Panalangin sa Araw-araw

Kalinis-linisang Niña Maria at Mapagkandiling Ina; Buhat sa aming abang kalagayan at

pagkakasadlak sa kasalanan ay pinagmamakaamo namin sa iyo na pagdalitaang dinggin ang
aming mga karaingan at tapunan kami ng sulyap ng mga mata mong maawain.O Batis ng awa,
marapatin mo pong dinggin ang pagsisiyam naming ito upang maging daan ng ipatatamo namin
ng iyong masaganang biyaya ,Hindi lamang para sa aming katawan kundi lalung-lalo na para sa
aming kaluluwa ,para sa ipagbabalik- loob ng mga makasalanan at ikapapanuto nitong aming
bayan ,alang-alang sa walang hanggang kaluwalhatian ng Diyos .Amen.

Panalangin sa Unang Araw

Oh kaibig-ibig naming Nina Maria, Buhat sa Tahanan ni David, Reyna ng Mga Anghel, Ina ng
Biyaya at pag-ibig, binabati Kita ng buong puso. Ipagkaloob mo sa akin ang biyaya na mahalin
Ko ang Panginoong Diyos ng Puno ng Katapatan sa aking buong Buhay. Ipagkalooob mo sa akin
sa pamamagitan ng Dakilang Pagdedebosyong sa iyo, Kung saan ikaw ang kauna-unahang
nilikha sa Dakilang Pag-ibig ng Diyos, Amen.

Panalangin sa Ikalawang Araw

Oh Makalangit na Nina Maria, Kung saa’y Kawangis ng isang dalisay na Kalapati sa

Kadalisayan,ipananganak ng walang bahid dungis at puno ng kagandahan, totong itinakda na
maging Karunungan ng Diyos, Ang Puso Ko’y nagpupuri. Oh , Nina Maria tulungangan mong
manatili sa akin ang mala-anghel na virtud ng kadalisayan sa anumang uri ng pagtitiis. Amen.

Panalangin sa Ikatlong Araw

Aba! Kaibig-ibig at Kabanal-banalang Nina Maria, halamanan ng Kaliwanagan ng Kaluluwa na

kung saan noong panahon ng Pagkakatawang Tao, ang puno ng buhay ay natamin, agapayanan
mo akong makatawid sa mga naka- lalanong bunga ng Kasalanan at naka-tutuksong yaman ng
Sanlibutang ito. Tulungan mong manatili sa aking Kaluluwa ang pagkaunawa, damdamin at mga
aral ng iyong Banal na Anak na si Jesu-Kristo. Amen..

Panalangin sa Ika- apat na Araw

Aba! Aming Masintahing Nina Maria, Rosang bulaklak na buong Kataimtiman at Halamanang
nakapinid na tanging sa esposong Makalangit lamang nabubuksan. Oh Lirio ng paraiso, gawin
mo akong maging mapagmahal sa mga mapagpakumbaba at natatagong buhay, bayaan mong
ang Iyong maka-langit na Esposo ang Siyang makatagpo sa aking pusong laging bukas sa
panawagan ng Kanyang tinig na nagmamahal sa kanyang mga biyaya at Inspirasyon.. Amen..

Panalangin sa ika- limang Araw

Oh Banal na Niña Maria,ikaw ang bukang liwayway ng aming Buhat at pinto ng Langit, ikaw
ang aming pinagtitiwalaan at pag-asa.Oh makapangyarihang tagapamagitan,ang iyong awa ay
lagi mong iabot upang sa tuwina ay iyong saklolohan at maituro mo sa akin ang siguradong daan
ng buhay.Gawin mo akong makapaglingkod sa Diyos na puno ng kaganapan hang gang sa wakas
at aming masapit ang rurok nito sa kanyang kaharian sa langit at ikaw ay aking
makapiling.Amen.

Panalangin sa Ika- anim na Araw

Oh! Nina Maria, Itinalagang maging Ina ng Anak ng Diyos at Maging ina namin, sa
pamamagitan ng Maka-langit na Biyaya ng Diyos, puno ng Awa at habag iyong dinggin ang
aking pagsamo at pananambitan. Sa gitna ng mga pagsubok na aking pinadadanan sa buhay,
aking isinasalalay sa iyo ang aking pagtitiwala sa Kalunasan ng mga ito.. Amen..

Panalangin sa ika-pitong Araw

Oh Masintahing Niña Maria namumukod tangi sa harapan ng Diyos at pinagkalooban ng mga

natatanging merito ng langit.Ipakita mo sa akin,ikaw na pinagbubuhatan ng mga pagpapalang
espiritwal ay patuloy mo akong dulutan ng mga ito sapagkat ang pag-ibig ng Diyos at pagpapala
at sa iyong nagmumula.Amen.

Panalangin sa Ika-walong Araw

Oh! Bukod na Pinagpalang Nina Maria, pinuno Ka ng grasya ng kataas-taasan sinula ng Kalinis-
linisang paglilihi sa iyo ng iyong Ina, ipagkaloob mo sa akin Oh! Nina Maria na iyong dinggin
ang aking hiling,
At kung iyong ipagkakaloob nag magi to hayaan mo nawang ika’y aking purihin sa Kabutihan
ng Iyong Kalinis-linisang Puso.. Amen..

Panalangin sa ika-Siyam na Araw

Oh Makapangyarihang Diyos ng iyong inihanda ang Niña Maria upang maging INA ng iyong
Anak at maging esposa ng Espiritu Santo iyo syang iniligtas sa kasalanang mana ,sa
pamamagitan ng kanyang mga panalangin bayaan mo na kami'y maging buhay na templo ng
iyong kaluwalhatian sa pamamagitan ni Jesus na Anak mo.Amen.

Dadasalin ang Tatlong Aba Ginoong Maria

La Niña Maria,Ipanalangin mo kami

Litania sa karangalan ng La Niña Maria

Panginoon,Maawa ka sa amin
Kristo,Maawa ka sa amin
Panginoon ,Maawa ka sa amin
Diyos Ama sa langit,Maawa ka sa amin
Diyos anak na tumobos sa sanlibutan,Maawa ka sa amin
Diyos Espirito Santo,Maawa ka sa amin

LA Niña Maria, Ipanalangin mo kami

San Joaquin Padre de la Virgen
Santa Ana Madre de la Virgen
Niña Maria Anak ng Ama
Niña Maria Ina ng anak ng Diyos
Niña Maria Esposa ng Espiritu Santo
Niña Maria Dambana ng Santisima Trinidad
Niña Maria ikinasiya ni Santa Ana
Niña Maria ikinarangal ni San Joaquin
Niña Maria kataka-taka ng Grasya ng Diyos
Kalinis-linisan sa iyong paglilihi
Kabanal-banalan sa iyong pagsilang
Napaka-banal sa iyong pagkakahandog
Obra ng grasya ng Diyos
Simula ng tuwa namin
Huwaran sa kababaang loob
Niña Maria puno ng kapangyarihan
Niña Maria pinaka mabanayad
Niña Maria Kalinis-linisan
Niña Maria puno ng pagsunod
Niña Maria puno ng karukhaan
Niña Maria napakaamong sanggol
Niña Maria puno ng ipagbunyi
Niña Maria puno ng ipagbantog
Niña Maria walang katulad
Niña Maria kagalingan ng mga may sakit
Niña Maria mapang -aliw sa mga nagdadalamhati
Niña Maria tanggulan ng mga makasalanan
Niña Maria mapag-ampon sa mga kristiyano
Niña Maria Lakambini ng mga Angel
Niña Maria kalakasan ng mga Martir
Niña Maria Luwalhati ng Pagkapari
Niña Maria Tuwa ng mga Compesor
Niña Maria Kalinisan ng mga Birhen
Niña Maria Reyna ng mga Santo
Niña Maria Aming Ina
Niña Maria Reyna ng Aming puso
Kordero ng Diyos na nakawawala ng mga kasalanan ng sanlibutan,Patawarin Mo
Kami,Panginoon
Kordero Diyos na nakawawala ng mga kasalanan ng sanlibutan ,Pakapakinggan Mo
Kami,Panginoon
Kordero ng Diyos na nakawawala ng kasalanan ng sanlibutan, Maawa ka sa amin Panginoon.

Ipanalangin mo Kami ,Oh LA NIÑA MARIA

Nang kami ay maging dapat sa mga pangako ni Hesukristong Panginoon.

Manalangin Tayo:
Makapangyarihan at Mahabaging Ama,na kung Saan sa pakikiisa ng Espiritu Santo, ay iyong
Inihanda ang Katawan at kaluluwa ng Niña Maria upang maging Marapat na maging Ina ng
iyong Anak at iyong itinatangi na huwag mabahiran ng kasalanang mana, Ipagkaloob mo na
kaming nagdedebobosyon sa kanyang banal na pagkabata ay maging Malaya sa pamamagitan ng
kanyang pagkakandili at panalangin sa lahat ng karumihan ng kaisipan at layaw ng katawan
,nawa maging kawangis niya kami sa kababaang loob, pagsunod at pag-ibig,hinihiling naming
ito Kay Kristong Panginoon . Amen.

Ang imahen ay gawa sa pagiging bata ng Ina ng Diyos. Ipinakikita dito na si Maria ay walang
pinagkaiba sa ordinaryong tao, ngunit siya ay bukod tanging pinagpala ng Diyos para maging
kasangkapan niya sa pagliligtas sa sanlibutan. Si Maria bilang bata ay simbulo ng kababaang
loob na makikita sa bawat bata.