Day 1 Misa de Aguinaldo

MISA DE AGUINALDO
December 15 PM & 16AM)

INTRODUKSYON
Dios marhay na _____ saindo gabos, mga tugang. An
sponsor kaining enot na Misa de Aguinaldo ta, iyo po an
____________.
Ngonian, kasabay kan pagromdom niato kan espesyal
na aldaw na ini para sa satuyang kabataan sa pagcelebrar
niato kan National Youth Day, pinupoonan ta an enot na Misa
de Aguinaldo sa taon na ini.
An Misa de Aguinaldo sini-celebrar sa mga simbahan
kan Pilipinas sa laog nin siyam na aldaw bag-o kan Pasko. Ini
ginigibo niato nin huli ta ini sarong regalo na itinao kan Santo
Papa, Beato Inocentes XI, para satuya na boot magtalubo sa
pagtubod ki Cristo, an namundag na Paratubos. Sa paagi nin
sarong decreto kan mil seis siyentos otsenta y dos,
naaprobaran an Misa de Aguinaldo sa Pilipinas.
Sa laog kan siyam na aldaw, sa paagi kan Misa de
Aguinaldo, makapag-andam kita sa sarong makahulugan
asin solemneng celebracion kan pagkanitawo kan Tataramon
nin Dios na may balaog nin pagbagong-buhay. Ngonian na
taon, an satuyang mga Misa de Aguinaldo nakatutok sa
temang: “PAGLAKAW NA MAY PAGTUBOD SA ESPIRITU
KAN PASKO PASIRING SA SARONG MATIBAY NA

KOMUNIDAD PASTORAL... .”
Day 1 Misa de Aguinaldo

Sa ngonian na enot na Misa de Aguinaldo an satuyang

selebrasyon nakatutok sa temang “Pasiring sa

pagsabuhay nin paglaom kan mga jovenes .”
Sa liturhiya ngonian, linaladawan ni Jesus si Juan bilang
sarong naglalaad asin nagliliwanag na ilawan.
An misang ini pangengenotan ni ______________.

ENOT NA BABASAHON
Sa Libro ni Profeta Isaias, capitulo 56, versikulo 1
sagkod 3 asin 6 sagkod 8, sinasadol an gabos na utubon an
maninigo asin padanayon an katanosan ta maabot na an
kaligtasan. Himateon niato an babasahon.

SALMO RESPONSORIO
Pag-omawon ka, O Dios, nin gabos na banwaan.

EVANGELIO
Matirindog kita gabos sa pagrokyaw asin paghinanyog
kan Evangelio na sinurat ni San Juan, capitulo 5, versikulo 33
sagkod 36.

PAGROKYAW
An Espiritu nin Kagurangnan uya sako:
sa pagdara kan Marhay na Bareta sa mga dukha.
Day 1 Misa de Aguinaldo

PAMIBI NIN BANWAAN

December 15 pm / 16 am

PADI: Mamibi kita sa satong Kagurangnan, asin hagadon

ta an Saiyang tabang orog na ngonian na enot na
aldaw kan satong Misa de Aguinaldo tanganing
mantang kita naghahalat kan pagdatong ni Cristo,
mahiling kan gabos an orog ka importanteng papel
kan jovenes sa satuyang sosyedad asin nasyon
orog na an pagsabuhay kan saindang paglaom
asin pagtubod sa Espiritu kan Pasko pasiring sa
matibay na komunidad pastoral siring na sinda an
kasimbagan kan gabos sa maabot na panahon. Sa
lambang kahagadan, kita gabos magsirimbag:
KAGURANGNAN, MADYA SA PAGLIGTAS SAMO.

1. Na an Santo Papa, mga Obispo asin kapadian, padagos

na ipamibi kita gabos orog na an satuyang jovenes na
pinag-aandam niato an futuro tanganing maipamidbid sa
bilog na kinaban si Cristo na madatong asin sarabay an
gabos na magpartisipar sa pagpatibay kan mga
komunidad pastoral. Mamibi kita.

2. Na an mga namamayo kan satong nasyon,

magkasararong maghiringuha na padanayon an
katanosan, katoninongan asin pagkasararo kan
katawohan orog na an satuyang jovenes. Mamibi kita.
Day 1 Misa de Aguinaldo

3. Na kita gabos na uya digdi ngonian magkaigwa nin isog

nin boot na paontokon an mga maraot na gawe, utubon
sana an maninigo asin matanos sa simple sanang estilo
nin pagbuhay. Mamibi kita.

4. Na an gabos na mga jovenes digdi sa satuyang nasyon,

makamate nin pagkamoot asin matanos na pag-antabay
kan saindang mga magurang asin mga paratokdo
tanganing manuodan ninda an pagigin matanos asin
responsable, magkaigwa nin dignidad sa sadiri asin
pagkatakot sa Dios. Mamibi kita.

5. Na an gabos na uya sa misang ini, orog na an mga nag-

sponsor kaining Misa de Aguinaldo ngonian, biyayaan
nin kaogmahan mantang naghahalat kan pagdatong ni
Jesus. Mamibi kita.

6. Na an gabos na nagkaerenot nang nagadan, magkamit

na kan liwanag kan Kagurangnan asin papagkanigoon
nang mag-erok sa saiyang kahadean sa langit. Mamibi
kita.
Day 1 Misa de Aguinaldo

PADI: Kagurangnan, Ika an samuyang paglaom sa tahaw

nin manlaen-laen na mga kasakitan, kahorasaan
asin kan mga sogot na nagbabalo kan samuyang
pagtubod saimo. Bendisyoni asin papagdanaya an
katanosan asin pagkaminorootan sa samuyang
banwaan. Pasariga an samong mga kaakian na
manudan ninda an pagigin responsable asin
maihanda sinda sa pag-atubang sa buhay sa
maabot na panahon. Ini hinahagad mi huli ki Cristo,
samong Kagurangnan. AMEN.
Day 1 Misa de Aguinaldo

ENOT NA BABASAHON Isaias 56:1-3.6-8

Pagbasa sa Libro ni Profeta Isaias
Ini an sabi nin Kagurangnan: / Utoba an maninigo asin
giboha an katanosan; / ta an sakuyang kaligtasan maabot
na,/ an sakuyang katanosan ipapahayag na. / Paladan an
tawo na minagibo kaini, / an aki nin tawo na minaako
kaini;/ na dai nagbabasang-basang kan aldaw na
Sabado, / na ilikay an saiyang kamot sa mga maraot na
gibo. / An dayuhan na nakisumaro sa Kagurangnan dai
magsabi: / ‘Isisiblag ako kan Kagurangnan sa saiyang
banwaan.’ / An mga dayuhan na nakikisumaro sa
Kagurangnan, naglilingkod saiya, / namomoot sa ngaran
nin Kagurangnan, / asin boot na magin surugoon niya –/
an gabos na nag-uutob kan aldaw na Sabado asin
nagdadanay sa sakong tipan, / sinda gabos iyo an
dadarahon ko sa sakong banal na bukid, / asin
paoogmahon ko sinda sa sakong harong nin pamibi. / An
saindang mga dolot asin atang aakoon diyan sa sakong
altar, sa gabos na banwaan. / Iyo ini an sabi nin Dios na
Kagurangnan, / na nagtipon kan mga nawarak na aki ni
Israel, / iba pang mga tawo sakong titiponon, / laen kan
mga uya na. /
AN TATARAMON NIN KAGURANGNAN.
Day 1 Misa de Aguinaldo

SALMO RESPONSORIO Salmo 67:2-3.5.7-8

Pag-omawon ka, O Dios,

nin gabos na banwaan.

1. O Dios, kaheraki asin bendicioni kami,

sumirang samo an saimong lalawgon;
an saimong mga dalan ipamidbid sa kinaban,
an saimong kapangyarihan sa gabos na banwaan.

2. O Dios, pag-omawon ka nin mga banwaan,

huli ta ika matanos na hade sa kinaban:
Matanos na inaataman mo an katawohan;
inaampon mo an gabos na banwaan sa daga.

3. O Dios, pag-omawon ka nin mga banwaan;

an gabos na katawohan mag-oomaw saimo:
Lugod bendicionan kita nin Dios;
sambahon siya sa kinaban!
Day 1 Misa de Aguinaldo

EVANGELIO Juan 5:33-36

+ Pagbasa kan Evangelio na sinurat ni San Juan

Si Jesus nagsabi sa mga Judio: “Kamo

nagsugo na hapoton si Juan, asin siya nagsaksi
dapit sa katotoohan. Bako ta kaipohan ko an
siring na patotoo nin tawo; ini ipinapagiromdom
ko saindo para sa saindong kaligtasan. Si Juan
sarong ilawan na naglalaad asin nagliliwanag.
Sa halipot na panahon ikinakaogma nindo an
saiyang liwanag. Alagad an patotoo na sakuyang
sinasarigan orog pa sa patotoo ni Juan, iyo an
mga gibo na ipinagibo sakuya kan Ama; an mga
gibong iyan mga saksi na ako sinugo kan Ama.”
An Marahay na Bareta nin satong Kagurangnan.
Day 1 Misa de Aguinaldo

MISA DE AGUINALDO
Diciembre 15 PM /16 AM

PAMIBI SA PAGPOON
Mamibi kita . . .
Dios na Kagurangnan,
paliwanaga sa samong puso
an saimong kamurawayan,
tanganing makahale kami
sa kadikloman asin ikapahayag
na kami mga aki nin liwanag
sa pagdatong kan saimong
Bogtong na Aki, na kaiba mo
asin nin Espiritu Santo,
nabubuhay asin naghahade,
Dios sa panahon na daing kasagkoran.
AMEN.
Day 1 Misa de Aguinaldo

PAMIBI SA PAGDOLOT
Mamibi kamo mga tugang…
Kagurangnan,
an samong pagtubod asin pagkamoot
magin danay na atang sa saimong kaomawan,
tanganing makatao samo nin kaligtasan.
Huli ki Jesucristong Kagurangnan niamo.
AMEN.

PAMIBI PAKA-COMUNION
Mamibi kita. . .
Dios, Amang maheherakon,
sa bagsik kaining diosnon na tabang,
malinigan kami kan samong mga kasalan,
asin makapag-andam kami
para sa maabot na Pasko.
Huli ki Jesucristong Kagurangnan niamo.
AMEN.
Day 1 Misa de Aguinaldo