HUWEBES SANTO:

PAGMIMISA SA PAGTATAKIPSILIM
SA PAGHAHAPUNAN NG PANGINOON

Diyosesis ng Malolos
2020
 Huwebes Santo:
PAGMIMISA SA PAGTATAKIPSILIM
SA PAGHAHAPUNAN NG PANGINOON

“Ang sarong ito ang bagong tipan na pinagtitibay ng Aking Dugo”

1 Cor. 11:25

Ang Lingkod ng Diyos ay Lingkod ng Bagong Tipan. Sa dapit-hapong ito ay

ipinagdiriwang natin ang Huling Hapunan ng Panginoon. Sa piging na ito, itinatag ni Hesus
ang mga sakramento ng Banal na Orden at ng Eukaristiya. Paglimiin natin ang kahulugan
nito para sa atin na mga alagad Niya.

Ang tabernakulo ay dapat na walang laman; dapat na maghanda ng sapat na ostiya para
italagang maging Katawan ni Kristo para sa pakikinabang ng mga pari at mga tagapaglingkod
ngayon at bukas.

Sa pag-awit ng Papuri sa Diyos, ang mga kampana ng Simbahan ay tutugtugin at pagkaraa’y

mananahimik ang mga ito hanggang sa Gabi ng Pagkabuhay. Iminumungkahi na gamitin ang
Panalangin Eukaristiko I na may tanging pagbanggit ng araw na ito.

PASIMULA

Pari: Sa Ngalan ng Ama  at ng Anak

at ng Espiritu Santo.
Bayan: Amen.

Pari: Sumainyo ang Panginoon.

Bayan: At sumaiyo rin.
PAMBUNGAD NA PANANALITA

Pari: Mga kapatid,

sa pagtatakip-silim na ito,
ating ipinagdiriwang ang
Huling Hapunan ng Panginoon,
bilang pag-aalaala sa pagtatatag ng Eukaristiya
at ng Banal na Orden ng Pagkapari.

Halina at sama-samang dumulog

sa Hapag ng Paglilingkod.
Upang maging marapat
sa Banal na Pagdiriwang,
aminin natin ang ating mga kasalanan
lalo na ang ating kakulangan na magmahal
tulad ng Panginoon.

Magkakaroon ng saglit na katahimikan.

Pagkatapos nito, lahat ay sabay-sabay na aamin sa nagawang kasalanan.

Inaamin ko sa makapangyarihang Diyos,

at sa inyo, mga kapatid,
na lubha akong nagkasala
Ang lahat ay dadagok sa dibdib.

sa isip, sa salita, sa gawa

at sa aking pagkukulang.
Kaya isinasamo ko
sa Mahal na Birheng Maria,
sa lahat ng mga anghel at mga banal
at sa inyo, mga kapatid,
na ako’y ipanalangin
sa Panginoong ating Diyos.
Ipahahayag ng Pari ang pagpapatawad:

Pari: Kaawaan tayo ng Makapangyarihang Diyos,

patawarin tayo sa ating mga kasalanan
at patnubayan tayo sa buhay na walang hanggan.

PANGINOON KAAWAAN MO KAMI aawitin

PAPURI SA DIYOS
Sa pag-awit ng Papuri sa Huwebes Santo ay tutugtugin ang kampana at mananahimik na ito
hanggang sa Sabado Santo.

Pari: Gloria in excelsis Deo

Aawitin ang Papuri sa Diyos

Papuri sa Diyos sa kaitaasan

at sa lupa’y kapayapaan sa mga taong kinalulugdan niya
Pinupuri Ka namin,
dinarangal Ka namin,
sinasamba Ka namin,
ipinagbubunyi Ka namin
pinasasalamatan Ka namin
dahil sa dakila Mong angking kapurihan
Panginoong Diyos Hari ng langit,
Diyos Amang makapangyarihan sa lahat
Panginoong Hesukristo Bugtong na Anak
Panginoong Diyos, Kordero ng Diyos, Anak ng Ama
Ikaw na nag-aalis ng mga kasalanan ng sanlibutan
maawa Ka sa amin
Ikaw na nag-aalis ng mga kasalanan ng sanlibutan
tanggapin Mo ang aming kahilingan
Ikaw na naluluklok sa kanan ng Ama
maawa Ka sa amin.
Sapagkat Ikaw lamang ang banal
ikaw lamang ang Panginoon,
ikaw lamang O Hesukristo, ang Kataas-taasan
Kasama ng Espiritu Santo
sa kadakilaan ng Diyos Ama. Amen.
PAMBUNGAD NA PANALANGIN

Pari: Manalangin tayo:

Sandaling Katahimikan

Ama naming Makapangyarihan,

sa mga kasalo ngayon sa banal na Hapunan
na ipinamana ng Iyong Anak na mamamatay
bilang haing bago at pangmagpakaylanman
para sa giliw Niyang sambayanan,
ipagkaloob Mong lubusang mapakinabangan
ang Iyong dakilang pag-ibig at buhay
sa pamamagitan Niya
kasama ng Espiritu Santo
magpasawalang hanggan.
B. Amen.
 LITURHIYA NG SALITA NG DIYOS

UNANG PAGBASA Exodo 12:1-8, 11-14

Mga tagubilin tungkol sa hapunan ng Paskuwa

Ang Salita ng Diyos mula sa Aklat ng Exodo

Noong mga araw na iyon: Sinabi ng Panginoon kina Moises at Aaron, “Mula
ngayon, ang buwang ito ang magiging unang buwan ng taon para sa inyo. At
sabihin ninyo sa buong pamayanan ng Israel na sa ika-sampung araw ng
buwang ito, bawat puno ng sambahayan ay pipili ng isang kordero o bisirong
kambing para sa kanyang pamilya. Kung maliit ang pamilya at hindi makauubos
ng isang buong kordero, magsasalo sila ng kalapit na pamilya, na hindi rin
makauubos ng isang buo . Ang dami ng magsasalu-salo sa isang kordero ay
ibabatay sa dami ng makakain ng bawa’t isa. Kailangang ang kordero ay lalaki,
isang taong gulang, walang pinsala o kapintasan. Kung walang tupa ay kahit
kambing. Aalagaan itong mabuti hanggang sa ikalabing-apat ng buwan at sa
kinagabihan, sabay-sabay papatayin ng buong bayan ang kani-kanilang
kordero. Kukuha sila ng dugo nito at ipapahid sa mga hamba at sombrero ng
pintuan ng bahay na kakainan ng kordero. Sa gabi ring iyon, lilitsunin ito at
kakaning kasama ng tinapay na walang lebadura at ng mapapait na gulay.
Ganito naman ang magiging ayos ninyo sa pagkain nito, nakabigkis,
nakasandalyas at may tangang tungkod; dali dali ang inyong pagkain nito. Ito
ang Paskwa ng Panginoon.

“Sa gabing yaon, lilibutin ko ang buong Ehipto at papatayin ang lahat ng
panganay na lalaki, maging tao o hayop man. At parurusahan Ko ang lahat ng
diyus-diyusan sa Egipto. Ako ang Panginoon. Lalampasan ko ang lahat ng bahay
na makita Kong may pahid na dugo, at walang pinsalang mangyayari sa inyo sa
pagpaparusa Ko sa buong Egipto. Ang dugo ang siyang magiging palatandaan
na Israelita ang nakatira sa bahay na iyon. Ang araw na ito’y ipagdiriwang ninyo
magpakailanman bilang Pista ng Panginoon.

Ang Salita ng Diyos.

-Salamat sa Diyos.
Salmong Tugunan: Salmo 115,12-13.15-16bk. 17-18
Tugon: 1 Corinto 10,16

Sa kalis ng pagbabasbas
si Kristo ang tinatanggap.

Sa Diyos ko’t Panginoon, ano’ng aking ihahandog

sa lahat ng kabutihan na sa akin ay kaloob?
Ang handog ko sa dambana, ay inumin namasarap
bilang aking pagkilala sa ginawang pagliligtas.

Sa kalis ng pagbabasbas
si Kristo ang tinatanggap.

Masakit sa kalooban ng Poon kung may papanaw,

kahit ito ay iisa, labis siyang magdaramdam,
katulad ng aking ina, maglilingkod akong lubos
yamang ako’y iniligtas, kinalinga at tinubos.

Sa kalis ng pagbabasbas
si Kristo ang tinatanggap.

Ako ngayo’y maghahandog ng haing pasasalamat,

ang handog kong panalangi’y sa iyo ko ilalagak.
Sa templo sa Jerusalem, ay doon ko ibibigay
ang anumang pangako kong sa iyo ay binitiwan.

Sa kalis ng pagbabasbas
si Kristo ang tinatanggap.
IKALAWANG PAGBASA 1 Corinto 11:23-26
Tuwing kakain kayo at iinom,
Ipinahahayag ninyo ang kamatayan ng
Panginoon.

Ang Salita ng Diyos mula sa Unang Sulat ni Apostol San Pablo sa mga Taga-
Corinto

Mga kapatid,

Ito ang aral na tinanggap ko sa Panginoon at ibinibigay ko naman sa inyo:

Ang Panginoong Hesus, noong gabing Siya’y ipagkanulo ay dumampot ng
tinapay, nagpasalamat, at pinaghati-hati ito, at sinabi, “Ito ang Aking katawan
na inihahandog para sa inyo. Gawin ninyo ito sa pag-alala sa Akin.” Gayon din
naman, matapos maghapunan ay hinawakan Niya ang kalis at sinabi, “ Ang
kalis na ito ang bagong tipan na pinagtitibay ng Aking dugo. Tuwing iinumin
ninyo ito, gawin ninyo sa pag-alala sa Akin.” Sapagka’t tuwing kakain kayo ng
tinapay na ito at iinom sa kalis na ito ay ipinahahayag ninyo ang kamatayan ng
Panginoon, hanggang sa muling pagparito Niya.

Ang Salita ng Diyos.

-Salamat sa Diyos.

AWIT-PAMBUNGAD
SA MABUTING BALITA
Juan 13,34

Ang bagong utos ko’y ito:

mag– ibigan sana kayo
katulad ng ginawa ko
na pagmamahal sa inyo
ang sabi ni Hesukristo
MABUTING BALITA Juan 13:1-15
Ipakikita niya kung hanggang saan
ang kanyang pag-ibig sa kanila.

 Ang Mabuting Balita ng Panginoon ayon kay San Juan

Bisperas na ng Paskuwa.
Alam ni Hesus na dumating na ang panahon
ng Kanyang paglisan sa sanlibutang ito upang bumalik sa Ama.
Mahal Niya ang Kanyang mga tagasunod na nasa sanlibutan,
at ngayo’y ipakikita Niya kung hanggang saan
ang pag-ibig Niya sa kanila.

Naghahapunan si Hesus at ang mga alagad.

Naisilid na ng diyablo sa isip ni Judas, anak ni Simon Iscariote,
ang pagkakanulo kay Hesus.
Alam ni Hesus na ibinigay na sa Kanya ng Ama
ang buong kapangyarihan;
alam din Niyang Siya’y mula sa Diyos
at babalik sa Diyos.
Kaya’t nang sila’y naghahapunan, tumindig si Hesus,
naghubad ng Kanyang panlabas na kasuutan,
at nagbigkis ng tuwalya.
Pagkatapos, nagbuhos Siya ng tubig sa palanggana,
at sinimulang hugasan ang paa ng mga alagad
at punasan ng tuwalyang nakabigkis sa Kanya.
Paglapit Niya kay Simon Pedro, tumutol ito.
“Panginoon,” sabi niya,
“di yata’t Kayo pa ang maghuhugas ng aking mga paa?

Sumagot si Hesus,
“Hindi mo nauunawaan ngayon ang ginagawa Ko,
ngunit mauunawaan mo rin pagkatapos.”
 Sinabi sa Kanya ni Pedro,
“Hinding-hindi ko po pahuhugasan sa Inyo ang aking mga paa.”
“Kung hindi Kita huhugasan,
wala kang kaugnayan sa Akin,” tugon ni Hesus.
“Kaya’t sinabi ni Pedro,
“Panginoon, hindi lamang po ang mga paa ko,
kundi pati ang aking kamay at ulo!”

Ani Hesus
“Maliban sa kanyang mga paa,
hindi na kailangang hugasan pa ang naligo na,
sapagka’t malinis na ang kanyang buong katawan.
At malinis na kayo, ngunit hindi lahat.”
Sapagka’t alam ni Hesus
kung sino ang magkakanulo sa Kanya,
kaya sinabi Niyang malinis na sila, ngunit hindi lahat.
Nang mahugasan na ni Hesus ang kanilang mga paa,
Siya’y nagsuot ng damit at nagbalik sa hapag.
“Nauunawan ba ninyo kung ano ang ginawa Ko sa inyo?”
tanong Niya sa kanila.
“Tinatawag ninyo Akong Guro at Panginoon,
at tama kayo, sapagka’t Ako nga.
Kung Akong Panginoon ninyo at Guro
ay naghugas ng inyong mga paa,
dapat din kayong maghugasan ng paa.
Binigyan Ko kayo ng halimbawa
at ito’y dapat ninyong tularan.

Ang Mabuting Balita ng Panginoon.

-Pinupuri Ka namin Panginoong Jesukristo.

HOMILIYA

Hindi ipapahayag ang sumasampalataya

PANALANGIN NG BAYAN
Pari: Mga Kapatid,
Alam natin na itinatag ni Kristo ang Banal na Eukaristiya.
Magpasalamat tayo ngayon sa Panginoon at dumalangin,
para sa mga biyayang kaloob ng Sakramentong ito.
Ating sambitin:
PANGINOON, DINGGIN ANG AMING PANALANGIN.
N. Para sa pag-ibig na ibinuhos ni Kristo sa lahat ng nilikha at sa Kanyang
pagmamahal sa kapwa hanggang sa kamatayan sa Krus na ngayo’y
nagbibigay-buhay sa anyo ng tinapay at alak, upang ito ang magbuklod sa
ating pamayanan, dumalangin tayo sa Panginoon.

N. Para sa kababaang-loob ni Kristo sa pagbibigay Niya ng Kanyang sarili sa

atin sa Eukaristiya upang tayo ay magkaroon ng buhay na matiwasay,
manalangin tayo sa Panginoon.

N. Para sa masigasig na paglilingkod ng lahat ng kinapal sa pagpapalaganap ng

pagsamba sa Sakramento ng Eukaristiya, manalangin tayo sa Panginoon.

N. Para sa mga Paring tinawag ni Hesus upang ipagpatuloy ang Pagdiriwang ng

Hapunan ng Panginoon, ang Banal na Eukaristiya, manalangin tayo sa
Panginoon.

N. Para sa mga nagkasakit dahil sa COVID-19, at sa mga doktor at frontliners

na nag-aalaga sa kanila upang ang mapagpagaling at mapag-adyang paghipo
ng Diyos ay kanilang maranasan, manalangin tayo sa Panginoon.

N. Para sa sinabi ni Hesus na “gawin ninyo ito sa pag-alala sa akin,” upang

hindi lamang sa pagsasalo natin ganapin ito kundi sa paglilingkod sa kapwa
lalo na sa panahong ito, manalangin tayo sa Panginoon.

Sandaling katahimikan
Pari: nakaunat ang mga kamay
Amang maawain,
nagpapasalamat kami sa mahalagang handog na ito
sa Iyong Simbahan.
Nawa’y ipagpatuloy Mo ang pagkukupkop
sa aming lahat at tamasahin namin
ang mga biyayang kaloob ng
Sakramento ng Eukaristiya
sa pamamagitan ni Kristong aming Panginoon
ngayon at magpasawalang hanggan.
B. Amen.
 PAGDIRIWANG NG HULING HAPUNAN

UBI CARITAS
Ubi Caritas et Amor
Ubi Caritas, Deus ibi es.
Sa pagmamahal naroroon ang Diyos (2x)
Maaaring ulitin hanggang matapos ang paghahanda ng mga alay.

Ngayon nama’y tatayo ang Pari sa gawing gitna ng dambana, hahawakan niya ang pinggan
ng tinapay nang bahagyang nakaangat sa dambana, habang dinarasal niya nang pabulong:

Kapuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming maiaalay.
Mula sa lupa at bunga ng aming paggawa ang tinapay na ito
para maging pagkaing nagbibigay-buhay.

Ilalapag niya ang pinggan ng tinapay sa telang patungan ng Katawan ni Kristo.

Kapag hindi ginaganap ang awit ng pag-aalay, ang mga pangungusap na ito ay madarasal
nang malakas ng Pari at sa katapusan makapagbubunyi ang mga tao:
Kapuri-puri ang Poong Maykapal ngayon at kailanman!

Ang diyakono o ang pari ay magbubuhos ng alak at kaunting tubig sa kalis habang dinarasal
nang pabulong:

Sa paghahalong ito ng alak at tubig

kami nawa’y makasalo sa pagka-Diyos ni Kristo
na nagpagindapat makihati sa aming pagkatao.

Pagbalik sa gawing gitna ng dambana, hahawakan ng Pari ang kalis ng bahagyang nakaangat
sa dambana habang dinarasal niya ng pabulong:
Kapuri-puri ka, Diyos Amang Lumikha sa sanlibutan.
Sa iyong kagandahang-loob, narito ang aming maiaalay.
Mula sa katas ng ubas at bunga ng aming paggawa ang alak na ito
para maging inuming nagbibigay ng iyong Espiritu.

Ilalapag niya ang kalis sa telang patungan ng Katawan ni Kristo.

Kapag hindi ginaganap ang awit ng pag-aalay, ang mga pangungusap na ito ay madarasal
nang malakas ng Pari at sa katapusan makapagbubunyi ang mga tao:
Kapuri-puri ang Poong Maykapal ngayon at kailanman!
Pagkatapos, yuyuko ang Pari habang dinarasal niya nang pabulong:

Diyos Amang Lumikha, nakikiusap kaming mga makasalanan.

Tanggapin mo ang aming pagsisisi bilang handog
upang kami’y matutong sumunod sa iyo nang buong puso.

Kung minamabuting gawin, iinsensuhan ng Pari ang mga alay at ang dambana; pagkaraa’y
iinsensuhan ng diyakono o ng tagapaglingkod ang Pari at ang mga nagsisimba.

Pagkatapos, ang Pari’y pupunta sa gilid ng dambana, maghuhugas siya ng mga kamay
samantalang pabulong niyang dinarasal:

O Diyos kong minamahal,

kasalanan ko’y hugasan
at linisin mong lubusan
ang nagawa kong pagsuway.

Pagbalik ng Pari sa gawing gitna ng dambana, ilalahad niya ang kanyang kamay sa mga tao
at muli niyang pagdaraupin habang kanyang ipinahahayag:

Pari: Manalangin kayo, mga kapatid,

upang ang paghahain natin ay kalugdan
ng Diyos Amang makapangyarihan.

Bayan: Tanggapin nawa ng Panginoon

itong paghahain sa Iyong mga kamay
sa kapurihan Niya at karangalan
sa ating kapakinabangan
at sa buo Niyang sambayanang banal.
PANALANGIN UKOL SA MGA ALAY

Pari: Ama naming Lumikha,

ipagkaloob Mong marapat na ganapin
ang banal na paghahain
sapagka’t tuwing ipinagdiriwang
ang alaala ng Anak Mong nag-aalay,
ang pagliligtas Niya sa tanan
ay nangyayari upang aming pakinabangan
sa pamamagitan Niya
kasama ng Espiritu Santo,
magpasawalang hanggan.

Bayan: Amen.
PREPASYO
Pari: Sumainyo ang Panginoon.
Bayan: At sumaiyo rin.

Pari: Itaas sa Diyos ang inyong puso at diwa.

Bayan: Itinaas na namin sa Panginoon.

Pari: Pasalamatan natin ang Panginoong ating Diyos.

Bayan: Marapat na Siya ay pasalamatan.

Pari: Ama naming Makapangyarihan,

tunay ngang marapat
na Ikaw ay aming pasalamatan
sa pamamagitan ni Hesukristo
na aming Panginoon.

Siya ang talagang dakila at lagi Mong ikinalulugod

na paring naghahain para sa sansinukob
nitong pag-aalay na tangi Mong ibinukod.
Ang pagdiriwang sa Huling Hapunan
ay paghahain Niya para sa lahat
upang alalahanin namin at pagsaluhan.
Ang laman Niya’y inihain
upang lahat ay buhayin.
Ang dugo Niya’y dumanak
nang lahat ay mapatawad.

Kaya kaisa ng mga anghel

na nagpupuri sa Iyo
nang walang humpay sa kalangitan
ipinagbubunyi namin ang Iyong kadakilaan:
Aawitin ang Santo
UNANG PANALANGIN NG PAGPUPURI AT PAGPAPASALAMAT
o PAMANTAYANG PANALANGIN NG ROMA
Nakalahad ang kamay ng Pari sa pagdarasal.

Pari: Ama naming maawain,

ipinaaabot namin ang pasasalamat sa Iyo
sa pamamagitan ng aming Panginoong Hesukristo.
Pagdaraupin ng Pari ang kamay at kukrusan niya ang tinapay at kalis, samantalang kanyang
dinarasal:
Ipinakikiusap namin sa pamamagitan ng Anak Mong ito
na ang mga kaloob namin ay tanggapin at basbasan Mo 
sa pagdiriwang namin ng paghahain Niya sa Iyo.
Nakalahad ang kamay ng Pari sa pagdarasal.

Iniaalay namin ito sa Iyo, unang-una

para sa Iyong banal na Simbahang Katolika.
Pagkalooban Mo ng kapayapaan at pagkupkop,
pagkakaisa at pagtataguyod,
ang mga kaanib nito sa sansinukob,
kaisa ng aming Papa Francisco, na Iyong lingkod,
kasama ng aming Obispo Dennis
at ng lahat ng nananalig at nagpapalaganap
sa pananampalatayang katoliko
na galing sa mga apostol.
Pag-alala sa mga nabubuhay sa daigdig

Nakikipagmisa :
Ama namin, Iyong alalahanin
ang Iyong mga anak na ngayo’y aming idinadalangin:
N. at N.
Sila’y saglit na ipagdarasal ng pari nang may magkadaop na kamay.
Pagkatapos, ang pari ay patuloy na magdarasal nang nakalahad ang mga kamay.
Ang aming pananampalataya ay nababatid Mo
gayun din ang pagsisikap naming maging tapat sa Iyo.
Ang paghahaing ito ng pagpupuri ay aming iniaalay
para sa kapakanan namin at ng mga mahal namin sa buhay,
para sa aming kalusugan at walang hanggang kaligtasan
sa pagdulog namin sa Iyong kadakilaan,
Diyos na totoo at nabubuhay kaylanman.
Pag-alala sa mga Banal
Nakikipagmisa:
Kaisa ng buong Simbahan
ngayo’y aming ipinagdiriwang
ang dakilang kapistahan ng ginawang paghahain
ng aming Panginoong Hesukristo para sa amin.
Pinararangalan namin ngayon, unang-una
ang Ina ng Diyos at Panginoon naming Hesukristo,
si Maria na maluwalhating laging Birhen.
gayundin ang kanyang kabiyak ng pusong si San Jose,
ang Iyong pinagpalang mga apostol at martir
na sina Pedro, Pablo, at Andres,
(sina Santiago, Juan,
Tomas, Santiago, Felipe,
Bartolome, Mateo,
Simon at Tadeo;
gayun din sina Lino, Cleto, Clemente, Sixto,
Cornelio, Cipriano,
Lorenzo, Crisogono,
Juan at Pablo, Cosme at Damian)
at lahat ng Iyong mga banal.
Pakundangan sa kanilang ginawang mga kabutihan
at walang sawang pagdalangin
para sa aming kapakanan,
kami ay lagi Mong kalingain at ipagsanggalang.
Nakalahad ang mga kamay ng Pari sa pagdarasal.

Pari:
Ama namin, Iyong tanggapin
ang handog na ito ng Iyong buong angkan
sa pag-alala sa dakilang araw
ng paghahain ng Katawan at Dugo
ng aming Panginoong Hesukristo
upang pagsaluhan ng mga alagad.

Loobin Mong kami’y makapamuhay

araw-araw sa Iyong kapayapaan.
Huwag Mong ipahintulot na kami’y mawalay
sa Iyo kaylan pa man.
Ibilang Mo kami sa Iyong mga hinirang.
Pagdaraupin ng Pari ang kanyang mga kamay.

Lulukuban ng mga kamay ng Pari ang mga alay habang siya’y nagdarasal; gayundin ang
gagawin ng mga nakikipagmisa

Panawagan sa Diyos

Pari at mga Nakikipagmisa:

Ama namin, basbasan Mo
Ang mga handog naming ito.
Marapatin Mong sambahin Ka namin
sa Espiritu at katotohanan,
kaya para sa amin
ito ay gawin Mong maging Katawan at Dugo
ng pinakamamahal Mong Anak,
ang aming Panginoong Hesukristo.
Pagdaraupin niya ang kanyang mga kamay.
Pagsasalaysay at Pagtatalaga

Ang mga salita ng Panginoon sa mga sumusunod na pangungusap ay ipahahayag nang

malinaw at nauunawaan sa tanan ayon sa hinihingi ng mga ito.

Noong bisperas ng Kanyang pagpapakasakit

para kami at ang lahat ng tao ay masagip,
nakisalo siya ngayon sa mga alagad
niyang iniibig
Hahawakan ng Pari ang tinapay nang bahagyang nakaangat sa ibabaw ng dambana habang
patuloy na inihahayag:
Hinawakan ni Hesus ang tinapay,
sa Kanyang banal at kagalang-galang
na mga kamay.
Ang Pari ay titingala
Tumingala Siya sa langit,
sa Iyo, Diyos Ama Niyang makapangyarihan,
at nagpasalamat Siya sa Iyo.
Pinaghati-hati Niya ang tinapay,
iniabot sa Kanyang mga alagad
at sinabi:
Bahagyang yuyuko ang Pari
TANGGAPIN NINYONG LAHAT ITO
AT KANIN:
ITO ANG AKING KATAWAN
NA IHAHANDOG PARA SA INYO.
Ipamamalas niya ang ostiyang itinalagang maging Katawan ni Kristo, ipapatong niya ito sa
pinggan, at luluhod siya bilang pagsamba.
Ang Pari ay magpapatuloy.

Gayun din naman, noong matapos ang hapunan,

Hahawakan ng Pari ang kalis nang bahagyang nakataas sa ibabaw ng dambana habang
patuloy na inihahayag:
Hinawakan Niya ang kalis na ito ng pagpapala
sa Kanyang banal at kagalang-galang na mga kamay,
muli Ka niyang pinasalamatan,
iniabot Niya ang kalis sa Kanyang mga alagad
at sinabi:
Bahagyang yuyuko ang Pari.
TANGGAPIN NINYONG LAHAT ITO AT INUMIN:
ITO ANG KALIS NG AKING DUGO
NG BAGO AT WALANG HANGGANG TIPAN,
ANG AKING DUGO NA IBUBUHOS
PARA SA INYO AT PARA SA LAHAT
SA IKAPAGPAPATAWAD NG MGA KASALANAN.

GAWIN NINYO ITO SA PAG-ALALA SA AKIN.

Ipamamalas niya ang kalis, ipapatong niya ito sa telang patungan ng Katawan ni Kristo, at
luluhod siya bilang pagsamba.

Pagkatapos, ipahahayag ng Pari:

Ipagbunyi natin ang misteryo ng pananampalataya.

Ang mga tao ay magbubunyi:

Lahat: Sa Krus Mo at pagkabuhay kami’y natubos Mong tunay Poong Hesus naming
mahal iligtas mo kaming tanan, ngayon at magpakailanman.
o kaya
Aming ipinahahayag na namatay ang Iyong Anak, nabuhay bilang Mesiyas at
magbabalik sa wakas upang mahayag sa lahat.
Pag-alala at Pag-aalay
Ilalahad ng Pari ang kanyang kamay samantalang siya ay nagdarasal:

Pari at mga Nakikipagmisa:

Ama,
kaming mga lingkod Mo at bumubuo sa Iyong bayang banal
ay nagdiriwang sa alaala ni Kristo
na iyong Anak at aming Panginoon.
Ginugunita namin
ang Kanyang dakilang pagpapakasakit,
ang pagbangon Niya mula sa kamatayan,
at ang matagumpay na pag-akyat Niya sa kalangitan.
Kaya mula sa mga biyayang sa Iyo rin nanggaling
inihahandog namin sa Iyong kataas-taasang kamahalan
ang paghahaing ito na katangi-tangi at dalisay:
ang pagkaing nagbibigay-buhay kaylan man
at ang inuming nagbibigay-kagalingang walang katapusan.

Masdan Mo ng buong kasiyahan ang aming mga alay na ito.

Ganapin Mo sa mga ito ang ginawa Mo
sa mga handog ni Abel, ang lingkod na matapat sa Iyo,
sa paghahain ni Abraham,
na ama namin sa pananampalatayang totoo,
at sa inihandang tinapay at alak ni Melkisedek,
na paring hirang Mo.
Paunlakan Mo ngayong tanggapin
ang banal at dalisay na paghahain.
Yuyuko ang Pari at magdarasal siyang nakadaop ang mga kamay:

Makapangyarihang Diyos
hinihiling naming Iyong ipaakyat sa banal Mong anghel
ang mga alay na ito sa dakilang dambanang
nasa Iyong harap
upang sa pagsasalo sa banal na Katawan at Dugo
ng Iyong Anak
sa pakikinabang namin ngayon dito sa banal Mong hapag
Tatayo ng tuwid ang Pari at magkukrus samantalang nagdarasal:
kami ay mapuspos ng Iyong pagpapala
at tanang pagbabasbas .
Pagdaraupin ng Pari ang kanyang mga kamay.

Pag-alala sa mga yumao sa daigdig

Nakalahad ang kamay ng pari sa pagdarasal.

Nakikipagmisa:
Ama namin, Iyo ring alalahanin
ang mga anak Mong naunang yumao sa amin
sa paghimlay sa Iyong kapayapaan
yamang ang tatak ng pananampalataya
ay kanilang taglay
at sila ngayo’y aming ipinagdarasal: N. at N.
Sila’y saglit na ipagdarasal ng pari nang may magkadaop palad na mga kamay. Pagkatapos,
ang pari ay patuloy na magdarasal nang nakalahad ang mga kamay.

Sila at ang tanang nahihimlay sa kandungan ni Kristo

ay aming idinadalangin sa Iyo
upang Iyong pagbigyang makarating
sa pagsasalo, pagliliwanag at pamamahinga
sa Iyong piling.
Nakikipagmisa:
Dadagukan ng kanang kamay ng pari ang kanyang dibdib
habang siya ay nagsisimulang magdasal:

Kahit kami ay mga makasalanan Mong lingkod

Patuloy na magdarasal ang pari nang nakalahad ang mga kamay:
Kami rin ay nagtitiwala sa Iyong nag-uumapaw
na pagkamapagbigay
sa aming pamumuhay araw-araw.
Kaya pagindapatin Mo ring kami ay makaugnay
at makapiling
ng Iyong mga banal na apostol at martir,
kasama nina Juan Bautista, Esteban,
Matias, Bernabe,
(Ignacio, Alejandro,
Marcelino, Pedro,
Felicidad, Perpetua,
Agata, Lucia,
Agnes, Cecilia, Anastacia)
at ng lahat ng Iyong mga banal.
Kami nawa’y makapisan nila
hindi dahil sa aming ginawang kabutihang
kulang na kulang
kundi pakundangan sa Iyong pagpupuno
sa aming kakulangan.
Pagdaraupin ng nakikipagmisa ang kanyang kamay:
Sa pamamagitan ng aming Panginoong Hesukristo.
Pari:
Sa kanyang pamamagitan
ang tanang mabubuting kaloob Mong ito
ay lagi Mong pinaiiral, pinababanal,
binubuhay, binabasbasan
at sa amin ibinibigay.
Pagdaraupin ng Pari ang kanyang kamay.

Pagbubunying Pangwakas

Hahawakan ng Pari ang pinggang may ostiya at ang kalis nama’y itataas ng diyakono habang
ipinahahayag ng Pari:

Pari at mga Nakikipagmisa:

Sa pamamagitan ni Kristo,
kasama Niya, at sa Kanya
ang lahat ng parangal at papuri ay sa Iyo,
Diyos Amang makapangyarihan,
kasama ng Espiritu Santo
magpasawalang hanggan.
Lahat: Amen.
 ANG PAKIKINABANG
Pagkalapag ng kalis at pinggan sa dambana, ipahahayag ng Pari nang may magkadaop na
mga kamay:
Sa tagubilin ng mga nakagagaling na utos
at turo ni Hesus na Panginoon natin at Diyos
ipahayag natin nang lakas-loob:
Ilalahad ng Pari ang kanyang mga kamay at ipahahayag niya kaisa ng lahat:
Ama namin, sumasalangit ka.
Sambahin ang ngalan mo.
Mapasaamin ang kaharian mo.
Sundin ang loob mo
dito sa lupa para nang sa langit.

Bigyan mo kami ngayon

ng aming kakanin sa araw-araw.
At patawarin mo kami sa aming mga sala
para nang pagpapatawad namin
sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

Nakalahad ang mga kamay ng Pari sa pagdarasal:

Hinihiling naming
kami’y iadya sa lahat ng masama,
pagkalooban ng kapayapaan araw-araw,
iligtas sa kasalanan
at ilayo sa lahat ng kapahamakan
samantalang aming pinananabikan
ang dakilang araw ng pagpapahayag
ng Tagapagligtas naming si Hesukristo.
Pagdaraupin niya ang kanyang mga kamay. Wawakasan ng sambayanan ang panalangin sa
ganitong pagbubunyi:

Sapagka’t iyo ang kaharian

at ang kapangyarihan at ang kapurihan
magpakailanman! Amen.
Pagkatapos, malakas na darasalin ng Paring nakalahad ang mga kamay:

Panginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.”
Tunghayan mo ang aming pananampalataya
at huwag ang aming pagkakasala.
Pagkalooban mo kami ng kapayapaan
at pagkakaisa ayon sa iyong kalooban
Pagdaraupin ng Pari ang kanyang mga kamay.

kasama ng Espiritu Santo magpasawalang hanggan.

Sasagot ang mga tao:

Amen.

Ang Pari’y paharap sa sambayanang maglalahad at magdaraop ng mga kamay sa

pagpapahayag.

Ang kapayapaan ng Panginoon ay laging sumainyo.

Sasagot ang mga tao:

At sumaiyo rin.

Maidaragdag, kung minamabuti, ang paanyayang ipahahayag ng diyakono o Pari:

Magbigayan kayo ng kapayapaan sa isa’t isa.

At, alinsunod sa kaugalian ng iba’t ibang pook, ang mga nagsisimba ay magbibigayan ng
kapayapaan. Ang Pari at mga tagapaglingkod ay makapagbibigayan ng kapayapaan.
Pagkatapos, hahawakan ng Pari ang ostiya at hahati-hatiin niya ito sa ibabaw ng pinggan at
isasawak niya ang kaputol sa kalis habang pabulong niyang dinarasal:

Sa pagsasawak na ito
ng Katawan sa Dugo ng aming Panginoong Hesukristo
tanggapin nawa namin sa pakikinabang
ang buhay na walang hanggan.

Samantalang ginaganap ang paghahati-hati sa ostiya, aawitin o darasalin ang pagluhog na

ito:

Kordero ng Diyos, na nag-aalis ng mga kasalanan ng sanlibutan,

maawa ka sa amin.
Kordero ng Diyos, na nag-aalis ng mga kasalanan ng sanlibutan,
maawa ka sa amin.
Kordero ng Diyos, na nag-aalis ng mga kasalanan ng sanlibutan,
ipagkaloob mo sa amin ang kapayapaan.

Ito ay mauulit-ulit habang ginaganap ang paghahati-hati sa tinapay. Sa huling pag-uulit saka
pa lamang idurugtong ang “ipagkaloob mo sa amin ang kapayapaan.”

Magkadaop ang mga kamay ng Pari sa pabulong na pagdarasal:

Panginoong Hesukristo, Anak ng Diyos na buhay,

sa kalooban ng Ama kasama ng Espiritu Santo,
binuhay mo sa iyong pagkamatay ang sanlibutan.
Pakundangan sa iyong banal na Katawan at Dugo,
iadya mo ako sa tanang aking kasalanan at lahat ng masama,
gawin mong ako’y makasunod lagi sa iyong mga utos,
at huwag mong ipahintulot na ako’y mawalay sa iyo kailanman.

Luluhod ang Pari at pagtayo niya’y kanyang hahawakan ang ostiya na itataas sa ibabaw ng
pinggan. Paharap sa mga tao siyang magsasabi nang malakas:

Ito ang Kordero ng Diyos.

Ito ang nag-aalis ng kasalanan ng sanlibutan.
Mapalad ang mga inaanyayahan sa kanyang piging.
Idurugtong niyang minsanan kaisa ng sambayanan:

Panginoon, hindi ako karapat-dapat na magpatuloy sa iyo

nguni’t sa isang salita mo lamang ay gagaling na ako.
Siya’y makikinabang nang magalang at nakayuko sa dambana habang pabulong na
nagdarasal:

Ipagsanggalang nawa ako ng Katawan ni Kristo

para sa buhay na walang hanggan.

Mapitagan niyang tatanggapin ang Katawan ni Kristo.

Pagkatapos, hahawakan ng Pari ang kalis at pabulong na magdarasal:

Ipagsanggalang nawa ako ng Dugo ni Kristo

para sa buhay na walang hanggan.

Mapitagan niyang tatanggapin ang Dugo ni Kristo.

Hahawakan niya ang pinggan o lalagyan ng ostiya at lalapitan niya ang mga nakikinabang,
bahagyang itataas ang ostiya para sa bawa’t nakikinabang habang sinasbi:

Katawan ni Kristo.

Ang nakikinabang ay tutugon:

Amen.

Samantalang nakikinabang ang Pari, sisimulan ang awit sa pakikinabang.

Pagkapakinabang, ang mga mumo ng ostiya na nasa pinggan ay titipunin sa kalis na

huhugasan ng Pari o diyakono o tagapaglingkod. Habang ito ay ginaganap ng Pari, pabulong
siyang magdarasal:

Ama naming mapagmahal,

ang aming tinanggap ngayon ay amin nawang mapakinabangan
at ang iyong ipinagkaloob ay magdulot nawa sa amin
ng kagalingang pangmagpakailanman.

Makababalik ngayon sa upuan ang Pari. Makapag-uukol ng ilang saglit na katahimikan o

makaaawit ng papuri o salmo.

Pagkapakinabang, ang lalagyan ng mga ostiya para sa Biyernes Santo ay hahayaang

nakapatong sa dambana at ang Misa ay wawakasan sa panalanging itinakda.
PANALANGIN PAGKAPAKINABANG
Pari: Manalangin tayo.
sandaling katahimikan

Ama naming Mapagmahal,

ipagkaloob Mong sa aming pakikinabang
sa ipinagdiwang ditong Hapunan
ng Anak Mong mahal
kami’y pagindapating makasalo kaylan man
sa piging sa Iyong piling sa kalangitan
sa pamamagitan ni Hesukristo
kasama ng Espiritu Santo
magpasawalang hanggan.

B. Amen.

PAGLALAGAK NG BANAL NA SAKRAMENTO SA TABERNAKULO

Ang dambana ay aalisan ng takip (mantel), palamuti at bulaklak.

Ang Panalanging Pantakipsilim ay hindi gaganapin ng mga nakiisa sa Misang ito.

Pangdiyosesis na Komisyon sa Liturhiya

Diyosesis ng Malolos
2020