RADIO DRAMA

MEMBERS
Director/Script Writer:
Jaiann Gultian

Casts:
Aiyah Marie Estalilla Ero
Annie Jane Abria
Ressa Jalayajay
Jemina G. Taneo
Jewela Majait Marcos
Mark Batbatan
Nicole Cabacang
Rialin Lauderes

TITLE
Kapalaran

MAIN CHARACTERS
• Lounesa Montecarlo - has single parent named Clarize Montecarlo and has rich
background.
• Christopher Dela Cruz - no parents and has a poor background.

SETTINGS
• Lounesa and Christopher lovestory begins in Western Samar University, their school.
• During separation, Lounesa transfers to Cavite and Christopher remains in Samar
• Lounesa and Christopher loves story continues when they met at the WSU Alumni Meeting.

CONFLICT
• Both attend school
• Clarize, mother of Lounesa doesn't like Christopher
• Lounesa and Christopher engaged in premarital sex resulting an unexpected early
pregnancy of Lounesa

CLIMAX
• Due to lack of preparedness, and again financial difficulties from the part of Christopher, he
dropout from school and later the mother of the Lounesa decided to separate them, making
Lounesa live in another place, together with the baby (Christine).
RESOLUTION
• Many years passed by, Lounesa's mother eventually died, and later on Lounesa comebacks
to her hometown
• Biggest comeback, Christopher became a successful business owner
• They both attended school Alumni meeting, and finally meet each other, discovering that
both of them don't have individual families yet
• Reunited again with their daughter, their loves story again continues.

KAPALARAN SCRIPT

SCENE 1 - School
(SFX – Raining)
(SFX – Background Music)
Lounesa: Nano ba ini na uran? Dire na ada mahuraw.
Christopher: (Tigda tumakin kay Lounesa) (SFX- nag-abri payong) Ayaw na
kabaraka, adi na imo superhero.
Lounesa: No thank you stranger, may ada ak upod.
Christopher: Actually, kanina ko pa ikaw dinhe ginkinitaan, kanina ka pa nag-
uusahan. Hala na sirong na sa akon payong kay magab-ihan ka ngadi ikaw la usa.
Lounesa: Salamat sa concern stranger stalker, pero balitaw may upod ak, nag text sya
sa akon na tikadi na sya.
Christopher: Uy hahaha, ini nga stranger stalker na imo ginsisiring an imo superhero
yana, ka-gwapo ko nala uyy, ngan waray rason na dire ak katapuran na tawo hehe.
Maaram ka miss waray may nag text kay kanina ka pa dinhe naka bakdaw, hala na
kay masakit na iton na imo tiil kay naka heels ka.
(SFX - kumidlat tas nag dalugdog makusog)
Lounesa: Ahhh!
Lounesa: Okay myyy superhero kay mapirit ka gud, makisirong nak sa imo payong.
Christopher: Naka-abri na miss, ikaw nala ginhuhulat.
(SFX - naglakat sa hallway)
(SFX - may nag busina na kotse)
Lounesa: Oh, adi na akon sundo. Salamat sa imo payong ngan pagduhol myyyy
superhero.
Christopher: Christopher ngay-an miss, Christopher akon ngaran.
Lounesa: Salamat Mr. Christopher.
 Christopher: Waray problema miss. Dire pa ak maaram san imo ngaran ngay-an miss.
Lounesa: Lounesa akon ngaran. Akon agnay Yuni.
Christopher: Lounesa, kaupay na ngaran.
Lounesa: Haha salamat.
Christopher: Kirigta nala kit utro sa school?
Lounesa: Hmm bangin haha.

SCENE 2 – School and Lounesa’s House

(SFX - kumidlat tas nag dalugdog makusog)
(SFX - nag abri payong)
SFX – Background Music
Christopher: Adi na liwat kit Love. Adi an time liwat na first time ko ikaw
nakahampang. Pero this time dire na ak stranger stalker, boyfriend mo na ak haha.
Lounesa: Oo Love. Happy 1st Anniversary sa aton. Ikaw la gehap akon superhero.
Christopher: Salamat sa imo pag higugma sa akon, Happy 1st Anniversary too, Love.
Lounesa: Hmm Love?
Christopher: Nano Love? Sakit na imo tiil? Kadto na kit yana kay bangin aada na imo
sundo.
Lounesa: Kuan love, makig kita kita sa akon mama yana. Ig pakilala ko na unta ikaw.
Christopher: Balitaw love? Strikto di ba imo mama? Sige la Love, andam man ako.
Lounesa: Mao ngani akon ginpipinsar, pero basta Love adi la ak sa imo luyo.
Christopher: Sige love, lakat na kit? Kay bangin aada na si Kuya driver.
Lounesa: Sige Love.
(SFX – nag drive an kotse)
(SFX – pag abri san gate)
Christopher: Kadako ngay an san iyo balay Love, dire na ada ini balay, mansyon ada
ini.
Lounesa: Oo Love hehe, asya ini amon house.
(SFX – nag drive an kotse)
(SFX – pag abri san purtahan)
Maid Elise: Maupay nga gab-i Ma’am Nesa! Maupay nga gabi Sir!
Lounesa: Salamat Naynay Elise. Si Christopher ngay-an.
Maid: Maupay nga gab-i Sir Christopher.
Christopher: Maupay nga gab-i liwat Nay.
Maid Elise: Dayon kam. Siring ni Madam Clarize, diretso na la kam sa dining table,
may ada la sa iya tumawag.
Lounesa: Sige Naynay.
(SFX – nag lalakat)
(SFX – gin-isdog an linkuran)
Christopher: Linkod na Love.
Lounesa: Salamat Love! Hmm, Love ginkukulba man ak.
Christopher: Ako liwat Love, pano kun na dire sya sa akon?
Lounesa: Dire iton Love, basta pinsar la kit san maupay.
(SFX – naglalakat)
Clarize: Adi na gehap an boyfriend.
Lounesa: Oo Ma, si Christopher ngay-an Ma. Christopher adi akon Mommy Clarize.
Christopher: Maupay nga gab-i Ma'am!
Clarize: Maupay nga gab-i! Hala na, mangaon na kita, nagluto si Elise Chicken
Afritada, an paborito ni Nesa.
Lounesa: Wow, salamat Ma.
(SFX – kutsara tinidor sound)
Clarize: Christopher, ano nga kurso imo ginkuha ngay-an?
Christopher: Bachelor of Science in Business Administration akon ginkuha Ma'am,
ngan akon major is Business Economics.
Clarize: Maupay iton imo napili nga kurso. Sa panahon yana maupay magbusiness ka
nala kay para waray amo. Mao akon ginpapakuha kan Nesa, kay para mayda
manginano san akon natindog na mga business, na dire man sya.
Lounesa: Ma, waray man gud sa akon forte iton, karuyag ko talaga magin lawyer Ma.
Clarize: Ngani, pero kun pipinsaron mo gud maupay, mas pipilion mo iton na field.
Lounesa: Okay Ma.
Clarize: Nano man an trabaho san imo parents Christopher?
Christopher: Waray na ak parents Ma'am, parehas na sira waray na dinhe sa kalibutan.
Dumako ak sa akon mga grandparents, recently la liwat sira nawara kay nagkasakit
sira san Coronavirus.
Clarize: Mao ba, ikaw na gudla ngay-an nga usa. Panano nga nakaka provide ka yana
sa imo mga panginahanglanon sa skwelahan?
Christopher: May mga sidelines man ak Ma'am ngan scholar liwat ak.
Clarize: Maupay dire ka nagkukuri pagdunganon an pagskwela ug sideline?
Christopher: Nakakaya man Ma'am gehapon.
(SFX – nagring an cellphone ni Clarize)
 Clarize: Hmm, igpadayon gud iton na imo kurso kay maupay iton, ngan maupay kay
may ada ka gud determinasyon. Yana ipadayon nala naton ini nga harampang sa iba
na oras, makadi na ak.
Christopher: Sige Ma'am, salamat ngay-an san marasa nga pagkaon.
Clarize: Haha Oo kay si Elise siton ancnag maniobra. Nesa dear, bayaan ko kam,
hampang na la kit buwas, bangin magab-ihan na ak makauli nyan.
Lounesa: Okay Ma, amping.
(SFX – naglalakat)
Lounesa: Human ka na kumaon Love?
Christopher: Oo Love, karasa san luto ni Nay Elise hehe.
Lounesa: Ngani, the best talaga iton si Naynay basta panluto. Imo pag-uli Love ig
duhol ka na la ni Kuya driver.
Christopher: Sige Love.

SCENE 3 – Lounesa’s House

SFX – Background Music
Lounesa: Ma hampangon mo daw ak?
Clarize: Oo, dear, aton hampangan imo boyfriend.
Lounesa: Nano man si Christopher Ma?
Clarize: Nadire ak sa iya para sa imo Nesa, pano ak makakasiguro nga maupay imo
kinabuhi sa iya?
Lounesa: Mommy, ikaw na man nagsiring nga naupayan ka sa iya determinasyon,
waray ak nakikita na problema sa iya Ma.
Clarize: Sige, pero an akon la pirmi na mahingaupay ka, waray kag-anak na
papasagdan iya anak, babaye pagud na mahingaraot. (nagsakit tigda an ulo.)
Lounesa: Mommy, mommy na nano ka? Nag tumar ka na ba imo bulong?
Clarize: Waray pa, alayon ak dear dida sa akon lamisa.
Lounesa: Adi na ma, anay waray tubig. Nay nay! Nay nay Elise!
Maid Elise: Ma’am? adoy Ma’am, naano si Ma’am Clarize?
Lounesa: Alayon la ak Naynay tubig ngan alayon nala liwat pagtawag san amun
family doctor.
Maid Elise: Sige, sige Ma’am.
Lounesa: Ma, katin sa akon anay kay igbutang ko ikaw sa sofa, para makahigda ka.
Clarize: Sige dear.
Maid Elise: Ma’am adi na po an tubig. Gintawagan ko na an doktor ma’am 15
minutes adi na siya.
Clarize: Salamat Mana Elise, Nesa dear, pag tema na kay late kana sa skwelahan.
 Lounesa: Dire la ak anay masulod mommy, panginanuon ko anay ikaw.
Clarize: Gutiay la ini na sakit sakun ulo, napiraw la ak kagabi, ngan adi man si Mana
Elise. Sige na, importante na makaskwela ka kay harani na matapos an semester.
Lounesa: Sige ma, pero matawag ak nyan, mag check ak kun okay ka, haba ma.
Clarize: Yes dear, sige na, go to school na.
Lounesa: Bye mommy (kiss) take care. Naynay alayon ak kan mommy ha.
Maid Elise: Yes ma’am. Amping ma’am.

SCENE 4 - School
(SFX – ring san cellphone)
SFX – Background Music
Christopher: Hello Love, anay Love beyahe pa ak, on the way na ko.
Lounesa: Sige Love, ginkukulba na ak Love, waray pa ak magkita san akon name sa
list hahaha
Christopher: An akon ginkita mo na Love?
Lounesa: Waray pa liwat hehe, laksia na, kanina ko pa ikaw didi ginhuhulat.
Christopher: Sige Love, kadali na la, harani na ak sa eskwelahan.
(SFX – pag park san tricycle)
Christopher: Adi na Mano akon bayad. Salamat!
Tricycle Driver: Salamat noy.
(SFX – dalagan)
Christopher: Love, Love adi ak.
Lounesa: Pakadi na! dalia!
Christopher: Harin Love, ginkita mo na?
Lounesa: Oo hahaha, an imo name, kay na excite ak, congratulations Dean’s Lister ka
Love! Hahaha
Christopher: Hala balitaw! Uy salamat gudman sa Ginoo. Ikaw Love ginbiling mo na
imo ngaran?
Lounesa: Waray pa Love, ginkukulba ak hahaha.
Christopher: Anay ako biling, Montecarlo Lounesa, Montecarlo, Montecarlo, M, M,
M, Love! Adi imo ngaran liwat! Congratulations!
Lounesa: Balitaw!?, hindaw, oo Love, ahhhhhhh! Naka sulod ak liwat!
Christopher: Congratulations sa aton duha Love!
Lounesa: Congrats sa aton! couple goals hahaha.
Christopher: Magcelebrate kit Love, nakuha ko pala liwat an payment san sa akun
sideline, ako na liwat treat sa imo, kaon kit Jollibee.
Lounesa: Wow, sige Love, imo na liwat treat hehe, kay okay man la ako an magbayad
anay kay para igtirok mo na la iton panigasto ngadi sa eskwelahan.
Christopher: Ayaw gad, kay happy ak para sa aton yana, damo pa man akon sideline
hehe.
Lounesa: Sige Love, Jollibee super meal akun ha, hahaha
Christopher: Sige Love, bisan nano basta para sa imo.
Lounesa: Anay Love…Love…nalilipngaw man ak.
Christopher: Love? Kay naman Love?
Lounesa: Loveee (natumba)
Christopher: Love, Loveee?!
(SFX – Clinic)
Nurse: Ms. Montecarlo’s condition is okay, she is fine, but please go see a doctor
today para macheck pa siya thoroughly.
Christopher: Thank you, Ma’am. Noted Ma’am.
(SFX – naglalakat)
Lounesa: Hi Love...sorry kanina.
Christopher: Ayaw pag sorry Love, nahinumdom ka na ako imo superhero? Nag
panick ak gutiay, huna ko naano na akon Love. Nano naman imo pamati yana?
Mapaso liwat kasi kanina.
Lounesa: Hehe Oo Love, medjo masakit pa akon ulo Love. nano man an siring san
nurse?
Christopher: Kuan Love, advice san nurse na makadto kit kuno sa doctor yana, para
macheck ka pa maupay.
Lounesa: Sige Love, anay call ko la si Kuya driver.
(SFX – Hospital)
Nurse: Ms. Montecarlo, Mr. Lao, wanted to see you right now.
Lounesa: Okay, thank you, Love ngadi ak anay.
Christopher: Sige Love, adi man la ak.
(SFX – pag abri san purtahan)
Christopher: Harin Love? Nano man an siring san doctor?
Lounesa: Love…
Christopher: Nano love? Sumati gad ak Love, nano man iton?
Lounesa: Love…(nagtangis)
Christopher: Love, ayaw pagtangis, hala na isumat na sa akon kun nano an problema?
Lounesa: Love...burod ak.
SCENE 5 – School and Lounesa’s House
Lounesa: Love, mag usa na ka bulan, dire ko na ini kaya isekreto halaba na panahon,
kinahanglan ko na ini yaknon kan mommy.
Christopher: Duha kit magyakan sa imo mama, nano man yana an mahitabo, ayaw la
kahulop Love kay adi man la ak sa imo luyo.
Lounesa: Sige Love, anay tawagan ko la si Kuya driver.
(SFX – driving)
(SFX – masulod sa balay)
Maid Elise: Maupay nga gab-i Ma’am Nesa! maupay nga gab-i Sir Christopher!
Christopher: Maupay nga gab-i nay.
Lounesa: Ada na si mommy Naynay?
Maid Elise: Waray pa Ma’am. Adi siya kanina san alas kuwatro san kulop. Bangin
pauli na adto Ma’am Nesa.
Lounesa: Sige Naynay, hulaton ko nala si mommy sa may receiving room, didto la
anay kami ni Christopher.
Maid Elise: Sige Ma’am, signgon ko nala si Madam.
(SFX – naglalakat)
Christopher: Love, boy kaya si baby or girl?
Lounesa: Karuyag ko girl siya Love (sad expression)
Christopher: Love, don’t be sad, ayaw nala ura-ura pag pinsar, dire liwat iton maupay
sa baby.
Lounesa: Ngani Love, si mommy kasi, nababaraka ak sa iya nyan reaksyon.
Christopher: Makakaya ta ini Love. Pakadi hug ko ikaw.
Lounesa: Sige Love, salamat Love.
Christopher: Hmmmmmmmm, ginkuha ko na tanan an sadness sa imo Love haha
Lounesa: Salamat Love, dire na mabug-at akun pamati hehe.
(SFX – naglalakat)
Maid Elise: Ma’am Nesa, ada na si Madam, ginpapakadto nala kam niya sa iya office.
Lounesa: Salamat Naynay.
(SFX – naglalakat)
(SFX – pagtuktok sa purtahan)
Lounesa: Mommy?
Clarize: Sulod dear.
(SFX – pag-abri san purtahan)
Lounesa: Hi Ma.
Christopher: Maupay nga gab-i Ma'am
Clarize: Maupay nga gab-i, siring si Elise, karuyag niyo ak mahampang? Kay naman?
Nano man an problema?
Christopher: Oo Ma’am, kuan si Lounesa gad Ma’am, may ada la kami yayaknon.
Clarize: Lounesa? Kay naman? Imo mga grado humabobo na ba Lounesa?
Christopher: Dire po ini sa iya grado Ma’am.
Clarize: Nano man? Sumati na ak!
Lounesa: Mommy…. (tangis)
Clarize: Nesa dear (humarani kay Lounesa) nano man iton dear? Kay naman
nagtatangis ka?
Christopher: Mahitungod po ini sa kondisyon ni Lounesa Ma’am.
Clarize: Kondisyon? May sakit ba akon anak na dire ak maaram?
Lounesa: Mommy…I’m sorry…(tangis)
Clarize: Nano man ngani iton Lounesa? Sorry sa diin?
Lounesa: Mommy…(tangis)
Clarize: Ayaw na pagtangis anak, yakni na si mommy san problema, nano man iton?
Lounesa: Mommy…
Christopher: Burod si Lounesa Ma’am.
Clarize: Nano? Burod?! Lounesa burod ka? Asya ba ini yana nga gintitinangisan mo?
Lounesa: Oo, mommy… I’m so sorry mommy (tangis)
Clarize: Lounesa kay naman nag apura kam, dire ka makahulat nga matapos kam sa
college ngan magka may-ada kam maupay anay na panginabuhi?
Lounesa: Sorry mommy…(tangis)
Clarize: I am so disappointed in you right now Nesa!
Christopher: I’m so sorry Ma’am. Ako sini an sala Ma’am.
Clarize: Tama ka! Unta iton na imo zipper waray nimo abrihi! Para waray nahinabo
sad sini!
Christopher: Sorry Ma’am, himuon ko man tanan Ma’am para masustentuhan an bata.
Clarize: Dire pa ngani kam graduates, mga 3rd year pala kam, pano man hala daw?
pano mo mapapakaon akon anak ngan iton na gindadara yana niya na parehas kam na
eskwela pa?!
Christopher: Magtrabaho ak double time Ma’am.
Clarize: Yana, Lounesa, nyan kay tinuyuan man niyo ini, nagyakan pala ak sa imo
mahitungod sini, mao iton daw kay dire ka namamati.
Clarize: Ngan ikaw lalaki, tatagan ko ikaw usa ka bulan nga oras para magtirok,
human sana si Lounesa maistar na kaupod ka!
 Lounesa: Mommy?
Clarize: Nabatian mo ak Lounesa, maistar ka kaupod sini nga lalaki, para makit-an
mo an realidad san kinabuhi. Dire ak maruyag na mag kasayon la kam na ako an mag
pas-an sana na problema. Iyo iton tinuyuan, atubanga niyo.
Lounesa: Mommy…sorry na gad (tangis) ayaw gad ini himua sa akon (tangis)
Clarize: Human na aton harampang, please get out of my office!
Lounesa: Mommy…please…(tangis)
Clarize: Get out!

SCENE 6 – School
(SFX – school noise)
(SFX – background music)
Erica: Hoy guys! may bago ak na chika sa iyo.
Julia: Ini si Erica, chismis ngani pirmi present, klasi ngani pirmi absent.
Erica: Ha ha ha funny. Kill joy ka gud Julia, sino ba na dire sa chismis?
Ana: Adi na liwat ini na duwa mag-away gud, hala na Erica igshare na iton na imo
chika.
Julia: Sus, kay dapat dire sini Erica an ngaran, dapat Marie, Marie-tes.
Ana: Hahahaha nano man iton na imo chika?
Erica: Ayaw nala, dire ak na gingaganahan.
Ria: (nagdalagan tikadto sa lamisa san iya mga sangkay) Guy’s, guy’s, may ada ak
chika hahaha
Julia: Adi pa ini na Ria, chismis la liwat an nahihibaruan.
Ana: Adi ngani si Erica may ada liwat chismis.
Ria: Hahaha bangin pareho kami igsi-siring na chismis hahaha
Erica: Nano man imo dara na balita Ria? Hehe
Ria: Adi gad si Ms. Richkid a.k.a Ms. Loner a.k.a Ms. Burod.
Ana: Dako na iya tiyan yana hanu. Ambot maka-graduate ba iton kay waray na
suporta sa iya mama.
Julia: Dire man la kita sini sa iya gin-sasarabot na burod na ngay-an.
Erica: Kay mao ngani akon igchi-chika sa iyo. Kay di ba amon man la ini hiripid sira
siton na iya yana uro-asawa si Christopher.
Ana: Nano man Erica imo nahibaruan sa ira?
Erica: Kay nagkukuri na ngani ini sira duha, ginbulaw sira ngadto san ira gin-utangan
kakulop kay dire na ini nga Christopher nakakabayad.
 Julia: Kay naribang kasi ini sira pag burod nga kakuri pa san kinabuhi, mamakasayon
la siguro ini nga lalaki kay si babayi mayaman.
Ana: Nyan kay ginpalayas man.
Julia: Ngani.
Erica: Nagpipinamati kala Ria, nano man imo nahibaruan?
Ria: Kuan gad, nabatian ko si Ma’am Lily, an aton ba Logic teacher ngan si Sir.
Mario aton adviser, na dire na talaga makakaungay si Ms. Burod sa Dean’s List kay
kahabobo pa san iya mga grado.
Ana: Oo, kay di ba baga maselan siton an pag burod niya, sige la ngani ngadi
katumba, kulang ada dugo.
Julia: Kay dire gad siya mahihingaupay siton na pag-uruasawa nira kay
nangingiskwela pa sira. Kay kun dire la unta sira nag-apura.
Ria: Kay waray naman umiskwela si Christopher, maiha na siya nag drop diba?
Nagtrabaho na la siya.
Julia: Oo kay dire naman liwat iton niya kakayanon an tuition, ira pa pangastos pan
adlaw-adlaw kay kargo man niya si Ms. Burod.
Ana: Harani na ada iton siya mag-anak.
Erica: Ngani, paananuhon dawla siton nira an mga gastos sa pag anak.
Julia: Sulibangko, excited na ak sa aton graduation bisan next semester pa hahaha.
Mga day proud ak sa aton kay bisan kita mga pobre, makakaulpot kit sa graduation,
usa nala ka semester talwas na kita hehe
Ria: Correct ka dida girl! Hehe, nyan ngadto na kit sa room kay bangin may klasi na
kit hahaha
Erica: Hahaha sige kay maiha na kit ngadi nag marites bangin mao pa nyan akon ma-
anser sa quiz nyan hahaha.
Julia: Bangin gud marites imo masurat sa imo ngaran kay puro kala chismis hahaha
Ana: Ada na liwat kam, ngadi na, ngadto na kit.

SCENE 7 – Christopher’s House

Christopher: Hi, Love, Love? Hain ka?
Lounesa: Adi ak kwarto Love…nagsisinakit akon taludtod ngan akon tiyan.
Christopher: Hala Love, kadi kay banyosan ko imo taludtod. May dara ak ngay-an ak
ngadi imo request na siopao.
Lounesa: Love, dire man nawawara an sakit (tangis)
Christopher: Nano daw la iton Love?
Lounesa: Dire ak maaram, kalain pa sa akon pamati (tangis)
Christopher: Dad-on ko na la ikaw sa ospital Love, kay dire na ak maaram san
hihimuon.
Lounesa: Waray na kita kwarta Love, gastos an pag kadto sa ospital.
Christopher: Ako nala bahala siton Love.
Lounesa: Ayaw kay kadamo pa naton utang.
Christopher: Kay dire ko gad maiilob pagkinata na nakukurian ka.
Lounesa: Tawagan ko nala si mommy.
Christopher: Kay bangin dire ka na liwat pansinon Love.
Lounesa: Sige la, kay waray na kita choice. Adoyyy, kasakit na gudman ura-ura
(tangis)
Christopher: Sige, anay Love, kuhaon ko la an cellphone…Adi na Love, gindial ko na
la diretso.
(SFX – ring san cellphone)
Clarize: Yes, hello?
Lounesa: Mommy (tangis)
Clarize: Lounesa nagharampang na kit sini, maaram kana san akon ibabaton.
Lounesa: Mommy (tangis) buligi ak (tangis) kasakit na ura-ura.
Clarize: …
Lounesa: Naghangyo ak mommy, buligi gad ak (tangis) kinahanglan ko na
mahingadto sa hospital yana, kasakit oa ura-ura san akon tiyan.
Clarize: …Okay, pakadaon ko an sarakyan yana.
(SFX – gin parong an cellphone)
Lounesa: Sala…mo…mommy? Hello? Gin-end ni mama Love.
Christopher: Nano man iya siring Love?
Lounesa: Adoyyy kasakit na…
Christopher: Banyusan ko nala utro Love.
Lounesa: Sige Love.
(SFX – background music)
(SFX – busina san kotse)
Christopher: Love, adi na ada sira.
(SFX – toktok sa purtahan)
Christopher: Abrihan ko la an purtahan.
Lounesa: Oo...sige Love…
(SFX – toktok sa purtahan)
(SFX – naglalakat, pag-abri san purtahan)
Christopher: Maupay nga gab…
 Clarize: Nano an maupay yana sa kagab-ihon?! Hain naman akon anak?! Ngan nano
iton na hamot? kabaho man!
Lounesa: Mommy…(kaluyahon na)
Clarize: Nesa? Nesa?! (tangis) nano na ba ini na kamutangan?!
Christopher: (Dumaop) Ma’am…
Clarize: Siring pa ak ngani na waray akon anak future sa imo!
Lounesa: Mommy…please…
Christopher: Sorry ma’am…
Lounesa: Mommy…(nadismayo)
Clarize: Lounesa?! Jusko, Carlo! Elise! pakadi kam dinhe!
Maid Elise: Jusko, maluloy-on, hala ma’am Nesa (tangis). Carlo, pakadi alsahon ta si
ma’am Nesa.
Clarize: Ikaw an sala mao nahinugad akon anak! Ayaw na gudman pagpapakita sa
amon pamilya! Jusko Nesa (tangis)
Christopher: Ma’am…
Clarize: Tikang yana ikaw ngan si Lounesa waray na, ayaw na sa iya panginlabot
utro! magpirit ka ngani, tigamni mahihingaraot ka pa.
Christopher: Ma’am ayaw gad man sugad siton ma’am, hinigugma ko si Lounesa.
Clarize: Human na ini na harampang. (ginsara san makusog an purtahan)
(SFX – Background Music)

SCENE 8 - School
(SFX – toktok sa purtahan)
Principal Delfa: Dayon.
Clarize: Mrs. Gumban maupay nga kulop.
Principal Delfa: Oh, Mrs. Montecarlo, nano man aton?
Clarize: Mahitungod la ini sa akon anak Madam.
Principal Delfa: Yes, nano man Mrs. Montecarlo?
Clarize: Dire siya makaka-ungay sa graduation, papalargahon ko siya sa Cavite.
Principal Delfa: Mao ba, usa nala ka semester lugod Mrs. Montecarlo.
Clarize: Mrs. Gumban, magpranka na la ak, karuyag ko magin Suma o Magna
Cumlaude akon anak sini nga eskwelahan.
Principal Delfa: Mrs. Montecarlo…
Clarize: Kun maruyag ka Mrs. Gumban, dire ka na magproblema san pondo san iyo
Science and Technology building na iyo igtindog next semester.
 Principal Delfa: Mrs. Montecarlo, madali man la ak kahampang, imo na anak an
Suma Cumlaude yana na tiarabot na graduation.
Clarize: Maupay kay nagkakaurusa kit Mrs. Gumban. Harampangan ta nala ini sa iba
nga oras? May lakat pa liwat ak nga iba, mao la akon tuyo dinhe Ma’am.
Principal Delfa: Sige, Mrs. Montecarlo. Ig-email ko na la an mga detalye san plano.
Clarize: Sige Mrs. Gumban, mangadi na ak, salamat san imo oras
Principal Delfa: Sige Mrs. Montecarlo, salamat liwat.
(SFX – Background Music)

SCENE 9 – Theresa’s House

Christopher: Maupay nga gab-i Mana Theresa, Mana Theresa?
Mana Theresa: Ay, salamat Tope, tagpira man gehapon an gasul?
Christopher: Mil syen gehapon Mana.
Mana Theresa: Adoy, kamahal pa san papliton gudman. Hala na kay para magtuon na
liwat si Inday, nahubsan garing gasul uy. Alayon nala paghugas dida san mga plato
kay para nyan mangaon nala kita.
Christopher: Sige Mana.
(SFX – Background Music)
(SFX – Kubyertos)
Mana Theresa: Inday, harin nano naman imo pag-aram?
Inday: Kuan ante, human na gehapon tanan amon exam.
Mana Theresa: Aw maupay. Tope, ginhampang ko akon mga anak sa abrod, buot ko
unta ikaw paskwelahon utro.
Christopher: Kaarawod man Mana, ayaw na gad Mana kay an akon sweldo dinhe
gintitirok ko man kay buot ko na mag enroll yana tiarabot na semester.
Mana Theresa: Aw balitaw? Kay maupay nala iton may natirok ka na, ayaw na
kaawod kay dako naman liwat imo bulig dinhe. Pamilya naman liwat amon pagkita sa
imo.
Christopher: Ayaw na gad unta Mana, dako akon pasalamat na ginpaistar ak niyo
dinhe ngan gintapuran.
Mana Theresa: Ayaw na iton pinsara, an maupay la aton pirmi buhaton.
Hahampangon ka san akon anak buwas sa videocall, kay para mayakan mo liwat imo
mga panginahanglanon sa eskwelahan.
Christopher: Sige Mana, salamat Mana san damo. Dako ini nga bulig sa akon.
Mana Theresa: Harin nano naman adto na imo uru-asawa, nakontak na nimo.
Christopher: Iba la gehapon an bumaton san number Mana, na dire gud sya mag
pabiling.
 Mana Theresa: Pasagdi la iton anay, ginbuhat mo naman ngatanan, kumadto kana
ngani sa Cavite parabiling, nga kadako-dako siton na lugar. Waray gud.
Christopher: Ngani.
Mana Theresa: Dire pa iton magpapakita, lugod igpadayon imo pag skwela kay para
mag- upay imo kinabuhi.
Christopher: Ngani Mana, asya nala anay akon buhaton yana.
(SFX – Background Music)

SCENE 10 – Cavite Hospital

(SFX – Hospital noise)
(SFX – Heart monitor noise)
Lounesa: Mommy? Happy Birthday, pito katuig kana nakahigda ngadi, mata na gad
Ma, I miss you na ura-ura. Si Christine big girl na. Damo na nga birthday an waray
mo kaatindere sa iya ma.
Christine: Mommy…
Lounesa: Yes, baby?
Christine: Why is Mama Lola still sleeping? Why ma, pag makanhi kit nakaturog la
pirmi si Mama Lola?
Lounesa: Mama Lola is sick anak, siring san doktor dire na siya magmamata. We
need to say goodbye to Mama Lola soon.
Christine: But I never get to talk to Mama Lola yet, kay nano mag goobye na kit
dayon sa iya mommy?
Lounesa: Kay guti nala iya time anak (tangis)
Christine: Mommy…ayaw pagtangis, magtatangis ak liwat (tangis)
Lounesa: Sorry baby, sad la si mommy kay mag goodbye na kit kay Mama Lola.
Nurse: Hmm, Ms. Montecarlo?
Lounesa: Yes, Nurse?
Nurse: Doktora Aguilar wanted to see you in her office.
Lounesa: Okay, mommy? (kiss) I love you forever mommy…
Christine: Mama Lola, I love you also! Sugad sini kadako Mama Lola, like a
universe.
Lounesa: Yes, baby, maaram iton si Mama Lola na love mo siya ura-ura. Come,
makadto kit anay kay Doc.
(SFX – Background Music)
(SFX – Toktok sa purtahan)
Lounesa: Doktora?
Dra. Aguilar: Yes Ms. Montecarlo, come in.
 Lounesa: Yes, Dok.
Dra. Aguilar: I am very sorry Ms. Montecarlo.
Lounesa: I understand Dok. I don’t want my Mama to suffer anymore.
Dra. Aguilar: Yes, I do feel sorry about this Ms. Montecarlo...hmm...I have here the
documents you need to sign.
Lounesa: Yes, Dok.
Dra. Aguilar: I’ll arrange the time and date of the procedure. I’ll contact you once it is
finalized.
Lounesa: Okay Dok.
Dra. Aguilar: Thank you for your time Ms. Montecarlo.
Lounesa: Thank you Dok.
(SFX – Background Music)

SCENE 11 – Christopher’s Business

(SFX – Trucking noise)
Riza: Sir Dela Cruz, gin unload na yana an shipment ngadto sa warehouse.
Christopher: Okay, thank you Riza.
Riza: Sir, adi an inventory sadto na shipment.
Christopher: Sige, igcheck ko iton nyan.
(SFX – Cellphone ring)
Christopher: Yes, hello?
Melissa: Hi Cris?! Harin are you ready for tonight? Ayaw naman ak pag indyana kay
nag saad kana.
Christopher: Hahaha, kay usa naman ak na sponsor siton na Alumni, kinahanglan ba
gud ak umattend?
Melissa: Mao lagi, kinahanglan mo lagi kumanhi. Usa ka baya san speaker kay an imo
mga achievements, ngan Suma Cumlaude ka liwat san aton batch nano kaba.
Christopher: Hahaha, oo madam, makadto ak nyan.
Melissa: Hayy, salamat, oh sige, ba bye.
Christopher: Sige.
(SFX – Background Music)

SCENE 11.1 – Lounesa’s House (Samar)

(SFX – naglalakat)
(SFX – airplane take off)
Lounesa: Hayyy, kabutlaw san flight. Tine pakadi anay anak kay liwanan.
Christine: Sige Mommy.
Maid Elise: Adoyyy kadako pa ni Christine, buyag. Maupay Ma’am nakaulpot kam
safe, kay baga tiuran nga dako pa naman Ma’am siring sa balita. Nano ngay-an imo
karuyag kaunon Ma’am Nesa?
Lounesa: Kuan Naynay, alayon ak carbonara ngan kan Tine burger nala. Ngan
Naynay alayon ak pagtima san akon surul-uton nyan kay may ada kami meeting an sa
Alumni namon. Ada akon dress sa akon maleta.
Maid Elise: Sige ma’am Nesa.
(SFX – Background Music)

SCENE 11.2 – School

(SFX – Crowd noise)
Ana: Hoyyyyy! Classmate! Hahaha
Julia: Hi Ana! Adoyyy, kaiha pa naton waray mag kirigta, nano ka naman, pira na imo
chikiting?
Ana: Duha pa gad lugod hahaha, ikaw?
Julia: Aw adi usa la gehap hahaha
Ana: Hain na dawla an duha, waray pa man.
Julia: Adto naman! Kakasulod la sa entrance.
Erica: Hoyyyy! Kamusta kam?! Dire la ak mag-iha kay antigo naman kam hahaha
Ria: Hi classmates! Grabi na miss ko kam!
Julia: Yay, plastic hahaha
Ana: Naman dire ka mag-iha Erica? Kita baya an organizer sa aton batch, nabatse ka
la dayon.
Erica: Inay, kay akon gad baby kay gin-bebreastfeed pa.
Ria: Nag stock ka unta, kay ako ngani.
Erica: Kay nag apura na ak liwat hahaha
Ana: Mao, kay mag titikang naman ada ini.
Erica: Maaram ba kam na an usa na nag sponsor sini na Alumni sira Ms. Burod tas
Christopher?
Julia: Dire gud ini nawawarayan si Erica ig ma marites uy.
Ria: Mao ba, sira ngay-an?
Ana: Mayaman na iton sira parehas, kay si Christopher tag iya na san negosyo na nag
i-import sa gawas san Pilipinas.
Erica: Ngani, asensado na iton si Christopher, ambot nagbalik na ba iton sira?
Julia: Waray ada, kay waray pa man asawa iton si Christopher.
Ria: Mao, kalain la garing sadto na aton graduation kay si Ms. Burod an Suma
Cumlaude.
Erica: Kay bati ko ngani na gin baydan siton niya an school.
Ana: Diin man siya san iya kwarta?
Erica: Kay sa mama gad ni Ms. Burod, mao ngani na ginpabulag iton sira. Mao ada an
kondisyon.
Julia: Kay maupay nala adto, kay kakuri pa nira sadto.
(SFX – Mic static)
Erica: Hayyy, mag start na gehapon.
Melissa: Good evening ladies and gentlemen, adi kit yana nagkakatirok para
harampangan an tiarabot na Grand Alumni.
(SFX – Background Music)

SCENE 11.3 – School

(SFX – Background Music)
Melissa: So that’s it for tonight! Amping kam pag-uli, salamat sa iyo pag kadi!
(SFX – Crowd noise)
(SFX – kumidlat tas nag dalugdog)
(SFX – Rain)
Lounesa: Nano ba ini? nauran naman.
(SFX – Nag abri payong)
Christopher: Duhol ko na ikaw.
Lounesa: Chri...Chris (na out of balance)
Christopher: Oh, oh, paghinay gad, taas pa naman imo heels.
Lounesa: Tha…thank you.
Christopher: Duhol ko na ikaw.
Lounesa: Si...Sige.
(SFX – naglalakat)
Lounesa: Ah dire ini an akon sarakyan.
Christopher: Sa akon kita sarakyan masakay.
(SFX – car door closing)
Lounesa: Ah...hmm...Chris...Lov... Christopher?
Christopher: Yes?
Lounesa: Ah...hmm
(SFX – kidlat tas dalugdog)
Christopher: We can’t continue with this heavy rain. Let’s stay for a while.
Lounesa: Uhmm…Lov…Chris…(tangis)
Christopher: Ayaw na pag tangis Love.
Lounesa: Love (tangis), I’m so sorry…I wasn’t brave enough…(tangis) Kadamo Love
nahinabo…si Mommy na comatose kay severe na ngay-an an tumor san iya brain…
ngan I need to work kay si Christine…sorry Love, pero Love adi na ak yana…please
forgive me…(tangis)
Christopher: Shhh Love, ayaw na pag tangis, nakaka intindi ak Love, importante adi
kana yana. Ginbiling ko ikaw Love, sa dako na panahon ginbiniling ko kam, Christine
ngay-an an name san aton baby?
Lounesa: Yes, Love, baby girl aton anak Love.
Christopher: Salamat Love, karuyag ko makita aton anak Love.
Lounesa: Oo love, biling kana liwat niya Love, damo na kuno na birthday an absent
ka.
Christopher: Ngani, excited na ak Love. Love…kasiring ko may ada na sa akon
sumaliwan.
Lounesa: Ha? Sa imo? Love single la ak gehap hasta yana.
Christopher: Ako liwat Love, waray na makakasaliwan sa imo dinhe sa akon dughan.
Lounesa; (kinilig) Balitaw Love? Kay bangin may ada na gintatago mo la.
Christopher: Promise Love…ikaw la, an akon one and only, my first and last.
Lounesa: (kinilig) Me too Love, irreplaceable ka na dinhe sa akon heart.
Christopher: I love you Love, thank you kay ako la gehapon. Sulibangko Love, hain
man imo mama? Okay ba siya yana?
Lounesa; Unfortunately, she passed away Love. Ginpatanggal na san Doktor an
machine with my consent, kay dire naman gud si mommy nagmamata.
Christopher: Sorry Love…hmm Love ipadayon ta nala ini na harampang sa iyo
house?
Lounesa: Sige Love, kay mahuraw naman.
Christopher: Oo love, excited na liwat ak kasi makit-an si Baby Christine.
Lounesa: Ngani Love, big girl na adto hehe.
(SFX – Background Music)

SCENE 11.4 – Lounesa’s House (Samar)

Maid Elise: Maupay na gab-i Ma’am Nesa…ngan maupay na gab-i Sir Christopher?
Christopher: Oo nay, si Christopher.
Maid Elise: Hala Sir, kaiba mo pa yana Sir.
Lounesa: Ngani Naynay. Si Tine?
Maid Elise: Adto intawon Ma’am nakaturog na.
Lounesa: Sige Naynay, salamat.
Maid Elise: Sige Ma’am.
(SFX – naglalakat)
Christopher: Pano Love kun dire ak niya karawaton?
Lounesa: Love…ayaw kabaraka, kakarawaton ka niya kay Daddy ka niya, pirmi ko sa
iya ipakita imo nawong san aton mga pictures.
Christopher: Aw hahaha. Nano man la imo pirmi ginsi-siring pag ginbi-biling ak?
Lounesa: Siring ko adto ka nagta-trabaho sa harayo, ngan someday mauli ka sa iya
next birthday.
Christopher: Mao ba Love hahaha, salamat Love, dire mo ak gehapon gin-pakaraot sa
aton anak, kay pobre baya ak sadto.
Lounesa: Kay oo gad Love, ikaw baya an amay, ngan Love proud ak sa imo, dire ko
gad ighahalot aton anak hehe.
Christopher: Salamat Love.
Lounesa: Adi na iya kwarto Love.
(SFX – pag abri san purtahan)
Lounesa: Tine anak?
Christine: Mommy? Adi kana? Kaiha mo man mommy?
Lounesa: Sorry baby, kay gabi naman gud si mommy…Tine baby, may ada ak
surprise.
Christine: Surprise? Nano man mommy? Yey!
Lounesa: Adi na imo Daddy anak.
Christopher: Hi Baby Christine!
Christine: Daddy!? Daddy!
Christopher: Oo anak, ako imo Daddy.
Christine: Kaiha mo man umuli Daddy?
Christopher: Oo nak, kay kaharayo kasi san akon trabaho. Pero yana anak, pirmi na ak
dinhe, dire na ak matrabaho sa harayo.
Christine: Balitaw Daddy? Yehey! Mommy adi na si Daddy! Kompleto na kita!
Lounesa: Oo anak, dire na kit magbu-bublag utro.
Christopher: Promise iton. Dire na ak matugot na maharayo kam utro sa akon.

(SFX – Background Music)

THE END