FANEMA EHEHA

119. HE YESU, BE GEHEHAMÕ

do = es 4/4 Lala : Nisuno Lowalangida Sahakhõ-Tõdõ (No.16)
MM = 96-104
1. He Yesu be Geheha-Mõ, dozigõ zamati khõ-Mõ, niha ba gulidanõ.
Simõi fangehaogõ dõdõ, dozi si no tana khõ-Mõ, si lõ mamalõmalõ.
Khõu sa mõiga, ba wanema howuhowu soroi nama,
ha khõsi tõdõ-U, So’aya.
2. Te’ala ba abu dõdõ, na lõ khõma Eheha-Mõ, sohagaini tödöma.
Tebai matara lahe-Mõ, na lö sangaro’ö tõdõ, sondrou’õ famatima.
Yesu, tolo, be’e khõma Geheha, sangabõlõ’õ,
afu so wa’anau gõlõ.
3. Mabe’e dõdõma khõ-Mõ, haogõ wa’omasi-Mõ, fa’abõlõ Geheha.
Tenawa zi lõ atulõ si mõi fana’unõi tõdõ, si tobali fangala.
Yesu be’e haga Geheha, sangoroma lalama,
ena’õ lõ te’alaga.

120. HE YESU, BE GEHEHAMÕ EHEHA NI’AMONI’Õ

do = c 4/4
MM = 96-104
1. He Yesu be Geheha-Mõ, Eheha Ni’amoni’õ, sangiagõ tõdõma.
Afu tõdõma tehaogõ, abeta zi lõ atulõ, tebohouni ndra’aga.
Aine khõma, Eheha Ni’amoni’õ soroi Nama, sangabõlõ’õ ya’aga.
2. Ya Eheha-U zamotokhi, ba dõdõma fa’omasi, si’otarai Zo’aya.
Afu ma’omasi’õ gõi, nawõma soroi wamati, dali zomasi Nama.
Aine khõma, Eheha Ni’amoni’õ soroi Nama, Ya’ugõ dõtõnafõma.
3. Tologa ero ma’õkhõ, Eheha Ni’amoni’õ, me ambõ famatima.
Ba a’aro’õ gõi dõdõ, be’e khõma dõtõnafõ, ba wanõndra femõna.
Aine khõma, Eheha Ni’amoni’õ soroi Nama, sangabõlõ’õ ya’aga.

65
 121. AINE KHÕMA, HE SO’AYA
do = f 4/4 Lala : Abõlõ Wa’ogõmi Na (No.84)
MM = 96-104
1 Aine khõma he So’aya, fosinemaga Eheha.
Tolo faha’õ ndra’aga, somasi Nama.
2 Fahaõ ndra’aga wanunõ, farou dõdõma ba wangandrõ.
Ena’õ oi sanau’õlõ, wanuno fa’omasi-Mõ.
3. A’aro’õ wamatima, ba dou’õ wanõtõnama.
Afu lõ farõi ndra’aga, wanara lahe Zo’aya.
4. Fatenge khõma Geheha, sangabõlõ’õ ya’aga.
Ba wolo’õ somasi’Õ, afu marugi zaŵatõ.

122. HE YESU, HAKHÕSI TÕDÕU

do = f 4/4 Lala : Abõlõ Wa’ogõmi Na (No. 84)
MM = 96-104
1. He Yesu hakhõsi tõdõ-U, khõma ya’aga tana khõ-U.
Fa bõi arõrõ wemõrõ, susugiga Eheha-Mõ.
2. Me no Õbali’õ bohou, ndra’aga si no tana-khõ-U.
Andrõ fatenge gõi khõma, Geheha si’oroi Nama.
3. Ya Eheha-U zamaha’õ, sanolo sangabõlõ’õ.
Afu ma’oigõ dödöma, wangai halöŵö Zo’aya.
4. Böi faröi Ndra’ugõ khõma, Yesu Keriso So’aya.
Ya Eheha soroi Nama, zo’arota ba dõdõma.

123. NA SO ZANGANDRÕ EHEHA

do = es 4/4 Lala : Tabu Ta’o.õ Zo’aya (No. 281)
MM = 96-104
1. Na so zangandrõ Eheha, lõ sa zi lõ itema.
Ba ziso Eheha andrõ, lala Yesu latõrõ.
So khõra wa’anau gõlõ, ba wasõndrata ba horõ.

66
2. Eheha zanga’aro’õ, tõtõnafõ dõdõda.
Ya’ia zamaduhu’õ, wa ono Nama ita.
Tadõnadõna tasõndra, naha sahono dõdõda.
3. Si lõ tebulõ Geheha, irugi gamozua.
Ba zamonaha Ya’ia, lõ sa farõi Zo’aya.
Ya tarõi gisõ’isõda, afu tasõndra wemõna.
4. Oi dozi mo’õmõ ita, mõi enoni Zo’aya.
Ta’ondaligõ Geheha, wanga’i halõwõda
Ya fefu zomasi Nama, oi tafa’ema ba niha.
5. Eheha Ni’amoni’õ, zanoloni ya’ita.
Ya’ia zondrara tõdõ, na so zabu-dõdõda.
I’aro’õ wanõtõna, ba wa’auri si lõ taya.

124. AINE, EHEHA WA’AURI

do = bes 4/4 Lala : No To’ele Haga Yesu (No. 86)
MM = 96-104
1. Aine Eheha wa’auri, Eheha soroi Nama.
Ya’ugõ haga si sõkhi, sohagaini tõdõma
Sondrou’õ famatima, sagõtõ fekolima.
2. Be’e ba gera’erama, wa’atuatua-Mõ.
Fa aboto ba dõdõma, daromali-Mõ andrõ.
Ya monaha ba khõma, li Zo’aya ya’aga.
3. He Eheha, amõliga, fa’aro wamatima.
Amoni’õ gõi dõdõma, fao awõ halõŵõma.
Fatõrõga ba lala, somasi dõdõ Nama.

125. HE YESU, YA IFATÕRÕGA

do = c 3/4 Lala : Usuno Wondrege Zalawa (No. 311)
MM = 96-104
1. He Yesu, ya ifatõrõga, Eheha Ni’amoni’õ.
Ena’õ oi oroma khõma, zi mõi fangala ba dõdõ.
Bokai fefu hõrõ dõdõma, wangi’ila somasi Nama.

67
2. Tebai ndra’aga ba wolaŵa, era’era si tohõna.
Situmbutumbu ba dõdõma, ba dõrõŵa wekolima.
Eheha-Mõ be ba dõdõma, ena’õ so khõma wemõna.
3. Na so Geheha ba dõdõma, wanga’aro’õ famatima.
Tebato khõma wayaŵasa, ha fa’omasi zalua.
Ya tobali sumange Nama, wemõnama soroi Geheha.

126. HE YESU, TOLO NDRA’AGA

do = d 4/4 Lala : Nisuno Lowalangida Sahakhõ Tõdõ (No.16)
MM = 96-104
1. He Yesu tolo ndra’aga no’ambõ fa’abõlõma, wolo’õ somasi’Õ.
Andrõ fatenge gõi khõma, zanolo niwa’õ-U fõna, same’e fa’abõlõ.
Be’e khõma Geheha Ni’amoni’õ soroi Nama, me nihõli-Mõ ndra’aga.
2. Be ba dõdõma haga-Mõ, Eheha Ni’amoni’õ, fa ma’ila de’ala.
Me no oi mamini horõ, ba gera’erama andrõ, si mõi dela wangala.
Aine, tolo, he So’aya, abõlõ’õ gõi ndra’aga, afu sokhõma wemõna.
3. Na so khõma Geheha-Mõ, samaeri, ba samaha’õ, sihedehede khõma.
Sanolo wolaŵa horõ, same’e faohahau dõdõ, sondrou’õ famatima.
Aine, tolo, he So’aya, dozigõ fahowu’õga, fa bõi ifuli farõiga.
4. Hagaini taromali-Mõ, dõdõma bongi ma’õkhõ, fa’abõlõ Geheha.
Me oya gabula-dõdõ, samasao fangarõngarõ, si mõi rõrõ dõdõma.
Aine, tolo, he So’aya dozigö fo’urakhaga, fa’auri so’ahonoa.

127. HOWUHOWUMÕ SO’AYA

do = f 6/4
MM = 96-104

1. Howuhowu-Mõ So’aya, hulõ sa wa’aekhu deu.

Mõi fangatabõ zinanõ zinanõ ba fangohahau dõdõ.
Yae ndra’o, yae ndra’o, fahowu’õ gõi ndra’o.
2. Bõi lalõi ndra’o So’aya, he oya golalõwa.
Hakhõsi tõdõ-U ndra’odo, he tenga sinangea.
Yae ndra’o, yae ndra’o, hakhõsi tõdõ-U ndra’o.

68
3. Ondrasi ndra’o Keriso, tõtõnafõgu saro.
Humulu sibai dõdõgu, wogaoni-Mõ ya’odo.
Yae ndra’o, yae ndra’o, me no gõi Õkaonido.
4. Aine Eheha wa’auri, ae hagaini dõdõgu.
Taromali-Mõ sindruhu, zamaeri fa’aurigu.
Yae ndra’o, yae ndra’o, orifi gõi ndra’odo.
5. Sarõrõ manõ ndra’odo, no’ubusi dõdõ-Mõ.
No manõtõna ndra’odo, ba nõsi gulidanõ.
Yae ndra’o, yae ndra’o, orifi gõi ndra’odo.
6. Fa’omasi soroi Nama, fa’abõlõ ndro Yesu.
Ba fa’abõlõ Geheha zangaro famatigu.
Yae ndra’o, yae ndra’o, a’aro’õ dõdõgu.
7. A’aro’õ khõ-U dõdõgu, Ama Lowalangigu.
Be’e nidanõ aurifa umbu wangorifigu.
Yae ndra’o, yae ndra’o, be’e nidanõ gumbu.

69