LAWNGTLAI VENGPUI KHAWTLANG

JOINT ACTION COMMITTEE THUCHHUAK

Lawngtlai Vengpui Area huamchhunga Village Council, Branch YLA, LWA, MHIP,
LUP leh Kohhran hrang hrang aiawh Joint meeting chuan Corona Virus (Covid 19) laka
Lawngtlai Vengpui kan himna turin Village Task Force Committee on Covid 19 a din a.
Tin, vengchhung inenkawlna tur leh chhiatni chungchanga inrelbawl dan turah
ruahmanna a siam a. Heng hi zawm theuh turin kan inngen e.

TASK FORCE COMMITTEE HRUAITU & MEMBER-TE

Chairman : B. Lalthahlua, VCP
Vice Chairman : T. Lalrampuia, YLA President
Secretary : V. Lalengvara, YLA Secretary
Asst. Secretary : H. Zairinmawia, VC Secretary
Treasurer : H. Lalmuanthanga, YLA Vice President
Fin. Secretary : H. Lalhlimpuii, VC Treasurer
Member : Branch YLA O.B, LUP, LWA & MHIP President & Secretary theuhte
Advisers’ : Upa H. Lianhluta, BCM Lti. Vengpui Kohhran Chairman
: Upa F. Lalthawmmawia, BCM Zion Kohhran Chairman
: Upa H. Thanghuta, LIKBK Bethel Kohhran Chairman
: Upa Tialnghaka, LIKBK Bethesda Kohhran Chairman

VENGCHHUNG INENKAWLNA TUR

1. Chhuanchham leh harsatna tawk kan awm chuan Village Task Force Committee-ah
thlen thin tur a ni a, Committee-in a remchan dan angin hma an la ang.
2. Nepnawi dawr leh damdawi dawr tih loh zawng zawng khar vek tur a ni a.
Dawrkaite pawhin thil man tih to loh tur a ni. Tin, Nepnawi dawr, damdawi dawr
leh thingpui dawra thawktu (tul bik thila hawn phalsak) ten glove bun vek nise.
Thingpui dawr bikah dispo cup/plate hman vek tur a ni.
3. Hripui len chhung hian vengchhung mi zinchhuah leh mikhual neih rih loh nise.
4. Vengchhunga lirthei zawng zawng tlanchhuah rih loh tur a ni a. Vengdang atang
pawhin lirthei rawn tlan luh khap rih nise. Hei hian Sawrkar thuchhuah anga
Ambulance, Fire Service, Journalist, dan leh thupek kawnga hman lirthei, Covid 19
dona kawnga lirthei hman, nitin mamawh phurtu leh mipui mamawh enkawlna tura
sorkar hnathawk phurtu leh Task Force Committee-in lekchhuah a phalsak lirthei-te
a huam lovang.
5. India ram pawn leh Mizoram pawn (State dang) atanga lo lut te a rang thei ang
berin VC leh YLA-ah report zel tur a ni a. State pawn lam atanga rawn hawte leh an
chhungte vahchhuah tam loh tur a ni.
6. Vengchhungah puipunna lam chi reng reng huaihawt leh siam phal a ni lo a, mi 10
aia tam awmkhawm leh punkhawm khap tlat a ni.
7. Construction hrang hrang - kawng siam, in sak leh hnatlang lam chi reng reng thawh
khap tlat a ni.
8. Mi in-a thil zuar kual phal a ni lova, hei hian chawhmeh zawrh, khawchhak lam
unaute thil zawrh, vai thirchhe zawrh leh delivery boy etc. a huam vek ang.
9. Tul bik thil lovah chuan khawlaia mipui chhuah khap a ni a, a bikin kum 10
hnuailam leh kum 60 chunglamte phei chu fimkhur lehzual tur a ni.
10. Ran vulhtu ten kan ran vulhte pawnah chhuah tir loh tur a ni.
 CHHIAT TAWH CHUNGCHANGAH
1. Ruang chhuak tur chawlhpui phal a ni lo. Hei hian Christian Hospital a huam lovang.
2. Ralna bawm leh khawntesep dah leh khawn loh nise. Mitthi an awmin mitthi
chhungte hnenah V.C, YLA leh Kohhran ten buhfai bag 1 (Kg 50) leh Rs.5,000 a pe
thin ang. Kohhran, YLA leh VC ten hemi atan hian Rs.1,500 theuh an thawh thin ang.
3. Mitthi an awmin dar 12:00pm hmaa thi te chu a ni-ah vui tur a ni a, dar 12:00pm
hnua thi te chu lumen pui tur a ni.
4. Mitthi vui hun hi tul bik thilah chuan VC leh YLA te inrawnin an tidanglam thei ang.
5. Mitthi lumen ngai an awm a nih chuan a nawlpuia tlaivar lovin VC, YLA leh a hnuaia
Section hruaitute (Committee member chin) ten an lumen ang.
6. Mitthi in leh lumennaah zai loh tur a ni a, mitthi ina mipui punkhawm leh
punkhawm loh chu VC, YLA leh a lawina Kohhran ten an ruahman ang.
7. Khawhar in len leh thlan nghah neih loh tur a ni a, hei hian hri len hunchhung a
huam ang.
8. Mitthi (Eng vang pawha thi) chu a rang thei ang berin kuangah dah nghal tur a ni a.
Covid 19 avanga thi emaw rinhlelh te chu damdawi lama thawktute’n an ruahman
angin sawngbawl tur a ni ang.

Heng baka thil pawimawh dang a awm chuan a tul ang zelin ngaihtuah a ni ang.