Pari: Sa ngalan ng Ama, at ng Anak, at ng Espiritu Santo,
Bayan: Amen.
Pari: Maghari nawa ang kapayapaan sa tahanang (gusaling) ito at sa
mga naninirahan(tutuloy) dito.
B. PAGPAPAHAYAG NG SALITA NG DIYOS
Pari: Mga kapatid, halina't makinig sa Banal na Salita ng Diyos nang
makintal sa ating puso at diwa ang aral na gabay ng mag-anak sa kanilang buhay.
1. MABUTING BALITA Lucas 10, 5-9
Ang kaligtasa'y dumating ngayon sa sambahayang ito.
+ Ang Mabuting Balita ng Panginoon ayon kay San Lucas
Pagpasok ninyo sa alinmang bahay, sabihin muna ninyo, "Maghari nawa
ang kapayapaan sa bahay na ito! Kung maibigin sa kapayapaan ang nakatira roon, sasakanila ang kapayapaan; ngunit kung hindi, hindi sila magkakamit nito. Manatili kayo sa bahay na inyong tinutuluyan; kanin ninyo at inumin ang anumang idulot nila sa inyo - sapagkat ang manggagawa ay may karapatang tumanggap ng kanyang upa. Huwag kayong magpapalipat-lipat ng bahay. Kapag tinanggap kayo sa alinmang bayan, kanin ninyo ang anumang ihain sa inyo; pagalingin ninyo ang mga maysakit doon, at sabihin sa bayan, 'Nalalapit na ang paghahari ng Diyos sa inyo."
Ang Mabuting Balita ng Panginoon.
Bayan: Pinupuri ka namin, Panginoong Hesukristo,
2. PANGARAL
3. PANALANGING PANGKALAHATAN
Pari: Mga kapatid, halina't dumulog sa Ama na bukal ng buhay ng lahat
ng tapat na pagmamahalan ang (gusaling ito) aming tahanan. Iniluluhog namin: Tugon.
May-ari: Amang mapagkalinga, loobin mong maging bukas-palad
kaming lagi sa mga kapos-palad, dukha at sawi. Iniluluhog namin: Tugon.
May-ari: Amang Maykapal, loobin mong maging masigasig kami
sa pagpapalaganap ng iyong paghahari. Iniluluhog namin: Tugon.
Pari: Aming Ama, sa iyong kagandahang-loob, ibinigay mo sa amin ang
iyong buhay at pagmamahal. Tangkilikin mo ang iyong namimintuhong angkan, yamang ikaw ang pinagmumulan ng kanilang mabuting pagsasamahan. Iniluluhog namin ito sa pamamagitan ni Hesukristo kasama ng Espiritu Santo magpasawalang hanggan.
Bayan: Amen. C. PAGGANAP SA PAGBABASBAS
Itataas ng pari ang kanyang mga kamay na waring
lumulukob sa tanan habang siyay dumadalangin:
Manahan ka, Panginoong Hesukristo, sa piling ng mga nagpapasinaya sa
bahay (gusali) na ito at humihiling ng pagbabasbas sa iyo upang sa paglagi rito'y kanilang madama ang iyong pagkupkop, upang sa paglabas dito'y kanilang makamit ang iyong pagtataguyod at upang sa pagbalik dito'y kanilang mapaunlakan ang iyong pagpasok hanggang tana'y sumapit sa iyong inihandang tahanan sa maligayang pagpisan sa iyong Ama sa kalangitan, hari naming nabubuhay kasama ng Espiritu Santo magpasawalang hanggan.
Bayan: Amen.
D. PAGWIWISIK NG BANAL NA TUBIG
Pari: Ang banal na tubig nawang ito ay magpaalaala ng pakikiisa sa
kamataya't pagkabuhay ni Kristo sa sakramento ng binyag.
E. PAGWAWAKAS
Pari: Ang kapayapaang kaloob ni Kristo ay maghari nawa sa ating puso,
at ang salita ni Kristo ay manahang lubusan sa ating kalooban upang anuman ang ating ganapin sa salita o gawa ay mangyaring lahat sa ngalan ng Panginoon ngayon at magpasawalang hanggan.