Sa hudyat ng mga tagapaglingkod na natitipon malapit sa pangunahing pintuan ng simbahan o
kapilya, babasahin ng commentator ang sumusunod:
Ipinagdiriwang po natin ngayon
ang Kapistahan ng Pagbibinyag sa Panginoon. Kasama ng Pagdalaw ng mga Pantas at ng Himala sa Kasalan sa Cana, ang Pagbibinyag sa Panginoon ay isa sa mga misteryo ng kanyang unang pagpapahayag sa mga tao. Ang Kapistahang ito ang pagtatapos ng panahon ng Pasko ng Pagsilang ng Panginoon.
Hindi kinakailangan ni Hesus na mabinyagan
sapagkat siya’y walang bahid ng kasalanan. Gayunman, siya’y lumusong sa Ilog Jordan at nagpabinyag kay San Juan Bautista bilang pagsunod sa kalooban ng Ama, bilang pag-ako sa mga kasalanan ng sangkatauhan, bilang hudyat ng daranasin niyang kamatayan, at bilang pagpapanabal sa lahat ng tubig sa sanlibutan upang magamit sa pagbibinyag. Sa kanyang pag-ahon mula sa tubig, ipinahayag ng Diyos Ama ang kanyang natatanging kalagayan bilang Anak ng Diyos – isang karangalan na ibinabahagi niya sa atin sa pamamagitan na sakramento ng binyag.
Sa pasimula ng Banal na Misa ngayong araw na ito,
babasbasan ang tubig na iwiwisik sa atin bilang paalaala sa binyag na ating tinanggap.
Tumayo po ang lahat at makiisa sa pambungad na awit.