Ang Pagselebra sa Pagresibe

sa Krus y ang Jubileo

PAG-IMPISA

Mauna y seled sa simban ang mga tao,

madason ang Padi ig pagtakapos ang Santos
nga Krus sa Jubileo. Mientras agaseled ang
Krus y ang Jubileo, maimong kantaen ang
himnong takes para duto. Ibebetang ang Krus
y ang Jubileo sa altar ig papa-insensoan y
ang Padi. Matapos ang pag painsenso,
magapabunayag ang Padi.

Padi: Sa krus y ang Ginoong Jesucristo, ing

pakita ang kabaelan nga gegma y ang Dios.
Ang dating tanda y ang kamatayen mi pagsilot
ing usbungan y kabui ig pagbendisyon y ang
Makagagaem, ang tanda sa kamatudan y
anang pagtubos ig pag-itso y ang salvacion
para sa tanan. Sa ateng pag seleng sa Krus y
ang Jubileo, selengen ta ang Misteryo y ang
Gegma nga agdara sa salvacion y ang tanan ig
sa ateng pagresibe sa maayad nga tanda y ang
Dios, usuyon ta ang dalan y Anang Bata.

Magparangadi kita (Silensyo y maite)
Ameng Ama nga makagagaem, imong kaliagan
nga pasanen y Imong Bata ang Krus mi kama-
tayen agud matubos ig mabui ang mga tao. Sa
ameng pagpasan sa Krus mi kamatayen digi sa
lugta segun sa pagtuman sa Imong kaliagan
nga ing bwat y Imong Bata basipa maimo
kaming takes nga maresibe amen ang salvacion
mi kabui nga kaiban Kaw paagi ki Jesucristo
kaiban ang Espiritu Santo sa ara’ katapusan.
Tanan: Amen.
PAGPABUNAYAG SA
BISARA Y ANG DIOS
Pagbasa alin sa Sulat ni San Pablo para sa
mga taga Filipo (Filipo 2:6-11)
Si Cristo Jesus, maski tana Dios, ara y patepeng y
anang sadili sa Dios agud gamiten para sa anang
sadiling bentaha; apang, ing lwas na ang tanan ig
agpakatao tulad sa oripen, nga ing patulad sa tao.
Datong maimong tao, ing pakebes na anang sadili
nga matinumanen tegka sa kamatayen – maski ang
kamatayen sa krus! Animan, ing pau’bong tana y
ang Dios sa kataasan nga lugar ig ing tawan tana y
aran labaw sa tanang aran, agud sa aran ni Jesus
ang tanang tud magaluod, sa langit ig sa idalem ang
lugta, ig ang kada dila magapabunayag nga si Jesu-
cristo ang Ginoo, sa kaimayaan y ang Dios nga
Ama.
Ang bisara y ang Ginoo.
Tanan: Salamat sa Dios.
Salmong Pagsabat
Tanan: Indi anda malipatan ang mga maayad
nga binwatan y ang Dios.
Page 2
1. Animan dadi pamati indo akeng ing tuturo,
akeng mga bata,
Pamati indo ig intindien, ang mga bisarang akeng
ing kukon;
Akeng ing kukon nga dia ay bagay nga parabola,
Nainabo ron ang una, animan dia misteryosa. T:
2. Datong sanda paparasen den y ang Dios,
Ag inelsel ang katamaan ig agbalik oman Kanana
Duto anda nademdeman nga ang Dios andang
manigpanangga,
Ang kataasan nga Dios andang Manigtubos. T:
3. Animan tana ing dayaw, ang pagdayaw nga
beken y matud;
Tenged dato butig-butig, maskara nga matatawag
Sa andang mga tagipuson, agaadi ang karaetan,
Beken sanda y sararigan sa andang ing bwat nga
tinipanan. T:
4. Ta maski kundato, tenged ang Dios manunu-
gunon,
Ing patawad na enged andang maraet nga binwatan;
Tenged sa anang gegma indi na sanda y parasen,
Maski tana asisilag, ing pepegengan na dia. T:
Puedeng kantaen ang Aleluya, pero kung ara’
magakanta, basaen nga lagi ang Ebanghelio.
ANG MATINLONG BARITA (Juan 19:31-37)
Ang Pagpabunayag sa Matinlong Barita y ateng
Ginoo segun ki San Juan
Ang mga Judeo, (tenged dato adlaw y ang pagsim-
pan), ta ang mga lawas indi dapat masala sa krus sa
adlaw y ang Sabado (tenged dato sagradong adlaw y
ang Sabado), agpakigampang sanda ki Pilato nga
barien den andang batis, agud mabel sanda. Animan
agpakon ang mga sundalo; ing bari anda ang batis y
ang primero, ig ang saka bilog nga ing lansang sa
krus nga kaiban na. Pero pag-abot anda ki Jesus,
datong makita anda nga tana patay den, ara anda ren
y baria anang batis. Pero mi saka sundalo nga mi
darang lanza ig ing buno anang kilid, ig aglwang
lagi ang dugo mi tubig. Ig tana nga akakita y dia,
agtaw anang testimonya, ig anang testimonya
matud. Ig tenged naelaman na nga matud anang ing
kon; agud magparet kamo ra.
Tenged ang mga bagay nga dia natabo, agud maitso
ang mga nakasulat: Indi indo y barien maski anang
Ang Pagselebra sa Pagresibe sa Krus y ang Jubileo
saka tulan. Ig ing kon da sa kasulatan: Maseleng sanda
kanana nga andang ing buno.
Ang Matinlong Barita y ang Ginoo.
Tanan: Salamat sa Dios.
HOMILIA
Ang pagpadengeg sa krus y ang Jubileo ay bubwaten
sa pagkanta y ang “Saka Pagtoo” (Isang Pananam-
palataya). Matapos ang pagpadengeg sa krus y ang
Jubileo, puedeng bwaten ang pagtagana y ang sadili
segun sa Espiritu y ang Jubileo.
Padi: Mga bugtitinay, ing alad ig ing abrian y ang
Makagagaem nga Ginoo ang sagradong Dagon y ang
Pagbendisyon – ang timpo y ang santos nga kalipayan
para sa malilised, kalibrian para sa mga ing lilipi-lipi
ig sa mga biag, pagpaelam ig pagwali sa Matinlong
Barita. Magsabat kita dadi ig itagana ta ateng mga
sadili ig ang mga tao sa pagkaliek sa grasya y ang
Dagon nga ing Bendisyonan.
Padi: Sa bunyag, ing angken kita y ang Dios nga
anang mga Bata. Agatipan ig simpan kamo kabay nga
masalamain kanindo ang saka Dios nga agapangabui
bilang saka komunidad nga mi Pag-igegma?
Tanan: Agatipan kami.
Padi: Bilang manigdason ki Cristo, agatipan ig sim-
pan kamo kabay nga palabien ang kaayadan para sa
tanan nga makikita sa pagrespeto sa dengeg y ang tao,
agakilala nga parte kita y ang saka naturaleza, agataw’
importansya sa kasantos y ang kabui ig matandes nga
tao sa banua?
Tanan: Agatipan kami.
Padi: Sa paggiya y ang Espiritu Santo, agatipan ig
simpan kamo kabay nga maimong buing parte y ang
Mistikong Lawas ni Jesus nga agaresponde paagi sa
iba-ibang paagi y pagserbisyo dara ang mga karisma y
ang saka espiritu?
Tanan: Agatipan kami.
Padi: Magburunyog-bunyog kita nga mag-uruyonan
bilang saka komunidad sa ateng pagtagana. Sa giya y
ang Espiritu Santo nga agaresponde sa mga pag-ayat
sa timpo, ing antep amen sa Simban nga Lokal y ang
Apostolicong Vicariato y ang Taytay, Palawan bilang
komunidad y ang mga disipulos ni Cristo segun sa
ehemplo ni Maria nga ateng kaiban sa pagbiyahe sa
pagpabunayag y ang pagkaadi y ang Ama.
Ipapabunayag y ang Padi.
Ang Pagselebra sa Pagresibe sa Krus y ang Jubileo Page 3
Padi: Magparangadi kita …

Ameng Amang makagagaem, imong kaliagan nga

ang bunga y ameng salvacion nga ing bwat y Imong
Bata sa altar y ang krus ay padayon nga ameng
pakinabangan paagi sa Simban. Tabangi kami agud
maintindian, makilala ig maserbean Imong Bata ig
ameng Ginoong si Jesucristo sa pagkatao y ameng
mga bugtitinay nga malised, agaantos ig ing lilipi-
lipi.
Ikaw nga bui ig nagaadi sa dadi ig sa ara’ katapusan.
Tanan: Amen

PANG-ULTIMO

Padi: Basipa bendisyonan ig ta’lingan kamo y ang

Ginoo, dadi ig sa ara’ katapusan.
Tanan: Amen.

Padi: Basipa kalooyan ig bantayan na kamo dadi ig

sa ara’ katapusan.
Tanan: Amen.

Padi: Basipa lipayen na kamo ig tawan y kalineng

dadi ig sa ara’ katapusan.

Tana: Amen.

P: Ig basipa ang bendisyon y ang makagagaem nga

Ama, mi ang Bata (†), mi ang Espiritu Santo
magtugdon kanindo ig mag pirmi dian kanindo sa ara
katapusan.
T : Amen

Translated by:
Medy FeriaBeroy

For the 400th Celebration of the

Christianization of Palawan

Rev. Fr. Philip Jerold F. Tan

Chancelor, Liturgy
Apostolic Vicariate of Taytay