Taon 34 Blg.
23 Unang Linggo ng Adbiyento (B) — Lila Nobyembre 29, 2020
Gising sa kanyang
Pagdating
T aon-taon sa pagsapit
ng Adbiyento, nagiging
matingkad sa ating kamalayan
ang pagdating ng ating
Panginoong Hesus. Dumating
na siya noon nang isilang
siya sa Belen. Darating siya
sa wakas ng panahon ayon
na rin sa kanyang pangako. At
dumarating din siya ngayon
sa iba’t ibang pamamaraan sa
ating buhay. Kaya naman ang
paalaala sa atin ng Ebanghelyo:
maging handa lagi tayo, upang
maratnan niya tayong “gising”
sa kanyang pagdating.
Sa marami, may hatid na
takot o kaba ang pagdating ng
Panginoon lalo pa’t Kung ang
pagtingin ng mga ito sa Diyos
ay bilang isang hukom na
siyang huhusga sa ating buhay.
Tunay namang pananagutan
natin sa Panginoon ang bawat
isang biyaya na kanyang
ipinagkatiwala sa atin. Ang
lahat ng mabuti na mayroon
tayo ay inihabilin lamang sa
atin ng Diyos, ayon na rin sa
diwa ng ating Ebanghelyo.
At siya ay babalik. Kaya’t
paghahandaan natin ang pag-
uulat sa kalagayan ng mga
inihabilin nya. Wala tayong
dapat ipangamba kung
naging mapagkakatiwalaan
naman tayo.
Basahin ang pagninilay bago o pagkatapos lamang ng Misa upang
makabahagi nang taimtim at ganap sa Banal na Pagdiriwang.
Ngunit iba naman ang
diwa ng Unang Pagbasa
mula kay Propeta Isaias.
Ang pagdating ng Panginoon
ay pinangungunahan ng
masidhing pakikiusap o
pagmamakaawa ng Propeta sa
ngalan ng sambayanan. Hindi
takot o pangamba ang tugon
sa hinihintay na pagdating ng
Panginoon. Sa kabi-kabilang
mga hirap at pagsubok
na kanilang pinagdaraanan,
namamalimos ang Propeta.
Nagpapakumbaba, inaamin ang
sariling kahinaan, nagtitiwala
at umaasa sa kapangyarihan ng
Diyos, at nananabik sa kahanga-
hangang pagliligtas mula sa
Panginoon—at sinasambit sa
Diyos: “Balikan mo kami at
iyong kaawaan … ika’y bumaba
sa mundong ibabaw.”
Hindi na natin maikakaila
na naging mahirap ang buhay
ng lahat ngayong taong
2020. Sunod-sunod ang mga
pagsubok—mula sa pagsabog
ng bulkang Taal, mga lindol
at bagyo, ang COVID-19 at
ang napakaraming mabibigat
na epekto nito sa ating buhay,
ang kaguluhan at di-pagkakaisa
ng bayan at mga bansa, at ang
iba’t ibang mga personal nating
tiisin sa buhay. Nangingibabaw
ang takot at pangamba hindi
dahil darating ang Panginoon
kundi dahil namamayani
ang kaguluhan, kalituhan at
kahirapan. At sa gitna nito
tayo man ay makikiusap at
magmamakaawa na rin kasama
ni Propeta Isaias: “O Hesus,
dumating ka na ngayon sa
aming buhay!”
Sama-sama tayong magpa-
kumbaba, aminin at pagsisihan
ang ating mga pagkakamali
at kasalanan, magtiwala at
umasang higit sa magagawa ng
Panginoon, at panabikang lubos
ang hatid niyang kaligtasan
sa ating buhay. Sinisiguro ng
Panahon ng Adbyento: Hindi
lamang darating ang Panginoon.
Dumarating ang Panginoon!
Mapanatag din tayo sa salita
ni San Pablo sa kanyang unang
sulat sa mga taga-Corinto: Hindi
tayo magkukulang sa anumang
biyayang espiritwal, habang
ating hinihintay na mahayag
ang ating Panginoong Hesus.
Sapat ang kanyang biyaya.
Sinasamahan at inaalalayan
tayo hanggang sa wakas.
—Fr. Alain P. Manalo
 PASIMULA
Antipona sa Pagpasok
[Slm 25:1-3]
(Basahin kung walang pambungad na awit)
Sa iyo’y nananawagan akong
walang alinlangan ikaw ay
maaasahang tagapagligtas na
tunay sa aglahi ng kaaway.
Pagbabasbas ng Korona ng
Adbiyento
(Maaaring gawin ito pagkatapos
ng pambungad na awit)
P - Panginoong Diyos, pinupuri
ka namin dahil sa iyong Anak
na si Hesukristo, ang Emmanuel
na pag-asa ng sangkatauhan.
Siya ang karunungang nagtuturo
at gumagabay sa amin, at
tagapagligtas ng bawat bansa.
Panginoong Diyos, mapasaamin
nawa ang iyong pagpapala sa
pagsisindi namin ng mga kandila
sa koronang ito. Maging tanda
nawa itong korona’t ilaw ng
kaligtasang tinamo ni Kristo para
sa amin. Dumating na sana siya
nang walang pagkaantala.
Siyang Panginoon naming
nabubuhay at naghahari ngayon
at magpakailanman.
(Wiwisikan ng banal na tubig ng pari
o ng ministro ang Korona ng Adbiyento
at maaari niyang insensuhan ito.)
Pagsisindi ng Kandila
(Sisindihan ang unang kandila na
kulay lila)
P - Dakilang Ama, sa pagsisi-
mula ng aming paglalakbay
ngayong panahon ng Adbi-
yento, sinisindihan namin itong
kandila ng pag-asa. Pagkaloo-
ban mo kami ng sigasig na uma-
sa: umasa sa iyong presensiya,
umasa sa iyong kapayapaan at
umasa sa iyong pangako.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Sa pagdiriwang natin
ng Unang Linggo ng Adbi­
yento, sinisimulan natin ang
panibagong taon ng Liturhiya.
Ang Adbiyento ay nanganga­
hulugan ng “pagdating”—ang
pag­d ating ng Panginoong
Hesus. Ito ang panahon ng
paghahanda habang sabik tayo
sa pagsilang at pagdating ni Hesus
sa ating piling. Taimtim nawa
nating ihanda ang ating sarili
upang buong galak natin siyang
patuluyin sa ating mga puso.
Pagsisisi
P - Mga kapatid, aminin natin ang
ating mga kasalanan upang tayo’y
maging marapat gumanap sa banal
na pagdiriwang. (Tumahimik)
B - Inaamin ko sa makapang­
yarihang Diyos at sa inyo, mga
kapatid, na lubha akong nag­
kasala, (dadagok sa dibdib) sa
isip, sa salita, at sa gawa, at
sa aking pagkukulang. Kaya
isinasamo ko sa mahal na Bir­
heng Maria, sa lahat ng mga
ang­hel at mga banal, at sa inyo,
mga kapatid, na ako’y ipana­
langin sa Panginoong ating
Diyos.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
P - Panginoon, kaawaan mo kami.
B - Panginoon, kaawaan mo kami.
P - Kristo, kaawaan mo kami.
B - Kristo, kaawaan mo kami.
P - Panginoon, kaawaan mo kami.
B - Panginoon, kaawaan mo kami.
(Walang Gloria tuwing Adbiyento)
Pambungad na Panalangin
P - Manalangin tayo. (Tumahimik)
Ama naming makapangya­ri­
han, bigyan mo kami ng paninin­
digang tumahak sa landas ng
kabutihan. Sa pagdating ni
Kristo makasa­lubong nawa
kaming may mabuting gawa
upang kapiling niya sa gawing
kanan kami ay maka­pisan sa
iyong pinaghaha­rian sa pama­
magitan niya kasama ng Espiritu
Santo magpasawalang hanggan.
B - Amen.
PAgpapahayag
ng salita ng diyos
Unang Pagbasa
[Is 63:16b-17,19b; 64:2b-7] (Umupo)
Inihahayag ni Isaias ang marub­dob na
paghi­hintay ng Israel sa pagdating ng
Panginoon: “Buksan mo ang langit at
ika’y bumaba sa mundong ibabaw.”
Sa panahon ng Adbi­yento, ganito rin
nawa ang ating maramdaman.
Pagbasa mula sa aklat ni propeta
Isaias
IKAW lamang, Panginoon,
ang aming pag-asa’t Amang
aasahan; tanging ikaw lamang
yaong nagliligtas nitong aming
buhay. Bakit ba, Panginoon,
kami’y tinu­lutang maligaw ng
landas, at ang puso nami’y iyong
binayaan na maging matigas?
Balikan mo kami, iyong kaa­
waan, ang mga lingkod mo na
tanging iyo lamang. Buksan
mo ang langit at ika’y bumaba
sa mundong ibabaw, at ang
mga bundok kapag nakita ka’y
magsisipangatal. Wala pang
narinig na Diyos na tulad mo.
Wala pang nakita ang sinumang
tao; pagkat ikaw lamang ang
Diyos na tumulong sa mga
lingkod mo na buong tiwalang
nanalig sa iyo. Iyong tinatanggap,
ang nagsisi­kap sa mabuting gawa,
at ang iyong aral at mga tuntunin
ang ginugunita. Nagagalit ka na’y
tuloy pa rin kami sa pagkakasala,
ang ginawa nami’y talagang
masama buhat pa nang una; ang
lahat sa ami’y pawang nagkasala,
ang aming katulad kahit anong
gawin ay duming di hamak.
Ang nakakawangki ng sinapit
nami’y mga dahong lagas, sa
simoy ng hangi’y tinatangay
ito at ipinapadpad. Wala kahit
isang dumulog sa iyo upang
dumalangin, wala kahit isang
lumapit sa iyo na tulong ay
hingin; kaya naman dahil sa
aming sala’y hindi mo kami
pinansin. Gayunman, Panginoon,
a­ming nalalamang ika’y aming
Ama, kami’y parang luwad at
ikaw ang magpa­palayok. Ikaw
ang lumikha sa amin, Panginoon,
at wala nang iba.
— Ang Salita ng Diyos.
B - Salamat sa Diyos.
Salmong Tugunan (Slm 79)
T - Akitin mo, Poong mahal,
iligtas kami’t tanglawan.
1. Pastol ng Israel, kami ay pa­
kinggan;/ mula sa trono mong
may mga kerubin,/ kami ay tulu­
ngan./ Sa taglay mong lakas, kami
ay iligtas,/ at tubusin sa hirap! (T)
2. Ika’y manumbalik, O Diyos
na Dakila!/ Pagmasdan mo kami
mula sa itaas,/ at ang punong ito’y
muling pagyamanin, at iyong ilig­­
tas./ Lumapit ka sana,/ ang puno
ng ubas na itinanim mo ay iyong
iligtas,/ yaong punong iyon na
pina­lago mo’t iyong pinalakas! (T)
3. Ang lingkod mong mahal ay
iyong ingatan,/ yamang hinirang
mo ay iyong ipagsanggalang,/
iyong palakasin bilang isang
ban­sang makapangyarihan!/ At
kung magkagayon,/ magbabalik
kami’t di na magtataksil sa ’yo kai­
lanman,/ kami’y pasiglahi’t aming
pu­purihin/ ang iyong panga­lan. (T)
Ikalawang Pagbasa (1 Cor 1:3-9)
Nananawagan si San Pablo sa mga
taga-Corinto na manatiling mata­
tag sa pananalig sa Diyos hang­
gang sa pagbabalik ng Pangi­noon.
Napapanahon ang pana­wagan ni
San Pablo ngayong masaya tayong
naghihintay sa pagdating ng Pangi­
noon, angVerbong nagkatawang-tao.
Pagbasa mula sa unang sulat ni
Apostol San Pablo sa mga taga-
Corinto
MGA KAPATID: Sumainyo nawa
ang pagpa­pala at kapayapaan
mula sa Diyos na ating Ama at
sa Panginoong Hesukristo.
Lagi akong nagpapasalamat
sa Diyos dahil sa mga pagpapala
niya sa inyo sa pamamagitan
ni Kristo Hesus. Sapagkat sa
inyong pakiki­pag-isa sa kanya,
kayo’y umunlad sa lahat ng
paraan, ma­ging sa pananalita
at kaalaman. Ang katoto­hanang
ipinangaral namin tung­kol kay
Kristo ay mali­naw na nakikita sa
inyo anupa’t hindi kayo nagku­
lang sa anumang kaloob na
espirituwal, habang hinihintay
ninyong maha­yag ang ating
Panginoong Hesukristo. Kayo’y
aalalayan niya hanggang sa
wakas upang matagpuan kayong
walang kapintasan sa Araw ng
ating Panginoong Hesukristo.
Tapat ang Diyos na tumawag
sa inyo upang kayo’y makipag-
isa sa kanyang Anak na si
Hesukristong ating Panginoon.
— Ang Salita ng Diyos.
B - Salamat sa Diyos.
Aleluya [Slm 84:8] (Tumayo)
B - Aleluya! Aleluya! Pag-ibig mo’y
ipakita, lingapin kami tuwina, iligtas
kami sa dusa! Aleluya! Aleluya!
Mabuting Balita (Mc 13: 33-37)
P - Ang Mabuting Balita ng
Panginoon ayon kay San Marcos
B - Papuri sa iyo, Panginoon.
NOONG panahong iyon, sinabi
ni Hesus sa kanyang mga alagad:
“Mag-ingat kayo at maging
handa sapagkat hindi ninyo
alam kung kailan ang takdang
oras. Katulad nito’y isang taong
umalis upang maglakbay sa
malayong lupain: ipinababahala
ang kanyang taha­nan sa mga
alipin na binigyan ng kanya-
kanyang gawain, at inuutu­san
ang bantay-pinto na maging
laging handa sa kanyang
pagda­ting. Gayun din naman,
maging handa kayong lagi,
sapagkat hindi ninyo alam
kung kailan darating ang puno
ng sambahayan—maa­a­r ing
sa pagdi­lim, sa hatinggabi,
sa madaling-araw, o kaya’y
sa umaga—baka sa kanyang
biglang pagdating ay maratnan
kayong natutulog. Ang sinasabi
ko sa inyo’y sinasabi ko sa lahat:
Ma­ging handa kayo!”
— Ang Mabuting Balita ng
Panginoon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay Hesu-
kristo, iisang Anak ng Diyos,
Panginoon nating lahat, nagkata-
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa
lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman ako sa
Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P - Maihanda nawa natin ang
ating puso’t isipan sa tulong
ng Diyos Ama, upang maging
marapat tayong tanggapin si
Hesus, na kanyang anak, sa
kanyang nalalapit na pagdating:
T - Panginoon, dinggin mo ang
aming panalangin.
L - Maging tapat nawa ang Santo
Papa, mga obispo, mga pari
at mga diyakono sa kanilang
pangangaral ng Ebanghelyo
at panatilihin silang handa sa
anumang uri na pagsubok at
pag-uusig. Mana­langin tayo: (T)
L - Gampanan nawa ng mga
namu­m uno sa pamahalaan
ang kanilang tungkulin nang
may pag-ibig at katapatang
katulad ng aliping naghihintay
sa pagbabalik ng kanyang amo.
Manalangin tayo: (T)
L - Manahan nawa sa bawat
tahanan at sa puso ng mga
mag-anak ang kapayapaang
dulot ng Adbi­yento at maging
tagapaghatid din sila ng
Mabuting Balita ni Hesukristo.
Mana­langin tayo: (T)
L - Tanggapin nawa ng mga
dukha, nagdurusa, at inaapi
ang biyaya ng pagkalinga ng
kanilang kapwa at makita nila
ito bilang tanda ng kabuti­hang
nag­m umula sa Pangi­n oon.
Manala­ngin tayo: (T)
L - Makamit nawa ng mga
mina­mahal naming yumao ang
walang hanggang kaligayahan
s a p i l i n g n g Pa n g i n o o n g
Hesukristo sa paraiso. Manala­
ngin tayo: (T)
P - Panginoon, patatagin mo
kami sa pama­magitan ng Espiritu
Santo upang mana­tili kaming
tapat sa iyo hanggang sa muling
pagdating ni Hesukristong anak
mo at aming Panginoon.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­n abangan at sa buong
Sambayanan niyang banal.
Panalangin ukol sa mga Alay
P - Ama naming Lumikha, tang­
ga­pin mo ang aming mga alay na
ikaw din ang nagbigay. Magdulot
nawa ito ng gantimpalang kalig­
tasan na ngayon pa man ay
amin nang pinakikinabangan
sa pama­magitan ni Hesukristo
kasama ng Espiritu Santo magpa-
sawalang hanggan.
B - Amen.
Prepasyo (Adbiyento I)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han, tunay ngang marapat na
ikaw ay aming pasalamatan sa
pama­ma­gitan ni Hesukristo na
aming Pangi­noon.
Siya’y isinugo mo upang
matupad ang iyong magan­dang
balak para sa lahat. Hindi niya
ikinahiyang mamu­h ay nang
mahi­rap upang mapakisamahan
niya ka­m ing matapat. Siya’y
na­ging hindi na iba sa amin
upang maitampok niya kami
sa iyong pi­ling. Sa kanyang
lanta­rang mu­ling pagdating ang
paki­kisama niya’y puspusang
magni­ningning at ang pangako
niyang kapana-panabik ay
inaa­s ahan naming lubos na
makaka­mit.
Kaya kaisa ng mga anghel
na nag­s isiawit ng papuri sa
iyo nang walang humpay sa
kalangitan, kami’y nagbubunyi
sa iyong kada­ki­laan.
B - Santo, Santo, Santo Panginoong
Diyos ng mga hukbo! Napupuno
ang langit at lupa ng kadakilaan
mo! Osana sa kaitaasan! Pinagpala
ang naparirito sa ngalan ng
Panginoon! Osana sa Kaitaasan!
(Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
(Slm 85:12)
Tunay na pauunlarin ng Poon
ang buhay natin. Ang halamang
nakatanim sa bukid nati’t
lupai’y magbubunga’t aanihin.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
mapa­kinabangan nawa namin
ang aming pinagsaluhan upang
sa aming paglalakbay dito sa
lupang papa­naw aming mapa­
naligan ang iyong pagpapalang
pangmag­pakailan­man sa pama­
magitan ni Hesukristo kasama
ng Espiritu Santo magpasa­wa­
lang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo samantalang
iginagawad ang pagpapala.
(Tumahimik)
Ang makapangyarihang Diyos
Ama ng Bugtong na Anak na
naparito na noon at hinihintay nating
bumalik ngayon ay siya nawang
magpabanal sa inyo pakundangan
sa liwanag ng kanyang pagdating
at siya rin nawang pumuspos
sa inyo sa pagpapala ngayon at
magpasawalang hanggan.
B - Amen.
P - Patatagin nawa niya kayo sa
pananampalataya, paligayahin
sa pag-asa at pakilusin sa pag-
ibig na puspos ng sigla ngayon
at magpasawalang hanggan.
B - Amen.
P - K ayo n g n a g a g a l a k s a
pagdating ng nagkatawang-taong
manunubos ay puspusin nawa
niya ng gantimpalang buhay
na di matatapos kapag siya’y
dumating nang may kadakilaang
lubos magpasawalang hanggan.
B - Amen.
P - Pagpalain kayo ng makapang-
yarihang Diyos Ama, at Anak (†)
at Espiritu Santo.
B - Amen.
Pangwakas
P - Tapos na ang Banal na Misa.
Humayo kayong mapayapa.
B - Salamat sa Diyos.