anak, at ng Espiritu Santo. Amen.

Panginoon kong Jesukristo, Diyos na totoo at tao namang totoo, gumawa at sumakop
sa akin, pinagsisihan kong masakit na masakit sa tanang loob ko ang dilang
pagkakasala ko sa iyo, na ikaw nga ang Diyos ko, Panginoon ko at Ama ko na
iniibig kong lalo sa lahat. Nagtitika matibay na matibay na hindi na ako muling
magkakasala sa iyo at nagtitika naman akong magkumpisal ng dilang kasalanan ko.
Umaasa akong patatawarin mo alang-alang sa mahal na pasyon at pagkamatay mo sa
krus dahilan sa akin. Siya nawa.

PANALANGIN
Nakapangyayari sa lahat at lubhang maawaing Panginoon, masintahing Jesus sa mga
puso, kagila-gilalas sa inyong mga santo, nang liningin mo ang mga hibik at mga
daing ng mga banak na kaluluwa sa Purgatoryo lalung-lalo na ang kaluluwa ni
_______________, na nagnanasang magkamit ng iyong awa at ang mga pagdalangin
na ginagawa nitong Nobena sa iyo, ng masintahin sa kanila, ng magkamit dito ng
kahalak-halak na bukal ng iyong mga awa, paghanguin mo sila doon sa mabangin na
bilangguan na lalong pinagkakasakitan, at ipinag-aamo-mo namin sa iyo na siyang
una-unang magkamit tulong yaong nangagdaralita sa amin, ang malapit naming
kamag-anak, ang lalong walang umaalala, at ang malapit nang mangahango sa
Purgatoryo. Ipinag-aamo-amo naming sa iyo Panginoon naming, tangi sa lahat
yaong lalong nagpakasakit sa amin, at hanguin mo ang sumasakasalanang Malaki sa
kalunus-lunos na lagay, at iuwi mo sa totoong pagsisisi ng kanilang kasalanan,

1|Page
pagkalooban mo kami ng iyong grasya nang di ka naming pagkasalanan, at ang
lalong dapat sa amin na ikapapasalangit. Siya nawa.

N: Ama naming, sumasalangit ka, Sambahin ang ngalan Mo. Mapasaamin ang
kaharian Mo. Sundin ang loob Mo dito sa lupa para nang langit.

S: Bigyan Mo kami ngayon ng aming kakanin sa araw-araw, at patawarin

Mo kami sa aming mga sala, para nang pagpapatawad naming sa mga
nagkakasala sa amin. At huwag Mo kaming ipahintulot sa tukso at iadya Mo
kami sa lahat ng masama. Amen.

N: Aba Ginoong Maria, napupuno ka ng grasya ang Panginoong Diyos ay

sumasaiyo, bukod kang pinagpala sa babaeng lahat at pinagpala naman ang iyong
anak na si Hesus.

S: Sta. Maria, Ina ng Diyos, ipanalangin Mo kaming makasalanan, ngayon

at kung kami’y mamatay. Amen.

N: Luwalhati sa Ama, at sa Anak, at sa Espirity Santo.

S: Kapara noong unang-una ngayon at magpakaylanman at

magpasawalang hanggang. Siya nawa.

PANALANGIN

Buksan mo, Panginoon ko, ang mga labi namin, palusugin ang aming loob at
pakalinisin sa mga walang kapakanang-mahalay at likong akala. Liwanagin mo ang
aming bait, papagningasin ang aming puso nang magunam-gunam naming
mataimtim ang kamahal-mahalan mong pinagdaanang hirap at kamatayan sampu ng
kapaitang dinalita ng iyong marangal na Ina, at maging dapat kaming dinggin sa
harapan ng iyong di matingkalang kapangyarihan, ikaw na nabubuhay at naghahari
magpasawalang hanggan. Siya nawa.

2|Page
MAUPO O LUMUHOD 

N: Lubhang maawaing Jesus; lingapin mo po ng iyong matang maamo ang kaluluwa

ni: _________________________ na bininyagang namatay.

S: Ng dahil sa kaniya ay nagpakasakit ka at namatay sa Krus, Siya nawa.

ANG SAMPUNG PANGANDAING

(kasasambitan ng mga Sakit na tiniis n gating Mananakop na kung uuliting makalima ay yumayari
ng isang Rosaryo para sa mga kaluluwa sa purgatory)

1: Jesus ko, alang-alang sa masaganang dugo na iyong ipinawis nang manalangin ka

sa halamanan
S: kaawaan mo po at patawarin ang kaluluwa ni _________
2: Jesus ko alang-alang sa tampal na tinanggap ng iyong kagalang-galang na mukha
S: kaawaan mo po at patawarin ang kaluluwa ni _________
3: Jesus ko alang-alang sa masakit na hampas na iyong tiniis.
S: kaawaan mo po at patawarin ang kaluluwa ni _________
4: Jesus ko alang-alang sa koronang tinik na nagsitimo sa kasantu-santusan mong
ulo.
S: kaawaan mo po at patawarin ang kaluluwa ni _________
5: Jesus ko, alang-alang  sa paglakad mo sa lansangan ng kapaitan, na ang Krus ay
iyong kababaw-babaw.
S: kaawaan mo po at patawarin ang kaluluwa ni _________
6: Jesus ko, alang-alang sa kasantu-santosan mong mukha na naliligo sa dugo at
iyong binayaang malarawan sa birang ni Veronica.
S: kaawaan mo po at patawarin ang kaluluwa ni _________
7: Jesus ko, alang-alang sa damit mong natigmak na dugo na biglang pinaknit at
hinubad sa iyong katawan niyong mga tampalasan.
S: kaawaan mo po at patawarin ang kaluluwa ni _________
8: Jesus ko, alang-alang sa kasantu-santosan mong katawan na napako sa Krus.
S: kaawaan mo po at patawarin ang kaluluwa ni _________
9: Jesus ko, alang-alang sa’yong kasantu-santosang paa at kamay na pinakuan ng
mga pakong ipinagdalita mong masakit.
S: kaawaan mo po at patawarin ang kaluluwa ni _________
10: Jesus ko, alang-alang sa tagiliran mong nabuksan sa saksak ng isang matalim na
sibat at binukalan ng dugo at tubig.
S: kaawaan mo po at patawarin ang kaluluwa ni _________
N: Pagkalooban mo si _____________, ng pamamahingang walang hanggan.
S: At tumanglaw sa kanya ang Liwanag, ilaw na walang katapusan.

3|Page
N: Mapanatag nawa siya sa kapayapaan.
S: Siya Nawa.

PAGBASA SA EBANGHELYO 

(MAGSITAYO ANG LAHAT)

PAGHAHAIN
Katamis-tamisang Jesus ko, na sa pagsakop mo sa sangkatauhan ay inibig mong
ikaw ay ipanganak sa lupa, tumulo ang iyong mahalagang dugo sa pagtutuli;
inalipusta ng mga Judio, napasakamay niyong mga tampalasan sa paghalik ni Judas.
Ginapos ng mga lubid; dinala sa pagpaparipahan sa iyo, tulad sa Corderong walang
sala, iniharap kay Añas, kay Cayfas, kay Pilato at kay Herodes, niluran
pinaratangan at pinatotohanan ng mga saksing sinungaling, tinampal, naging
alimura, natadtad ng sugat ang buo mong katawan sa hampas ng suplina. Pinutungan
ng koronang tinik at natakpan ang iyong mukha ng isang purpura sa pagpapalibhasa
sa iyo. Nalagay sa isang pagkabuhong kahiya-hiya, napako sa krus at natindig sa
kaniya, napagitna sa dalawang magnanakaw, na parang isa sa kanila, pinainom ng
apdong nilahukan ng suka at ang iyong tagiliran ay silain ng isang sibat. Hanguin
mo na Panginoon ko, alang-alang doon sa madlang sakit, na lubhang mapait para ng
dalitain mo ang mga kaluluwa sa purgatory, lalung-lalo na ang kaluluwa ni
_____________________, sa pagdurusa niya, i-akyat mo siya (sila) ng
mangatiwasay sa iyong kaluwalhatian, at iligtas mo siya, alang-alang sa karapatan
ng iyong kasantu-santusang pagpapakasakit at pagkamatay sa krus, sa mga hirap sa
impierno, ng siya (sila) ay maging dapat na pumasok sa payapang kaharian na iyong
pinagdalhan sa mapalad na magnanakaw na nakisama sa iyong naripa sa krus,
nabubuhay ka nga at naghahari na kasama nang Diyos Ama at nang Diyos Espiritu
Santo, magpasawalang-hanggan. Siya nawa.

LITANIA KAY SANTA MARIA

N: Diyos na Poon, saklolohan mo kami.
S: Jesukristo maawa ka sa amin.
N: Diyos na Poon, kahabagan mo kami.
S: Cristo, pakinggan mo kami.
N: Cristo, mahabag ka sa amin.
S: Pakapakinggan mo kami.
N: Panginoon, maawa ka sa amin.
S: Cristo, maawa ka sa amin.
N: Cristo, pakinggan mo kami.

4|Page
S: Cristo, pakapakinggan mo kami.
N: Diyos Ama sa langit
S: Maawa ka sa kaluluwa ni / nila ______________.
N: Diyos Anak na tumubos sa sanlibutan.
S: Maawa ka sa kaluluwa ni / nila ______________.
N: Diyos Espiritu Santo,
S: Maawa ka sa kaluluwa ni / nila ______________.
N: Santisima Trinidad na tatlong Persona at iisang Diyos.
S: Maawa ka sa kaluluwa ni / nila ______________.
N: Sta. Maria,
S: Ipinalangin mo ang kaluluwa ni / nila ___________.

N: Santang Ina ng Diyos

IPANALANGIN MO SIYA/SILA
Santang Birhen ng mga Birhen
Ina ni Cristo,
Ina ng Grasya
Inang kasakdal-sakdalan
Inang walang malay sa kahalayan
Inang di malapitan ng masama
Inang kalisin-linisan
Inang pinaglihing walang kasalanan
Inang kaibig-ibig
Inang kataka-taka
Ina ng mabuting kahatulan
Ina ng may gawa sa lahat
Inang mapag-adya
Birheng kapahampahaman
Birheng dapat igalang
Birheng dapat ipagbantog
Birheng makapangyayari
Birheng maawain
Birheng matibay na loob sa magaling
Salamin ng katuwiran
Luklukan ng karunungan
Mula ng tiwa namin,
Sisidlan ng kabanalan
Sisidlang bunyi at bantog
Sisidlan bukod na mahal na loob na
5|Page
 makusaing sumunod sa Panginoong Diyos
Rosang bulaklak, na di mapuspos ng bait ng tao ang
halaga
Torre ni David
Torreng gareng

N:
IPANALANGIN MO SIYA/SILA
Bahayna ginto,
Kaban ng tipan,
Pinto ng langit,
Talang maliwanag,
Mapagpagaling sa mga maysakit,
Pagsasakdalan ng mga taong makasalanan,
Mapang-aliw samga nagdadalamhati,
Mapag-ampon sa mga kristianos,
Reyna na mga Angel,
Reyna ng mga Patriyarka,
Reyna ng mga Propeta,
Reyna ng mga Apostol,
Reyna ng mga Martir,
Reyna ng mga Confesor,
Reyna ng mga Virgen,
Reyna ng lahat ng mga Santo,
Reynang ipinaglihi na di nagmana ng salang orihinal,
Reynang iniakyat sa langit,
Reyna ng kasantu-santuhang rosary,
Reyna ng kapayapaan,

N: Kordero ng Diyos, na nakawawala ng mga kasalanan ng

sanlibutan,
S: Patawarin mo po kami / siya Panginoon.
N: Kordero ng Diyos, na nakawawala ng mga kasalanan ng
sandaigdigan.
S: Pakapakinggan mo po kami / siya, Panginoon.
N: Kordero ng Diyos, na nakawawala ng mga kasalanan ng
santinakpan

6|Page
S: Maawa ka sa amin / kanya.

Lahat: Sa ilalim ng iyong pagkakandili, oh Santang Ina ng Diyos, kami ay

lumililong huwag mong talikdan ang aming pag-amo-amo, kung dinaratnan ng
kasalatan, bagkus iyong iadya kami sa dilang panganib. Birheng mahal at
maluwalhati; ABA PO SANTA MARIANG REYNA, Ina ng Awa/Ikaw ang
kabuhayan at katamisan/ Aba pinanaligan ka naming/ ikaw nga po ang tinatawag
namin/ pinapanaw na taong anak ni Eba/ Ikaw rin ang pinagbubuntuhang hininga
namin / ng aming pagtangis / dini sa lupang bayang kahapis-hapis. / Ay aba
pintakasi ka naming / ilingon mo sa amin ang mga mata mong maawain / at saka
kung matapos yaring pagpanaw sa amin / ipakita mo sa amin ang iyong anak na si
Jesus / Sta. Maria Ina ng Diyos / maawain at maalam at matamis na Birhen.

N: Ipanalangin mo kami, Santang Ina ng Diyos.

S: Nang kami’y maging dapat makinabang sa mga pangako ni
Hesukristong Panginoon.
N: Panginoon dinggin mo pong malugod ang aming pag-aamo-
amo
S: At dumating sa iyong tainga ang aming pagdaing.
N: Ama namin …….. Aba Ginoong Maria …… Luwalhati sa Ama
S: Bigyan Mo kami… Sta Maria … Kapara noong unang-unan…

PANALANGIN

Diyos at Panginoon namin, gumawa at sumakop sa sangkatauhan hukom sa

nangabubuhay at namamatay, inihahandog namin sa iyo sa buong pangangayupapa
ang mga panalangin at pagsinta, kahirapan at mga gawang kagalingan, bukod tangi
itong Mahal na Nobena sa mga kaluluwang napipiit sa kakila-kilabot na Purgatoryo,
lalung-lalo na ang kaluluwa ni _____________, ng aming mga kamag-anak,
kaibigan at iba pang pinagkakautangan. Tanggapin mo Panginoon namin, alang-
alang at pakundangan sa mga hirap na dinalita sa tatlumpo at tatlong taong
nakipanayam ka sa amin at sa pitong sakdal na ipinagpakasakit ng maluwalhati
mong Ina, sa pamamagitan ng mahal na Poong San Jose at ng iba pang mga Santos
na kanilang pintakasi. Maging dapat nawa sa iyo itong pagnonobena na
ipinatutungkol naman sa kanila, na sa iyong mahal na dugo, nanangan at umaasa at
hindi sa aming karapatan. Ay di man kami karapat-dapat ngayong pakinggan. Sila ay
pawa mong kaibigan, na di mangyaring maitakwil mo. Oh, dakilang Diyos! Sa iyong
pag-ibig, huwag nawa nganing makahahadlang sa kaginhawahan nila ang aming
kasalanan, ang aming kawalan at kauntian, yayamang kailanman ay di nagtakwil ng
7|Page
pusong nagsisi at nangangayupapa; at kung gaano ang pagka-awa ng isang ama sa
kanyang mga anak, ay gayon naman ang pagkahabag mo Panginoon namin sa
nangatatakot sa iyo, na natatalastas mo ang karupukan nila at karalitaan.
Pagkalooban mo nga sila ng kapayapaang walang hanggan, nang makapasok agad sa
kaharian ng iyong luwalhati na doon ay sasambahin ka at pupurihing walang
humpay sa kapisanan ng mga lumuluwalhati at ipanalangin mo kaming
makasalanan. Siya nawa.

PANALANGIN
Ipinagtatagubilin naming sa iyo, Panginoon naming ang kaluluwa ni ____________,
na sa pagkapanaw dito sa lupa, alang-alang sa walang katapusan mong awa ang mga
kasalanang nagawa at laging mabuhay sa iyo, magpasawalang hanggan. Siya nawa.

N: Ama naming…. Aba Ginoong Maria…. Luwalhati sa Ama…

S: Bigyan mo kami …. Sta Maria…. Kapara noong unang una…

PANALANGIN

Panginoon naming Jesucristo, Amang katamis-tamisan, pakundangan sa pagkaligaya

ng iyong kaibig-ibig na Ina ng ikaw ay pakita sa kaniya niyong gabing mabuhay
kang mag-uli, at ng ikaw ay makitang punung-puno ng kaluwalhatian, alang-alang
sa iyong pagka-Diyos, idinaraing naming sa iyo na kami ay liwanagan mo ng mga
biyaya ng Diyos Espiritu Santo, ng sa araw-araw samantalang kami ay buhay
mangyaring matupad naming ang iyong loob; nabubuhay ka nga at naghahari
magpasawalang hanggan. Siya nawa.

N: +Santong Diyos, +Santong makapangyarihan, +Santong walang kamatayan (3x)

S: Maawa ka sa kaluluwa ni _______________.

PANALANGIN SA MGA KALULUWA SA PURGATORYO

Alalahanin mo, Panginoon ang iyong mga nilalang na tinubos ng iyong mahalagang
dugo; Jesus, Maria y Jose, sa inyo kami’y dumadalangin upang mapaginhawa mo
ang nabibilanggo sa Purgatoryo na tinubos ng yong mahalagang dugo. Ibigay mo po
sa kanila, Panginoon, ang walang hanggang ilaw. Mapahinga nawa sila sa
kapayapaan. Siya nawa.

PANALANGIN
8|Page
Oh Panginoon, na naggagawad ng kapatawaran, at nagnanais ng kaligtasan ng mga
tao. Hinihingi namin sa iyo Panginoon, ang iyong awa, upang ang lahat naming
kamag-anak, kaibigan at mga gumagawa ng magaling sa amin na pumanaw na dito
sa mundo sampu ng lahat ng mga kaluluwa sa Purgatoryo, sa pamamagitan ng
kabanal-banalang Birheng Maria, at lahat ng mga Santo ay pahintulutan mo silang
pumasok sa kaluwalhatian ng buhay na walang hanggan. O D’yos na lumalang at
tagapag-ligtas ng lahat, na sa iyo’y naniniwala, ibigay mo po Panginoon sa mga
kaluluwa sa Purgatoryo ang iyong kapatawaran sa lahat nilang mga kasalanan upang
kamtin nila, sa tulong ng aming tunay at masikap na pamamagitan at pananalangin
ang iyong awa na lagi ng inaasam-asam nila. Ikaw na nabubuhay at naghahari na
kasama ng walang hanggang Ama at ng Espiritu Santo magpakaylan man. Siya
nawa.

N: Ama namin…..Aba Ginoong Maria …… Luwalhati sa Ama…….

S: Bigyan mo kami…Sta Maria…Kapara noong unang-una…

SUMASAMPALATAYA

Sumasampalataya, ako sa Diyos Amang Makapangyayari sa lahat, na may gawa ng

langit at lupa.

Sumasampalataya, ako kay Jesukristo, iisang Anak ng Diyos, Panginoón nating

lahat. Nagkatawang-tao Siya lalang ng Espíritu Santo, ipinanganak ni Santa Mariang
Birhen. Pinagpakasakit ni Póncio Pilato, ipinakò sa krus, namatay, inilibing. Nanaog
sa kinaroroonan ng mga yumao. Nang may ikatlong araw, nabuhay na mag-
ulî. Umakyat sa langit, naluluklok sa kanan ng Diyos Amang Makapangyayari sa
lahat. Doon magmumulang paririto’t maghuhukom sa mga nangabubuhay at
nangamatay na tao.

Sumasampalataya naman ako sa Diyos Espíritu Santo; sa Banal na Simbahang

Katólika; sa kasamahan ng mga Banal;  sa kapatawaran ng mga kasalanan;  sa
pagkabuhay na muli ng nangamatay na tao at sa buhay na walang-hanggan. Siya
nawa

Lahat: Purihin at pasalamatan ang kasantu-santusang sakramento

sa altar, ang kalinis-linisang paglilihi kay Sta. Maria, Ina ng Diyos
na Panginoon nating lahat; na ipinaglihing di nagmana ng salang

9|Page
 orihinal mula pa sa unang sandali ng kanyang pagkatao at
magpakaylan man. Siya nawa.

MGA AWIT:

1. DIYOS LAMANG ANG NAKAKA-ALAM

Ang buhay tulad ng isang awiit lamang,

Mayroong simula t may katapusan.
Ang araw at gabi’y, lumulungkot hirang,
Sa mga suliraning pinaglalabanan.

Ang aking pagkukunwari sa buhay,

Pagbabalatkayo sa katotohanan.
Ano man ang aking maging kapalaran.
Tanging Dyos lamang ang nakaka-alam.

2. HINDI KITA MALILIMUTAN

Hindi kita malilimutan, hindi kita pababayaan.

Nakaukit magpakain man, sa ‘king palad ang ‘yong pangalan.
Malilimutan ban g ina, ang anak na galing kanya.
Sanggol sa kanyang sinapupunan, paano nya matatalikdan?
Coda: Hindi kita malilimutan, kalian ma’y di pababayaan.
Hindi kita malilimutan, kalian ma’y di pababayaan.

3. MAY BUKAS PA
Huwag damdamin ang kasawain,
May bukas pa sa iyong buhay.
Sisikat din ang iyong araw,
Ang landas mo ay mag-iilaw.

Sa daigdig ang buhay ay ganyan,

Mayroong ligaya at lumbay
10 | P a g e
 Maghintay at may nakalaang bukas.

May bukas pa sa iyong buhay,

Tutulungan ka ng Diyos na may lalang.
Ang iyong pagdaramdam,
Idalangin mo sa Maykapal.
Na sa puso mo ay mawala ng lubusan.
(REPEAT 2nd Stanza, the Last and 2nd Stanza)

4. SAAN KA MAN NAROROON

Saan ka man naroroon sinta / inay / itay / anak.
Pag-ibig kong wagas ang ‘yong nadarama.
Kailan pa man sa iyo’y di lilimot,
Pusong uhaw sa iyong pag-irog.

Saan ka man naroroon sinta/ inay/ itay / anak.

Pangarap ko’y ikaw, pagka’t mahal kita.
Asahan mong sa habang panahon,
Ala-ala kita saan ka man naroroon.

5. SILAYAN

Silayan at bigyan ng pag-asa, pagmamahal pusong nagdurusa.

Iwasan ang pag-aalinlangan, lahat ng araw kita’y mamahalin.
Sa labi ng imbing kamatayan, itangi yaring pagmamahal.
Tulutang magtapat sa iyo hirang, lahat ng araw kita’y mamahalin.

11 | P a g e