Patnubay para sa Masiglang Pakikibahagi sa Pagdiriwang ng Banal na Misa

17 Mayo 2020 Ika-6 na Linggo ng Pasko ng Muling Pagkabuhay Taon A

Si Kristong Magsusugo ng Espiritu ng Katotohanan

T
ayo ay nagdiriwang ng Ikaanim na Linggo ng Muling Pagka-
buhay. Nais ihanda ng Panginoong Hesus ang kanyang mga
alagad para sa kanyang paglisan sa daigdig na ito. Tiniyak
niyang hindi sila mangungulila dahil magsusugo siya “ng isa pang
Patnubay na magiging kasama” nila “magpakailanman.” Ang pa-
ngakong ito ng “Espiritu ng katotohanan” ang gagabay sa mga
alagad sa pagtupad sa mga utos ni Kristo. Ito ay bilang dakilang
pagpapakita ng kanilang pag-ibig sa kanya at sa kanyang Ama. Sa
taong ito ng Ekumenismo at Pag-uusap hinggil sa Pananampalataya ay
mapasaatin nawa ang “Espiritu ng katotohanan” upang sa ating pag-
iibigan sa isa’t isa ay mahanap natin ang landas tungo sa pagkakaisa.

iyong isinugo, Panginoon, Amang makapangyarihan sa

Pambungad
(Ipahahayag lamang kung walang
awiting nakahanda.)
Buong galak na ilahad upang
marinig ng lahat ang ginawang
pagliligtas ng Panginoong malakas.
Aleluya ang ihayag!
Pagbati
P – Ang pagpapala ng ating Pa-
nginoong Hesukristong magsu-
sugo ng Espiritu ng katotohanan,
ang pag-ibig ng Diyos Ama, at ang
pakikipagkaisa ng Espiritu Santo
ay sumainyong lahat!
B – At sumaiyo rin!
Pagsisisi
P–Madalas tayong natatakot mag-
isa sa buhay. Ngunit tiniyak ni
Hesus na hindi ito mangyayari.
Para sa ating kakulangan ng
pagtanggap sa Espiritu ng katoto-
hanan, humingi tayo ng tawad.
(Manahimik saglit.)
P –Para sa aming kakulangan ng
pananampalataya sa katoto-
hanang dulot ng Espiritung
kaawaan mo kami!
B – Panginoon, kaawaan mo kami!
P –P a r a s a a m i n g k a w a -
lan ng pag-asa sa lakas na
bigay ng iyong Espiritu,
Kristo, kaawaan mo kami!
B – Kristo, kaawaan mo kami!
P – Para sa aming kahinaan ng
pagmamahal sa iyo na na-
kapagsugo ng Espiritu dahil
sa iyong pagpapakasakit sa
krus, Panginoon, kaawaan mo
kami!
B – Panginoon, kaawaan mo kami!
P – Kaawaan tayo ng makapang-
yarihang Diyos, patawarin tayo
sa ating mga sala, at patnubayan
tayo sa buhay na walang hanggan.
B – Amen!
Papuri
B – Papuri sa Diyos sa kaitaasan
at sa lupa’y kapayapaan sa mga
taong kinalulugdan niya. Pinupuri
ka namin, dinarangal ka namin,
sinasamba ka namin, ipinagbu-
bunyi ka namin, pinasasalamatan
ka namin dahil sa dakila mong
angking kapurihan. Panginoong
Diyos, Hari ng langit, Diyos
lahat.
Panginoong Hesukristo, Bug-
tong na Anak, Panginoong Diyos,
Kordero ng Diyos, Anak ng Ama.
Ikaw na nag-aalis ng mga kasala-
nan ng sanlibutan, maawa ka sa
amin. Ikaw na nag-aalis ng mga
kasalanan ng sanlibutan, tangga-
pin mo ang aming kahilingan.
Ikaw na naluluklok sa kanan ng
Ama, maawa ka sa amin. Sa-
pagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen!
Panalanging Pambungad
P–Ama naming makapangyari-
han, gawin mong sa masasayang
araw na ito ng aming pagdiriwang
sa pagkabuhay ni Kristo kami’y
makaganap ng pagdiriwang na
wagas upang ang aming ginugu-
nita ay lagi naming matupad sa
gawa sa pamamagitan ni Hesu-
kristo kasama ng Espiritu Santo
magpasawalang hanggan.
B – Amen!

Unang Pagbasa Gw 8:5-8.14-17
Sa pagpapatong ng kamay
nina Pedro at Juan ay napuspos
ang mga bagong binyagan ng
handog ng Espiritu Santo. Ang
Espiritu Santo ay naigawad din
sa atin noong tayo ay kinumpilan.
Siya ang nagpapalakas ng ating
mga kalooban para maging mga
saksi sa muling pagkabuhay ni
Kristo.
L – Pagpapahayag mula sa mga
Gawa ng mga Apostol
Noong mga araw na iyon: Nag-
punta si Felipe sa isang lunsod ng
Samaria at ipinangaral doon ang
Mesiyas.
Nang mabalitaan ng mga tao
at makita ang mga kababalaghang
ginagawa niya, pinakinggan nilang
mabuti ang sinasabi niya. Sapagkat
ang masasamang espiritu ay umaalis
sa mga taong inaalihan nito at sumi-
sigaw habang lumalabas; maraming
lumpo at mga pilay ang napagaling.
KayaÊt nagkaroon ng malaking ka-
galakan sa lunsod na iyon.
Nang mabalitaan ng mga apostol
na nasa Jerusalem na tinanggap ng
mga Samaritano ang Salita ng Diyos,
sinugo nila roon sina Pedro at Juan.
Pagdating doon, ipinanalangin nila
ang mga Samaritano upang silaÊy
tumanggap din ng Espiritu Santo,
sapagkat hindi pa ito bumababa sa
kaninuman sa kanila. SilaÊy nabinya-
gan lamang sa pangalan ng Pangi-
noong Hesus. At ipinatong nina Pedro
at Juan ang kanilang kamay sa kanila
at tumanggap sila ng Espiritu Santo.
Ang Salita ng Diyos!
B – Salamat sa Diyos!
Salmong Tugunan Awit 65
B – Sangkalupaang nilalang, galak
sa Poo’y isigaw!
R. M. Velez
F C Dm F/C
 
       


Sang-ka-lu- pa-ang ni-la-lang,
Bb Csus4 C F
        
ga- lak sa Po-o’y i-si-gaw!
* Sumigaw sa galak ang mga
nilalang! At purihin ang Diyos na
17 Mayo 2020
may kagalakan; wagas na pagpuri
sa kanyaÊy ibigay! Ito ang sabihin
sa Diyos na Dakila: „Ang mga gawa
mo ay kahanga-hanga.‰ B.
* Ang lahat sa lupa ikaÊy sina-
samba, awit ng papuri yaong kina-
kanta; ang iyong pangalaÊy pinupuri
nila. Ang ginawa ng Diyos, lapit at
pagmasdan, ang kahanga-hangang
ginawa sa tanan. B.
* Naging tuyong lupa kahit yaong
tubig, at ang nuno natin ay doon
tumawid; kaya naman tayoÊy nagalak
nang labis. SiyaÊy naghaharing may
lakas ang bisig. B.
* Lapit at makinig, ang nagpapara-
ngal sa Diyos, at sa inyoÊy aking
isasaysay ang kanyang ginawang
mga kabutihan. Purihin ang Diyos!
SiyaÊy papurihan, yamang ang daing
koÊy kanyang pinakinggan, at ang
pag-ibig nÊya ay aking kinamtan. B.
Ikalawang Pagbasa 1Ped 3:15-
18
Hinihimok ni Pedro ang mga
unang Kristiyanong maging la-
ging handang “magpaliwanag sa
sinumang magtatanong sa” kanila
hinggil sa kanilang “pag-asa.”
Ang malinaw nilang pagpapatotoo
ay dapat lakipan nila ng “malinis”
na “budhi” at “magandang asal
bilang mga lingkod ni Kristo.”
L – Pagpapahayag mula sa Unang
Sulat ni Apostol San Pedro
Mga pinakamamahal: Idambana
ninyo sa inyong puso si Kristong
Panginoon. Humanda kayong lagi
na magpaliwanag sa sinumang
magtatanong sa inyo tungkol sa
inyong pag-asa. Ngunit maging
mahinahon at mapitagan kayo sa
inyong pagpapaliwanag. Pana-
tilihin ninyong malinis ang inyong
budhi upang mapahiya ang mga
umaalipusta at tumutuya sa inyong
magandang asal bilang mga lingkod
ni Kristo. Higit na mainam ang
kayoÊy magdusa dahil sa paggawa
ng mabuti, sakali mang loobin ito
ng Diyos, kaysa magdusa kayo dahil
sa paggawa ng masama. Sapagkat
si KristoÊy namatay para sa inyo.
Namatay siya dahil sa kasalanan ng
lahat ă ang walang kasalanan para
sa mga makasalanan ă upang iharap
kayo sa Diyos. SiyaÊy namatay ayon
sa laman, at muling binuhay ayon
sa Espiritu.
Ang Salita ng Diyos!
B – Salamat sa Diyos!
Aleluya Jn 14:23
B – Aleluya! Aleluya!
Ang sa aki’y nagmamahal,
tutupad sa aking aral. Ama’t
ako’y mananahan.
Aleluya! Aleluya!
Mabuting Balita Jn 14:15-21
Itong ikalawang bahagi ng
ikalabing-apat na kabanata ng
Ebanghelyo ni Juan ay nakatu-
tok sa pag-ibig na dapat maging
ugat ng buhay-Kristiyano. Ang
talagang umiibig ay ayaw saktan
ang kanyang iniibig. Kaya ang
ulirang alagad ni Kristo ay laging
tumatalima sa kanyang mga utos.
P – Ang Mabuting Balita ng Pa-
nginoon ayon kay San Juan
B – Papuri sa iyo, Panginoon!
Noong panahong iyon, sinabi ni
Hesus sa kanyang mga alagad: „Kung
iniibig ninyo ako, tutuparin ninyo ang
aking mga utos. Dadalangin ako sa
Ama, at kayoÊy bibigyan niya ng isa
pang Patnubay na magiging kasama
ninyo magpakailanman. ItoÊy ang
Espiritu ng katotohanan, na hindi
matanggap ng sanlibutan sapagkat
hindi siya nakikita ni nakikilala ng
sanlibutan. Ngunit nakikilala ninyo
siya, sapagkat siyaÊy sumasainyo at
nananahan sa inyo.
Hindi ko kayo iiwang nangu-
ngulila; babalik ako sa inyo. Kaunting
panahon na lamang at hindi na ako
makikita ng sanlibutan. Ngunit akoÊy
makikita ninyo; sapagkat mabubuhay
ako at mabubuhay rin kayo. Malala-
man ninyo sa araw na yaon na akoÊy
sumasa-Ama, kayoÊy sumasaakin, at
akoÊy sumasainyo.
Ang tumatanggap sa mga utos
ko at tumutupad nito ang siyang
umiibig sa akin. Ang umiibig sa akin
ay iibigin ng aking Ama; iibigin ko
rin siya, at akoÊy lubusang magpa-
pakilala sa kanya.‰
Ang Mabuting Balita ng Pangi-
noon!
B – Pinupuri ka namin, Pangi-
noong Hesukristo!
Homiliya
Sumasampalataya
B – Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng Diyos,
Panginoon nating lahat. Nagka-
tawang-tao siya lalang ng Espiritu
Santo, ipinanganak ni Santa Ma-
riang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
Nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng nanga-
matay na tao at sa buhay na walang
hanggan. Amen!
Panalangin ng Bayan
P –Hingin natin sa Diyos na
lumakas ang ating pagmamahal
kay Kristong muling nabuhay at
pabalik na sa Kanyang Ama. Ang
ating sasambitin ay:
B –Amang mapagpala, isugo
Mo sa amin ang Espiritu ng
katotohanan!
* Para sa mga namumuno sa
Simbahan, upang mapuspos sila
ng handog ng Espiritu Santo at
nang mapalago nila sa katoto-
hanan at sa pag-iibigan ang buong
Bayan ng Diyos, manalangin tayo
sa Panginoon! B.
* Para sa lahat ng mga Kristi-
yano at mga taong may mabuting
kalooban, upang sa taong ito ng
Ekumenismo at Pag-uusap hinggil
sa Pananampalataya ay darangin
ng Espiritu ang kanilang mga puso
ng apoy ng dalisay na pag-ibig,
manalangin tayo sa Panginoon!
B.
* Para sa mga namumuno sa
ating bansa, upang mamayani ang
katotohanan sa kanilang pagliling-
kod sa taong-bayan at mawala sa
kanilang mga puso ang pag-iimbot
at pagbabalat-kayo, manalangin
tayo sa Panginoon! B.
* Para sa mga taong nagsisikap
sundin ang mga utos ni Kristo
sa kanilang pang-araw-araw na
buhay, upang sa pagninilay sa
Salita ng Diyos at sa pagdiriwang
ng Banal na Eukaristiya, ay
matagpuan nila ang pagkaunawa
at sigla sa buhay, manalangin tayo
sa Panginoon! B.
* Para sa ating lahat na nag-
kakatipon sa pagdiriwang na ito
ng Salita ng Diyos at ng Banal
na Eukaristiya, upang maging
masigasig tayong tagapagbalita
ng katotohanang si Kristo ay
buhay at siya’y ating kasama sa
paglalakbay sa daigdig na ito,
manalangin tayo sa Panginoon!
B.
* Tahimik nating idulog ang
ating mga sariling kahilingan.
(Tumigil sandali.)
Manalangin tayo! B.
P –Ama naming muling bumuhay
kay Hesukristo mula sa kama-
tayan, isugo Mo sa amin ang
Espiritu Santo upang hindi kami
malubog sa burak ng kalungkutan,
pagkabigo at kawalan ng pag-asa,
bagkus ay maging masasayang
tagapagdala ng Magandang Balita
ng kaligtasan sa sandaigdigan.
Hinihiling namin ito sa pama-
magitan ng Iyong Anak na si
Hesukristong aming Panginoon!
B–Amen!
P – Manalangin kayo . . .
B – Tanggapin nawa ng Pangi-
noon itong paghahain sa iyong
mga kamay sa kapurihan niya at
karangalan, sa ating kapakina-
bangan at sa buong Sambayanan
niyang banal.
Panalangin ukol sa mga Alay
P – Ama naming Lumikha, paak-
yatin mo sa iyong piling sa kala-
ngitan ang aming mga panala-
nging kalakip ng haing mga alay
upang ang mga pinagindapat
mong gawing dalisay ay maging
marapat na makasalo sa piging
ng iyong pagmamahal sa pama-
magitan ni Hesukristo kasama ng
Espiritu Santo magpasawalang
hanggan.
B – Amen!
Prepasyo ng Pagkabuhay II
P – Sumainyo ang Panginoon!
B – At sumaiyo rin!
P – Itaas sa Diyos ang inyong puso
at diwa!
B – Itinaas na namin sa Panginoon!
P – Pasalamatan natin ang Pangi-
noong ating Diyos!
Ika-6 na Linggo ng Pasko ng Muling Pagkabuhay (A)
B – Marapat na siya ay pasala-
matan!
P–Ama naming makapangyari-
han, tunay ngang marapat na ikaw
ay aming pasalamatan lalo nga-
yong ipinagdiriwang ang pagha-
hain ng Mesiyas, ang maamong
tupa na tumubos sa aming lahat.
Sa paghahain ng sariling bu-
hay at sa pagkabuhay ng Anak
mong mahal, nabuksang ganap
ang iyong tahanan at kaming
pinaghaharian mo’y naging
kasambahay. Sa pagkamatay niya
sa krus, nalupig ang kamatayan.
Sa kanyang pagkabuhay, naging
buhay siya ng tanan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B – Santo, santo, santo Pangino-
ong Diyos ng mga hukbo. Napu-
puno ang langit at lupa ng kadaki-
laan mo. Osana sa kaitaasan!
Pinagpala ang naparirito sa
ngalan ng Panginoon. Osana sa
kaitaasan!
Pagbubunyi
B – Aming ipinahahayag na na-
matay ang ‘yong Anak, nabuhay
bilang Mesiyas at magbabalik sa
wakas para mahayag sa lahat.
B – Ama namin . . .
P – Hinihiling namin . . .
B – Sapagkat iyo ang kaharian at
ang kapangyarihan at ang kapu-
rihan magpakailanman! Amen!
Paanyaya sa Kapayapaan
Paghahati-hati sa Tinapay
B – Kordero ng Diyos na nag-aalis
ng mga kasalanan ng sanlibutan,
maawa ka sa amin. (2x)
Kordero ng Diyos na nag-aalis
ng mga kasalanan ng sanlibu-
tan, ipagkaloob mo sa amin ang
kapayapaan.
Paanyaya sa Pakikinabang
P – Ito ang Kordero ng Diyos na
nag-aalis ng mga kasalanan ng
sanlibutan. Mapalad ang mga
inaanyayahan sa kanyang piging.
B – Panginoon, hindi ako kara-
pat-dapat na magpatuloy sa iyo
ngunit sa isang salita mo lamang
ay gagaling na ako.
 Antipona ng Pakikinabang
Kung ako ay mamahalin, mga
utos koÊy tutupdin at sa inyoÊy su-
suguin, Patnubay sa inyong piling.
Aleluya ay awitin!
Panalangin Pagkapakinabang
P – Ama naming mapagmahal,
kaming pinapagsalo mo sa pagka-
buhay ng iyong Anak ay papaki-
nabangin mong lagi sa kanyang
lakas bilang bungang masagana B – At sumaiyo rin!
ng dulot mong pagliligtas sa
pamamagitan niya kasama ng P – Pagpalain kayo ng makapang-
Espiritu Santo magpasawalang yarihang Diyos: Ama, Anak,
hanggan. at Espiritu Santo.
B – Amen! B – Amen!
P – Humayo kayo sa kapayapaan
upang mahalin at paglingkuran
ang Panginoon!
P – Sumainyo ang Panginoon. B – Salamat sa Diyos!

Munting Katesismong Pampaskuwa sa Taon ng Ekumenismo

ANG MGA TANDA NG PAG-IBIG
NG ALAGAD KAY KRISTONG
MULING NABUHAY
Panimula: May isang batang umiiyak.
Siya raw kasi ay iniwan ng kanilang
ama. May isang kabataang lumuluha.
Siya raw kasi ay iniwan ng kanyang
katipan. May isang asawang nagnga-
ngalit sa galit. Iniwan daw kasi siya ng
kanyang kabiyak. Masakit ang maiwan
ng mahal mo sa buhay. Masama ang
idinudulot ng pang-iiwan.
Pagpapalalim: Ngunit hindi lahat ng
pang-iiwan ay masama ang bunga.
May mga pag-alis na dapat nang
mangyari. Nariyan ang pagpanaw ng
isang napakatanda nang magulang
na marami nang iniindang sakit. Ang
kanya ngang pag-alis ang magpapatu-
nay kung gaano kagaling ang kanyang
mga anak dahil kakayanin na nilang
tumayo sa sarili nilang mga paa. Ang
mahalaga ay ang pabaong tutulong
at laging magpapaalaala sa iniwan
ng mahal nitong umalis subalit hindi
naman talagang nang-iwan.
Pagbasa: Juan 14:15-21
Buod: Ang sipi ng ating Ebang-
helyo ay ang simula ng ikalawang
bahagi ng ika-14 na kabanata ng
Ebanghel-yo ni Juan. Dito ang pangu-
nahing pandiwa ay umibig(agapaté
– sa orihinal), hindi na ang manalig
o sumampalataya(pisteúete – sa
orihinal), tulad ng sa unang bahagi
(Juan 14:1-14). Subalit ang pananalig
(P. René T. Lagaya, SDB)
pa rin ang pinag-uugatan ng pag-ibig
dahil ang pagtanggap kay Hesus sa
pananampalataya ay ang dahilan ng
pagmamahal sa kanya.
Ang buong sipi ng Ebanghelyo
(Juan 14:15-24) ay binibigkis ng apat
na bunga ng pag-ibig kay Hesus: [1]
ang pagtupad sa mga utos ni Hesus
(Juan 14:15); [2] ang pagtanggap
ng “Espiritu ng katotohanan” (Juan
14:17a) na siyang papatnubay at
magiging kasama magpakailanman
(Juan 14:16-17); [3] ang pagmamahal
at pananahan ng Ama at ng Anak
(Juan 14:21,23); [4] ang lubusang
pagkakilala kay Hesus (Juan 14:22).
Ang paglisan pa rin ni Hesus ang
bumabalot sa siping ito ng ating
Ebanghelyo. Kailangan nang lumisan
si Hesus dahil, ayon nga sa kanyang
sinabi sa krus: “Naganap na!” (Juan
19:30b) Ang lahat ng tungkuling iniatas
sa kanya ng kanyang Ama ay kanya
nang natupad. Ngunit pinagagaan ng
pag-ibig ang katunayan ng paglisan
ni Hesus. Higit pa rito, ang pangako
ng Espiritu Santo, na sa mga salita
ni Hesus ay “magiging kasama ninyo
magpakailanman” (Juan 14:16b),
ay magdudulot ng katiwasayan sa
kalooban ng mga alagad. Dahil sa
pamamatnubay ng Espiritu Santo
ang alagad “ay iibigin ng aking Ama;
iibigin ko rin siya” (Juan 14:21b).
Ang pag-ibig na ito ng Ama at ng
Anak ay magbubunga ng pananahan
nila sa katauhan ng alagad: “kami’y
sasakanya at mananahan sa kanya”
(Juan 14:23b). Ang tugon ng Diyos
sa pag-ibig na ipinakikita ng alagad
sa pamamagitan ng pagtupad niya sa
mga utos ni Hesus ay ang pagiging
talagang malapit sa kanya.
Ang “Espiritu ng katotohanan” (Juan
14:17a) ay ang siyang magpapalaga-
nap ng katotohanan sa sandaigdigan
hanggang sa wakas ng panahon.
Ang mga alagad na pananahanan
ng Espiritu Santo ay mabubuhay sa
katotohanan. Ang mga di sumasam-
palataya kay Hesus ay pagkakaitan
ng Espiritu Santo at mabubuhay sa
kasinungalingan.
Pagsasabuhay: Ayaw nating iniiwan
tayo ng ating mga mahal sa buhay.
Ang Panginoong Hesus ay karapat-
dapat mahalin sa paraang talagang
nag-uumapaw. Kahit di natin siya na-
kikita ay hangad nating maramdamang
siya ay ating kapiling. Magaganap ito
kung ating pagsisikapang tupdin ang
kanyang mga utos sa lahat ng oras
at sa lahat ng lugar. Ang pag-ibig na
ito ay tutumbasan niya ng ibayong
pag-ibig bunga ng kaloob niya – ang
Espiritu Santo.
Pagdiriwang: Ama naming mapag-
mahal, pag-alabin Mo ang aming mga
puso ng Espiritu ng Iyong pag-ibig
upang ituro Niya sa amin ang katoto-
hanan ng mga aral ng Iyong Anak at
palakasin ang aming mga kalooban
at nang matupad namin ang kanyang
mga utos. Manahan Ka nawa sa amin
kasama ng Iyong Anak na si Hesukris-
tong aming Panginoon. Amen!

Don Bosco Compound, A. Arnaiz Ave. cor. Chino Roces Ave., Makati, Metro Manila
Postal Address: P.O. Box 1820, MCPO, 1258 Makati, Metro Manila, Philippines
WORD & LIFE Tel. Nos. 8894-5401; 8894-5402; 8892-2169 • Telefax: 8894-5241 • Website: www.wordandlife.org
PUBLICATIONS • E-mail: marketing@wordandlife.org; wordandlifepublications@gmail.com • FB: Word & Life Publications
• Editorial Team: Fr. S. Putzu, Fr. R. Lagaya, C. Valmonte, V. David, J. Domingo, A. Vergara, D. Daguio
• Illustrations: A. Sarmiento, B. Cleofe • Marketing: Fr. B. Nolasco, J. Feliciano • Circulation: R. Saldua