4th Sunday of Advent

Day 4 Misa de Aguinaldo

Ika-4 na MISA DE AGUINALDO

December 18 PM

INTRODUKSYON
Dios marhay na ______ saindo, mga tugang. Nasa
ikaapat na aldaw na kita nin pagselebrar kan Misa de
Aguinaldo asin ngonian yaon na man kita sa ika-4 na
Domingo nin Adviento. An sponsor ta ngonian iyo po
an____________.
An satuyang tema iyo an “Pasiring sa pagbantay kan

pagtubod sa tahaw kan komunidad kan Parokya”

Sa Misang ini, padagos tang pakusugon an satuyang
pagmawot na makapag-andam sa maninigong paagi para sa
makahulugan na celebracion kan Pasko siring na yaon si
Santa Maria asin si San Jose, na mga arogan kan mga
Cristiano sa pagtubod asin pagkamakinuyug-kuyog.
An misang ini pangengenotan ni __________________.

ENOT NA BABASAHON
Sa tahaw kan mga kahandalan kan mga Israelita sa
mga pag-atake kan saindang mga kalaban, ipinahayag
sainda an tanda kan presensya kan Dios sainda. Himateon
niato an enot na babasahon na ginono sa Libro ni Profeta
Isaias, capitulo 7, versikulo 10 sagkod 14.
4th Sunday of Advent
Day 4 Misa de Aguinaldo

SALMO RESPONSORIO
Lumaog an Kagurangnan;
Hade nin kamurawayan.

IKADUWANG BABASAHON
Ibinalangibog kan Apostol na si Pablo an Marhay na
Bareta dapit sa Aki nin Dios na iyo an kapanoan kan itinuga
nin Dios kaidtong panahon. Himateon niato an Ikaduwang
Babasahon na ginono sa Surat ni San Pablo sa mga taga-
Roma, capitulo 1, versikulo 1 sagkod 7.

EVANGELIO
Matirindog kita gabos sa pagrokyaw kan Evangelio na
sinurat ni San Mateo, capitulo 1, versikulo 18 sagkod 24.

PAGROKYAW
An Virgen mangingidam asin mangangaki nin lalaki,
asin ngangaranan Emmanuel.
4th Sunday of Advent
Day 4 Misa de Aguinaldo

PAMIBI NIN BANWAAN

PADI: Mga tugang, mamibi kita asin panoon niato an

satuyang isip asin puso kan dakulang pagkamoot
ni Jesus logod bilang sarong Kristianong
Comunidad, magkasararo kita sa pagralakaw
pasiring sa pagbantay kan pagtubod sa tahaw kan
mga komunidad digdi sa satuyang parokya.
Ipahayag ta an satong mga kaipuhan asin hagadon
an saiyang Diosnon na tabang. Mamibi kita gabos:
KAGURANGNAN, MADYA SA PAGLIGTAS SAMO.

1. Para sa Santo Papa, mga Obispo asin Kapadian,

tanganing ngonian na panahon nin Adviento, maitokdo
ninda an kahulugan kan pagkasararo asin pagbantay
kan pagtubod sa tahaw kan komunidad kan satong
parokya mantang nag-aandam sa pagdatong kan
Kagurangnan. Mamibi kita.

2. Para sa mga namamayo kan satong gobierno,

tanganing padagos sindang maglingkod sa banwaan na
naghihingoha man na magkaboronyog sa katanosan,
katoninongan asin pagkamoot. Mamibi kita.
4th Sunday of Advent
Day 4 Misa de Aguinaldo

3. Para sa mga dukha, mga daing trabaho, mga nasa

kahorasaan, asin mga nasa makuring pagsakit,
tanganing mamatean ninda an presencia ni Cristo sa
tahaw kan saindang mga pangangaipo . Mamibi kita.

4. Para sa mga comunidad digdi sa satuyang parokya,

panoon logod sinda nin inspirasyon kan satuyang
Kagurangnan na magkaboronyog sa pagbantay asin
pagpasarig kan pagtubod sa tahaw kan mga komunidad
kan satong parokya tanganing an gabos maogmang
maglingkod sa Saiya. Mamibi kita.

5. Para sa mga sponsor kaining Misa de Aguinaldo,

baloson logod nin katoninongan nin isip asin puso an
saindang karahayang boot. Mamibi kita.

6. Para sa mga tugang niato na nagkaerenot nang

nagadan, papagkanigoon na logod sindang magkamit
nin kaogmahan na daing kasagkoran sa kahadean kan
Kagurangnan sa langit. Mamibi kita.
4th Sunday of Advent
Day 4 Misa de Aguinaldo

PADI: Kagurangnan, liwanag nin mga banwaan asin

samuyang paglaom, warasan sa samuya an
kaogmahan na bunga kan saimong gawe nin
kaligtasan. Makamtan mi man logod an gracia nin
pagmawot na magkasararo kami gabos sa
paglingkod Saimo bilang sarong comunidad na
nagbabarantay asin nagtuturuwang sa pagpasarig
kan samuyang pagtubod. Ini hinahagad mi huli ki
Cristo na samong Kagurangnan.
AMEN.
4th Sunday of Advent
Day 4 Misa de Aguinaldo

ENOT NA BABASAHON Isaias 7:10-14

Pagbasa sa Libro ni Profeta Isaias

Giraray an Kagurangnan nagsabi ki Akas, / “Maghagad
ka sa Kagurangnan na saimong Dios nin sarong tanda: /
tanda sa kairaroman o tanda sa kaitaasan.” / Alagad si Akas
nagsimbag:/ “Dai ako mahagad; / dai ako masugot sa
Kagurangnan.”/ Dangan nagsabi; / “Maghimate kamo
ngonian, O harong ni David: / Bako daw na tama na para
saindo na saindong pagsogotan an pagkamatinios nin
tawo? / Tadaw ta pagsugotan pa nindo an pagkamatinios nin
sakuyang Dios? / Kaya an Kagurangnan man sana matao
nin tanda sa saindo. / Iyo ini an tanda: / An virgen
mangingidam asin mangangaki nin lalaki:/ ngangaranan na
Emmanuel, / ngaran na an boot sabihon ‘Dios-na-uya-sato.’ /

AN TATARAMON KAN KAGURANGNAN.

4th Sunday of Advent
Day 4 Misa de Aguinaldo

SALMO RESPONSORIO Salmo 24:1-2.

Lumaog an Kagurangnan;
Hade nin kamurawayan.

1. An daga asin an gabos sa daga

sadiri nin Kagurangnan.
An kinaban asin an gabos sa kinaban,
Linalang niya sa ibabaw nin mga dagat,
Sa ibabaw nin mga tubig saiyang pinasarig.

2. Siisay an masakat sa bukid nin Kagurangnan?

Siisay an matindog sa saiyang simbahang banal?
An may malinig na kamot asin malinig na puso.
An dai nagmamawot nin mga bagay na maraot.

3. Ini maako kan bendicion

na hale sa Kagurangnan,
Asin pagsurog na hale sa Dios
na saiyang Paratubos.
Siring kaini an tawo na naghahanap saiya:
Naghahanap kan Dios ni Jacob.
4th Sunday of Advent
Day 4 Misa de Aguinaldo

IKADUWANG BABASAHON Roma 1:1-7

Pagbasa sa Surat ni San Pablo sa mga taga-Roma

Hale ki Pablo, surugoon ni Jesucristo, / inaapod na
apostol,/ pinili sa pagbalangibog kan Marahay na Bareta / na
itinuga nin Dios kaidtong panahon sa mga profeta susog sa
banal na kasuratan. / Ini an bareta dapit sa Aki nin Dios na,
kan siya nanitawo, / nagin aki ni David; / dapit ki Jesucristo
na satong Kagurangnan na susog sa espiritu nin kabanalan
na yaon saiya,/ ipinagrokyaw na Aki nin Dios sa bagsik nin
saiyang kapangyarihan / huli ta siya binuhay-liwat sa mga
gadan. / Huli saiya inako niato an gracia asin mision nin
pagka-apostol/ tanganing an gabos na mga banwaan
satuyang madara sa pagtubod saiya sa kaomawan nin
saiyang ngaran./ Saro kamo sa mga banwaan na ini, / asin
sa saiyang pag-apod kaayon na kamo ki Jesucristo. / Sa
saindo gabos sa Roma, na namomotan nin Dios, / na
inaapod sa kabanalan mapasaindo an gracia asin
katoninongan na hale sa Dios na satong Ama / asin ki
Jesucristo na satong Kagurangnan. /

AN TATARAMON KAN KAGURANGNAN.

4th Sunday of Advent
Day 4 Misa de Aguinaldo

EVANGELIO Mateo 1:18-24

Pagbasa kan Evangelio na Sinurat ni San Mateo
An pagkamundag ni Jesus nangyari siring kaini: Si
Maria an saiyang ina na ikinasal ki Jose, asin bago sinda
nagsaro, si Maria nangidam na sa bagsik kan Espiritu
Santo. Si Jose na saiyang agom matanos na lalaki asin
habo siyang ipasupog. Kaya nag-isip na suhayan siya
nin hilom. Kan ini pinag-isip-isip ni Jose sarong angel nin
Kagurangnan nagpahiling saiya sa pangiturogan asin
nagsabi: Jose, aki ni David, dai ka mag-alang-alang na
akoon si Maria siring sa agom, huli ta an aki na saiyang
dinadara sa tulak gibo kan Espiritu Santo. Lalaki an
ipapangaki asin ngangaranan mo siyang Jesus, huli ta
tutuboson niya an saiyang banwaan sa saindang kasalan.
Ini nangyari nganging mautob an sinabi nin Kagurangnan
sa ngoso nin profeta: An virgen mangingidam asin
mangangaki nin lalaki, asin Emmanuel an ingangaran
saiya (ngaran na an kahulugan ‘Dios-na-uya-sato’).
Pagkagimata ni Jose, ginibo an ipinagboot saiya kan
angel nin Kagurangnan: Inako si Maria bilang saiyang
agom.
AN MARAHAY NA BARETA KAN SATONG
KAGURANGNAN.
4th Sunday of Advent
Day 4 Misa de Aguinaldo

IKA-APAT NA DOMINGO NIN ADVIENTO

December 18 PM

PAMIBI SA PAGPOON
Mamibi kita . . .
Kagurangnan,
warasan an saimong gracia
sa samuyang mga kalag:
sa bareta kan angel nasabotan niamo
an pagkanitawo ni Cristo na saimong Aki;
huli kan saiyang pagsakit
asin pagkagadan sa cruz,
makaabot man logod kami
sa kamurawayan nin pagkabuhay liwat.
Huli ki Jesucristong Kagurangnan niamo,
saimong Aki, na kaiba mo
asin nin Espiritu Santo,
nabubuhay asin naghahade, Dios,
sa panahon na daing kasagkoran.
4th Sunday of Advent
Day 4 Misa de Aguinaldo

AMEN.

PAMIBI SA PAGDOLOT
Mamibi kamo mga tugang…
Kagurangnan,
ining atang na nasa saimong altar
pakabanalon logod kan Espiritu Santo
na nagwaras nin gracia ki Maria Santisima.
Huli ki Cristo na samong Kagurangnan.
AMEN.

PAMIBI PAKA-COMUNION
Mamibi kita.
O Dios na makakamhan,
inako mi an tanda nin samuyang kaligtasan:
harani na an aldaw nin pasko:
ikaogma logod niamo nin malodok an misterio
kan pagkamundag nin saimong Aki:
4th Sunday of Advent
Day 4 Misa de Aguinaldo

si Jesucristo na samong Kagurangnan.

AMEN.
4th Sunday of Advent
Day 4 Misa de Aguinaldo