naman akong magkumpisal ng dilang
kasalanan ko. Umaasa akong patatawarin
Beati mortui qui in Domino
moriuntur
ROSARYO PARA SA KALULUWA
Para sa Pa-siyam, Ika-40 na araw at Taunang
Pag-gunita
Namumuno: Sa pamamagitan ng Tanda
ng Banal na Krus, iligtas Mo kami sa lahat
ng masasama, Ikaw na aming Diyos.
Lahat: (+) Sa Ngalan ng Ama, ng Anak, at
ng Espiritu Santo. Amen.
PAGSISISI
Lahat: Panginoon kong Hesukristo, Diyos
na totoo at tao namang totoo, gumawa at
sumakop sa akin, pinagsisihan kong
masakit sa tanang loob ko ang dilang
pagkakasala ko sa iyo, na ikaw nga ang
Diyos ko, Panginoon ko at Ama ko na
iniibig kong lalo sa lahat. Nagtitika
matibay na matibay na hindi na ako
muling magkakasala sa iyo at nagtitika
mo alang-alang sa mahal na pasyon at
pagkamatay mo sa Krus dahil sa akin. Siya
nawa.
Sa unang butil ng Rosaryo
Namumuno: Ama namin sumasalangit Ka.
Sambahin ang ngalan Mo. Mapasaamin ang
kaharian Mo. Sundin ang loob Mo, dito sa
lupa para nang sa langit.
Lahat: Bigyan Mo po kami ngayon ng aming
kakanin sa araw-araw, at patawarin Mo po
kami sa aming mga sala para nang
pagpapatawad naming sa nagkakasala sa
amin. At huwag Mo po kaming ipahintulot
sa tukso at iadya Mo kami sa lahat ng
masama.
Sa unang tatlong butil ng Rosaryo
Namumuno: Aba Ginoong Maria, napupuno
ka ng grasya. Ang Panginoong Diyos ay
sumasaiyo. Bukod kang pinagpala sa
babaeng lahat at pinagpala naman ang iyong
anak na si Hesus.
Lahat: Santa Maria, Ina ng Diyos,
ipanalangin mo kaming makasalanan ngayon
at kung kami’y mamamatay.
Sa ikaapat na butil
Namumuno: Luwalhati sa Ama, sa Anak, at
sa Espiritu Santo…
Lahat: Kapara noong unang-una, ngayon, at
magpakailan man.
UNANG DEKADA NG ROSARYO
Lahat: Panginoon, buksan Mo ang aming
mga labi. Pagningasin Mo ang aming mga
puso at punawin sa mga ito ang anumang
kasamaan. Liwanagan Mo ang aming mga
pag-iisip, upang mapagnilayan naming nang
may pitagan ang Iyong pagpapakasakit at
kamatayan, at ang mga sakit na tiniis ng
Iyong kamahalmahalang Ina. Dinggin Mo
ang aming mga panalangin at tanggapin Mo
kami, Ikaw na nabubuhay at naghahari
magpakailanman. Siya nawa.
Namumuno: +Lubhang maawaing Hesus;
lingapin ng mata mong maamo ang kaluluwa
ni (Pangalan ng Pumanaw) na binyagang
namatay ng dahil sa kanya nagpakasakit ka
at namatay sa Krus.
Lahat: Siya nawa.
Sa mga butil ng Santo Rosaryo sa bawat dekada, dasalin
ang mga sumusunod.
I. Namumuno: Hesus ko, alang-alang sa
masaganang dugo na iyong ipinawis nang
manalangin ka sa halamanan.
Lahat: *Kaawaan Mo at patawarin ang
kaluluwa ni _________.
II. Namumuno: Hesus ko alang-alang sa
tampal na tinanggap ng iyong kagalang-
galang na mukha. (*)
III. Namumuno: Hesus ko alang-alang sa
masakit na hampas na iyong tiniis. (*)
IV. Namumuno: Hesus ko alang-alang sa
koronang tinik na tumimo sa kasantu-
santuhan mong ulo. (*)
V. Namumuno: Hesus ko alang-alang sa
paglakad mo sa lansangan ng kapaitan, na
ang Krus ay iyong kababaw-babawan. (*)
VI. Namumuno: Hesus ko alang-alang sa
kasantu-santusan mong mukha na naliligo sa
dugo at iyong binayaan malarawan sa birang
ni Santa Veronica. (*)
VII. Namumuno: Hesus ko alang-alang sa
damit mong natigmak na dugo na biglang
pinaknit at hinubad sa iyong katawan ng
mga tampalasan. (*)
VIII. Namumuno: Hesus ko alang-alang sa
kasantu-santuhan mong katawan na napako
sa Krus. (*)
IX. Namumuno: Hesus ko alang-alang sa
iyong kasantu-santuhang paa at kamay na
pinakuan ng mga pakong ipinagdalita mong
masakit. (*)
X. Namumuno: Hesus ko alang-alang sa
tagiliran mong nabuksan sa saksak ng isang
matalim na sibat at binukalan ng dugo at
tubig. (*)
Namumuno: Pagkalooban Mo si _________
Panginoon ng kapayapaang walang hanggan.
Lahat: Magbigay sa kanya ng liwanag at ilaw
na walang hanggan. (*)
Namumuno: Mapanatag nawa siya sa
kapayapaan.
Lahat: Siya nawa.
IKALAWANG DEKADA NG ROSARYO
Lahat: Panginoon naming lubos na
mapagmahal at maawain, buong
pagpapakumbabang dumudulog kami sa Iyo
sa ngalan ni ________ na Iyong tinawag na
mula sa daigdig na ito. Huwag Mo siyang
hayaang mapasakamay ng kaaway at
kailanma’y huwag Mo siyang limutin. Utusan
Mo ang mga Banal na Anghel na dalhin siya
sa paraisong kanyang dapat hantungan,
sapagkat siya’y lubos na nanalig at umasa sa
Iyo. Nawa’y hindi niya maranasan ang sakit
ng impyerno, kundi’y magkamit ng walang
hanggang kaligayahan sa pamamagitan ng
aming Panginoong Hesus na Iyong Anak, na
nabubuhay at naghahari kaisa ng Espiritu
Santo, iisang Diyos, Magpasawalang
hanggan. Siya Nawa.
Namumuno: +Lubhang maawaing Hesus…
IKATLONG DEKADA NG ROSARYO
Lahat: Maawa Ka, Panginoon, sa kaluluwa ni
_______, kung kanino’y inialay naming itong
pagbibigay-puri sa Iyo. Buong kapakum-
babaang hinihiling namin sa Iyo,
kataastaasang Diyos, na sa pamamagitan ng
mga handog na ito ay maging karapat-dapat
siya sa walang hanggang kapahingahan, sa
pamamagitan ni Hesukristong Iyong Anak,
na nabubuhay at naghahari kaisa ng Espiritu
Santo, iisang Diyos, magpasawalang
hanggan. Siya nawa.
Namumuno: +Lubhang maawaing Hesus…
IKAAPAT DEKADA NG ROSARYO
Lahat: Hinihiling namin, Panginoon, na
ipagkaloob Mo ang kalinisan at kagalingan
ng kaluluwa ni _________ na lumisan na sa
mundong ito. Ipinapanalangin namin ang
kapatawaran ng kanyang mga kasalanan at
walang hanggang kapahingahan. Ito’y aming
hiling sa pamamagitan ni Hesukristong
Iyong Anak, na nabubuhay at naghahari
kaisa ng Espiritu Santo, iisang Diyos,
magpasawalang hanggan. Siya nawa.
Namumuno: +Lubhang maawaing Hesus…
IKALIMANG DEKADA NG ROSARYO
Lahat: Panginoon, hanguin Mo sa lahat ng
kasalanan ang kaluluwa ni ________ nang sa
pamamagitan ng Iyong tulong at awa ay
mailigtas siya sa apoy ng impyerno at
makabahagi sa walang hanggang liwanag.
Ipagkaloob Mo po ito sa pamamagitan ni
Hesukristong Iyong Anak, na nabubuhay at
naghahari kaisa ng Espiritu Santo, iisang
Diyos, magpasawalang hanggan. Siya nawa.
Namumuno: +Lubhang maawaing Hesus…
PANALANGIN
Lahat: Katamis-tamisang Hesus ko, na sa
pagsakop Mo sa sangkatauhan, ay inibig
Mong Ikaw ay ipinanganak; tumulo ang
Iyong mahalagang dugo sa pagsusugat;
alipustain ng mga Hudyo, mapasa kamay
niyong mga tampalasan sa paghalik ni Judas;
gapusin ng lubid; dalhin sa pagpaparipahan
sa Iyo; tulad sa Korderong walang sala;
iharap kay Anas, kay Caipas, kay Pilato at
Herodes; lurhan, at pinaratangan at
pinatotohanan ng mga saksing sinungaling,
tampalin; maging alimura; matadtad ng
sugat ang buo Mong katawan sa hampas ng
suplina, putungan ng koronang tinik,
natakpan ang Iyong mukha ng isang
purpura, sa pagpapalibhasa sa Iyo, malagay
sa isang pagkahubong kahiya-hiya; napako sa
krus, at natindig sa kanya; napagitna sa
dalawang magnanakaw na parang isa sa
kanila; painumin ng apdong nilahukan ng
suka, at ang Iyong tagiliran ay sulain ng isang
sibat.
Hanguin Mo na Panginoon ko, alangalang
doon sa madlang sakit na lubhang mapait
para sa dalitaan Mo, ang mga kaluluwa sa
Purgatoryo, sa pagdurusa nila, iakyat Mo
silang matiwasay sa Iyong kaluwalhatian;
iligtas Mo kami alangalang sa mga karapatan
ng Iyong kasantusantuhang pagpa-pakasakit
at pagkamatay sa krus, sa mga hirap sa
impyerno, ng kami ay maging dapat na
pumasok sa payapang kaharian, na Iyong
pinagdalhan sa mapalad na magnanakaw na
napakisama sa Iyong naripa sa krus;
nabubuhay Ka at naghahari, kasama ng
Diyos Ama, at ng Diyos Espiritu Santo,
magpasawalang-hanggan. Siya nawa.
LITANYA SA MAHAL NA BIRHENG
MARIA
Namumuno: Panginoon, maawa Ka sa kanya
Lahat: Panginoon, maawa Ka sa kanya
Namumuno: Kristo, maawa Ka sa kanya
Lahat: Kristo, maawa Ka sa kanya
Namumuno: Panginoon, maawa Ka sa kanya
Lahat: Panginoon, maawa Ka sa kanya
Namumuno: Kristo, pakinggan Mo siya
Lahat: Kristo, pakinggan Mo siya
Namumuno: Kristo, pakapakinggan Mo siya
Lahat: Kristo, pakapakinggan Mo siya
Namumuno: Diyos Ama sa langit
Lahat: Maawa Ka sa kanya
Namumuno: Diyos Anak na tumubos sa
Sanlibutan
Lahat: Maawa Ka sa kanya
Namumuno: Diyos Espiritu Santo
Lahat: Maawa Ka sa kanya
Namumuno: Santisima Trinidad na tatlong
Persona at iisang Diyos
Lahat: Maawa Ka sa kanya
Namumuno: Santa Maria
Lahat: *Ipanalangin mo siya
Namumuno: Santang Ina ng Diyos*
Namumuno: Santang Birhen ng mga
Birhen* Namumuno: Ina ni Kristo*
Namumuno: Ina ng Simbahan*
Namumuno: Ina ng awa*
Namumuno: Ina ng grasya ng Diyos*
Namumuno: Ina ng pag-asa*
Namumuno: Inang kasakdal-sakdalan*
Namumuno: Inang walang malay sa
kahalayan*
Namumuno: Inang ‘di malapitan ng
masama*
Namumuno: Inang kalisin-linisan*
Namumuno: Inang pinaglihing walang
kasalanan*
Namumuno: Inang kaibig-ibig*
Namumuno: Inang kataka-taka*
Namumuno: Ina ng mabuting kahatulan*
Namumuno: Ina ng may gawa sa lahat*
Namumuno: Inang mapag-adya*
Namumuno: Birheng kapahampahaman*
Namumuno: Birheng dapat igalang*
Namumuno: Birheng dapat ipagbantog*
Namumuno: Birheng makapangyayari*
Namumuno: Birheng maawain*
Namumuno: Birheng matibay na loob sa
magaling*
Namumuno: Salamin ng katuwiran*
Namumuno: Mula ng tuwa naming*
Namumuno: Sisidlan ng kabanalan*
Namumuno: Sisidlan ng bunyi at bantog*
Namumuno: Sisidlan ng mahal at tangi na
makusaing sumunod sa Panginoong Diyos*
Namumuno: Rosang bulaklak, na di
mapuspos ng bait ng tao ang halaga*
Namumuno: Tore ni David*
Namumuno: Toreng garing*
Namumuno: Bahay na ginto*
Namumuno: Kaban ng tipan*
Namumuno: Pinto ng Langit*
Namumuno: Talang maliwanag*
Namumuno: Mapagpagaling sa mga
maysakit*
Namumuno: Pagsasakdalan ng mga taong
makasalanan*
Namumuno: Aliw ng mga nangingibang
bayan*
Namumuno: Mapang-aliw sa mga
nagdadalamhati*
Namumuno: Mapag-ampon sa mga
kristiyano*
Namumuno: Reyna na mga anghel*
Namumuno: Reyna ng mga propeta*
Namumuno: Reyna ng mga patriarka*
Namumuno: Reyna ng mga apostol*
Namumuno: Reyna ng mga martir*
Namumuno: Reyna ng mga confessor*
Namumuno: Reyna ng mga birhen*
Namumuno: Reyna ng lahat ng mga santo*
Namumuno: Reynang ipinaglihi na ‘di
nagmana ng salang orihinal*
Namumuno: Reynang iniakyat sa langit*
Namumuno: Reyna ng kasantusantuhang
rosaryo*
Namumuno: Reyna ng pamilya*
Namumuno: Reyna ng kapayapaan*
Namumuno: Kordero ng Diyos, na
nakakawala ng mga kasalanan ng
sanlibutan...
Lahat: Patawarin Mo siya, Panginoon
namin.
Namumuno: Kordero ng Diyos, na
nakakawala ng mga kasalanan ng
sandaigdigan...
Lahat: Pakapakinggan Mo siya, Panginoon
namin.
Namumuno: Kordero ng Diyos, na
nakakawala ng mga kasalanan ng
santinakpang langit...
Lahat: Kaawaan Mo siya Panginoon.
Namumuno: Sa ilalim ng Iyong
pagkakandili, O Santang Ina ng Diyos, kami
ay lumililong, huwag mong talikdan ang
aming pag-amo-amo, kung dinatnan ng
kasalatan, bagkus iyong iadya kami sa dilang
panganib birheng mahal at maluwalhati.
Lahat: Siya nawa.
Lahat: Sumasampalataya ako sa Diyos
Amang makapangyarihan sa lahat, na may
gawa ng langit at lupa.
Sumasampalataya ako kay Hesukristo, iisang
Anak ng Diyos, Panginoon nating lahat.
Nagkatawang tao Siya Lalang ng Espiritu
Santo, ipinangak ni Santa Mariang Birhen.
Pinagpakasakit ni Poncio Pilato, ipinako sa
krus, namatay, inilibing. Nanaog sa
kinaroroonan ng mga yumao. Nang may
ikatlong araw nabuhay na magmuli.
Umakyat sa langit, naluluklok sa kanan ng
Diyos Amang makapangyarihan sa lahat.
Doon magmumulang paririto’t maghuhukom
sa nangabubuhat at nangamamatay na tao.
Sumasampalataya naman ako sa Diyos
Espiritu Santo, sa Banal na Simbahang
Katolika, sa kasamahan ng mga banal, sa
kapatawaran ng mga kasalanan, sa
pagkabuhay na magmuli ng nangamatay na
tao, at sa buhay na walang hanggan. Amen.
Namumuno: Panginoon kong Diyos,
yamang inilagak Mo sa amin ang mga bakas
ng Iyong Mahal na Pasyon, sa mahal na
kumot na ibinalot sa iyong Kabanal-banalang
katawan ng ibaba ka ni Jose sa krus.
Ipagkaloob Mo po sa amin, mahabaging
Panginoon alang-alang sa iyong kamatayan
at paglilibing, na sila ay dalhin doon sa
glorya ng pagkabuhay na mag-uli na
kinabubuhayan Mo at pinaghaharian sa
kasamahan ng Diyos Ama at pakikipagkaisa
sa Diyos Espiritu Santo, magparating man at
magpasa walang-hanggan.
Lahat: Siya nawa.
Namumuno: Huwag mo siyang ipahintulot,
Panginoon ko. Pakaingatan Mo siya sa
masama. Sa pinto ng impyerno, iilag Mo ang
kanyang kaluluwa. Mapanatag nawa siya sa
kapayapaan,
Lahat: Siya nawa.
Ulitin ng tatlong beses
Namumuno: Pakinggan Mo Poon ang aming
daing.
Lahat: Dumating nawa sa mahal Mong
tainga ang aming pagtawag.
Namumuno: Manalangin tayo...
Lahat: O Diyos ko, na sa kaginhawahan ng
tao, hinihingi namin na kaawaan Mo na ang
kaluluwa ng alipin Mong si ________, ang
aming mga magulang, kapatid, kamag-anak,
kaibigan na namatay na dito sa katipunan
nitong mapagampong Ama at sa tulong ng
parating Birheng Maria, patawarin ang lahat
ng kasalanan, ayon sa indulhensiyang
kanilang ninanasa, pakundangan sa Iyong
awa, at magsasamang parati doon sa
kahariang walang hanggan.
Namumuno: Pagkalooban Mo siya Poon ko
ng kapayapaang walang hanggan
Lahat: Magbigay sa kanya ng liwanag at ilaw
na walang hanggan.
Namumuno: Mapanatag nawa siya sa
kapayapaan.
Lahat: Siya nawa.
Uulitin ng tatlong beses
Namumuno: O Hesus na Kasantusantuhan
at Kamahal-mahalan, sa pagkamatay Mo po
sa Mahal na Santa Krus,
Lahat: Kaawaan at patawarin ang kaluluwa
ni ________.
Namumuno: Birheng Maria, ito ang aming
hain ‘di man dapat tanggapin ang kaluluwa’t
katawan namin, kaawaan mo’t ampunin sa
kamatayang darating at ipagamo-amo mo rin
kay Hesus na Poon namin upang kami rin ay
lingunin at kami’y patawarin sa salang
nagawa namin.
Lahat: Siya nawa.
Namumuno: Alang-alang sa maralitang
pagkamatay ng ating Panginoong Jesukristo
at sa pitong sakit ni Santa Maria, siya
nawang ikaginhawa at ikaluwalhati ng lahat
ng mga kaluluwang nagpapakasakit sa
Purgatoryo.
Lahat: Siya nawa.
Lahat: Aba po Santa Mariang Hari, Ina ng
awa, Ikaw nga po ang kabuhayan at
katamisan namin, aba, pinananaligan ka
namin. Ikaw nga po ang tinatawag naming
pinapanaw na taong anak ni Eba. Ikaw rin
ang pinagbubuntung hiningahan namin sa
aming pagtangis; dini sa lupang bayang
kahapis-hapis, ay aba pintakasi ka namin,
ilingon mo sa amin ang mga mata mong
maawain, at saka kung matapos na yaring
pagpanaw sa amin, ipakita mo sa amin ang
iyong Anak na si Hesus. Santa Maria, Ina ng
Diyos, maawain, maalam, at matamis na
Birhen.
BENDITO
Namumuno: Purihin at ipagdangal ang
kasantu-santuhang sakramento sa altar at
ang kalinis-linisang paglilihi kay Ginoong
Santa Maria Ina ng Diyos at ating Panginoon,
na di nagmana ng kasalanang orihinal sa
mula’t mula, kailanman at magpasawalang
hanggan.
Lahat: Siya nawa.
Lahat: Ama namin sumasalangit Ka.
Sambahin ang ngalan Mo. Mapasaamin ang
kaharian Mo. Sundin ang loob Mo, dito sa
lupa para nang sa langit. Bigyan Mo po kami
ng aming kakanin sa arawaraw, at patawarin
Mo po kami sa aming mga sala para nang
pagpapatawad naming sa nagkakasala sa
amin. At huwag Mo po kaming ipahintulot
sa tukso at iadya Mo kami sa lahat ng
masama.
Lahat: Aba Ginoong Maria, napupuno ka ng
grasya. Ang Panginoong Diyos ay sumasaiyo.
Bukod kang pinagpala sa babaeng lahat at
pinagpala naman ang iyong anak na si Hesus.
Santa Maria, Ina ng Diyos, ipanalangin mo
kaming makasalanan ngayon at kung kami’y
mamamatay.

Lahat: Luwalhati sa Ama, sa Anak, at sa

Espiritu Santo. Kapara noong unang-una,
ngayon, at magpakailan man.

Namumuno: Pagkalooban Mo siya

Panginoon ng kapayapaang walang hanggan.
Lahat: Magbigay sa kanya ng liwanag ng
ilaw na walang hanggan.

Namumuno: Mapanatag nawa siya ng

kapayapaan.
Lahat: Siya nawa.

Ulitin ng tatlong beses

Namumuno: Ave Maria purissima
Lahat: Sin pecado concebida

Lahat: (+) Sa Ngalan ng Ama, ng Anak, at ng

Espiritu Santo. Amen