BAYAN MAGSIAWIT NA
Bayan, magsiawit na! Bayan, pinagpala
ka!
Dakilang biyayang pangako Niya
sumilay na!
Sinauna Mong hangarin ang tao nga'y
tubusin
Upang Siya ay makapiling,
mapag-irog na Diyos natin.
Sa aba Niyang pagkatao,
sa buhay Niya sa mundo.
Inihayag Kanyang puso,
Tinig ng Ama nating Diyos.
Pananatili Niyang tunay,
'Spiritung ating gabay
Kahulugan at pag-asa,
pagmamahal at biyaya.
ANG AMING IAALAY
Ang aming iaalay sa ‘Yo Panginoon
Ang bunga ng aming pinagpaguran
Ang aming maihahandog
bukal sa kalooban
Ang tapat na pag-aalay ng buhay
Narito Panginoon ang tinapay at alak
Ang pagkai’t inuming sagisag ng buhay
Tanggapin Mo at Iyong basbasan
Upang kami sa Iyo’y makinabang
NARITO AKO
Koro: Panginoon, narito ako
Naghihintay sa utos Mo
Lahat ng yaman ko, ay alay ko sa 'Yo
Ikaw ang tanging buhay ko
Batid ko nga, at natanto
Sa kasulatan 'Yong turo
Pakikinggan, at itatago
Sa sulok ng puso
(Koro)
'Yong pagligtas, ihahayag
Hanggang sa dulo ng dagat
Pagtulong Mo't pusong dalisay
Aking ikakalat
(Koro)
AWIT NG PASASALAMAT
Koro
Salamat sa D'yos,
At Siya'y ang ating Tagapagligtas;
Kanyang kabutiha'y ating isasaysay.
Tayo ay magalak,
Kanyang papuri'y aawitin.
Nilupig N'ya ang ating mga kaaway.
O makatarungang D'yos,
Hukom ng sanlibutan.
Tanggulan sa oras ng panganib
At kamatayan.
Sa Iyo'y nagtitiwala
Ang mahal Mong bayan.
Ang sa 'Yo'y dumulog,
'di Mo pababayaan.
Koro2
Salamat sa D'yos, at Siya'y ang ating
Tagapagligtas;
Kanyang kabutiha'y ating isasaysay.
Tayo ay magalak, Kanyang papuri'y
aawitin.
Nilupig N'ya ang ating mga kaaway.