LITURGI KEBAKTIAN

MALAM PASSION I
HKI RESORT BENGKULU
Senin, 6 April 2020 Pkl 19.00 - selesai

1. Votum
Kep. Keluarga: "Marhitehite Goar ni Debata Ama, dohot Goarni Anak Na Tuhan Jesus Kristus,
dohot Goar ni Tondi Parbadia, na manompa langit dohot tano on, dipasaor
ma dame-Na tu tondinta (tondimuna) be! Amen".
Rap mandok ma hita di tangiangta i:
Ale Jesus Tuhannami, bereng hami na dison. Pinarmahan Mi do hami,
aluhutna na dison. Sai asi rohaM di hami sai pangolu hami on! Amen.
2. Marende BE. No. 227: 1-3 “Jesus ngolu ni tondingku”
1. Jesus ngolu ni tondingku, Ho do haporusanki
Gok di Ho nama diringku, rodi nasa langkangki
2. Lam tangkas ma patuduhon, tu au on panghophopMi
Asa i huhalungunhon, hot ma au di lambungMi
3. Jangkon au baen siseanMu Na girgir tu podaMi
Sai surdukkon ma tanganMu Asa tong hutiop i

3. Ayat dohot Tangiang

Taarahon ma roha dohot pingkiranta tu Debata, na mananon na benrit jala mate, pola
mate di hau pinarsilang, gabe singkatta manaon angka dosanta: “Ai on do dipatupa
Debata: Humongkop hita gabe dosa Ibana, na so tumanda dosa, asa gabe hatigoran ni
Debata hita di bagasan Ibana”.
Martangiang ma hita
Ale Debatanami na di banua ginjang, Debata parholong dohot parasi ni roha. Mauliate ma
pasahathon nami tu adopanMu, ai nuga ditaluhon Ho ulahon ni si bolis marhite AnakMu,
Jesus Kristus, Tuhannami. Sai dongani jala ramoti ma hami saluhutna asa margogo hami
mangalo dosa dohot sibalis pangago. Marhite i asa dapotan ngolu na dibagasan dame na
sumurug sian Ho, sahat hami tu hangoluan na salelengnilelengna, marhite Jesus Kristus
Tuhannami. Amin.
4. Marende BE No. 249 “Ngot ma ho o tondingku”
1. Ngot ma ho, o tondingki Dungo martangiang
Asa unang musu i Tole so tinagam
Bisuk ni setan i Do manait tu dosa Lan na bonar roha
2. Ngot ma ho na modom i Di bagasan dosa
Asa unang ala ni Ho marutang hosa
Ai hatop Nang tahop Ro ma pangunjunan Tu naso managam

1
5. Manjaha Bibel 1:
Bapak: Dungi laho nangkok tu Jerusalem, pulik ma di arahon Jesus na sampuludua i,
dipangkulingi ma nasida di tongan dalani: "Nangkok ma hita tu Jerusalem,
pasahatonna ma disi Anaknijolma itu angka sintua ni malim dohot sibotosurat, gabe
uhumonnasida ma Ibana, ingkon marutang hosa. Dungi pasahatonnasida ma Ibana tu
parbegu asa diinsahi, dilinsingi jala diparsilangkon. Dung i mulak mangolu ma lbana
di ari patoluhon. Unang ma bonsa rohamuna. Porsea ma hamu di Debata, jala porsea
ma hamu di Ahu. Torop do inganan di bagas ni Damang. Aut so i, dohononKu ma tu
hamu: Na lao do Ahu mangarade inganan di hamu, sai mulak do Ahu mangalap hamu,
asa rap hamu dohot Ahu. Jala diboto hamu do dalan tu inganan sitopotonki".
Ibu : Dungi ninna si Tomas ma mandok Ibana : “Ndang huboto hami manang tudia Ho laho,
Tuhan, jaka sian dia ma botoonnami dalan i?” Gabe didik Jesus ma tu ibana: "Ahu do
dalan hasintongan, dohot hangoluan. Ndang adong na sahat tu Ama i, ia so marhite
sian Ahu. Anggo ditanda hamu Ahu, tandaon muna do nang Damang i. Olat ni on ma
ditanda hamu Ibana jala diida hamu Ibana". Gabe didok si Pilippus ma tu Ibana:
Patuduhon tu hami Ama i, ale Tuhan asa sombu rohanami".
Anak : Jadi didok Jesus ma: "Nunga pola na sadia leleng Ahu rap dohot hamu, laos so ditanda
hamu dope Ahu. Marnida Ama ido molo marnida Ahu. Boasa ma dohononmu:
Patuduhon tu hami Ama i? Ndang porsea ho Ahu dibagasan Ama i jala Ama i
dibagasan Ahu?. Apala sian roharohang-Ku huhatahon hata angka na hudok tu hamu.
Ama i na maringanan dibagasan Ahu, I do patulushon angka ulaon-Na i. Porsea ma
hamu di Ahu: Dibagasan Ama i do Ahujala di bagasan Ahu do Ama i; molo so i, alani
angka ulaon ima hamu porsea. Na tutu si tutu do na hudok on tu hamu; patupaon ni
naporsea di Ahu do songon angka ulaon na Huula i, na sumurung sian i dope
patupaonna tahe, ai na lahoma Ah tu Damang. Asa manag aha pagidoanmuna
marhitehite GoarHu, patupaonku do, asa marsangap Ama i di bagasan Anak i.
Bapak: Molo dipangido hamu manang aha sian Ahu marhitehite Goar-Hu, patupaon-Ku ma i.
Molo na holong rohamu di Ahu, radotanmuna do angka patik-Ku. Jala pangidoon-Ku
ma tu Amai asa dilehon tu hamu sada pangondian na asing, asa I mandongani hamu
salelengna i. I ma Tondi Hasintongani, na so tarjalo portibi on, ai ndang diida jala
ndang ditanda; alai ditanda hamu do lbana ai na rap ma Ibana dohot hamu jala di
bagasan hamu ma lbana. Ndang tadingkononku hamu so marama, na ro ma Ahu
mandapothon hamu".
6. Marende BE. No. 260 “Holan Jesus Do Hubaen Donganku”
1. Holan Jesus do hubaen donganku, Ai Ibana pasonangkon au
Ingkon sai tongtong tiur langkangku,
Molo raphon Jesus i au lao, Molo raphon Jesus i au lao
2. Tano dohot laut sonang hubolus, Molo sai diiring Jesus au
Tu banuaginjang pe sai torus
Do boanon ni Tuhanku au, Do boanon ni Tuhanku au

2
7. Manjaha Bibel 2:
Ibu : "Saotiknari nama. Jadi ndang be idaon ni portibi on Ahu, alai idaonmuna do Ahu. Ai
na mangolu do Ahu, hamu pe mangolu do. Di na sadari i ma botoonmuna, Ahu di
bagasan Damang jala Ahu dibagasan Hamu. Manang ise maniop angka patik-ki jala
diradoti,i do na holong roha di Ahu. Alai dihaholongi Damang i do na holong roha di
Ahu. Ahu pe holong do rohangku di Ibana jala papataron-Ku ma Ahu tu Ibana”. Jadi
didok si Judas ma (ndada si Iskariot): "Dia do alana Tuhan, umbahen na holan tu
hami papataron-Mu diriM, ndada tu potibion?" Dungi ninna Jesus ma mangalusi
Ibana: "Ganup na holong roha di Ahu, radotan ni i do hatang-Ku. Ndang Ahu
nampuna hata na binegemunai, Ama i na marsuru Ahu do. I ma huhatahon tu hamu,
tagan rap dope Ahu dohot hamu. Alai anggo Pangondian i, i ma Tondi Parbadia,
sisuruon ni Ama i marhitehite Goar-Hu, ajarhonon jala paingothonon nii do tu hamu
nasa na Huhataon tu hamu. Dame do Hutinggalhon di hamu; dame na di Ahu, i do
hulehon di hamu. Ndang songon pangalehon ni portibi on pangalehonku. Unang ma
bonsa jala unang mabiar rohamuna.
Anak : Nunga dibege hamu hatangKu. Na laho ma Ahu, jala na ro do Ahu muse manopot
hamu. Aut na holong rohamuna mida Ahu, las ma rohamuna, ala laho Ahu manopot
Ama i; ai umbalga do Damang asa Ahu. Asa nunga hupaboa i hian tu hamu, andorang
so jumpang dope, asa porsea hamu, dung songgop. Ndang haru godang be
hatahononku tu hamu, ai na ro ma raja ni portibion, ndang adong dihana I nian di
Ahu. Alai naeng ma botoon ni portibi on, na holong do rohanoku di Ama I jala
sipasaut pandok ni Ama i do Ahu.
Ibu : Nunga ias hamu binahen ni hata i na huhatahon tu hamu. Sa mian di bagasan Ahu ma
hamu, songon Ahu di bagasan hamu. Songon ranting i na so tarbahen marparbue
anggo sian dirina, anggo so mian di hau anggur i, laos songon i hamu, anggo so mian
dibagasan Ahu hamu. Ahu do hau angguri, hamu do ranting i. Na mian di bagasan
Ahu jala Ahu dibagasan ibana, i ma na maparbuehon godang, ai ndang tarula hamu
agia aha, anggo so mardongan Ahu. Nasa no so mian di bagasan Ahu, dibolongkon do
i songon ranting na gabe masak, dung i dipalungguk, didanggurhon ma i tu api jadi
gor ma. Molo mian hamu di bagasan Ahu jala molo mian hatang-ki dibagasan hamu,
jumpang hamu do manang dia pe dipangido rohamuna. Marsangap ma Damang,
molo marparbuehon na godang hamu jala gabe angka sisean-Ku hamu. Songon
holong ni roha ni Damang di Ahu, songon i do holong ni rohangku di hamu. Mian ma
hamu dibagasan holong ni roha-Na. Umbahen na huhatahon itu hamu, asa di bagasan
hamu halalas ni rohang-Ki, jala asa gok hahalas ni roha muna.
Bapak: On ma patik-Ku: "Naeng masihaholongan hamu, songon Ahu na manghaholongi
hamu. Na sumeahon hosana humophop angka alealena, i do parholong ni roha na so
halompoan. Alealengku ma hamuna, molo diula hamuna na hupatikkon i tu hamu”.
Ndang Hugoar be hamu anak somang, ai ndang diboto anak somang na niula ni
indukna, aleale do hamu Hudok, ai nunga hupabotohon tu hamu saluhutna na
3
 Hubege sian Damang. Ndada hamu mamillit Ahu, Ahu do mamillit hamu jala Hupadiri
hamu, asa laho hamu marparbue, jala asa mian parbuemunai asa dilehon tu hamu
nasa sipangidoonmuna sian Ama i marhitehite Goar-Hu. On ma Hupatikkon tu hamu.
Masihaholongan ma hamu”.

8. MarendeBE No. 86:1-2 “Silang Na Badia“

1. Silang na badia i Ho do lombulombungki
Maralohon dosa i Dohot pandelean i
Di sude sitaonon i, Ho ma lombulombungki
2. Nasa na huula i Ndang tau hasonanganki
Nang ringkot pe rohangki Pola ro nang ilungki
Holan asi ni rohaM, Pangurupi o Tuhan

9. Tangiang Panutup
Kep. Keluarga : Rap ma hita mandok di tangiang hatopanta i:
Sude : Ale Amanami nadi banua ginjang, Sai pinarbadia ma goarMu, Sai ro ma
harajaonMu. Sai saut ma lomo ni rohaM, Di banua tonga on songon nadi
banua ginjang.
Lehon ma tu hami sadari on hangoluan siapari, Sesa ma dosanami, songon
panesanami di dosa ni dongan namardosa tu hami. Unang hami togihon tu
pangunjunan, Palua ma hami sian pangago.Ai Ho do nampuna harajaon
dohot hagogoon rodi hasangapon saleleng ni lelengna. Amen.
Kep. Keluarga : Singkop ma di hamu asi ni roha dohot dame, marhitehite panandaonmuna
di Debata dohot di Jesus, Tuhanta i!

Sude : Amen (3x diendehon)