PANALANGIN SA KALULUWA NI SAN GREGORIO

Sa ngalan ng Ama, ng Anak at Dios Espiritu Santo, Amen

SUMASAMPALATAYA

Sumasampalataya ako sa Dios Amang

makapangyarihan sa lahat, na may gawa ng langit at lupa.
Sumasampalataya naman ako kay Hesukristo, iisang anak
ng Dios, Panginoon nating lahat. Nagkatawang - tao Siya
lalang ng Dios Espiritu Santo, ipinanganak ni Santa Mariang
Birhen. Pinagpakasakit ni Poncio Pilato, ipinako sa krus,
namatay, inilibing. Nanaog sa kinaroroonan ng mga yumao.
Nang may ikatlong araw, nabuhay na magmuli. Umakyat sa
langit, naluklok sa kanan ng Dios Amang makapangyarihan
sa lahat. Doon nagmumula at paririto’t huhukom sa mga
nabubuhay at nangamatay na tao.
Sumasampalataya naman ako sa Dios Espiritu Santo, sa
banal na Simbahang Katolika, sa kasamahan ng mga banal,
sa ikawawala ng mga kasalanan, at mabubuhay na magmuli
ang mga nangamatay na tao at may buhay na walang
hanggan. SIYA NAWA.

1|P a g e
 PANALANGIN

Buksan mo Panginoon ko ang mga labi namin, palusugin

ang aming mga loob, at paka – linisin sa mga walang
kapakanang mahalay at likong akala. Linawin Mo ang aming
bait, papagningasin ang aming puso ng magunam – gunam
naming mataimtim ang kamahal – mahalan Mong
pinagdaanang hirap at kamatayan, sampu ng kapait –
paitang dinaralita ng Iyong marangal na Ina, at maging dapat
kaming dinggin sa harapan ng Iyong di matingkalang
kapangyarihan, nanabubuhay Ka nga at naghahari
mapagsawalang hanggan. SIYA NAWA.

(AMA NAMIN….)

Lubhang maawaing Jesus ko, lingapin Mo ng matang

maamo ang kaluluwa ng bininyagang namatay na si
______________ ng dahil sa kanya ay nagpakasakit Ka at
nagpakamatay sa Krus. SIYA NAWA.

ANG SAMPUNG JESUS

1. Jesus ko, alang alang sa masaganang dugo na iyong

ipinawis ng manalangin ka sa halamanan. (Kaawaan mo
po …)
2. Jesus ko, alang alang sa tamapal na tinanggap ng Iyong
kagalang – galang na mukha.

2|P a g e
 3. Jesus ko, alang alang sa masakit na hampas na Iyong
tiniis.
4. Jesus ko, alang alang sa koronang tinik na nagsitimo sa
kasanto – santosan Mong ulo.
5. Jesus ko, alang alang sa paglakad Mo sa lansangan ng
kapaitan, na ang Krus ay iyong kababaw – babaw.
6. Jesus ko, alang alang sa kasanto – santosan Mong
mukha na naliligo sa dugo at Iyong binayaang
malarawan sa Birang ni Veronica.
7. Jesus ko, alang alang sa damit Mong tigmak sa dugo na
biglang pinaknit at hinubad sa Iyong katawan Niyong
tampalasan.
8. Jesus ko, alang alang sa kasanto – santosan Mong
katawan na napako sa Krus.
9. Jesus ko, alang alang sa kasanto – santosang paa at
kamay na pinakuan ng mga pakong ipinagdalita Mong
masakit.
10. Jesus ko, alang alang sa tagiliran Mong nabuksan
sa saksak ng matalim na sibat at binukalan ang dugo at
tubig.

SAGOT: KAAWAAN MO PO AT PATAWARIN ANG MGA

KALULUWA SA PURGATORIO (pangalan ng namatay na
ipinagdarasal)

3|P a g e
 V: REQUIEM ETERNAM DONAIS DOMINE.
R: LUX PERPETUA LUCEAT EIS.
V: REQUIES AT EMPAZEM.
R: AMEN.
(LUWALHATI – AMA NAMIN)
(Ulitin ng sampung beses mula sa lubhang maawaing
Jesus ko…)

PANALANGIN
Katamis – tamisang Jesus ko, sa pagsakop sa
sangkatauhan ay inibig kong Ikaw ay ipanganak, tumulo
ang mahalagang dugo, inalipusta ng mga Hudio,
napasakamay niyong mga tampalasan sa paghalik ni
Hudas, ginapos ng lubid, dinala sa pagpaparipahan sa Iyo,
tulad sa Corderong walang sala, iniharap kay Anas, kay
Pilato at kay Herodes; niluran, pinaratangan at
pinatotohanan ng mga saksing sinungaling; tinampal,
naging alimura, natadtad ng sugat ang buong katawan sa
hampas ng suplina; pinatungan ng koronang tinik,
natakpan ang Iyong mukha ng isang purpura sa
pagpalibhasa sa Iyo; nalagay sa isang pagkabuhong sa
kahiya – hiya, napako sa Krus at natindig sa kanya,
napagitna sa dalawang magnanakaw na parang isa sa
kanila; pinainom ng apdong nilinahukan ng suka at ang
Iyong tagiliran ay silain ng isang sibat.

4|P a g e
 Hanguin Mo na Panginoon ko, alang – alang doon sa
madlang sakit na lubhang mapait, para nang dalitain Mo
ang mga kaluluwa sa Purgatoryo, sa pagdurusa nila, iakyat
Mo silang matiwasay sa Iyong kaluwalhatian at iligtas Mo
sila alang – alang sa mga karapatan ng Iyong kasanto –
santosang pagpapakasakit at pagkamatay Mo sa Krus, sa
mga hirap sa impyerno, ng sila ay maging dapat pumasok
sa payapang kaharian na Iyong pinagdalhan sa mapalad
na magnanakaw na napakisama sa Iyong naripa sa Krus,
na nabuhay Ka nga at naghahari na kasamahan ng Dios
Espiritu Santo. SIYA NAWA.

Aba Anak ng Diyos Ama, Aba Ina ng Diyos Anak, Aba

Esposa ng Diyos Espiritu Santo, Aba simbahang mahal ng
Santisimo Sacramento sa Altar, Aba kalinis – linisang
paglilihi na di nagmana ng kasalanang orihinal,
idinadalangin naming sa Iyo ang kaluluwa ni (pangalan ng
ipinagdarasal) / (kaluluwa sa Purgatoryo) na nawa’y maging
karapat – dapat siya sa Iyong pagpapala. AMEN.
(3 beses kasabay ang tanda ng Santa Krus)
AMA NAMIN, ABA GINOONG MARIA, LUWALHATI…

5|P a g e
 ***LITANYA***
Panginoon, maawa ka sa amin.
Kristo maawa ka sa amin.
Panginoon, maawa ka sa amin.
Hesukristo, pakapakinggan mo kami
Kristo, mahabag Ka sa amin.
Kristo, pakapakinggan Mo kami.
Diyos Ama sa langit. (Maawa ka sa amin)
Diyos Anak na tumubos sa sala ng sanlibutan
Diyos Espiritu Santo
Santisima Trinidad na tatlong Persona at iisang Diyos,
Santa Maria (ipanalangin mo siya/sila)
Santang Ina ng Diyos
Santang Birhen ng mga Birhen,
Ina ng Kristo
Ina ng grasya ng Diyos
Inang kalinis - linisan
Inang walang malay sa kahalayan,
Inang 'di malapitan ng masama
Inang wagas sa kalinisan
Inang kaibig-ibig,
Inang kataka-taka
Ina ng mabuting kahatulan,
Ina ng may gawa sa lahat
Ina ng mananakop

6|P a g e
Birheng kapaham-pahaman
Birheng dapat igalang
Birheng dapat ipagbantog
Birheng makapangyayari
Birheng maawain
Birheng matibay na loob sa magaling,
Salamin ng katuwiran
Luklukan ng karungunan
Mula ng tuwa namin
Sisidlan ng bunyi at bantog
Sisidlan ng kabanalan
Sisidlang mahal at tangi na makusaing loob na sumunod sa
Panginoong Dios
Rosang bulaklak na di malirip ng bait ng tao ang halaga
Tore in David
Toreng garing
Bahay na ginto
Kaban ng tipan
Pinto ng langit
Talang maliwanag
Mapagpagaling sa mga maysakit
Pagsasakdalan ng mga makasalanan
Mapag-aliw sa mga nagdadalamhati
Mapag-ampon sa mga Kristiyano
Hari ng mga Anghel
Hari ng mga Patriarka

7|P a g e
Hari ng mga Propeta
Hari ng mga Apostol
Hari ng mga Martir
Hari ng mga Confesor
Hari ng mga Birhen
Hari ng lahat ng santo
Haring ipinaglihi na 'di nagmana ng kasalanang orihinal
Haring iniakyat sa langit
Hari ng kasantu-santosang Rosaryo
Hari ng kapayapaan

Kordero ng Diyos, ikaw ang nakawawala ng kasalanan ng

sanlibutan.
-Patawarin mo po siya/sila, Panginoon namin.
Kordero ng Diyos, ikaw ang makawawala ng kasalanan ng
sandaigdigan.
-Paka-pakinggan mo po siya/sila, Panginoon namin.
Kordero ng Diyos, ikaw ang nakawawala ng kasalanan ng
santinakpan ng langit.
-Kaawaan mo po siya/sila Panginoon namin.

Sa ilalim ng iyong pagkakandili, oh Santang Ina ng

Diyos, kami ay lumililong, huwag mong talikdan ang aming
pagaamo-amo kung dinaratnan ng kasalatan, bagkus iyong
iadya kami sa dilang panganib. Birheng mahal at
maluwalhati.

8|P a g e
V: Ipanalangin mo po siya/sila O Santang Ina nang Diyos.
R: Ipanalangin mo siya/sila ay maging dapat magkamit na
mga pangako ni Hesukristong ating Panginoon.

Panginoon naming Dios, dinggin mong malugod ang

aming pag-amu-amo at dumating nawa sa iyong tainga
ang aming pagtangis. (3 beses)

Ipanagtatagubilin namin sa iyo Panginoon ang kaluluwa

ni (Pangalan ng ipinagdadasal sa Purgatoryo) na sa pagkat
pumanaw na dito sa mundo, mangyaring iyong ipagpatawad
sa kanya/kanila alang-alang sa walang katapusan mong
awa, ang mga kasalanang nagawa at laging mabuhay sa iyo
magpasa-walang hanggan. SIYA NAWA

Aba Po Santa Mariang Hari

Aba Po Santa Mariang Hari, Inang ng Awa. Ikaw ang
kabuhayan at katamisan; Ay Aba pinananaligan ka naming,
Ikaw nga ang tinatawag naming at pinapanaw na taong anak
ni Eva. Ikaw rin ang pinagbunbuntong hininga naming ng
aming pagtangis dini sa lupa, bayang kahapis-hapis. Ay aba,
pintakasi ka namin, ilingon mo sa amin, ang mga mata mong
maawain, at saka kung matapos yaring pagpanaw ay ipakita
mo sa amin ang iyong Anak na si Hesus, maawain at maalam
at matamis na Birhen.

9|P a g e
Birheng kalinis-linisan ng di pa nanganganak, linisin mo ang
aming pag-iisip.
(ABA GINOONG MARIA)
Birheng kalinis-linisan sa panganganak, linisin mo ang
aming pangungusap.
(ABA GINOONG MARIA)
Birheng walang dungis ng makapanganak na, linisin mo
ang aming mga gawa at nasa.
(ABA GINOONG MARIA)

(AMA NAMIN, ABA GINOONG MARIA, LUWALHATI)

Jesus, Maria at Joseph, kamahal-mahalan kong

pintakasi, Jesus na mananakop, Mariang mapag-ampon,
Joseph na mapag-pala, tignan ang iyong abang alipin,
naninikluhod sa iyong mga talampakan, nagmamaka-awang
iligtas mo kami sa mga panganib ng aming kaluluwa at
katawan, iyong kalingain sa buong buhay na ito, at sa oras
ng pagkalagot ng aming hininga, at ng aming makamit ang
magandang kamatayan magpuri sa Dios, sa kaluwalhatian
sa Langit.
SIYA NAWA
(AMA NAMIN, ABA GINOONG MARIA, LUWALHATI)

10 | P a g e
V: REQUIEM ETERNAM DONAIS DOMINE
R: LUX PERPETUA LUCEAT EIS
V: REQUIES AT EMPAZEM
R: AMEN.
PAGSISISI
Panginoon kong Hesukristo, Diyos na totoo at tao namIng
totoo na gumawa at sumakop sa akin. Pinagsisisihan kong
masakit na masakit sa tanang loob ko ang dilang
pagkakasala ko sa iyo, na Ikaw nga ang Diyos ko, Panginoon
ko at Ama kong iniibig kong lalo sa lahat.
Nagtitika akong matibay na matibay sa tanang loob ko
na di na muling magkakasala sa Iyo at nagtitika naman
akong magkumpisal ng dilang kasalanan ko. Umaasa akong
patatawarin mo rin alang-alang sa Iyong mahal na Pasyon at
pagkamatay Mo sa krus ng dahil sa akin. Siya Nawa.

SANTONG DIOS, SANTONG KALAKAS-LAKASAN,

SANTONG WALANG KAMATAYAN, DIOS NG SANLIBUTAN,
SIYA/SILA PO AY INYONG KAAWAAN
(3 BESES KASABAY ANG TANDA NG SANTA KRUS.)

Purihin ang Kasanto-santong Sakramento ng Altar, at kilinis-

linisang paglilihi ni Santa Maria na Ina ng Dios at dating
Panginoon natin na di nagmana ng kasalanang orihinal
hanggang sa mula at mula at magpakailanman. SIYA NAWA.

11 | P a g e
 BENDITO
Bendito y alabado, sea al Santissima, Sacramento del Altar,
do la limpia Immaculada Concepcion, Nuestra Señora de la
Virgen Maria, Señora Nuestra, Concivida sin Macha De
Peccado, original de primer ostante, de se ser natural,
por siempre jamas, Amen Jesus.

P: Ave Maria Purissima

E: Sin Peccado concivida
(3 BESES)
SA NGALAN NG AMA, NG ANAK AT NG ESPIRITU SANTO.
AMEN.

12 | P a g e