Sabi nila, edukasyon daw ang susi sa tagumpay at pag-asenso ng buhay, kung ganon, sino nga ba ang naglock ng pinto? Isang katanungang bagama’t nakakatawa ay may malalim na kahulugan. Isang mapagpalang araw sa inyong lahat, nakatayo sa inyong harapan ang isang estudyanteng katulad ninyo ay nahihirapan din sa pag-abot ng tagumpay. Ako si Samantha Nicolle Quierra at nais kong ibahagi sa inyo ang aking talumpati tungkol sa edukasyon na hindi accessible sa lahat ng Pilipino. “Tandaan mo na ang edukasyon lamang ang tanging yamang maipapamana ko sainyo.” Ilang beses niyo na bang narinig ang mgakatagang ito na madalas nating naririnig sa ating mga magulang? Tunay na isang kayamanan ang edukasyon sapagkat ito ay ating nagagamit sa pang-araw araw na pamumuhay. Matuturing din itong ginto na kailanma’y hindi mananakaw mula sainyo. Walang duda na napakahalaga ng pag-aaral ngunit nakakalungkot na sa ating bansa ay may mga pilipinong walang pagkakataon para makapag-aral. Isa ang edukasyon sa mga problemang kinakaharap ng bansa. Bagama’t batay sa datos na inilabas ng Kagawaran ng Edukasyon na mayroong 28 milyon na estudyante ang nakapag-enroll noong pasukan ay mayroon pa ring mga kabataan ang hindi nakakapasok ng paaralan. Maraming dahilan kung bakit hindi nakapag- aral ang mga bata gaya ng kahirapan. Ang kawalan ng pamasahe, baon, gamit, at uniporme ang mga nakakalungkot na dahilan kung bakit marami pa ring pinto ng oportunidad ang nakasara sa mga Pilipino. Maraming epekto sa buhay ng tao at sa lipunan ang kawalan ng edukasyon. Kawalan ng maayos na trabaho, paglala ng krisis sa bansa, kawalan ng sapat na kakahayan upang maunawaan ang paligid, at kawalan ng boses dahil madalas itong isinasawalang bahala. Mabalik ako sa katanungang sino nga ba ang naglock ng pinto at nagtago ng susi ng tagumpay? Kung ako ang tatanungin ay may maisasagot ako. Isa sa mga nagtatago ng susi ay ang mga taong nasa itaas na nakaupo sa pwesto at walang ginagawang solusyon upang mabawasan ang problema ng bansa. Ang mga taong ginagamit ang kanilang pwesto at kapangyarihan sa kasakiman at katiwalian. Sila nag mga nagnanakaw sa Karapatan ng mga Pilipino na makapag-aral. Ang susi ay nasa kanilang mga bulsa. Mahalagang magkaroon ng access sa edukasyon ang bawat isa dahil sa mundong nagbabago, sa panahong umaasenso, lahat ng pilipinong walang pinag- aralan? Tiyak na dehado. Ako ay nakikiusap sainyo, huwag kayong susuko sa pag- aaral at buhay. Nabigyan tayo ng pagkakataong makapag-aral sa isang magandang paaralan kung kayat atin itong pahalagahan. Ito ay pagbutihin upang sa hinaharap ay magamit natin ang karunungang ating nakamit sa pagpili ng mga taong maayos na mamumuno sa bansa. Magagamit din natin ang matricula na ating makukuha sa pag-abot ng ating mga pangarap na trabaho. Magpasalamat sa oportunidad na mayroon ka kaya ayusin mo ang iyong pag-aaral nang makabawas sa krisis na nararanasan ng inang bayan.