RITO SA PAGSULO KAN PALASPAS

RITO SA PAGSULO KAN PALASPAS

1
Commentator: An bilog na Simbahan nag-aandam na para sa panahon nin Cuaresma.
Sa Miercoles iyo na an Miercoles de Ceniza (Pangurus) o an Ash
Wednesday na kun saen minapoon an Panahon nin Cuaresma. Panahon na
kun saen kita pinapagiromdom asin inaapodan sa gawe nin pagpenitensya
asin sakripisyo, pagsolsol asin pagbabagong buhay.

Kita nagkatiripon ngonian sa espesyal na rito kan pagsulo kan palaspas o

palmera. An mga palaspas na susuloon iyo itong mga benendisyonan kan
nakaaging taon sa Domingo de Ramos. An abo kaini gagamiton para sa
Miercoles asin ilalahid o iimponir sa satong mga angog.
Ini minapagiromdom sa sato na kita hale sa alpog asin mabalik sa alpog.

Isusunod na po niato an pagsulo kan mga palmera o palaspas. Matindog

po an gabos.

Padi: Sa ngáran kan Amâ, asín kan Ákì, asín kan Espíritu Sánto.

Banwaan: Amen.
2
Padi: An Kagurangnan mapa-saindo.

Padi: Kita nagkatirípon digdí bílang banwáan nin Dios na nagsasárig

sa saíyang mamómòton na pagkahérak asin man kan diosnón na
pag-atáman ni JesuCristo, satúyang Kagurangnán. Ngonián
nagmámàwot kita na pakusugón an satúyang pagtubód, pagláom,
asin pagkámoot mantáng padágos kitáng nagpápasalámat sa mga
baláog na iwináras satúya kan Dios.

Magkásararo kita sa pagpamìbî tangáning kaherákan kita nin

húli sa satúyang mga pagkakasálà, asin makapagbakláy kita sa
dálan kan Kagurangnan.

Buksan niato ngonian an satuyang isip asin puso para sa

paghinanyog kan Evangelio.

PAGROKYAW KAN EVANGELIO

Padi: An Kagurangnan mapa-saindo.

Banwaan: Asin sa saimong espiritu.

Padi: Pagbasa kan banal na Evangelio na sosog ki San

Juan.

Banwaan: Kamurawayan saimo, Kagurangnan.

”Mag-ingat kamo na an saindong mga gibong herak bakong sa pagpahiling sa

mga tawo. Kun arog kaiyan an gibo nindo, dai na kamong aakoon na balos
hale sa saindong Ama sa langit.”Kaya kun naglilimos kamo, dai nindo iyan
ipagpabantog, arog kan ginigibo kan mga parasagin-sagin sa mga sinagoga
asin sa mga tinampo. Ginigibo ninda iyan tanganing omawon sinda kan mga
tawo. Sa katotoohan sinasabihan ko kamo, inako na ninda an balos. Kaya kun
kamo maglimos, dai nindo ipaisi sa wala nindong kamot an ginigibo kan
saindong too, tanganing magin hilom an saindong paglimos; asin babalosan
kamo kan saindong Ama na nakakahiling sa hilom.”Kun namimibi kamo, dai
nindo pag-arogon an mga parasagin-sagin! Boot nindang mamibi na
3
nakatindog sa mga sinagoga asin sa mga kanto kan mga tinampo tanganing
mahiling kan mga tawo. Sa katotoohan sinasabihan ko kamo, inako na ninda
an balos. Alagad kun namimibi kamo, lumaog kamo sa kwarto asin maminto
kamo. Diyan kamo mamibi sa saindong Ama na dai nahihiling; asin
babalosan kamo kan saindong Ama na nakakahiling sa hilom.

Padi: An Marhay na Bareta nin satong Kagurangnan.

Banwaan: Pag-omaw saimo, Cristo.

Halipot na Mensaje

Padi: O Dios na maheherakon, kami na Saimong linalang

hale sa alpog kan kinaban asin inaapod tanganing makasunod
sa Saimong Ebanghelyo sa antabay kan Simbahan.
Hilnga kami nin may pagkamoot mantang kami nag-aandam
sa pagkua kan abo na kun saen minamarka sa pagpoon
kan samong pagbaklay sa panahon nin Cuaresma.

Lugod sa samong pagbaklay na ini manumpunagn niamo

an saimong pagkamoot asin pagmamalasakit tanganing
kami dayaday na makapagbakle asin magbago nin buhay.
Lugod an samong mga pagsakripisyo magdara ini
sa katoninongan, an samong mga pamibi mapabanal
an samong ginigibo asin an mga ini magdara samo
sa lamesa ni Jesucristo.

An mga palaspas o palmera susuloon na. Habang sisusulo angay na kanta aawiton o patutugtugun.

Pakatapus na an palmera masulo asin maging abo, papamibion an minasunod:

Padi: Kagurangnan,
Bendisyoni an mga parakasala
na naghahagad nin kapatawaran
Asin bendisyoni an  gabos na maako kan abong ini
4
 na gagamiton sa Miercoles de Ceniza o Pangurus,
magpagiromdom logod ini samo kan Saimong dayaday
na pagkamoot asin pagmalasakit.
Huli man sana ki Jesucristo na samong kagurangnan.
Amen.

An padi mawirik nin agua bendita sa pinagsuloan kan palmera.

Padi: Bendicionan man lugod kamo kan Dios na makakamhan: an

Ama, asin an Aki, asin an Espiritu Santo.

Banwaan: Amen.

Padi: Tapos na an satong celebracion. Lakaw kita

sa pagpamibi asin pagkamoot sa Dios.

Banwaan: Salamat sa Dios!