PAGSISIYAM PARA SA KAARAWAN NG N : Sapagkat nilingap niya ang kanyang abang alipin.
At
MAHAL NA BIRHENG MARIA
Pambungad na Awit : Inang Sakdal Linis
Panalangin sa Espiritu Santo : Pinupuri ka at
Pinasasalamatan, Dakilang Amang Lumikha sa
pagkakaloob mo sa amin ng isang taong tulad ni Maria,
dakilang huwaran at aming Ina. Sa aming pagnonobena
sa kanyang Karangalan, hinihiling namin na ipadala mo
sa amin ang iyong Banal na Espiritu upang tulad ni Maria
ay magbunga kami ng Kapayapaan at katarungan para sa
mundo. Nawa’y ang lakas na ito ng Banal na Espiritu ay
magdulot sa amin ng pagkaunawa sa kanyang mga
biyaya, siya kasama mo at ng iyong Anak na Hesus na
aming Panginoon. Amen.
Awit ng Papuri kay Maria :
N : Mula ngayon, ako’y tatawaging mapalad dahil sa
dakilang bagay na ginawa sa akin ng Makapangyarihan.
L : Ang Puso ko’y nagpupuri sa Panginoon at nagagalak
ang aking Espiritu dahil sa Diyos na aking tagapagligtas.
mula ngayon ako’y tatawaging mapalad ng lahat ng
salinlahi, dahil sa mga dakilang bagay na ginawa sa akin
ng Makapangyarihan. Banal ang kanyang pangalan.
L : Kinahahabagan niya ang mga may takot sa kanya sa
lahat ng salit-saling lahi. Ipinakita niya ang lakas ng
kanyang bisig, pinangalat niya ang mga palalo.
N : Ibinagsak niya ang mga hari mula sa kanilang trono
at itinaas ang mga nasa abang kalagayan. Binusog niya
ng mabubuting bagay ang mga nagugutom at pinalayas
niyang walang ni anuman ang mayayaman.
L : Tinulungan niya ang kanyang bayang Israel bilang
pagtupad sa mga pangako niya sa ating mga magulang,
kay Abraham at sa kanyang lahi magpakailanman.
N : Luwalhati sa Ama, sa Anak at sa Espiritu Santo
L : Kapara noong unang una, ngayon at
magpakailanman. Amen.
N : Mula ngayon, ako’y tatawaging mapalad dahil sa
dakilang bagay na ginawa sa akin ng Makapangyarihan.
UNANG ARAW : MARIA : HUWARAN NG PANALANGIN
N : Sa Unang Araw ng ating Nobena, lumapit tayo sa
Ama upang sa pamamagitan ng panalangin ni Mariang
ating Ina ay pagkalooban tayo ng biyaya. Si Maria ay
huwaran natin sa pagdalangin sa Ama. Ang kanyang
dalisay na pakikipag-ugnayan sa Ama ang nagdala ng
kanyang kadakilaan.
Dalanging Tangi sa Unang Araw : Makapangyarihan at
Banal naming Diyos, kasama ng aming Inang si Maria,
pinupuri namin ang iyong kadakilaan. Tinupad ang iyong
pangako sa amin sa pamamagitan ng iyong anak na si
Hesus. Ibinigay mo sa amin si Maria bilang huwaran ng
tunay na pakikipag-ugnayan sa iyo. Pagkalooban mo
kami ng biyaya ng katapatan upang ang aming
panalangin at pakikipag-ugnayan sa iyo ay maging
katulad ng kay Maria alang-alang kay Kristong aming
Panginoon. Amen.
Pagbasa mula sa mga Gawa ng mga Apostol
N : Kaya’t nang magkakasama si Hesus at ang mga
apostol, nagtanong ang mga ito. “ Panginoon, itatatag
na ba ninyong muli ang kaharian ng Israel? Sumagot siya,
ang panahon at sandali ay itinakda ng Ama sa kanyang
sariling kapangyarihan, at hindi na kailangan pang
malaman ninyo kung kailan iyon. Ngunit bibigyan kayo
ng kapangyarihan pagbaba sa inyo ng Espiritu Santo, at
kayo’y magiging mga saksi ko sa Herusalem, buong
Judea at Samaria at hanggang sa dulo ng daigdig.”
Pagkasabi nito siya’y umakyat sa langit samantalang
nakatingin sila sa kanya at natakpan siya ng ulap.
Habang sila’y nakatitig sa langit, dalawang lalaking
nakaputi ang biglang tumayo sa tabi nila. “ Mga taga-
Galilea,’’ sabi nila, bakit kayo naririto’t nakatingala sa
langit? Itong si Hesus na umakyat sa langit ay
magbabalik tulad ng nakita ninyong pag-akyat niya. Ang
mga apostol ay nagbalik sa Herusalem buhat sa bundok
ng mga Olibo, na halos isang kilometro ang layo. Ang
mga ito’y sina Pedro, Juan, Santiago, Andres, Felipe,
Tomas, Bartolome, Mateo, Santiago, na anak ni Alfeo, si
Simon, ang makabayan, at si Judas na anak ni Santiago.
Pagdating sa kanilang tinutuluyan sa lungsod, nagtuloy
sila sa silid sa itaas. Lagi silang nagsasamasama sa
pananalangin kasama ang mga babae at si Mariang Ina ni
Hesus, gayon din ang mga kapatid ni Hesus.
Ang Salita ng Diyos
Pagninilay :
Tayong mga Kristiyano ay laging nananalangin. At
marami tayong mga uri ng panalangin at kung minsan ay
marami tayong oras na inilalaan sa panananalangin.
Subalit hindi pala sapat ang manalangin. Iba pala ang
manalangin at ang ako ay mabuhay sa panalangin. Iba
pala ang ako ay may oras sa pagdalangin at maraming
iniuukol sa pagnonobena na ang buhay ko ay nakasalalay
sa panalangin. Ang buhay panalangin pala ay
nakakaimpluwensiya sa aking buhay. Sa buhay
panalangin, dapat pala ay nagbabago ang ugali, ang
pananaw, nag-iiba ang pang-unawa at lumalawak ang
pakikitungo sa kapwa at pakikisangkot. Ibig sabihin ay
nagiging tunay akong kristiyano dahil sa aking
panalangin ay nagkakaroon ng epekto sa aking buhay. Maria, Huwaran ng Pananampalataya**
Ang panalangin ay nagsisilbing tubig na ipinandidilig sa
Maria, Tumupad sa kalooban ng Diyos**
hardin ng buhay. Ang buhay ay dapat mamulaklak ng
magagandang ugali at halimbawa. Narating ito ni Maria. Maria, Huwaran ng Kabataan**
Ang kanyang buhay ay naging buhay ng pakikipagniig sa
Diyos. Tumulad tayo sa kanya. Maria, Huwaran ng Pagmamahal sa Diyos**

Maria, Alipin ng Panginoon**

1 Ama Namin ; 1 Aba Ginnong Maria ; 1 Luwalhati Maria, Ina ng Simbahan**

Maria, Ina ng Sambayanan**

Litaniya sa Mahal na Birheng Maria

Dalanging Wakas sa Unang Araw :

Panginoon, maawa ka sa amin Ama naming makapangyarihan, ang iyong tipan sa iyong
sambayanan ay patuloy mong pinayayabong sa
Kristo, maawa ka sa amin pamamagitan ng panalangin sa halimbawa ni Maria na
ang buhay ay naging buhay ng pakikipag-isa sa iyo,
Panginoon, maawa ka sa amin
tulungan mo kami upang ang tipan mo ay aming
Diyos Ama sa Langit maisabuhay. Hinihiling naming ito sa pamamagitan ni
Kristo kasama ng Espiritu Santo magpasawalang
Diyos Anak na tumubos sa lahat hanggan.
Diyos Espiritu Santo

Santa Maria, Ina ng Diyos

Pangwakas na Awit : Maria, Ina ng Diyos
** Ipanalangin mo Kami

Maria, Huwaran ng Panalangin**

IKALAWANG ARAW : MARIA : HUWARAN SA
PANANAMPALATAYA
N : Sa Ikalawang Araw ng ating pagnonobena,
pagnilayan natin si Maria bilang Huwaran ng
Pananampalataya. Ayon sa sulat sa mga Herbreo. Tayo
ay may pananampalataya kung nanalig tayong mangyari
ang mga inaasahan natin at paniniwala sa mga bagay na
di natin nakikita. Dahil sa pananampalataya,
nauunawaan natin na ang sanlibutan ay nilalang sa
pamamagitan ng salita niya. Sa pananampalataya ni
Maria naganap ang kaligtasan ng Sangkatauhan.
Dalanging Tangi sa Ikalawang Araw : Pinupuri ka namin
Ama. Daluyan ng liwanag at buhay sa pagkakaloob mo sa
amin kay Hesus, Anak mo at Anak ni Maria.
Pinasasalamatan ka naming sa pagbibigay mo kay Maria
ng pananampalataya upang maging tagapagdala ng
Balitang Kaligtasan. Sa pagtitiwala naming sa kanyang
kabutihan, sa amin dumadalangin kami na palalimin mo
rin ang pananampalataya sa aming mga puso upang
mapagtiwalaan naming na matupad ang kalooban mo sa
amin, alang-alang sa iyong Dakilang pangalan. Amen.
Pagbasa mula sa Aklat ng Genesis
Sinabi ni Yaweh kay Abram: Lisanin mo ang iyong bayan,
ang tahanan ng iyong Ama at mga kamag-anak, at
pumunta ka sa bayang ituturo ko sa iyo. Pararamihin ko
ang iyong mga anak at apo at gagawin kong isang
malaking bansa. Pagpapalain kita, at mababantog ang
iyong pangalan at magiging pagpapala sa marami. Ang
sa iyo’y magpapala ay aking pagpapalain. Ngunit kapag
sinumpa, kita’y aking susumpain; ang lahat ng mga
bansa pilit kong hihimukin na tulad mong pinagpala,
sila’y pagpapalain din. Sumunod nga si Abram sa utos ni
Yaweh; nilisan niya ang harang noong siya’y pitumpu’t
lmang taon. Isinama niya ang kanyang asawang si Sarah
at si Lot na pamangkin niya. Dinala niyang lahat ang
kanyang mga alipin at kayamanan at nagtungo sa Cana.
Nagtuloy siya sa isang banal na lugar sa Siquem, sa puno
ng Roble ng More. ( Noo’y naroon pa ang mga
Cananeo. ) Napakita kay Abram si Yaweh. Sinabi sa
kanya : Ito ang bayang ibibigay ko sa iyong lahi. At
nagtayo si Abram ng dambana para kay Yaweh.
Ang Salita ng Diyos
Pagninilay :
Mapalad ka sapagkat nanalig kang matutupad ang
ipinasasabi ng Panginoon. Ito ang mga kataga ni Isabel
kay Maria. At wala na marahil tayong maibibigay na
papuri kay Maria na higit pa sa sinabi ni Isabel. Si Maria
ang Huwaran ng Pananampalataya. Tinanggap niya ng
may bukas na puso sa kalooban ng Ama. Dinala ni Maria
sa kanyang sinapupunan ang Salita ng Diyos ng tanggapin
niya ang kalooban ng Ama. Ang kanyang tugong “ Ako’y
alipin ng Panginoon ” ay punong-puno ng
pananampalataya ay dulot ng pagtupad sa kalooban ng
Ama. Ang pagtupad na ito sa kalooban ng Ama ang
nagdala kay Maria upang maglingkod sa kapwa. Katulad
ni Abraham, iniwan ni Maria ang kaginhawaan na
maaring ibigay ng buhay sa maka-Diyos ni Kristong Anak
niya ay kanyang natanggap dahil sa pananampalataya.
Ayon sa sulat ng Hebreo, Yamang naliligid tayo ng
makapal na saksi sa pananampalataya, iwinaksi natin
ang kasalanan at ang anumang balakid sa atin at tayo’y
buong tiyagang nagpapatuloy sa takbuhing nasa ating
harapan. Ituon natin ang ating paningin kay Hesus na
siyang pinagmulan n gating pananampalataya at siya
ring nagpasakdal nito.
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikalawang Araw :
Amang mapagmahal, sa tuwing dinarasal namin ang “
Pinagpala ka sa babaeng lahat ’’ , aming pinupuri si
Maria sa kadakilaan ng kanyang pananampalataya.
Nawa’y sa kanyang pamamatnubay ay maging
instrumento rin kami upang ang kaligtasang dulot ng
pananalig sa iyo ay aming maipahayag at maisabuhay
alang-alang kay Kristong Anak mo kasama ng Espiritu
Santo magpasawalang hanggan. Amen.
Pangwakas na Awit : Maria, Ina ng Diyos
IKATLONG ARAW : MARIA : HUWARAN SA PAGKILATIS
NG KALOOBAN NG DIYOS
N : Sa Ikatlong Araw ng Nobena, pagninilayan natin si
Maria bilang Huwaran sa Pagkilatis sa Kalooban ng Diyos.
Sa buhay natin alam na ng tao kung ano ang kalooban
niya para sa atin. Magiging mahirap lamang sapagkat
ibang kalooban ang ating sinusunod- ang kalooban ng
tao, ang kalooban ng mudo, ang makasariling
paghahangad ng yaman at kapangyarihan. Narito ngayon
si Maria upang ipakita sa atin ang pagkilatis sa kalooban
ng Ama ay ang paglilingkod sa makamundong layunin.
Dalanging Tangi sa Ikatlong Araw : Pinasasalamatan ka
naming Dakilang Ama sa pagkakaloob mo kay Maria
upang maging huwaran naming para masundan ang iyong
kalooban. Nawa’y ang Banal mong Espiritu ay
mapasaaming puso at pagkatao upang magbunga kami
ng iyong Mabuting Balita, alang-alang kay Kristong Anak
mo at ng Espiritu Santo magpasawalang hanggan. Amen.
Pagbasa mula sa Sulat ni Santiago
Bawat kaloob na mabuti at ganap ay mula sa langit,
mula sa Ama na lumikha ng mga tanglaw sa langit. Hindi
siya nagbabago. Hindi niya tayo iniiwan o pinababayaan
sa dilim. Niloob niyang tayo’y maging anak niya sa
pamamagitan ng salita ng katotohanan, upang matangi
tayo at maging higit sa lahat ng kanyang mga nilalang.
Tandaan ninyo ito mga kapatid kong minamahal: matuto
kayong making, dahan-dahan sa pagsasalita, at huwag
agad magagalit. Sapagkat ang galit ay di makatutulong
sa tao upang maging matuwid sa paningin ng Diyos.
Kaya’t talikdan ninyo ang inyong maruruming gawa at
alisin ang masasamang asal, at buong
pagpapakumbabang tanggapin ang Salita ng Diyos na
natanim sa inyong puso. Ito ang makapagliligtas sa inyo.
Mamuhay kayo ayon sa salita ng Diyos. Kung ito’y
pinakikinggan lamang at hindi isinasagawa, dinadaya
ninyo ang inyong sarili. Sapagkat ang nakikinig lamang
sa salita at hindi nagsasagawa nito ay katulad ng isang
taong humarap sa salamin at umalis matapos makita ang
sarili. Agad nalilimutan ang kanyang ayos. Ngunit ang
nagsasaliksik at patuloy na nagsasagawa ng kautusang
sakdal na nagpapalaya ng tao at hindi ay pagpapalain ng
Diyos sa lahat niyang gagawin.
Ang Salita ng Diyos
Pagninilay :
Iisa lamang ang layunin natin sa buhay sa daigdig.
Anuman ang kalagayan nati sa buhay, iisa ang
patunguhan natin. Ang patunguhan natin ay ang makaisa
ang Ama. At ito rin ang kalooban ng Ama sa atin-ang
makasama tayo niya sa kanyang piling. At hindi ito
mahirap kung tutuusin, sapagkat ibinigay sa atin si
Hesus bilang daan. Ibig sabihin, si Hesus an gating
tutularan at gagayahin upang makapunta sa Ama sa bisa
at lakas ng Espiritu Santo. Ang Espiritu ang gagabay sa
atin. Ang Espiritu ang ating makakasama kung tayo
lamang ay magiging bukas. Subalit malimit, an gating
ginagawa at pinakikinggan ay ibang Espiritu- ang Espiritu
ng pagkamakasarili, ang Espiritu ng pagmamataas, ang
Espiritu ng pagiging makasarili. Ang pagkilatis sa
kalooban ng Diyos ay pagtalikod sa ibig ipagbadya ng
ibang Espiritu. Ang pagtupad sa kalooban ng Diyos ay
pagtalikod sa ating sariling kalooban, ang kalooban ng
pagiging makasarili. Si Maria ay tunay na halimbawa ng
taong hindi naging makasarili sa kanyang pagkakaloob
ng sariling buhay ay naligtas ang sandaigdigan sa
pamamagitan ng kanyang Anak
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikatlong Araw :
Sa dakila mong kapangyarihan Ama, ay ipinagkaloob mo
sa amin si Maria na aming Ina at Huwaran. Sa kanyang
kabukasan ay napagtagpo niya ang iyong dakilang
kalooban. Tulutan mo nawa kami, na maging bukas-
palad at bukas-puso upang masundan namin ang iyong
kalooban alang-alang kay Kristo, kasama ng Espiritu
Santo magpasawalang hanggan. Amen
Pangwakas na Awit : Maria, Ina ng Diyos
IKAAPAT NA ARAW : MARIA : DAKILANG HUWARAN NG
PASASALAMAT
N : Sa Ikaapat na Araw ng ating Nobena ay pagninilayan
natin ang halimbawa ni Maria sa pagpapasalamat sa
Diyos. Pagpapasalamat ang tanda ng kababaang-loob.
Ang taong may ganoong kalooban lamang ang maaaring
magpuri sa Diyos at sabihin sa kanya na maraming
salamin sa kabutihanng ipinagkaloob niya. Kaya nga’t
purihin natin siya sa pamamagitan ni Maria.
Dalanging Tangi sa Ikaapat na Araw : Dakilang Ama,
nananalig kami na mahal mo kaming iyong mga anak
dahil kay Hesus. Ang pag-ibig na ito ay nag-uumapaw
kapag ibinibigay naming ang wagas na pagsampalataya
sa Anak mo. Nawa’y sa pamamagitan ng Mahal na
Birhen, makapagbigay kami ng papuri at pasasalamat
upang walang bagay sa mundo ang makapigil sa aming
paglilingkod sa iyo alang-alang kay Kristong aming
Panginoon. Amen.
Pagbasa mula sa Unang Aklat ni Samuel
Pagkalipas ng isang taon, si Elcana at ang kanyang
sambahayan ay muling nagpunta sa Silo upang sumamba
kay Yaweh. Sinabi ni Ana kay Elcana, Hindi na muna ako
sasama sa inyo ngayon. Hihintayin ko nang maawat si
Samuel. Pagkaawit niya, ihahandog ko siya kay Yaweh at
sa Templo na siyang titira sa buong buhay niya. Sinabi ni
Elcana, Gawin mo kung ano ang inaakala mong mabuti.
Hintayin mo na siyang maawat at tulungan ka nawa ni
Yaweh upang matupad ang pangako mo sa kanya. Kaya
naiwan si Ana at inalagaan ang kanyang anak. Nang
maawat na si Samuel, dinala siya ng kanyang ina sa
Templo sa Silo.Nagdala pa siya ng torong tatlong taon,
tatlumpu’t anim na litrong harina at isang pitsel na
alak. Lahat ng lumalaban sa inyo ay manginginig sa
takot. Kapag pinadagundong ninyo ang kulog, hahatulan
ninyo ang buong daigdig, at pagtatagumpayin ang
hinirang ninyong hari.
Ang Salita ng Diyos
Pagninilay :
Ang Magnificat o ang awit ng papuri ni Maria ay isang
awit ng kagalakan at pasasalamat sa kalubusan ng
kadakilaan at katapatan ng Diyos. Ang Diyos ay tumugon
at patuloy na tumutugon sa uhaw at gutom ng tao, ng
sambayanan para sa katarungan at kalayaan. Subalit ang
mga taong nanatiling mapagmataas at patuloy na
humahawak sa kanilang kapangyarihan ay hindi
makaliligtas sa alipin ng Diyos. Kaya nga’t uuwi silang
walang sala. Yaon lamang mga nagpupuri sa Diyos at
nagpapasalamat sa kanya ang makatatanggap ng
kanyang biyaya. Sapagkat ang Diyos ay banal, hindi niya
maaaring ibigay ang kanyang sarili sa mga taong
mapagmataas at itinuturing ang sarili na mataas sa
Diyos. Ipinakikita sa atin ni Maria na kailangang maging
dukha tayo sa harap ng Diyos at kilalanin na ang lahat
ng bagay ay biyaya niya. Sa harapan natin ay si Kristo na
sa kabila ng kanyang pagiging Diyos ay piniling maging
dukha upang tayo’y maging kabahagi sa kayamanan ng
Diyos.
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikaapat na Araw
Dakilang Ama kasama ng Anak at Espiritu Santo,
dumadalangin kami sa ngalan ng Dakilang Aliping si
Maria para biyayaan mo kami ng kababaang-loob upang
kami ay makapagpasalamat sa iyo. Ilayo mo kami sa
pagiging makasarili upang maibahagi naming an gaming
sarili alang-alang sa Dakila mong Pangalan. Amen
Pangwakas na Awit : Maria, Ina ng Diyos
IKALIMANG ARAW : MARIA : HUWARAN NG KABATAAN
N : Sa Ikalimang Araw ng ating pagnonobena ay
magninilay tayo tungkol kay Maria bilang Huwaran ng
Kabataan. Nasa ating mga kabataan ang maganda o
masamang hinaharap ng sambayanan at simbahan. Kung
anong uri ng kabataan tayo mayroon ay ganong uri rin
ng simbahan tayo magkakaroon bukas. Si Maria ay isang
larawan at huwaran para sa kabataan, ang paglalaan ng
buhay ayon sa panukala ng Diyos.
Dalanging Tangi sa Ikalimang Araw : Makapangyarihan
at Banal naming Diyos, kasama ni Maria, pinupuri ka
namin. Bilang Ama, naging tapat ka at tinupad mo ang
pangako mo sa amin. Idinadalangin naming ang mga
kabataan upang sila at kami ay makatupad sa iyong
panukala, alang-alang kay Kristong aming Panginoon.
Amen.
Pagbasa sa Ebanghelyo ayon kay San Juan
Pagkalipas ng dalawang araw, may kasalan sa Cana,
Galilea at naroon ang Ina ni Hesus. Si Hesus at ang
kanyang mga alagad ay naroon din. Kinapos ng alak
kaya’t sinabi ng Ina ni Hesus sa kanya. Naubusan sila ng
alak. Sinabi ni Hesus, Huwag ninyo akong pangunahan,
Ginang, hindi pa ito ang panahon ko. Sinabi ng kanyang
Ina sa mga naglilingkod, Gawin ninyo ang anumang
sabihin niya sa inyo. Doo’y may anim na tapayan, ang
bawat isa’y naglalaman ng dalawampu hanggang
tatlumpung galon. ( Nakalaan ang mga ito para sa
paglilinis ayon sa tuntuning pang-relihiyon ng mga
Judio ). Sinabi ni Hesus sa mga katulong, Punuin ninyo
ng tubig ang mga tapayan. At pinuno nga nila hanggang
labi. Pagkatapos, sinabi niya, sumalok kayo ngayon at
dalhin ninyo sa namamahala ng handaan. Dinalhan nga
nila ang namamahala ng handaan, Tinikman naman nito
ang tubig na naging alak. Hindi niya alam kung saan
nanggaling iyon, bagamat alam ng mga katulong na
sumalok sila ng tubig, kaya’t tinawag niya ang lalaking
ikinasal. Sinabi niya rito, Ang una pong inihain ang
masarap na alak. Kapag marami nang nainom ang mga
tao, saka inihain ang mababang uri. Ngunit ipinagpahuli
ninyo ang masarap na alak. Ang nangyaring ito sa Cana,
Galilea ay siyang unang kababalaghang ginawa ni Hesus.
Sa pamamagitan nito ay inihayag niya ang kanyang
kadakilaan, at nanalig sa kanya ang mga alagad.
Ang Mabuting Balita ng Panginoon.
Pagninilay :
Ang Kasalan sa Cana sa buhay ni Maria ay nagpapakilala
sa kanya bilang isang taong nakadarama sa
pangangailangan ng tao. Naimbitahan sina Maria sa
kasalan at naubusan ng alak. Ipinaalam niya kay Hesus
na wala ng alak. Hindi niya sinabi kung ano ang dapat
gawin ni Hesus. Kung minsan ay taliwas tayo. Malimit ay
sinasabi natin kay Hesus kung ano ang dapat niyang
gawin, sa halip ay ipaalam lamang natin ang ating
kalagayan. Kalimitan ay ang ating kagustuhan ang gusto
nating mangyari at hindi natin hinihiling na ang
kagusthan natin ay maayon sa kanya. Katulad ni Maria,
nalalaman natin na marami pala tayong
pangangailangan subalit narito ang Panginoon at alam
niya kung ano ang mabuti para sa atin. Ang kanyang
plano sa atin ang dapat matupad, hindi ang mga
pansarili nating adhikain.
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikalimang Araw
Maria, napakaganda ng iyong mapagtiwalang
panalangin. Alam mo kung paano parangalan si Hesus sa
pamamagitan ng iyong panalangin. Idalangin mo kami na
nawa ay matuto rin kaming sumunod ayon sa kagustuhan
ng Diyos. Amen
Pangwakas na Awit : Maria, Ina ng Diyos
IKAANIM NA ARAW : MARIA : HUWARAN SA
PAGMAMAHAL SA AMA
N : Ngayong Ikaanim na araw ng ating Nobena sa Mahal
na Ina ng Diyos. Isang araw ng muling pagpapamalas ng
ating pagmamahal sa kanya na unang nagmahal sa atin.
Kung hindi sa kanyang “ OO’’ sa kalooban ng Diyos,
marahil mananatili tayong hindi nakakakilala sa kanya
at hindi mababatid ng daan patungo sa Diyos. Ngunit
kung mayroon mang katangian ang Mahal na Ina na
namumukod, ito ay ang pagmamahal niya sa Ama. Ang
kanyang pagsunod sa kalooban ng Ama ang katunayan
nito. Oo, naroon ang pangamba, ang pagtatanong ngunit
nanaig ng labis ang kanyang nag-uumapaw na pag-ibig sa
Diyos. Samahan natin ang bawat isa at sa pamamagitan
ng nobena sa Mahal na Ina ay mapasa atin ang marubdob
na pagmamahal sa Ama, katulad ni Maria.
Dalanging Tangi sa Ikaanim na Araw : O Diyos at
Panginoon naming, ngayong kapiling ka namin, hinihiling
namin sa iyo na sana sa araw na ito ay madama namin
ang kadakilaan at kataimtiman ng pagmamahal ni Maria
sa iyo. Nawa’y matulad kami sa kanyang walang
hanggang pagkakaloob ng sarili. Mawala nawa sa amin
ang pangamba at takot at manaig ay ang pagmamahal sa
iyo, alang-alang kay Kristong aming Panginoon. Amen
Pagbasa mula sa sulat ni Apostol San Pablo sa mga
taga Roma
Maging tunay ang inyong pag-ibig. Kasuklaman ninyo ang
masama, pakaibigin ang mabuti. Mag-ibigan kayo na
parang tunay na magkakapatid. Pahalagahan ninyo ang
iba nang higit sa pagpapahalaga nila sa inyo.
Magpakasipag kayo at buong pusong maglingkod sa
Panginoon. Magalak kayo dahil sa inyong pag-asa.
Magtiyaga kayo sa inyong kapighatian at laging
manalangin. Tumulong kayo sa nangangailangan ng mga
kapatid. Ibukas ninyong lagi ang inyong pinto sa mga
taga-ibang lugar. Idalangin ninyo ang mga umuusig sa
inyo, idalanging pagpalain at huwag sumpain. Makigalag
kayo sa mga nagagalak, makitangis sa mga tumatangis.
Magkaisa kayo ng loobin. Huwag kayong magmataas,
kundi makisama sa mga aba. Huwag ninyong ipalagay na
kayo’y napakarunong.
Ang Salita ng Diyos
Pagninilay :
Maria, tunay nga ang iyong pagmamahal sa Ama, walang
kasing dakila at katulad. Ngunit nababatid naming ang
iyong mga anak na ang ganitong antas ng pagmamahal
ay hindi magiging ganito kawagas kundi sa
pakikipagtulungan mo sa Diyos. Oo, pinili ka niya noon
pa ngunit ang kooperasyon mo ay napakadakila.
Pinangalagaan mo ang tawag na ito ng Diyos sa iyo sa
pamamagitan ng isang puso. Pusong nakikipag-ugnayan
sa kanya. Ito ang dumadalisay sa iyo, napatatag at
nagpatibay. Ngunit hindi lamang ito tumitigil sapagkat
dahil sa iyong pagmamahal sa iba at sa amin. Tinanggap
mo kami bilang kami, hindi mo inuri an gaming
pagkatao. Pinahalagahan mo kami at walang pagod kang
naglingkod sa amin dala ng iyong pagmamahal sa Ama.
Naging bukas ka sa amin at nanatiling ganito kahit sa
kabila n gaming kasamaan. Sa kaalamang ito, wala na
marahil hihigit pa kundi ibahagi naming ang
ipinagkaloob mo sa amin sa iba. Maging masakit kung
halimbawang narito kami sa harap mo, pinararangalan
ngunit hungkag na pagpaparangal dahil hindi naming
maisabuhay ito. Dumaloy nawa sa amin ang pagmamahal
mo at mula roon sa pangangailangan na mayroong higit
pa kaysa buhay at ito ay ang buhay na katulad ng
ipinamalas mo.
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikaanim na Araw
Panginoon naming Diyos, nagpapasalamat kami sa
napakalaking biyaya na ipinagkaloob mo sa amin
ngayon, ang malaman at madama kung gaano minahal ni
Maria, ang aming Ina. Sa aming puso ay naroon ngayon
ang isang katotohanan. Wala nang hihigit pa kaysa
pagmamahal sa iyo, katulad ni Maria. Nawa’y manatili
itong nasa aming puso upang huwag magmaliw ang
aming pagmamahal sa iyo dala ng aming sarili.
Patnubayan mo nawa kami habang tinatahak naming ang
landas ng iyong anak sa pamamagitan ni Maria. Sa lahat
ng ito, Ama, Salamat. Amen.
Pangwakas na Awit : Maria, Ina ng Diyos
IKAPITONG ARAW : MARIA : ALIPIN NG PANGINOON
N : Sa Ikapitong Araw ng ating pagnonobena sa Mahal na
Ina, ngunit hanggang ngayon ay napakarami pang bagay
ang unti-unting ipinagkakaloob sa atin ng Diyos na
katotohanan tungkol sa Mahal na Ina. Katulad ngayon,
ang kanyang kapayakan at kababaan ng kanyang
kalooban ang ating masasalamin at ito ang dahilan na
rin sa kanyang paglalaan ng sarili sa Diyos at tanging sa
Diyos lamang. Dahil dito, dumaloy sa kanya at nanaig sa
kanyang puso, naging huwaran siya ng isang Inang
huwaran, walang bahid pagkukunwari at katangi-tangi.
Muli ay damhin natin ang mga katangiang ito ng Mahal
na Ina sa ating sarili sa pamamagitan ng pagpaparangal
sa kanya.
Dalanging Tangi sa Ikapitong Araw : O Banal na
Espiritu, Ikaw po ang pumuno sa aming Mahal na Ina na
naging dahilan upang siya ay manatiling payak,
mababang-loob at katangi-tangi. Nawa’y ikaw rin po ang
umakay sa amin upang lumapit sa iyo sa pamamagitan
ng Mahal na Ina. Amen.
Pagbasa mula sa sulat ni Apostol San Pablo sa mga
taga Galacia
Ngunit ng dumating ang takdang panahon, sinugo ng
Diyos ang kanyang Anak. Isinilang siya ng babae at
namuhay sa ilalim ng kautusan upang palayain ang mga
nasa ilalim ng kautusan. Sa gayon, tayo’y mabibilang na
mga anak ng Diyos. Upang ipakilalang kayo’y mga anak
ng Diyos, pinagkalooban niya tayo ng Espiritu ng
kanyang anak nang tayo’y makatawag sa kanya ng “
Ama! Ama ko ! ’’. Kaya’t hindi ka na alipin kundi anak.
Sapagkat Anak, Ikaw ang tagapagmana ayon sa kalooban
ng Diyos.
Ang Salita ng Diyos
Pagninilay :
Maria, kahangahanga ang iyong kapayakan at
kagandahang-loob, wala na marahil makahihigit pa sa
pagpapamalas mo nito, ngunit naging payak ka at
mababang-loob hindi dahil sa iyong sarili kundi dahil sa
kaugnayan mo sa Diyos. Ito ay umalipin sa iyo, ang
magbigay ng lakas sa iyo na manatiling walang
pagkukunwari at may lantay na pagkatao. Karapat-dapat
ka nga Mahal na Ina sapagkat hindi ka naging kakaiba sa
tao, sa amin. Naging kaisa mo rin ang mga taong
humihingi ng habag. Wala ngang nahiwalay sa iyong
pagtingin, lahat ay pantay ayon sa pangangailangan ng
bawat isa. Ito ay dahil sa katangi-tangi mong kapayakan
at kababaang-loob. Sapagkat hindi mo magaganap ang
mga ito kung wala kang ganitong katangian. At muli sa
pagtataas sa Diyos ng kalagayan ng tao, naroon ang
katangiang ito. Iniaalay ng tao at ang kanyang kalagayan
sa Diyos ng walang pagkukuwanri, ng buong kababaang
loob. Kay payak na pakikipag-ugnayan. Ngunit malalim
at dalisay. Ito ang dahilan kung bakit itinampok ka ng
Diyos at mula sa iyo ay isinilang ang Kristo na
pinakahihintay sa mundo. Naging Ina ka ni Hesus at
naging Ina ka namin. Sa pamamagitan mo, hindi kami
alipin kundi tagapagmana at anak kay Kristo. Hangad
naming huwag maitulot ang dakilang katotothanang ito,
sa pamamagitan ng halimbawa ng iyong kapayapaan at
kababaang-loob.
 1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikapitong Araw
Salamat, O Diyos naming Panginoon, nagpapasalamat
kami sa araw na ito at minsan pa ay nasalamin naming
ang isa pang katangian ni Maria- ang kanyang kapayakan
at kababaang-loob. Nawa’y sa pamamagitan ng araw-
araw na pagpaparangal naming kay Maria ay tumimosa
aming puso at kalooban ang pangangailangang
tumalikod at pagkukuwari at karangyaan ng sarili at
manatiling payak sa pagsunod sa iyo at paglilingkod sa
bawat isa, alang-alang kay kristong aming Panginoon.
Amen.
Pangwakas na Awit : Maria, Ina ng Diyos
IKAWALONG ARAW : MARIA : INA NG DIYOS
N : Mga Kapatid sa Ikawalong Araw na ating
pagnonobena ay muling magsasama-sama sa ngalan ng
Panginoon. Manalig kayo na lagi nating kasama ang
Panginoon sa lahat ng oras lalo na ngayon sa ating
pagdaraos ng nobena para sa pagpaparangal sa Mahal na
Birheng Maria. Lumagay tayo ngayon sa isang sandaling
katahimikan ng isip, diwa at kalooban at ihanda natin
ang ating sarili sa ating gagawing pagdiriwang.
Dalanging Tangi sa Ikawalong Araw : Nagpupuri kami sa
iyo, Ama naming Diyos sa pagkakaloob mo sa amin kay
Maria bilang Ina ni Hesus at Ina namin. Nawa’y sa
kanyang maka-inang pagsubaybay ay maipagpatuloy
naming ang paglalaan ng sarili sa aming kapwa. Lagi
mong ikintal sa aming diwa na kami ay magkakapatid at
mayroon kaming pananagutan sa isa’t-isa. Ang
magandang halimbawa ni Maria sa kanyang pagsubaybay
kay Hesus bilang Ina ay maging Huwaran ng bawat Ina
dito sa daigdig. Hinihiling naming ito sa pamamagitan ni
Hesukristo, kasama ng Espiritu Santo, magpasawalang
hanggan. Amen
Pagbasa mula sa Aklat ni Propeta Isaias
Ito naman ang ipinasasabi ni Yaweh kay Acaz : Humingi
ka sa akin ng palatandaan, maging sa kalaliman ng Sheol
o sa kaitaasan ng langit. Sumagot si Acaz, Hindi po ako
hihingi. Hindi ko susubukin si Yaweh. Sinabi ni Isaias :
Pakinggan mo, sambahayan ni David, klang pa ban a
galitin ninyo ang mga tao na pati ang aking Diyos ay
inyong niyayamot ? Kaya nga’t ang Panginoon na rin ang
magbibigay ng palatandaan : Maglilihi ang isang dalaga
at manganganak ng lalaki at ito’y tatawaging
Emmanuel.
Ang Salita ng Diyos
Pagninilay :
Tayo ay bahagi ng iisang pamilya ng Diyos. Mayroon
tayong iisang Ama, si Kristo ay ating kapatid at si Maria
ay ating Ina. Bilang Ina patuloy ang kanyang
pagsubaybay sa atin. Nais ni Maria na tayo ay maglaan n
gating panahon, lakas, talino, at kayamanan upang
makapagtatag ng isang tunay na angkan ayon sa
kalooban ng ating Ama. Dumulog tayo sa kanyang maka-
inang pagmamahal at hilingin natin na gawin niya ang
ating sambayanan na maging pampamilya ng Diyos na
nagmamahalan at nagkakaisa.
1 Ama Namin ; 1 Aba Ginnong Maria ; 1 Luwalhati
Litaniya sa Mahal na Birheng Maria
Dalanging Wakas sa Ikawalong Araw
Panginoon at Ama naming makapangyarihan, tanggapin
mo ang aming taos-pusong pasasalamat sa pagbibigay
mo sa amin kay Hesus sa Sakramento ng Banal na
Eukaristiya. Nagpapasalamat din kami sa pagbibigay mo
sa amin kay Maria bilang aming Ina. Loobin mo na
patuloy naming maisabuhay ang diwa ng pagiging isang
pamilya ng Diyos. Hinihiling naming ito alang-alang kay
Kristong aming Panginoon. Amen
Pangwakas na Awit : Maria, Ina ng Diyos
IKASIYAM NA ARAW : MARIA AT ANG KAHARIAN NG
DIYOS
N : Sa Huling Araw ng ating Nobena sa Karangalan ng
Mahal na Birheng Maria, dumaing tayo sa ating
mapagmahal na Ama sa pamamagitan ng panalangin ni
Maria ang ating Ina upang tayo ay kanyang pagkalooban
ng biyaya na makararating sa kanyang kaharian. Ang
buhay ni Maria ay Huwaran upang tayo ay makarating sa
kaharian ng Diyos.
Dalanging Tangi sa Ikasiyam na Araw : Ama Namin,
Hari ng aming buhay, dakila ang pag-ibig mo sa bawat
isa sa amin. Nilikha mo kami na iyong kalarawan.
Nagkatawang-tao at namatay sa Krus ang iyong Anak
upang kami ay iligtas. Ibinigay mo sa amin ang
karangalan na maging iyong mga anak at kapatid ni
Hesus. Ang aming buhay ay inilaan mo sa iyong
kaharian. Hindi namin malaman kung paano ka naming
pasasalamatan sa mga biyayang ito ng pag-ibig na
ibinabahagi mo sa amin. Si Maria ay Huwaran kung
paano mabuhay sa iyong paghahari. Loobin mo na sa
buhay naming dito sa lupa ay maisabuhay na naming ang
iyong paghahari hanggang sa makarating kami sa Subalit sa ating buhay dito sa lupa ay kailangan nating
kaganapan nito sa kalangitan. Hinihiling naming ito isabuhay ang paghahari ng Diyos. Maisasabuhay ba natin
alang-alang kay Kristong aming Panginoon. Amen ang paghahari ng Diyos kung tayo ay mabubuhay sa
katarungan, katotohanan, kapayapaan, kalayaan, at
Pagbasa mula sa Aklat ng Pahayag pag-ibig. Tanungin natin ang ating mga sarili kung tayo
Pagkatapos nito, nakita ko ang isang bagong langit at ay nabubuhay sa diwa ng kaharian ng Diyos.
isang bagong lupa. Wala na ang dating langit at lupa ;
wala na rin ang dagat. At nakita ko ang Banal na
Lunsod, ang bagong Herusalem, bumababang galing sa 1 Ama Namin ; 1 Aba Ginnong Maria ; 1 Luwalhati
langit buhat sa Diyos, gaya ng babaeng ikakasal, gayak
Litaniya sa Mahal na Birheng Maria
na gayak sa pagsalubong sa lalaking mapapangasawa
niya. Narinig ko ang isang malakas na tinig mula sa
Trono. Ngayon ang tahanan ng Diyos ay nasa piling na ng
mga tao. Mananahan siyang kasama nila, at Dalanging Wakas sa Ikasiyam na Araw
sila’ymagiging bayan niya. Makakapiling nila nang
Ama naming mapagmahal, pinasasalamatan ka namin sa
palagian ang Diyos. At papahirin niya ang kanilang mga
pagbibigay mo sa amin kay Maria bilang Reyna ng iyong
luha. Wala nang kamatayan, dalamhati, pag-iyak, at
Kaharian. Ang kanyang buhay ay huwaran kung paano
sakit, sapagkat lumipas na ang dating mga bagay.
kami makakarating sa iyong kaharian. Nawa’y matularan
Pagkatapos ay sinabi ng nakaupo sa trono, Ngayon,
namin siya sa kanyang mga halimbawa. Hinihiling namin
binabago ko ang lahat ng bagay ! At sinabi niya sa akin,
ito sa pamamagitan ni Kristong aming Panginoon. Amen.
Isulat mo : Maaasahan at totoo ang mga salitang ito.

Ang Salita ng Diyos

Pangwakas na Awit : Maria, Ina ng Diyos

Pagninilay :

Ang buhay ng tao ay mahalaga sapgkat may patunguhan.

Nakalaan ang bawat isa sa atin sa kaharian ng Diyos.