SENAKULO

GROUP 1

MEMBERS:
CLARENCE MORALES
ANDREE TALATAGOD
SARAPI MOHAMMAD
JAMES ELLAZAR
JOSHUA ANAS
MICA CAMAMA
SHANE TAN
CITRINA OPEZ
LYESSA ORQUIA
MARY GRACE MARGAREJO
BABY MAE DELOS SANTOS
NERRY CARBONILLA
SCENE 1 (The Last Supper)
Narrator: Ang Senakulo ay isang dula patungkol sa Panginoong Hesukristo. Isa ito sa mga tradisyon
ng Semana Santa sa ilang grupong Cristiano, partikular na sa mga Katoliko. Sama-sama nating
tunghayan ang Buhay, Pagpapasakit, Kamatayan at Muling Pagkabuhay ng Panginoong Hesukristo.
(Music)
Clarence: Kunin ninyo ito, (Itinaas ang pancake hehe) ito ang aking katawan. (Hinati ito at inabot sa
magkabilaan)
Narrator: Kinuha niya ang kalis, at pagkatapos magpasalamat sa Diyos ay iniabot niya iyon sa
kaniyang mga alagad.
Clarence: Ito, ang aking tugon ng tipan. (Itinaas ang baso) Handog ko ito at inyong inumin. (Iniabot
ang baso) Sinasabi ko sa inyo, hindi na ako iinom ng alak na galing sa ubas hanggang sa araw na inumin
ko ang alak mula sa kaharian ng Diyos.

SCENE 2 (The Prayer)

Clarence: (Lumapit sa bato at nanalangin) Ama, Ama ko. O pangyayari mo ang lahat ng bagay, alisin
mo sa akin at gabayan ako sa paghihirap Diyos ko. Hindi kalooban ko ang masunsunod, kung hindi ang
kalooban mo ang maganap sa akin.
Narrator: (Pumunta si Hesus sa kanyang mga alagad) Nagbalik sya muli sa kanyang mga alagad at
sila ay antok na antok pa. Hindi nila malaman kung ano ang isasagot sa kanya.
Clarence: Natutulog pa ba kayo at namamahinga? Ikaw Pedro? (Tinuro si Pedro) Natutulog ka ba at
hindi makapagbantay kahit isang oras man lamang? (Si Pedro ay luluhod sana ngunit pinigilan ito ni
Hesus) Tama na, sapagkat dumating na ang oras upang ang anak ng tao ay ibigay sa mga
makakasalanan. (Naglakad lakad) Narito na ang magtataksil sa akin.

SCENE 3 (Ang Pagdakip)

KAWAL (SARAPI): PAANO NAMIN MAKIKILALA ANG KRISTONG IYONG SINASABI?
KAY DILIM NG GABI!
(KASAMA NI HUDAS ANG MGA KAWAL SA PAGHAHANAP KAY HESUS)
(MAKAKASALUBONG NINA HUDAS AT MGA KAWAL SI HESUS)
HESUS (CLARENCE): SINO'NG HINAHANAP NINYO?
MGA KAWAL (JOSHUA and SARAPI): SI HESUS NG NAZARENO!
HESUS (CLARENCE): AKO NGA.
HUDAS (BUGOY): MAGANDANG GABI PO, GURO.
[HAHALIKAN NI HUDAS SI HESUS]
HESUS (CLARENCE): HUDAS, IPAGKAKANULO MO BA ANG ANAK NG TAO SA ISANG
HALIK?
[PINALIBUTAN NG MGA KAWAL SI HESUS AT TULUYANG NAGISING NANG LUBOS
ANG MGA ALAGAD]
PEDRO (JAMES): (TATAYO AT PILIT NA IPAGTATANGGOL SI HESUS) LAYUAN NIYO
SIYA!

SCENE 4 (SA HARAP NI ANAS)

ANAS (SARAPI): IKAW BA ANG HARI NA MAKAPANGYARIHAN SA MGA HEDEO?
NASAAN ANG YONG MGA ALAGAD? ANO ANG ITINUTURO MONG DOKTRINA? SA
TEMA NG IYONG MGA PANGARAL AT PANANALITA, NAIS MO KAMING PALITAN.
MAGSALITA KA, HESUS!
HESUS (CLARENCE): MAHAYAG AKONG NANGANGARAL SA SINAGOGA, AT WALA
AKONG IKINUBLI NA KAHIT NA SINO. ALAM NILA ANG KING SINASABI SAPAGKAT
SILA'Y NAKIKINIG.
KAWAL (JOSHUA): GANYAN BA DAPAT SUMAGOT SA PARI?
ANAS (SARAPI): WALANG SAYSAY KAUSAP ITO. DALHIN SIYA KAY KAYPAS! TIGNAN
NA LAMANG NATIN ANG GALING NIYA.

SCENE 5 (SA HARAP NI KAYPAS)

KAWAL (JOSHUA): MAGBIGAY, PUGAY SA PINAKAMATAAS NA PARI!
KAWAL (SARAPI): SIYA SI HESUS NG NAZARENO, ANG MAPANGGAWA NG GULO.
KAYPAS (BUGOY): IKAW NGA! IKAW ANG SINASABING HARI. NASAAN ANG YONG
KAHARIAN? ANO'NG TRONO ANG MERON KA AT HINDI BAT IKAW AY ANAK NG
ISANG HAMAK NA KARPINTERO LAMANG?
[MAGTATAWANAN ANG LAHAT]
KAYPAS (BUGOY): SINABI RIN NG IBA NA IKAW SI ELIAS? BAT HINDI KA
MAKAPAGSALITA? IPAGTANGGOL MO ANG IYONG SARILI.
HESUS (CLARENCE): PALAGI AKONG NAGSASALITA SA TEMPLO NG AKING AMA.
IPAGTANONG NIYO SA MGA TAONG NAKIKINIG SA AKIN.
KAWAL 1 (MARY GRACE): SA GANYANG PANANALITA MO BA KINIKILALA ANG
PINAKAMATAAS NA PARI? ISA KANG AROGANTE!
KAYPAS (BUGOY): SABIHIN MO SA AMIN. IKAW BA ANG SINASABING
TAGAPAGLIGTAS AT ANAK NG DIYOS?
HESUS (CLARENCE): AKO NGA. MAKIKITA MO ANG ANAK NG TAO NA NAKAUPO SA
KANANG BAHAGI NG KATAAS-TAASANG AMA AT BABABA MULA SA ALAPAAP NG
LANGIT.
KAYPAS (BUGOY): ANO'NG SAKDAL NIYO LABAN SA TAONG ITO?
SAKSI 1 (LYESSA): YANG KRISTO NA 'YAN AY NAGPALAYAS NG MASAMANG
ESPIRITU SA NGALAN NG DIABLO!
SAKSI 2 (CITRINA): MAAARI BA 'YON? SARILING KAMPON, PINALAYAS NG AMO?
SAKSI 3 (BABY MAE): TUMPAK KA DIYAN, NAGMAMATAAS AT KALA MO KUNG
SINONG SANTO.
KAYPAS (BUGOY): WALA KAYONG KWENTA! SINO'NG MAY MATINONG TESTIGO?
SAKSI 3 (MARY GRACE): KAMI, GINOO! SINASABI NG KRISTONG YAN NA GIGIBAIN
NIYA ANG TEMPLO AT ITATAYO TONG MULI MATAPOS ANG TATLONG ARAW.
SAKSI 4 (NERRY): TAMA SIYA! PINALALABAS NIYA NA SIYA'Y ISANG
MAKAPANGYARIHAN. MAITATAYO BA SA TATLONG ARAW ANG ISANG TEMPLO NA
GINAGAWA NG APATNAPUNG TAON?
KAYPAS (BUGOY): MABIGAT NGA 'YAN. WALA KA BANG MAISASAGOT SA MGA
PARATANG ?
[MANANATILING TAHIMIK SI HESUS]
KAYPAS (BUGOY): IKAW BA ANG MESIYAS NA ANAK NG DIYOS? INUUTOS KO, SA
NGALAN NG DIYOS NA BUHAY, IKAW BA ANG KRISTO?
HESUS (CJ): IKAW NA ANG NAGSABI.
[HUHUBARAN NI KAYPAS SI HESUS]
KAYPAS (BUGOY): NILAIT NIYA ANG DIYOS! NARINIG KO ANG KANYANG
PAGLAPASTANGAN! ANO ANG INYONG PASYA SA KANYA?
MGA SAKSI (ALL): KAMATAYAN! DAPAT SIYANG MAMATAY!

SCENE 6 (SA HARAP NI PILATO)

SUNDALO (JOSHUA): MAGBIGAY PUGAY SA GOBERNADOR NG IMPERYO! ANG
KAGALANG-GALANG, PONSIO PILATO!
PILATO (JAMES): ANO'NG SAKDAL NIYO LABAN SA TAONG ITO?
PARISEO (SARAPI): GOBERNADOR, HINDI NAMIN SIYA DADALHIN DITO KUNG HINDI
SIYA KRIMINAL.
PILATO (JAMES): KUNG GAYON, ANO ANG INYONG PARATANG?
MGA SAKSI (ALL): SIYA RAW ANG KRISTONG HARI!
PILATO (JAMES): HARI? IKAW NGA BA ANG HARI NG MGA HUDYO?
HESUS (CLARENCE): HINDI GALING SA MUNDONG ITO ANG PAGHAHARI KO.
PILATO (JAMES): KUNG GAYON, HARI KA NGA BA?
HESUS (CJ): IKAW NA ANG NAGSABI, ISINILANG AKO UPANG MAGPATUNAY SA
KATOTOHANAN.
PILATO (JAMES): WALA AKONG MAKITANG KASALANAN SA TAONG ITO!
TAO (BABY MAE): HINDI BA KASALANAN ANG MANGARAL AT MANGGULO? GALING
PA YAN SA GALILEA!
PILATO (JAMES): SAKOP SIYA NI HERODES! ALAMIN NIYO KUNG ANO ANG
KANYANG SASABIHIN.
SUNDALO (JOSHUA): NGAYON DIN, GOBERNADOR!

SCENE 7 (SA HARAP NI PILATO)

SUNDALO (CITRINA): HARING HERODES, BILIN NG GOBERNADOR NA KAYO NA ANG
HUMATOL SA KANYA.
HERODES (JOSH): SA WAKAS, HESUS! AKING KABABAYAN. KAY RAMI KONG
NABABALITAAN SA’YO! MAGALING KA RAW MAGHIMALA? SIGE NGA, ALIWIN MO
KAMI. MAGHIMALA KA!
SUNDALO (LYESSA): ‘WAG MONG PAGHINTAYIN ANG HARING HERODES! SIMPLE
LAMANG ANG HINIHINGI NG HARI!
HERODES (JOSHUA): KUNG AYAW, HUWAG! BAKIT KO PAG-AAKSAYAHAN ANG
ISANG NASISIRAAN NG ULO? DAMITAN NA SIYA NG KAPA.
[IAABOT NG SUNDALO ANG PULANG KAPA KAY HERODES AT DADAMITAN NITO SI
HESUS]
HERODES (JOSHUA): PARA SA AKIN, WALA SIYANG KASALANAN SUBALIT SIYA’Y
NASISIRAAN NG ULO. IBALIK SIYA KAY PILATO!

SCENE 8 (ANG PAGHATOL NI PILATO)

PILATO (JAMES): WALANG KASALANAN ANG TAONG ITO, ‘YAN ANG PASYA NG
HARING HERODES. NAIS KO LAMANG NA IPAALALA SA INYO NA SA GANITONG
PAGKAKATAON, MAAARI KONG PALAYAIN ANG KAHIT NA SINONG BILANGGO.
ANAS (SARAPI): KAHIT NA SINO, HUWAG LANG SI HESUS!
PILATO (JAMES): KAHIT NA SI BARABAS? ISANG MAMAMATAY TAO NA SUMIRA SA
KATIWASAYAN NG BAYAN?
MIRON (BABY MAE): SI BARABAS! PILIIN NIYO SI BARABAS!
PILATO (JAMES): SINO’NG PALALAYAIN KO? SI HESUS O SI BARABAS?
MGA SAKSI (SHANE, LYESSA, MARY): SI BARABAS! PALAYAIN SI BARABAS!
PATAYIN SI HESUS!
PILATO (JAMES): WALANG KASALANAN ANG TAONG ITO. PARURUSAHAN KO NA
LAMANG BAGO PALAYAIN.
[LALAGYAN NG MGA SUNDALO NG TALI ANG MGA KAMAY NI HESUS AT SAKA
IPAPATONG SA KANYA ANG KORONANG TINIK]
(PLAYING: SUGAT NI KRISTO)
[PAGHAHAMPASIN NG MGA SUNDALO SI HESUS SA HARAP AT LIKOD NG KATAWAN
HABANG NAKAGAPOS ANG KANYANG MGA KAMAY]
[SI HESUS AY MULING IHAHARAP SA MGA TAO]
PILATO (JAMES): MASDAN NIYO ANG INYONG HARI!
MGA TAO: WALA KAMING IBANG HARI MALIBAN KAY CEASAR! IPAKO ‘YAN SA
KRUS!
PILATO (JAMES): KUNG GAYON, AKO SI PONTIO PILATO, PRESIDENTE AT HUKOM
DITO NA SAKOP ANG IMPERYONG ROMANO. ANG HATOL KONG SINTENSYA UKOL SA
KANYANG PAGKAKASALA— PAPASANIN NIYA ANG KRUS NG KAMATAYAN
HANGGANG SA MAKARATING NG GOLGOTA. IPAKO SIYA AT IPARIPA SA GITNA NG
DALAWANG MAGNANAKAW! WALA AKONG PANANAGUTAN SA KAMATAYAN NG
TAONG ‘YAN.
MGA TAO: PANANAGUTAN NAMIN ANG KANYANG KAMATAYAN! IPAKO SA KRUS!
IPAKO SIYA SA KRUS!
(PLAYING: PANANAGUTAN)

SCENE 9 (VIA CRUSIS)

[BUBUHATIN NA NI HESUS ANG KRUS]
HESUS (CLARENCE): AKO AY ALAGAD MO, AMA. SALAMAT SA KRUS NA ITO NA
GAMIT KO SA PAGTUBOS SA TAO.
[LALAPIT ANG ISANG BATA (BABY MAE) SA PARISEO NA NAKAPALIBOT KAY HESUS
AT IAABOT NIYA ANG ISANG KARATULA NA ILALAGAY SA KRUS]
PARISEO (SARAPI): HESUS NG NAZARETH? HARI NG MGA HUDYO? MALI ANG
KARATULANG ‘YAN!
BATA (BABY MAE): ANG BILIN PO NG GOBERNADOR, ANG NAKASULAT AY
NAKASULAT NA.
[MAKAKASABAY NI HESUS SA PAGPASAN NG KRUS SINA HESTAS AT DIMAS]
[MADARAPA SI HESUS SA UNANG PAGKAKATAON]
SUNDALO (JOSHUA): LAMPA! KAY IKLI PA NG NILALAKAD, BUMAGSAK KA NA!
[MAKIKITA NINA MARIA, JUAN, AT MAGDALENA ANG PAGPAPAHIRAP KAY HESUS
HABANG SINUSUNDAN NILA ANG MGA YAPAK NITO PATUNGONG GOLGOTA]
MARIA (SHANE): MANANATILI BA AKO RITO O LILISAN? MAY LAKAS BA AKO NG
LOOB NA PAGMASDAN ANG ANAK KONG NAGHIHIRAP?
SUNDALO (JOSHUA): SINO ANG BABAENG ‘YAN?
TAO 1 (LYESSA): SIYA ANG INA NI HESUS NG NAZARENO!
SUNDALO (MARY GRACE): KUNG SIYA BA’Y PINALAKI NANG TAMA, HINDI ‘YAN
AABOT SA GANITO!
[MAGKAKATINGINAN SINA HESUS AT MARIA] [MADARAPA SI HESUS SA IKALAWANG
PAGKAKATAON]
SUNDALO (JOSHUA): HINDI NA ‘TO AABOT SA KALBARYO! TUMAYO KA!
[MAKIKITA NG SUNDALO SI SIMON]
SUNDALO (MARY GRACE): IKAW? ISA KANG PAGANO, HINDI BA?
SIMON (BUGOY): O…OPO.
SUNDALO (MARY GRACE): ANO’NG PANGALAN MO?
SIMON (BUGOY): SIMON PO! SIMON NG SIRENEO. AKO PO’Y TUTULONG LAMANG
SAPAGKAT WALA AKONG PAGKAKASALA.
[TUTULUNGAN NI SIMON SI HESUS SA PAGBUHAT NG KRUS]
(PLAYING: SA IYONG MGA YAPAK)
[SUSUBUKANG LUMAPIT NI VERONICA KAY HESUS AT DALA NIYA ANG ISANG
PUTING TELA]
VERONICA (LYESSA): PANGINOON, PAHINTULUTAN NIYONG IPAHID KO ‘TO SA
INYONG MUKHA KAHAPIS-HAPIS.
[IPAPAHID NI VERONICA ANG TELA SA MUKHA NI HESUS]
VERONICA (LYESSA): LILISAN AKO NANG MAY PUSONG MASAYA!
[MADARAPA SI HESUS SA IKATLONG PAGKAKATAON]
[PAGBABATUHIN NG BATO SI HESUS NG MGA TAO, SUNDALO, AT PARISEO]
SIMON (BUGOY): HARING MAKAPANGYARIHAN, MALAPIT KA NA SA’YONG
PATUTUNGUHAN. NARIRITO NA TAYO SA KALBARYO!
(PLAYING: KUNG IYONG NANAISIN)

SCENE 10 (ANG PAGPAKO KAY HESUS SA KRUS)

[IHIHIGA SI HESUS SA KRUS AT IHAHANAY ANG KANYANG MGA KAMAY AT PAA SA
DULONG BAHAGI]
[ITATALI NG MGA CENTURION ANG MGA KAMAY AT PAA NI HESUS AT SAKA ITO
IPAPAKO] [SISIGAW AT IIYAK SI HESUS DAHIL SA SAKIT]
[MARAHANG ITATAYO NG MGA CENTURION ANG KRUS KUNG SAAN NAKAPAKO SI
HESUS]
[IPAPAGITNA SIYA SA DALAWANG MAGNANAKAW NA SINA HESTAS AT DIMAS]
CENTURION: SINO ANG GIGIBA NG TEMPLO AT ITATAYO SA LOOB NG TATLONG
ARAW? [TATAWA NANG MALAKAS ANG CENTURION]
CENTURION: BAKIT HINDI MO GIBAIN ANG ‘YONG KRUS AT TUNAWIN ANG MGA
PAKO? IPAKITA MONG MAKAPANGYARIHAN KA, HESUS NG NAZARETH!
ANAS (SARAPI): SIYA RAW ANG MESIYAS! ANG HARI NG ISRAEL?! AT ANAK NI
DAVID NA HIGIT PA RAW KAY SOLOMON!
KAYPAS (BUGOY): NASAAN ANG ‘YONG KAHAMBUGAN? INILIGTAS MO ANG IBA,
NGUNIT HINDI MO MAILIGTAS ANG ‘YONG SARILI!
HESUS (CJ): AMA KO, PATAWARIN MO SILA! HINDI NILA ALAM ANG KANILANG
GINAGAWA!
[LALAPIT SINA MARIA, MAGDALENA, AT JUAN SA PAANAN NG KRUS AT TITINGALA
KAY HESUS] MARIA: HESUS, AKING ANAK! NARIRITO ANG ‘YONG INANG UMIIBIG
SA’YO.
MAGDALENA (CITRINA): NARIRITO RIN AKO, BANAL NA HESUS. NARITO ANG
MAKASALANANG SUMASAMBA SA’YO!
[LULUHOD SI MAGDALENA SA PAANAN NG KRUS]
MAGDALENA (CITRINA): HAHAGKAN KO ANG ‘YONG MGA PAA NA MINSANG
HINUGASAN KO NG AKING MGA LUHA!
JUAN (Joshua): HESUS! PANGINOON, NARITO AKO. PATAWARIN MO KAMI, AMING
GURO DAHIL INIWAN KA NAMIN SA GITNA NG PANGANIB AT KASAWIAN!
[PAGBABATUHIN NG MGA TAO SINA DIMAS, HESTAS, AT HESUS NA NAKAPAKO SA
KRUS]
HESTAS (Baby mae): ISA KANG BALIW, DIMAS!
[TITIGNAN NI HESUS SI HESTAS]
DIMAS (JAMES): AYAN, HESTAS. TIGNAN MO ANG KANYANG MAAMONG MUKHA.
[MATATAWA SI HESTAS]
DIMAS (JAMES): IBIG NIYANG MASABI NA SIYA’Y ANAK NG DIYOS! KAIBIGANG
HESUS, ‘WAG MO AKONG KALILIMUTAN PAG-AKYAT MO SA’YONG KAHARIAN.
[TITIGNAN NI HESUS SI DIMAS]
HESUS (CJ): TUNAY KONG SINASABI SA’YO, NGAYONG ARAW NA ITO’Y
MAKAKAPILING KITA SA PARAISO.
[TITINGALA ANG MGA SUNDALO AT TAO SA MGA ULAP]
SUNDALO (MARY): NAGDIDILIM! PARANG UULAN! HINDI PA BA PATAY ANG
NAZARENO?
[MAGTITINGINAN SINA HESUS AT MARIA, MAGING SI JUAN]
(PLAYING: ABANG MARIA)
HESUS (CJ): BABAE, MASDAN MO ANG ‘YONG ANAK. ANAK, MASDAN MO ANG
‘YONG INA.
MARIA (SHANE): ANAK KO, ANO’NG IBIG MONG SABIHIN?
HESUS (CJ): HAYAAN MONG SI JUAN ANG MAGING ANAK MO NGAYON. JUAN, SIYA
NA NGAYON ANG ‘YONG INA.
JUAN (JOSHUA): OO, PANGINOON. AKING IPINAPANGAKO!
MARIA (SHANE): MAMAHALIN KONG SIYANG KATULAD NG TUNAY KONG ANAK!
HESUS (JOSHUA): DIYOS KO! DIYOS KO! BAKIT MO AKO PINABAYAAN?
TAO (BABY MAE): TINATAWAG NIYA SI ELIAS! TIGNAN NATIN KUNG SIYA’Y
MASASAGIP.
HESUS: AKO’Y NAUUHAW!
[BIBIGYAN NG SUNDALO SI HESUS NG ESPONGHANG NILUBLOB SA ALAK NA MAY
HALONG APDO]
(PLAYING: ANG KALULUWA KO’Y NAUUHAW)

SCENE 11 (ANG PAGKAMATAY NI HESUS)

HESUS (CJ): AMA KO. SA IYONG MGA KAMAY, INIHAHABILIN KO ANG AKING
KALULUWA.
[MAKAKARAMDAM NG PAGLINDOL ANG MGA TAO AT MAGSISIGAWAN SILA DAHIL
NAGDIDILIM ANG BUONG PALIGID]
CENTURION (BUGOY): ANO’NG NANGYAYARI?
[MAGTATAKBUHAN ANG IBANG MGA TAO]
SUNDALO (MARY GRACE): PATAY NA BA ANG NAZARENO?
CENTURION (BUGOY): OO, NILAGUTAN NA SIYA NG HINGA!
SUNDALO (MARY): SIGURADUHIN MO!
[KUKUHA NG SIBAT ANG CENTURION AT TUTUSUKIN NITO ANG TAGILIRAN NG
KATAWAN NI HESUS]
[SISIGAW SA SAKIT ANG CENTURION DAHIL TATAMAAN ANG KANYANG MATA NG
MALA-PULBONG DUGO MULA SA TAGILIRAN NG KATAWAN NI HESUS]
[PATULOY NA MAGKAKAGULO DAHIL SA PAGYANIG NG MGA LUPA]
[HAHAMPASIN NG MGA SUNDALO ANG TUHOD NINA HESTAS AT DIMAS HANGGANG
SA MAMATAY]
[IBABABA SI HESUS MULA SA KRUS AT KAKALUNGIN SIYA NI MARIA NA UMIIYAK]
(PLAYING: “PIETA: OYAYI SA PAANAN NI HESUS”)
NARRATOR (MICA): SA MGA ORAS NA ITO, ATING PAGNILAYAN ANG PAGHIHIRAP
AT KAMATAYAN NG PANGINOONG HESUKRISTO. MANANAHIMIK ANG LAHAT
PANSAMANTALA O SA LOOB NG ISANG MINUTO.
(PLAYING: “WE ARE THE REASON”)
NARRATOR (MICA): MULA SA ATING PAGNINILAY, NAPAGTATANTO NATIN ANG
MAPANGWASAK NA KAPANGYARIHAN NG KASALANAN AT ANG NAPAKALAKING
PAG-IBIG NI HESUS PARA SA MAKASALANANG SANGKATAUHAN. INIALAY NIYA ANG
KANYANG BUHAY NANG MAY LUBOS NA KALAYAAN AT PAGKABUKAS-PALAD
UPANG ANG TAO AY MALIGTAS SA KASIRAAN NG KASALANAN. ITO ANG KANYANG
PATUNAY NG DAKILANG PAG-IBIG.
(PLAYING: DAKILANG PAG-IBIG)
NARRATOR (MICA): TUNGHAYAN MO AKONG NANINIKLUHOD SA IYONG HARAPAN,
HESUS NA BUTIHIN AT KATAMIS-TAMISAN. AKO AY DUMADALANGIN AT NAKIKI-
USAP NANG MAY MAALAB NA KALOOBAN UPANG LOOBIN MONG SA AKING PUSO AY
TUNAY KONG MADAMANG NAKATITIK ANG PANANAMPALATAYA, PAG-ASA, PAG-
IBIG, AT ANG WAGAS NA PAGSISISI SA AKING MGA KASALANAN. MAPAGTANTO KO
NAWA ANG MATATAG NA PASYANG MAGBAGONG BUHAY HABANG NABABAGBAG
ANG AKING LOOB AT NALULUNGKOT AKO SA PAG-IISIP AT PAGSASALOOB NG IYONG
LIMANG SUGAT HABANG AKING BINIBIGKAS ANG PANGUNGUSAP NA IYONG
INILAGAY SA BIBIG NI DAVID NA PROPETA MO PARA KANYANG MAIHAYAG
TUNGKOL SA IYO. HESUS NA BUTIHIN: “MGA KAMAY KO AT PAA’Y PAWANG
BINUTASAN ANG BUTO NG KATAWAN KO, SA MASID AY MABIBILANG.” AMEN.

SCENE 12 (ANG MULING PAGKABUHAY NI HESUS)

Madilim-dilim pa nang unang araw ng sanlinggo, pumunta si Maria Magdalena sa libingan.
Naratnan niyang naalis na ang batong nakatakip sa libingan. Dahil dito, patakbo siyang
pumunta kay Simon Pedro at sa alagad na mahal ni Jesus, at sinabi sa kanila,
MAGDALENA (CITRINA): “Kinuha nila ang Panginoon mula sa libingan, at hindi namin
alam kung saan siya inilagay!”
(Sina Pedro at ang nasabing alagad ay nagpunta sa libingan.)
(Kapwa sila tumakbo ngunit si Pedro'y naunahan noong isa. Yumuko ito at sumilip sa loob
ng libingan ngunit hindi pumasok. Nakita niyang nakalagay doon ang mga telang lino. Nang
dumating si Simon Pedro, tuluy-tuloy itong pumasok sa libingan at nakita nito ang mga
telang lino, at ang panyong ibinalot sa ulo ni Jesus. Ang panyo ay hindi kasama ng mga
telang lino, kundi hiwalay na nakatiklop sa isang tabi. Pumasok din ang alagad na naunang
dumating at nakita niya ito, at siya'y naniwala. Hindi pa nila nauunawaan noon na si Jesus ay
kailangang muling mabuhay ayon sa kasulatan. 10 At umuwi ang mga alagad sa kanilang
mga tahanan.)

SCENE 13 (Nagpakita si Jesus kay Maria Magdalena)

(Si Maria ay nakatayong umiiyak sa labas ng libingan. Habang umiiyak ay yumuko siya at
sumilip sa loob. May nakita siyang dalawang anghel na nakadamit ng puti at nakaupo sa
pinaglagyan ng bangkay ni Jesus, ang isa'y sa gawing ulunan at ang isa nama'y sa paanan.
Tinanong nila si Maria,
TAO (BABY MAAE): “Babae, bakit ka umiiyak?”
MARIA (SHANE): “Kinuha nila ang aking Panginoon at hindi ko alam kung saan siya
inilagay.”
Pagkasabi nito'y napalingon siya at nakita niya si Jesus na nakatayo roon, ngunit hindi niya
nakilalang si Jesus iyon.
HESUS (CJ): “Babae, bakit ka umiiyak? Sino ang hinahanap mo?”
(Akala ni Maria, ang kausap niya'y ang hardinero kaya't sinabi niya,)
MARIA (SHANE): “Ginoo, kung kayo po ang kumuha sa kanya, pakituro nga po ninyo sa
akin kung saan ninyo siya inilagay at kukunin ko.”
HESUS (CJ): Maria!
(Humarap si Maria)
MARIA (SHANE): “Raboni!”
HESUS (CJ): “Huwag mo akong hawakan sapagkat hindi pa ako nakakapunta sa Ama. Sa
halip, pumunta ka sa aking mga kapatid at sabihin mo sa kanila na aakyat ako sa aking Ama
at inyong Ama, sa aking Diyos at inyong Diyos.”
(Kaya't si Maria Magdalena ay pumunta sa mga alagad at ibinalita sa kanila,)
MAGDALENA (CITRINA) “Nakita ko ang Panginoon!”

SCENE 14 (Nagpakita si Jesus sa Kanyang mga Alagad)

NARRATOR: Kinagabihan ng araw ding iyon na unang araw ng linggo, habang nakasara
ang mga pinto ng bahay na kinaroroonan ng mga alagad dahil sa takot nila sa mga Judio,
dumating si Jesus. Tumayo siya sa kalagitnaan nila
HESUS (CJ): “Sumainyo ang kapayapaan!”
(Pagkasabi nito, ipinakita niya ang kanyang mga kamay at ang kanyang tagiliran. Tuwang-
tuwa ang mga alagad nang makita nila ang Panginoon.)
HESUS (CJ): “Sumainyo ang kapayapaan! Kung paanong isinugo ako ng Ama, isinusugo ko
rin kayo.”
(Pagkatapos, sila'y hiningahan niya)
HESUS (CJ): “Tanggapin ninyo ang Espiritu Santo. Kung patatawarin ninyo ang mga
kasalanan ninuman ay pinatawad na ang mga iyon, subalit ang hindi ninyo patatawarin ay
hindi nga pinatawad.”
 MGA KARAKTER

NARRATOR: MICA CAMAMA

HESUS: CLARENCE JAY MORALES
MGA PARISEO:
MAGDALENA: CITRINA OPEZ
PEDRO: JAMES ELLAZAR
IBA PANG ALAGAD: JOSHUA ANAS
MGA TAO: CITRINA, LYESSA, BABY MAE, SHANE, NERRY
HUDAS: ANDREE TALATAGOD
HERODES: JOSHUA ANAS
VERONICA: LYESSA ORQUIA
MGA KAWAL: JOSHUA ANAS, MARY GRACE MARGAREJO
ANAS: SARAPI MOHAMMAD
KAYPAS: ANDREE TALATAGOD
MGA SAKSI: BABY MAE, LYESSA, CITRINA
MGA SUNDALO: JOSHUA, MARY, SARAPI
BATA: MARY GRACE MARGAREJO
HESTAS: BABY MAE DELOS SANTOS
DIMAS: JAMES ELLAZAR
MARIA: KIRSTEN SHANE TAN
PILATO: JAMES ELLAZAR
JUAN: JOSHUA ANAS