Professional Documents
Culture Documents
Criminal Procedure Code Law 2019-Ingingo Zimwe Na Zimwe
Criminal Procedure Code Law 2019-Ingingo Zimwe Na Zimwe
Urukiko rushobora kwakira cyangwa kutakira ubwumvikane burebana no kwemera ariko ntirushobora
kugira icyo rubihinduraho.
Iyo ubwumvikane bwakiriwe, mu gufata icyemezo urukiko rwita ku bwumvikane bwakozwe hagati
y'Ubushinjacyaha n'uregwa.
Iyo Ubushinjacyaha bushyikirije dosiye urukiko buhita buyigeza k’ukekwaho icyaha n’umwunganira iyo
amufite.
Ukekwaho icyaha afite uburenganzira bwo gukora umwanzuro wo kwiregura akawushyikiriza urukiko
n’Ubushinjacyaha mu gihe kitarenze iminsi itanu (5) uhereye igihe yashyikirijwe dosiye.
Icyiciro cya 2: Uko ukurikiranyweho icyaha afatwa no gusaba gufungurwa by’agateganyo igihe urukiko
rwaregewe mu mizi
Ingingo ya 96: Uko ukurikiranyweho icyaha afatwa iyo urukiko rwaregewe mu mizi
(2) Icyakora, mu gihe urukiko rwaregewe urubanza mu mizi, igifungo cy’agateganyo ntigishobora
kurenga igihe cy’igifungo cyo hejuru giteganywa n’itegeko ku cyaha akurikiranyweho. Iyo icyo gihe
kirangiye ataracibwa urubanza, uwari ufunze ararekurwa akaburana adafunze.
(3) Ukurikiranyweho icyaha ufunzwe by’agateganyo ashobora gusaba urukiko yarezwemo urubanza
remezo gukuraho icyemezo kimufunga cyangwa ko afungurwa by’agateganyo.
(4) Urukiko ruca urubanza kuri icyo kirego gisaba ifungurwa ry’agateganyo mbere y’uko rusuzuma
urubanza rwose mu mizi yarwo.
Ku byaha byose, ukurikiranyweho icyaha cyangwa umwunganira, ashobora gusaba urukiko kurekurwa
by’agateganyo bitewe n’aho ikurikiranacyaha rigeze.
Umucamanza afata icyemezo kuri iki kirego mu gihe kitarenze iminsi itanu (5). Iyo umucamanza
uburanisha urubanza mu mizi yarwo ashyikirijwe inzitizi ku byerekeranye n’ifungurwa ry’agateganyo,
ategetswe kubanza gufata icyemezo kuri icyo kibazo.
(2) Ukurikiranyweho icyaha afatwa nk’umwere igihe cyose urubanza rutaramwemeza icyaha burundu.
Iyo icyaha cye kitaragaragazwa, ushinjwa ntagomba gutanga ibimenyetso byo kwiregura.
(3) Icyakora, iyo icyaha cyabonewe ibimenyetso bikigaragaza, ugikurikiranyweho cyangwa umwunganira
ashobora kwerekana impamvu zose yireguza, zerekana ko ikirego kitakwemerwa, zihamya ko icyo
aregwa Atari icyaha cyangwa se ko ari umwere n’izindi mpamvu zose zivuguruza izimuhamya icyo cyaha.
(GUHAKANA ICYAHA CY’UKO YIBYE TELEFONI YA Pte..kubera ko iyo ayiba yari kuyibikira mu gikapu
cye; ikindi kandi iyo aza kuba yaribye iyo TELEFONI AKAYIBITSA MUGENZI WE, kuki uyu mugenzi we
atahise agaragariza uwerwo rrushinzwe discipline mu kigo ko abikijwe TELEFONI akeka ko ari injurano?)
Ukurikiranyweho icyaha agomba kwitaba urukiko ubwe ntawe umuhagarariye ku cyaha cy’ubugome.