Professional Documents
Culture Documents
Амплитудна, фазна и фреквенциска (честотна) модулација
Амплитудна, фазна и фреквенциска (честотна) модулација
Примена
Комерцијалните радиостаници кои работат во опсегот на долги, средни и кратки бранови
користат амплитудна модулација. Истата се користи и за пренос на сигналот на слика во
безжичниот телевизиски систем, како и за многу други жични и безжични комуникациски
системи.
Предноста на амплитудната модулација во однос на честотната е во тоа што при
радиокомуникација е потребен потесен честотен опсег, а нејзин недостаток е што има
помал отпорност на пречки.
Фазна модулација
Фазна модулација (ФМ) – вид модулација која ги спрема комуникациските сигнали
за пренос. Таа ги кодира сигналите како промени во моменталната фаза на носечкиот
бран. Фазната модулација е една од двата главни облици на агловата модулација, заедно
со честотната модулација.
Фазата на носечкиот сигнал е модулиран така што ја следи промената на нивото на
сигналот (амплитудата) на сигналот на пораката. Врвната амплитуда и честотата на
носечкиот сигнал се одржуваат константни, но како што се менува амплитудата на
сигналот на пораката, соодветно се менува фазата на носителот.
Фазната модулација нашироко се користи во радиопреносот и е интегрален дел од многу
дигитални преносни кодирања на кои се засноваат бројни технологии како Wi-
Fi, ГСМ и сателитска телевизија.
Честотна модулација
Честотна модулација или фреквенциска модулација— вид на аголна модулација при
која носечката честота се менува пропорционално на сигналот на
корисната информација. Замавот на носечката честота е константна.
Со амплитудната и фазната модулација, претставува една од трите основни видови
модулации.
Ако сигналот на информацијата е аналоген сигнал (глас, музика), носечката честота ќе се
менува континуално во одреден честотен опсег. Ако сигналот на информација е дигитален
сигнал, носечката честота може да има две или повеќе дискретни вредности. Во
наједноставниот облик, бинарната дигитална честотна модулација, честотата се одржува
на една вредност за дигиталната нула, а на друга за единицата.
Примена
Комерцијалните радиостаници во опсегот на ултракратките бранови (УКБ) ја користат
честотната модулација. Исто така се користи и за пренос на звук во
безжичниот телевизиски систем, и многу други жични и безжични комуникациски системи.
Предност на честотната над амплитудната модулација во радиокомуникациите е
поголемата отпорност на пречки, а мана ѝ е зафаќањето на поголем честотен опсег.