MASS OF THE HOLY SPIRIT

Our Lady of Immaculate Conception Parish

Naga City

RITO SA PAGPOON

PATARA- TARA:
Kita gabos aki nin Dios asin namomotan Niya.
Itao niya sato si Jesus na satong tugang asin
padagos kitang inaataman aroaldaw. Sa bilog na
taon nin satong pag-adal, idusay niato an
satuyang sadiri sa Dios. Hagadon niato sa
Espiritu, an Parasurog na ipinanuga asin
ipinadara ni Jesus na nabuhay-liwat, na
pakusogon an saiyang mga biyaya sa satuya orog
na an biyaya nin kadonongan asin pakasabot
tanganing an mga eskwela, mga paratukdo asin
katekista kan eskwelahan na ini (Pangaran kan
Eskwelahan) giyahan asin mapano kan saiyang
liwanag asin pagkamoot.

(The pupils with lighted candles will offer each candle in the place provided for)

ENTRANCE PROCESSION: Introducing the seven symbols of the Gifts of the Holy
Spirit.

1.) WISDOM – Kadonongan

2.) UNDERSTANDING - Pagkasabot
3.) KNOWLEDGE - Pagkamidbid
4.) GREAT COUNSEL - Marhay na Hatol
5.) FORTITUDE - Kaisogan
6.) PIETY - Kabanalan
7.) FEAR OF THE LORD - Banal na Pagkatakot sa Diyos

Makakaibahan niato si Rev. Fr.

_________________________ sa satong
pagcelebrar kan Eukaristiya ngonian. Matindog
1
 kita asin awiton niato an awit sa pagpoon.

AWIT SA PAGLAOG :

CELEBRANTE: Sa ngaran kan Ama, asin kan Aki, asin kan

Espiritu Santo.
Commentator: Amen

CELEBRANTE: An Kagurangnan mapa-saindo.

Commentator: Asin sa saimong espiritu.

GAWE NIN PAGSOLSOL

CELEBRANTE: Mga tugang, akoon ta an satuyang mga kasalan,

tanganing magin maninigo kitang magcelebrar
kan mga banal na misterio.

Commentator: Nagkukompisal ako sa Dios na makakamhan, asin saindo,

mga tugang, ta nagkasala ako nin makuri sa isip, sa
tataramon, sa gibo, asin sa kapabayaan: sala ko, sala ko,
makuring sala ko. Kaya hinahagad ko ki Santa Maria, danay
na Virgen, sa gabos na Angeles asin Santos, asin saindo,
mga tugang, na ako ipamibi sa Kagurangnan tang Dios.

CELEBRANTE: Maherak man lugod sato an Dios na

makakamhan asin, pakaparaa an satong mga
kasalan, darahon kita sa buhay na daing
kasagkoran.

Commentator: Amen.
KYRIE ELEISON (aawiton)
GLORIA
2
PAMIBI SA PAGPOON

CELEBRANTE: Mamibi kita…

Ama, pinaliwanag mo an samong mga puso

kan ilaw kan Espiritu Santo. Sa mismong
Espiritu tawe kami nin karahayan na maggibo
nin tamang paghatol asin man nin kaogmahan
sa saying pag-aling asin pagpasunod sa samo.

Ini hinahagad mi sa ngaran ni Jesucristo

Kagurangnan niamo, na nabubuhay asin
naghahade, kaiba Mo asin nin Espiritu Santo,
Sarong Dios, sa kapanahonan kan mga
panahon.

Commentator: Amen. Matukaw po an gabos para sa Liturgia kan

Tataramon.

LITURGIA NIN TATARAMON

ENOT NA BABASAHON:

Pagbasa sa Gibo kan mga Apostoles 2:1-4

Kan mag-abot ang aldaw nin Pentecostes, nagkatiripon sa

sarong lugar an gabos na paratubod. Dangan bigla sanang
nagkaigwa nin tanog na hale sa langit siring sa hagubhub nin
makosog na doros: napano kaini ang bilog na harong na
pinagtitiriponan ninda. Dangan nahiling ninda an garo mga
dilang kalayo na naghugpa sa lambang saro sainda. Sinda
gabos napano kan Espiritu Santo asin nagpoon pagtaram sa
manlaen laen na lengwahe, siring sa ipinataram sainda kan
Espiritu.

3
 Tataramon kan Kagurangnan.
Gabos: Salamat sa Dios
SALMO RESPONSORIO:
SIMBAG:
Kagurangnan, isobol mo an saimong Espiritu asin mababago an Kinaban.

1.) Pag-Omawon an Kagurangnan. Kalag ko!

O Dios na Kagurangnan, ika Orog kadakula
An saimong gubing Kamurawayan
Ika napaplibotan nin Liwanag. Simbag.

2.) Dakul an saimong mga ginibo, Kaguangnan!

Marhay an Paglalang mo kan gabos na bagay
An daga pano kan saimong mga lalang.
Kalag ko, Pag-omawa an Kagurangnan. Simbag.

Commentator: Matindog po an gabos sa pagrokyaw kan Evangelio.

EVANGELIO:

CELEBRANTE: An Kagurangnan mapa-saindo.

Commentator: Asin sa saimong Espiritu.
CELEBRANTE: Pagbasa sa Evangelio sosog ki San Juan.(20:19-23)
Commentator: Kamurawayan sa saimo, Kagurangnan.

Pagkahapon kan aldaw na idto, enot na aldaw nin

Semana, pirinto duman sa harong na nagkakatiripon an mga
disipulos huli sa takot sa mga Judio, Si Jesus naglaog nagpatahaw
sa sainda asin nagsabi: “Mapasaindo an katoninongan”.
Pagkasabi kaini, ipinahiling niya sainda ang saiyang mga kamot
asin hirog. An mga disipulos nagkaorogma pagkahiling sa
Kagurangnan. Girararay nagsabi si Jesus sa sainda: “Mapasaindo
an katoninongan”. Siring na ako sinugo kan Ama, kamo man
sinugo ko,” dangan hinayupan niya sinda asin sinabihan: “Akoa
nindo an Espiritu Santo, an kiisay man na mga kasalan na
saindong patawadon, mapapatawad; an kiisay man na kasalan na
dai nindo patawadon, dai mapapatawad.

4
CELEBRANTE: Marhay na Bareta kan satong Kagurangan.
Commentator: Pag-omaw sa saimo, Cristo.
Commentator: Matukaw po an gabos.

HOMILIA: (Pagpamidbid kan pitong mga Balaaog nin Dios)

PAMIBI NIN BANWAAN:

CELEBRANTE: Mamibi kita na an Espiritu nin satong
mamomoton na Ama asin nin Aki magdanay na
mag-erok sa lambang saro sato sa bilog na taon
na iyo an magtatao nin kosog boot sa catamaran,
katoninongan, asin katotohanan na dapat ming
tubodon, an satong simbag sa lambang pamibi.
KAGURANGNAN, PADARAHAN SAMO AN SAIMONG ESPIRITU.

Commentator: Kagurangnan, salamat sa biyaya nin kadonongan. Ipinapamibi

nyamo an Santo Papa, mga Obispo, mga Diakono, mga
Seminarista, mga Katekista tanganing sa saindang pagtukdo kami
makanood na mamoot sa Dios. Ipamibi nyato sa Kagurangnan…

Commentator: Kagurangnan, salamat sa biyaya nin pagkasabot. Ipinapamibi

nyamo na logod an mga nagtatrabaho sa gobyerno, lalo na an mga
maestro asin maestra, na masabotan an samong mga kaluyahan
asin tabangan kaming magin makosog sa samong mga kaluyahan.
Ipamibi nyato sa Kagurangnan...

Commentator: Kagurangnan, salamat sa biyaya nin pagkamidbid. Ipinapamibi

nyamona logod sa samong pag-adal mamidbidan niamo Ika,
Kagurangnan sa samong mga magurang, maestra, mga katekista
asin mga kaklase, sa paagi kan saindang marhay na halimbawa
asin padara. Ipamibi nyato sa Kagurangnan…

Commentator: Kagurangnan, salamat sa biyaya nin kaisogan. Ipinapamibi nyamo

an gabos na mga nagsasakit sa buhay: mga may problema sa
pamilya, mga biktima nin inhustisya asin mga inaapi logod tawan
sinda nin isog nin boot sa pakikipaglaban kan tunay na
katotoohan. Ipamibi nyato sa Kagurangnan...

5
Commentator: Kagurangnan, salamat sa biyaya nin pagkanood. Ipinapamibi
nyamo an mga daing sukat lalo na idtong mga dai nag-eskwela
huli sa manlaen-laen na Kelantan sa buhay logod makanood sinda
kan tunay na dalan, katotoohan asin buhay para sa saindang
karahayan. Ipamibi nyato sa Kagurangnan...

Commentator: Kagurangnan, salamat sa biyaya nin pagpaliwanag. Ipinapamibi

nyamo na logod sa samong pagkanood sa eskwelahan magkaigwa
kami nin kosog boot na ihiras mi an samong nanudan sa mga dai
pa nakakasabot sa pagtubod sa Dios. Ipamibi nyato sa
Kagurangnan...

Commentator: Kagurangnan, salamat sa biyaya nin pagkatakot sa Dios.

Ipinapamibi nyamo na logod sa aoaldaw ming pagkabuhay
matakot kami sa paggibo nin mga kasalan lalo na an mga bagay
manonongpd sa material, demonyo asin laman. Ipamibi nyato sa
Kagurangnan...

CELEBRANTE: Dios na samuyang Ama, ini an samong mga

pangangaipo sa pagpoon niamo kan samong
eskwela. Logod sa samong pagpamibi aroaldaw
makamtan mi logod sa mahuyong boot an biyaya
na samong inaarang. Ini hinahagad mi huli ki
Cristo na samong Kagurangnan.

Commentator: Amen. Matukaw po an gabos para sa pagdolot.

LITURGIA NIN EUCARISTIA

CELEBRANTE: Magpamibi kamo, mga tugang:

tanganing an sako asin an saindong
atang magkanigong akoon nin Dios
Amang makakamhan.
Commentator: Akoon lugod nin Kagurangnan an atang sa saimong mga
kamot para sa kaomawan asin kamurawayan
kan saiyang ngaran, sa pakinabang niato
6
 asin kan saiyang bilog na banal na Simbahan.

PAMIBI SA PAGDOLOT:

CELEBRANTE: Kagurangnan,
Pakabanala ining atang asin linigan mo an
samong mga puso sa kasalan. Padarhan samo
an ilaw kan saimong Espiritu Santo.
Huli Cristo na samong Kagurangnan.

Commentator: Amen.

PAMIBI SA EUCARISTIA II

CELEBRANTE: An Kagurangnan mapa-saindo.

Commentator: Asin sa saimong espiritu.
CELEBRANTE: Iitaas an mga puso.
Commentator: Initaas mi na sa Kagurangnan.
CELEBRANTE: Magpasalamat kita sa Kagurangnan satuyang
Dios.
Commentator: Maninigo asin dapat.

CELEBRANTE: Totoong maninigo asin dapat,

Matanos asin nakakaligtas, na danay asin
minsan saen magpasalamat kami saimo:
Kagurangnan, banal na Ama, Dios na
makakamhan na daing kasagkoran huli ki
Cristo na samong Kagurangnan:

Siya suminakat sa langit asin hale sa saiyang

7
 natutukawan sa too mong kamot ipinadara
niya sa puso nin saimong mga pinili an
Espiritu Santo na saiyang panuga.

Naoogma huli kaini sa dakulang

kagayagayahan an bilog na kinaban.

Kaya, kaiba kan mga dai-mabilang na

Angeles, sarong tingog kaming nag-oomaw
kan saimong kadakulaan, na nagsasabi:
SANCTUS (aawiton)
Banal, banal, banal an Kagurangnan Dios nin
mga Hukbo. An langit asin daga pano kan
saimong kamurawayan. Hosanna sa kaitaasan.
Paladan an mina digdi sa ngaran kan
Kagurangnan. Hosanna sa kaitaasan.

CELEBRANTE: Kagurangnan, ika nanggad an Banal,

burabod nin gabos na kabanalan.
Benebendito an mga kamot, dangan laob an mga ini sa ibabaw kan mga atang, siya
nagsasabi:

Kaya ining mga atang, namimibi kami,

pabanala kan ambon kan saimong Espiritu,
benebendito an mga kamot asin durongan na benebendicionan an hostia asin
caliz na nagsasabi:

tanganing para samo magin Hawak asin 

Dugo nin samong Kagurangnan na si
Jesucristo.
Benebendito an mga kamot.
 

Sa mga minasunod na formula, an mga tataramon nin Kagurangnan

sinasabing malinaw asin sayod, sosog sa hinahagad kan siring na mga
tataramon.

Siya, na sa rogaring na boot nagpaubaya sa

8
 Pasion,
kinukua an tinapay, asin iniitaas nin kadikit sa ibabaw kan altar, asin
nagpapadagos:

nagkua nin tinapay asin pagpasalamat;

binaak ini, asin itinao sa saiyang mga
disipulos, na an sabi:
minaduko nin kadikit

MAG-AKO KAMO GABOS ASIN

MAGKAKAN KAINI: TA INI AN
SAKUYANG HAWAK, NA IDODOLOT PARA
 
SAINDO.
An sagradong hostia ibinabayaw sa banwaan, ibinabalik sa patena, asin
an padi, nakaiuhod an sarong tuhod, nagsasamba.
 

Pakatapos an padi nagpapadagos:

 
Siring man, pakapamanggi,
kinukua an caliz, iniitaas nin kadikit sa ibabaw kan altar, nagpapadagos:
 

pagkua niya man nin caliz, asin giraray

pagpasalamat saimo, itinao sa saiyang mga
 
disipulos, na an sabi:
minaduko nin kadikit

MAG-AKO KAMO GABOS ASIN MAG-

INOM KAINI: TA INI AN CALIZ KAN
SAKUYANG DUGO KAN BAGO ASIN
DANAY NA TIPAN, NA PAPABOLOSON
PARA SAINDO ASIN PARA SA DAKUL SA
PAGPATAWAD KAN MGA KASALAN. INI
AN PAGGIBOHON NINDO SA
 
PAGROMDOM SA SAKO.
An caliz ibinabayaw sa banwaan, ibinababa sa corporal, asin an padi,
nakaiuhod an sarong tuhod, nagsasamba.
 

Dangan nagsasabi:

CELEBRANTE: Misterio kan pagtubod.

Commentator: An pagkagadan mo, Kagurangnan, ipinapamareta
niamo, an pagkabuhay mo liwat ipinapahayag, sagkod
na ika magdatong.

9
CELEBRANTE: Kaya kami na nagroromdom kan saiyang
pagkagadan asin pagkabuhay-liwat,
nagdodolot saimo, Kagurangnan, kan tinapay
nin buhay asin caliz nin kaligtasan,
nagpapasalamat ta pinapagkanigo mo na
mag-atubang asin maglingkod saimo.

Asin nakikimaherak kaming nag-aarang, na

kaming nagpapakinabang kan Hawak asin
Dugo ni Cristo pagsararoon kan Espiritu
Santo.

Giromdoma, Kagurangnan, an saimong

Simbahan na nakalakop sa bilog na kinaban,
tanganing malubos mo siya sa pagkamoot
kaiba kan samong Papa si N…. asin kan
samong Obispo, si N….. asin kan gabos na
clero.

Siring man giromdoma sa saimong

pagkaherak, an samong mga tugang na
nagturog sa paglaom kan pagkabuhay-liwat,
asin an gabos na mga gadan, dangan akoa
sinda sa liwanag kan saimong lalawgon.
Kaheraki kami gabos, namimibi kami,
tanganing kaiba ni Santa Maria, Virgen na Ina
kan Dios, kan mga banal na Apostoles asin
gabos na Santos na kaidto pa nakapagaya-gaya
saimo, magkanigong magin kahiras kan buhay
na daing kasagkoran, mag-omaw
 
magpamuraway saimo siring man.
benebendito an mga kamot

huli sa Aki mong, si Jesu-cristo.

10
CELEBRANTE: Huli saiya, asin kaiba niya, asin sa saiya, saimo
Dios Amang makakamhan sa pagkasaro kan
Espiritu Santo, an gabos na kagalangan asin
kamurawayan, sa gabos na kapanahonan kan
mga panahon.

Commentator: Amen. (Inaawit)

RITO SA PAGCOMUNION
CELEBRANTE: Natukdoan kan mga nakakaligtas na tugon,
asin pinatood kan diosnon na kaugalian,
nangangahas kitang magsabi:
Commentator: Ama niamo, na yaon ka sa langit: pabanalon an ngaran
mo; magdatong an kahadean mo; mangyari an boot mo
sa daga nin siring sa langit. An samong kakanon
aroaldaw itao mo samuya ngonian, asin patawadon mo
kami sa samong mga kasalan, siring na pinapatawad
niamo an mga nagkakasala samuya; asin hare kami
pagdaraha sa sugot; kundi agawa kami sa maraot.

CELEBRANTE: Agawa kami sa gabos na maraot, namimibi

kami Kagurangnan; warasan sa mga aldaw
niamo an katoninongan, tanganing kaming
natabangan kan saimong pagkaherak magin
danay na talingkas sa kasalan asin man ligtas
sa gabos na kapurisawan: mantang kami
naghahalat kan maogmang paglaom asin
pagdatong kan samong Paraligtas na si
Jesucristo.

Commentator: Huli ta saimo an kahadean, asin an kapangyarihan,

siring man an kamurawayan sa panahon na daing
kasagkoran.
11
CELEBRANTE: Jesucristong Kagurangnan, ika na nagsabi sa
saimong mga Apostoles: Katoninongan
iwinawalat ko saindo, an sakong
katoninongan itinatao ko saindo: hare
paghilinga an samong mga kasalan, kundi an
pagtubod kan saimong Simbahan; asin
papagkanigoa na siya mapatoninong asin
magkaboronyog sosog sa saimong kabotan.
Ika na nabubuhay asin naghahade sa
kapanahonan kan mga panahon.

Commentator: Amen.

CELEBRANTE: An katoninongan kan Kagurangnan danay na

mapa-saindo.

Commentator: Asin sa saimong espiritu.

CELEBRANTE: Magpatinaraohan kamo nin katoninongan.

AGNUS DEI (aawiton)

CELEBRANTE: Uya an Cordero nin Dios, uya an nagpapara
kan mga kasalan kan kinaban. Paladan an mga
inapod sa pamanggi kan Cordero.
Commentator: Kagurangnan, bako akong maninigo na ika magdagos sa
sakuyang harong: alagad magtaram ka sana, asin an
sakong kalag maoomayan.

PAMIBI PAKA-COMUNION

CELEBRANTE: Mamibi kita...

Kagurangnan,
panoa an samong mga puso kan saimong
12
 Espiritu Santo tanganing iligtas kami sa
samong mga kasalan asin tanganing
payamanon kami sa pagkamoot saimo
asin sa kapwa.
Huli ki Cristo na samong Kagurangnan.
Commentator: Amen.

RITO SA PAGTAPOS

CELEBRANTE: An Kagurangnan mapa-saindo.

Commentator: Asin sa saimong Espiritu.

CELEBRANTE: Bendicionan man lugod kamo kan Dios na

makakamhan: an Ama, asin an Aki,  asin an
Espiritu Santo.
Commentator: Amen.

PAGPAHUMALE

CELEBRANTE: Lakaw, tapos na an Misa.

Commentator: Salamat sa Dios.

13