LITURHIYA SA ENOT NA PAGCOMUNION

PATARA-TARA

"Ako an Tinapay na buhay na hale sa langit, an si isay

man naminakakan kan tinapay na ini mabubuhay sagkod pa
man." Olay nin Kagurangnan.

Dios marhay na aga po saindo mga tugang.

Ngonian na aldaw aakoon kan satuyang mga aki sa enot na

pagkakataon an Hawak ni Cristo, an Tinapay nin buhay. Ini sarong
dakulang biyaya,tanda kan pagkamoot ni Cristo sa lambang saro sa
satuya.

Kita maogmang nagkatiripon sa espesyal na okasyon na ini - an

enot na pag-ako ki Cristo sa communion, kan satuyang mga kaakian.
Makisumaro kita sa saindang kaogmahan bilang sarong pamilya na
nagkakasararo asin nagkakaminootan.
Ngonian na aldaw satuya man na isineselebrar an solemnidad kan
Immaculada Concepcion- an malinigon na pagpangidam ni Sta. Ana
ki Sta.Maria. Ini dakulang privelehiyo na itinao nin Dios Ama ki Sta.
Maria, na siya ipinangidam na dai nadigtaan nin kasalan huli ta siya
an magigin Ina ni Jesus. Hagadon niato ki Sta. Maria an tabang
ipamibi kita na makalikay sa kasalan nganing kita magin malinig sa
atubangan nin Dios. Logod ano kasyon na ini magdara sato sa orog
na pagtalubo sa satong pagtubod asin pagkamoot sa Dios.

Omawon asin pasalamatan niato an Dios sa dakulang biyayang

ini na itinao Niya sa sato orog na sa satong mga aki. An
celebracion kan Eucaristia ngonian panamayohan ni

Matindog po kita asin awiton niato an awit sa pagpoon.

Entrance Song: 1
PADI: Sa ngaran kan Ama asikan Aki asin kan Espiritu Santo.
Amen.

PAGPAMIDBID KAN MGA AKI SA COMUNIDAD

PADI: Mga tugang, nagkatiripon kita ngonian sa pagselebrar kan

enot na pag-ako nin communion kan mga aki na ini. Kita
magigin mga saksi sa pagpoon ninda sa buhay Cristiano
asin kita makikiheras sa saindang kaogmahan. Sabay-
sabay niatong ipagrokyaw an Dios na maabot asin danay
na mag-eerok sa saindang mga puso.

RITO PENITENSYAL

PADI: Mga tugang, akoon ta an satong mga kasalan tanganing

magkanigo kitang magcelebrar kan mga banal na misterio.

GABOS: Nagkukumpisal ako sa Dios na makakamhan asin sa

Saindo,mga tugang, ta nagkasala ako nin makuri, sa isip,
sa tataramon, sa gibo asin sa kapabayaan. (asin tinotombok
an daghan, an gabos nagsasabi): Sala ko, sala ko, makuring
sala ko, kaya nangangadyi ako ki Sta. Maria danay na
Virgen,sa gabos na Angheles asin Santos, asin saindo mga
tugang na ako ipamibi sa Kagurangnan tang Dios.

PADI: Maherak man logod sato an Dios na makakamhan, asin

pakapatawada an satong mga kasalan, darahon kita sa
buhay na daing kasagkoran.
GABOS: Amen.

KYRIE: (Aawiton)
Gloria:
2
PAMIBI SA PAGPOON

PADI: Mamibi kita.... (see Sacramentary)

GABOS: Amen.

LITURHIYA KAN TATARAMON NIN DIOS

Commentator: Matukaw po an gabos sa paghinanyog kan

Tataramon nin Dios.

PAGBASA SA ENOT NA SURAT NI SAN PABLO SA

MGA TAGA CORINTO (1 Cor. 11:23-29)

Huli ta an itinukdo ko saindo iyo an katukduan na inako ko sa

Kagurangnan, na kan bangging pinasaluiban si Jesus na
Kagurangnan, nagkua Siya nin tinapay, nagpasalamat saka binaak
iyan, dangan nagsabi,"Iyo ini an sakong hawak na idinodolot para
saindo. Gibcha nindo ini sa pagromdom sako." Siring man kinua
Niya an kalis pakapamanggi saka nagsabi, "An kalis na ini iyo an
bagong tipan nin sakong dugo. Sa lambing pag-inom nindo kaini
giboha sa pagromdom sa sako.Huli ta sa lambang pagkakan nindo
kan tinapay na ini dangan pag-inom sa kalis na ini, ipinapahayag
nindo an pagkagadan kan Kagurangnan sagkod sa siya magbalik.
Kaya an siisay man na minakakan kan tinapay o minainom kan kalis
nin Kagurangnan sa bakong maninigo na paagi,nagkakasala tumang
sa hawak sadiri niya, bago siya kumakan kan tinapay saka uminom
kan kalis. Huli ta an tawong nagkakan kan tinapay dangan nag-iinom
kan kalis na dai pinapahalagahan an tunay na kahulugan kan Hawak
nin Kagurangnan, maghuhukom sa sadiri niya sa saiyang pagkakan
asin pag-inom.

Tataramon kan Kagurangnan.

Gabos: Salamat sa Dios.

3
Salmo Responsorio: (Aawiton)

Simbag: IKA O KAGURANGNAN

IKA AN SAKUYANG ILAW
IKA O KAGURANGNAN
AN SAKUYANG KALIGTASAN (Uliton po niato)

1. Ika o Kagurangnan an sakuyang ilaw

Asin kaligtasan
An pailihan nin sakuyang buhay
Siisay an sakong matatakotan. (Simbag)

2. Saro sana an hagad Saimo

Na mag-erok ako sa harong Mo
Sa gabos na aldaw nin sakuyang buhay,
Pagmasdan ko kagayonan Mo. (Simbag)

3. Dangoga an pangapodan, kaheraki ako

Simbagon Mo
Ika an danay na hanap ko
Hare man itago an lawog Mo. (Simbag)

Commentator: Matindog po an gabos sa pagrokyaw kan Evangelio

Awit sa Pagrokyaw:

PADI: An Kagurangnan mapasaindo

GABOS: Asin sa saimong Espiritu.

PADI: Pagbasa kan banal na Evangelio sosog ki San Juan.

GABOS: Kamurawayan sa Saimo, Kagurangnan.

4
EVANGELIO (Jn. 6:48-55)

"Ako an tinapay nin buhay: An saindong mga magurang

nagkakan kan manna sa lantad, asin nagkagaradan; yaon digdi
an tinapay na hale sa langit an minakakan kaini dai magagadan. Ako
an tinapay na buhay na hale sa langit: an minakalan kan tinapay na
ini mabubuhay sagkod pa man. An tinapay na itatao ko iyo an
sakuyang laman, tanganing mabuhay an kinaban."
Nag-orolay-olay an mga Judio: paano ikakapakakan Niya sato
an Saiyang laman?
Si Jesus nagsabi sainda: Totoong sinsasabi ko saindo: kun dai
nindo kakanon an laman asin dai nindo inomon an dugo kan
Aki nin tawo dai kamo magkakaigwa nin buhay sa saindo. An
minakakan kan sakuyang laman asin minainom kan sakuyang
dugo igwa nin buhay na daing kasagkoran.

Marhay na Bareta nin Kagurangnan.

GABOS: Pag-omaw sa Saimo, Cristo.

HOMILIA

PAGBAGO KAN PANUGA SA BONYAG

Commentator: Matindog po an gabos sa pagbago kan panoga sa

bonyag.

Nagtutubod kita na si Cristo nagadan asin nabuhay-

liwat huli sa pagkamoot sa lambang saro satuya. Siya
an ilaw nin satong buhay. May mga magurang na
masulo nin kandila hale sa Cirio Paskua! bilang mga
instrumento sa pagpatalubo kan pagtubod kan mga
kaakian. Sinda an mahiras kan liwanag ni Cristo.
(Kun an mga kandila may sulo na, an padi masabi)
5
PADI: Namomotan kong mga aki maogmang inaako mi kamo sa
comunidad-Cristiano. Kamo an samuyang nguhod na
mga tugang. Ngonlan mapoon na kamo sa kabllcgan kan
buhay Cristiano na itinao saindo sa paagi kan Simbahan
kan kamo binonyagan. Ngonian babagohon nindo an mga
panuga asin pagtubod na ginibo kan saindong mga
magurang, ninong asin ninang kan kamo bonyagan. Kaya
mga aki, hahapoton ko kamo.

Ano isinisikwal nindo an kasalan tanganing mabuhay

kamo siring sa mga aki nin Dios?'

MGA AKI: Opo, isinisikwal niamo.

PADI: Isinisikwal nindo an mga padagka kan karatan tanganing an

kasalan dai maghade sa saindo?

MGA AKI: Opo, isinisikwal niamo.

PADI: Isinisikwal nindo si Satanas na iyo an kagtugdo asin hade

kan kasalan?

MGA AKI: Opo, isinisikwal niamo.

PADI: Nagtutubod kamo sa Dios, Amang makakamhan kaggibo

kan langit asin daga?

MGA AKI: Opo, nagtutubod kami.

PADI: Nagtutubod kamo ki Jesucristo, Aking bugtong Niya asin

Kagurangnan ta ipinangidam sa kapangyarihan kan Espiritu
Santo, ipinangaki ni Birhen Maria, ipinako sa cruz nagadan,
ilinobong, sa ikatolong aldaw nabuhay-liwat asin
nagtutukaw sa too kan Dios Amang makakamhan?

MGA AKI: Opo, nagtutubod kami.

PADI: Nagtutubod kamo sa Espiritu Santo, sa Banal na

Simbahan na Catolico, sa paropakinabang kan mga
Santos, sa kapatawaran kan mga kasalan, sa
 pagkabuhay liwat kan mga gadan asin sa buhay na daing
kasagkoran?
MGA AKI: Opo; nagtutubod kami.

PADI: lyo ini an satong pagtubod, iyo ini an pagtubod kan

Simbahan, pagtubod na ipinagrorokyaw niato gabos huli
ki Cristo na satong Kagurangnan.

MGA AKI: Amen.

PANUGA KAN MGA MAGURANG

PADI: Bako sanang mga aki an manunuga ngonian. Kita bilang

sarong comunidad mangangako man orog na an mga
magurang kan mga aking ini, na danay na mag-aantabay
sa pagtalubo kan saindang pagtubod asin pagkamoot saDios.

AMA: Dios па samong Ama, odok sa boot kaming

nagpapasalamat sa pagtao Mo samo kan mga aking ini.
Giraray idinodolot mi sinda Saimo bunga kan samong
pag-kaminootan na mag-agom. Bendicioni sinda asin
papagdanaya sa pagkamoot Mo, huli man sana ki Cristo
na samong Kagurangnan.

INA: Dios na samong Ama, ipinagkatiwala Mo samo an mga

aki na ini tanganing samong tukduan bilang enot na
maestro asin maestra ninda giya sa saindang buhay.
Gibohon mo kaming bangraw na magiya sainda pasiring
Saimo sa paagi kan marahay na halimbawa asin mga
katukduan sa sainda. Ini huli man sana ki Cristo na
samong Kagurangnan.

AMA ASIN INA:

Kagurangnan, sarong onra para sa samo na kami

Saimong pagkatiwalaan bilang maimbod asin Cristianong
magurang. Kami nanunuga na sa tabang kan Saimong

7
 biyaya makatao kami nim marahay na halimbawa sa
samong mga aki. Tatabangan mi sinda sa pag-otob kan
saindang katongdan bilang aki nin Dios asin
aantabayanan sinda sa dalan nin karahayan.

LITURHIYA KAN EUCARISTIA

PAMIBI NIN BANWAAN

PADI: Ipahayag niato ngonian an satuyang mga pamibi asin kahagadan

sa Dios na satuyang Ama. Siya marahayon asin matinao asin aram
Niya kun ano an ikakarahay kan lambang saro sa satuya. Sa
lambang kahagadan satong sabihon:

AMA, HINANYOGA AN PAM!BI KAN SAIMONG MGA AKI

1. Para sa satong Santo Papa Francisco, Arsobispo Rolando,

Kapadean asin gabos na namarnayo kan Simbahan, tanganing
ipadagos an misyon, na itinao sainda nin Kagurangnan, na tukdoan
asin bonyagan an gabos na banwaan. Mamibi kita...

2. Papagdanaya an katoninongan asin pagkasararo sa bilog na

kinaban. Orog na sa satong nacion na sa tabang ni Sta. Maria,
magliwanag an isip kan mga namamayo sa satong govierno mag-ako
logod sinda nin kadonongan sa marahay asin matanos na paglingkod
sa banwaan. Mamibi kita...

3. Para sa mga naghehelang, nagtitios, nasa bilangoan, mga biktima

kan calamidad, logod ngonian na panahon nin Adviento, giyahan
sinda kan banal na espiritu na tanoson an saindang isipan sa pusog
na pagtubod asin pagsarig sa Kagurangnan. Maribi kita...

4. Bangrawi kan Saimong liwanag an gabos na pamilya, tanganing

magtalubo sa pagtubod asin makapaglakaw sa tamang dalan na
Saimong itinukdo sa samo. Mamibi kita...

5. Bendicioni an gabos na mga magurang tanganing danay na

makapag-otob kan saindang katongdan sa saindang mga aki,
8
 bendicioni man an mga aki orog na an mga ma-ako kan Hawak asin
Dugo ni Cristo sa enot na pagkakataon na magtalubo sa
kadonongan asin magin makinuyog-kuyog sa saindang mga
magurang. Mamibi kita...

6. Papagdanayang maimbod asin mahigos sa pagtukdo an samong

mga maestro, maestra asin katekista. Logod sinda danay na magin
aarogan nin kabanalan asin paglingkod. Mamibi kita...

7. Kita gabos na uya sa misang ini tanganing an tataramon nin Dios na

irinokyaw asin nadangog nin lambang saro makatabang sa satong
aro-aldaw na pagkabuhay. Mamibi kita...

GABOS: Amen.

PAGDODOLOT

Awit sa pagdolot:

PADI: Mamibi kamo mga tugang tanganing an sako asin saindang

atang magkanigong akoon nin Dios Amang makakamhan.

GABOS: Akoon logod kan Kagurangnan an atang sa saimong mga

kamot sa kaomayan asin kamurawayan kan Saiyang ngaran,
sa pakinabang niato asin kan Saiyang bilog na banal na
Simbahan.

PAMIBI SA PAGDOLOT

PADI: Kagurangnan akoa ining atang na idinodoiot kan Saimong

Simbahan hale sa saimo man sanang mga balaog.
Papagkanigoa na makatabang samo na pagkarnit kan buhay
na daing kasagkoran Huli ki' Jesucristo na samong
Kagurangnan.

GABOS: Amen.

9
PREFACIO

PADI: An Kagurangnan mapasaindo

GABOS: Asin sa saimong espiritu.

PADI: litaas an mga puso

GABOS: Itinaas mi na sa kagurangnan.

PADI: Magpasalamat kita sa Dios na satong Kagurangnan.

GABOS: Maninige asin dapat.

PADI: Totoong maninigo asin dapat....

BANAL (aawiton):Banal, banal...

PADI: Kagurangnan, Ika nanggad banal...

PADI: Misterio kan pagtubod.

GABOS: An pagkagadan Mo Kagurangnan ipinapamareta niamo. An

pagkabuhay Mo liwat ipinapahayag sagkod na ika magdatong.

PADI: Sa pagromdom kan Saiyang pagkagadan...

Huli Saiya, asin kaiba Niya asin sa Saiya, Saimo Dios Amang
makakamhan sa pagkasaro kan Espiritu Santo, an gabos na
kagalangan asin kamurawayan sa panahon na daing
kasagkoran.

GABOS: Amen. (aawiton)

PAGCOMUNION

PADI: Natukdoan kan mga nakakaligtas na tugon asin pinatood kan

diosnon na kaugalian, nangangahas kitang magsabi.

10
GABOS: AMA NIAMO

PADI: Agawa kami sa gabos na maraot....

GABOS: Huli ta Saimo an kahadean....

PADI: Jesucristong Kagurangnan, sinabi Mo sa mga Apostoles an

katoninongan mapasaindo....

GABOS:Amen.

PADI: An katoninongan kan Kagurangnan danay na mapasaindo.

GABOS: Asin sa saimong espiritu.

PADI: Magpatinaohan kamo nin katoninongan.

CORDERO:(aawiton)

PADI: Uya an cordero nin Dios, uya an nagpapara kan mga kasalan
kan kinaban. Paladan an mga inapod sa pamanggi kan
cordero

GABOS: Kagurangnan, bako akong maninigo na ika magdagos

sakuyang harong: alagad magtaram ka sana asin sakong kalag
maoomayan.

PAMIBI BAGO MAGCOMUNION

AKI: Amang nasa langit nagpapasalamat kami huli ta tinugutan Mo

kami na makaibahan si Jesus. Aram niamo na siya sana an
maninigong atang sa Eukaristiang ini. Alagad ngonian
idinodolot niamo Siya gikan sa samuyang puso. Birhen Maria,
samuyang ina inandam mo kami na magin maninigo na mag-
ako ki Jesus. Todok sa boci kaming nagpapasalamat Saimo.
(Malinya an mga aki sa tahaw para sa pagcomunion)

11
Awit sa Comunion:

PAMIBI KAN MGA AKI PAKATAPOS KAN COMUNION

AKI: Dios Ama kami namomoot Saimo, salamat sa pagtao Mo

samuya ki Jesus, an Saimong Aki, Tinapay nin Buhay na
inako mi ngonian sa banal na comunion. Nagpapasalamat po
kami sa samuyang mga magurang, mga maestro asin sa
samong mga katekista, bendicionan Mo sinda asin an samong
mga amigo.Tabangi kami na makadara nin kaogmahan sa
gabos. Logod magdanay kami sa pagkamoof Saimo asin sa
samong kapwa. Huli ki Cristo na samong Kagurangnan.
Amen.

PAMIBI PAKA-COMUNION

PADI: Mamibi kita...

Dios na Kagurangnan, tabangi kami na makapaglingkod

Saimo tanganing sa kapangyarihan kaining sacramento na
samuyang inako makamtan niamo an Saimong danay na
pagsorog. Huli ki Jesucristong Kagurangnan niamo.

GABOS: Amen.

PAGBENDICION KAN MGA CERTIFICO

PADI: Ama, bendicionan Mo ining mga certifico tanda kan enot na

pag-ako nin communion kan mga aki. Logod danay sindang
makisumaro ki Jesus asin magtalubo sa pagkamoot sa
saindang kapwa. Ini hinahagad mi huli ki Cristo na samong
Kagurangnan.

GABOS: Amen.

12
HURING BENDICION

PADI: kagurangnan mapasaindo.

GABOS: Asin sa samong espiritu.

PADI: Bendicionan man logod kamo kan Dios na makakamhan. An

Ama asin an Aki pati an Espiritu Santo.

GABOS: Amen.

PADI: Lakaw tapos na an Misa

GABOS: Salamat sa Dios.

 Distribution of Certificates

13