Misal Na Bikol Cuaresma FINAL

AN PASUNUD-SUNOD KAN MISA Misal na Bikol | Tapm C
Miercoles de Ceniza asin Domingo I-V

sa Panahon nin Cuaresma - Taon C
a
1
Misal
na Bikol
Miercoles de Ceniza asin Domingo I-V
sa Panahon nin Cuaresma - Taon C
MISAL NA BIKOL
Miercoles de Ceniza asin
Domingo I-V sa Panahon nin Cuaresma - Taon C
VIA MARIA PRESS AND PUBLISHING HOUSE

G/F The Chancery, Cathedral Compound
Brgy. 10 Cabugao, Legazpi City 4500 Philippines
E-mail: via@diocesanmedia.com
Mobile No.: 0917 122 5709
Facebook: @viamariapress
MGA LAOG
An Pasunod-Sunod kan Misa i
Miercoles de Ceniza 1
Enot na Domingo nin Cuaresma 6
Ikaduwang Domingo nin Cuaresma 11
Ikatolong Domingo nin Cuaresma 16
Ikaapat na Domingo nin Cuaresma 21
Ikalimang Domingo nin Cuaresma 27
Oratio Imperata para sa Proteksyon laban sa COVID-19 31
Pamibi sa Sararong Pagbaklay kan Lokal na Simbahan 32

Misal na Bikol | Taon C AN PASUNUD-SUNOD KAN MISA
f
RITO SA PAGPOON
Kun tiripon an banwaan, an padi, kaiba an mga ministro, madulok sa altar, mantang an awit sa paglaog kinakanta.
Pag-abot sa altar, pakaduko nin hararom na kaiba an mga ministro, an padi mahadok sa altar sa pagtaong-galang, asin
kun pagmarahayon, ma-incienso sa cruz asin sa altar. Dangan kaiba an mga ministro maduman sa tukawan.
Pakatapos na kantahon an awit sa paglaog, an padi asin an mga tawo, nakatindog, mapanguros, mantang nakaatubang
sa mga tawo, an padi masabi:
Sa ngaran kan Ama, asin kan Aki, asin kan Espiritu Santo.
An banwaan minasimbag: Amen.
Dangan an padi, nakabuka an mga takyag, mataong galang sa banwaan nagsasabi:
An gracia ni Jesu Cristong Kagurangnan ta, an pagkamoot kan Dios, asin an

pakisumaro kan Espiritu Santo mapa-saindo gabos.
O:
An gracia asin an katoninongan na gikan sa Dios satuyang Ama asin ki Jesu Cristong
Kagurangnan mapa-saindo gabos.
O:
An Kagurangnan mapa-saindo.
An banwaan minasimbag: Asin sa saimong espiritu.
Sa pinakahalipot na tataramon, an padi, o an diacono o ibang ministro, makaka-pataratara sa banwaan kun ano an Misa
sa aldaw na iyan.
Gawe nin Pagsolsol*
Dangan masunod an gawe nin pagsolsol; an banwaan inaalok kan padi na nagsasabi:
Mga tugang, akoon ta an satong mga kasâlan, tanganing magkanigo kitang

magcelebrar kan mga banal na misterio.
Gigibohon an halipot na pagtoninong. Pakatapos an gabos durungan na mapangadyi kan nagkukumpisal ako:
Nagkukumpisal ako sa Dios na makakamhan, asin saindo, mga tugang, ta nagkasala

ako nin makuri sa isip, sa tataramon, sa gibo, asin sa kapabayaan:
asin tinotombok an daghan, sinda nagsasabi: salà ko, salà ko, makuring salà ko.
Dangan sinda minapadagos: Kaya
nangangadyi ako ki Santa Maria, danay na Virgen, sa gabos
na Angeles asin Santos, asin saindo mga tugang, na ako ipamibi sa Kagurangnan
tang Dios.
Maherak man lugod sato an Dios na makakamhan asin,
Minasunod an absolucion kan padi:
pakapatawada an satong mga kasâlan, darahon kita sa buhay na daing kasagkoran.
O:
An padi inaalok an banwaan na gibohon an Gawe nin pagsolsol:
Mga tugang, akoon ta an satong mga kasâlan, tanganing magkanigo kitang

i
magcelebrar kan mga banal na misterio.

Gigibohon an halipot na pagtoninong.
Pakatapos, an padi, o an diacono o ibang ministro, sinasabi ining minasunod o iba pang pag-arang na yaon an Kagurangnan,
maherak ka:
Padi: Ika na sinugo sa pagpaomay kan mga nagsosolsol: Kagurangnan, maherak ka.
An banwaan minasimbag:Kagurangnan, maherak ka.
Padi: Ika na nagdigdi sa pag-apod kan mga parakasala: Cristo, maherak ka.
Banwaan: Cristo, maherak ka.
Padi: Ika na nagtutukaw sa too kan Ama sa pagsurog samo: Kagurangnan, maherak
ka.
Banwaan: Kagurangnan, maherak ka.
Maherak man lugod sato an Dios na makakamhan asin,
Minasunod an absolusyon kan padi:
pakapatawada an satong mga kasâlan, darahon kita sa buhay na daing kasagkoran.
Minasunod an mga pag-arang na Kagurangnan, maherak ka, kun dai pa ini ginibo sa iba pang gawe nin Pagsolsol.
P: Kagurangnan, maherak ka. S: Kagurangnan, maherak ka.

P: Cristo, maherak ka. S: Cristo, maherak ka.
P: Kagurangnan, maherak ka. S: Kagurangnan, maherak ka.
Dangan kun kaipuhan, kinakanta o pinapangadyi ining awit:
Kamurawayan sa Dios sa kaitaasan asin sa daga katoninongan sa mga tawong marahay

an boot. Inoomaw mi ika, rinorokyaw mi ika, sinasamba mi ika, pinapamuraway
mi ika. Pinapasalamatan mi ika huli kan dakula mong kamurawayan. Kagurangnan
na Dios, Hadeng langitnon, Dios Amang makakamhan.
Kagurangnan Aking Bogtong, Jesu Cristo, Kagurangnan na Dios, Cordero kan Dios,
Aki kan Ama, ika na nagpapara kan mga kasâlan kan kinaban, kaheraki kami; ika
na nagpapara kan mga kasâlan kan kinaban, akoa an samong pakimaherak.
Ika na nagtutukaw sa too kan Ama, kaheraki kami. Ta ika sana an Banal, ika sana
an Kagurangnan, ika sana an Orog Kahalangkaw, Jesu Cristo, kaiba kan Espiritu
Santo: sa kamurawayan kan Dios Ama. Amen.
Pakatapos kan himno, an padi, bendito an mga kamot, nagsasabi: Mamibi kita.
Asin an gabos, kaiba kan padi, minapangadyi na toninong sa halipot na panahon.
Dangan an padi, nakabuka an mga takyag, minapangadyi kan Colecta; kun tapos na, an banwaan nagsasabi sa makusog
na tingog:
Amen.
ii
LITURGIA KAN TATARAMON

Dangan an lector minaduman sa ambo asin minabasa kan enot na babasahon, mantang an gabos, nakatukaw,
naghihinanyog.
Sa pagpaísi na tapos na an babasahon, an lector nagsasabi sa makusog na tingog:
Tataramon kan Kagurangnan.
Gabos minasimbag: Salamat sa Dios.
An salmista, o an cantor, nagkakanta o nagpapangadyi kan salmo, mantang an banwaan an nagsisimbag.
Pakatapos, kun igwa nin ika-duwang babasahon, binabasa ini kan lector sa ambo, siring sa sinambit sa itaas.
Sa pagpaísi na tapos na an pagbasa, an lector nagsasabi sa makusog na tingog:
Gabos minasimbag: Salamat sa Dios.
Minasunod an Allelúia, o ibang awit sosog sa mga rubrico na angay sa panahon kan liturgia.
Mantang ginigibo ini, an padi nagbubugtak nin incienso, kun ini ginagamit. Pakatapos, an diacono na marokyaw kan
Evangelio, nakadukong hararom sa atubang kan padi, naghahagad nin bendicion asin sa maluway na tingog nagsasabi:
Pakibendicioni ako, Kagurangnan.
An padi sa hababang tingog minasabi:
An Kagurangnan mapasa-puso mo asin ngimot, tanganing maninigo asin mahusay

mong irokyaw an saiyang Evangelio: sa ngaran kan Ama, asin kan Aki, † asin kan
Espiritu Santo.
An diacono minapangurus asin minasimbag:
Amen.
Kun dai nin diacono, an padi, nakaduko sa atubang kan altar, sa hababang tingog nagsasabi:
Dios na makakamhan, linigi an puso asin ngimot ko, tanganing maninigo akong
makapagrokyaw kan banal mong Evangelio.
Dangan an diacono, o an padi nagduduman sa ambo, asin kun pagmarahayon, iniibahan kan mga ministro na dara an
incienso asin mga kandila, asin nagsasabi.
Diacono, o padi: Pagbasa kan banal na Evangelio susog ki N.,
mantang nagtataram kaini, saiyang kinukrusan an libro, an saiyang angog, ngoso asin daghan.
An banwaan nagrorokyaw: Kamurawayan saimo, Kagurangnan.
Dangan an diacono o an padi nag-iincienso sa libro, kun ginagamit an incienso, asin nagrorokyaw kan Evangelio.
Kun tapos na an evangelio, an diacono, o an padi, nagrorokyaw: Marahay na Bareta kan Kagurangnan.
Gabos minasimbag: Pag-omaw saimo, Cristo.
Dangan an libro hinahadokan mantang hilom na nagsasabi:
Huli kan mga tataramon kan Evangelio maparà man lugod an satong mga kasâlan.
iii
Dangan isusunod an homilia, na dapat gibohon kan padi o diacono sa gabos na aldaw nin Domingo asin mga fiesta na
ipinaglelehe; sa ibang mga aldaw, ini ipinagsasadol.
Sa pagtapos kan homilia, kinakanta o pinapangadyi an Simbolo o Panuga nin Pagtubod, kun ini kaipuhan.
Embes kan Credo Niceno-Constantinopolitano, orog na sa panahon nin Cuaresma asin sa panahon kan Pasko nin
Pagkabuhay-liwat, magagamit man an símbolo sa bonyag kan Simbahan Romano na inaapod man na Credo Apostolico:
CREDO APOSTOLICO
Nagtutubod ako sa sarong Dios Amang makakamhan, Kaglalang kan langit asin
daga, asin ki Jesu Cristo, Aking Bogtong niya, Kagurangnan ta,
Sa mga minasunod na tataramon, sagkod sa ki Virgen Maria, an gabos minaduko.
ipinangidam huli kan Espiritu Santo, namundag ki Virgen Maria, pinasakitan kan
panahon ni Poncio Pilato, ipinako sa cruz, nagadan, asin ilinubong, huminilig sa
mga gadan, kan ikatolong aldaw nabuhay-liwat hale sa mga gadan, suminakat sa
kalangitan, nagtutukaw sa too kan Dios Amang makakamhan, hale duman mabalik
sa paghukom sa mga buhay asin mga gadan. Nagtutubod ako sa Espiritu Santo, sa
banal na Simbahan na catolico, sa paropakinabang nin mga santos, sa pagpatawad
nin mga kasâlan, sa pagkabuhay-liwat nin laman, sa buhay na daing kasagkoran.
Amen.
Dangan pinapangadyi an pamibi para sa gabos, o an pamibi nin banwaan.
iv
LITURGIA KAN EUCARISTIA

Sa pagtapos kaini, pinoponan an awit sa ofertorio. Mantang nag-aawit an banwaan, an corporal, purificador, caliz,
pallo asin misal ibinubugtak kan mga ministro sa altar. Tamang gayo kun an mga tawo makapagpahiling kan saindang
pakisumaro sa pagdolot kan atang, o dinadara sa atubang an hostia asin arak para sa celebracion kan Eucaristia, o
iba pang mga atang na makakatabang sa mga pangangaipo kan Simbahan o kan mga dukhâ. An padi, nakatindog sa
may altar, kinukua an patena na may tinapay, asin sa duwang kamot iniitaas ini nin kadikit sa ibabaw kan altar asin sa
hababang tingog nagsasabi:
Inoomaw ka, Kagurangnan, Dios nin gabos na linalang, huli ta sa saimong
pagkamatinao nag-ako kami nin tinapay, na idinodolot mi saimo, bunga kan daga
asin kan gibo kan mga kamot nin mga tawo: ini magigin para samo tinapay nin
buhay.
Dangan ibinababa an patena na may hostia sa ibabaw kan corporal.Alagad kun an awit sa ofertorio dai kinakanta,
masasabi kan padi an mga tataramon na ini sa makusog na tingog; pakatapos, an banwaan makaka-pagrokyaw:
Pag-omawon an Dios sagkod pa man.
An diacono, o an padi, nagbubugtak kan arak asin dikit na tubig sa caliz, hilom na minasabi:
Huli sa misterio kaining tubig asin arak magi man lugod kaming kahiras sa pagka-
Dios niya, na nagpakumbabang magin kahiras sa samong pagka-tawo.
Pakatapos kinukua kan padi an caliz, sa duwang kamot iniitaas ini nin kadikit sa ibabaw kan altar asin sa hababang tingog
nagsasabi:
Inoomaw ka, Kagurangnan, Dios nin gabos na linalang, huli ta sa saimong
pagkamatinao nag-ako kami nin arak, na idinodolot mi saimo, bunga kan balagon
asin kan gibo kan mga kamot nin mga tawo: ini magigin para samo inomon nin
kalag.
Dangan an caliz ibinababa sa ibabaw kan corporal. Alagad kun an awit sa ofertorio dai kinakanta, masasabi kan padi an
mga tataramon na ini sa makusog na tingog; pakatapos, an banwaan makaka-pagrokyaw:
Pag-omawon an Dios sagkod pa man.
Pakatapos, an padi nakaduko nin hararamon, hilom na nagsasabi:
Sa kapakumbabaan asin pagsolsol maako mo man lugod kami, Kagurangnan; asin
lugod an samuyang atang sa atubang mo ngonian, maoyonan mo, Kagurangnan na
Dios.
Asin, kun pagmarahayon, an padi ma-incienso sa mga atang, sa cruz asin altar. Pakatapos an diacono o ibang ministro
ma-incienso sa padi asin sa banwaan. Dangan, nakatindog sa gilid kan altar, an padi naghahanaw kan kamot asin hilom
na nagsasabi:
Hugasi ako, Kagurangnan, sa sakuyang karatan, asin linigi ako sa sakuyang kasâlan.
Pakatapos, nakatindog sa tahaw kan altar, atubang sa banwaan, an padi binubuka an mga mga takyag asin nagbebendito
kan mga kamot na nagsasabi:
Magpamibi kamo, mga tugang: tanganing an sako asin an saindong atang maako
man lugod kan Dios Amang makakamhan.
An banwaan minatindog asin minasimbag:
Akoon man lugod kan Kagurangnan an atang sa saimong mga kamot para sa kaomawan asin
kamurawayan kan saiyang ngaran, para man sa pakinabang niato asin kan bilog niyang banal na
Simbahan.
Dangan, nakabuka an mga takyag, an padi nagpapangadyi kan Pamibi sa mga Atang; sa pagtapos, an banwaan nagrorokyaw: Amen.
v
PAMIBI SA EUCARISTIA II
An padi, nakabuka an mga takyag, nagsasabi:
Kagurangnan, ika nanggad an Banal, burabod nin gabos na kabanalan.

Benebendito an mga kamot, dangan laob an mga ini sa ibabaw kan mga atang, siya nagsasabi:
Kaya ining mga atang, namimibi kami, pabanala kan ambon kan saimong Espiritu,
Benebendito an mga kamot asin dungan na benebendicionan an hostia asin caliz na nagsasabi:
tanganing para samo magin Hawak asin † Dugo kan samong Kagurangnan na si
Jesu Cristo:
Benebendito an mga kamot. Sa mga minasunod na formula, an mga tataramon nin Kagurangnan sinasabing malinaw asin
sayod, sosog sa hinahagad kan siring na mga tataramon.
Kan siya, sa rogaring niyang boot pinasaluiban sagkod sa Pasion,

kinukua an tinapay, asin iniitaas nin kadikit sa ibabaw kan altar, nagpapadagos:.
nagkua siya nin tinapay, asin pagpasalamat, binaak ini, asin tinao sa saiyang mga
disipulos, na an sabi:
minaduko nin kadikit
MAG-AKO KAMO GABOS ASIN MAGKAKAN KAINI: TA INI AN SAKUYANG HAWAK,

NA IDODOLOT PARA SAINDO.
An sagradong hostia ibinabayaw sa banwaan, ibinabalik sa patena, asin an padi, nakaluhod an sarong tuhod, nagsasamba.
Pakatapos an padi nagpapadagos:
Siring man, pakapamanggi,

kinukua an caliz, iniitaas nin kadikit sa ibabaw kan altar, nagpapadagos.
pagkua niya man nin caliz asin pagpasalamat saimo, asin tinao sa saiyang mga
disipulos, na an sabi:
MAG-AKO KAMO GABOS ASIN MAG-INOM KAINI: TA INI AN CALIZ KAN
SAKUYANG DUGO KAN BÂGO ASIN DANAY NA TIPAN, NA PAPABOLOSON
PARA SAINDO ASIN PARA SA DAKUL SA PAGPATAWAD KAN MGA KASÂLAN. INI
PAGGIBOHON NINDO SA PAGROMDOM SAKO.
An caliz ibinabayaw sa banwaan, ibinababa sa corporal, asin an padi, nakaluhod an sarong tuhod, nagsasamba. Dangan
nagsasabi:
Misterio kan pagtubod.

Asin an banwaan minapadagos, nagrorokyaw:
An pagkagadan mo, Kagurangnan, ipinapamareta niamo, an pagkabuhay mo liwat ipinapahayag,
sagkod na ika magdatong.
O:
Sa lambang pagkakan mi kaining tinapay asin pag-inom kan caliz, an pagkagadan mo, Kagurangnan,
vi
ipinapamareta niamo, sagkod na ika magdatong.

O:
Paraligtas kan kinaban, ligtasan kami, huli kan cruz asin pagkabuhay mo liwat, itinalingkas mo kami.
Dangan, nakabuka an mga takyag, an padi nagsasabi:
Kaya kami nagroromdom kan saiyang pagkagadan asin pagkabuhay-liwat,

nagdodolot saimo, Kagurangnan, kan tinapay nin buhay asin caliz nin kaligtasan,
nagpapasalamat ta pinapagkanigo mo na mag-atubang asin maglingkod saimo.
Asin nakikimaherak kaming nag-aarang, na kaming nagpapakinabang kan Hawak
asin Dugo ni Cristo pagsararoon kan Espiritu Santo.
Giromdoma, Kagurangnan, an saimong Simbahan na nakalakop sa bilog na kinaban,

tanganing malubos mo siya sa pagkamoot kaiba kan samong Papa si N. asin kan
samong Obispo, si N.* asin kan gabos na clero.
Siring man giromdoma sa saimong pagkaherak, an samong mga tugang na nagturog

sa paglaom kan pagkabuhay-liwat, asin an gabos na mga gadan, dangan akoa sinda
sa liwanag kan saimong lalawgon. Kaheraki kami gabos, namimibi kami, tanganing
kaiba ni Santa Maria, Virgen na Ina kan Dios, kaiba ni San Jose, saiyang esposo,
kan mga banal na Apostoles asin gabos na Santos na kaidto pa nakapagaya-gaya
saimo, magkanigong magin kahiras kan buhay na daing kasagkoran, mag-omaw
asin magpamuraway saimo siring man,
benebendito an mga kamot
huli sa Aki mong si Jesu Cristo.

Kinukua an patena na may hostia asin an caliz, asin dungan na ibinabayaw na nagsasabi:
Huli saiya, asin kaiba niya, asin sa saiya, saimo Dios Amang makakamhan kasarô
kan Espiritu Santo, an gabos na kagalangan asin kamurawayan, sa gabos na
kapanahonan kan mga panahon.
An banwaan nagrorokyaw: Amen.
vii
PAMIBI SA EUCARISTIA III

Kagurangnan, Ika nanggad an Banal, asin an gabos na linalang na inaataman mo
maninigong nag-oomaw saimo, huli ta sa saimong Aki, samong Kagurangnan, Jesu
Cristo sa bagsik asin kusog kan Espiritu Santo, binubuhay asin pinapabanal mo
an gabos, asin dai ka nag-oontok sa pagtipon kan banwaan para saimo, tanganing
poon pagsirang sagkod pagsolnop kan saldang malinig na atang ikadolot sa
saimong ngaran.
Benebendito an mga kamot, dangan laob an mga ini sa ibabaw kan mga atang, siya nagsasabi:
Kaya, Kagurangnan, kami nakikimaherak na nag-aarang saimo, na ining mga atang
na dinara mi saimo tanganing mabendicionan, papagkanigoang pabanalon kan iyo
man sanang Espiritu,
Benebendito an mga kamot asin dungan na benebendicionan an hostia asin caliz na nagsasabi:
tanganing magin Hawak asin † Dugo kan saimong Aki, samong Kagurangnan Jesu Cristo:
benebendito an mga kamot
sa saiyang pagboot sine-celebrar mi ining mga misterio.

Sa mga masunod na formula, an mga tataramon nin Kagurangnan sinasabing malinaw asin sayod, sosog sa hinahagad kan
siring na mga tataramon.
Ta kan banggi na siya pinasaluiban,

kinukua an tinapay asin iniitaas nin kadikit sa ibabaw kan altar, nagpapadagos:
nagkua siya nin tinapay asin pagpasalamat saimo, nagbendicion, binaak, asin
tinao sa saiyang mga disipulos, na an sabi
minaduko nin kadikit.
Siring man, pakapamanggi,

pagkua niya nin caliz asin pagpasalamat saimo, nagbendicion, asin tinao sa saiyang
mga disipulos, na an sabi:
MAG-AKO KAMO GABOS ASIN MAG-INOM KAINI: TA INI AN CALIZ KAN SAKUYANG
DUGO KAN BÂGO ASIN DANAY NA TIPAN, NA PAPABOLOSON PARA SAINDO
ASIN PARA SA DAKUL SA PAGPATAWAD KAN MGA KASÂLAN. INI PAGGIBOHON
NINDO SA PAGROMDOM SAKO.
An caliz ibinabayaw sa banwaan, ibinababa sa corporal, asin an padi, nakaluhod an sarong tuhod, nagsasamba. Dangan
nagsasabi:
viii

O:
O:
Kaya, Kagurangnan, kami na nagroromdom kan nakakaligtas na pasion kan saimong
Aki asin kan makangangalas na pagkabuhay-liwat patin pagsakat sa langit, siring man
kaming naghahalat kan saiyang ikaduwang pagdatong, nagpapasalamat na nagdodolot
saimo kaining buhay asin banal na sacrificio.
Lilingya, namimibi kami, an dolot kan saimong Simbahan asin sa pagmidbid mo kan
Hostia, na sa pagsacrificio kaiyan, minawot mong maulian boot, itugot mo na kaming
binabâgo kan Hawak asin Dugo kan saimong Aki, panô kan saiyang Espiritu Santo,
maabtan man lugod na sarong hawak asin sarong espiritu ki Cristo.
Gibohon niya lugod kaming daing-sagkod na dolot saimo, tanganing kaiba kan
saimong mga pinili makamtan mi an pamana, enot, kaiba kan orog kapalad na Virgen
Maria, Ina kan Dios, kaiba ni San Jose, saiyang esposo, kaiba kan saimong mga santos
Apostoles asin mamuraway na Mártires (kaiba ni N. : Santo/a kan aldaw o patron/a)
patin gabos na mga Santos: sa danay nindang pagsurog sa atubang mo nagsasarig
kaming matabangan.
Ining Hostia kan samong pakipag-ulian, namimibi kami, Kagurangnan, makapauswag
man lugod kan katoninongan asin kaligtasan sa bilog na kinaban; an saimong
Simbahan, na nagbabaklay sa daga, papagkanigoang magsarig sa pagtubod asin
pagkamoot kaiba kan saimong sorogoon si N. samong Papa asin kan samong Obispo
si N., kaiba kan gabos na obispo, asin gabos na clero, asin kan bilog na banwaan na
tinipon mo.
Kaugayi an mga panuga kaining pamilya, na binoot mong maki-atubang saimo.
Maugayon na Ama, kaheraking pagsararoa saimo, an gabos mong aki saen man sinda
nakawarak. An mga tugang niamong gadan asin an gabos na nagpapagaya-gaya saimo,
na nagtalikod na sa panahon na ini, maboot mong akoon sa saimong kahadaen,
naglalaom kaming makakaduman, tanganing sarabay kaming mapanô sagkod pa man
kan saimong kamurawayan,
benebendito an mga kamot, huli ki Cristo, samong Kagurangnan, sa paagi niya iwinawaras
mo an gabos na karahayan sa kinaban.
Kinukua an patena na may hostia asin caliz, asin dungan na ibinabayaw na nagsasabi: Huli saiya, asin kaiba
niya, asin sa saiya, saimo Dios Amang makakamhan kasarô kan Espiritu Santo,
an gabos na kagalangan asin kamurawayan, sa gabos na kapanahonan kan mga
panahon.
An banwaan marokyaw: Amen.
ix
PAMIBI SA EUCARISTIA IV
Dai tugot na ribayan an prefacio kaining Pamibi sa Eucaristia huli ta an pasunod- sunod kaining pamibi nagpapahayag
kan kabilogan kan kasaysayan kan kaligtasan.
V. An Kagurangnan mapa-saindo. R. Asin sa saimong espiritu.

V. Iitaas an mga puso. R. Initaas mi na sa Kagurangnan.
V. Magpasalamat kita sa Kagurangnan satuyang Dios. R. Maninigo asin dapat.
Totoong maninigo na magpasalamat saimo, dapat nanggad na pamurawayon

ka, banal na Ama, huli ta ika Dios, sarô, buhay asin totoo, ika na dati na bâgo
kan mga panahon asin nagdadanay sagkod pa man, nag-eerok sa liwanag na dai
madodolok; alagad ika na iyo sana an marahay asin burabod nin buhay, ginibo
mo an gabos, tanganing panoon mo an saimong mga linalang nin mga biyaya asin
paogmahon an dakul kan bangraw kan saimong liwanag. Kaya, an dai mabilang
na hukbô nin mga angeles nagtitindog sa atubang mo, naglilingkod saimo aldaw-
banggi asin, nakatingkalag sa kamurawayan kan saimong lalawgon, daing ontok
na nagpapamuraway saimo. Kaiba ninda, kami man, asin huli sa samong tingog,
an gabos na linalang sa irarom kan langit maogmang nagrorokyaw kan saimong
ngaran mantang nag-aawit:
An ibang tono makukua sa Graduali romano.
Banal, banal, banal an Kagurangnan Dios nin mga Hukbô. An langit asin daga pano kan Saimong
kamurawayan. Hosánna sa kaitaasan. Paladan an minadigdi sa ngaran kan Kagurangnan. Hosánna
sa kaitaasan.
An padi, nakabuka an mga takyag, nagsasabi: Banal
na Ama, minimidbid mi ika, huli ta ika dakula
asin an gabos mong nahaman sa kadonongan asin pagkamoot mo ginibo. Hinimo
mo an tawo sa saimong ladawan, asin ipinaniwala mo saiya an pag-ataman kan
bilog na kinaban, tanganing sa paglingkod saimo na iyo sana an Kaglalang, siya
magboot sa gabos na linalang. Asin kan mawara saiya an pakipagkatood mo, sa dai
niya pagkuyog, dai mo siya pinabayaan sa kapangyarihan nin kagadanan. Ta ika
sa pagkaherak nagsanggawad sa gabos, tanganing makua ka kan mga naghahanap
saimo. Balakid na nakipagtipan ka pa ngani sa mga tawo asin huli sa mga profeta
tinokdoan mo sindang maglaom kan kaligtasan.
Asin siring, banal na Ama, namoot ka sa kinaban, tanganing sa kapanoan nin
mga panahon, sugoon mo samo an Bogtong mong Aki na Paraligtas. Siya na nani-
laman sa bagsik kan Espiritu Santo asin namundag ki Virgen Maria, nakisumaro
sa kamugtakan niamo sa gabos na bagay maliban sa kasâlan; siya namareta kan
kaligtasan sa mga dukha, pagtubos sa mga bihag, kaogmahan sa mga nagmumundo.
Alagad tanganing mautob an saimong kaisipan, ipinaubaya niya an sadiri sa
x
kagadanan asin sa pagbangon hale sa mga gadan, rinompag niya an kagadanan,

asin binago an buhay.
Asin, tanganing mabuhay kami bako na para samuya man sana, kundi para sa
saiya na nagadan asin nabuhay-liwat para samo, sinugo niya an Espiritu Santo
gikan saimo Ama, bilang tinagba sa mga nagtutubod, tanganing sa paghaman kan
gibo niya sa kinaban, mautob an lubos na pagpabanal.
Benebendito an mga kamot, dangan laob an mga kamot sa ibabaw kan atang, siya nagsasabi:
Kaya, Kagurangnan, nagpapamibi kami, na papagkanigoon kan iyo man sanang Espiritu
Santo na pabanalon ining mga atang,
Benebendito an mga kamot asin dungan na bebebendicionan an hostia asin caliz na nagsasabi:
tanganing magin Hawak † asin Dugo kan Kagurangnan niamong si Jesu Cristo
Benebendito an mga kamot
sa pagcelebrar kaining dakulang misterio na saiya man sanang iwinalat samo na

magin tipan na daing kasagkoran.
Sa mga minasunod na formula, an mga tataramon nin Kagurangnan sinasabing malinaw asin sayod, sosog sa hinahagad
kan siring na mga tataramon.
Ta, pag-abot kan oras, tanganing pamurawayon mo, banal na Ama, siya namoot sa
saiyang mga disipulos na yaon sa kinaban, namoot sainda sagkod sa katapusan,
asin mantang sinda nagpapamanggi.
kinukua an tinapay asin iniitaas nin kadikit sa ibabaw kan altar, nagpapadagos:
nagkua nin tinapay, nagbendicion asin binaak, tinao sa saiyang mga disipulos, na
an sabi:
Siring man,
pagkua nin caliz, na panô nin bunga nin balagon, nagpasalamat siya, asin tinao sa
saiyang mga disipulos, na an sabi:
MAG-AKO KAMO GABOS ASIN MAG-INOM KAINI: TA INI AN CALIZ KAN SAKUYANG
DUGO KAN BÂGO ASIN DANAY NA TIPAN, NA PAPABOLOSON PARA SAINDO
ASIN PARA SA DAKUL SA PAGPATAWAD KAN MGA KASÂLAN. INI PAGGIBOHON
NINDO SA PAGROMDOM SAKO.
xi
An caliz ibinabayaw sa banwaan, ibinabalik sa corporal, asin an padi, nakaluhod an sarong tuhod, nagsasamba.
Dangan nagsasabi:

O:
O:
Kaya, Kagurangnan, mantang kami nagcecelebrar ngonian kan memorial kan

pagtubos samo, ginigiromdom niamo an pagkagadan ni Cristo, asin an saiyang
paghilig sa mga gadan, ipinahayag niamo an saiyang pagkabuhay-liwat, asin an
saiyang pagsakat sa langit sa too mo, dangan, mantang naghahalat kan mamuraway
niyang pagdatong, idinodolot mi saimo an saiyang Hawak asin Dugo, sacrificiong
maooyonan mo asin nakakaligtas sa bilog na kinaban.
Lilingya, Kagurangnan, an Hostia, na saimo man sanang inandam para sa saimong
Simbahan, asin maboot na iwaras mo sa gabos na nakikihiras sa sarong tinapay
na ini asin caliz, tanganing tinipon kan Espiritu Santo sa sarong hawak, malubos ki
Cristo, buhay na hostia, para sa kaomawan kan saimong kamurawayan.
Kaya ngonian, Kagurangnan, giromdoma an gabos na huli sainda idinodolot mi
saimo ining atang: orog na an saimong sorogoon, na samong Papa si N., an samong
Obispo si N.* asin an gabos na mga Obispo, siring man an gabos na clero, asin an
mga nagdodolot, asin an mga nagkakatiripon digdi, asin an bilog mong banwaan,
patin an gabos na naghahanap saimo nin odók sa boot.
Siring man giromdoma an mga nagadan sa katoninongan kan saimong Cristo, asin
an gabos na mga gadan, na an pagtubod ika sana an nakaaram.
Maugayon na Ama, itugot mo samo gabos, saimong mga aki, na makamtan niamo
an langitnon na pamana kaiba kan paladan na Virgen Maria, Ina kan Dios, kaiba
ni San Jose, saiyang esposo, kaiba kan mga Apostoles asin saimong mga Santos
sa saimong kahadean, kun saen, kaiba an gabos na linalang, talingkas sa karatan
nin kasâlan asin kagadanan, magpamuraway kami saimo huli ki Cristo na samong
Kagurangnan,
benebendito an mga kamot,
xii
na huli saiya winawaras mo an gabos na karahayan sa kinaban.

Kinukua an patena na may hostia asin caliz, asin dungan na ibinabayaw na nagsasabi:
Huli saiya, asin kaiba niya, asin sa saiya, saimo Dios Amang makakamhan kasarô
kan Espiritu Santo, an gabos na kagalangan asin kamurawayan, sa gabos na
kapanahonan kan mga panahon.
An banwaan marokyaw: Amen.
RITO SA PAGCOMUNION
Pakababaan kan caliz asin patena, an padi benebendito an mga kamot na nagsasabi:
Natukdoan kan mga nakakaligtas na tugon, asin pinatood kan Diosnon na kaugalian,
nangangahas kitang magsabi:
Minabuka kan mga takyag asin, kaiba an banwaan, nagpapamibi:
Ama niamo, na yaon sa langit: pabanalon an ngaran mo; magdatong an kahadean

mo; mangyari an boot mo sa daga nin siring sa langit. An samong kakanon sa
aroaldaw itao mo samuya ngonian, asin patawadon mo kami sa samong mga
kasâlan, siring na pinapatawad niamo an mga nagkakasâla samuya; asin hare kami
pagdaraha sa sugot; kundi agawa kami sa maraot.
Nakabuka an mga takyag, an padi solong minapadagos na nagsasabi:
Agawa kami sa gabos na maraot, namimibi kami Kagurangnan; warasan sa mga

aldaw niamo an katoninongan, tanganing kaming natabangan kan saimong
pagkaherak magin danay na talingkas sa kasâlan asin man ligtas sa gabos na
kapurisawan: mantang kami naghahalat kan maogmang paglaom asin pagdatong
kan samong Paraligtas na si Jesu Cristo.
Benebendito an mga kamot.
Tinatapos kan banwaan an pamibi, nagrorokyaw:
Huli ta saimo an kahadean, asin an kapangyarihan, siring man an kamurawayan

sa mga kapanahonan.
Dangan an padi, nakabuka an mga takyag, nagsasabi sa sabot na tingog:
Jesu Cristong Kagurangnan, ika na nagsabi sa saimong mga Apostoles: Katoninongan

iwinawalat ko saindo, an sakong katoninongan itinatao ko saindo: hare paghilinga
an samong mga kasalân, kundi an pagtubod kan saimong Simbahan; asin
papagkanigoa na siya mapatoninong asin magkaboronyog sosog sa saimong
kabotan.
Benebendito an mga kamot.
Ika na nabubuhay asin naghahade sa kapanahonan kan mga panahon.

Nakaatubang sa banwaan, an padi binubuka an mga takyag dangan benebendito an mga kamot, nagdadagdag:
xiii
An katoninongan kan Kagurangnan danay na mapa-saindo.

Dangan, kun pagmarhayon, an diacono o an padi minadugang:
Magpatinaraohan kamo nin katoninongan.

Asin sosog sa kinaugalian kan lugar, an gabos nagpapahayag kan katoninongan, pagkasararo asin pagkamoot sa lambang
sarô; an padi nagpapahayag kan katoninongan sa diacono o sa ministro.
Dangan kinukua an hostia asin binabaak sa ibabaw kan patena, asin an sadit na kabtang ibinubugtak sa caliz na nagsasabi
sa hilom:
Ining pagsalak kan Hawak asin Dugo kan Kagurangnan niatong si Jesu Cristo
magdara sato na mga nag-aako kaini sa buhay na daing kasagkoran.
Mantang an minasunod kinakanta o sinasabi:
Cordero kan Dios, na nagpapara kan mga kasâlan kan kinaban: kaheraki kami. Cordero kan Dios, na
nagpapara kan mga kasâlan kan kinaban: kaheraki kami. Cordero kan Dios, na nagpapara kan mga
kasâlan kan kinaban: tawi kami nin katoninongan.
Pwede man ining ulit-uliton nin nagkapirang beses, kun napapalawig an pagbaak nin tinapay. Alagad an huring pag-ulit
sinasabi an tawi kami nin katoninongan.
Dangan an padi, bendito an mga kamot, hilom na nagsasabi:
Jesu Cristong Kagurangnan, Aki kan Dios na buhay, ika, na sa pagboot kan Ama,
sa tabang kan Espiritu Santo, nagtaong buhay sa kinaban huli kan saimong
pagkagadan: agawa ako huli kaining orog kabanal mong Hawak asin Dugo sa
gabos kong kasâlan asin gabos na karâtan: asin giboha akong danay na dayupot sa
saimong mga tugon, asin dai mo nanggad itugot na ako makasuhay saimo.
O:
An pag-ako kan saimong Hawak asin Dugo, Jesu Cristong Kagurangnan, dai man
lugod magin hukom asin padusa sako: kundi huli kan saimong pagkaherak, magin
kalasag ko sa isip asin hawak, asin bulong na nakakapa-omay.
An padi linuluhod an sarong tuhod, kinukua an hostia, iniitaas nin kadikit sa ibabaw kan patena o sa ibabaw kan caliz,
asin atubang sa banwaan, nagsasabi sa malinaw na tingog:
Uya an Cordero kan Dios, uya an nagpapara kan mga kasâlan kan kinaban. Paladan
an mga inapod sa pamanggi kan Cordero.
Asin kaiba an banwaan, an padi nagdadagdag:
Kagurangnan, bako akong maninigo na ika magdagos sa sakuyang harong: alagad magtaram ka sana,
asin an sakong kalag maoomayan.
Asin an padi, atubang sa altar, hilom na nagsasabi:
Atamanon man lugod ako kan Hawak ni Cristo sagkod sa buhay na daing kasagkoran.
Asin magálang na nag-aako kan Hawak ni Cristo.
Dangan kinukua an caliz asin hilom na nagsasabi:
Atamanon man lugod ako kan Dugo ni Cristo sagkod sa buhay na daing kasagkoran.
xiv
Asin magálang na nag-iinom kan Dugo ni Cristo

Pakatapos, kinukua an patena o an copon, minarani sa mga macomunion, asin an hostia iniitaas, pinapahiling sa lambang
sarô asin nagsasabi:
An Hawak ni Cristo.
An macomunion minasimbag: Amen.
Dangan minacomunion.
Siring man kaini an gigibohon kan diacono, kun siya mapacomunion.
Kun igwa nin macomunion kan hawak asin Dugo,susunodon an pinagboboot na rito sa siring na sitwasyon.
Mantang an padi nag-aako kan Hawak ni Cristo, pinoponan na an awit sa comunion.
Pakatapos pagpacomunion, an padi, o an diacono o an acolito linilinigan an patena sa ibabaw kan caliz asin man an
caliz.
Mantang naglilinig, an padi hilom na nagsasabi:
An inako kan samong ngoso, Kagurangnan, mapakinabangan man lugod niamo sa

malinig na kalag, asin ining inako niamo digdi sa kinaban magi ming bulong na
daing kasagkoran.
Dangan an padi pwedeng magbalik sa tukawan. Kun kaipuhan, pwedeng mag-ontok na toninong sa dikit na panahon, o
sarong salmo o cantico nin pag-omaw o sarong awit pwedeng kantahon.
Dangan nakatindog sa tangod kan tukawan o kan altar, naka-atubang sa banwaan, nakabendito an mga kamot, an padi
nagsasabi:
Mamibi kita...
An gabos, kaiba an padi, toninong na magpapamibi sa dikit na panahon, kun dai pa ini ginibo. Dangan, nakabuka an mga
takyag, an padi nagpapangadyi kan Pamibi Pakacomunion. Sa pagtapos kaini an banwaan nagrorokyaw:
Amen.
RITO SA PAGTAPOS
Kun kaipuhan, isinusunod an mga halipot na paisi sa banwaan.
Dangan, ginigibo an paghumale. An padi, atubang sa banwaan, nakabuka an mga takyag, nagsasabi:
An padi minabendicion sa banwaan na nagsasabi:Bendicionan
man lugod kamo kan Dios na
makakamhan: an Ama, asin an Aki, † asin an Espiritu Santo.
Dangan, an diacono o an padi mismo, bendito an mga kamot asin nakaatubang sa banwaan, nagsasabi:
Lakaw kamo sa katoninongan ni Cristo.

An banwaan minasimbag:
Salamat sa Dios.
Dangan, sosog sa kinaugalian, an padi hinahadokan an altar sa pagtaong-galang siring sa pagpoon. Pakatapos na magduko
nin hararom kaiba an mga ministro, siya naghahale.
Kun igwa nin masunod tolos na iba pang liturgia, an pagpahumale dai na ginigibo.
xv
xvi
MIERCOLES DE CENIZA Misal na Bikol | Taon C
MIERCOLES DE CENIZA
Marso 2, 2022
N
gonian satong pinuponan an panahon n Cuaresma. An Cuaresma panahon nin pagsolsol
kan kasalan. Boot sabihon, panahon nin pag talikod sa karatan asin pagbaklay pasiring sa
bagong buhay sa dalan pasiring sa Dios. Sa pagpoon niato kan Cuaresma, an mga babasahon
nagpapasabot sato kan pangapodan nin pagbalik sa Dios sa bilog na puso asin boot. An abo na
ibubugtak sa satuyang mga payo magpagiromdom sato kan satong pagiging tawo na gikan sa abo
asin mabalik sa abo. Asin an pagtubod sa Marhay na Bareta na dara kan mga mensahe ni Cristo sato.
Mabago man lugod kita sa satuyang buhay tanganing sa pagtukad niato sa bulod kan Cuaresma,
makaabot kita sa tuktok kaiba si Cristo sa Calvario, asin mahiling an paglaom asin bagong buhay sa
pagkabuhay liwat kan satong Kagurangnan.
Tolong bagay an hinahagad sato ngonian: an pagpamibi, pag-ayuno, asin pagheras. An mga
gaweng ini makapag tabang sato tanganing maitao niato an satong sadiri sa panahon na ini. Sa
pagpamibi pinapararom niato an satong pagtubod asin pakipagrelasyon sa Dios. Sa pag-ayuno, an
pagsayuma sa mga kinabanon na buhay tanganing mas paurugon niato an pagsarig sa karahayan nin
Dios. Asin pagheras, iyo an pagmangno niato sa mga pangangaipo kan satong kapwa.
ANTIFONA SA PAGLAOG: Naheherak ka sa gabos, Kagurangnan, asin mayo kang kina-ongis sa

mga ginibo mo, mantang pinapasipara an mga kasalan nin mga tawo tanganing sinda magsolsol asin
pinapatawad sinda, ta ika an Kagurangnan samuyang Dios. (Kad 11,24-25.27)
Dai ginigibo an gawe nin pag-solsol.
C OLECTA: Warasan samo, Kagurangnan, na pônan sa paagi nin mga banal na pag-
ayuno an mga tabang nin Cristianong kusog, tanganing sa paglaban tumang sa mga
espiritual na karatan mapakusog kami kan mga kalasag nin pagsayuma sa sadiri. Huli
ki Jesu Cristong Kagurangnan niamo, saimong Aki, na kaiba mong nabubuhay asin
naghahade, kasarô kan Espiritu Santo, Dios, sa gabos na kapanahonan kan mga panahon.
Amen.
E NOT NA BABASAHON
Joel 2: 12-18
Sa oras nin mga pagbalo asin kahorasaan kaipuhan an pagsolsol asin pagrani sa Dios. Ini an mensahe
sato kan enot na babashon. Si Profeta Joel sa enot na babasahon nangapodan nin pagsolsol tanganing
sinda mailigtas sa ano man na kapahamakan.
Pagbasa hale sa Libro ni Profeta Joel
I
ni an sabi nin Kagurangnan: “Ngonian, magbalik kamo sako sa bilog nindong puso;
mag-ayuno, magtangis, magsolsol; runota nindo an saindong puso, bakong an saindong
mga gubing.” Magbalik kamo sa Dios na saindong Kagurangnan; huli ta siya maugayon
asin maheherakon, maluway sa pag-anggot, pano nin pagkamoot, andam sa pag-patawad.
Siisay an nakakaisi kun siya mabalik asin maheherak, dangan mawalat nin bendicion sa
saiyang pag-atang asin inomon na dolot sa Kagurangnan na saindong Dios? Patanoga an
trumpeta sa Sion, magharubay nin pag-ayuno, mag-apod nin dakulang pagtiripon, tiponon an
1
Misal na Bikol | Taon C MIERCOLES DE CENIZA
banwaan, pakabanalon an katiponan, magtiripon an mga gurang, an mga aki, sagkod an mga
nagpapasuso. An nobyo paluwason; asin siring man paluwason an nobya. Sa pag-ultanan kan
pintoan asin kan altar magtangis an kapadian, an mga ministro nin Kagurangnan; magsabi
sainda: “Patawada an saimong banwaan, Kagurangnan, hare pagdaraha sa kasupogan an
saimong pamana, na magin ngingisihan nin mga banwaan. Tadaw ta pagsabihon kan mga
banwaan: ‘Haen an saindong Dios?’” Dangan an Kagurangnan nagmakulog sa saiyang daga;
naherak sa saiyang banwaan.
S ALMO RESPONSORIO
Salmo 51: 3-4, 5-6, 12-13, 14, 17
Maherak ka, Kagurangnan, ta kami nagkasala.
1. Huli kan saimong pagkamarahayon, kaheraki ako, O Dios; Huli kan saimong
pagkamaugayon, paraa an sakong kasalan. Hugasi ako kan maraot na sakong naginibo,
asin sa sakong kasalan linigi ako. (S)
2. Midbid kong gayo an sakong kasombikalan; an sakuyang kasalan danay na uya sa

atubangan ko. Nagkasala ako saimo, sa saimo sana nanggad, an maraot sa saimong
paghiling iyo an ginibo ko. (S)
3. Pusong malinig lalanga sako, O Dios; Espiritung maimbod itao mo sako. Hare ako
pagsikwalan sa atubang mo, hare paghalea sa sako an saimong banal na Espiritu. (S)
I KADUWANG BABASAHON
2 Cor 5: 20 - 6:2
An pagdusay ni Cristo kan saiyang buhay nagtao nin kaligtasan asin biyaya sato. Kita napatawad kan
satong mga pagkakasala asin nakipag-ulian sa Dios. Pahalagahan niato an biyayang ini asin lugod
magrarom an satong pagkamoot ki Cristo. Huli saiya kita nagkaigwa nin buhay, buhay na daing
kasagkoran.
Pagbasa hale sa Ikaduwang Surat ni San Pablo sa mga taga-Corinto
M
ga tugang, kami mga sinugo ni Cristo: Pinapaagi samo an pakiolay nin Dios sa
saindo. Sa ngaran ni Cristo sinasabihan mi kamo: Makipag-olian kamo sa Dios. An
daing kasâlan ginibong kasâlan dahil sato, tanganing sa saiya kita magin katanosan
nin Dios. Bilang mga katabang ni Cristo, kami nakikimaherak na an biyaya nin Dios dai nindo
pagsayangon. Sinabi niya: Sa panahon nin biyaya dinangog taka, sa aldaw nin kaligtasan
tinabangan taka (Is. 49:8). Uya an panahon nin biyaya: Uya na an panahon nin kaligtasan.
2
PAGROKYAW: Kun ngonian madangog nindo an saiyang tingog,

hare nindo pagpatagasa an saindong puso.
E
V
VANGELIO
Mateo 6:1-6, 16-18
An Kagurangnan mapasaindo.
R Asin sa saimong espiritu.
V +Pagbasa kan Evangelio na sinurat ni SAN MATEO.

R Kamurawayan saimo, Kagurangnan.
A
n mga gibong herak dai nindo paggibohon sa atubang nin mga tawo nganing mahiling
ninda; kun siring, dai na kamo babalsan kan saindong Ama sa langit. Kaya, kun ika
maglimos, dai mo ipagtrompeta: iyan an gibo kan mga hipocrita sa sinagoga asin sa
tinampo, tanganing pag-omawon kan mga tawo. Totoong sinasabi ko saindo: inako na ninda
an balós. Alagad kun ika maglimos, dai mo ipagpaisi sa walá an ginigibo kan too: ihilom mo
an limos, tanganing balsan ka kan saimong Ama na nakakahiling kan gabos na gibong hilom.
Kun kamo magpamibi, dai mag-arog sa mga hipocrita, an gustong magpamibi nakatindog sa
mga sinagoga asin sa mga tinampo nganing mahiling kan mga tawo. Sinasabihan ko kamo:
inako na ninda an balós. Alagad kun ika magpamibi, lumaog ka sa kwarto, maminto ka asin
mamibi sa saimong Ama na yaon sa hilom, asin babalsan ka kan saimong Ama na nakakahiling
kan gabos na gibong hilom. Kun kamo mag-ayuno, dai kamo magmurusdot, arog kan mga
hipocrita na minamurusdot sa pagpahiling na sinda nag-aayuno. Totoong sinasabi ko saindo.’
inako na ninda an balós. Alagad kun kamo mag-ayuno, bugtakan nindo nin pahamot an
saindong payo, labaran nindo an saindong lalawgon: dai nin makakahiling na kamo nag-
aayuno, kundi an saindong ama na yaon sa hilom, asin babalsan kamo kan saindong Ama na
nakakahiling sa hilom.
V Marhay na Bareta kan satong Kagurangnan.
R Pag-omaw saimo, Cristo.
PAGBENDICION ASIN PAGBUGTAK KAN ABO

Pakatapos kan homilia, an padi nakatindog, an mga kamot nakabendito, nagsasabi:
Namomotan kong mga tugang, magngayo-ngayo kita sa Dios Ama, na magkanigong
bendicionan kan gracia niyang nagsusûpay an mga abong ini, na satong binubugtak
sa satuyang payo bilang tanda nin pagsolsol.
Asin pakatapos nin halipot na pamibi na toninong,nakadupa,mapadagos:
O Dios, ika na napapalodok an boot nin pagpakumbaba asin napapa-olian nin
pagpenitencia, himatea kan saimong kabootan an samong mga pamibi asin sa mga
sorogoon mong tinandaan sa pagbugtak kaining mga abo, kaheraking warasi kan
gracia kan saimong bendicion,+ tanganing, sa pagsunod sa gawe nin Cuaresma,
magkanigong makaabot sa pagcelebrar sa malinig na boot kan misterio pascual
kan saimong Aki. Huli ki Cristo samong Kagurangnan. Amen.
3
Misal na Bikol | Taon C MIERCOLES DE CENIZA
O:
O Dios, ikang nagmamawot bako kan kagadanan kundi kan pagbakle nin mga
parakasala, kaheraking hinanyoga an samong mga pamibi, asin magkanigong
bendicioni + ining mga abo na binoot ming ibugtak sa samuyang payo, tanganing,
kaming nagmimidbid na kami abo asin sa alpog mabalik, makayang magkamit, sa
paagi nin pagmaigot sa gawe nin Cuaresma, kan kapatawadan nin mga kasalan
asin kan bagong buhay sosog sa ladawan kan saimong Aking nabuhay liwat. Siya
na nabubuhay asin naghahade sa kapanahonan kan mga panahon. Amen.
Dangan, mayong sinasabi, winiwirikan an mga abo nin agua bendita. Pakatapos an padi magbugtak kan abo sa gabos na
yaon na nagdudulok saiya, nagsasabi sa lambang saro:
Magsolsol, asin magtubod sa Marahay na Bareta.

O:
Giromdoma, tawo, na ika alpog asin sa alpog mabalik.

Dai pinapamibi an Nagtutubod.
PAMIBI NIN BANWAAN

P Hagadon niato mga tugang an orog na mahalaga: an kaligtasan nyato sa kasalan.
Darhon niato sa Dios na makakamhan an kahagadan na ini nin huli ta siya sana
an makakaligtas sato sa kasalan asin sa bunga kaini, an kagadanan. Sa lambang
kahagadan, sabihon nyato:
Kagurangnan, hinanyoga an samong pamibi.

1. An satuyang Santo Papa, si Francisco, bilang sinugo nin Dios dai mapagal asin panluyahan
nin boot sa pag-apod sa gabos na makipag-olian sa Dios. Mamibi kita.
2. An satuyang Obispo, asin mga kapadian, sa Panahon nin Cuaresma, orog man magtalubo
sa pagkamoot ki Cristo asin sa saiyang simbahan. Mamibi kita.
3. An satuyang parokya, na kita magin tanda sa katawohan, na sa pakipag-olian sa Dios, kita
mas nagigin orog na boronyog asin epektibong instrumento kan pagkasararo sa banwaan
sa tahaw kan pagkaka-iba-iba. Mamibi kita.
4. Na an satuyang mga tugang na nag-aandam sa pag-ako ki Cristo sa Sacramento nin
Bonyag, orog man na magrarom an pakamidbid sa dakulang pagkamoot nin Dios sa
sainda. Mamibi kita.
P O Dios na makakamhan, hinanyoga an samong pamibi. Huli man sana sa cruz ni
Cristo, ligtasan kami sa kasalan asin kagadanan na daing katapusan. Darhon mo
kami sa buhay na daing kasagkoran, huli ki Cristo na samong Kagurangnan. Amen.
P AMIBI SA MGA DOLOT: Kagurangnan, kaming nag-aarang, solemneng nagdodolot

kan sacrificio sa pagpoon kan Cuaresma, tanganing sa mga gawe nin penitencia asin
pagkamoot, makapugol kami sa mga maraot na kaogmahan, asin, nalinigan kan mga
4
kasalan, magkanigo kaming magin maimbod sa pagcelebrar kan pasion kan saimong Aki.
Siya na nabubuhay asin naghahade sa kapanahonan kan mga panahon. Amen.
PREFACIO
Totoong maninigo asin dapat, matanos asin nakakaligtas, na danay asin minsan saen
magpasalamat kami saimo: Kagurangnan, banal na Ama, Dios na makakamhan na daing
kasagkoran huli ki Cristo na samong Kagurangnan:
Na sa apat na polong aldaw, nag-aayuno sa mga kinabanon na kakanon, pinabanal niya
ining kaugalian, sa paagi nin pag-ayuno; asin naglilikay sa gabos na padagka kan halas
kaidtong panahon, natukdoan kaming daogon an kalapaán nin karatan, tanganing sa
pagcelebrar kan misterio pascual sa banal na paghorop-horop, katapus-tapusi makabalyo
kami sa daing sagkod na Pascua.
Kaya kaiba kan kadakul-dakul na Angeles asin Santos, nag-aawit kami saimo kan himno
nin kaomawan, daing tapos na nagsasabi: (Banal, Banal, Banal...)
ANTIFONA SA COMUNION: An naghohorop-horop kan tugon nin Kagurangnan aldaw asin

banggi, mabunga sa tuig na panahon. (Cf.S1,2-3)
P AMIBI PAKA-COMUNION: Kagurangnan, makatabang samo, an mga

sacramentong tinao mo, tanganing an samuyang mga pag-ayuno magin maninigo
saimo, asin magpaomay samo. Huli ki Cristo samong Kagurangnan. Amen.
SOLEMNENG BENDICION
V O Dios, kaheraking pabulosa an espiritu nin pagsolsol sa mga mapakumbaba sa
atubang kan kadakulaan mo, asin kaheraking magkanigo sindang magmawot kan
mga premiong panuga sa mga nagsosolsol. Huli ki Cristo samong Kagurangnan
R Amen.
V Bendicionan kamo nin Dios na makakamhan: Ama, asin Aki, + asin Espiritu Santo.
R Amen.
5
Misal na Bikol | Taon C ENOT NA DOMINGO NIN CUARESMA
ENOT NA DOMINGO NIN CUARESMA

Marso 6, 2022
M
inalaog kita sa mabalaog na panahon nin Cuaresma kun saen inaapodan kitang magsolsol
kan satong mga kasâlan, paghingowahan an mga gibong herak orog na para sa mga dukha,
asin mag-andam kan sadiri para sa pagbâgo kan satuyang mga panuga sa bonyag sa
maabot na Vigilia Pascual. Sa satuyang mga babasahon ngonian na Enot na Domingo nin Cuaresma,
ipinapahiling an bílog na kaimbodan asin pagsarig ni Jesus sa saiyang Ama sa langit kan siya nag-
ayuno sa lantad dangan pinagsugotan kan demonio—sarong bagay na dai ta nahiling sa mga Israelita
kan sinda man nagbaklay sa lantad nin apat na polong taon.
ANTIFONA SA PAGLAOG: Aapodon niya ako, asin hihinanyogon ko siya; aagawon ko siya, asin
papamurawayon ko siya, asin papahalawigon ko an saiyang mga aldaw. (S 90,15-16)
C OLECTA: O Dios na makakamhan, warasan samo, na huli kaining taon-taon na

gawe kan sacramento kan Cuaresma, magtalubo kami sa pagkasabot kan misterio ni
Cristo asin maka-arog sa mga bunga kaini sa angay na pagkabuhay. Huli ki Jesu Cristong
Kagurangnan niamo,saimong Aki, na kaiba mong nabubuhay asin naghahade, sa kasarô
kan Espiritu Santo, Dios, sa gabos na kapanahonan kan mga panahon. Amen.
E NOT NA BABASAHON
Deuteronomio 26:4-10
Sa Enot na Babasahon, si Moises nagtataram sa mga Israelita sa kataposan kan saindang apat na
polong taon nin pagbaklay sa lantad asin inaandam sinda para sa bâgong buhay sa Dagáng Panuga.
Ini man an hinahagad sato kan panahon nin Cuaresma, na maghorop-horop asin magbâgong-buhay.
Pagbasa sa Libro nin Deuteronomio
S
i Moises nagsabi sa banwaan: kukuahon kan padi an basket nin tinagba sa saimong
kamot asin ibubugtak sa atubang kan altar nin Kagurangnan na saimong Dios.
Dangan sa atubangan nin Kagurangnan na saimong Dios, ika mataram: “An sakong
Ama sarong Arameong parabaklay: nagpa- Egipto asin nakihimanwa duman. Dikit sa bilang,
alagad duman nagdakul, naging banwaan na dakula asin mapangyari. Pinadusahan kami asin
pinasakitan kan mga taga-Egipto: pinasakitan sa makuring kaoripnan. Nag-agrangay kami
sa Kagurangnan, Dios nin samong mga magurang, asin an samong inagrangay dinangog nin
Kagurangnan. Nahiling niya an samong pagtios, kahorasaan asin kaoripnan. Sa saiyang dakulang
kapangyarihan kinua kami digdi asin itinao samo an dagang ini: daga na naglalangoy sa gatas
asin tangguli, asin uya idinodolot ko ining mga tinagba, mga enot na bunga kan daga na itinao
mo sako, Kagurangnan. Dangan ibubugtak mo an mga iyan sa atubang nin Kagurangnan na
saimong Dios asin samong sasambahon. Dangan ika asin an saimong familia, kaiba kan mga
Levita asin mga dayuhan na yaon saindo, mag-ogma huli kan gabos na karahayan na tao
saimo nin Kagurangnan na saimong Dios.
6
ENOT NA DOMINGO NIN CUARESMA Misal na Bikol | Taon C
S ALMO RESPONSORIO
Salmo 91: 1-2.10-11.12-13.14-15
Ibanhi ako, Kagurangnan, kun ako nasa kasakitan.
1. An nag-eerok sa lindong nin Orog Kahalangkaw, An yaon sa anino nin Dios na

Makakamhan minasabi sa Kagurangnan: “Sakong paalawan, sakong balwarte, Dios na
sakong sinasarigan!” (S)
2. Mayong karatan na makakaabot saimo, mayong helang na makakarani sa harong mo.

Huli saimo tinugon niya an saiyang mga anghel na bantayan ka sa gabos mong lalakawan.
(S)
3. Dadarhon ka ninda sa saindang mga kamot, tanganing dai ka masingkog sa kagapoan,

Leon asin halas matutungtungan mo, ugbon na leon asin dragon babantayan mo. (S)
4. Siya namomoot sako, kaya ililigtas ko siya; Midbid niya an ngaran ko, kaya susurogon ko.
Aagawon ko siya kun nasa kahorasaan, Asin itatao ko saiya an kamurawayan. (S)
Roma 10:8-13
Sa Ikaduwang babasahon, ipinapamidbid ni San Pablo an sarong Dios na nakakasakop sa gabos asin
daing pinapalaen na Judío asin Griego. Sarong kasusupgan kun kita mismo an nag-oolang sa satuyang
kapwa na makinabang sa nakakaligtas na mga gracia diyan ki Cristo na nagadan para sa kaligtasan
kan gabos.
Pagbasa hale sa Surat ni San Pablo sa mga Taga-Roma
M
ga tugang, ano an nasasabi sa kasuratan? Harani saimo an tataramon: yaon sa
saimong ngoso asin sa saimong puso: boot sabihon an tataramon nin pagtubod
na satuyang ipinagrokyaw. Kun an saimong ngoso magpahayag na si Jesus iyo an
Kagurangnan asin kun an saimong puso magtubod na si Jesus binuhay-liwat nin Dios sa mga
gadan, ika makakaligtas. Kun todok sa puso na ika magtubod, ika magkakamit nin katanosan.
Kun tunay sa ngoso ika magpahayag, ika magkakamit nin kaligtasan. Nasasabi sa kasuratan;
An nagtutubod saiya dai ipapasupog. Daing pinapalaen na Judío asin Griego: gabos sakop
nin saro sanang Kagurangnan, mayaman para sa gabos na nag-aarang saiya, huli ta an gabos
na nag-aapod kan ngaran nin Kagurangnan makakaligtas.
7
VERSO: Bako sanang sa tinapay nabubuhay an tawo,

kundi man sa tataramon na gikan sa ngoso nin Dios. (Mateo 4:4)
E
V
VANGELIO
Lucas 4:1-13
V +Pagbasa kan Evangelio na sinurat ni SAN LUCAS.

S i Jesus nagbalik sa Jordan pano kan Espiritu Santo. Dinara siya kan Espiritu sa lantad
asin duman pinagsugotan kan demonio. Sa laog nin apat na polong aldaw dai
nagkakan asin pakatapos nagutom. Dangan an demonio nagsabi: “Kun ika Aki nin
Dios, giboha na an gapong ini magin tinapay. Si Jesus nagsimbag: “Nasusurat: Bako lang sa
tinapay nabubuhay an tawo.” Dangan dinara siya kan demonio sa itaas, ipinahiling saiya an
gabos na kahadean nin kinaban asin nagsabi: “Sa saimo itatao ko ini gabos na kapangyarihan
asin kamurawayan: ini itinao sako asin sakuyang itatao sa kiisay man na boot kong tawan:
ini gabos saimo na kun lumuhod ka asin sambahon mo ako.” Si Jesus nagsimbag: “Nasusurat:
Sambahon mo an Kagurangnan mong Dios asin siya sana an saimong paglilingkodan.” Dangan
dinara siya sa Jerusalem asin ibinugtak sa alitoktok kan simbahan asin nagsabi: “Kun ika Aki
kan Dios, lumampaw ka huli ta nasusurat: Tutugonon niya an saiyang mga angeles nganing
atamanon ka asin bantayan: siring man, dadarahon ka sa saindang mga kamot nganing an
saimong mga bitis dai masingkog sa mga gapo.” Si Jesus nagsimbag: “Nasa tugon: Dai ka
magsugot sa Kagurangnan mong Dios.” Pagkatapos kaining mga sugot, binayaan siya kan
demonio .
PAMIBI NIN BANWAAN

P Magrani kita sa Dios ngonian na panahon nin Cuaresma. Hagadon niato na tabangan
kita sa dalan nin pagbagong-buhay. An satong simbag:
Maherak ka samo, Kagurangnan.
1. An bilog na Simbahan, tanganing an Marhay na Bareta nin kaligtasan danay na saindang

iharubay sa gabos na katawohan. Mamibi kita.
2. An mga lideres sa bilog na kinaban, tanganing hingowahon na maitao sa gabos an pag-
uswag bako sana sa pisikal asin materyal na bagay, kundi orog na sa moral asin espiritual.
Mamibi kita.
8
ENOT NA DOMINGO NIN CUARESMA Misal na Bikol | Taon C
3. An padagos na nagtitios sa ano man na mga dahilan, tanganing atamanon kan mga
komunidad nin may pagkamoot asin pagmakulog huli sa tugon ni Cristo. Mamibi kita.
4. An gabos na parakasala, orog na idtong matagas an conciencia, tanganing sa tabang kan

saindang kapwa mamatean an pangapodan nin pagbakle sa katotoohan asin katanosan.
Mamibi kita.
5. Para sa mga tugang niato na nasa ibang nacion, mapakusog man lugod kan pagkamoot
nin Dios an saindang buhay ta sinda harayo sa saindang familia. Mamibi kita.
P Kagurangnan, warasan an pagkaherak sa samo na nagtitios asin nahohorasa huli

sa gabat nin kasalan. Tabangi kami na makapagsolsol nin matanos. Huli ki Cristo
samong Kagurangnan. Amen.
P AMIBI SA MGA DOLOT: Kagurangnan, namimibi kami, giboha kaming angay

asin maninigong magdolot kaining mga atang, na huli kaini nagcecelebrar kami
kan kapinonan kaining ginagalang na panahon kan sacramento. Huli ki Cristo samong
Kagurangnan. Amen.
PREFACIO
Na sa apat na polong aldaw, nag-aayuno sa mga kinabanon na kakanon, pinabanal niya

ining kaugalian, sa paagi nin pag-ayuno; asin naglilikay sa gabos na padagka kan halas
kaidtong panahon, natukdoan kaming daogon an kalapaán nin karatan, tanganing sa
pagcelebrar kan misterio pascual sa banal na paghorop-horop, katapus-tapusi makabalyo
kami sa daing sagkod na Pascua.
Kaya kaiba kan kadakul-dakul na Angeles asin Santos, nag-aawit kami saimo kan himno
nin kaomawan, daing tapos na nagsasabi: (Banal, Banal, Banal...)
ANTIFONA SA COMUNION: An tawo nabubuhay bako sanang sa tinapay, kundi sa lambang

tataramon na gikan sa ngoso nin Dios. (Mateo 4,4)
9
P AMIBI PAKA-COMUNION: Kagurangnan, namimibi kami, na kaming nabasog

kan langitnon na tinapay, na huli kaini an pagtubod pinapakusog, an paglaom
pinapapusog, asin an pagkamoot pinapa-orog, tanganing makanood kaming magutom
saiya, an buhay asin tunay na tinapay, asin mabuhay kami sa lambang tataramon na
minagikan sa saimong ngoso. Huli ki Cristo samong Kagurangnan. Amen.
SOLEMNENG BENDICION
V Kagurangnan, namimibi kami, pahiliga an labi-labing bendicion sa saimong banwaan,
tanganing mapapusog an paglaom sa panahon nin kahorasaan, mapakusog an
kabagsikan sa panahon nin sugot, mawarasan nin daing sagkod na pagtubos. Huli ki
Cristo samong Kagurangnan.
R Amen.
R Amen.
10
IKADUWANG DOMINGO NIN CUARESMA Misal na Bikol | Taon C
IKADUWANG DOMINGO NIN CUARESMA

Marso 13, 2022
”Ini an sakuyang Aki, sakuyang pinili: Himatea nindo Siya”; ini an mga tataramon na nadangog kan
mga disipulos kan nagtukad sinda ni Jesus sa bukid tanganing magpamibi. Sinda nagin saksi kan si
Jesus magbagong lalawgon asin kataed niya si Moises asin Elias. An panahon nin Cuaresma panahon
kan pagbagong buhay asin pagsolsol kan mga kasalan. Hagadon niato an gracia sa Mahal na Dios
na tabangan kita sa pagbago nin buhay asin darhon kita sa katanosan. Tanganing siring ki Abraham
na dayupot sa Kagurangnan, kita man magin dayupot saiya, asin danay na naghihimate ki Cristo
tanganing kita magin maninigong mga aki kan satuyang Ama sa langit.
ANTIFONA SA PAGLAOG: Sa lawog mo, Kagurangnan, napupungaw ako. Saimo nagsabi an

puso ko, naghanap ako kan lawog mo, hare pagtagoa sako an saimong lalawgon. (Cf.S 26,8-9)
C OLECTA: O Dios, nagtugon ka samo na hinanyogon an padangat mong Aki,

pagkanigoang pabasogon kami sa boot kan saimong tataramon, tanganing, huli
sa malinig na espiritual na pakasabot, mag-ogma kaming magmansay kan saimong
kamurawayan. Huli ki Jesu Cristong Kagurangnan niamo, saimong Aki, na kaiba mong
nabubuhay asin naghahade, kasarô kan Espiritu Santo, Dios, sa gabos na kapanahonan
kan mga panahon. Amen.
E NOT NA BABASAHON
Genesis 15:5-12.17-18
An Kagurangnan nanuga ki Abraham na an saiyang kapag-arakian magigin siring kadakul kan mga
bitoon sa kalangitan. Si Abraham nagdangog, nagin dayupot asin nagtubod sa Kagurangnan asin ini
an nagin saiyang katanosan.
Pagbasa sa Libro nin Genesis
S
i Abraham ilinuwas nin Kagurangnan asin sinabihan: “’Tumingkalag ka sa langit asin
bilanga an mga bitoon, kun mabibilang mo. Dangan idinagdag: “Magigin siring kaiyan
an saimong mga aki. Si Abraham nagtubod sa Kagurangnan asin ini an saiyang nagin
katanosan. Dangan nagsabi saiya: “Ako an Kagurangnan na nagkua saimo hale sa Ur nin
mga Caldeo, nganing masadirihan mo an daga na ini.” Alagad si Abraham nagsabi: “Dios na
sakong Kagurangnan, paano kong maaraman na ako an magigin kagsadiri kan daga na ini?”
Sinimbag nin Kagurangnan: “Daraha sako an baka na may tolong taon, salampati asin ugbon
nin salampati. Ini gabos dinara ni Abraham, binaraak asin pinaghampang an mga kabaak,
alagad an mga gamgam dai binaak. Mga uwak buminaba sa mga bangkay, asin binugaw.
Pagsolnop kan aldaw nangaturog na hararom si Abraham asin inabtan nin takot. Kan solnop
na an aldaw asin madiklom na nahiling an sarong omong nag-aaso na pinag baranga. Kan
aldaw na iyan an Kagurangnan nakipagtipan ki Abraham asin nagsabi: “Sa mga aki mo itatao
ko an daga na ini poon sa salog nin Egipto sagkod sa Dakulang Salog.”
11
Misal na Bikol | Taon C IKADUWANG DOMINGO NIN CUARESMA
S ALMO RESPONSORIO
Salmo 27:1.7-8.13-14
An Kagurangnan sakong ilaw asin kaligtasan.
1. An Kagurangnan sakong ilaw asin kaligtasan. Sisay an sakong matatakotan? An Kagurangnan

paalawan nin sakong buhay; sa kiisay ako matatakot? (S)
2. Kagurangnan, pag-apod ko an sakong tingog dangoga; maherak ka asin an sakong pamibi

simbaga. Dapit saimo an puso ko nagsabi; “Hanapa an saiyang lalawgon.” Saimong
lalawgon, Kagurangman, an hinahanap ko. (S)
3. Aram ko na an pagkamarahayon an hinahanap ko. Sakuyang mahihiling sa daga nin

Kagurangnan. Maglaom saiya, magdanay, pasarigon an puso. Maglaom sa Kagurangnan!
(S)
Filipos 3:17-4:1 o 3:20-4:1
Si San Pablo nagpapagiromdom sa satuya sa saiyang surat sa mga Taga-Filipos na padagos kitang
magsarig sa Kagurangnan, isikwal an mga bagay na kinabanon asin magin mga marahay asin matanos
na Cristiano mantang hinahalat niato an pagdatong kan satuyang Paratubos na si Jesu Cristo.
Pagbasa sa Surat ni San Pablo sa mga taga-Filipos
M
ga tugang, mag-arog kamo sako. Aroga nindo idtong mga nabubuhay susog sa
modelo na uya sa samo. Dayaday na sinabi ko na saindo kaidto, asin ngonian may
luha na sinasabi ko saindo giraray, kadakul an nabubuhay na mga kaiwal kan cruz
ni Cristo. Sinda talagang mapapakaraot. An kakanon saindang ginigibong dios; ipinapaabaw-
abaw an bagay na dapat ikasupog; pinapahalagahan an mga bagay na kinabanon. Alagad kita,
langit an satong banwaan, asin hale sa langit madatong an Paratubos na satong hinahalat,
si Jesu Cristong Kagurangnan. Siya an maliwat kaining satong makaherak-herak na hawak,
gigibohon niyang mamurawayon arog kan saiyang hawak sa bagsik kan kapangyarihan na
saiyang ginagamit sa pagsakop kan bilog na linalang. Kaya, mga tugang kong minamahal asin
namomotan, sakuyang kaogmahan asin sakuyang corona: magsarig, kamo sa Kagurangnan.
12
VERSO: Sarong tingog hale sa maliwanag na panganoron nagsabi:

Ini an sakuyang Aki, sakuyang namomotan, sakuyang padangat.
Himatea nindo siya. (Mateo 17:5)
E
V
VANGELIO
Lucas 9:28-36

I pinag-iba ni Jesus si Pedro, Juan asin Santiago sa sarong bukid tanganing magpamibi.
Kan siya nagpapamibi, an saiyang lalawgon nagbago asin an saiyang gubing nagkintab
sa kaputian. Dangan nagpahiling an duwang lalaki, si Moises asin si Elias, na nakikiolay
saiya dapit sa mangyayari saiya duman sa Jerusalem. Si Pedro asin an saiyang mga kairiba
nangaturog sa tungka, alagad nagimata asin nahiling an kamurawayan ni Jesus, asin an duwang
lalaki na kaibahan niya. Kan an mga ini mahale na, si Pedro nagsabi ki Jesus: Maestro, marhay
pa digdi na sana kita: mapagibo kita nin tolong harong-harong: saro saimo, saro ki Moises,
saro ki Elias. Dai aram ni Pedro kun ano an saiyang sinasabi. Mantang ini sinasabi niya, may
duminatong na panganoron na nakatahob sainda. Natakot sinda sa laog kan panganoron,
asin hale sa panganoron sarong tingog nagsabi: “Ini an sakuyang aki, an sakuyang pinili;
himatea nindo siya!” Pakataram kan tingog, si Jesus na sana an saindang nahiling. An mga
disipulos dai nagtaram, dai ipinag- osip sa kiisay man an saindang nahiling sa oras na idto.
PAMIBI NIN BANWAAN

P Ngonian na Panahon nin Cuaresma, magdolot kita nin mga pamibi sa Dios tanganing
tabangan kita sa pag-andam kan satong mga sadiri sa pagromdom kan Pascua. An
satong simbag:
Kagurangnan, mapasamuya an kahadean mo.
1. An Simbahan, tanganing an saiyang mga namamayo magmaisog sa tunay na pagbago,

tanganing ikapaabot an Tataramon nin Dios sa mga tawo ngonian na panahon. Mamibi
kita.
2. An mga namamayo nin kinaban asin nin satuyang banwaan, tanganing hingowahon an
karahayan nin gabos, karahayan sa hawak asin kalag. Mamibi kita.
13
Misal na Bikol | Taon C IKADUWANG DOMINGO NIN CUARESMA
3. An mga nagtitios sa hawak asin sa kalag, huli sa helang, pag-api, asin pagpasakit, tanganing
sa bagsik kan evangelio ni Cristo mabago an saindang buhay. Mamibi kita.
4. Kita gabos na tiripon digdi, tanganing magbagong buhay ki Cristo, asin makatabang sa
pagbago kan kinaban. Mamibi kita.
P Dios na Kagurangnan sa panahon na ini nin Cuaresma, warasan samo an gracia na

magin mahuyo, mapakumbaba, asin maimbod sa saimo asin andam sa pagtabang sa
tugang na nangangaipo. Huli ki Cristo na samuyang Kagurangnan. Amen.
P AMIBI SA MGA DOLOT: Kagurangnan, namimibi kami, na ining sacrificio maglinig

kan samuyang mga kasalan, asin sa pagcelebrar kan fiesta pascual, magpabanal kan
hawak asin kalag kan saimong mga paratubod. Huli ki Cristo samong Kagurangnan.
Amen.
P REFACIO
Dapit sa Pagbâgong Anyo kan Kagurangnan.

Ta, pinatanidan an mga disipulos kan saiyang kagadanan, siya nagpahiling sainda sa
banal na bukid kan saiyang kamurawayan, tanganing, patí sa mga pagsaksi kan tugon asin
mga profeta, ipasabot na huli kan Pasion makakamtan an kamurawayan nin pagkabuhay-
liwat.
Kaya, kaiba kan mga Virtudes sa kalangitan, padagos kaming nagcecelebrar saimo sa
daga kan saimong kadakulaan, daing ontok na nagrorokyaw: (Banal, Banal, Banal...)
ANTIFONA SA COMUNION: Ini an Aki kong padangat, sa saiya ako naoogmang marahay; siya
hinanyoga nindo. (Mt 17,5)
P AMIBI PAKA-COMUNION: Kagurangan, kaming nag-aako kan mga mamurawayon

na misterio, naghihingowa sa pagpasalamat saimo, ta, mantang uya pa sa daga, kami
tinugotan mo dawà ngonian na makisumaro sa mga bagay na langitnon. Huli ki Cristo
samong Kagurangnan. Amen.
14
SOLEMNENG BENDICION
V Kagurangnan, danay na bendicioni an saimong mga paratubod, asin giboha sindang
siring kaimbod sa Marahay na Bareta kan Bogtong mong Aki, kaya lugod makaya
nindang padagos na magmawot asin maogmang makaabot sa kamurawayan na an
kagayonan niya pinahiling sa mga Apostoles. Huli ki Cristo samong Kagurangnan.
R Amen.
R Amen.
15
Misal na Bikol | Taon C IKATOLONG DOMINGO NIN CUARESMA
IKATOLONG DOMINGO NIN CUARESMA

Marso 20, 2022
T
inatawan ni Jesus nin kasimbagan an mga masakit na kahapotan manunungod kan mga
trahedya sa buhay nin tawo. An pagsolsol kan kasalan sarong bagay na mahalaga sa buhay
nin tawo ta ini an magtatao nin dalan sa pagbabagong buhay. Sa Evangelio, ipinapasabot na
biláng sana an satuyang mga aldaw digdi sa kinaban, tangani na magkaigwa kita nin kadonongan.
Pinapasabot ni Jesus na maabot an kagadanan asin paghukom sa gabos, kaya kaipohan ihanda an
sadiri sa paagi kan pagsolsol sa mga kasálan asin makipag-olian sa kapwa asin sa Kagurangnan.
ANTIFONA SA PAGLAOG: An sakong mga mata danay na yaon sa Kagurangnan, ta linikay niya
an mga bitis ko sa hipà. Magsalingoy ka sako asin kaheraki ako, ta solo ako asin dukhâ. (S 24,15-16)
C OLECTA: O Dios, ginikanan kan gabos na pagkaherak asin gabos na karahayan,

na nagtukdo kan mga bayad sa kasalan sa pag-ayuno, pagpamibi asin paglimos,
kaugaying hilinga an pagpahayag kan samong kapakumbabaan, tanganing, kaming
pinakumbaba kan samong conciencia, danay na paitaason kan saimong pagkaherak.
Huli ki Jesu Cristong Kagurangnan niamo, saimong Aki, na kaiba mong nabubuhay asin
Amen.
E NOT NA BABASAHON
Exodo 3:1-8,13-15
An pagpahiling nin Dios kan saiyang sadiri ki Moises sa paagi kan kalayo sa tahaw kan sadit na kahoy
diretsong paghiro kan Mahal na Dios. Inapod nin Dios si Moises, sinugo niya na bumalik sa Egipto
asin kay Faraon tanganing tawan nin katalingkasan an mga Israelita sa pagkaoripon.
Pagbasa sa Libro nin Exodo
S
i Moises nagbantay kan mga karnero ni Jetro na saiyang panugangan, padi sa Median.
Dinara niya an mga karnero sa ibong kan kadlagan asin nakaabot sa Horeb, bukid
nin Dios. An angel nin Kagurangnan nagpahiling saiya sa laad kan kalayo sa tahaw
kan sadit na kahoy. Nahiling ni Moises na an kahoy naglalaad, alagad dai napupuspos.
“Maduman ako”, olay niya, “asin hihilingon ko kun tadaw ta an kahoy dai natututong.” Kan
mahiling nin Kagurangnan na si Moises nagduman, inapod nin Dios hale sa kahoy: “Moises,
Moises!” “Uya, po”, simbag ni Moises. Dangan sinabihan: “Dai ka magrani: halea an sapin
sa saimong bitis, banal an daga na saimong natitindogan. Ako an Dios nin saimong ama,
Dios ni Abraham, Dios ni Isaac asin Dios ni Jacob.” Tinakpan ni Moises an saiyang lalawgon:
natakot siyang magtingkalag sa Dios. Dangan an Kagurangnan nagsabi; “Nahiling ko an
pagtios nin sakong banwaan sa Egipto: sakong nadangog an saindang inagrangay; aram ko an
saindang mga kasakitan, asin napadigdi ako sa pagligtas sainda sa kamot nin mga taga-Egipto
asin sa pagdara sainda hale sa Egipto pasiring sa daga na mayaman asin mahiwas: daga na
naglalangoy sa gatas asin tangguli.” Dangan si Moises nagsabi sa Dios: “Kun dumanon ko an
banwaan nin Israel asin sabihon ko sainda, asin kun sinda maghapot “Ano an saiyang ngaran?
Ano an isisimbag ko sainda?” An Dios nagsabi ki Moises. “Ako iyo Ako. Ini an sabihon mo sa
banwaan nin Israel. Ako iyo an nagsugo saimo sainda.” Sinabi man nin Dios ki Moises,“Ini an
sabihon mo sa banwaan nin Israel: An Kagurangnan, Dios nin saindong mga magurang, an
16
IKATOLONG DOMINGO NIN CUARESMA Misal na Bikol | Taon C
Dios ni Abraham, Dios ni Isaac, asin Dios ni Jacob iyo an nagsugo sako saindo. Ini an ngaran
ko sagkod pa man: sa ngaran na ini ako gigiromdomon nin gabos na kapag- arakian.
S ALMO RESPONSORIO
Salmo 103:1-2.3-4.6-7.8.11
An Kagurangnan marahayon asin maheherakon.
1. Kalag ko, magpasalamat ka sa Kagurangnan, gabos na uya sako, omawon an saiyang

ngaran. Kalag ko, magpasalamat ka sa Kagurangnan, an gabos niyang balaog dai mo
paglingawan. (S)
2. Pinapatawad niya an gabos mong kasâlan, binubulong niya an gabos mong helang, an
buhay mo inaagaw niya sa lulubngan, ika saiyang namomotan asin naheherakan. (S)
3. Katanosan ginigibo nin Kagurangnan, sinusurog niya an gabos na pinapasakitan, An
saiyang dalan ipinahayag niya ki Moises, asin sa mga taga-Israel an saiyang mga gibo. (S)
1 Corinto 10:1-6,10-12
Sa Ikaduwang Babasahon, pinapatanidan ni San Pablo an mga taga- Corinto kan peligro kan pag-
abuso ninda sa mga espiritual na balaog na winaras sa sainda nin Dios. Boot ni San Pablo na
giromdomon ninda an mga nangyari sa mga Isarelita, an saindang mga ginikanan. Sa pangenotan
ni Moises, iniligtas sinda nin Kagurangnan sa kaoripnan sa Egipto, naglakaw sinda sa lindong kan
saiyang pagmangno asin pangataman, alagad an mga Israelita, dai nagsimbag asin dai nagsarig sa
gracia nin Dios kaya an saindang bangkay nagkawararak sa kalangtadan. Tinatáwan nin duon ni San
Pablo na an mga balaog na hale sa Dios may agyát na responsibilidad
Pagbasa sa Enot na Surat ni San Pablo sa mga taga-Corinto
M
ga tugang, boot kong romdomon nindo ini: an satong mga magurang gabos
nagsunod sa panganoron na nakakalindong sainda asin gabos nag-agi sa dagat.
Sinda gabos binonyagan ni Moises duman sa panganoron asin duman sa dagat
sinda gabos nagkakan kan kakanon na espiritual. Asin sinda gabos nag-inom kan inomon na
espiritual huli ta sinda gabos nag-inom sa gapong espiritual na nagsubaybay sa sainda: gapo
na iyo si Cristo alagad kadaklan sa sainda dai nagustohan nin Dios: asin an saindang mga
bangkay nagkahurutad sa lantad. Ini gabos nangyari bilang patanid para sa sato, na dai kita
maara sa maraot arog sainda. Dai kamo maggurumod-gumod siring kan ginibo nin nagkapira
sainda asin ginadan sinda kan Paragadan. Ini gabos nangyari sa sainda bilang patanid, asin ini
sinurat tanganing adalan ta na mga nabubuhay sa kataposan kan mga panahon.

17
VERSO: Olay nin Kagurangnan: “Magsolsol kamo

ta harani na an kahadean nin langit.” (Mateo 4:17)
E
V
VANGELIO
Lucas 13: 1-9
V +Pagbasa kan Evangelio na sinurat ni SAN LUCAS

S a oras na idto may nagkapirang duminatong, inosip ki Jesus na isinalak ni Pilato

an dugo kan mga taga-Galilea sa dugo kan mga atang na idinodolot ninda. Si
Jesus nagsabi sainda: “Sa paghona nindo an mga taga-Galileang idto orog na mga
parakasala ki sa iba, huli ta siring an saindang pagkagadan? Bako. Sinasabi ko saindo; na kun
kamo dai magsolsol, kamo siring man kaiyan magkakagaradan. Idtong sampolo may walo
na nagadan, nagabaan kan tore sa Siloe: sa paghona nindo, orog sindang may kasalan ki sa
ibang mga taga-Jerusalem? Bako, sinasabi ko saindo; asin kun kamo dai magsolsol, kamo man
gabos siring magkakagaradan.” Asin idinagdag ining parabola: “Sarong lalaki may baligang
na ipinatanom sa saiyang oma, naghahanap nin bunga asin daing nakua. Dangan nagsabi
sa nagtanom: “Nahiling mo: tolong taon na ako nin pagparadigdi sa paghanap nin bunga sa
baligang na ini asin dai akong nakukua. Paluda. Sa anong pakinabang an daga na saiyang
ginagamit?” Alagad an nagtanom nagsabi: “Kagurangnan, bayaan mo ngona sa taon na ini;
sakuyang gugudakon asin bubugtakan nin abuno, kun dai, paludon.”
PAMIBI NIN BANWAAN

P Mga tugang, nin huli ta sa satuyang sadiri dai kita makakaligtas, mamibi kita sa
satuyang langitnon na Ama, hagadon ta an saiyang pagkaherak. Sa lambang kahagadan,
ini an satong sabihon:
Kagurangnan, kaheraki kami.
1. An bilog na Banwaan nin Dios, tanganing makasunod ki Cristong ipinako sa cruz, dalan
nin satuyang kaligtasan, mamibi kita sa Kagurangnan.
2. An mga pamayo nin satuyang banwaan, tanganing paorogon an karahayan nin kagabsan
asin magdanay an katanosan asin katoninongan, mamibi kita sa Kagurangnan.
18
IKATOLONG DOMINGO NIN CUARESMA Misal na Bikol | Taon C
3. An mga naghehelang, asin mga nagtitios, tanganing pagianon ni Cristo an saindang mga
kasakitan asin pakusogon sa saindang mga pagtios, mamibi kita sa Kagurangnan.
4. Kita gabos na uya digi,tanganing ining simbahan galangan ta bilang harong nin Dios asin
harong nin pamibi, mamibi kita sa Kagurangnan.
P O Dios, samuyang paalawan asin kusog, kaheraki kami, hinanyoga an samuyang

pakimaherak. Hilinga an kamugtakan nin saimong banwaan,hare pabayae ata ngani
ampona asin suroga huli ki Cristo na samuyang Kagurangnan. Amen.
P AMIBI SA MGA DOLOT: Kagurangnan, huli kaining mga sacrificio, kaugaying

itugot mo, na kaming namimibing patawadon sa samong mga kasombikalan,
maghingowang magpatawad sa kapwa. Huli ki Cristo samong Kagurangnan. Amen.
P REFACIO I CUARESMA
An Espiritual na Kahulugan kan Cuaresma.

Huli ta ikinaugay mo sa mga nagtutubod saimo, na nalinigan an mga isip taon-taon,

maogmang maglaom sa mga Sacramento pascual, tanganing sa pag-utob kan mga
gaweng kabanalan asin gibong pagkamoot, sa dayaday na pagcelebrar kan mga misterio
na ikinamundag ninda liwat, madara sinda sa kapanoan kan gracia nin mga aki.
Kaya kaiba kan mga Angeles asin Arcangeles, kaiba kan mga Tronos asin Dominaciones,
asin kaiba kan gabos na langitnon na hukbo, nag-aawit kami kan himno kan saimong
kamurawayan, daing tapos na nagsasabi: (Banal, Banal, Banal...)
ANTIFONA SA COMUNION: An maya nakakuang harong niya, asin an balinsayawan nin salag,
na bubugtakan kan saiyang mga siyô. an mga altar mo,Kagurangnan nin mga hukbo, Hade ko asin
Dios ko. Paladan an mga nag-eerok sa harong mo, danay na mag-oomaw sinda saimo. (Cf.S 83,4-5)
P AMIBI PAKA-COMUNION: Kagurangnan, kaming nag-ako kan panuga nin mga

misteriong langitnon, asin uya pa sa daga nabasog na kan tinapay hale sa itaas,
mapakumbabang nag-aarang saimo, na an nangyayari samo sa paagi kan misterio,
mautob sa paagi kan gibo. Huli ki Cristo samong Kagurangnan. Amen.
19
SOLEMNENG BENDICION
V Kagurangnan, namimibi kami, pasunoda an puso kan mga paratubod mo, asin
magkanigong warasan sa mga sorogoon mo ining gracia, tanganing, an mga
nagdadanay sa pagkamoot saimo asin sa kapwa, mautob an kapanoan kan saimong
mga tugon. Huli ki Cristo samong Kagurangnan.
R Amen.
R Amen.
20
IKAAPAT NA DOMINGO NIN CUARESMA Misal na Bikol | Taon C
IKAAPAT NA DOMINGO NIN CUARESMA

Marso 27, 2022
“Magaya-gayang mag-ogma, kamong nagmundo, ta kamo magrorokyaw, asin kamo pababasogon
sa mga kagausan kan saindong karangahan”. Ngonian iyo an Ikaapat na Domingo sa panahon nin
Cuaresma asin ini inaapod na “Laetare Sunday.” Siring sa antifona ngonian sinasabihan kita na,
mag-ogma ta kita rarangahon kan pagkamoot nin Dios asin an saiyang pagkaherak magtatao nin
kaogmahan sa buhay. An misterio kan pagkagadan asin pagkabuhay ni Jesus nagtao sato kan kaligtasan
asin kaogmahan sa buhay. Sa padagos niatong pag-andam sa pagromdom kan misteryong ini, kita
gabos inaapodan na magsolsol asin makipag-olian sa Kagurangnan ta iyo ini an magigin agihan niato
sa buhay na daing kasagkoran.
ANTIFONA SA PAGLAOG: Mag-ogma, Jerusalem, asin magkaboronyog, gabos na namomoot

saiya; magayagayang mag-ogma, kamong nagmundo, ta kamo magrorokyaw,asin kamo pababasogon
sa mga kagausan kan saindong karangahan. (Cf.Is 66,10-11)
Dai pinapamibi an Kamurawayan.
C OLECTA: O Dios,na huli kan saimong Tataramon, makangalas mong ginibo an

pakipag-olian nin katawohan, warasan, namimibi kami, na sa hayag na devocion asin
marîgon na pagtubod, maghidali sa maarabot na solemnidad an Cristianong banwaan.
Huli ki Jesu Cristong Kagurangnan niamo, saimong Aki, na kaiba mong nabubuhay asin
Amen.
E NOT NA BABASAHON
Josue 5:9.10-12
Sa enot na babasahon, madadangog niato an manunungod sa mga Israelita na nagcecelebrar kan
fiesta nin Pasko na minatapos kan panahon ni Moises asin man kan saindang pagbaklay sa desierto.
Pagbasa sa Libro ni Profeta Josue
A
n Kagurangnan nagsabi ki Josue: “Ngonian hinale ko saindo an kasupugan na tinios
nindo duman sa Egipto”. Kan an Israelitas na sa Gilgal, inutob ninda an Pasko na
ikakag-apat na aldaw kan bulan pagkabanggi duman sa kapatagan sa Jerico. Pagkaaga,
pakatapos kan Pasko, kan aldaw man sanang idto, kinakan ninda an mga bunga kan daga:
mga tinapay na daing lebadura asin tinutong na mais, an manna tuminunong poon na sinda
nagkakan kan mga bunga nin daga. Huli ta mayo nang manna, an mga Israelitas nagkakan
kan hale sa daga kan Canaan, poon kan taon na idto.
21
Misal na Bikol | Taon C IKAAPAT NA DOMINGO NIN CUARESMA
S ALMO RESPONSORIO
Salmo 34:2-3.4-5.6-7
Namiti asin hilnga: an Kagurangnan marahayon.
1. Oomawon ko an Kagurangnan sa gabos na panahon, an saiyang kaomawan danay na uya

sa sakong ngoso. An Kagurangnan ipag-oogma nin sakong kalag, an mga mapakumbaba
mahimate asin maoogma. (S)
2. Ipagrokyaw niato an Kagurangnan, boronyog na ipagrokyaw niato an saiyang ngaran.

Hinanap ko an Kagurangnan asin dinangog ako; Sa gabos kong pagkatakot ilinigtas ako.
(S)
3. Maghiling kamo saiya asin kamo maliwanag, dai masupog an saindong lalawgon, an
dukha nag-apod; dinangog nin Kagurangnan, asin ilinigtas sa gabos na kahorasaan. (S)
2 Corinto 5:17-21
An Ikaduwang Babasahon manunungod sa estado kan pagigin apostol. Si Cristo iyo an minatao nin
kusog sa apostol tanganing mautob niya an saiyang katongdan.
Pagbasa sa Ikaduwang Surat ni San Pablo sa mga taga-Corinto
M
ga tugang, an sisay man na yaon ki Cristo, siya sarong bagong linalang; lihis na
an daan; ngonian bago na an gabos. Ini gabos gibo nin Dios: ibinalik kita nin
Dios sa saiya huli ki Cristo, asin itinao sato an ministerio nin pakikipag-olian. Huli
ta ki Cristo an kinaban ibinalik nin Dios sa saiya, dai sinala sa sainda an saindang mga
kasombikalan asin itinao sato an mensahe na kita ibinalik na sa Dios. Kami mga sinugo ni
Cristo: pinapaagi samo an pakiolay nin Dios sa saindo. Sa ngaran ni Cristo sinasabihan mi
kamo; makipag-olian kamo sa Dios. An daing kasalan ginibong kasalan huli sato, tanganing
sa saiya kita magin katanosan nin Dios.
22
VERSO: Mabangon ako, mapuli sa sakuyang Ama asin masabi ako saiya:
Ama, nagkasala ako sa Dios asin saimo.
E
V
VANGELIO
Lucas 15:1-3.11-32

A
n mga publicano asin mga parakasala nagrani sa paghinanyog ki Jesus. An mga fariseos asin
mga escribas naggurumod-gumod na sabi: “An tawong ini nag-ako kan mga parakasala
asin nagkakan sa kaibahan ninda.” Kaya, inosip ni Jesus sa sainda ining parabola. Sarong
lalaki igwa nin duwang aki. An nguhod nagsabi sa saiyang ama: “Ama, tawan sako an kabtang
kan pamana na manonongod sako.’ Binanga kan ama an mga rogaring sa sainda. Pagkalihis
nin nagkapirang aldaw, tinipon kan nguhod an gabos na nanonongod saiya, naglakbay sa
harayo asin duman ginamit an saiyang rogaring sa maraot na pamumuhay. Kan ubos na,
nagkaigwa nin makuring gutom asin nagpoon siyang makamate nin pangangaipo. Nagdolok
siya asin nagpatandan sa sarong taga-duman: isinubol siya na maglate asin magbahog knin
mga orig. An ipinagbabahog sa mga orig iyo an saiyang kinakakan huli ta mayo nin minatao
nin kakanon sa saiya. Ini saiyang napag-isip-isip asin nagsabi; “Pira sa mga sorogoon nin
sakuyang ama may tinapay na labi pa sa kaipohan ninda, mantang ako digdi magagadan
sa gutom. Mabangon ako, mapuli sa sakuyang ama asin masabi ako saiya: Ama, nagkasala
ako saimo, dai ako maninigo na apodon pang aki mo: giboha akong saro na lamang sa
saimong mga sorogoon.” Dangan nagbangon asin nagpuli sa harong nin saiyang ama: harayo
pa nahiling na kan ama asin naglumoy an puso. Duminalagan, kinugos an aki asin hinadokan.
An aki nagsabi; “Ama, nagkasala ako saimo; dai ako maninigo na apodon pang aki mo.”
Alagad an Ama nagtugon sa mga surugoon; “Luwasan an pinakamagayon na gubing asin
isulot saiya; an muro singsingan asin an mga bitis sapinan; kuaha an pinatabang baka asin
bunoon: magkakan asin mag-ogma, huli ta ining sakuyang aki nagadan asin nabuhay giraray;
nawara asin nagbalik giraray.” Asin saindang ipinag-ogma. An tugang na matua yaon sa oma.
Pagpuli, kan harani na sa harong, nadangog an tugtog asin sarayaw, ipinaapod an saro sa mga
sorogoon asin hinapot kun ano an nangyari. Sinimbag: “Nagpuli an saimong tugang, asin an
pinatabang baka pinabuno kan saimong ama, huli ta an saiyang aki nakabalik na marhay
asin buhay.” An tugang na matua naanggot alagad an ama nagluwas asin kinaolay.An aki
nagsimbag: “Hilnga, sa halawig na panahon na ako naglingkod saimo asin dai ko linapas ni
saro man lamang kan saimong pagboot dai mo ako tinawan nin sarong kanding na sakuyang
ikapag- ogma sa kaibahan kan sakong mga katood: alagad pag-abot kaining saimong aki
na nagpatunaw kan saimong sadiri sa mga maraot na babae, an pinatabang baka pinabuno
mo para saiya.” An Ama nagsabi saiya: ‘”Aki ko, ika danay na uya sako; an gabos na sakuya
saimo. Alagad matanos asin maninigo na satong ipag-ogma, huli ta ining saimong tugang
nagadan asin nabuhay giraray.”
23
Misal na Bikol | Taon C IKAAPAT NA DOMINGO NIN CUARESMA
PAMIBI NIN BANWAAN

P Mga tugang, mamibi kita sa satuyang langitnon na Ama, pano nin pagsarig asin
pagkamoot. Simbag:
Kagurangnan, kaheraki an saimong banwaan.
1. Para sa bilog na Simbahan, an komunidad ni Cristo, tanganing ini magin tanda sa katawohan
nin Dios nin pagkamoot, paglaom asin pagpatawad. Mamibi kita sa Kagurangnan.
2. Sa mga namamayo nin banwaan, tanganing sa saindang pagmakulog sa katanosan asin
katoninongan nin kagabsan makapaglingkod sinda sa gabos. Mamibi kita sa Kagurangnan.
3. Para sa mga biktima nin ralaban asin pagka-api, mga yaon sa bilanggoan, mga daing
harong, tanganing makakua sinda nin paglaom sa katanosan nin Dios. Mamibi kita sa
Kagurangnan.
4. Para sa sato gabos, tanganing an karahayan asin pagkamoot ni Jesus magin buhay asin
mahiling sa sato. Mamibi kita sa Kagurangnan.
P Dios na Kagurangnan, dayaday na namamatean mi an saimong pagkamoot. Himatea

an samong mga pamibi asin papagkanigoa kami sa saimong pagkamoot. Huli ki
Cristo na samuyang Kagurangnan. Amen.
P AMIBI SA MGA DOLOT: Kagurangnan, kaming mapakumbabang namimibi,

maogmang nagdodolot kan mga atang nin bulong na daing sagkod, tanganing gibohon
mo kaming maimbod na magpahalaga sainda man sana asin maninigong magdolot sainda
para sa kaligtasan kan kinaban. Huli ki Cristo samong Kagurangnan. Amen.
P REFACIO II CUARESMA
An Espiritual na Pagpenitencia.

kasagkoran:
Tanganing ikabalik sa mga aki mo an kalinigan nin mga isip, nagtalaan ka nin mabiyayang
panahon, na, an isip talingkas sa mga maraot na kamawotan, pakinabangan ninda an
mga agi sanang bagay, tanganing magdayupot sa mga nagdadanay.
Kaya, kaiba kan gabos na Santos asin Angeles, sarabay kaming nag-oomaw saimo, daing
tapos na nagsasabi: (Banal, Banal, Banal...)
24
ANTIFONA SA COMUNION: Dapat kang mag-ogma, aki ko, ta an tugang mo nagadan, asin
nabuhay liwat; nawarâ, asin nakua. (Lc 15,32)
P AMIBI PAKA-COMUNION: O Dios, liniliwanagan mo an gabos na tawong nag-

aabot digdi sa kinaban, namimibi kami, liwanagi an samong puso kan banaag
nin saimong gracia, tanganing mahimo ming danay na masabotan an maninigo asin
nakakaranga mong kadakulaan, asin tunay na mamoot saimo. Huli ki Cristo samong
Kagurangnan. Amen.
SOLEMNENG BENDICION
V Kagurangnan, bantayi an mga namimibi saimo, anduyogi an mga maluya, asin
huli kan liwanag mo, danay mong buhayon an mga naglalakaw sa diklom nin mga
magagadanon, asin an mga naherakan mong agawon sa gabos na karatan, tugoteng
makaabot sa orog kahalangkaw na karahayan. Huli ki Cristo samong Kagurangnan.
R Amen.
R Amen.
25
Misal na Bikol | Taon C IKALIMANG DOMINGO NIN CUARESMA
IKALIMANG DOMINGO NIN CUARESMA

Abril 3, 2022
Katalingkasan hale sa kapatawaran . Sa Domingong ini, pinapadagos niato an paghohorop-horop
manonongod sa pagkaherak nin Dios asin pangapodan na makipag-olian Saiya. An mga
babasahon ngonian nagtataong duon na an pusong habô magpatawad asin mag-ako man
nin kapatawaran, nabubuhay bilang oripon nin kasalan. Inaapodan kita sa Misang ini na
hinanyogon an mahamis na mga tataramon nin Dios na minaagda sa satuya na lingawan an
lumang buhay na tumang sa Saiya. Sinasadol kita na dai matakot na akoon an Saiyang dolot
na katalingkasan na pinagkanigo satuya kan Saiyang aking si Jesu-Cristo. An pagkamoot
ni Jesus iyo an minabulong kan mga lugad nin pagkabaranga asin an nagigin burabod nin
kaomayan asin katoninongan.
ANTIFONA SA PAGLAOG: Hukomi ako, O Dios asin suroga ako laban sa nacion na bakong
matanos; agawa ako sa tawong madaya asin manloloko, ta ika an sakong Dios asin kusog. (Cf.S 42,1-2)
C OLECTA: Kagurangnan samuyang Dios, namimibi kami, na, sa tabang mo, kaming
masigkat na naglalakaw, makaabot man sa pagkamoot, na huli kaiyan an Aki
mong namomoot sa kinaban nagdusay kan sadiri sa kagadanan. Huli ki Jesu Cristong
Kagurangnan niamo, saimong Aki, na kaiba mong nabubuhay asin naghahade, kasarô
kan Espiritu Santo, Dios, sa gabos na kapanahonan kan mga panahon. Amen.
E NOT NA BABASAHON
Isaias 43: 16-21
Sa paghihingowa niato na magin marhay, namamatean niato na kita kadakul na mga kaluyahan. An
satong mga pagkukulang asin mga naginibong pagkakasala nakakapaluya kan satong mga boot. Sa
Enot na Babasahon, pinapakusog nin Kagurangnan an satong boot na patawadon an satong sadiri
siring kan Saiyang pagpapatawad sa satuya. Ini nagtatao nin katalingkasan asin kaginhawaan sa
satuyang buhay.
Pagbasa sa Libro ni Profeta Isaias
S
iring kaini an sinabi nin Kagurangnan na naggibo nin dalan sa dagat: aagihan nin
masulogon na mga tubig, carruaje asin kalayo ibinugtak niya sa daga, asin man
mapangyaring hukbo na napukan asin dai na mabangon giraray: napara, naparong
siring sa mitsa. An nakaagi dai na kaipohan na giromdomon; an ginibo kaidto dai na
kaipohan na pag-isipon. Uya, bagong bagay an sakuyang ginigibo. Ngonian minapahiling
dai nindo nahihiling? Totoo, ako magibo nin dalan sa kadlagan, mga tinampo sa lantad,
mga mabangis na hayop, mga ganid na ayam asin mga gamgam magalang sako, huli
ta ako matao nin tubig sa kadaklan (mga salog sa lantad). Papa-inomon ko an sakong
piniling banwaan. An banwaan na ginibo para sako mag-oomaw sa sako.
26
IKALIMANG DOMINGO NIN CUARESMA Misal na Bikol | Taon C
S ALMO RESPONSORIO
Salmo 126:1-2.2-3.4-5.6
Dakulang bagay ginibo sato nin Kagurangnan pano kita nin kaogmahan.
1. Kan an Sion ilinigtas nin Kagurangnan, may mga ilinigtas hale sa kaoripnan, garo sarong
pangaturogan. May mga ngisi sa satong mga ngoso, may mga awit sa satong mga dila. (S)
2. Mga pagano nagsabi: “Anong mga ngangalasan an ginibo nin Kagurangnan para sainda?”
Mga ngangalasan ginibo sato nin Kagurangnan! Kita tunay na pano nin kaogmahan. (S)
3. Kagurangnan, ligtasan kami sa kaoripnan, siring sa mga burabod sa aláng na daga. An
mga minasabwag sa luha, maawit mantang minaani sa ogma. (S)
4. Sinda maluwas pano nin mga luha, dara an banhi na isasabwag; sinda mabalik pano nin
mga awit. Dara an saindang mga upong. (S)
Filipos 3: 8-14
Si San Pablo, dati sarong fariseo, masinunud-sunod sa Tugon ni Moises asin dahil kaini saiyang
pinasakitan an Simbahan ni Cristo na sa saiyang paghona dati, minabalgar sa katanosan kan mga
Judío. Alagad sa saiyang surat sa mga taga-Filipos, siya nagin buhay na saksi kun pano binago an
saiyang puso ni Cristo. Binayaan niya an gabos para sa Kagurangnan, pati an saiyang mga kaluyahan
asin lumang buhay, liningawan niya huli ta an pagtubod ki Cristo iyo na an pinakaorog sa saiyang
buhay. Siya minataong inspirasyon sa lambang Cristiano na nadidisganar kan saindang mga kaluyahan
asin kasâlan.
Pagbasa sa Surat ni San Pablo sa mga taga-Filipos
M
ga tugang, an gabos na bagay pinaghohona kong daing pakinabang, tangani sanang
mamidbid ko si Cristo Jesus na sakuyang Kagurangnan, huli saiya sakuyang inaako
na daing pakilaban an gabos na bagay asin sakuya man na ibinibilang na basura an
gabos na bagay tangani sanang makamtan ki Cristo, asin ako mapasaiya. Dai ko na hinahanap
an katanosan sa bagsik kan sakuyang sadiring paghingowa, katanosan na gikan sa Tugon. An
sakong katanosan gikan sa pagtubod ki Cristo, katanosan na gikan sa Dios asin minasarig sa
pagtubod. Dai akong ibang minamawot kundi na mamidbid ko si Cristo asin an bagsik kan
saiyang pagkabuhay-liwat; siring man boot kong mapasakuya an saiyang mga tinios tanganing
makaarog ako sa saiyang kagadanan. Sa siring na paagi linalaom ko na - sakuyang makamtan
an pagkabuhay-liwat sa mga gadan. Bako ta nakamtan ko na an katanosan, o naabot ko na:
ako nagdadalagan pa tanganing sakuyang masadirihan an premio, siring na ako nasadirihan
ni Cristo Jesus. Mga tugang, ako dai naghohona na naabot ko na an kataposan: an masasabi
ko iyo na linilingawan ko an nakaagi asin hinihingowa kong makamtan an maabot: ako
nagdadalagan pasiring sa kataposan tanganing makamtan ko an premio na pinag-apodan
sako nin Dios; búhay sa itaas ki Cristo Jesus.

27
VERSO: Habo ko na an parakasala magadan, olay nin Kagurangnan,

kundi mabuhay, bumalik sako asin mabuhay. (Ezekiel 33:11)
E
V
VANGELIO
Juan 8:1-11
V +Pagbasa kan Evangelio na sinurat ni SAN JUAN.

S i Jesus nagduman sa Bukid nin mga Olivo. Pagkaagang amay si Jesus nagpasiring
giraray sa templo. Yaon duman an bilog na banwaan. Nagtukaw siya asin nagtukdo.
An mga escribas asin fariseos nagdara nin sarong babae na nadakop na nakikidurog
sa bakong agom: ibinugtak sa tahaw; dangan naghapot ki Jesus: “Maestro, an babaeng ini
nadakop na nakikidurog sa bakong agom. An tugon ni Moises nagboboot na ini gapoon. Ano an
masasabi mo?” Ini hinapot ninda sa pagtukso saiya. Si Jesus duminuko asin nagpoon pagguhit
kan saiyang muro sa daga. Giraray naghapot sinda saiya. Si Jesus nagtanos asin nagsabi:
“An siisay man saindo na daing kasâlan iyo an enot na gumapo saiya.” Giraray duminuko
si Jesus asin padagos an pagsurat sa daga. Pagkadangog kaini saro-saro na nagharale, poon
sa pinakagurang. Siya sana an nawalat asin an babae na nasa atubang niya. Nagtanos asin
naghapot sa babae, “Babae, haen na sinda? Dai nin naghatol saimo?” Nagsimbag an babae,
“Mayo, Kagurangnan.” Si Jesus nagsabi: “Dai ta ka man hahatolan. Magpuli ka na, asin dai
ka na magkasala liwat.”
PAMIBI NIN BANWAAN

P Mga tugang, mantang an panahon nin Pasko nagdadangadang, mamibi kita sa
Kagurangnan, na kitang mga binonyagan asin an bilog na kinaban makahiras lugod
sa buhay na dara ni Cristo para sa sato huli kan saiyang pagsakit, pagkagadan asin
pagkabuhay-liwat:
Kagurangnan, hinanyoga an samuyang pamibi.
1. Tanganing an mga bobonyagan ngonian na Pasko magtalubo sa pagtubod asin pagkasabot,

ipamibi ta sa Kagurangnan.
2. Tanganing an mga napapabayaan matawan kan mga biyaya nin katoninongan asin
pagkamugtak nin boot, ipamibi ta sa Kagurangnan.
28
IKALIMANG DOMINGO NIN CUARESMA Misal na Bikol | Taon C
3. Tanganing an gabos na tinutukso mapakusog kan gracia nin mahal na Dios, ipamibi ta sa
Kagurangnan.
4. Tanganing kita gabos makanuod na lingawan an satuyang sadiring kagustohan asin

makihiras sa satuyang kapwa sa pagkamoot, ipamibi ta sa Kagurangnan.
P Ama, maherak ka sa saimong Simbahan sa saiyang pangangaipo. Hinanyoga an

mga pamibi na idinudulot mi sa bilog ming puso,asin hare pabayae an banwaan na
nakikihiras sa saimong pagkabuhay. Ini hinahagad mi huli ki Cristo na samuyang
Kagurangnan. Amen.
P AMIBI SA MGA DOLOT: O Dios na makakamhan, himatea kami asin an saimong

mga nasasangkoban, na tinokdoan sa pakasabot kan Cristianong pagtubod, magtugot
ka, na sinda malinigan huli kaining sacrificio. Huli ki Cristo samong Kagurangnan. Amen.
P REFACIO I CUARESMA
An Espiritual na Kahulugan kan Cuaresma.

Huli ta ikinaugay mo sa mga nagtutubod saimo, na, nalinigan an mga isip, taon-taon
maogmang maglaom sa mga sacramento pascual, tanganing sa pag-utob kan mga
gaweng kabanalan asin gibong pagkamoot, sa dayaday na pagcelebrar kan mga misterio
na ikinamundag ninda liwat, madara sinda sa kapanoan kan gracia nin mga aki.
Kaya kaiba kan mga Angeles asin Arcangeles, kaiba kan mga Tronos asin Dominaciones,
asin kaiba kan gabos na langitnon na hukbo, nag-aawit kami kan himno kan saimong
kamurawayan, daing tapos na nagsasabi: (Banal, Banal, Banal...)
ANTIFONA SA COMUNION: Mayong naghatol nin salà saimo, babae? Mayo, Kagurangnan. Ako
man dai mahatol nin salà saimo: poon ngonian dai ka na magkasalà. (Jn 8,10-11)
P AMIBI PAKA-COMUNION: O Dios na makakamhan, namimibi kami, na

danay kaming mabilang sa mga kasapì ni Cristo, na an Hawak asin Dugo samong
pinakinabangan. Siya na nabubuhay asin naghahade sa kapanahonan kan mga panahon.
Amen.
29
SOLEMNENG BENDICION
V Kagurangnan, bendicioni an saimong banwaan, na naghahalat sa balaog kan saimong
pagkaherak, asin warasan, na an saindang mawoton huli kan saimong pasabong,
saindang akoon huli kan saimong kagausan. Huli ki Cristo samong Kagurangnan.
R Amen.
R Amen.
30
ORATIO IMPERATA PARA SA
PROTEKSION LABAN SA COVID-19
(Enero 2022)
Amang maheherakon asin maugayon, minakumpisal kami kan samong mga kasalan asin
mapakumbabang minarani Saimo sa paghanap nin kapatawaran asin buhay.
Sa samuyang pangangaipo, minadulok kami Saimo tanganing hagadon an saimong
proteksion laban sa COVID-19 bayrus na nagpurisaw asin nagbawi nin kadakul na buhay.
Hagad mi Saimo ngonian, lilingya kami nin pagkamoot asin huli kan nakakaumay mong
kamot halea samo an takot sa helang asin kagadanan, bilogon an samong paglaom asin
pakusogon an samong pagtubod.
Namimibi kami na saimong giyahan an mga tawong pinagkatiwalaan na maghanap nin
bolong sa helang asin mapondo an pag ulakit kaini.
Bendisyoni an samuyang mga paghingowa na gamiton an mga nahimong bolong na
matapos na an pandemia sa samong banwaan.
Ipinapamibi niamo an mga nag-aataman sa samuyang salud na lugod pa man maglingkod
sa mga naghehelang na may mahusay na kaaraman asin pagkaherak. Tawan sainda an
maliksing pag isip asin hawak, kusog sa saindang sinumpaan asin proteksion sa kahelangan.
Ipinapamibi niamo an gabos na nagsasakit na marahay man tulos. Suroga an mga nag
aataman sainda. Tawi nin kapahingaloan na daing kasagkoran an gabos na nagadan asin
rangaha an gabos na nagmumundo.
Warasan samuya an gracia sa panahon na ini nin kadipisilan na maghingowa para sa
karayahan kan gabos asin siring man magtabang sa mga nasa katikapohan.
Malampsan mi man lugod ining krisis huli kan samuyang pagmakulog asin pakisumaro sa
lambang saro asin magdara ini samo sa kumbersion asin kabanalan.
Ini gabos hinahagad niamo huli ki Jesu Cristo saimong Aki na nabubuhay asin naghahade
kaiba Mo asin kan Espiritu Santo, Dios sa kapanahonan kan mga panahon. Amen.
Minapaalaw kami sa saimong pagsurog O banal na Ina nin Dios, Hare pagpabayae
an samuyang mga kahagadan asin mga pangangaipo alagad agawa kami sa gabos na
kapahamakan, O mamurawayon asin banal na Birhen. Amen.
Santa Maria, kaomayan nin mga naghehelang, ipamibi mo kami.

San Jose, ipamibi mo kami.
San Rafael Arcangel, ipamibi mo kami.
San Roque, ipamibi mo kami.
San Lorenzo Ruiz, ipamibi mo kami.
San Pedro Calungsod, ipamibi mo kami
31
Sinodo
20 21
20 23
S im b a h a n n a n a k i k i l a k b a y
n a ki kis u m a r ô | n a k i k ih ir a s | n a k i k im is y on
PAMIBI PARA SA SARARONG PAGBAKLAY

KAN SATONG SIMBAHAN NA LOKAL
U
ya kami sa atubang Mo, Espiritu Santo, nagkakatiripon sa ngaran Mo. Mapamugtak ka
lugod sa samuyang mga puso, Ika na solong magiya samo; Tukdoan samo an dalan na
dapat ming agihan asin kun pano niamo iyan masundan.
Kami mga maluya asin makasalan; hari pagtugote na kami mag-gibo nin ano man na bakong
tama. Hari pagtugot na an kakulangan sa pakasabot magdara samo sa salang dalan o maka
influencia sa samo sa mga salang gibo.
Gikan Saimo, mapa samo lugod an pagkaburunyog tanganing sararo kaming magbaklay
pasiring sa buhay na daing kasagkuran asin dai marayo sa dalan nin katutoohan asin kun ano
an tama.
Gabos ini hinahagad mi Saimo na nagtratrabaho sa lambang lugar asin panahon, kasaro kan
Ama asin kan Aki, sa kapanahonan kan mga panahon. Amen.
32
33
34

Misal Na Bikol Cuaresma FINAL

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Misal Na Bikol Cuaresma FINAL

Uploaded by

Copyright:

Available Formats

AN PASUNUD-SUNOD KAN MISA Misal na Bikol | Tapm C

Miercoles de Ceniza asin Domingo I-V

VIA MARIA PRESS AND PUBLISHING HOUSE

An Pasunod-Sunod kan Misa i

Enot na Domingo nin Cuaresma 6

Ikaduwang Domingo nin Cuaresma 11

Ikatolong Domingo nin Cuaresma 16

Ikaapat na Domingo nin Cuaresma 21

Ikalimang Domingo nin Cuaresma 27

Oratio Imperata para sa Proteksyon laban sa COVID-19 31

Pamibi sa Sararong Pagbaklay kan Lokal na Simbahan 32

An gracia ni Jesu Cristong Kagurangnan ta, an pagkamoot kan Dios, asin an

Mga tugang, akoon ta an satong mga kasâlan, tanganing magkanigo kitang

Nagkukumpisal ako sa Dios na makakamhan, asin saindo, mga tugang, ta nagkasala

Mga tugang, akoon ta an satong mga kasâlan, tanganing magkanigo kitang

magcelebrar kan mga banal na misterio.

P: Kagurangnan, maherak ka. S: Kagurangnan, maherak ka.

Kamurawayan sa Dios sa kaitaasan asin sa daga katoninongan sa mga tawong marahay

LITURGIA KAN TATARAMON

An Kagurangnan mapasa-puso mo asin ngimot, tanganing maninigo asin mahusay

LITURGIA KAN EUCARISTIA

Kagurangnan, ika nanggad an Banal, burabod nin gabos na kabanalan.

Kan siya, sa rogaring niyang boot pinasaluiban sagkod sa Pasion,

MAG-AKO KAMO GABOS ASIN MAGKAKAN KAINI: TA INI AN SAKUYANG HAWAK,

Siring man, pakapamanggi,

Misterio kan pagtubod.

ipinapamareta niamo, sagkod na ika magdatong.

Kaya kami nagroromdom kan saiyang pagkagadan asin pagkabuhay-liwat,

Giromdoma, Kagurangnan, an saimong Simbahan na nakalakop sa bilog na kinaban,

Siring man giromdoma sa saimong pagkaherak, an samong mga tugang na nagturog

huli sa Aki mong si Jesu Cristo.

PAMIBI SA EUCARISTIA III

sa saiyang pagboot sine-celebrar mi ining mga misterio.

Ta kan banggi na siya pinasaluiban,

Siring man, pakapamanggi,

Misterio kan pagtubod.

Asin an banwaan minapadagos, nagrorokyaw:

V. An Kagurangnan mapa-saindo. R. Asin sa saimong espiritu.

Totoong maninigo na magpasalamat saimo, dapat nanggad na pamurawayon

kagadanan asin sa pagbangon hale sa mga gadan, rinompag niya an kagadanan,

sa pagcelebrar kaining dakulang misterio na saiya man sanang iwinalat samo na

Misterio kan pagtubod.

Kaya, Kagurangnan, mantang kami nagcecelebrar ngonian kan memorial kan

na huli saiya winawaras mo an gabos na karahayan sa kinaban.

Ama niamo, na yaon sa langit: pabanalon an ngaran mo; magdatong an kahadean

Agawa kami sa gabos na maraot, namimibi kami Kagurangnan; warasan sa mga

Huli ta saimo an kahadean, asin an kapangyarihan, siring man an kamurawayan

Jesu Cristong Kagurangnan, ika na nagsabi sa saimong mga Apostoles: Katoninongan

Ika na nabubuhay asin naghahade sa kapanahonan kan mga panahon.

An katoninongan kan Kagurangnan danay na mapa-saindo.

Magpatinaraohan kamo nin katoninongan.

Asin magálang na nag-iinom kan Dugo ni Cristo

An inako kan samong ngoso, Kagurangnan, mapakinabangan man lugod niamo sa

Lakaw kamo sa katoninongan ni Cristo.

ANTIFONA SA PAGLAOG: Naheherak ka sa gabos, Kagurangnan, asin mayo kang kina-ongis sa

Pagbasa hale sa Libro ni Profeta Joel

Tataramon kan Kagurangnan.

Maherak ka, Kagurangnan, ta kami nagkasala.

2. Midbid kong gayo an sakong kasombikalan; an sakuyang kasalan danay na uya sa

Pagbasa hale sa Ikaduwang Surat ni San Pablo sa mga taga-Corinto

Tataramon kan Kagurangnan.

PAGROKYAW: Kun ngonian madangog nindo an saiyang tingog,

V +Pagbasa kan Evangelio na sinurat ni SAN MATEO.